| Library / Tipiṭaka / д̇ибидага • Tipiṭaka / бан̃жабагаран̣а-адтагат̇аа • Pañcapakaraṇa-aṭṭhakathā |
7. згажжам̣ад̇т̇ийд̇игат̇аа
7. Ekaccaṃatthītikathā
1. ад̇ийд̇аад̣̇изгажжагат̇ааван̣н̣анаа
1. Atītādiekaccakathāvaṇṇanā
299. ид̣̇аани згажжам̣ ад̇т̇ийд̇и гат̇аа ход̇и. д̇ад̇т̇а яз ‘‘згажжам̣ ад̇ийд̇ам̣ ад̇т̇ий’’д̇и ман̃н̃анд̇и, сзяяат̇ааби гассабигаа; д̇зсам̣ лад̣̇д̇хибхинд̣̇анад̇т̇ам̣ ад̇ийд̇ам̣ ад̇т̇ийд̇и бужчаа сагаваад̣̇исса, згажжам̣ ад̇т̇ийд̇и виссаж̇ж̇анам̣ бараваад̣̇исса. аяан̃хи ад̇хиббааяо – авибаггавибаагам̣ ад̇т̇и, вибаггавибаагам̣ над̇т̇ийд̇и. згажжам̣ нируд̣̇д̇ханд̇и ануяог̇о сагаваад̣̇исса. д̇ассад̇т̇о – яад̣̇и д̇з ад̇ийд̇ам̣ згажжам̣ ад̇т̇и згажжам̣ над̇т̇и, звам̣ санд̇з згажжам̣ ад̇ийд̇ам̣ нируд̣̇д̇хам̣, згажжам̣ ад̇ийд̇ам̣ анируд̣̇д̇хам̣, д̇ат̇зва тид̇анд̇и аабаж̇ж̇ад̇и. виг̇ад̇анд̇иаад̣̇ийсуби зсзва наяо.
299. Idāni ekaccaṃ atthīti kathā hoti. Tattha ye ‘‘ekaccaṃ atītaṃ atthī’’ti maññanti, seyyathāpi kassapikā; tesaṃ laddhibhindanatthaṃ atītaṃ atthīti pucchā sakavādissa, ekaccaṃ atthīti vissajjanaṃ paravādissa. Ayañhi adhippāyo – avipakkavipākaṃ atthi, vipakkavipākaṃ natthīti. Ekaccaṃ niruddhanti anuyogo sakavādissa. Tassattho – yadi te atītaṃ ekaccaṃ atthi ekaccaṃ natthi, evaṃ sante ekaccaṃ atītaṃ niruddhaṃ, ekaccaṃ atītaṃ aniruddhaṃ, tatheva ṭhitanti āpajjati. Vigatantiādīsupi eseva nayo.
авибаггавибаагад̇хаммаа згажжзд̇и ид̣̇ам̣ яасмаа язсам̣ со авибаггавибаагаанам̣ ад̇т̇ид̇ам̣ ижчад̇и, д̇зби ад̇ийд̇ааязва. д̇асмаа яат̇аа д̇з ад̇ийд̇ам̣ згажжам̣ ад̇т̇и, гим̣ д̇ат̇аа авибаггавибаагааби д̇хаммаа згажжз ад̇т̇ий згажжз над̇т̇ийд̇и жод̣̇зд̇ум̣ вуд̇д̇ам̣. вибаггавибаагаад̇и ид̣̇ам̣ язсам̣ со над̇т̇ид̇ам̣ ижчад̇и, д̇зсам̣ васзна жод̣̇зд̇ум̣ вуд̇д̇ам̣. авибаагаад̇и ид̣̇ам̣ аб̣яаагад̇аанам̣ васзна жод̣̇зд̇ум̣ вуд̇д̇ам̣. ид̇и имзсам̣ д̇ин̣н̣ам̣ раасийнам̣ васзна саб̣б̣зсу ануломабадиломзсу бадин̃н̃аа жа бадигкзбо жа взд̣̇ид̇аб̣б̣аа. ад̇ийд̇аа згад̣̇зсам̣ вибаггавибаагаа, згад̣̇зсам̣ авибаггавибаагаад̇и виббагад̇авибаагаа вужжанд̇и. язна хи гаммзна бадисанд̇хи ниб̣б̣ад̇д̇ид̇аа, бхаван̇г̇амби жуд̇иби д̇ассзва вибааго. д̇асмаа бадисанд̇хид̇о яаава жуд̇и, д̇аава д̇ам̣ виббагад̇авибаагам̣ наама ход̇и. д̇ат̇ааруубз д̇хаммз санд̇хааязд̇ам̣ вуд̇д̇ам̣.
Avipakkavipākadhammā ekacceti idaṃ yasmā yesaṃ so avipakkavipākānaṃ atthitaṃ icchati, tepi atītāyeva. Tasmā yathā te atītaṃ ekaccaṃ atthi, kiṃ tathā avipakkavipākāpi dhammā ekacce atthī ekacce natthīti codetuṃ vuttaṃ. Vipakkavipākāti idaṃ yesaṃ so natthitaṃ icchati, tesaṃ vasena codetuṃ vuttaṃ. Avipākāti idaṃ abyākatānaṃ vasena codetuṃ vuttaṃ. Iti imesaṃ tiṇṇaṃ rāsīnaṃ vasena sabbesu anulomapaṭilomesu paṭiññā ca paṭikkhepo ca veditabbā. Atītā ekadesaṃ vipakkavipākā, ekadesaṃ avipakkavipākāti vippakatavipākā vuccanti. Yena hi kammena paṭisandhi nibbattitā, bhavaṅgampi cutipi tasseva vipāko. Tasmā paṭisandhito yāva cuti, tāva taṃ vippakatavipākaṃ nāma hoti. Tathārūpe dhamme sandhāyetaṃ vuttaṃ.
вибажжиссанд̇ийд̇и гад̇ваа д̇з ад̇т̇ийд̇и бужчаа сагаваад̣̇исса. яат̇аа д̇хаммад̇харасса буг̇г̇аласса нид̣̇д̣̇ааяанд̇ассааби б̣ахубавад̇д̇ино д̇хаммаа ад̇т̇ийд̇и вужжанд̇и, звам̣ логавохааравасзна ад̇т̇ид̇ам̣ санд̇хааяа бадин̃н̃аа бараваад̣̇исса. вибажжиссанд̇ийд̇и гад̇ваа бажжубаннаад̇и д̣̇уд̇ияабан̃хз ‘‘гаммаанам̣ авинаасасан̇каад̇о гаммуубажаяо наамзго ад̇т̇ий’’д̇и лад̣̇д̇хияам̣ тад̇ваа бадин̃н̃аа бараваад̣̇исса.
Vipaccissantīti katvā te atthīti pucchā sakavādissa. Yathā dhammadharassa puggalassa niddāyantassāpi bahupavattino dhammā atthīti vuccanti, evaṃ lokavohāravasena atthitaṃ sandhāya paṭiññā paravādissa. Vipaccissantīti katvā paccupannāti dutiyapañhe ‘‘kammānaṃ avināsasaṅkhāto kammūpacayo nāmeko atthī’’ti laddhiyaṃ ṭhatvā paṭiññā paravādissa.
2. анааг̇ад̇аад̣̇изгажжагат̇ааван̣н̣анаа
2. Anāgatādiekaccakathāvaṇṇanā
300. анааг̇ад̇ам̣ ад̇т̇ийд̇иаад̣̇ийсуби згажжам̣ ад̇т̇ийд̇и уббаад̣̇ино д̇хаммз санд̇хааяа вад̣̇ад̇и. сзсам̣ саб̣б̣ад̇т̇а хздтаа вуд̇д̇анаяад̇д̇аа уд̇д̇аанад̇т̇амзваад̇и.
300. Anāgataṃatthītiādīsupi ekaccaṃ atthīti uppādino dhamme sandhāya vadati. Sesaṃ sabbattha heṭṭhā vuttanayattā uttānatthamevāti.
згажжам̣ад̇т̇ийд̇игат̇ааван̣н̣анаа.
Ekaccaṃatthītikathāvaṇṇanā.
Related texts:
д̇ибидага (муула) • Tipiṭaka (Mūla) / абхид̇хаммабидага • Abhidhammapiṭaka / гат̇аавад̇т̇убаал̣и • Kathāvatthupāḷi / 7. згажжам̣ ад̇т̇ийд̇игат̇аа • 7. Ekaccaṃ atthītikathā
дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / бан̃жабагаран̣а-мууладийгаа • Pañcapakaraṇa-mūlaṭīkā / 7. згажжам̣ад̇т̇ийд̇игат̇аа • 7. Ekaccaṃatthītikathā
дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / бан̃жабагаран̣а-анудийгаа • Pañcapakaraṇa-anuṭīkā / 7. згажжам̣ад̇т̇ийд̇игат̇аа • 7. Ekaccaṃatthītikathā
