| Library / Tipiṭaka / ਤਿਪਿਟਕ • Tipiṭaka / વਜਿਰਬੁਦ੍ਧਿ-ਟੀਕਾ • Vajirabuddhi-ṭīkā |
੩. ਦ੍વੇਭਾਗਸਿਕ੍ਖਾਪਦવਣ੍ਣਨਾ
3. Dvebhāgasikkhāpadavaṇṇanā
੫੫੨. ‘‘ਧਾਰਯਿਤ੍વਾ ਦ੍વੇ ਤੁਲਾ ਆਦਾਤਬ੍ਬਾ’’ਤਿ વਚਨਤੋ ਯਥਾ ਤੁਲਾਧਾਰਣਾਯ ਕਾਲ਼ਕਾ ਅਧਿਕਾ ਨ ਹੋਨ੍ਤਿ, ਤਥਾ ਕਾਲ਼ਕਾਨਂ ਦ੍વੇ ਭਾવਾ ਗਹੇਤਬ੍ਬਾ ਉਕ੍ਕਟ੍ਠਪਰਿਚ੍ਛੇਦੇਨ। ਕਥਂ ਪਞ੍ਞਾਯਤੀਤਿ? ਸੁਦ੍ਧਕਾਲ਼ਕਪਟਿਸੇਧਨਨਿਦਾਨੇਨ। ਤਤਿਯਂ ਓਦਾਤਾਨਂ ਚਤੁਤ੍ਥਂ ਗੋਚਰਿਯਾਨਨ੍ਤਿ ਹੇਟ੍ਠਿਮਪਰਿਚ੍ਛੇਦੋ। ਮਾਤਿਕਾਟ੍ਠਕਥਾਯਂ ਪਨ ‘‘ਏਕਸ੍ਸਪਿ ਕਾਲ਼ਕਲੋਮਸ੍ਸ ਅਤਿਰੇਕਭਾવੇ ਨਿਸ੍ਸਗ੍ਗਿਯ’’ਨ੍ਤਿ (ਕਙ੍ਖਾ॰ ਅਟ੍ਠ॰ ਦ੍વੇਭਾਗਸਿਕ੍ਖਾਪਦવਣ੍ਣਨਾ) વੁਤ੍ਤਂ, ਤਂ ਤੁਲਾਧਾਰਣਾਯ ਕਿਞ੍ਚਾਪਿ ਨ ਸਮੇਤਿ, ਅਚਿਤ੍ਤਕਤ੍ਤਾ ਪਨ ਸਿਕ੍ਖਾਪਦਸ੍ਸ ਪੁਬ੍ਬੇ ਤੁਲਾਯ ਧਾਰਯਿਤ੍વਾ ਠਪਿਤੇਸੁ ਏਕਮ੍ਪਿ ਲੋਮਂ ਤਤ੍ਥ ਪਤੇਯ੍ਯ ਨਿਸ੍ਸਗ੍ਗਿਯਨ੍ਤਿ ਅਧਿਪ੍ਪਾਯੋਤਿ ਨੋ ਤਕ੍ਕੋ। ਅਞ੍ਞਥਾ ਦ੍વੇ ਤੁਲਾ ਨਾਦਾਤਬ੍ਬਾ, ਊਨਕਤਰਾ ਆਦਾਤਬ੍ਬਾ ਸਿਯੁਂ। ਨ ਹਿ ਲੋਮਂ ਗਣੇਤ੍વਾ ਤੁਲਾਧਾਰਣਾ ਕਰੀਯਤਿ। ਅਥ ਗਣੇਤ੍વਾવ ਕਾਤਬ੍ਬਂ। ਕਿਂ ਤੁਲਾਧਾਰਣਾਯ ਪਯੋਜਨਨ੍ਤਿ ਕੇਚਿ। ‘‘ਗੋਚਰਿਯਓਦਾਤੇਸੁ ਏਕਮੇવ ਦਿਗੁਣਂ ਕਤ੍વਾ ਗਹੇਤੁਂ વਟ੍ਟਤੀ’’ਤਿ વਦਨ੍ਤਿ, ਅਟ੍ਠਕਥਾਯਂ ਅવਿਚਾਰਿਤਤ੍ਤਾ વੀਮਂਸਿਤਬ੍ਬਂ।
552. ‘‘Dhārayitvā dve tulā ādātabbā’’ti vacanato yathā tulādhāraṇāya kāḷakā adhikā na honti, tathā kāḷakānaṃ dve bhāvā gahetabbā ukkaṭṭhaparicchedena. Kathaṃ paññāyatīti? Suddhakāḷakapaṭisedhananidānena. Tatiyaṃ odātānaṃ catutthaṃ gocariyānanti heṭṭhimaparicchedo. Mātikāṭṭhakathāyaṃ pana ‘‘ekassapi kāḷakalomassa atirekabhāve nissaggiya’’nti (kaṅkhā. aṭṭha. dvebhāgasikkhāpadavaṇṇanā) vuttaṃ, taṃ tulādhāraṇāya kiñcāpi na sameti, acittakattā pana sikkhāpadassa pubbe tulāya dhārayitvā ṭhapitesu ekampi lomaṃ tattha pateyya nissaggiyanti adhippāyoti no takko. Aññathā dve tulā nādātabbā, ūnakatarā ādātabbā siyuṃ. Na hi lomaṃ gaṇetvā tulādhāraṇā karīyati. Atha gaṇetvāva kātabbaṃ. Kiṃ tulādhāraṇāya payojananti keci. ‘‘Gocariyaodātesu ekameva diguṇaṃ katvā gahetuṃ vaṭṭatī’’ti vadanti, aṭṭhakathāyaṃ avicāritattā vīmaṃsitabbaṃ.
ਦ੍વੇਭਾਗਸਿਕ੍ਖਾਪਦવਣ੍ਣਨਾ ਨਿਟ੍ਠਿਤਾ।
Dvebhāgasikkhāpadavaṇṇanā niṭṭhitā.
Related texts:
ਤਿਪਿਟਕ (ਮੂਲ) • Tipiṭaka (Mūla) / વਿਨਯਪਿਟਕ • Vinayapiṭaka / ਮਹਾવਿਭਙ੍ਗ • Mahāvibhaṅga / ੩. ਦ੍વੇਭਾਗਸਿਕ੍ਖਾਪਦਂ • 3. Dvebhāgasikkhāpadaṃ
ਅਟ੍ਠਕਥਾ • Aṭṭhakathā / વਿਨਯਪਿਟਕ (ਅਟ੍ਠਕਥਾ) • Vinayapiṭaka (aṭṭhakathā) / ਮਹਾવਿਭਙ੍ਗ-ਅਟ੍ਠਕਥਾ • Mahāvibhaṅga-aṭṭhakathā / ੩. ਦ੍વੇਭਾਗਸਿਕ੍ਖਾਪਦવਣ੍ਣਨਾ • 3. Dvebhāgasikkhāpadavaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਸਾਰਤ੍ਥਦੀਪਨੀ-ਟੀਕਾ • Sāratthadīpanī-ṭīkā / ੩. ਦ੍વੇਭਾਗਸਿਕ੍ਖਾਪਦવਣ੍ਣਨਾ • 3. Dvebhāgasikkhāpadavaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਿਮਤਿવਿਨੋਦਨੀ-ਟੀਕਾ • Vimativinodanī-ṭīkā / ੧. ਕੋਸਿਯਸਿਕ੍ਖਾਪਦવਣ੍ਣਨਾ • 1. Kosiyasikkhāpadavaṇṇanā
