| Library / Tipiṭaka / तिपिटक • Tipiṭaka / अपदानपाळि • Apadānapāḷi |
७. एकचिन्तिकत्थेरअपदानं
7. Ekacintikattheraapadānaṃ
३४.
34.
तयो सद्दा निच्छरन्ति, देवानं अनुमोदतं॥
Tayo saddā niccharanti, devānaṃ anumodataṃ.
३५.
35.
‘इतो भो सुगतिं गच्छ, मनुस्सानं सहब्यतं।
‘Ito bho sugatiṃ gaccha, manussānaṃ sahabyataṃ;
मनुस्सभूतो सद्धम्मे, लभ सद्धं अनुत्तरं॥
Manussabhūto saddhamme, labha saddhaṃ anuttaraṃ.
३६.
36.
‘‘‘सा ते सद्धा निविट्ठास्स, मूलजाता पतिट्ठिता।
‘‘‘Sā te saddhā niviṭṭhāssa, mūlajātā patiṭṭhitā;
यावजीवं असंहीरा, सद्धम्मे सुप्पवेदिते॥
Yāvajīvaṃ asaṃhīrā, saddhamme suppavedite.
३७.
37.
‘‘‘कायेन कुसलं कत्वा, वाचाय कुसलं बहुं।
‘‘‘Kāyena kusalaṃ katvā, vācāya kusalaṃ bahuṃ;
३८.
38.
‘‘‘ततो ओपधिकं पुञ्ञं, कत्वा दानेन तं बहुं।
‘‘‘Tato opadhikaṃ puññaṃ, katvā dānena taṃ bahuṃ;
अञ्ञेपि मच्चे सद्धम्मे, ब्रह्मचरिये निवेसय’॥
Aññepi macce saddhamme, brahmacariye nivesaya’.
३९.
39.
‘‘इमाय अनुकम्पाय, देवा देवं यदा विदू।
‘‘Imāya anukampāya, devā devaṃ yadā vidū;
४०.
40.
कंसु नाम अहं योनिं, गमिस्सामि इतो चुतो॥
Kaṃsu nāma ahaṃ yoniṃ, gamissāmi ito cuto.
४१.
41.
‘‘मम संवेगमञ्ञाय, समणो भावितिन्द्रियो।
‘‘Mama saṃvegamaññāya, samaṇo bhāvitindriyo;
ममुद्धरितुकामो सो, आगच्छि मम सन्तिकं॥
Mamuddharitukāmo so, āgacchi mama santikaṃ.
४२.
42.
‘‘सुमनो नाम नामेन, पदुमुत्तरसावको।
‘‘Sumano nāma nāmena, padumuttarasāvako;
अत्थधम्मानुसासित्वा, संवेजेसि ममं तदा॥
Atthadhammānusāsitvā, saṃvejesi mamaṃ tadā.
४३.
43.
‘‘तस्साहं वचनं सुत्वा, बुद्धे चित्तं पसादयिं।
‘‘Tassāhaṃ vacanaṃ sutvā, buddhe cittaṃ pasādayiṃ;
तं धीरं अभिवादेत्वा, तत्थ कालंकतो अहं॥
Taṃ dhīraṃ abhivādetvā, tattha kālaṃkato ahaṃ.
४४.
44.
कप्पानं सतसहस्सं, दुग्गतिं नुपपज्जहं॥
Kappānaṃ satasahassaṃ, duggatiṃ nupapajjahaṃ.
४५.
45.
‘‘पटिसम्भिदा चतस्सो…पे॰… कतं बुद्धस्स सासनं’’॥
‘‘Paṭisambhidā catasso…pe… kataṃ buddhassa sāsanaṃ’’.
इत्थं सुदं आयस्मा एकचिन्तिको थेरो इमा गाथायो अभासित्थाति।
Itthaṃ sudaṃ āyasmā ekacintiko thero imā gāthāyo abhāsitthāti.
एकचिन्तिकत्थेरस्सापदानं सत्तमं।
Ekacintikattherassāpadānaṃ sattamaṃ.
Footnotes:
