| Library / Tipiṭaka / တိပိဋက • Tipiṭaka / ကင္ခာဝိတရဏီ-ပုရာဏ-ဋီကာ • Kaṅkhāvitaraṇī-purāṇa-ṭīkā |
၃. ဒ္ဝေဘာဂသိက္ခာပဒဝဏ္ဏနာ
3. Dvebhāgasikkhāpadavaṇṇanā
‘‘တုလယိတ္ဝာ’’တိ ဝစနတော ယထာ တုလာဓာရဏာယ ကာဠကာဓိကာ န ဟောန္တိ, တထာ ကာဠကာနံ ဒ္ဝေ ဘာဂာ ဂဟေတဗ္ဗာ ဥက္ကဋ္ဌပရိစ္ဆေဒေန။ ‘‘ဧကသ္သာပိ ကာဠကလောမသ္သ အတိရေကဘာဝေ နိသ္သဂ္ဂိယန္တိ ဝစနံ တုလာဓာရဏာယ ကိဉ္စာပိ န သမေတိ, အစိတ္တကတ္တာ ပန သိက္ခာပဒသ္သ ပုဗ္ဗေ တုလာယ ဓာရယိတ္ဝာ ဌပိတေသု ဧကမ္ပိ လောမံ တတ္ထ ပတေယ္ယ, နိသ္သဂ္ဂိယန္တိ အယမဓိပ္ပာယောတိ နော တက္ကော’’တိ အာစရိယော။ ဝုတ္တပရိစ္ဆေဒေန အဂ္ဂဟဏံ အကိရိယာ, သန္ထတကရဏံ ကိရိယာ။
‘‘Tulayitvā’’ti vacanato yathā tulādhāraṇāya kāḷakādhikā na honti, tathā kāḷakānaṃ dve bhāgā gahetabbā ukkaṭṭhaparicchedena. ‘‘Ekassāpi kāḷakalomassa atirekabhāve nissaggiyanti vacanaṃ tulādhāraṇāya kiñcāpi na sameti, acittakattā pana sikkhāpadassa pubbe tulāya dhārayitvā ṭhapitesu ekampi lomaṃ tattha pateyya, nissaggiyanti ayamadhippāyoti no takko’’ti ācariyo. Vuttaparicchedena aggahaṇaṃ akiriyā, santhatakaraṇaṃ kiriyā.
ဒ္ဝေဘာဂသိက္ခာပဒဝဏ္ဏနာ နိဋ္ဌိတာ။
Dvebhāgasikkhāpadavaṇṇanā niṭṭhitā.
