| Library / Tipiṭaka / तिपिटक • Tipiṭaka / अपदानपाळि • Apadānapāḷi |
८. एकचम्पकपुप्फियत्थेरअपदानं
8. Ekacampakapupphiyattheraapadānaṃ
२७.
27.
‘‘उपसन्तो च सम्बुद्धो, वसती पब्बतन्तरे।
‘‘Upasanto ca sambuddho, vasatī pabbatantare;
एकचम्पकमादाय, उपगच्छिं नरुत्तमं॥
Ekacampakamādāya, upagacchiṃ naruttamaṃ.
२८.
28.
‘‘पसन्नचित्तो सुमनो, पच्चेकमुनिमुत्तमं।
‘‘Pasannacitto sumano, paccekamunimuttamaṃ;
उभोहत्थेहि पग्गय्ह, पूजयिं अपराजितं॥
Ubhohatthehi paggayha, pūjayiṃ aparājitaṃ.
२९.
29.
‘‘पञ्चसट्ठिम्हितो कप्पे, यं पुप्फमभिपूजयिं।
‘‘Pañcasaṭṭhimhito kappe, yaṃ pupphamabhipūjayiṃ;
दुग्गतिं नाभिजानामि, बुद्धपूजायिदं फलं॥
Duggatiṃ nābhijānāmi, buddhapūjāyidaṃ phalaṃ.
३०.
30.
‘‘पटिसम्भिदा चतस्सो…पे॰… कतं बुद्धस्स सासनं’’॥
‘‘Paṭisambhidā catasso…pe… kataṃ buddhassa sāsanaṃ’’.
इत्थं सुदं आयस्मा एकचम्पकपुप्फियो थेरो इमा गाथायो अभासित्थाति।
Itthaṃ sudaṃ āyasmā ekacampakapupphiyo thero imā gāthāyo abhāsitthāti.
एकचम्पकपुप्फियत्थेरस्सापदानं अट्ठमं।
Ekacampakapupphiyattherassāpadānaṃ aṭṭhamaṃ.
Related texts:
अट्ठकथा • Aṭṭhakathā / सुत्तपिटक (अट्ठकथा) • Suttapiṭaka (aṭṭhakathā) / खुद्दकनिकाय (अट्ठकथा) • Khuddakanikāya (aṭṭhakathā) / अपदान-अट्ठकथा • Apadāna-aṭṭhakathā / १-१०. तमालपुप्फियत्थेरअपदानादिवण्णना • 1-10. Tamālapupphiyattheraapadānādivaṇṇanā
