| Library / Tipiṭaka / д̇ибидага • Tipiṭaka / абад̣̇аанабаал̣и • Apadānapāḷi |
7. згад̇хаммассаванияад̇т̇зраабад̣̇аанам̣
7. Ekadhammassavaniyattheraapadānaṃ
88.
88.
‘‘бад̣̇умуд̇д̇аро наама ж̇ино, саб̣б̣ад̇хаммаана баараг̇уу;
‘‘Padumuttaro nāma jino, sabbadhammāna pāragū;
жад̇усажжам̣ багаасзнд̇о, санд̇аарзси б̣ахум̣ ж̇анам̣.
Catusaccaṃ pakāsento, santāresi bahuṃ janaṃ.
89.
89.
‘‘ахам̣ д̇зна самаязна, ж̇адило уг̇г̇ад̇аабано;
‘‘Ahaṃ tena samayena, jaṭilo uggatāpano;
д̇хунанд̇о ваагажийраани, г̇ажчаами амб̣арз д̇ад̣̇аа.
Dhunanto vākacīrāni, gacchāmi ambare tadā.
90.
90.
‘‘б̣уд̣̇д̇хасздтасса убари, г̇анд̇ум̣ на висахаамахам̣;
‘‘Buddhaseṭṭhassa upari, gantuṃ na visahāmahaṃ;
багкийва сзламаасаж̇ж̇а, г̇аманам̣ на лабхаамахам̣.
Pakkhīva selamāsajja, gamanaṃ na labhāmahaṃ.
91.
91.
‘‘уд̣̇агз воггамид̇ваана, звам̣ г̇ажчаами амб̣арз;
‘‘Udake vokkamitvāna, evaṃ gacchāmi ambare;
на мз ид̣̇ам̣ бхууд̇абуб̣б̣ам̣, ирияаабат̇авигобанам̣.
Na me idaṃ bhūtapubbaṃ, iriyāpathavikopanaṃ.
92.
92.
‘‘ханд̣̇а мзд̇ам̣ г̇авзсиссам̣, аббзвад̇т̇ам̣ лабхзяяахам̣;
‘‘Handa metaṃ gavesissaṃ, appevatthaṃ labheyyahaṃ;
ороханд̇о анд̇алигкаа, сад̣̇д̣̇амассоси сад̇т̇уно.
Orohanto antalikkhā, saddamassosi satthuno.
93.
93.
‘‘сарзна раж̇анийязна, саванийязна ваг̇г̇унаа;
‘‘Sarena rajanīyena, savanīyena vaggunā;
анижжад̇ам̣ гат̇знд̇асса, д̇ан̃н̃зва уг̇г̇ахим̣ д̇ад̣̇аа;
Aniccataṃ kathentassa, taññeva uggahiṃ tadā;
анижжасан̃н̃амуг̇г̇аяха , аг̇амаасим̣ мамассамам̣.
Aniccasaññamuggayha , agamāsiṃ mamassamaṃ.
94.
94.
‘‘яаавад̇ааяум̣ васид̇ваана, д̇ад̇т̇а гаалан̇гад̇о ахам̣;
‘‘Yāvatāyuṃ vasitvāna, tattha kālaṅkato ahaṃ;
жаримз вад̇д̇амаанамхи, сад̣̇д̇хаммассаванам̣ сарим̣.
Carime vattamānamhi, saddhammassavanaṃ sariṃ.
95.
95.
‘‘д̇зна гаммзна сугад̇зна, жзд̇анаабан̣ид̇хийхи жа;
‘‘Tena kammena sukatena, cetanāpaṇidhīhi ca;
ж̇ахид̇ваа маанусам̣ д̣̇зхам̣, д̇аавад̇им̣самаг̇ажчахам̣.
Jahitvā mānusaṃ dehaṃ, tāvatiṃsamagacchahaṃ.
96.
96.
‘‘д̇им̣сагаббасахассаани, д̣̇звалогз рамим̣ ахам̣;
‘‘Tiṃsakappasahassāni, devaloke ramiṃ ahaṃ;
згабан̃н̃аасагкад̇д̇ун̃жа , д̣̇звараж̇ж̇амагаараяим̣.
Ekapaññāsakkhattuñca , devarajjamakārayiṃ.
97.
97.
бад̣̇зсараж̇ж̇ам̣ вибулам̣, г̇ан̣анаад̇о асан̇кияам̣.
Padesarajjaṃ vipulaṃ, gaṇanāto asaṅkhiyaṃ.
98.
98.
‘‘анубхоми сагам̣ бун̃н̃ам̣, сукид̇охам̣ бхаваабхавз;
‘‘Anubhomi sakaṃ puññaṃ, sukhitohaṃ bhavābhave;
ануссараами д̇ам̣ сан̃н̃ам̣, сам̣саранд̇о бхаваабхавз;
Anussarāmi taṃ saññaṃ, saṃsaranto bhavābhave;
на годим̣ бадивиж̇жхаами, ниб̣б̣аанам̣ ажжуд̇ам̣ бад̣̇ам̣.
Na koṭiṃ paṭivijjhāmi, nibbānaṃ accutaṃ padaṃ.
99.
99.
‘‘бид̇уг̇зхз нисийд̣̇ид̇ваа, саман̣о бхаавид̇инд̣̇рияо;
‘‘Pitugehe nisīditvā, samaṇo bhāvitindriyo;
100.
100.
‘‘‘анижжаа вад̇а сан̇каараа, уббаад̣̇аваяад̇хаммино;
‘‘‘Aniccā vata saṅkhārā, uppādavayadhammino;
уббаж̇ж̇ид̇ваа нируж̇жханд̇и, д̇зсам̣ вуубасамо суко’.
Uppajjitvā nirujjhanti, tesaṃ vūpasamo sukho’.
101.
101.
‘‘саха г̇аат̇ам̣ сун̣ид̇ваана, буб̣б̣асан̃н̃амануссарим̣;
‘‘Saha gāthaṃ suṇitvāna, pubbasaññamanussariṃ;
згаасанз нисийд̣̇ид̇ваа, арахад̇д̇амабаабун̣им̣.
Ekāsane nisīditvā, arahattamapāpuṇiṃ.
102.
102.
‘‘ж̇аад̇ияаа сад̇д̇авассзна, арахад̇д̇амабаабун̣им̣;
‘‘Jātiyā sattavassena, arahattamapāpuṇiṃ;
убасамбаад̣̇аяий б̣уд̣̇д̇хо, д̇хаммассаванассид̣̇ам̣ палам̣.
Upasampādayī buddho, dhammassavanassidaṃ phalaṃ.
103.
103.
‘‘сад̇асахассид̇о габбз, яам̣ д̇хаммамасун̣им̣ д̇ад̣̇аа;
‘‘Satasahassito kappe, yaṃ dhammamasuṇiṃ tadā;
д̣̇уг̇г̇ад̇им̣ наабхиж̇аанаами, д̇хаммассаванассид̣̇ам̣ палам̣.
Duggatiṃ nābhijānāmi, dhammassavanassidaṃ phalaṃ.
104.
104.
‘‘гилзсаа жхаабид̇аа маяхам̣…бз… вихараами анаасаво.
‘‘Kilesā jhāpitā mayhaṃ…pe… viharāmi anāsavo.
105.
105.
‘‘свааг̇ад̇ам̣ вад̇а мз ааси…бз… гад̇ам̣ б̣уд̣̇д̇хасса саасанам̣.
‘‘Svāgataṃ vata me āsi…pe… kataṃ buddhassa sāsanaṃ.
106.
106.
‘‘бадисамбхид̣̇аа жад̇ассо…бз… гад̇ам̣ б̣уд̣̇д̇хасса саасанам̣’’.
‘‘Paṭisambhidā catasso…pe… kataṃ buddhassa sāsanaṃ’’.
ид̇т̇ам̣ суд̣̇ам̣ ааяасмаа згад̇хаммассаванияо т̇зро имаа
Itthaṃ sudaṃ āyasmā ekadhammassavaniyo thero imā
г̇аат̇ааяо абхаасид̇т̇аад̇и.
Gāthāyo abhāsitthāti.
згад̇хаммассаванияад̇т̇зрассаабад̣̇аанам̣ сад̇д̇амам̣.
Ekadhammassavaniyattherassāpadānaṃ sattamaṃ.
Footnotes:
