| Library / Tipiṭaka / તિપિટક • Tipiṭaka / મહાવગ્ગપાળિ • Mahāvaggapāḷi |
૬૧. દ્વેઉપસમ્પદાપેક્ખાદિવત્થુ
61. Dveupasampadāpekkhādivatthu
૧૨૩. તેન ખો પન સમયેન આયસ્મતો મહાકસ્સપસ્સ દ્વે ઉપસમ્પદાપેક્ખા હોન્તિ. તે વિવદન્તિ – અહં પઠમં ઉપસમ્પજ્જિસ્સામિ, અહં પઠમં ઉપસમ્પજ્જિસ્સામીતિ. ભગવતો એતમત્થં આરોચેસું. અનુજાનામિ, ભિક્ખવે, દ્વે એકાનુસ્સાવને કાતુન્તિ.
123. Tena kho pana samayena āyasmato mahākassapassa dve upasampadāpekkhā honti. Te vivadanti – ahaṃ paṭhamaṃ upasampajjissāmi, ahaṃ paṭhamaṃ upasampajjissāmīti. Bhagavato etamatthaṃ ārocesuṃ. Anujānāmi, bhikkhave, dve ekānussāvane kātunti.
તેન ખો પન સમયેન સમ્બહુલાનં થેરાનં ઉપસમ્પદાપેક્ખા હોન્તિ. તે વિવદન્તિ – અહં પઠમં ઉપસમ્પજ્જિસ્સામિ, અહં પઠમં ઉપસમ્પજ્જિસ્સામીતિ. થેરા એવમાહંસુ – ‘‘હન્દ, મયં, આવુસો, સબ્બેવ એકાનુસ્સાવને કરોમા’’તિ. ભગવતો એતમત્થં આરોચેસું. અનુજાનામિ, ભિક્ખવે, દ્વે તયો એકાનુસ્સાવને કાતું, તઞ્ચ ખો એકેન ઉપજ્ઝાયેન, ન ત્વેવ નાનુપજ્ઝાયેનાતિ.
Tena kho pana samayena sambahulānaṃ therānaṃ upasampadāpekkhā honti. Te vivadanti – ahaṃ paṭhamaṃ upasampajjissāmi, ahaṃ paṭhamaṃ upasampajjissāmīti. Therā evamāhaṃsu – ‘‘handa, mayaṃ, āvuso, sabbeva ekānussāvane karomā’’ti. Bhagavato etamatthaṃ ārocesuṃ. Anujānāmi, bhikkhave, dve tayo ekānussāvane kātuṃ, tañca kho ekena upajjhāyena, na tveva nānupajjhāyenāti.
Related texts:
અટ્ઠકથા • Aṭṭhakathā / વિનયપિટક (અટ્ઠકથા) • Vinayapiṭaka (aṭṭhakathā) / મહાવગ્ગ-અટ્ઠકથા • Mahāvagga-aṭṭhakathā / ગમિકાદિનિસ્સયવત્થુકથા • Gamikādinissayavatthukathā
ટીકા • Tīkā / વિનયપિટક (ટીકા) • Vinayapiṭaka (ṭīkā) / સારત્થદીપની-ટીકા • Sāratthadīpanī-ṭīkā / દ્વેઉપસમ્પદાપેક્ખાદિવત્થુકથાવણ્ણના • Dveupasampadāpekkhādivatthukathāvaṇṇanā
ટીકા • Tīkā / વિનયપિટક (ટીકા) • Vinayapiṭaka (ṭīkā) / વજિરબુદ્ધિ-ટીકા • Vajirabuddhi-ṭīkā / ગમિકાદિનિસ્સયવત્થુકથાવણ્ણના • Gamikādinissayavatthukathāvaṇṇanā
ટીકા • Tīkā / વિનયપિટક (ટીકા) • Vinayapiṭaka (ṭīkā) / વિમતિવિનોદની-ટીકા • Vimativinodanī-ṭīkā / દ્વેઉપસમ્પદાપેક્ખાદિવત્થુકથાવણ્ણના • Dveupasampadāpekkhādivatthukathāvaṇṇanā
ટીકા • Tīkā / વિનયપિટક (ટીકા) • Vinayapiṭaka (ṭīkā) / પાચિત્યાદિયોજનાપાળિ • Pācityādiyojanāpāḷi / ૫૯. ગમિકાદિનિસ્સયવત્થુકથા • 59. Gamikādinissayavatthukathā
