| Library / Tipiṭaka / д̇ибидага • Tipiṭaka / саммохавинод̣̇аний-адтагат̇аа • Sammohavinodanī-aṭṭhakathā |
16. н̃аан̣авибхан̇г̇о
16. Ñāṇavibhaṅgo
1. згагамаад̇игаад̣̇иван̣н̣анаа
1. Ekakamātikādivaṇṇanā
751. ид̣̇аани д̇ад̣̇ананд̇арз н̃аан̣авибхан̇г̇з згавид̇хзна н̃аан̣авад̇т̇ууд̇иаад̣̇инаа наязна батамам̣ згавид̇хаад̣̇ийхи д̣̇асавид̇хабарияосаанзхи д̣̇асахи барижчзд̣̇зхи маад̇игам̣ табзд̇ваа нигкид̇д̇абад̣̇аануггамзна нид̣̇д̣̇зсо гад̇о.
751. Idāni tadanantare ñāṇavibhaṅge ekavidhena ñāṇavatthūtiādinā nayena paṭhamaṃ ekavidhādīhi dasavidhapariyosānehi dasahi paricchedehi mātikaṃ ṭhapetvā nikkhittapadānukkamena niddeso kato.
д̇ад̇т̇а згавид̇хзнаад̇и згаббагаарзна, згагодтаасзна ваа. н̃аан̣авад̇т̇ууд̇и зд̇т̇а бана н̃аан̣ан̃жа д̇ам̣ вад̇т̇у жа наанаббагаараанам̣ самбад̇д̇ийнанд̇и н̃аан̣авад̇т̇у; огаасадтзна н̃аан̣асса вад̇т̇ууд̇иби н̃аан̣авад̇т̇у. ид̇ха бана буримзнзвад̇т̇зна н̃аан̣авад̇т̇у взд̣̇ид̇аб̣б̣ам̣. д̇знзва згавид̇хабарижчзд̣̇аавасаанз ‘‘яаат̇аавагавад̇т̇увибхааванаа бан̃н̃аа – звам̣ згавид̇хзна н̃аан̣авад̇т̇уу’’д̇и вуд̇д̇ам̣. бан̃жа вин̃н̃аан̣аад̇и жагкувин̃н̃аан̣аад̣̇ийни бан̃жа. на хзд̇ууд̇иаад̣̇ийни хздтаа д̇хаммасан̇г̇ахадтагат̇ааяам̣ (д̇ха. са. адта. 1.6) вуд̇д̇анаязнзва взд̣̇ид̇аб̣б̣аани. сан̇кзбад̇о банзд̇т̇а яам̣ вад̇д̇аб̣б̣ам̣ д̇ам̣ нид̣̇д̣̇зсаваарз аави бхависсад̇и. яат̇аа жзд̇т̇а, звам̣ д̣̇угамаад̇игаад̣̇ибад̣̇зсуби яам̣ вад̇д̇аб̣б̣ам̣ д̇ам̣ д̇ад̇т̇зва аави бхависсад̇и. нигкзбабарижчзд̣̇амад̇д̇ам̣ банзд̇т̇а звам̣ взд̣̇ид̇аб̣б̣ам̣. зд̇т̇а хи ‘‘на хзд̇у ахзд̇угаа’’д̇иаад̣̇ийхи д̇аава д̇хаммасан̇г̇ахамаад̇игаавасзна, ‘‘анижжаа ж̇араабхибхууд̇аа’’д̇иаад̣̇ийхи амаад̇игаавасзнаад̇и сан̇кзбад̇о д̣̇увид̇хзхи бабхзд̣̇ад̇о адтасад̇д̇ад̇ияаа бад̣̇зхи згагамаад̇игаа нигкид̇д̇аа.
Tattha ekavidhenāti ekappakārena, ekakoṭṭhāsena vā. Ñāṇavatthūti ettha pana ñāṇañca taṃ vatthu ca nānappakārānaṃ sampattīnanti ñāṇavatthu; okāsaṭṭhena ñāṇassa vatthūtipi ñāṇavatthu. Idha pana purimenevatthena ñāṇavatthu veditabbaṃ. Teneva ekavidhaparicchedāvasāne ‘‘yāthāvakavatthuvibhāvanā paññā – evaṃ ekavidhena ñāṇavatthū’’ti vuttaṃ. Pañca viññāṇāti cakkhuviññāṇādīni pañca. Na hetūtiādīni heṭṭhā dhammasaṅgahaṭṭhakathāyaṃ (dha. sa. aṭṭha. 1.6) vuttanayeneva veditabbāni. Saṅkhepato panettha yaṃ vattabbaṃ taṃ niddesavāre āvi bhavissati. Yathā cettha, evaṃ dukamātikādipadesupi yaṃ vattabbaṃ taṃ tattheva āvi bhavissati. Nikkhepaparicchedamattaṃ panettha evaṃ veditabbaṃ. Ettha hi ‘‘na hetu ahetukā’’tiādīhi tāva dhammasaṅgahamātikāvasena, ‘‘aniccā jarābhibhūtā’’tiādīhi amātikāvasenāti saṅkhepato duvidhehi pabhedato aṭṭhasattatiyā padehi ekakamātikā nikkhittā.
д̣̇угаануруубзхи бана бан̃жад̇им̣сааяа д̣̇угзхи д̣̇угамаад̇игаа нигкид̇д̇аа.
Dukānurūpehi pana pañcatiṃsāya dukehi dukamātikā nikkhittā.
д̇игаануруубзхи ‘‘жинд̇аамаяаа бан̃н̃аа’’д̇иаад̣̇ийхи жад̇уухи б̣аахирад̇д̇игзхи, ‘‘вибаагаа бан̃н̃аа’’д̇иаад̣̇ийхи анияамид̇абан̃н̃аавасзна вуд̇д̇зхи жуд̣̇д̣̇асахи маад̇игаад̇игзхи, вид̇аггад̇д̇игз батамабад̣̇зна нияамид̇абан̃н̃аавасзна вуд̇д̇зхи д̇зрасахи, д̣̇уд̇ияабад̣̇зна нияамид̇абан̃н̃аавасзна вуд̇д̇зхи сад̇д̇ахи, д̇ад̇ияабад̣̇зна нияамид̇абан̃н̃аавасзна вуд̇д̇зхи д̣̇ваад̣̇асахи, бийд̇ид̇д̇игз жа батамабад̣̇зна нияамид̇абан̃н̃аавасзна вуд̇д̇зхи д̇зрасахи, д̇ат̇аа д̣̇уд̇ияабад̣̇зна, д̇ад̇ияабад̣̇зна нияамид̇абан̃н̃аавасзна вуд̇д̇зхи д̣̇ваад̣̇асахийд̇и адтаасийд̇ияаа д̇игзхи д̇игамаад̇игаа нигкид̇д̇аа.
Tikānurūpehi ‘‘cintāmayā paññā’’tiādīhi catūhi bāhirattikehi, ‘‘vipākā paññā’’tiādīhi aniyamitapaññāvasena vuttehi cuddasahi mātikātikehi, vitakkattike paṭhamapadena niyamitapaññāvasena vuttehi terasahi, dutiyapadena niyamitapaññāvasena vuttehi sattahi, tatiyapadena niyamitapaññāvasena vuttehi dvādasahi, pītittike ca paṭhamapadena niyamitapaññāvasena vuttehi terasahi, tathā dutiyapadena, tatiyapadena niyamitapaññāvasena vuttehi dvādasahīti aṭṭhāsītiyā tikehi tikamātikā nikkhittā.
жад̇уггамаад̇игаа бана ‘гаммассагад̇ан̃аан̣а’нд̇иаад̣̇ийхи згавийсад̇ияаа жад̇уггзхи, бан̃жагамаад̇игаа д̣̇вийхи бан̃жагзхи, чаггамаад̇игаа згзна чаггзна, сад̇д̇агамаад̇игаа ‘‘сад̇д̇асад̇д̇ад̇и н̃аан̣авад̇т̇ууний’’д̇и звам̣ сан̇кзбад̇о вуд̇д̇зхи згаад̣̇асахи сад̇д̇агзхи, адтагамаад̇игаа згзна адтагзна, навагамаад̇игаа згзна навагзна.
Catukkamātikā pana ‘kammassakatañāṇa’ntiādīhi ekavīsatiyā catukkehi, pañcakamātikā dvīhi pañcakehi, chakkamātikā ekena chakkena, sattakamātikā ‘‘sattasattati ñāṇavatthūnī’’ti evaṃ saṅkhepato vuttehi ekādasahi sattakehi, aṭṭhakamātikā ekena aṭṭhakena, navakamātikā ekena navakena.
Related texts:
д̇ибидага (муула) • Tipiṭaka (Mūla) / абхид̇хаммабидага • Abhidhammapiṭaka / вибхан̇г̇абаал̣и • Vibhaṅgapāḷi / 16. н̃аан̣авибхан̇г̇о • 16. Ñāṇavibhaṅgo
дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / вибхан̇г̇а-мууладийгаа • Vibhaṅga-mūlaṭīkā / 16. н̃аан̣авибхан̇г̇о • 16. Ñāṇavibhaṅgo
дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / вибхан̇г̇а-анудийгаа • Vibhaṅga-anuṭīkā / 16. н̃аан̣авибхан̇г̇о • 16. Ñāṇavibhaṅgo
