Library / Tipiṭaka / д̇ибидага • Tipiṭaka / саммохавинод̣̇аний-адтагат̇аа • Sammohavinodanī-aṭṭhakathā

    17. куд̣̇д̣̇агавад̇т̇увибхан̇г̇о

    17. Khuddakavatthuvibhaṅgo

    1. згагамаад̇игаад̣̇иван̣н̣анаа

    1. Ekakamātikādivaṇṇanā

    832. ид̣̇аани д̇ад̣̇ананд̇арз куд̣̇д̣̇агавад̇т̇увибхан̇г̇зби батамам̣ маад̇игам̣ табзд̇ваа нигкид̇д̇абад̣̇аануггамзна нид̣̇д̣̇зсо гад̇о. д̇ад̇рааяам̣ нигкзбабарижчзд̣̇о. аад̣̇ид̇о д̇аава ж̇аад̇имад̣̇од̇иаад̣̇аяо д̇зсад̇д̇ад̇и згагаа нигкид̇д̇аа, д̇ад̇о год̇хо жа убанаахо жаад̇иаад̣̇аяо адтаараса д̣̇угаа, агусаламуулаад̣̇аяо бан̃жад̇им̣са д̇игаа, аасаважад̇уггаад̣̇аяо жуд̣̇д̣̇аса жад̇уггаа, орамбхааг̇ияасам̣яож̇анаад̣̇аяо баннараса бан̃жагаа, виваад̣̇амуулаад̣̇аяо жуд̣̇д̣̇аса чаггаа, анусаяаад̣̇аяо сад̇д̇а сад̇д̇агаа, гилзсавад̇т̇уаад̣̇аяо адта адтагаа, аагхаад̇авад̇т̇уаад̣̇аяо нава навагаа, гилзсавад̇т̇уаад̣̇аяо сад̇д̇а д̣̇асагаа, аж̇жхад̇д̇игасса убаад̣̇ааяа адтаараса д̇ан̣хаавижарид̇аанийд̇иаад̣̇аяо ча адтаарасагаад̇и саб̣б̣ааниби зд̇аани адта гилзсасад̇аани нигкид̇д̇аанийд̇и взд̣̇ид̇аб̣б̣аани. аяам̣ д̇аава нигкзбабарижчзд̣̇о.

    832. Idāni tadanantare khuddakavatthuvibhaṅgepi paṭhamaṃ mātikaṃ ṭhapetvā nikkhittapadānukkamena niddeso kato. Tatrāyaṃ nikkhepaparicchedo. Ādito tāva jātimadotiādayo tesattati ekakā nikkhittā, tato kodho ca upanāho cātiādayo aṭṭhārasa dukā, akusalamūlādayo pañcatiṃsa tikā, āsavacatukkādayo cuddasa catukkā, orambhāgiyasaṃyojanādayo pannarasa pañcakā, vivādamūlādayo cuddasa chakkā, anusayādayo satta sattakā, kilesavatthuādayo aṭṭha aṭṭhakā, āghātavatthuādayo nava navakā, kilesavatthuādayo satta dasakā, ajjhattikassa upādāya aṭṭhārasa taṇhāvicaritānītiādayo cha aṭṭhārasakāti sabbānipi etāni aṭṭha kilesasatāni nikkhittānīti veditabbāni. Ayaṃ tāva nikkhepaparicchedo.

    (1.) згаганид̣̇д̣̇зсаван̣н̣анаа

    (1.) Ekakaniddesavaṇṇanā

    843-844. ид̣̇аани яат̇аанигкид̇д̇ааяа маад̇игааяа д̇ад̇т̇а гад̇амо ж̇аад̇имад̣̇од̇иаад̣̇инаа наязна аарад̣̇д̇хз нид̣̇д̣̇зсаваарз ж̇аад̇им̣ бадижжаад̇и ж̇аад̇им̣ ниссааяа. зд̇т̇а жа ад̇т̇ибадижжам̣ наама гат̇ид̇ам̣, д̇асмаа ж̇аад̇ияаа сад̇ийд̇и аяамзд̇т̇а ад̇т̇о. г̇од̇д̇ам̣ бадижжаад̇иаад̣̇ийсуби зсзва наяо. мад̣̇анавасзна мад̣̇о. маж̇ж̇анаагааро маж̇ж̇анаа. маж̇ж̇ид̇абхааво маж̇ж̇ид̇ад̇д̇ам̣. маано ман̃н̃анаад̇иаад̣̇ийни хздтаа д̇хаммасан̇г̇ахадтагат̇ааяам̣ (д̇ха. са. адта. 1121) вуд̇д̇ад̇т̇аанзва. аяам̣ вужжад̇ийд̇и аяам̣ звам̣ ж̇аад̇ияаа сад̇и д̇ам̣ ж̇аад̇им̣ ниссааяа уббанно маж̇ж̇анаагаараббавад̇д̇о маано ж̇аад̇имад̣̇од̇и вужжад̇и. свааяам̣ кад̇д̇ияаад̣̇ийнам̣ жад̇уннамби ван̣н̣аанам̣ уббаж̇ж̇ад̇и. ж̇аад̇исамбанно хи кад̇д̇ияо ‘маад̣̇исо ан̃н̃о над̇т̇и. авасзсаа анд̇араа удтааяа кад̇д̇ияаа ж̇аад̇аа. ахам̣ бана вам̣сааг̇ад̇акад̇д̇ияо’д̇и маанам̣ гарод̇и. б̣раахман̣аад̣̇ийсуби зсзва наяо. г̇од̇д̇амад̣̇анид̣̇д̣̇зсаад̣̇ийсуби иминаавубааязна ад̇т̇о взд̣̇ид̇аб̣б̣о. кад̇д̇ияоби хи ‘ахам̣ гон̣д̣ан̃н̃аг̇од̇д̇о, ахам̣ аад̣̇ижжаг̇од̇д̇о’д̇и маанам̣ гарод̇и. б̣раахман̣оби ‘ахам̣ гассабаг̇од̇д̇о , ахам̣ бхаарад̣̇вааж̇аг̇од̇д̇о’д̇и маанам̣ гарод̇и. взссоби суд̣̇д̣̇оби ад̇д̇ано ад̇д̇ано гулаг̇од̇д̇ам̣ ниссааяа маанам̣ гарод̇и. адтаарасааби сзн̣ияо ‘згиссаа сзн̣ияаа ж̇аад̇амхаа’д̇и маанам̣ гаронд̇иязва.

    843-844. Idāni yathānikkhittāya mātikāya tattha katamo jātimadotiādinā nayena āraddhe niddesavāre jātiṃ paṭiccāti jātiṃ nissāya. Ettha ca atthipaṭiccaṃ nāma kathitaṃ, tasmā jātiyā satīti ayamettha attho. Gottaṃ paṭiccātiādīsupi eseva nayo. Madanavasena mado. Majjanākāro majjanā. Majjitabhāvo majjitattaṃ. Māno maññanātiādīni heṭṭhā dhammasaṅgahaṭṭhakathāyaṃ (dha. sa. aṭṭha. 1121) vuttatthāneva. Ayaṃ vuccatīti ayaṃ evaṃ jātiyā sati taṃ jātiṃ nissāya uppanno majjanākārappavatto māno jātimadoti vuccati. Svāyaṃ khattiyādīnaṃ catunnampi vaṇṇānaṃ uppajjati. Jātisampanno hi khattiyo ‘mādiso añño natthi. Avasesā antarā uṭṭhāya khattiyā jātā. Ahaṃ pana vaṃsāgatakhattiyo’ti mānaṃ karoti. Brāhmaṇādīsupi eseva nayo. Gottamadaniddesādīsupi imināvupāyena attho veditabbo. Khattiyopi hi ‘ahaṃ koṇḍaññagotto, ahaṃ ādiccagotto’ti mānaṃ karoti. Brāhmaṇopi ‘ahaṃ kassapagotto , ahaṃ bhāradvājagotto’ti mānaṃ karoti. Vessopi suddopi attano attano kulagottaṃ nissāya mānaṃ karoti. Aṭṭhārasāpi seṇiyo ‘ekissā seṇiyā jātamhā’ti mānaṃ karontiyeva.

    аарог̇яамад̣̇аад̣̇ийсу ‘ахам̣ арог̇о, авасзсаа рог̇аб̣ахулаа, г̇ад̣̇д̣̇уханамад̇д̇амби маяхам̣ б̣яаад̇хи наама над̇т̇ий’д̇и маж̇ж̇анавасзна уббанно маано аарог̇яамад̣̇о наама.

    Ārogyamadādīsu ‘ahaṃ arogo, avasesā rogabahulā, gadduhanamattampi mayhaṃ byādhi nāma natthī’ti majjanavasena uppanno māno ārogyamado nāma.

    ‘ахам̣ д̇арун̣о, авасзсасад̇д̇аанам̣ ад̇д̇абхааво бабаад̇з тид̇аругкасад̣̇исо, ахам̣ бана батамаваяз тид̇о’д̇и маж̇ж̇анавасзна уббанно маано яоб̣б̣анамад̣̇о наама.

    ‘Ahaṃ taruṇo, avasesasattānaṃ attabhāvo papāte ṭhitarukkhasadiso, ahaṃ pana paṭhamavaye ṭhito’ti majjanavasena uppanno māno yobbanamado nāma.

    ‘ахам̣ жирам̣ ж̇ийвим̣, жирам̣ ж̇ийваами, жирам̣ ж̇ийвиссаами; сукам̣ ж̇ийвим̣, сукам̣ ж̇ийваами, сукам̣ ж̇ийвиссаамий’д̇и маж̇ж̇анавасзна уббанно маано ж̇ийвид̇амад̣̇о наама.

    ‘Ahaṃ ciraṃ jīviṃ, ciraṃ jīvāmi, ciraṃ jīvissāmi; sukhaṃ jīviṃ, sukhaṃ jīvāmi, sukhaṃ jīvissāmī’ti majjanavasena uppanno māno jīvitamado nāma.

    ‘ахам̣ лаабхий, авасзсаа сад̇д̇аа аббалаабхаа, маяхам̣ бана лаабхасса бамаан̣ам̣ наама над̇т̇ий’д̇и маж̇ж̇анавасзна уббанно маано лаабхамад̣̇о наама.

    ‘Ahaṃ lābhī, avasesā sattā appalābhā, mayhaṃ pana lābhassa pamāṇaṃ nāma natthī’ti majjanavasena uppanno māno lābhamado nāma.

    ‘авасзсаа сад̇д̇аа яам̣ ваа д̇ам̣ ваа лабханд̇и, ахам̣ бана сугад̇ам̣ бан̣ийд̇ам̣ жийвараад̣̇ибажжаяам̣ лабхаамий’д̇и маж̇ж̇анавасзна уббанно маано саггаарамад̣̇о наама.

    ‘Avasesā sattā yaṃ vā taṃ vā labhanti, ahaṃ pana sukataṃ paṇītaṃ cīvarādipaccayaṃ labhāmī’ti majjanavasena uppanno māno sakkāramado nāma.

    ‘авасзсабхигкуунам̣ баад̣̇абидтияам̣ аггамид̇ваа г̇ажчанд̇аа мануссаа аяам̣ саман̣од̇иби на ванд̣̇анд̇и, мам̣ бана д̣̇исваава ванд̣̇анд̇и, баасаан̣ажчад̇д̇ам̣ вияа г̇арум̣ гад̇ваа аг̇г̇игканд̇хам̣ вияа жа д̣̇ураасад̣̇ам̣ гад̇ваа ман̃н̃анд̇ий’д̇и маж̇ж̇анавасзна уббанно маано г̇аругаарамад̣̇о наама.

    ‘Avasesabhikkhūnaṃ pādapiṭṭhiyaṃ akkamitvā gacchantā manussā ayaṃ samaṇotipi na vandanti, maṃ pana disvāva vandanti, pāsāṇacchattaṃ viya garuṃ katvā aggikkhandhaṃ viya ca durāsadaṃ katvā maññantī’ti majjanavasena uppanno māno garukāramado nāma.

    ‘уббанно бан̃хо маяхамзва мукзна чиж̇ж̇ад̇и, бхигкаажаарам̣ г̇ажчанд̇ааби мамзва бурад̇о гад̇ваа бариваарзд̇ваа г̇ажчанд̇ий’д̇и маж̇ж̇анавасзна уббанно маано бурзгкаарамад̣̇о наама.

    ‘Uppanno pañho mayhameva mukhena chijjati, bhikkhācāraṃ gacchantāpi mameva purato katvā parivāretvā gacchantī’ti majjanavasena uppanno māno purekkhāramado nāma.

    аг̇ааригасса д̇аава махаабариваарасса ‘бурисасад̇амби бурисасахассамби мам̣ бариваарзд̇и,’ анаг̇аарияасса бана ‘саман̣асад̇амби саман̣асахассамби мам̣ бариваарзд̇и, сзсаа аббабариваараа, ахам̣ махаабаривааро жзва сужибаривааро жаа’д̇и маж̇ж̇анавасзна уббанно маано бариваарамад̣̇о наама.

    Agārikassa tāva mahāparivārassa ‘purisasatampi purisasahassampi maṃ parivāreti,’ anagāriyassa pana ‘samaṇasatampi samaṇasahassampi maṃ parivāreti, sesā appaparivārā, ahaṃ mahāparivāro ceva suciparivāro cā’ti majjanavasena uppanno māno parivāramado nāma.

    бхог̇о бана гин̃жааби лаабхаг̇г̇ахан̣знзва г̇ахид̇о ход̇и, имасмим̣ бана таанз нигкзбарааси наама г̇ахид̇о; д̇асмаа ‘авасзсаа сад̇д̇аа ад̇д̇ано барибхог̇амад̇д̇амби на лабханд̇и, маяхам̣ бана нид̇хаанаг̇ад̇ассзва д̇ханасса бамаан̣ам̣ над̇т̇ий’д̇и маж̇ж̇анавасзна уббанно маано бхог̇амад̣̇о наама.

    Bhogo pana kiñcāpi lābhaggahaṇeneva gahito hoti, imasmiṃ pana ṭhāne nikkheparāsi nāma gahito; tasmā ‘avasesā sattā attano paribhogamattampi na labhanti, mayhaṃ pana nidhānagatasseva dhanassa pamāṇaṃ natthī’ti majjanavasena uppanno māno bhogamado nāma.

    ван̣н̣ам̣ бадижжаад̇и сарийраван̣н̣амби г̇ун̣аван̣н̣амби бадижжа. ‘авасзсаа сад̇д̇аа д̣̇уб̣б̣ан̣н̣аа д̣̇уруубаа, ахам̣ бана абхируубо баасаад̣̇иго; авасзсаа сад̇д̇аа ниг̇г̇ун̣аа бад̇т̇адаагид̇д̇ино, маяхам̣ бана гид̇д̇исад̣̇д̣̇о д̣̇звамануссзсу баагадо – ид̇иби т̇зро б̣ахуссуд̇о, ид̇иби сийлаваа, ид̇иби д̇худ̇аг̇ун̣аяуд̇д̇о’д̇и маж̇ж̇анавасзна уббанно маано ван̣н̣амад̣̇о наама.

    Vaṇṇaṃpaṭiccāti sarīravaṇṇampi guṇavaṇṇampi paṭicca. ‘Avasesā sattā dubbaṇṇā durūpā, ahaṃ pana abhirūpo pāsādiko; avasesā sattā nigguṇā patthaṭaakittino, mayhaṃ pana kittisaddo devamanussesu pākaṭo – itipi thero bahussuto, itipi sīlavā, itipi dhutaguṇayutto’ti majjanavasena uppanno māno vaṇṇamado nāma.

    ‘авасзсаа сад̇д̇аа аббассуд̇аа, ахам̣ бана б̣ахуссуд̇о’д̇и маж̇ж̇анавасзна уббанно маано суд̇амад̣̇о наама.

    ‘Avasesā sattā appassutā, ahaṃ pana bahussuto’ti majjanavasena uppanno māno sutamado nāma.

    ‘авасзсаа сад̇д̇аа аббадибхаанаа, маяхам̣ бана бадибхаанасса бамаан̣ам̣ над̇т̇ий’д̇и маж̇ж̇анавасзна уббанно маано бадибхаанамад̣̇о наама.

    ‘Avasesā sattā appaṭibhānā, mayhaṃ pana paṭibhānassa pamāṇaṃ natthī’ti majjanavasena uppanno māno paṭibhānamado nāma.

    ‘ахам̣ рад̇д̇ан̃н̃уу асугам̣ б̣уд̣̇д̇хавам̣сам̣, рааж̇авам̣сам̣, ж̇анабад̣̇авам̣сам̣, г̇аамавам̣сам̣, рад̇д̇инд̣̇ивабарижчзд̣̇ам̣, нагкад̇д̇амухуд̇д̇аяог̇ам̣ ж̇аанаамий’д̇и маж̇ж̇анавасзна уббанно маано рад̇д̇ан̃н̃умад̣̇о наама.

    ‘Ahaṃ rattaññū asukaṃ buddhavaṃsaṃ, rājavaṃsaṃ, janapadavaṃsaṃ, gāmavaṃsaṃ, rattindivaparicchedaṃ, nakkhattamuhuttayogaṃ jānāmī’ti majjanavasena uppanno māno rattaññumado nāma.

    ‘авасзсаа бхигкуу анд̇араа бин̣д̣абаад̇игаа ж̇аад̇аа, ахам̣ бана ж̇аад̇ибин̣д̣абаад̇иго’д̇и маж̇ж̇анавасзна уббанно маано бин̣д̣абаад̇игамад̣̇о наама.

    ‘Avasesā bhikkhū antarā piṇḍapātikā jātā, ahaṃ pana jātipiṇḍapātiko’ti majjanavasena uppanno māno piṇḍapātikamado nāma.

    ‘авасзсаа сад̇д̇аа ун̃н̃аад̇аа аван̃н̃аад̇аа, ахам̣ бана анун̃н̃аад̇о анаван̃н̃аад̇о’д̇и маж̇ж̇анавасзна уббанно маано анаван̃н̃аад̇амад̣̇о наама.

    ‘Avasesā sattā uññātā avaññātā, ahaṃ pana anuññāto anavaññāto’ti majjanavasena uppanno māno anavaññātamado nāma.

    ‘авасзсаанам̣ ирияаабат̇о абаасаад̣̇иго, маяхам̣ бана баасаад̣̇иго’д̇и маж̇ж̇анавасзна уббанно маано ирияаабат̇амад̣̇о наама.

    ‘Avasesānaṃ iriyāpatho apāsādiko, mayhaṃ pana pāsādiko’ti majjanavasena uppanno māno iriyāpathamado nāma.

    ‘авасзсаа сад̇д̇аа чиннабагкагаагасад̣̇исаа, ахам̣ бана махид̣̇д̇хиго махаанубхааво’д̇и ваа ‘ахам̣ яам̣ яам̣ гаммам̣ гароми, д̇ам̣ д̇ам̣ иж̇жхад̇ий’д̇и ваа маж̇ж̇анавасзна уббанно маано ид̣̇д̇химад̣̇о наама.

    ‘Avasesā sattā chinnapakkhakākasadisā, ahaṃ pana mahiddhiko mahānubhāvo’ti vā ‘ahaṃ yaṃ yaṃ kammaṃ karomi, taṃ taṃ ijjhatī’ti vā majjanavasena uppanno māno iddhimado nāma.

    хздтаа бариваараг̇г̇ахан̣зна яасо г̇ахид̇ова ход̇и. имасмим̣ бана таанз убадтаагамад̣̇о наама г̇ахид̇о. со аг̇ааригзнаби анаг̇ааригзнаби д̣̇ийбзд̇аб̣б̣о. аг̇аариго хи згажжо адтаарасасу сзн̣ийсу згиссаа ж̇здтаго ход̇и, д̇асса ‘авасзсз бурисз ахам̣ бадтабзми, ахам̣ вижаарзмий’д̇и ; анаг̇ааригоби згажжо гад̇т̇ажи ж̇здтаго ход̇и, д̇асса ‘авасзсаа бхигкуу маяхам̣ оваад̣̇з вад̇д̇анд̇и, ахам̣ ж̇здтаго’д̇и маж̇ж̇анавасзна уббанно маано яасамад̣̇о наама.

    Heṭṭhā parivāraggahaṇena yaso gahitova hoti. Imasmiṃ pana ṭhāne upaṭṭhākamado nāma gahito. So agārikenapi anagārikenapi dīpetabbo. Agāriko hi ekacco aṭṭhārasasu seṇīsu ekissā jeṭṭhako hoti, tassa ‘avasese purise ahaṃ paṭṭhapemi, ahaṃ vicāremī’ti ; anagārikopi ekacco katthaci jeṭṭhako hoti, tassa ‘avasesā bhikkhū mayhaṃ ovāde vattanti, ahaṃ jeṭṭhako’ti majjanavasena uppanno māno yasamado nāma.

    ‘авасзсаа сад̇д̇аа д̣̇уссийлаа, ахам̣ бана сийлаваа’д̇и маж̇ж̇анавасзна уббанно маано сийламад̣̇о наама. ‘авасзсасад̇д̇аанам̣ гуггудасса уд̣̇агабаанамад̇д̇зби гаалз жид̇д̇згаг̇г̇ад̇аа над̇т̇и, ахам̣ бана убажаараббанаанам̣ лаабхий’д̇и маж̇ж̇анавасзна уббанно маано жхаанамад̣̇о наама.

    ‘Avasesā sattā dussīlā, ahaṃ pana sīlavā’ti majjanavasena uppanno māno sīlamado nāma. ‘Avasesasattānaṃ kukkuṭassa udakapānamattepi kāle cittekaggatā natthi, ahaṃ pana upacārappanānaṃ lābhī’ti majjanavasena uppanno māno jhānamado nāma.

    ‘авасзсаа сад̇д̇аа ниссиббаа, ахам̣ бана сиббаваа’д̇и маж̇ж̇анавасзна уббанно маано сиббамад̣̇о наама. ‘авасзсаа сад̇д̇аа рассаа, ахам̣ бана д̣̇ийгхо’д̇и маж̇ж̇анавасзна уббанно маано аарохамад̣̇о наама. ‘авасзсаа сад̇д̇аа рассаа ваа хонд̇и д̣̇ийгхаа ваа, ахам̣ ниг̇род̇хабариман̣д̣ало’д̇и маж̇ж̇анавасзна уббанно маано барин̣аахамад̣̇о наама. ‘авасзсасад̇д̇аанам̣ сарийрасан̣таанам̣ вируубам̣ б̣ийбхажчам̣, маяхам̣ бана манаабам̣ баасаад̣̇ига’нд̇и маж̇ж̇анавасзна уббанно маано сан̣таанамад̣̇о наама. ‘авасзсаанам̣ сад̇д̇аанам̣ сарийрз б̣ахуу д̣̇осаа, маяхам̣ бана сарийрз гзсаг̇г̇амад̇д̇амби важ̇ж̇ам̣ над̇т̇ий’д̇и маж̇ж̇анавасзна уббанно маано баарибууримад̣̇о наама.

    ‘Avasesā sattā nissippā, ahaṃ pana sippavā’ti majjanavasena uppanno māno sippamado nāma. ‘Avasesā sattā rassā, ahaṃ pana dīgho’ti majjanavasena uppanno māno ārohamado nāma. ‘Avasesā sattā rassā vā honti dīghā vā, ahaṃ nigrodhaparimaṇḍalo’ti majjanavasena uppanno māno pariṇāhamado nāma. ‘Avasesasattānaṃ sarīrasaṇṭhānaṃ virūpaṃ bībhacchaṃ, mayhaṃ pana manāpaṃ pāsādika’nti majjanavasena uppanno māno saṇṭhānamado nāma. ‘Avasesānaṃ sattānaṃ sarīre bahū dosā, mayhaṃ pana sarīre kesaggamattampi vajjaṃ natthī’ti majjanavasena uppanno māno pāripūrimado nāma.

    845. иминаа зд̇д̇агзна таанзна савад̇т̇угам̣ маанам̣ гат̇зд̇ваа ид̣̇аани авад̇т̇угам̣ ниб̣б̣ад̇д̇ид̇амаанамзва д̣̇ассзнд̇о д̇ад̇т̇а гад̇амо мад̣̇од̇иаад̣̇имааха. д̇ам̣ уд̇д̇аанад̇т̇амзва.

    845. Iminā ettakena ṭhānena savatthukaṃ mānaṃ kathetvā idāni avatthukaṃ nibbattitamānameva dassento tattha katamo madotiādimāha. Taṃ uttānatthameva.

    846. бамаад̣̇анид̣̇д̣̇зсз жид̇д̇асса воссаг̇г̇од̇и имзсу зд̇д̇агзсу таанзсу сад̇ияаа аниг̇г̇ан̣хид̇ваа жид̇д̇асса воссаж̇ж̇анам̣; сад̇ивираход̇и ад̇т̇о. воссаг̇г̇аануббад̣̇аананд̇и воссаг̇г̇асса ануббад̣̇аанам̣; бунаббунам̣ виссаж̇ж̇ананд̇и ад̇т̇о. асаггажжагирияад̇аад̇и зд̇зсам̣ д̣̇аанаад̣̇ийнам̣ гусалад̇хаммаанам̣ бхааванааяа буг̇г̇аласса ваа д̣̇зяяад̇хаммасса ваа асаггажжагаран̣авасзна асаггажжагирияаа. сад̇ад̇абхааво саад̇ажжам̣. на сад̇ад̇абхааво асаад̇ажжам̣. на саад̇ажжагирияад̇аа асаад̇ажжагирияад̇аа. анадтид̇агаран̣ам̣ анадтид̇агирияад̇аа. яат̇аа наама гаган̣даго т̇огам̣ г̇анд̇ваа т̇огам̣ д̇идтад̇и, на ниранд̇арам̣ г̇ажчад̇и, звамзва яо буг̇г̇ало згад̣̇ивасам̣ д̣̇аанам̣ ваа д̣̇ад̇ваа бууж̇ам̣ ваа гад̇ваа д̇хаммам̣ ваа суд̇ваа саман̣ад̇хаммам̣ ваа гад̇ваа буна жирассам̣ гарод̇и, на ниранд̇арам̣ бавад̇д̇зд̇и, д̇асса саа гирияаа анадтид̇агирияад̇аад̇и вужжад̇и. олийнавуд̇д̇ид̇аад̇и ниранд̇арагаран̣асан̇каад̇асса вибпаарассзва абхаавзна лийнавуд̇д̇ид̇аа. нигкид̇д̇ачанд̣̇ад̇аад̇и гусалагирияааяа вийрияачанд̣̇асса нигкид̇д̇абхааво. нигкид̇д̇ад̇хурад̇аад̇и вийрияад̇хурасса оробанам̣, осаггид̇амаанасад̇аад̇и ад̇т̇о. анад̇хидтаананд̇и гусалагаран̣з бад̇идтаабхааво. анануяог̇од̇и анануяун̃ж̇анам̣. бамаад̣̇од̇и бамаж̇ж̇анам̣. яо зваруубо бамаад̣̇од̇и ид̣̇ам̣ ад̇т̇абарияааяасса б̣яан̃ж̇анабарияааяасса жа барияанд̇аабхаавад̇о аагаарад̣̇ассанам̣. ид̣̇ам̣ вуд̇д̇ам̣ ход̇и – явааяам̣ аад̣̇ид̇о бадтааяа д̣̇ассид̇о бамаад̣̇о, яо ан̃н̃оби звамаагааро звам̣ж̇аад̇иго бамаад̣̇о бамаж̇ж̇анаагааравасзна бамаж̇ж̇анаа, бамаж̇ж̇ид̇абхаававасзна бамаж̇ж̇ид̇ад̇д̇анд̇и сан̇кам̣ г̇ад̇о – аяам̣ вужжад̇и бамаад̣̇од̇и. лагкан̣ад̇о банзса бан̃жасу гаамаг̇ун̣зсу сад̇ивоссаг̇г̇алагкан̣о, д̇ад̇т̇зва сад̇ияаа виссадтаагааро взд̣̇ид̇аб̣б̣о.

    846. Pamādaniddese cittassa vossaggoti imesu ettakesu ṭhānesu satiyā aniggaṇhitvā cittassa vossajjanaṃ; sativirahoti attho. Vossaggānuppadānanti vossaggassa anuppadānaṃ; punappunaṃ vissajjananti attho. Asakkaccakiriyatāti etesaṃ dānādīnaṃ kusaladhammānaṃ bhāvanāya puggalassa vā deyyadhammassa vā asakkaccakaraṇavasena asakkaccakiriyā. Satatabhāvo sātaccaṃ. Na satatabhāvo asātaccaṃ. Na sātaccakiriyatā asātaccakiriyatā. Anaṭṭhitakaraṇaṃ anaṭṭhitakiriyatā. Yathā nāma kakaṇṭako thokaṃ gantvā thokaṃ tiṭṭhati, na nirantaraṃ gacchati, evameva yo puggalo ekadivasaṃ dānaṃ vā datvā pūjaṃ vā katvā dhammaṃ vā sutvā samaṇadhammaṃ vā katvā puna cirassaṃ karoti, na nirantaraṃ pavatteti, tassa sā kiriyā anaṭṭhitakiriyatāti vuccati. Olīnavuttitāti nirantarakaraṇasaṅkhātassa vipphārasseva abhāvena līnavuttitā. Nikkhittachandatāti kusalakiriyāya vīriyachandassa nikkhittabhāvo. Nikkhittadhuratāti vīriyadhurassa oropanaṃ, osakkitamānasatāti attho. Anadhiṭṭhānanti kusalakaraṇe patiṭṭhābhāvo. Ananuyogoti ananuyuñjanaṃ. Pamādoti pamajjanaṃ. Yo evarūpo pamādoti idaṃ atthapariyāyassa byañjanapariyāyassa ca pariyantābhāvato ākāradassanaṃ. Idaṃ vuttaṃ hoti – yvāyaṃ ādito paṭṭhāya dassito pamādo, yo aññopi evamākāro evaṃjātiko pamādo pamajjanākāravasena pamajjanā, pamajjitabhāvavasena pamajjitattanti saṅkhaṃ gato – ayaṃ vuccati pamādoti. Lakkhaṇato panesa pañcasu kāmaguṇesu sativossaggalakkhaṇo, tattheva satiyā vissaṭṭhākāro veditabbo.

    847. т̇амбханид̣̇д̣̇зсз т̇ад̣̇д̇хадтзна т̇амбхо; калияаа т̇ад̣̇д̇хасаадагасса вияа жид̇д̇асса т̇ад̣̇д̇хад̇аа зд̇т̇а гат̇ид̇аа. т̇амбханаагааро т̇амбханаа. т̇амбхид̇асса бхааво т̇амбхид̇ад̇д̇ам̣. гагкал̣асса буг̇г̇аласса бхааво гагкал̣ияам̣. парусасса буг̇г̇аласса бхааво паарусияам̣. абхиваад̣̇анаад̣̇исаамийжирахаанам̣ д̇ассаа саамийжияаа агаран̣авасзна уж̇умзва табид̇ажид̇д̇абхааво уж̇ужид̇д̇ад̇аа. т̇ад̣̇д̇хасса амуд̣̇уно бхааво амуд̣̇уд̇аа. аяам̣ вужжад̇ийд̇и аяам̣ т̇амбхо наама вужжад̇и, язна саманнааг̇ад̇о буг̇г̇ало г̇илид̇анан̇г̇аласийсо вияа аж̇аг̇аро, ваад̇абхарид̇аа вияа бхасд̇аа жзд̇ияам̣ ваа вуд̣дхад̇арз ваа д̣̇исваа онамид̇ум̣ на саггод̇и, барияанд̇знзва жарад̇и. свааяам̣ жид̇д̇асса уд̣̇д̇хумаад̇абхаавалагкан̣од̇и взд̣̇ид̇аб̣б̣о.

    847. Thambhaniddese thaddhaṭṭhena thambho; khaliyā thaddhasāṭakassa viya cittassa thaddhatā ettha kathitā. Thambhanākāro thambhanā. Thambhitassa bhāvo thambhitattaṃ. Kakkhaḷassa puggalassa bhāvo kakkhaḷiyaṃ. Pharusassa puggalassa bhāvo phārusiyaṃ. Abhivādanādisāmīcirahānaṃ tassā sāmīciyā akaraṇavasena ujumeva ṭhapitacittabhāvo ujucittatā. Thaddhassa amuduno bhāvo amudutā. Ayaṃ vuccatīti ayaṃ thambho nāma vuccati, yena samannāgato puggalo gilitanaṅgalasīso viya ajagaro, vātabharitā viya bhastā cetiyaṃ vā vuḍḍhatare vā disvā onamituṃ na sakkoti, pariyanteneva carati. Svāyaṃ cittassa uddhumātabhāvalakkhaṇoti veditabbo.

    848. саарамбханид̣̇д̣̇зсз саарамбханавасзна саарамбхо. бадибпарид̇ваа саарамбхо бадисаарамбхо. саарамбханаагааро саарамбханаа. бадибпарид̇ваа саарамбханаа бадисаарамбханаа. бадисаарамбхид̇асса бхааво бадисаарамбхид̇ад̇д̇ам̣. аяам̣ вужжад̇ийд̇и аяам̣ саарамбхо наама вужжад̇и. свааяам̣ лагкан̣ад̇о гаран̣уд̇д̇арияалагкан̣о наама вужжад̇и, язна саманнааг̇ад̇о буг̇г̇ало д̇ад̣̇д̣̇иг̇ун̣ам̣ д̇ад̣̇д̣̇иг̇ун̣ам̣ гарод̇и. аг̇аариго самаано згзнзгасмим̣ гхаравад̇т̇усмим̣ саж̇ж̇ид̇з абаро д̣̇вз вад̇т̇ууни саж̇ж̇зд̇и, абаро жад̇д̇аари, абаро адта, абаро сол̣аса. анаг̇аариго самаано згзнзгасмим̣ нигааяз г̇ахид̇з, ‘наахам̣ зд̇асса хздтаа бхависсаамий’д̇и абаро д̣̇вз г̇ан̣хаад̇и, абаро д̇аяо, абаро жад̇д̇ааро, абаро бан̃жа. саарамбхавасзна хи г̇ан̣хид̇ум̣ на ваддад̇и. агусалабагко зса нираяаг̇аамимаг̇г̇о. гусалабагкавасзна бана згасмим̣ згам̣ салаагабхад̇д̇ам̣ д̣̇знд̇з д̣̇вз д̣̇аад̇ум̣, д̣̇вз д̣̇знд̇з жад̇д̇аари д̣̇аад̇ум̣ ваддад̇и. бхигкунааби барзна згасмим̣ нигааяз г̇ахид̇з, ‘д̣̇вз нигааяз г̇ахзд̇ваа саж̇жхааяанд̇асса мз паасу ход̇ий’д̇и виваддабагкз тад̇ваа д̇ад̣̇уд̇д̇ари г̇ан̣хид̇ум̣ ваддад̇и.

    848. Sārambhaniddese sārambhanavasena sārambho. Paṭippharitvā sārambho paṭisārambho. Sārambhanākāro sārambhanā. Paṭippharitvā sārambhanā paṭisārambhanā. Paṭisārambhitassa bhāvo paṭisārambhitattaṃ. Ayaṃ vuccatīti ayaṃ sārambho nāma vuccati. Svāyaṃ lakkhaṇato karaṇuttariyalakkhaṇo nāma vuccati, yena samannāgato puggalo taddiguṇaṃ taddiguṇaṃ karoti. Agāriko samāno ekenekasmiṃ gharavatthusmiṃ sajjite aparo dve vatthūni sajjeti, aparo cattāri, aparo aṭṭha, aparo soḷasa. Anagāriko samāno ekenekasmiṃ nikāye gahite, ‘nāhaṃ etassa heṭṭhā bhavissāmī’ti aparo dve gaṇhāti, aparo tayo, aparo cattāro, aparo pañca. Sārambhavasena hi gaṇhituṃ na vaṭṭati. Akusalapakkho esa nirayagāmimaggo. Kusalapakkhavasena pana ekasmiṃ ekaṃ salākabhattaṃ dente dve dātuṃ, dve dente cattāri dātuṃ vaṭṭati. Bhikkhunāpi parena ekasmiṃ nikāye gahite, ‘dve nikāye gahetvā sajjhāyantassa me phāsu hotī’ti vivaṭṭapakkhe ṭhatvā taduttari gaṇhituṃ vaṭṭati.

    849. ад̇рижчад̇аанид̣̇д̣̇зсз яат̇аа арияавам̣сасуд̇д̇з (а. ни. 4.28) ‘лаамагалаамагадто ид̇арийд̇арадто’ звам̣ аг̇г̇ахзд̇ваа жийвараад̣̇ийсу яам̣ яам̣ лад̣̇д̇хам̣ ход̇и, д̇зна д̇зна асанд̇удтасса; г̇ихино ваа бана руубасад̣̇д̣̇аг̇анд̇харасаподтаб̣б̣зсу яам̣ яам̣ лад̣̇д̇хам̣ ход̇и, д̇зна д̇зна асанд̇удтасса. бхияяогамяад̇аад̇и висзсагаамад̇аа. ижчанагавасзна ижчаа. ижчаава ижчааг̇ад̇аа, ижчанаагааро ваа. ад̇д̇ано лаабхам̣ ад̇ижжа ижчанабхааво ад̇ижчад̇аа. рааг̇од̇иаад̣̇ийни хздтаа вуд̇д̇ад̇т̇аанзва. аяам̣ вужжад̇ийд̇и аяам̣ ад̇ижчад̇аа наама вужжад̇и. ад̇рижчад̇аад̇иби зд̇иссаа зва наамам̣. лагкан̣ад̇о бана сагалаабхз асанд̇удти баралаабхз жа бад̇т̇анаа – зд̇ам̣ ад̇рижчад̇аалагкан̣ам̣. ад̇рижчабуг̇г̇аласса хи ад̇д̇анаа лад̣̇д̇хам̣ бан̣ийд̇амби лаамагам̣ вияа кааяад̇и, барзна лад̣̇д̇хам̣ лаамагамби бан̣ийд̇ам̣ вияа кааяад̇и; згабхааж̇анз баггаяааг̇у ваа бхад̇д̇ам̣ ваа бууво ваа ад̇д̇ано бад̇д̇з багкид̇д̇о лаамаго вияа, барасса бад̇д̇з бан̣ийд̇о вияа кааяад̇и. аяам̣ бана ад̇рижчад̇аа баб̣б̣аж̇ид̇аанамби ход̇и г̇ихийнамби д̇иражчаанаг̇ад̇аанамби.

    849. Atricchatāniddese yathā ariyavaṃsasutte (a. ni. 4.28) ‘lāmakalāmakaṭṭho itarītaraṭṭho’ evaṃ aggahetvā cīvarādīsu yaṃ yaṃ laddhaṃ hoti, tena tena asantuṭṭhassa; gihino vā pana rūpasaddagandharasaphoṭṭhabbesu yaṃ yaṃ laddhaṃ hoti, tena tena asantuṭṭhassa. Bhiyyokamyatāti visesakāmatā. Icchanakavasena icchā. Icchāva icchāgatā, icchanākāro vā. Attano lābhaṃ aticca icchanabhāvo aticchatā. Rāgotiādīni heṭṭhā vuttatthāneva. Ayaṃ vuccatīti ayaṃ aticchatā nāma vuccati. Atricchatātipi etissā eva nāmaṃ. Lakkhaṇato pana sakalābhe asantuṭṭhi paralābhe ca patthanā – etaṃ atricchatālakkhaṇaṃ. Atricchapuggalassa hi attanā laddhaṃ paṇītampi lāmakaṃ viya khāyati, parena laddhaṃ lāmakampi paṇītaṃ viya khāyati; ekabhājane pakkayāgu vā bhattaṃ vā pūvo vā attano patte pakkhitto lāmako viya, parassa patte paṇīto viya khāyati. Ayaṃ pana atricchatā pabbajitānampi hoti gihīnampi tiracchānagatānampi.

    д̇ад̇римаани вад̇т̇ууни – зго гира гудумб̣иго д̇им̣са бхигкунияо ниманд̇зд̇ваа сабуувам̣ бхад̇д̇ам̣ ад̣̇ааси . сан̇гхад̇т̇зрий саб̣б̣абхигкуунийнам̣ бад̇д̇з буувам̣ баривад̇д̇аабзд̇ваа бажчаа ад̇д̇анаа лад̣̇д̇хамзва каад̣̇и. б̣аараан̣асирааж̇ааби ‘ан̇г̇аарабаггамам̣сам̣ каад̣̇иссаамий’д̇и д̣̇звим̣ аад̣̇ааяа аран̃н̃ам̣ бавидто згам̣ гиннарим̣ д̣̇исваа, д̣̇звим̣ бахааяа, д̇ассаанубад̣̇ам̣ г̇ад̇о. д̣̇звий нивад̇д̇ид̇ваа ассамабад̣̇ам̣ г̇анд̇ваа гасин̣абаригаммам̣ гад̇ваа адта самаабад̇д̇ияо бан̃жа жа абхин̃н̃ааяо бад̇ваа нисиннаа рааж̇аанам̣ ааг̇ажчанд̇ам̣ д̣̇исваа аагаасз уббад̇ид̇ваа аг̇амааси. ругкз ад̇хивад̇т̇аа д̣̇звад̇аа имам̣ г̇аат̇амааха –

    Tatrimāni vatthūni – eko kira kuṭumbiko tiṃsa bhikkhuniyo nimantetvā sapūvaṃ bhattaṃ adāsi . Saṅghattherī sabbabhikkhūnīnaṃ patte pūvaṃ parivattāpetvā pacchā attanā laddhameva khādi. Bārāṇasirājāpi ‘aṅgārapakkamaṃsaṃ khādissāmī’ti deviṃ ādāya araññaṃ paviṭṭho ekaṃ kinnariṃ disvā, deviṃ pahāya, tassānupadaṃ gato. Devī nivattitvā assamapadaṃ gantvā kasiṇaparikammaṃ katvā aṭṭha samāpattiyo pañca ca abhiññāyo patvā nisinnā rājānaṃ āgacchantaṃ disvā ākāse uppatitvā agamāsi. Rukkhe adhivatthā devatā imaṃ gāthamāha –

    ад̇рижчам̣ ад̇илобхзна, ад̇илобхамад̣̇зна жа;

    Atricchaṃ atilobhena, atilobhamadena ca;

    звам̣ хааяад̇и ад̇т̇амхаа, ахам̣ва асид̇аабхуяаад̇и. (ж̇аа. 1.2.168);

    Evaṃ hāyati atthamhā, ahaṃva asitābhuyāti. (jā. 1.2.168);

    яат̇аа жанд̣̇агиннарим̣ бад̇т̇аяанд̇о асид̇аабхуяаа рааж̇ад̇хийд̇ааяа хийно барихийно, звам̣ ад̇рижчам̣ ад̇илобхзна ад̇т̇амха хааяад̇и ж̇ийяад̇ийд̇и д̣̇звад̇аа ран̃н̃аа сад̣̇д̇хим̣ гзл̣имагааси.

    Yathā candakinnariṃ patthayanto asitābhuyā rājadhītāya hīno parihīno, evaṃ atricchaṃ atilobhena atthamha hāyati jīyatīti devatā raññā saddhiṃ keḷimakāsi.

    гассабаб̣уд̣̇д̇хагаалзби мид̇д̇авинд̣̇аго наама сздтибуд̇д̇о ассад̣̇д̇хо аббасанно маад̇араа ‘д̇аад̇а, аж̇ж̇а убосат̇иго худ̇ваа вихаарз саб̣б̣арад̇д̇им̣ д̇хаммасаванам̣ сун̣а, сахассам̣ д̇з д̣̇ассаамий’д̇и вуд̇д̇з д̇ханалобхзна убосат̇ан̇г̇аани самаад̣̇ааяа вихаарам̣ г̇анд̇ваа ‘ид̣̇ам̣ таанам̣ агуд̇обхаяа’нд̇и саллагкзд̇ваа д̇хаммаасанасса хздтаа нибанно саб̣б̣арад̇д̇им̣ нид̣̇д̣̇ааяид̇ваа гхарам̣ аг̇амааси. маад̇аа баад̇ова яааг̇ум̣ бажид̇ваа убанаамзси. со сахассам̣ г̇ахзд̇ваава яааг̇ум̣ биви. ат̇асса зд̇ад̣̇ахоси – ‘д̇ханам̣ сам̣хариссаамий’д̇и. со наавааяа самуд̣̇д̣̇ам̣ багканд̣̇ид̇угаамо ахоси. ат̇а нам̣ маад̇аа ‘‘д̇аад̇а, имасмим̣ гулз жад̇д̇аалийсагодид̇ханам̣ ад̇т̇и; алам̣ г̇аманзнаа’’д̇и ваарзси. со д̇ассаа важанам̣ анаад̣̇ияид̇ваа г̇ажчад̇и зва. саа бурад̇о адтааси. ат̇а нам̣ гуж̇жхид̇ваа ‘аяам̣ маяхам̣ бурад̇о д̇идтад̇ий’д̇и баад̣̇зна бахарид̇ваа бад̇ид̇ам̣ маад̇арам̣ анд̇арам̣ гад̇ваа аг̇амааси. маад̇аа удтахид̇ваа ‘‘маад̣̇исааяа маад̇ари зваруубам̣ гаммам̣ гад̇ваа г̇ад̇асса мз г̇ад̇адтаанз сукам̣ бхависсад̇ий’’д̇и звам̣сан̃н̃ий наама д̇вам̣ буд̇д̇аад̇и ааха. д̇асса наавам̣ ааруяха г̇ажчад̇о сад̇д̇амз д̣̇ивасз нааваа адтааси. ат̇а д̇з мануссаа ‘‘ад̣̇д̇хаа зд̇т̇а баабабурисо ад̇т̇и; салаагам̣ д̣̇зт̇аа’’д̇и салаагаа д̣̇ийяамаанаа д̇ассзва д̇игкад̇д̇ум̣ баабун̣и. д̇з д̇асса ул̣умбам̣ д̣̇ад̇ваа д̇ам̣ самуд̣̇д̣̇з багкибим̣су. со згам̣ д̣̇ийбам̣ г̇анд̇ваа вимаанабзд̇ийхи сад̣̇д̇хим̣ самбад̇д̇им̣ анубхаванд̇о д̇аахи ‘‘бурад̇о маа аг̇амаасий’’д̇и вужжамааноби д̇ад̣̇д̣̇иг̇ун̣ам̣ самбад̇д̇им̣ бассанд̇о анубуб̣б̣зна куражаггад̇харам̣ згам̣ бурисам̣ ад̣̇д̣̇аса. д̇асса д̇ам̣ жаггам̣ бад̣̇умабубпам̣ вияа убадтаад̇и. со д̇ам̣ ааха – ‘‘амбхо, ид̣̇ам̣ д̇аяаа бил̣анд̇хабад̣̇умам̣ маяхам̣ д̣̇зхий’’д̇и. ‘‘наяид̣̇ам̣, саами , бад̣̇умам̣; куражаггам̣ зд̇а’’нд̇и. со ‘‘ван̃жзси мам̣ д̇вам̣. гим̣ мз бад̣̇умам̣ на д̣̇идтабуб̣б̣а’’нд̇и вад̇ваа ‘‘д̇ван̃хи лохид̇ажанд̣̇анам̣ лимбзд̇ваа бил̣анд̇ханам̣ бад̣̇умабубпам̣ маяхам̣ на д̣̇аад̇угаамосий’’д̇и ааха. со жинд̇зси – ‘аяамби маяаа гад̇асад̣̇исам̣ гаммам̣ гад̇ваа д̇асса палам̣ анубхавид̇угаамо’д̇и. ат̇а нам̣ ‘‘ханд̣̇а рз’’д̇и вад̇ваа д̇асса мад̇т̇агз жаггам̣ багкибид̇ваа балааяи. зд̇амад̇т̇ам̣ вид̣̇ид̇ваа сад̇т̇аа имам̣ г̇аат̇амааха –

    Kassapabuddhakālepi mittavindako nāma seṭṭhiputto assaddho appasanno mātarā ‘tāta, ajja uposathiko hutvā vihāre sabbarattiṃ dhammasavanaṃ suṇa, sahassaṃ te dassāmī’ti vutte dhanalobhena uposathaṅgāni samādāya vihāraṃ gantvā ‘idaṃ ṭhānaṃ akutobhaya’nti sallakkhetvā dhammāsanassa heṭṭhā nipanno sabbarattiṃ niddāyitvā gharaṃ agamāsi. Mātā pātova yāguṃ pacitvā upanāmesi. So sahassaṃ gahetvāva yāguṃ pivi. Athassa etadahosi – ‘dhanaṃ saṃharissāmī’ti. So nāvāya samuddaṃ pakkhanditukāmo ahosi. Atha naṃ mātā ‘‘tāta, imasmiṃ kule cattālīsakoṭidhanaṃ atthi; alaṃ gamanenā’’ti vāresi. So tassā vacanaṃ anādiyitvā gacchati eva. Sā purato aṭṭhāsi. Atha naṃ kujjhitvā ‘ayaṃ mayhaṃ purato tiṭṭhatī’ti pādena paharitvā patitaṃ mātaraṃ antaraṃ katvā agamāsi. Mātā uṭṭhahitvā ‘‘mādisāya mātari evarūpaṃ kammaṃ katvā gatassa me gataṭṭhāne sukhaṃ bhavissatī’’ti evaṃsaññī nāma tvaṃ puttāti āha. Tassa nāvaṃ āruyha gacchato sattame divase nāvā aṭṭhāsi. Atha te manussā ‘‘addhā ettha pāpapuriso atthi; salākaṃ dethā’’ti salākā dīyamānā tasseva tikkhattuṃ pāpuṇi. Te tassa uḷumpaṃ datvā taṃ samudde pakkhipiṃsu. So ekaṃ dīpaṃ gantvā vimānapetīhi saddhiṃ sampattiṃ anubhavanto tāhi ‘‘purato mā agamāsī’’ti vuccamānopi taddiguṇaṃ sampattiṃ passanto anupubbena khuracakkadharaṃ ekaṃ purisaṃ addasa. Tassa taṃ cakkaṃ padumapupphaṃ viya upaṭṭhāti. So taṃ āha – ‘‘ambho, idaṃ tayā piḷandhapadumaṃ mayhaṃ dehī’’ti. ‘‘Nayidaṃ, sāmi , padumaṃ; khuracakkaṃ eta’’nti. So ‘‘vañcesi maṃ tvaṃ. Kiṃ me padumaṃ na diṭṭhapubba’’nti vatvā ‘‘tvañhi lohitacandanaṃ limpetvā piḷandhanaṃ padumapupphaṃ mayhaṃ na dātukāmosī’’ti āha. So cintesi – ‘ayampi mayā katasadisaṃ kammaṃ katvā tassa phalaṃ anubhavitukāmo’ti. Atha naṃ ‘‘handa re’’ti vatvā tassa matthake cakkaṃ pakkhipitvā palāyi. Etamatthaṃ viditvā satthā imaṃ gāthamāha –

    ‘‘жад̇уб̣бхи адтаж̇жхаг̇амаа, адтахи бижа сол̣аса;

    ‘‘Catubbhi aṭṭhajjhagamā, aṭṭhahi pica soḷasa;

    сол̣асаахи жа б̣аад̇д̇им̣са, ад̇рижчам̣ жаггамаасад̣̇о;

    Soḷasāhi ca bāttiṃsa, atricchaṃ cakkamāsado;

    ижчаахад̇асса босасса, жаггам̣ бхамад̇и мад̇т̇агз’’д̇и. (ж̇аа. 1.1.104);

    Icchāhatassa posassa, cakkaṃ bhamati matthake’’ti. (jā. 1.1.104);

    ан̃н̃ад̇ароби ад̇рижчо амажжо сагависаяам̣ ад̇иггамид̇ваа барависаяам̣ баависи. д̇ад̇т̇а бот̇ид̇о балааяид̇ваа згасса д̇аабасасса васанадтаанам̣ бависид̇ваа убосат̇ан̇г̇аани ад̇хидтааяа нибаж̇ж̇и. со д̇аабасзна ‘гим̣ д̇з гад̇а’нд̇и бужчид̇о имаа г̇аат̇ааяо абхааси –

    Aññataropi atriccho amacco sakavisayaṃ atikkamitvā paravisayaṃ pāvisi. Tattha pothito palāyitvā ekassa tāpasassa vasanaṭṭhānaṃ pavisitvā uposathaṅgāni adhiṭṭhāya nipajji. So tāpasena ‘kiṃ te kata’nti pucchito imā gāthāyo abhāsi –

    ‘‘сагам̣ нигзд̇ам̣ ад̇ихийл̣аяаано,

    ‘‘Sakaṃ niketaṃ atihīḷayāno,

    ад̇рижчад̇аа маллаг̇аамам̣ аг̇ажчим̣;

    Atricchatā mallagāmaṃ agacchiṃ;

    д̇ад̇о ж̇анаа нигкамид̇ваана г̇аамаа,

    Tato janā nikkhamitvāna gāmā,

    год̣̇ан̣д̣агзна барибот̇аяим̣су мам̣.

    Kodaṇḍakena paripothayiṃsu maṃ.

    ‘‘со бхиннасийсо рухирамагкид̇ан̇г̇о,

    ‘‘So bhinnasīso ruhiramakkhitaṅgo,

    бажжааг̇амаасим̣ сагам̣ нигзд̇ам̣;

    Paccāgamāsiṃ sakaṃ niketaṃ;

    д̇асмаа ахам̣ босат̇ам̣ баалаяаами,

    Tasmā ahaṃ posathaṃ pālayāmi,

    ад̇рижчад̇аа маа бунарааг̇амаасий’’д̇и. (ж̇аа. 1.14.138-139);

    Atricchatā mā punarāgamāsī’’ti. (jā. 1.14.138-139);

    850. махижчад̇аанид̣̇д̣̇зсз маханд̇аани вад̇т̇ууни ижчад̇и, махад̇ий ваасса ижчаад̇и махижчо, д̇асса бхааво махижчад̇аа. лагкан̣ад̇о бана асанд̇аг̇ун̣асамбхааванад̇аа бадиг̇г̇ахан̣з жа барибхог̇з жа амад̇д̇ан̃н̃уд̇аа – зд̇ам̣ махижчад̇аалагкан̣ам̣. махижчо хи буг̇г̇ало яат̇аа наама гажчабудаваан̣иж̇о бил̣анд̇ханабхан̣д̣агам̣ хад̇т̇зна г̇ахзд̇ваа ужчан̇г̇зби багкибид̇аб̣б̣аяуд̇д̇агам̣ багкибид̇ваа махааж̇анасса бассанд̇ассзва ‘‘аммаа, асугам̣ г̇ан̣хат̇а, асугам̣ г̇ан̣хат̇аа’’д̇и мукзна сам̣вид̣̇ахад̇и. звамзва со аббамад̇д̇агамби ад̇д̇ано сийлам̣ ваа г̇ант̇ам̣ ваа д̇худ̇аг̇ун̣ам̣ ваа анд̇амасо аран̃н̃аваасамад̇д̇агамби махааж̇анасса ж̇аананд̇ассзва самбхаавзд̇угаамо ход̇и, самбхаавзд̇ваа жа бана сагадзхиби убанийд̇з бажжаяз ‘ала’нд̇и авад̇ваа г̇ан̣хаад̇и. д̇аяо хи буурзд̇ум̣ на саггаа – аг̇г̇и убаад̣̇аанзна, самуд̣̇д̣̇о уд̣̇агзна, махижчо бажжаязхийд̇и.

    850. Mahicchatāniddese mahantāni vatthūni icchati, mahatī vāssa icchāti mahiccho, tassa bhāvo mahicchatā. Lakkhaṇato pana asantaguṇasambhāvanatā paṭiggahaṇe ca paribhoge ca amattaññutā – etaṃ mahicchatālakkhaṇaṃ. Mahiccho hi puggalo yathā nāma kacchapuṭavāṇijo piḷandhanabhaṇḍakaṃ hatthena gahetvā ucchaṅgepi pakkhipitabbayuttakaṃ pakkhipitvā mahājanassa passantasseva ‘‘ammā, asukaṃ gaṇhatha, asukaṃ gaṇhathā’’ti mukhena saṃvidahati. Evameva so appamattakampi attano sīlaṃ vā ganthaṃ vā dhutaguṇaṃ vā antamaso araññavāsamattakampi mahājanassa jānantasseva sambhāvetukāmo hoti, sambhāvetvā ca pana sakaṭehipi upanīte paccaye ‘ala’nti avatvā gaṇhāti. Tayo hi pūretuṃ na sakkā – aggi upādānena, samuddo udakena, mahiccho paccayehīti.

    аг̇г̇игканд̇хо самуд̣̇д̣̇о жа, махижчо жааби буг̇г̇ало;

    Aggikkhandho samuddo ca, mahiccho cāpi puggalo;

    б̣ахугз бажжаяз д̣̇знд̇з, д̇аяо бзд̇з на буураяз.

    Bahuke paccaye dente, tayo pete na pūraye.

    махижчабуг̇г̇ало хи виж̇аад̇амаад̇уяааби манам̣ г̇ан̣хид̇ум̣ на саггод̇и, баг̇зва убадтаагаанам̣.

    Mahicchapuggalo hi vijātamātuyāpi manaṃ gaṇhituṃ na sakkoti, pageva upaṭṭhākānaṃ.

    д̇ад̇римаани вад̇т̇ууни – зго гира д̣̇ахарабхигку бидтабуувз бияааяад̇и. ат̇асса маад̇аа бадибад̇д̇им̣ виймам̣самаанаа ‘сажз мз буд̇д̇о бадиг̇г̇ахан̣з мад̇д̇ам̣ ж̇аанаад̇и, сагаламби нам̣ д̇змаасам̣ буувзхзва убадтахиссаамий’д̇и вассуубанааяигад̣̇ивасз баривиймам̣самаанаа батамам̣ згам̣ буувам̣ ад̣̇ааси, д̇асмим̣ нидтид̇з д̣̇уд̇ияам̣, д̇асмимби нидтид̇з д̇ад̇ияам̣. д̣̇ахаро ‘ала’нд̇и авад̇ваа каад̣̇иязва. маад̇аа д̇асса амад̇д̇ан̃н̃убхаавам̣ н̃ад̇ваа ‘аж̇ж̇зва мз буд̇д̇зна сагалад̇змаасасса бууваа каад̣̇ид̇аа’д̇и д̣̇уд̇ияад̣̇ивасад̇о бадтааяа згабуувамби на ад̣̇ааси.

    Tatrimāni vatthūni – eko kira daharabhikkhu piṭṭhapūve piyāyati. Athassa mātā paṭipattiṃ vīmaṃsamānā ‘sace me putto paṭiggahaṇe mattaṃ jānāti, sakalampi naṃ temāsaṃ pūveheva upaṭṭhahissāmī’ti vassūpanāyikadivase parivīmaṃsamānā paṭhamaṃ ekaṃ pūvaṃ adāsi, tasmiṃ niṭṭhite dutiyaṃ, tasmimpi niṭṭhite tatiyaṃ. Daharo ‘ala’nti avatvā khādiyeva. Mātā tassa amattaññubhāvaṃ ñatvā ‘ajjeva me puttena sakalatemāsassa pūvā khāditā’ti dutiyadivasato paṭṭhāya ekapūvampi na adāsi.

    д̇иссамахаарааж̇ааби д̣̇звасигам̣ жзд̇ияабаб̣б̣ад̇з бхигкусан̇гхасса д̣̇аанам̣ д̣̇ад̣̇амаано ‘махаарааж̇а, гим̣ згамзва таанам̣ бхаж̇аси? гим̣ ан̃н̃ад̇т̇а д̣̇аад̇ум̣ на ваддад̇ий’д̇и ж̇аанабад̣̇зхи вуд̇д̇о д̣̇уд̇ияад̣̇ивасз анураад̇хабурз махаад̣̇аанам̣ д̣̇аабзси. згабхигкуби бадиг̇г̇ахан̣з мад̇д̇ам̣ на ан̃н̃ааси. згамзгзна бадиг̇г̇ахид̇ам̣ каад̣̇анийяабхож̇анийяам̣ д̣̇вз д̇аяо ж̇анаа угкибим̣су. рааж̇аа д̣̇уд̇ияад̣̇ивасз жзд̇ияабаб̣б̣ад̇з бхигкусан̇гхам̣ ниманд̇аабзд̇ваа рааж̇анд̇збурам̣ ааг̇ад̇агаалз ‘‘бад̇д̇ам̣ д̣̇зт̇аа’’д̇и ааха. ‘‘алам̣, махаарааж̇а, ад̇д̇ано бамаан̣зна бхигкам̣ г̇ан̣хиссад̇ий’’д̇и згабхигкуби бад̇д̇ам̣ на ад̣̇ааси. саб̣б̣з бамаан̣аяуд̇д̇агамзва бадиг̇г̇ахзсум̣. ат̇а рааж̇аа ааха – ‘‘бассат̇а д̇умхаагам̣ бхигкуусу згоби мад̇д̇ам̣ на ж̇аанаад̇и. хияяо гин̃жи авасзсам̣ наахоси. аж̇ж̇а г̇ахид̇ам̣ манд̣̇ам̣, авасзсамзва б̣ахуу’’д̇и д̇зсам̣ мад̇д̇ан̃н̃уд̇ааяа ад̇д̇амано ид̇арзсан̃жа амад̇д̇ан̃н̃уд̇ааяа анад̇д̇амано ахоси.

    Tissamahārājāpi devasikaṃ cetiyapabbate bhikkhusaṅghassa dānaṃ dadamāno ‘mahārāja, kiṃ ekameva ṭhānaṃ bhajasi? Kiṃ aññattha dātuṃ na vaṭṭatī’ti jānapadehi vutto dutiyadivase anurādhapure mahādānaṃ dāpesi. Ekabhikkhupi paṭiggahaṇe mattaṃ na aññāsi. Ekamekena paṭiggahitaṃ khādanīyabhojanīyaṃ dve tayo janā ukkhipiṃsu. Rājā dutiyadivase cetiyapabbate bhikkhusaṅghaṃ nimantāpetvā rājantepuraṃ āgatakāle ‘‘pattaṃ dethā’’ti āha. ‘‘Alaṃ, mahārāja, attano pamāṇena bhikkhaṃ gaṇhissatī’’ti ekabhikkhupi pattaṃ na adāsi. Sabbe pamāṇayuttakameva paṭiggahesuṃ. Atha rājā āha – ‘‘passatha tumhākaṃ bhikkhūsu ekopi mattaṃ na jānāti. Hiyyo kiñci avasesaṃ nāhosi. Ajja gahitaṃ mandaṃ, avasesameva bahū’’ti tesaṃ mattaññutāya attamano itaresañca amattaññutāya anattamano ahosi.

    851. баабижчад̇аанид̣̇д̣̇зсз ассад̣̇д̇хо самаано сад̣̇д̇ход̇и мам̣ ж̇ано ж̇аанаад̇ууд̇иаад̣̇ийсу звам̣ ижчанд̇о гим̣ гарод̇и? ассад̣̇д̇хо сад̣̇д̇хаагаарам̣ д̣̇ассзд̇и; д̣̇уссийлаад̣̇аяо сийлаванд̇аад̣̇ийнам̣ аагаарам̣ д̣̇ассзнд̇и. гат̇ам̣? ассад̣̇д̇хо д̇аава махаамахад̣̇ивасз мануссаанам̣ вихаарам̣ ааг̇аманавзлааяа саммаж̇ж̇аним̣ аад̣̇ааяа вихаарам̣ саммаж̇ж̇ад̇и, гажаварам̣ чад̣д̣зд̇и, мануссзхи д̣̇идтабхаавам̣ н̃ад̇ваа жзд̇ияан̇г̇ан̣ам̣ г̇ажчад̇и, д̇ад̇т̇ааби саммаж̇ж̇ид̇ваа гажаварам̣ чад̣д̣зд̇и, ваалигам̣ самам̣ гарод̇и, аасанаани д̇ховад̇и, б̣од̇химхи уд̣̇агам̣ син̃жад̇и. мануссаа д̣̇исваа ‘над̇т̇и ман̃н̃з ан̃н̃о бхигку вихаараж̇аг̇г̇анаго, аяамзва имам̣ вихаарам̣ бадиж̇аг̇г̇ад̇и, сад̣̇д̇хо т̇зро’д̇и г̇аманагаалз ниманд̇зд̇ваа г̇ажчанд̇и. д̣̇уссийлоби убадтаагаанам̣ саммукз винаяад̇харам̣ убасан̇гамид̇ваа бужчад̇и ‘‘бханд̇з, маяи г̇ажчанд̇з г̇он̣о уб̣б̣иг̇г̇о. д̇зна д̇хаавад̇аа д̇ин̣аани чиннаани. саммаж̇ж̇анд̇асса мз д̇ин̣аани чиж̇ж̇анд̇и. жан̇гаманд̇асса мз баан̣агаа мийяанд̇и. кзл̣ам̣ баад̇знд̇асса асад̇ияаа д̇ин̣амад̇т̇агз бад̇ад̇и; д̇ад̇т̇а д̇ад̇т̇а гим̣ ход̇ий’’д̇и? ‘‘анаабад̇д̇и, аавусо, асан̃жижжа асад̇ияаа аж̇аананд̇ассаа’’д̇и жа вуд̇д̇з ‘‘бханд̇з, маяхам̣ г̇аругам̣ вияа убадтаад̇и; судту виймам̣сат̇аа’’д̇и бхан̣ад̇и. д̇ам̣ суд̇ваа мануссаа ‘амхаагам̣ аяяо зд̇д̇агзби гуггужжааяад̇и! ан̃н̃асмим̣ ол̣ааригз гим̣ наама гариссад̇и; над̇т̇и иминаа сад̣̇исо сийлаваад̇и басаннаа саггаарам̣ гаронд̇и. аббассуд̇оби убадтаагамаж̇жхз нисинно ‘‘асуго д̇ибидагад̇харо, асуго жад̇унигааяиго маяхам̣ анд̇зваасиго, мама санд̇игз д̇зхи д̇хаммо уг̇г̇ахид̇о’’д̇и вад̣̇ад̇и. мануссаа ‘амхаагам̣ аяязна сад̣̇исо б̣ахуссуд̇о над̇т̇и, зд̇асса гира санд̇игз асугзна жа асугзна жа д̇хаммо уг̇г̇ахид̇о’д̇и басаннаа саггаарам̣ гаронд̇и.

    851. Pāpicchatāniddese assaddho samāno saddhoti maṃ jano jānātūtiādīsu evaṃ icchanto kiṃ karoti? Assaddho saddhākāraṃ dasseti; dussīlādayo sīlavantādīnaṃ ākāraṃ dassenti. Kathaṃ? Assaddho tāva mahāmahadivase manussānaṃ vihāraṃ āgamanavelāya sammajjaniṃ ādāya vihāraṃ sammajjati, kacavaraṃ chaḍḍeti, manussehi diṭṭhabhāvaṃ ñatvā cetiyaṅgaṇaṃ gacchati, tatthāpi sammajjitvā kacavaraṃ chaḍḍeti, vālikaṃ samaṃ karoti, āsanāni dhovati, bodhimhi udakaṃ siñcati. Manussā disvā ‘natthi maññe añño bhikkhu vihārajagganako, ayameva imaṃ vihāraṃ paṭijaggati, saddho thero’ti gamanakāle nimantetvā gacchanti. Dussīlopi upaṭṭhākānaṃ sammukhe vinayadharaṃ upasaṅkamitvā pucchati ‘‘bhante, mayi gacchante goṇo ubbiggo. Tena dhāvatā tiṇāni chinnāni. Sammajjantassa me tiṇāni chijjanti. Caṅkamantassa me pāṇakā mīyanti. Kheḷaṃ pātentassa asatiyā tiṇamatthake patati; tattha tattha kiṃ hotī’’ti? ‘‘Anāpatti, āvuso, asañcicca asatiyā ajānantassā’’ti ca vutte ‘‘bhante, mayhaṃ garukaṃ viya upaṭṭhāti; suṭṭhu vīmaṃsathā’’ti bhaṇati. Taṃ sutvā manussā ‘amhākaṃ ayyo ettakepi kukkuccāyati! Aññasmiṃ oḷārike kiṃ nāma karissati; natthi iminā sadiso sīlavāti pasannā sakkāraṃ karonti. Appassutopi upaṭṭhākamajjhe nisinno ‘‘asuko tipiṭakadharo, asuko catunikāyiko mayhaṃ antevāsiko, mama santike tehi dhammo uggahito’’ti vadati. Manussā ‘amhākaṃ ayyena sadiso bahussuto natthi, etassa kira santike asukena ca asukena ca dhammo uggahito’ti pasannā sakkāraṃ karonti.

    сан̇г̇ан̣игаараамоби махаамахад̣̇ивасз д̣̇ийгхабийтан̃жа абассаяан̃жа г̇аахаабзд̇ваа вихаарабажжанд̇з ругкамуулз д̣̇иваавихаарам̣ нисийд̣̇ад̇и. мануссаа ааг̇анд̇ваа ‘‘т̇зро гухи’’нд̇и бужчанд̇и. ‘‘г̇ан̣тигабуд̇д̇аа наама г̇ан̣тигаа зва хонд̇и. д̇зна т̇зро зваруубз гаалз ид̇ха на нисийд̣̇ад̇и, вихаарабажжанд̇з д̣̇иваадтаанз д̣̇ийгхажан̇гамз вихарад̇ий’’д̇и вад̣̇анд̇и. соби д̣̇ивасабхааг̇ам̣ вийд̇инаамзд̇ваа налаадз маггадасуд̇д̇ам̣ аллияаабзд̇ваа бийтам̣ г̇аахаабзд̇ваа ааг̇амма баривзн̣ад̣̇ваарз нисийд̣̇ад̇и. мануссаа ‘‘гахам̣, бханд̇з, г̇ад̇ад̇т̇а? ааг̇анд̇ваа на ад̣̇д̣̇асамхаа’’д̇и вад̣̇анд̇и. ‘‘убаасагаа, анд̇овихааро аагин̣н̣о; д̣̇ахарасааман̣зраанам̣ вижаран̣адтаанамзд̇ам̣ садтихад̇т̇ажан̇гамз д̣̇иваадтаанз нисийд̣̇имхаа’’д̇и ад̇д̇ано бавивид̇д̇абхаавам̣ ж̇аанаабзд̇и.

    Saṅgaṇikārāmopi mahāmahadivase dīghapīṭhañca apassayañca gāhāpetvā vihārapaccante rukkhamūle divāvihāraṃ nisīdati. Manussā āgantvā ‘‘thero kuhi’’nti pucchanti. ‘‘Gaṇṭhikaputtā nāma gaṇṭhikā eva honti. Tena thero evarūpe kāle idha na nisīdati, vihārapaccante divāṭṭhāne dīghacaṅkame viharatī’’ti vadanti. Sopi divasabhāgaṃ vītināmetvā nalāṭe makkaṭasuttaṃ alliyāpetvā pīṭhaṃ gāhāpetvā āgamma pariveṇadvāre nisīdati. Manussā ‘‘kahaṃ, bhante, gatattha? Āgantvā na addasamhā’’ti vadanti. ‘‘Upāsakā, antovihāro ākiṇṇo; daharasāmaṇerānaṃ vicaraṇaṭṭhānametaṃ saṭṭhihatthacaṅkame divāṭṭhāne nisīdimhā’’ti attano pavivittabhāvaṃ jānāpeti.

    гусийд̇оби убадтаагамаж̇жхз нисинно ‘‘убаасагаа, д̇умхзхи уггаабаад̇о д̣̇идто’’д̇и вад̣̇ад̇и. ‘‘на бассаама, бханд̇з; гааяа взлааяа ахосий’’д̇и жа будто ‘‘амхаагам̣ жан̇гаманавзлааяаа’’д̇и вад̇ваа ‘‘бхуумижааласад̣̇д̣̇ам̣ ассуд̇т̇аа’’д̇и бужчад̇и. ‘‘на сун̣аама, бханд̇з; гааяа взлааяаа’’д̇и будто ‘‘маж̇жхимаяаамз амхаагам̣ ааламб̣анапалагам̣ абассааяа тид̇агаалз’’д̇и вад̇ваа ‘‘махааобхаасо ахоси; со во д̣̇идто’’д̇и бужчад̇и. ‘‘гааяа взлааяа, бханд̇з’’д̇и жа вуд̇д̇з ‘‘маяхам̣ жан̇гамамхаа од̇аран̣агаалз’’д̇и вад̣̇ад̇и. мануссаа ‘амхаагам̣ т̇зро д̇ийсуби яаамзсу жан̇гамзязва ход̇и; над̇т̇и аяязна сад̣̇исо аарад̣̇д̇хавийрияо’д̇и басаннаа саггаарам̣ гаронд̇и.

    Kusītopi upaṭṭhākamajjhe nisinno ‘‘upāsakā, tumhehi ukkāpāto diṭṭho’’ti vadati. ‘‘Na passāma, bhante; kāya velāya ahosī’’ti ca puṭṭho ‘‘amhākaṃ caṅkamanavelāyā’’ti vatvā ‘‘bhūmicālasaddaṃ assutthā’’ti pucchati. ‘‘Na suṇāma, bhante; kāya velāyā’’ti puṭṭho ‘‘majjhimayāme amhākaṃ ālambanaphalakaṃ apassāya ṭhitakāle’’ti vatvā ‘‘mahāobhāso ahosi; so vo diṭṭho’’ti pucchati. ‘‘Kāya velāya, bhante’’ti ca vutte ‘‘mayhaṃ caṅkamamhā otaraṇakāle’’ti vadati. Manussā ‘amhākaṃ thero tīsupi yāmesu caṅkameyeva hoti; natthi ayyena sadiso āraddhavīriyo’ti pasannā sakkāraṃ karonti.

    мудтассад̇ийби убадтаагамаж̇жхз нисинно ‘‘маяаа асугагаалз наама д̣̇ийгханигааяо уг̇г̇ахид̇о, асугагаалз маж̇жхимо, сам̣яуд̇д̇аго, ан̇г̇уд̇д̇ариго; анд̇араа ологанам̣ наама над̇т̇и, ижчид̇ижчад̇адтаанз мукаарул̣хова д̇анд̇и ааг̇ажчад̇и; имз банан̃н̃з бхигкуу зл̣агаа вияа мукам̣ панд̣̇аабзнд̇аа вихаранд̇ий’’д̇и вад̣̇ад̇и. мануссаа ‘над̇т̇и аяязна сад̣̇исо убадтид̇асад̇ий’д̇и басаннаа саггаарам̣ гаронд̇и.

    Muṭṭhassatīpi upaṭṭhākamajjhe nisinno ‘‘mayā asukakāle nāma dīghanikāyo uggahito, asukakāle majjhimo, saṃyuttako, aṅguttariko; antarā olokanaṃ nāma natthi, icchiticchataṭṭhāne mukhāruḷhova tanti āgacchati; ime panaññe bhikkhū eḷakā viya mukhaṃ phandāpentā viharantī’’ti vadati. Manussā ‘natthi ayyena sadiso upaṭṭhitasatī’ti pasannā sakkāraṃ karonti.

    асамаахид̇оби убадтаагаанам̣ саммукз адтагат̇аажарияз бан̃хам̣ бужчад̇и – ‘гасин̣ам̣ наама гат̇ам̣ бхаавзд̇и? гид̇д̇агзна нимид̇д̇ам̣ уббаннам̣ наама ход̇и? гид̇д̇агзна убажааро? гид̇д̇агзна аббанаа? батамасса жхаанасса гад̇и ан̇г̇аани? д̣̇уд̇ияасса д̇ад̇ияасса жад̇уд̇т̇асса жхаанасса гад̇и ан̇г̇аани’’д̇и бужчад̇и. д̇зхи ад̇д̇ано уг̇г̇ахид̇аануруубзна гат̇ид̇агаалз сид̇ам̣ гад̇ваа ‘гим̣, аавусо, звам̣ на хосий’д̇и вуд̇д̇з ‘ваддад̇и, бханд̇з’д̇и ад̇д̇ано самаабад̇д̇илаабхид̇ам̣ суужзд̇и. мануссаа ‘самаабад̇д̇илаабхий аяяо’д̇и басаннаа саггаарам̣ гаронд̇и.

    Asamāhitopi upaṭṭhākānaṃ sammukhe aṭṭhakathācariye pañhaṃ pucchati – ‘kasiṇaṃ nāma kathaṃ bhāveti? Kittakena nimittaṃ uppannaṃ nāma hoti? Kittakena upacāro? Kittakena appanā? Paṭhamassa jhānassa kati aṅgāni? Dutiyassa tatiyassa catutthassa jhānassa kati aṅgāni’’ti pucchati. Tehi attano uggahitānurūpena kathitakāle sitaṃ katvā ‘kiṃ, āvuso, evaṃ na hosī’ti vutte ‘vaṭṭati, bhante’ti attano samāpattilābhitaṃ sūceti. Manussā ‘samāpattilābhī ayyo’ti pasannā sakkāraṃ karonti.

    д̣̇уббан̃н̃оби убадтаагаанам̣ маж̇жхз нисинно ‘маж̇жхиманигааяз мз бан̃жад̇д̇аяам̣ ологзнд̇асса сахид̣̇д̇хияаава маг̇г̇о ааг̇ад̇о. барияад̇д̇и наама амхаагам̣ на д̣̇уггараа. барияад̇д̇иваавадо бана д̣̇угкад̇о на мужжад̇ийд̇и барияад̇д̇им̣ виссаж̇ж̇аяимхаа’д̇иаад̣̇ийни вад̣̇анд̇о ад̇д̇ано махаабан̃н̃ад̇ам̣ д̣̇ийбзд̇и. звам̣ вад̣̇анд̇о банасса саасанз бахаарам̣ д̣̇зд̇и. иминаа сад̣̇исо махаажоро наама над̇т̇и. на хи барияад̇д̇ид̇харо д̣̇угкад̇о на мужжад̇ийд̇и. акийн̣аасавоби г̇аамад̣̇аарагз д̣̇исваа ‘д̇умхаагам̣ маад̇аабид̇аро амхз гим̣ вад̣̇анд̇ий’’д̇и? ‘‘арахаад̇и вад̣̇анд̇и, бханд̇з’’д̇и. ‘яаава чзгаа г̇ахабад̇игаа, на саггаа ван̃жзд̇у’нд̇и ад̇д̇ано кийн̣аасавабхаавам̣ д̣̇ийбзд̇и.

    Duppaññopi upaṭṭhākānaṃ majjhe nisinno ‘majjhimanikāye me pañcattayaṃ olokentassa sahiddhiyāva maggo āgato. Pariyatti nāma amhākaṃ na dukkarā. Pariyattivāvaṭo pana dukkhato na muccatīti pariyattiṃ vissajjayimhā’tiādīni vadanto attano mahāpaññataṃ dīpeti. Evaṃ vadanto panassa sāsane pahāraṃ deti. Iminā sadiso mahācoro nāma natthi. Na hi pariyattidharo dukkhato na muccatīti. Akhīṇāsavopi gāmadārake disvā ‘tumhākaṃ mātāpitaro amhe kiṃ vadantī’’ti? ‘‘Arahāti vadanti, bhante’’ti. ‘Yāva chekā gahapatikā, na sakkā vañcetu’nti attano khīṇāsavabhāvaṃ dīpeti.

    ан̃н̃зби жзд̇т̇а жаадиараханд̇абаарохаараханд̇аад̣̇аяо взд̣̇ид̇аб̣б̣аа – зго гира гухаго анд̇ог̇аб̣бхз жаадим̣ никан̣ид̇ваа мануссаанам̣ ааг̇аманагаалз бависад̇и. мануссаа ‘гахам̣ т̇зро’д̇и бужчанд̇и. ‘анд̇ог̇аб̣бхз’д̇и жа вуд̇д̇з бависид̇ваа вижинанд̇ааби ад̣̇исваа нигкамид̇ваа ‘над̇т̇и т̇зро’д̇и вад̣̇анд̇и. ‘анд̇ог̇аб̣бхзязва т̇зро’д̇и жа вуд̇д̇з буна бависанд̇и. т̇зро жаадид̇о нигкамид̇ваа бийтз нисинно ход̇и. д̇ад̇о д̇зхи ‘маяам̣, бханд̇з, буб̣б̣з ад̣̇исваа нигканд̇аа, гахам̣ д̇умхз г̇ад̇ад̇т̇аа’’д̇и вуд̇д̇з ‘саман̣аа наама ад̇д̇ано ижчид̇ижчид̇адтаанам̣ г̇ажчанд̇ий’д̇и важанзна ад̇д̇ано кийн̣аасавабхаавам̣ д̣̇ийбзд̇и.

    Aññepi cettha cāṭiarahantapārohaarahantādayo veditabbā – eko kira kuhako antogabbhe cāṭiṃ nikhaṇitvā manussānaṃ āgamanakāle pavisati. Manussā ‘kahaṃ thero’ti pucchanti. ‘Antogabbhe’ti ca vutte pavisitvā vicinantāpi adisvā nikkhamitvā ‘natthi thero’ti vadanti. ‘Antogabbheyeva thero’ti ca vutte puna pavisanti. Thero cāṭito nikkhamitvā pīṭhe nisinno hoti. Tato tehi ‘mayaṃ, bhante, pubbe adisvā nikkhantā, kahaṃ tumhe gatatthā’’ti vutte ‘samaṇā nāma attano icchiticchitaṭṭhānaṃ gacchantī’ti vacanena attano khīṇāsavabhāvaṃ dīpeti.

    абароби гухаго згасмим̣ баб̣б̣ад̇з бан̣н̣асаалааяам̣ васад̇и. бан̣н̣асаалааяа жа бажчад̇о бабаад̇адтаанз зго гажчагаругко ад̇т̇и. д̇асса баарохо г̇анд̇ваа барабхааг̇з бхуумияам̣ бад̇идтид̇о. мануссаа маг̇г̇знааг̇анд̇ваа ниманд̇знд̇и. со бад̇д̇ажийварамаад̣̇ааяа баарохзна од̇арид̇ваа г̇аамад̣̇ваарз ад̇д̇аанам̣ д̣̇ассзд̇и. д̇ад̇о мануссзхи бажчаа ааг̇анд̇ваа ‘гад̇арзна маг̇г̇зна ааг̇ад̇ад̇т̇а, бханд̇з’д̇и будто ‘саман̣аанам̣ ааг̇ад̇амаг̇г̇о наама бужчид̇ум̣ на ваддад̇и, ад̇д̇ано ижчид̇ижчид̇адтаанзнзва ааг̇ажчанд̇ий’д̇и важанзна кийн̣аасавабхаавам̣ д̣̇ийбзд̇и. д̇ам̣ бана гухагам̣ зго вид̣̇д̇хаган̣н̣о н̃ад̇ваа ‘бариг̇г̇ахзссаами на’нд̇и згад̣̇ивасам̣ баарохзна од̇аранд̇ам̣ д̣̇исваа бажчад̇о чинд̣̇ид̇ваа аббамад̇д̇агзна табзси. со ‘баарохад̇о од̇ариссаамий’д̇и ‘та’нд̇и бад̇ид̇о, мад̇д̇игаа бад̇д̇о бхиж̇ж̇и. со ‘н̃аад̇омхий’д̇и нигкамид̇ваа балааяи. баабижчасса бхааво баабижчад̇аа. лагкан̣ад̇о бана асанд̇аг̇ун̣асамбхааванад̇аа, бадиг̇г̇ахан̣з жа амад̇д̇ан̃н̃уд̇аа; зд̇ам̣ баабижчад̇аалагкан̣анд̇и взд̣̇ид̇аб̣б̣ам̣.

    Aparopi kuhako ekasmiṃ pabbate paṇṇasālāyaṃ vasati. Paṇṇasālāya ca pacchato papātaṭṭhāne eko kacchakarukkho atthi. Tassa pāroho gantvā parabhāge bhūmiyaṃ patiṭṭhito. Manussā maggenāgantvā nimantenti. So pattacīvaramādāya pārohena otaritvā gāmadvāre attānaṃ dasseti. Tato manussehi pacchā āgantvā ‘katarena maggena āgatattha, bhante’ti puṭṭho ‘samaṇānaṃ āgatamaggo nāma pucchituṃ na vaṭṭati, attano icchiticchitaṭṭhāneneva āgacchantī’ti vacanena khīṇāsavabhāvaṃ dīpeti. Taṃ pana kuhakaṃ eko viddhakaṇṇo ñatvā ‘pariggahessāmi na’nti ekadivasaṃ pārohena otarantaṃ disvā pacchato chinditvā appamattakena ṭhapesi. So ‘pārohato otarissāmī’ti ‘ṭha’nti patito, mattikā patto bhijji. So ‘ñātomhī’ti nikkhamitvā palāyi. Pāpicchassa bhāvo pāpicchatā. Lakkhaṇato pana asantaguṇasambhāvanatā, paṭiggahaṇe ca amattaññutā; etaṃ pāpicchatālakkhaṇanti veditabbaṃ.

    852. син̇г̇анид̣̇д̣̇зсз виж̇жханадтзна син̇г̇ам̣; нааг̇аригабхаавасан̇каад̇асса гилзсасин̇г̇ассзд̇ам̣ наамам̣. син̇г̇аарабхааво син̇г̇аарад̇аа, син̇г̇аарагаран̣аагааро ваа. жад̇урабхааво жад̇урад̇аа. д̇ат̇аа жаад̇урияам̣. баригкад̇абхааво баригкад̇ад̇аа; барикан̣ид̇ваа табид̇ассзва д̣̇ал̣хасин̇г̇аарабхаавассзд̇ам̣ наамам̣ . ид̇арам̣ д̇ассзва взважанам̣. звам̣ саб̣б̣зхиби бад̣̇зхи гилзсасин̇г̇аарад̇аава гат̇ид̇аа.

    852. Siṅganiddese vijjhanaṭṭhena siṅgaṃ; nāgarikabhāvasaṅkhātassa kilesasiṅgassetaṃ nāmaṃ. Siṅgārabhāvo siṅgāratā, siṅgārakaraṇākāro vā. Caturabhāvo caturatā. Tathā cāturiyaṃ. Parikkhatabhāvo parikkhatatā; parikhaṇitvā ṭhapitasseva daḷhasiṅgārabhāvassetaṃ nāmaṃ . Itaraṃ tasseva vevacanaṃ. Evaṃ sabbehipi padehi kilesasiṅgāratāva kathitā.

    853. д̇инд̇ин̣анид̣̇д̣̇зсз д̇инд̇ин̣анд̇и кийяанам̣. д̇инд̇ин̣ааяанаагааро д̇инд̇ин̣ааяанаа. д̇инд̇ин̣зна аяид̇асса д̇инд̇ин̣асаман̇г̇ино бхааво д̇инд̇ин̣ааяид̇ад̇д̇ам̣. лолубабхааво лолуббам̣. ид̇арз д̣̇вз аагаарабхааванид̣̇д̣̇зсаа. бужчан̃ж̇игад̇аад̇и лаабхалабханагадтаанз взд̇ханаагамбанаа нийжавуд̇д̇ид̇аа. саад̇хугамяад̇аад̇и бан̣ийд̇абан̣ийд̇аанам̣ бад̇т̇анаа. звам̣ саб̣б̣зхиби бад̣̇зхи суваанад̣̇он̣ияам̣ ган̃ж̇ияам̣ биванагасунакасса ан̃н̃ам̣ сунакам̣ д̣̇исваа бхубхуггаран̣ам̣ вияа ‘д̇ава санд̇агам̣, мама санд̇ага’нд̇и гилзсавасзна кийяанаагааро гат̇ид̇о.

    853. Tintiṇaniddese tintiṇanti khīyanaṃ. Tintiṇāyanākāro tintiṇāyanā. Tintiṇena ayitassa tintiṇasamaṅgino bhāvo tintiṇāyitattaṃ. Lolupabhāvo loluppaṃ. Itare dve ākārabhāvaniddesā. Pucchañjikatāti lābhalabhanakaṭṭhāne vedhanākampanā nīcavuttitā. Sādhukamyatāti paṇītapaṇītānaṃ patthanā. Evaṃ sabbehipi padehi suvānadoṇiyaṃ kañjiyaṃ pivanakasunakhassa aññaṃ sunakhaṃ disvā bhubhukkaraṇaṃ viya ‘tava santakaṃ, mama santaka’nti kilesavasena khīyanākāro kathito.

    854. жаабаляанид̣̇д̣̇зсз аагодид̇абажжаагодид̇абхааваад̣̇ийхи жийварасса ман̣д̣анаа жийвараман̣д̣анаа. ман̣иван̣н̣ажчавигаран̣аад̣̇ийхи бад̇д̇асса ман̣д̣анаа бад̇д̇аман̣д̣анаа. жид̇д̇агаммаад̣̇ийхи буг̇г̇алигасзнаасанасса ман̣д̣анаа сзнаасанаман̣д̣анаа. имасса ваа бууд̇игааяассаад̇и имасса мануссасарийрасса. яат̇аа хи д̇ад̣̇ахуж̇аад̇оби син̇г̇аало ж̇арасин̇г̇аалод̇взва ууруббамаан̣ааби жа г̇ал̣ожилад̇аа бууд̇илад̇аад̇взва сан̇кам̣ г̇ажчад̇и, звам̣ суван̣н̣аван̣н̣оби мануссагааяо бууд̇игааяод̇взва вужжад̇и. д̇асса анд̇аранд̇араа рад̇д̇аван̣н̣абан̣д̣уван̣н̣аад̣̇ийхи ниваасанабаарубанаад̣̇ийхи саж̇ж̇анаа ман̣д̣анаа наама. б̣аахираанам̣ ваа баригкаараананд̇и табзд̇ваа бад̇д̇ажийварам̣ сзсабаригкаараанам̣; ат̇аваа яаа зсаа жийвараман̣д̣анаа бад̇д̇аман̣д̣анаад̇и вуд̇д̇аа, саа д̇зхи ваа баригкаарзхи гааяасса ман̣д̣анаа д̇зсам̣ ваа б̣аахирабаригкаараанам̣ ман̣д̣зд̇ваа табанавасзна ман̣д̣анаад̇и звамзд̇т̇а ад̇т̇о взд̣̇ид̇аб̣б̣о. ман̣д̣анаа вибхуусанаад̇и зд̇т̇а уунадтаанасса бууран̣авасзна ман̣д̣анаа, чавирааг̇аад̣̇ивасзна вибхуусанаад̇и взд̣̇ид̇аб̣б̣аа. гзл̣анаад̇и гийл̣анаа. баригзл̣анаад̇и баригийл̣анаа. г̇ид̣̇д̇хигад̇аад̇и г̇зд̇хаяуд̇д̇ад̇аа. г̇ид̣̇д̇хигад̇д̇анд̇и д̇ассзва взважанам̣. жабалабхааво жабалад̇аа. д̇ат̇аа жаабаляам̣. ид̣̇ам̣ вужжад̇ийд̇и ид̣̇ам̣ жаабаляам̣ наама вужжад̇и, язна саманнааг̇ад̇о буг̇г̇ало вассасад̇игоби самаано д̇ад̣̇ахуж̇аад̇ад̣̇аараго вияа ход̇и.

    854. Cāpalyaniddese ākoṭitapaccākoṭitabhāvādīhi cīvarassa maṇḍanā cīvaramaṇḍanā. Maṇivaṇṇacchavikaraṇādīhi pattassa maṇḍanā pattamaṇḍanā. Cittakammādīhi puggalikasenāsanassa maṇḍanā senāsanamaṇḍanā. Imassa vā pūtikāyassāti imassa manussasarīrassa. Yathā hi tadahujātopi siṅgālo jarasiṅgālotveva ūruppamāṇāpi ca gaḷocilatā pūtilatātveva saṅkhaṃ gacchati, evaṃ suvaṇṇavaṇṇopi manussakāyo pūtikāyotveva vuccati. Tassa antarantarā rattavaṇṇapaṇḍuvaṇṇādīhi nivāsanapārupanādīhi sajjanā maṇḍanā nāma. Bāhirānaṃ vā parikkhārānanti ṭhapetvā pattacīvaraṃ sesaparikkhārānaṃ; athavā yā esā cīvaramaṇḍanā pattamaṇḍanāti vuttā, sā tehi vā parikkhārehi kāyassa maṇḍanā tesaṃ vā bāhiraparikkhārānaṃ maṇḍetvā ṭhapanavasena maṇḍanāti evamettha attho veditabbo. Maṇḍanā vibhūsanāti ettha ūnaṭṭhānassa pūraṇavasena maṇḍanā, chavirāgādivasena vibhūsanāti veditabbā. Keḷanāti kīḷanā. Parikeḷanāti parikīḷanā. Giddhikatāti gedhayuttatā. Giddhikattanti tasseva vevacanaṃ. Capalabhāvo capalatā. Tathā cāpalyaṃ. Idaṃ vuccatīti idaṃ cāpalyaṃ nāma vuccati, yena samannāgato puggalo vassasatikopi samāno tadahujātadārako viya hoti.

    855. асабхааг̇авуд̇д̇инид̣̇д̣̇зсз виббадигуулаг̇г̇аахид̇аад̇и анануломаг̇г̇аахид̇аа. вибажжанийгасаад̇ад̇аад̇и вибажжанийгзна бадивируд̣̇д̇хагаран̣зна сукааяанаа. анаад̣̇арабхааво анаад̣̇арияам̣. д̇ат̇аа анаад̣̇арияад̇аа. аг̇ааравасса бхааво аг̇ааравад̇аа. ж̇здтагабхаавасса агаран̣ам̣ аббад̇иссавад̇аа. аяам̣ вужжад̇ийд̇и аяам̣ асабхааг̇авуд̇д̇и наама вужжад̇и; висабхааг̇аж̇ийвигад̇аад̇и ад̇т̇о; яааяа саманнааг̇ад̇о буг̇г̇ало маад̇арам̣ бид̇арам̣ ваа г̇илаанам̣ бадивад̇д̇ид̇вааби на ологзд̇и; бид̇усанд̇агасса гааран̣аа маад̇араа сад̣̇д̇хим̣, маад̇усанд̇агасса гааран̣аа бид̇араа сад̣̇д̇хим̣ галахам̣ гарод̇и; висабхааг̇аж̇ийвид̇ам̣ ж̇ийвад̇и, маад̇аабид̇уунам̣ санд̇агасса гааран̣аа ж̇здтзна ваа ганидтзна ваа бхаад̇араа сад̣̇д̇хим̣ галахам̣ гарод̇и, ниллаж̇ж̇аважанам̣ вад̣̇ад̇и, аажарияасса ваа убаж̇жхааяасса ваа вад̇д̇абадивад̇д̇ам̣ на гарод̇и, г̇илаанам̣ на убадтаад̇и, б̣уд̣̇д̇хасса бхаг̇авад̇о жзд̇ияад̣̇ассанадтаанз ужжаарам̣ ваа бассаавам̣ ваа гарод̇и, кзл̣амби син̇гхаан̣игамби чад̣д̣зд̇и, чад̇д̇ам̣ д̇хаарзд̇и, убааханаа ааруяха г̇ажчад̇и, б̣уд̣̇д̇хасаавагзсу на лаж̇ж̇ад̇и, сан̇гхз жид̇д̇ийгаарам̣ на гарод̇и, маад̇имад̇д̇абид̇имад̇д̇аад̣̇ийсу г̇арудтаанийязсу хирод̇д̇аббам̣ на бажжубадтаабзд̇и. д̇ассзвам̣ бавад̇д̇амаанасса саб̣б̣аа бзсаа гирияаа маад̇арийд̇иаад̣̇ийсуби вад̇т̇уусу асабхааг̇авуд̇д̇ид̇аа наама ход̇и.

    855. Asabhāgavuttiniddese vippaṭikūlaggāhitāti ananulomaggāhitā. Vipaccanīkasātatāti vipaccanīkena paṭiviruddhakaraṇena sukhāyanā. Anādarabhāvo anādariyaṃ. Tathā anādariyatā. Agāravassa bhāvo agāravatā. Jeṭṭhakabhāvassa akaraṇaṃ appatissavatā. Ayaṃvuccatīti ayaṃ asabhāgavutti nāma vuccati; visabhāgajīvikatāti attho; yāya samannāgato puggalo mātaraṃ pitaraṃ vā gilānaṃ paṭivattitvāpi na oloketi; pitusantakassa kāraṇā mātarā saddhiṃ, mātusantakassa kāraṇā pitarā saddhiṃ kalahaṃ karoti; visabhāgajīvitaṃ jīvati, mātāpitūnaṃ santakassa kāraṇā jeṭṭhena vā kaniṭṭhena vā bhātarā saddhiṃ kalahaṃ karoti, nillajjavacanaṃ vadati, ācariyassa vā upajjhāyassa vā vattapaṭivattaṃ na karoti, gilānaṃ na upaṭṭhāti, buddhassa bhagavato cetiyadassanaṭṭhāne uccāraṃ vā passāvaṃ vā karoti, kheḷampi siṅghāṇikampi chaḍḍeti, chattaṃ dhāreti, upāhanā āruyha gacchati, buddhasāvakesu na lajjati, saṅghe cittīkāraṃ na karoti, mātimattapitimattādīsu garuṭṭhānīyesu hirottappaṃ na paccupaṭṭhāpeti. Tassevaṃ pavattamānassa sabbā pesā kiriyā mātarītiādīsupi vatthūsu asabhāgavuttitā nāma hoti.

    856. арад̇инид̣̇д̣̇зсз банд̇зсууд̇и д̣̇уурзсу вивид̇д̇зсу ваа. ад̇хигусалзсууд̇и самат̇авибассанаад̇хаммзсу. арад̇ийд̇и рад̇ибадигкзбо. арад̇ид̇аад̇и араман̣аагааро. анабхирад̇ийд̇и анабхирад̇абхааво. анабхираман̣аад̇и анабхираман̣аагааро. угган̣тид̇аад̇и угган̣танаагааро. барид̇ассид̇аад̇и угган̣танавасзнзва барид̇ассанаа.

    856. Aratiniddese pantesūti dūresu vivittesu vā. Adhikusalesūti samathavipassanādhammesu. Aratīti ratipaṭikkhepo. Aratitāti aramaṇākāro. Anabhiratīti anabhiratabhāvo. Anabhiramaṇāti anabhiramaṇākāro. Ukkaṇṭhitāti ukkaṇṭhanākāro. Paritassitāti ukkaṇṭhanavaseneva paritassanā.

    857. д̇анд̣̇ийнид̣̇д̣̇зсз д̇анд̣̇ийд̇и ж̇аад̇иааласияам̣. д̇анд̣̇ияанаад̇и д̇анд̣̇ияанаагааро. д̇анд̣̇иманагад̇аад̇и д̇анд̣̇ияаа абхибхууд̇ажид̇д̇ад̇аа. аласасса бхааво ааласяам̣. ааласяааяанаагааро ааласяааяанаа. аласяааяид̇асса бхааво ааласяааяид̇ад̇д̇ам̣. ид̇и саб̣б̣зхиби имзхи бад̣̇зхи гилзсавасзна гааяааласияам̣ гат̇ид̇ам̣.

    857. Tandīniddese tandīti jātiālasiyaṃ. Tandiyanāti tandiyanākāro. Tandimanakatāti tandiyā abhibhūtacittatā. Alasassa bhāvo ālasyaṃ. Ālasyāyanākāro ālasyāyanā. Alasyāyitassa bhāvo ālasyāyitattaṃ. Iti sabbehipi imehi padehi kilesavasena kāyālasiyaṃ kathitaṃ.

    858. виж̇амбхид̇аанид̣̇д̣̇зсз ж̇амбханаад̇и панд̣̇анаа. бунаббунам̣ ж̇амбханаа виж̇амбханаа. аанаманаад̇и бурад̇о наманаа. винаманаад̇и бажчад̇о наманаа. саннаманаад̇и саманд̇ад̇о наманаа. бан̣аманаад̇и яат̇аа хи д̇анд̇ад̇о удтид̇абзсагааро гисмин̃жид̣̇зва г̇ахзд̇ваа уж̇угам̣ гааяам̣ уссаабзд̇и, звам̣ гааяасса уд̣̇д̇хам̣ табанаа. б̣яаад̇хияаганд̇и уббаннаб̣яаад̇хид̇аа. ид̇и саб̣б̣зхиби имзхи бад̣̇зхи гилзсавасзна гааяапанд̣̇анамзва гат̇ид̇ам̣.

    858. Vijambhitāniddese jambhanāti phandanā. Punappunaṃ jambhanā vijambhanā. Ānamanāti purato namanā. Vinamanāti pacchato namanā. Sannamanāti samantato namanā. Paṇamanāti yathā hi tantato uṭṭhitapesakāro kismiñcideva gahetvā ujukaṃ kāyaṃ ussāpeti, evaṃ kāyassa uddhaṃ ṭhapanā. Byādhiyakanti uppannabyādhitā. Iti sabbehipi imehi padehi kilesavasena kāyaphandanameva kathitaṃ.

    859. бхад̇д̇асаммад̣̇анид̣̇д̣̇зсз бхуд̇д̇аависсаад̇и бхуд̇д̇авад̇о. бхад̇д̇амужчаад̇и бхад̇д̇аг̇злан̃н̃ам̣; б̣алавабхад̇д̇зна хи мужчаабад̇д̇о вияа ход̇и. бхад̇д̇агиламат̇од̇и бхад̇д̇зна гиланд̇абхааво. бхад̇д̇абарил̣ааход̇и бхад̇д̇ад̣̇арат̇о. д̇асмин̃хи самаяз барил̣аахуббад̇д̇ияаа убахад̇инд̣̇рияо ход̇и, гааяо ж̇ийрад̇и. гааяад̣̇удтулланд̇и бхад̇д̇ам̣ ниссааяа гааяасса агамман̃н̃ад̇аа.

    859. Bhattasammadaniddese bhuttāvissāti bhuttavato. Bhattamucchāti bhattagelaññaṃ; balavabhattena hi mucchāpatto viya hoti. Bhattakilamathoti bhattena kilantabhāvo. Bhattapariḷāhoti bhattadaratho. Tasmiñhi samaye pariḷāhuppattiyā upahatindriyo hoti, kāyo jīrati. Kāyaduṭṭhullanti bhattaṃ nissāya kāyassa akammaññatā.

    860. жзд̇асо лийнад̇д̇анид̣̇д̣̇зсо хздтаа д̇хаммасан̇г̇ахадтагат̇ааяам̣ вуд̇д̇ад̇т̇оязва. имзхи бана саб̣б̣зхиби бад̣̇зхи гилзсавасзна жид̇д̇асса г̇илаанаагааро гат̇ид̇од̇и взд̣̇ид̇аб̣б̣о.

    860. Cetaso līnattaniddeso heṭṭhā dhammasaṅgahaṭṭhakathāyaṃ vuttatthoyeva. Imehi pana sabbehipi padehi kilesavasena cittassa gilānākāro kathitoti veditabbo.

    861. гуханаанид̣̇д̣̇зсз лаабхасаггаарасилогасанниссид̇ассаад̇и лаабхан̃жа саггааран̃жа гид̇д̇исад̣̇д̣̇ан̃жа ниссид̇асса, бад̇т̇аяанд̇ассаад̇и ад̇т̇о. баабижчассаад̇и асанд̇аг̇ун̣ад̣̇ийбанагаамасса. ижчаабагад̇ассаад̇и ижчааяа абагад̇асса, убад̣̇д̣̇уд̇ассаад̇и ад̇т̇о.

    861. Kuhanāniddese lābhasakkārasilokasannissitassāti lābhañca sakkārañca kittisaddañca nissitassa, patthayantassāti attho. Pāpicchassāti asantaguṇadīpanakāmassa. Icchāpakatassāti icchāya apakatassa, upaddutassāti attho.

    ид̇о барам̣ яасмаа бажжаяабадисзвана сааманд̇аж̇аббанаирияаабат̇асанниссид̇авасзна махаанид̣̇д̣̇зсз д̇ивид̇хам̣ гуханавад̇т̇у ааг̇ад̇ам̣, д̇асмаа д̇ивид̇хамби д̇ам̣ д̣̇ассзд̇ум̣ бажжаяабадисзванасан̇каад̇зна ваад̇и звамаад̣̇и аарад̣̇д̇хам̣. д̇ад̇т̇а жийвараад̣̇ийхи ниманд̇ид̇асса д̇ад̣̇ад̇т̇игассзва сад̇о баабижчад̇ам̣ ниссааяа бадигкибанзна, д̇з жа г̇ахабад̇игз ад̇д̇ани суббад̇идтид̇асад̣̇д̇хз н̃ад̇ваа буна д̇зсам̣ ‘ахо аяяо аббижчо, на гин̃жи бадиг̇г̇ан̣хид̇ум̣ ижчад̇и, сулад̣̇д̇хам̣ вад̇а но асса сажз аббамад̇д̇агам̣ гин̃жи бадиг̇г̇ан̣хзяяаа’д̇и наанаавид̇хзхи убааязхи бан̣ийд̇аани жийвараад̣̇ийни убанзнд̇аанам̣ д̇ад̣̇ануг̇г̇ахагаамад̇ам̣язва аавигад̇ваа бадиг̇г̇ахан̣зна жа д̇ад̇о бабхуд̇и асийд̇исагадабхаарзхи убанааманахзд̇убхууд̇ам̣ вимхаабанам̣ бажжаяабадисзванасан̇каад̇ам̣ гуханавад̇т̇ууд̇и взд̣̇ид̇аб̣б̣ам̣. вуд̇д̇амби жзд̇ам̣ махаанид̣̇д̣̇зсз (махаани. 87) –

    Ito paraṃ yasmā paccayapaṭisevana sāmantajappanairiyāpathasannissitavasena mahāniddese tividhaṃ kuhanavatthu āgataṃ, tasmā tividhampi taṃ dassetuṃ paccayapaṭisevanasaṅkhātena vāti evamādi āraddhaṃ. Tattha cīvarādīhi nimantitassa tadatthikasseva sato pāpicchataṃ nissāya paṭikkhipanena, te ca gahapatike attani suppatiṭṭhitasaddhe ñatvā puna tesaṃ ‘aho ayyo appiccho, na kiñci paṭiggaṇhituṃ icchati, suladdhaṃ vata no assa sace appamattakaṃ kiñci paṭiggaṇheyyā’ti nānāvidhehi upāyehi paṇītāni cīvarādīni upanentānaṃ tadanuggahakāmataṃyeva āvikatvā paṭiggahaṇena ca tato pabhuti asītisakaṭabhārehi upanāmanahetubhūtaṃ vimhāpanaṃ paccayapaṭisevanasaṅkhātaṃ kuhanavatthūti veditabbaṃ. Vuttampi cetaṃ mahāniddese (mahāni. 87) –

    ‘‘гад̇амам̣ бажжаяабадисзванасан̇каад̇ам̣ гуханавад̇т̇у? ид̇ха г̇ахабад̇игаа бхигкум̣ ниманд̇знд̇и жийварабин̣д̣абаад̇асзнаасанаг̇илаанабажжаяабхзсаж̇ж̇абаригкаарзхи. со баабижчо ижчаабагад̇о ад̇т̇иго жийвара …бз… баригкаараанам̣ бхияяогамяад̇ам̣ убаад̣̇ааяа жийварам̣ бажжагкаад̇и, бин̣д̣абаад̇ам̣ бажжагкаад̇и, сзнаасанам̣ бажжагкаад̇и, г̇илаанабажжаяабхзсаж̇ж̇абаригкаарам̣ бажжагкаад̇и. со звамааха – ‘‘гим̣ саман̣асса махаг̇гхзна жийварзна? зд̇ам̣ сааруббам̣ яам̣ саман̣о сусаанаа ваа сан̇гаарагуудаа ваа баабан̣игаа ваа нанд̇агаани ужжинид̇ваа сан̇гхаадим̣ гад̇ваа д̇хаарзяяа. гим̣ саман̣асса махаг̇гхзна бин̣д̣абаад̇зна? зд̇ам̣ сааруббам̣ яам̣ саман̣о ун̃чаажарияааяа бин̣д̣ияаалобзна ж̇ийвигам̣ габбзяяа. гим̣ саман̣асса махаг̇гхзна сзнаасанзна? зд̇ам̣ сааруббам̣ яам̣ саман̣о ругкамуулиго ваа асса сосааниго ваа аб̣бхогаасиго ваа. гим̣ саман̣асса махаг̇гхзна г̇илаанабажжаяабхзсаж̇ж̇абаригкаарзна? зд̇ам̣ сааруббам̣ яам̣ саман̣о бууд̇имуд̇д̇зна ваа харийд̇агийкан̣д̣зна ваа осад̇хам̣ гарзяяаад̇и. д̇ад̣̇убаад̣̇ааяа луукам̣ жийварам̣ д̇хаарзд̇и, луукам̣ бин̣д̣абаад̇ам̣ барибхун̃ж̇ад̇и, луукам̣ сзнаасанам̣ бадисзвад̇и, луукам̣ г̇илаанабажжаяабхзсаж̇ж̇абаригкаарам̣ бадисзвад̇и. д̇амзнам̣ г̇ахабад̇игаа звам̣ ж̇аананд̇и – ‘аяам̣ саман̣о аббижчо санд̇удто бавивид̇д̇о асам̣садто аарад̣̇д̇хавийрияо д̇худ̇аваад̣̇о’д̇и бхияяо бхияяо ниманд̇знд̇и жийвара…бз… баригкаарзхи. со звамааха – ‘д̇ин̣н̣ам̣ саммукийбхааваа сад̣̇д̇хо гулабуд̇д̇о б̣ахум̣ бун̃н̃ам̣ басавад̇и – сад̣̇д̇хааяа саммукийбхааваа сад̣̇д̇хо гулабуд̇д̇о б̣ахум̣ бун̃н̃ам̣ басавад̇и, д̣̇зяяад̇хаммасса…бз… д̣̇агкин̣зяяаанам̣ саммукийбхааваа сад̣̇д̇хо гулабуд̇д̇о б̣ахум̣ бун̃н̃ам̣ басавад̇и. д̇умхааган̃жзвааяам̣ сад̣̇д̇хаа ад̇т̇и, д̣̇зяяад̇хаммо жа сам̣виж̇ж̇ад̇и, ахан̃жа бадиг̇г̇аахаго. сажаахам̣ на бадиг̇г̇ахзссаами, звам̣ д̇умхз бун̃н̃зна бариб̣аахираа бхависсат̇а; на маяхам̣ иминаа ад̇т̇о, абижа д̇умхаагам̣ зва анугамбааяа бадиг̇г̇ан̣хаамий’д̇и. д̇ад̣̇убаад̣̇ааяа б̣ахумби жийварам̣ бадиг̇г̇ан̣хаад̇и, б̣ахумби бин̣д̣абаад̇ам̣…бз… бхзсаж̇ж̇абаригкаарам̣ бадиг̇г̇ан̣хаад̇и. яаа зваруубаа бхаагудигаа бхаагудияам̣ гуханаа гухааяанаа гухид̇ад̇д̇ам̣ – ид̣̇ам̣ вужжад̇и бажжаяабадисзванасан̇каад̇ам̣ гуханавад̇т̇уу’’д̇и.

    ‘‘Katamaṃ paccayapaṭisevanasaṅkhātaṃ kuhanavatthu? Idha gahapatikā bhikkhuṃ nimantenti cīvarapiṇḍapātasenāsanagilānapaccayabhesajjaparikkhārehi. So pāpiccho icchāpakato atthiko cīvara …pe… parikkhārānaṃ bhiyyokamyataṃ upādāya cīvaraṃ paccakkhāti, piṇḍapātaṃ paccakkhāti, senāsanaṃ paccakkhāti, gilānapaccayabhesajjaparikkhāraṃ paccakkhāti. So evamāha – ‘‘kiṃ samaṇassa mahagghena cīvarena? Etaṃ sāruppaṃ yaṃ samaṇo susānā vā saṅkārakūṭā vā pāpaṇikā vā nantakāni uccinitvā saṅghāṭiṃ katvā dhāreyya. Kiṃ samaṇassa mahagghena piṇḍapātena? Etaṃ sāruppaṃ yaṃ samaṇo uñchācariyāya piṇḍiyālopena jīvikaṃ kappeyya. Kiṃ samaṇassa mahagghena senāsanena? Etaṃ sāruppaṃ yaṃ samaṇo rukkhamūliko vā assa sosāniko vā abbhokāsiko vā. Kiṃ samaṇassa mahagghena gilānapaccayabhesajjaparikkhārena? Etaṃ sāruppaṃ yaṃ samaṇo pūtimuttena vā harītakīkhaṇḍena vā osadhaṃ kareyyāti. Tadupādāya lūkhaṃ cīvaraṃ dhāreti, lūkhaṃ piṇḍapātaṃ paribhuñjati, lūkhaṃ senāsanaṃ paṭisevati, lūkhaṃ gilānapaccayabhesajjaparikkhāraṃ paṭisevati. Tamenaṃ gahapatikā evaṃ jānanti – ‘ayaṃ samaṇo appiccho santuṭṭho pavivitto asaṃsaṭṭho āraddhavīriyo dhutavādo’ti bhiyyo bhiyyo nimantenti cīvara…pe… parikkhārehi. So evamāha – ‘tiṇṇaṃ sammukhībhāvā saddho kulaputto bahuṃ puññaṃ pasavati – saddhāya sammukhībhāvā saddho kulaputto bahuṃ puññaṃ pasavati, deyyadhammassa…pe… dakkhiṇeyyānaṃ sammukhībhāvā saddho kulaputto bahuṃ puññaṃ pasavati. Tumhākañcevāyaṃ saddhā atthi, deyyadhammo ca saṃvijjati, ahañca paṭiggāhako. Sacāhaṃ na paṭiggahessāmi, evaṃ tumhe puññena paribāhirā bhavissatha; na mayhaṃ iminā attho, apica tumhākaṃ eva anukampāya paṭiggaṇhāmī’ti. Tadupādāya bahumpi cīvaraṃ paṭiggaṇhāti, bahumpi piṇḍapātaṃ…pe… bhesajjaparikkhāraṃ paṭiggaṇhāti. Yā evarūpā bhākuṭikā bhākuṭiyaṃ kuhanā kuhāyanā kuhitattaṃ – idaṃ vuccati paccayapaṭisevanasaṅkhātaṃ kuhanavatthū’’ti.

    баабижчассзва бана сад̇о уд̇д̇аримануссад̇хаммаад̇хиг̇амабарид̣̇ийбанаваажааяа д̇ат̇аа д̇ат̇аа вимхаабанам̣ сааманд̇аж̇аббанасан̇каад̇ам̣ гуханавад̇т̇ууд̇и взд̣̇ид̇аб̣б̣ам̣. яат̇ааха – ‘‘гад̇амам̣ сааманд̇аж̇аббанасан̇каад̇ам̣ гуханавад̇т̇у ? ид̇хзгажжо баабижчо ижчаабагад̇о самбхааванаад̇хиббааяо ‘звам̣ мам̣ ж̇ано самбхаавзссад̇ий’д̇и арияад̇хаммасанниссид̇ам̣ ваажам̣ бхаасад̇и – ‘яо зваруубам̣ жийварам̣ д̇хаарзд̇и, со саман̣о махзсагко’д̇и бхан̣ад̇и; ‘яо зваруубам̣ бад̇д̇ам̣, лохат̇аалагам̣, д̇хамагаран̣ам̣, барисааванам̣, гун̃жигам̣, убааханам̣, гааяаб̣анд̇ханам̣, ааяог̇ам̣ д̇хаарзд̇и, со саман̣о махзсагко’д̇и бхан̣ад̇и; ‘яасса зваруубо убаж̇жхааяо, аажарияо, самаанубаж̇жхааяо, самаанаажарияаго, мид̇д̇о санд̣̇идто, самбхад̇д̇о, сахааяо; яо зваруубз вихаарз васад̇и – ад̣дхаяог̇з, баасаад̣̇з, хаммияз, г̇ухааяам̣, лзн̣з, гудияаа, гуудааг̇аарз, аддз, маал̣з, уд̣̇осид̇з, уд̣̇д̣̇ан̣д̣з, убадтаанасаалааяам̣, ман̣д̣абз, ругкамуулз васад̇и, со саман̣о махзсагко’д̇и бхан̣ад̇и.

    Pāpicchasseva pana sato uttarimanussadhammādhigamaparidīpanavācāya tathā tathā vimhāpanaṃ sāmantajappanasaṅkhātaṃ kuhanavatthūti veditabbaṃ. Yathāha – ‘‘katamaṃ sāmantajappanasaṅkhātaṃ kuhanavatthu ? Idhekacco pāpiccho icchāpakato sambhāvanādhippāyo ‘evaṃ maṃ jano sambhāvessatī’ti ariyadhammasannissitaṃ vācaṃ bhāsati – ‘yo evarūpaṃ cīvaraṃ dhāreti, so samaṇo mahesakkho’ti bhaṇati; ‘yo evarūpaṃ pattaṃ, lohathālakaṃ, dhamakaraṇaṃ, parisāvanaṃ, kuñcikaṃ, upāhanaṃ, kāyabandhanaṃ, āyogaṃ dhāreti, so samaṇo mahesakkho’ti bhaṇati; ‘yassa evarūpo upajjhāyo, ācariyo, samānupajjhāyo, samānācariyako, mitto sandiṭṭho, sambhatto, sahāyo; yo evarūpe vihāre vasati – aḍḍhayoge, pāsāde, hammiye, guhāyaṃ, leṇe, kuṭiyā, kūṭāgāre, aṭṭe, māḷe, udosite, uddaṇḍe, upaṭṭhānasālāyaṃ, maṇḍape, rukkhamūle vasati, so samaṇo mahesakkho’ti bhaṇati.

    ‘‘ат̇а ваа гораж̇игагораж̇иго бхаагудигабхаагудиго гухагагухаго лабагалабаго мукасамбхаавид̇о ‘аяам̣ саман̣о имаасам̣ зваруубаанам̣ санд̇аанам̣ вихаарасамаабад̇д̇ийнам̣ лаабхий’д̇и д̇аад̣̇исам̣ г̇амбхийрам̣ г̇уул̣хам̣ нибун̣ам̣ бадижчаннам̣ логуд̇д̇арам̣ сун̃н̃ад̇аабадисам̣яуд̇д̇ам̣ гат̇ам̣ гат̇зд̇и. яаа зваруубаа бхаагудигаа бхаагудияам̣ гуханаа гухааяанаа гухид̇ад̇д̇ам̣ – ид̣̇ам̣ вужжад̇и сааманд̇аж̇аббанасан̇каад̇ам̣ гуханавад̇т̇уу’’д̇и.

    ‘‘Atha vā korajikakorajiko bhākuṭikabhākuṭiko kuhakakuhako lapakalapako mukhasambhāvito ‘ayaṃ samaṇo imāsaṃ evarūpānaṃ santānaṃ vihārasamāpattīnaṃ lābhī’ti tādisaṃ gambhīraṃ gūḷhaṃ nipuṇaṃ paṭicchannaṃ lokuttaraṃ suññatāpaṭisaṃyuttaṃ kathaṃ katheti. Yā evarūpā bhākuṭikā bhākuṭiyaṃ kuhanā kuhāyanā kuhitattaṃ – idaṃ vuccati sāmantajappanasaṅkhātaṃ kuhanavatthū’’ti.

    баабижчассзва бана сад̇о самбхааванаад̇хиббааяагад̇зна ирияаабат̇зна вимхаабанам̣ ирияаабат̇асанниссид̇ам̣ гуханавад̇т̇ууд̇и взд̣̇ид̇аб̣б̣ам̣. яат̇ааха – ‘‘гад̇амам̣ ирияаабат̇асан̇каад̇ам̣ гуханавад̇т̇у? ид̇хзгажжо баабижчо ижчаабагад̇о самбхааванаад̇хиббааяо ‘звам̣ мам̣ ж̇ано самбхаавзссад̇ий’д̇и г̇аманам̣ сан̣табзд̇и, саяанам̣ сан̣табзд̇и, бан̣ид̇хааяа г̇ажчад̇и, бан̣ид̇хааяа д̇идтад̇и, бан̣ид̇хааяа нисийд̣̇ад̇и, бан̣ид̇хааяа сзяяам̣ габбзд̇и, самаахид̇о вияа г̇ажчад̇и, самаахид̇о вияа д̇идтад̇и, нисийд̣̇ад̇и, сзяяам̣ габбзд̇и, аабаат̇агаж̇жхааяийва ход̇и. яаа зваруубаа ирияаабат̇асса аатабанаа табанаа сан̣табанаа бхаагудигаа бхаагудияам̣ гуханаа гухааяанаа гухид̇ад̇д̇ам̣ – ид̣̇ам̣ вужжад̇и ирияаабат̇асан̇каад̇ам̣ гуханавад̇т̇уу’’д̇и.

    Pāpicchasseva pana sato sambhāvanādhippāyakatena iriyāpathena vimhāpanaṃ iriyāpathasannissitaṃ kuhanavatthūti veditabbaṃ. Yathāha – ‘‘katamaṃ iriyāpathasaṅkhātaṃ kuhanavatthu? Idhekacco pāpiccho icchāpakato sambhāvanādhippāyo ‘evaṃ maṃ jano sambhāvessatī’ti gamanaṃ saṇṭhapeti, sayanaṃ saṇṭhapeti, paṇidhāya gacchati, paṇidhāya tiṭṭhati, paṇidhāya nisīdati, paṇidhāya seyyaṃ kappeti, samāhito viya gacchati, samāhito viya tiṭṭhati, nisīdati, seyyaṃ kappeti, āpāthakajjhāyīva hoti. Yā evarūpā iriyāpathassa āṭhapanā ṭhapanā saṇṭhapanā bhākuṭikā bhākuṭiyaṃ kuhanā kuhāyanā kuhitattaṃ – idaṃ vuccati iriyāpathasaṅkhātaṃ kuhanavatthū’’ti.

    д̇ад̇т̇а бажжаяабадисзванасан̇каад̇знаад̇и бажжаяабадисзвананд̇и звам̣ сан̇каад̇зна бажжаяабадисзванзна. сааманд̇аж̇аббид̇знаад̇и самийбз бхан̣ид̇зна. ирияаабат̇ассаад̇и жад̇уирияаабат̇асса. аатабанаад̇и аад̣̇итабанаа, аад̣̇арзна ваа табанаа. табанаад̇и табанаагааро. сан̣табанаад̇и абхисан̇каран̣аа, баасаад̣̇игабхаавагаран̣анд̇и вуд̇д̇ам̣ ход̇и. бхаагудигаад̇и бад̇хаанабуримадтид̇абхаавад̣̇ассанзна бхаагудигаран̣ам̣, мукасан̇гожод̇и вуд̇д̇ам̣ ход̇и. бхаагудигаран̣ам̣ сийламассаад̇и бхаагудиго; бхаагудигасса бхааво бхаагудияам̣. гуханаад̇и вимхаабанам̣, гухасса ааяанаа гухааяанаа. гухид̇асса бхааво гухид̇ад̇д̇анд̇и.

    Tattha paccayapaṭisevanasaṅkhātenāti paccayapaṭisevananti evaṃ saṅkhātena paccayapaṭisevanena. Sāmantajappitenāti samīpe bhaṇitena. Iriyāpathassāti catuiriyāpathassa. Āṭhapanāti ādiṭhapanā, ādarena vā ṭhapanā. Ṭhapanāti ṭhapanākāro. Saṇṭhapanāti abhisaṅkharaṇā, pāsādikabhāvakaraṇanti vuttaṃ hoti. Bhākuṭikāti padhānapurimaṭṭhitabhāvadassanena bhākuṭikaraṇaṃ, mukhasaṅkocoti vuttaṃ hoti. Bhākuṭikaraṇaṃ sīlamassāti bhākuṭiko; bhākuṭikassa bhāvo bhākuṭiyaṃ. Kuhanāti vimhāpanaṃ, kuhassa āyanā kuhāyanā. Kuhitassa bhāvo kuhitattanti.

    862. лабанаанид̣̇д̣̇зсз аалабанаад̇и вихаарам̣ ааг̇ад̇амануссз д̣̇исваа гимад̇т̇ааяа бхонд̇о ааг̇ад̇аа? гим̣ бхигкуу ниманд̇зд̇ум̣? яад̣̇и звам̣ г̇ажчат̇а; ахам̣ бажчад̇о бхигкуу г̇ахзд̇ваа ааг̇ажчаамий’д̇и звам̣ аад̣̇ид̇ова лабанаа. ат̇а ваа ад̇д̇аанам̣ убанзд̇ваа ‘ахам̣ д̇иссо, маяи рааж̇аа басанно, маяи асуго жа асуго жа рааж̇амахаамад̇д̇о басанно’д̇и звам̣ ад̇д̇убанааяигаа лабанаа аалабанаа. лабанаад̇и будтасса сад̇о вуд̇д̇аббагаарамзва лабанам̣. саллабанаад̇и г̇ахабад̇игаанам̣ угган̣танз бхийд̇асса огаасам̣ д̣̇ад̇ваа судту лабанаа. уллабанаад̇и ‘махаагудумб̣иго, махаанаавиго, махаад̣̇аанабад̇ий’д̇и звам̣ уд̣̇д̇хам̣ гад̇ваа лабанаа. самуллабанаад̇и саб̣б̣ад̇обхааг̇зна уд̣̇д̇хам̣ гад̇ваа лабанаа. уннаханаад̇и ‘убаасагаа, буб̣б̣з ийд̣̇исз гаалз д̣̇аанам̣ д̣̇зт̇а; ид̣̇аани гим̣ на д̣̇зт̇аа’д̇и звам̣ яаава ‘д̣̇ассаама, бханд̇з, огаасам̣ на лабхаамаа’д̇иаад̣̇ийни вад̣̇анд̇и д̇аава уд̣̇д̇хам̣ наханаа, взтанаад̇и вуд̇д̇ам̣ ход̇и. ат̇а ваа ужчухад̇т̇ам̣ д̣̇исваа ‘гуд̇о ааг̇ад̇аа, убаасагаа’д̇и бужчад̇и. ‘ужчукзд̇д̇ад̇о, бханд̇з’д̇и. ‘гим̣ д̇ад̇т̇а ужчу мад̇хура’нд̇и? ‘каад̣̇ид̇ваа, бханд̇з, ж̇аанид̇аб̣б̣а’нд̇и. ‘на, убаасагаа, бхигкусса ‘ужчум̣ д̣̇зт̇аа’д̇и вад̇д̇ум̣ ваддад̇ий’д̇и яаа зваруубаа ниб̣б̣зтзнд̇ассааби взтанагагат̇аа, саа уннаханаа . саб̣б̣ад̇обхааг̇зна бунаббунам̣ уннаханаа самуннаханаа. уггаажанаад̇и ‘зд̇ам̣ гулам̣ мам̣язва ж̇аанаад̇и, сажз зд̇т̇а д̣̇зяяад̇хаммо уббаж̇ж̇ад̇и, маяхамзва д̣̇зд̇ий’д̇и звам̣ угкибид̇ваа гаажанаа уггаажанаа; уд̣̇д̣̇ийбанаад̇и вуд̇д̇ам̣ ход̇и.

    862. Lapanāniddese ālapanāti vihāraṃ āgatamanusse disvā kimatthāya bhonto āgatā? Kiṃ bhikkhū nimantetuṃ? Yadi evaṃ gacchatha; ahaṃ pacchato bhikkhū gahetvā āgacchāmī’ti evaṃ āditova lapanā. Atha vā attānaṃ upanetvā ‘ahaṃ tisso, mayi rājā pasanno, mayi asuko ca asuko ca rājamahāmatto pasanno’ti evaṃ attupanāyikā lapanā ālapanā. Lapanāti puṭṭhassa sato vuttappakārameva lapanaṃ. Sallapanāti gahapatikānaṃ ukkaṇṭhane bhītassa okāsaṃ datvā suṭṭhu lapanā. Ullapanāti ‘mahākuṭumbiko, mahānāviko, mahādānapatī’ti evaṃ uddhaṃ katvā lapanā. Samullapanāti sabbatobhāgena uddhaṃ katvā lapanā. Unnahanāti ‘upāsakā, pubbe īdise kāle dānaṃ detha; idāni kiṃ na dethā’ti evaṃ yāva ‘dassāma, bhante, okāsaṃ na labhāmā’tiādīni vadanti tāva uddhaṃ nahanā, veṭhanāti vuttaṃ hoti. Atha vā ucchuhatthaṃ disvā ‘kuto āgatā, upāsakā’ti pucchati. ‘Ucchukhettato, bhante’ti. ‘Kiṃ tattha ucchu madhura’nti? ‘Khāditvā, bhante, jānitabba’nti. ‘Na, upāsakā, bhikkhussa ‘ucchuṃ dethā’ti vattuṃ vaṭṭatī’ti yā evarūpā nibbeṭhentassāpi veṭhanakakathā, sā unnahanā . Sabbatobhāgena punappunaṃ unnahanā samunnahanā. Ukkācanāti ‘etaṃ kulaṃ maṃyeva jānāti, sace ettha deyyadhammo uppajjati, mayhameva detī’ti evaṃ ukkhipitvā kācanā ukkācanā; uddīpanāti vuttaṃ hoti.

    д̇злаганд̣̇аригавад̇т̇у жзд̇т̇а вад̇д̇аб̣б̣ам̣. д̣̇вз гира бхигкуу згам̣ г̇аамам̣ бависид̇ваа аасанасаалааяа нисийд̣̇ид̇ваа згам̣ гумааригам̣ д̣̇исваа баггосим̣су. д̇ааяа ааг̇ад̇ааяа д̇ад̇рзго згам̣ бужчи – ‘аяам̣, бханд̇з, гасса гумааригаа’д̇и? ‘амхаагам̣ убадтааяигааяа д̇злаганд̣̇аригааяа д̇хийд̇аа, аавусо. имиссаа маад̇аа маяи г̇зхам̣ г̇ад̇з саббим̣ д̣̇ад̣̇амаанаа гхадзнзва д̣̇зд̇и, аяамби маад̇аа вияа гхадзнзва д̣̇зд̇ий’д̇и уггаажзд̇и.

    Telakandarikavatthu cettha vattabbaṃ. Dve kira bhikkhū ekaṃ gāmaṃ pavisitvā āsanasālāya nisīditvā ekaṃ kumārikaṃ disvā pakkosiṃsu. Tāya āgatāya tatreko ekaṃ pucchi – ‘ayaṃ, bhante, kassa kumārikā’ti? ‘Amhākaṃ upaṭṭhāyikāya telakandarikāya dhītā, āvuso. Imissā mātā mayi gehaṃ gate sappiṃ dadamānā ghaṭeneva deti, ayampi mātā viya ghaṭeneva detī’ti ukkāceti.

    саб̣б̣ад̇обхааг̇зна бунаббунам̣ уггаажанаа самуггаажанаа. ануббияабхаан̣ид̇аад̇и сажжаануруубам̣ ваа д̇хаммаануруубам̣ ваа анабалогзд̇ваа бунаббунам̣ бияабхан̣анамзва. жаадугамяад̇аад̇и нийжавуд̇д̇ид̇аа; ад̇д̇аанам̣ хздтад̇о табзд̇ваа вад̇д̇анам̣. муг̇г̇асуубяад̇аад̇и муг̇г̇асуубасад̣̇исад̇аа. яат̇аа муг̇г̇зсу бажжамаанзсу гожид̣̇зва на бажжад̇и, авасзсаа бажжанд̇и; звам̣ яасса буг̇г̇аласса важанз гин̃жид̣̇зва сажжам̣ ход̇и, сзсам̣ алигам̣ – аяам̣ буг̇г̇ало муг̇г̇асуубяод̇и вужжад̇и. д̇асса бхааво муг̇г̇асуубяад̇аа. баарибхадаяад̇аад̇и баарибхадаяабхааво. яо хи гулад̣̇аарагз д̇хаад̇ий вияа ан̇гзна ваа канд̇хзна ваа барибхадад̇и, д̇хаарзд̇ийд̇и ад̇т̇о; д̇асса барибхадасса гаммам̣ баарибхадаяам̣; баарибхадаяасса бхааво баарибхадаяад̇аад̇и.

    Sabbatobhāgena punappunaṃ ukkācanā samukkācanā. Anuppiyabhāṇitāti saccānurūpaṃ vā dhammānurūpaṃ vā anapaloketvā punappunaṃ piyabhaṇanameva. Cāṭukamyatāti nīcavuttitā; attānaṃ heṭṭhato ṭhapetvā vattanaṃ. Muggasūpyatāti muggasūpasadisatā. Yathā muggesu paccamānesu kocideva na paccati, avasesā paccanti; evaṃ yassa puggalassa vacane kiñcideva saccaṃ hoti, sesaṃ alikaṃ – ayaṃ puggalo muggasūpyoti vuccati. Tassa bhāvo muggasūpyatā. Pāribhaṭayatāti pāribhaṭayabhāvo. Yo hi kuladārake dhātī viya aṅkena vā khandhena vā paribhaṭati, dhāretīti attho; tassa paribhaṭassa kammaṃ pāribhaṭayaṃ; pāribhaṭayassa bhāvo pāribhaṭayatāti.

    863. нзмид̇д̇игад̇аанид̣̇д̣̇зсз нимид̇д̇анд̇и яам̣гин̃жи барзсам̣ бажжаяад̣̇аанасам̣яож̇анагам̣ гааяаважийгаммам̣. нимид̇д̇агамманд̇и нимид̇д̇асса гаран̣агосаллам̣.

    863. Nemittikatāniddese nimittanti yaṃkiñci paresaṃ paccayadānasaṃyojanakaṃ kāyavacīkammaṃ. Nimittakammanti nimittassa karaṇakosallaṃ.

    д̇ад̇рид̣̇ам̣ вад̇т̇у – зго гира бин̣д̣абаад̇иго убадтаагагаммаарасса г̇зхад̣̇ваарам̣ г̇анд̇ваа ‘гим̣ бханд̇з’д̇и бужчид̇о жийваранд̇арзна хад̇т̇ам̣ нийхарид̇ваа ваасибахаран̣аагаарам̣ агааси. гаммааро ‘саллагкид̇ам̣ мз, бханд̇з’д̇и ваасим̣ гад̇ваа ад̣̇ааси. обхаасод̇и бажжаяабадисам̣яуд̇д̇агат̇аа. обхаасагамманд̇и важчагабаалагз д̣̇исваа ‘гим̣ имз важчаа кийраг̇оважчаа, д̇аггаг̇оважчаа’д̇и бужчид̇ваа ‘кийраг̇оважчаа, бханд̇з’д̇и вуд̇д̇з ‘на кийраг̇оважчаа, яад̣̇и кийраг̇оважчаа сияум̣ бхигкууби кийрам̣ лабхзяяу’нд̇и звамаад̣̇инаа наязна д̇зсам̣ д̣̇аарагаанам̣ маад̇аабид̇уунам̣ нивзд̣̇зд̇ваа кийрад̣̇аабанаад̣̇игам̣ обхаасагаран̣ам̣. сааманд̇аж̇аббаад̇и самийбам̣ гад̇ваа ж̇аббанам̣.

    Tatridaṃ vatthu – eko kira piṇḍapātiko upaṭṭhākakammārassa gehadvāraṃ gantvā ‘kiṃ bhante’ti pucchito cīvarantarena hatthaṃ nīharitvā vāsipaharaṇākāraṃ akāsi. Kammāro ‘sallakkhitaṃ me, bhante’ti vāsiṃ katvā adāsi. Obhāsoti paccayapaṭisaṃyuttakathā. Obhāsakammanti vacchakapālake disvā ‘kiṃ ime vacchā khīragovacchā, takkagovacchā’ti pucchitvā ‘khīragovacchā, bhante’ti vutte ‘na khīragovacchā, yadi khīragovacchā siyuṃ bhikkhūpi khīraṃ labheyyu’nti evamādinā nayena tesaṃ dārakānaṃ mātāpitūnaṃ nivedetvā khīradāpanādikaṃ obhāsakaraṇaṃ. Sāmantajappāti samīpaṃ katvā jappanaṃ.

    ж̇аад̇агабхаан̣агавад̇т̇у жзд̇т̇а гат̇зд̇аб̣б̣ам̣. зго гира ж̇аад̇агабхаан̣агад̇т̇зро бхун̃ж̇ид̇угаамо убадтааяигааяа г̇зхам̣ бависид̇ваа нисийд̣̇и. саа ад̣̇аад̇угаамаа ‘д̇ан̣д̣улаа над̇т̇ий’д̇и бхан̣анд̇ий д̇ан̣д̣улз аахарид̇угаамаа вияа бадивиссагагхарам̣ г̇ад̇аа. бхигку анд̇ог̇аб̣бхам̣ бависид̇ваа ологзнд̇о гаваадагон̣з ужчум̣, бхааж̇анз г̇ул̣ам̣, бидагз лон̣амажчапаалам̣, гумбхияам̣ д̇ан̣д̣улз, гхадз гхад̇ам̣ д̣̇исваа нигкамид̇ваа нисийд̣̇и. гхаран̣ий ‘д̇ан̣д̣улам̣ наалад̇т̇а’нд̇и ааг̇ад̇аа. т̇зро ‘убаасигз, аж̇ж̇а бхигкаа на самбаж̇ж̇иссад̇ий’д̇и бадигажжзва нимид̇д̇ам̣ ад̣̇д̣̇аса’нд̇и ааха. ‘гим̣, бханд̇з’д̇и? ‘гаваадагон̣з нигкид̇д̇ам̣ ужчум̣ вияа саббам̣ ад̣̇д̣̇асам̣; ‘д̇ам̣ бахариссаамий’д̇и ологзнд̇о бхааж̇анз табид̇ам̣ г̇ул̣абин̣д̣ам̣ вияа баасаан̣ам̣ лзд̣д̣угзна; бахадзна саббзна гад̇ам̣, бидагз нигкид̇д̇алон̣амажчапааласад̣̇исам̣, пан̣ам̣; д̇асса д̇ам̣ лзд̣д̣ум̣ д̣ам̣сид̇угаамасса, гумбхияаа д̇ан̣д̣уласад̣̇исз д̣̇анд̇з; ат̇асса губид̇асса, гхадз багкид̇д̇агхад̇асад̣̇исам̣, мукад̇о нигкаманд̇ам̣ висамиссагам̣ кзл̣а’нд̇и. саа ‘на саггаа мун̣д̣агам̣ ван̃жзд̇у’нд̇и ужчум̣ д̣̇ад̇ваа од̣̇анам̣ бажид̇ваа гхад̇аг̇ул̣амажчзхи сад̣̇д̇хим̣ ад̣̇аасийд̇и. звам̣ самийбам̣ гад̇ваа ж̇аббанам̣ сааманд̇аж̇аббаад̇и взд̣̇ид̇аб̣б̣ам̣. баригат̇аад̇и яат̇аа д̇ам̣ лабхад̇и д̇ат̇аа баривад̇д̇зд̇ваа баривад̇д̇зд̇ваа гат̇анам̣.

    Jātakabhāṇakavatthu cettha kathetabbaṃ. Eko kira jātakabhāṇakatthero bhuñjitukāmo upaṭṭhāyikāya gehaṃ pavisitvā nisīdi. Sā adātukāmā ‘taṇḍulā natthī’ti bhaṇantī taṇḍule āharitukāmā viya paṭivissakagharaṃ gatā. Bhikkhu antogabbhaṃ pavisitvā olokento kavāṭakoṇe ucchuṃ, bhājane guḷaṃ, piṭake loṇamacchaphālaṃ, kumbhiyaṃ taṇḍule, ghaṭe ghataṃ disvā nikkhamitvā nisīdi. Gharaṇī ‘taṇḍulaṃ nālattha’nti āgatā. Thero ‘upāsike, ajja bhikkhā na sampajjissatī’ti paṭikacceva nimittaṃ addasa’nti āha. ‘Kiṃ, bhante’ti? ‘Kavāṭakoṇe nikkhittaṃ ucchuṃ viya sappaṃ addasaṃ; ‘taṃ paharissāmī’ti olokento bhājane ṭhapitaṃ guḷapiṇḍaṃ viya pāsāṇaṃ leḍḍukena; pahaṭena sappena kataṃ, piṭake nikkhittaloṇamacchaphālasadisaṃ, phaṇaṃ; tassa taṃ leḍḍuṃ ḍaṃsitukāmassa, kumbhiyā taṇḍulasadise dante; athassa kupitassa, ghaṭe pakkhittaghatasadisaṃ, mukhato nikkhamantaṃ visamissakaṃ kheḷa’nti. Sā ‘na sakkā muṇḍakaṃ vañcetu’nti ucchuṃ datvā odanaṃ pacitvā ghataguḷamacchehi saddhiṃ adāsīti. Evaṃ samīpaṃ katvā jappanaṃ sāmantajappāti veditabbaṃ. Parikathāti yathā taṃ labhati tathā parivattetvā parivattetvā kathanaṃ.

    864. ниббзсигад̇аанид̣̇д̣̇зсз аггосанаад̇и д̣̇асахи аггосавад̇т̇уухи аггосанаа. вамбханаад̇и барибхавид̇ваа гат̇анам̣. г̇араханаад̇и ‘ассад̣̇д̇хо аббасанно’д̇иаад̣̇инаа наязна д̣̇осааробанаа. угкзбанаад̇и ‘маа зд̇ам̣ зд̇т̇а гат̇зт̇аа’д̇и ваажааяа угкибанам̣. саб̣б̣ад̇обхааг̇зна савад̇т̇угам̣ сахзд̇угам̣ гад̇ваа угкзбанаа самугкзбанаа. ат̇аваа ад̣̇знд̇ам̣ ‘ахо д̣̇аанабад̇ий’д̇и звам̣ угкибанам̣ угкзбанаа. ‘махаад̣̇аанабад̇ий’д̇и звам̣ судту угкзбанаа самугкзбанаа. кибанаад̇и ‘гим̣ имасса ж̇ийвид̇ам̣ б̣ийж̇абхож̇ино’д̇и звам̣ уббан̣д̣анаа. сан̇кибанаад̇и ‘гим̣ имам̣ ад̣̇ааяагод̇и бхан̣ат̇а яо нижжагаалам̣ саб̣б̣зсамби над̇т̇ийд̇и важанам̣ д̣̇зд̇ий’д̇и звам̣ судтуд̇арам̣ уббан̣д̣анаа. баабанаад̇и ад̣̇ааяагад̇д̇асса аван̣н̣асса ваа баабанам̣. саб̣б̣ад̇обхааг̇зна баабанаа самбаабанаа. аван̣н̣ахааригаад̇и ‘звам̣ мз аван̣н̣абхаяааби д̣̇ассад̇ий’д̇и г̇зхад̇о г̇зхам̣, г̇аамад̇о г̇аамам̣, ж̇анабад̣̇ад̇о ж̇анабад̣̇ам̣ аван̣н̣ахаран̣ам̣. барабидтимам̣сигад̇аад̇и бурад̇о мад̇хурам̣ бхан̣ид̇ваа бараммукз аван̣н̣абхаасид̇аа. зсаа хи абхимукам̣ ологзд̇ум̣ асаггонд̇асса бараммукаанам̣ бидтимам̣сакаад̣̇анам̣ вияа ход̇и. д̇асмаа барабидтимам̣сигад̇аад̇и вуд̇д̇аа. аяам̣ вужжад̇и ниббзсигад̇аад̇и аяам̣ яасмаа взл̣убзсигаа вияа аб̣бхан̇г̇ам̣ барасса г̇ун̣ам̣ ниббзсзд̇и нибун̃чад̇и, яасмаа ваа г̇анд̇хаж̇аад̇ам̣ нибисид̇ваа г̇анд̇хамаг̇г̇анаа вияа бараг̇ун̣з нибисид̇ваа вижун̣н̣зд̇ваа зсаа лаабхамаг̇г̇анаа ход̇и, д̇асмаа ниббзсигад̇аад̇и вужжад̇ийд̇и.

    864. Nippesikatāniddese akkosanāti dasahi akkosavatthūhi akkosanā. Vambhanāti paribhavitvā kathanaṃ. Garahanāti ‘assaddho appasanno’tiādinā nayena dosāropanā. Ukkhepanāti ‘mā etaṃ ettha kathethā’ti vācāya ukkhipanaṃ. Sabbatobhāgena savatthukaṃ sahetukaṃ katvā ukkhepanā samukkhepanā. Athavā adentaṃ ‘aho dānapatī’ti evaṃ ukkhipanaṃ ukkhepanā. ‘Mahādānapatī’ti evaṃ suṭṭhu ukkhepanā samukkhepanā. Khipanāti ‘kiṃ imassa jīvitaṃ bījabhojino’ti evaṃ uppaṇḍanā. Saṅkhipanāti ‘kiṃ imaṃ adāyakoti bhaṇatha yo niccakālaṃ sabbesampi natthīti vacanaṃ detī’ti evaṃ suṭṭhutaraṃ uppaṇḍanā. Pāpanāti adāyakattassa avaṇṇassa vā pāpanaṃ. Sabbatobhāgena pāpanā sampāpanā. Avaṇṇahārikāti ‘evaṃ me avaṇṇabhayāpi dassatī’ti gehato gehaṃ, gāmato gāmaṃ, janapadato janapadaṃ avaṇṇaharaṇaṃ. Parapiṭṭhimaṃsikatāti purato madhuraṃ bhaṇitvā parammukhe avaṇṇabhāsitā. Esā hi abhimukhaṃ oloketuṃ asakkontassa parammukhānaṃ piṭṭhimaṃsakhādanaṃ viya hoti. Tasmā parapiṭṭhimaṃsikatāti vuttā. Ayaṃ vuccati nippesikatāti ayaṃ yasmā veḷupesikā viya abbhaṅgaṃ parassa guṇaṃ nippeseti nipuñchati, yasmā vā gandhajātaṃ nipisitvā gandhamagganā viya paraguṇe nipisitvā vicuṇṇetvā esā lābhamagganā hoti, tasmā nippesikatāti vuccatīti.

    865. лаабхзна лаабхам̣ ниж̇иг̇ийсанад̇аанид̣̇д̣̇зсз ниж̇иг̇ийсанад̇аад̇и маг̇г̇анаа. ид̇о лад̣̇д̇ханд̇и имамхаа г̇зхаа лад̣̇д̇хам̣. амуд̇раад̇и амугамхи г̇зхз. здтийд̇и ижчанаа. г̇авздтийд̇и маг̇г̇анаа. барияздтийд̇и бунаббунам̣ маг̇г̇анаа. аад̣̇ид̇о бадтааяа лад̣̇д̇хам̣ лад̣̇д̇хам̣ бхигкам̣ д̇ад̇ра д̇ад̇ра гулад̣̇аарагаанам̣ д̣̇ад̇ваа анд̇з кийраяааг̇ум̣ лабхид̇ваа г̇ад̇абхигкувад̇т̇у жзд̇т̇а гат̇зд̇аб̣б̣ам̣. зсанаад̇иаад̣̇ийни здтийд̇иаад̣̇ийнам̣ взважанаани, д̇асмаа здтийд̇и зсанаа, г̇авздтийд̇и г̇авзсанаа, барияздтийд̇и бариязсанаа. ижжзвамзд̇т̇а яож̇анаа взд̣̇ид̇аб̣б̣аа.

    865. Lābhena lābhaṃ nijigīsanatāniddese nijigīsanatāti magganā. Ito laddhanti imamhā gehā laddhaṃ. Amutrāti amukamhi gehe. Eṭṭhīti icchanā. Gaveṭṭhīti magganā. Pariyeṭṭhīti punappunaṃ magganā. Ādito paṭṭhāya laddhaṃ laddhaṃ bhikkhaṃ tatra tatra kuladārakānaṃ datvā ante khīrayāguṃ labhitvā gatabhikkhuvatthu cettha kathetabbaṃ. Esanātiādīni eṭṭhītiādīnaṃ vevacanāni, tasmā eṭṭhīti esanā, gaveṭṭhīti gavesanā, pariyeṭṭhīti pariyesanā. Iccevamettha yojanā veditabbā.

    866. сзяяамаананид̣̇д̣̇зсз ж̇аад̇ияаад̇и кад̇д̇ияабхааваад̣̇иж̇аад̇исамбад̇д̇ияаа. г̇од̇д̇знаад̇и г̇од̇амаг̇од̇д̇аад̣̇инаа уггадтаг̇од̇д̇зна. голабуд̇д̇иязнаад̇и махаагулабхаавзна. ван̣н̣абогкарад̇ааяаад̇и ван̣н̣асамбаннасарийрад̇ааяа. сарийран̃хи богкаранд̇и вужжад̇и, д̇асса ван̣н̣асамбад̇д̇ияаа абхируубабхаавзнаад̇и ад̇т̇о. д̇ханзнаад̇иаад̣̇ийни уд̇д̇аанад̇т̇аанзва. маанам̣ ж̇аббзд̇ийд̇и зд̇зсу язна гзнажи вад̇т̇унаа ‘сзяяохамасмий’д̇и маанам̣ бавад̇д̇зд̇и гарод̇и.

    866. Seyyamānaniddese jātiyāti khattiyabhāvādijātisampattiyā. Gottenāti gotamagottādinā ukkaṭṭhagottena. Kolaputtiyenāti mahākulabhāvena. Vaṇṇapokkharatāyāti vaṇṇasampannasarīratāya. Sarīrañhi pokkharanti vuccati, tassa vaṇṇasampattiyā abhirūpabhāvenāti attho. Dhanenātiādīni uttānatthāneva. Mānaṃ jappetīti etesu yena kenaci vatthunā ‘seyyohamasmī’ti mānaṃ pavatteti karoti.

    867. сад̣̇исамаананид̣̇д̣̇зсз маанам̣ ж̇аббзд̇ийд̇и зд̇зсу язна гзнажи вад̇т̇унаа ‘сад̣̇исохамасмий’д̇и маанам̣ бавад̇д̇зд̇и. аяамзд̇т̇а ад̇т̇ад̇о висзсо. баал̣ияам̣ бана наанаагаран̣ам̣ над̇т̇и.

    867. Sadisamānaniddese mānaṃ jappetīti etesu yena kenaci vatthunā ‘sadisohamasmī’ti mānaṃ pavatteti. Ayamettha atthato viseso. Pāḷiyaṃ pana nānākaraṇaṃ natthi.

    868. хийнамаананид̣̇д̣̇зсз омаанам̣ ж̇аббзд̇ийд̇и хздтаамаанам̣ бавад̇д̇зд̇и. омаанод̇и лаамаго хздтаамаано. оман̃н̃анаа оман̃н̃ид̇ад̇д̇анд̇и аагаарабхааванид̣̇д̣̇зсо. хийл̣анаад̇и ж̇аад̇иаад̣̇ийхи ад̇д̇аж̇иг̇ужчанаа. охийл̣анаад̇и ад̇ирзгад̇о хийл̣анаа. охийл̣ид̇ад̇д̇анд̇и д̇ассзва бхааванид̣̇д̣̇зсо. ад̇д̇ун̃н̃аад̇и ад̇д̇аанам̣ хийнам̣ гад̇ваа ж̇аананаа. ад̇д̇ааван̃н̃аад̇и ад̇д̇аанам̣ аваж̇аананаа. ад̇д̇абарибхавод̇и ж̇аад̇иаад̣̇исамбад̇д̇инаамамзва ж̇аад̇аад̇и ад̇д̇аанам̣ барибхавид̇ваа ман̃н̃анаа. звамимз д̇аяо маанаа буг̇г̇алам̣ аниссааяа ж̇аад̇иаад̣̇ивад̇т̇увасзнзва гат̇ид̇аа. д̇зсу згзго д̇ин̣н̣амби сзяяасад̣̇исахийнаанам̣ уббаж̇ж̇ад̇и. д̇ад̇т̇а ‘сзяяохамасмий’д̇и маано сзяяассзва яаат̇аавамаано, сзсаанам̣ аяаат̇аавамаано. ‘сад̣̇исохамасмий’д̇и маано сад̣̇исассзва яаат̇аавамаано, сзсаанам̣ аяаат̇аавамаано. ‘хийнохамасмий’д̇и маано хийнассзва яаат̇аавамаано, сзсаанам̣ аяаат̇аавамаано.

    868. Hīnamānaniddese omānaṃ jappetīti heṭṭhāmānaṃ pavatteti. Omānoti lāmako heṭṭhāmāno. Omaññanā omaññitattanti ākārabhāvaniddeso. Hīḷanāti jātiādīhi attajigucchanā. Ohīḷanāti atirekato hīḷanā. Ohīḷitattanti tasseva bhāvaniddeso. Attuññāti attānaṃ hīnaṃ katvā jānanā. Attāvaññāti attānaṃ avajānanā. Attaparibhavoti jātiādisampattināmameva jātāti attānaṃ paribhavitvā maññanā. Evamime tayo mānā puggalaṃ anissāya jātiādivatthuvaseneva kathitā. Tesu ekeko tiṇṇampi seyyasadisahīnānaṃ uppajjati. Tattha ‘seyyohamasmī’ti māno seyyasseva yāthāvamāno, sesānaṃ ayāthāvamāno. ‘Sadisohamasmī’ti māno sadisasseva yāthāvamāno, sesānaṃ ayāthāvamāno. ‘Hīnohamasmī’ti māno hīnasseva yāthāvamāno, sesānaṃ ayāthāvamāno.

    869. д̇ад̇т̇а гад̇амо сзяяасса сзяяохамасмийд̇иаад̣̇аяо бана нава маанаа буг̇г̇алам̣ ниссааяа гат̇ид̇аа. д̇зсу д̇аяо д̇аяо згзгасса уббаж̇ж̇анд̇и. д̇ад̇т̇а д̣̇ахад̇ийд̇и табзд̇и. д̇ам̣ ниссааяаад̇и д̇ам̣ сзяяад̇о д̣̇аханам̣ ниссааяа. зд̇т̇а бана сзяяасса сзяяохамасмийд̇и маано рааж̇уунан̃жзва баб̣б̣аж̇ид̇аанан̃жа уббаж̇ж̇ад̇и. рааж̇аа хи ‘радтзна ваа д̇ханзна ваа вааханзхи ваа го маяаа сад̣̇исо ад̇т̇ий’д̇и зд̇ам̣ маанам̣ гарод̇и. баб̣б̣аж̇ид̇оби ‘сийлад̇худ̇ан̇г̇аад̣̇ийхи го маяаа сад̣̇исо ад̇т̇ий’д̇и зд̇ам̣ маанам̣ гарод̇и.

    869. Tattha katamo seyyassa seyyohamasmītiādayo pana nava mānā puggalaṃ nissāya kathitā. Tesu tayo tayo ekekassa uppajjanti. Tattha dahatīti ṭhapeti. Taṃ nissāyāti taṃ seyyato dahanaṃ nissāya. Ettha pana seyyassa seyyohamasmīti māno rājūnañceva pabbajitānañca uppajjati. Rājā hi ‘raṭṭhena vā dhanena vā vāhanehi vā ko mayā sadiso atthī’ti etaṃ mānaṃ karoti. Pabbajitopi ‘sīladhutaṅgādīhi ko mayā sadiso atthī’ti etaṃ mānaṃ karoti.

    870. сзяяасса сад̣̇исохамасмийд̇и мааноби зд̇зсам̣язва уббаж̇ж̇ад̇и. рааж̇аа хи ‘радтзна ваа д̇ханзна ваа вааханзхи ваа ан̃н̃арааж̇уухи сад̣̇д̇хим̣ маяхам̣ гим̣ наанаагаран̣а’нд̇и зд̇ам̣ маанам̣ гарод̇и. баб̣б̣аж̇ид̇оби ‘сийлад̇худ̇ан̇г̇аад̣̇ийхи ан̃н̃зна бхигкунаа сад̣̇д̇хим̣ маяхам̣ гим̣ наанаагаран̣а’нд̇и зд̇ам̣ маанам̣ гарод̇и.

    870. Seyyassa sadisohamasmīti mānopi etesaṃyeva uppajjati. Rājā hi ‘raṭṭhena vā dhanena vā vāhanehi vā aññarājūhi saddhiṃ mayhaṃ kiṃ nānākaraṇa’nti etaṃ mānaṃ karoti. Pabbajitopi ‘sīladhutaṅgādīhi aññena bhikkhunā saddhiṃ mayhaṃ kiṃ nānākaraṇa’nti etaṃ mānaṃ karoti.

    871. сзяяасса хийнохамасмийд̇и мааноби зд̇зсам̣язва уббаж̇ж̇ад̇и. яасса хи ран̃н̃о радтам̣ ваа д̇ханам̣ ваа вааханаани ваа самбаннаани на хонд̇и, со ‘маяхам̣ рааж̇аад̇и вохаарасукамад̇д̇амзва; гим̣ рааж̇аа наама аха’нд̇и зд̇ам̣ маанам̣ гарод̇и. баб̣б̣аж̇ид̇оби ‘аббалаабхасаггааро ахам̣. д̇хаммагат̇иго б̣ахуссуд̇о махаат̇зрод̇и гат̇аамад̇д̇амзва. гим̣ д̇хаммагат̇иго наамаахам̣, гим̣ б̣ахуссуд̇о наамаахам̣, гим̣ махаат̇зро наамаахам̣ яасса мз лаабхасаггааро над̇т̇ий’д̇и зд̇ам̣ маанам̣ гарод̇и.

    871. Seyyassa hīnohamasmīti mānopi etesaṃyeva uppajjati. Yassa hi rañño raṭṭhaṃ vā dhanaṃ vā vāhanāni vā sampannāni na honti, so ‘mayhaṃ rājāti vohārasukhamattameva; kiṃ rājā nāma aha’nti etaṃ mānaṃ karoti. Pabbajitopi ‘appalābhasakkāro ahaṃ. Dhammakathiko bahussuto mahātheroti kathāmattameva. Kiṃ dhammakathiko nāmāhaṃ, kiṃ bahussuto nāmāhaṃ, kiṃ mahāthero nāmāhaṃ yassa me lābhasakkāro natthī’ti etaṃ mānaṃ karoti.

    872. сад̣̇исасса сзяяохамасмийд̇и маанаад̣̇аяо амажжаад̣̇ийнам̣ уббаж̇ж̇анд̇и. амажжо хи радтияо ваа ‘бхог̇аяаанавааханаад̣̇ийхи го маяаа сад̣̇исо ан̃н̃о рааж̇абурисо ад̇т̇ий’д̇и ваа ‘маяхам̣ ан̃н̃зхи сад̣̇д̇хим̣ гим̣ наанаагаран̣а’нд̇и ваа ‘амажжод̇и наамамад̇д̇амзва маяхам̣; гхаасажчаад̣̇анамад̇д̇амби мз над̇т̇и. гим̣ амажжо наамааха’нд̇и зд̇з маанз гарод̇и.

    872. Sadisassa seyyohamasmīti mānādayo amaccādīnaṃ uppajjanti. Amacco hi raṭṭhiyo vā ‘bhogayānavāhanādīhi ko mayā sadiso añño rājapuriso atthī’ti vā ‘mayhaṃ aññehi saddhiṃ kiṃ nānākaraṇa’nti vā ‘amaccoti nāmamattameva mayhaṃ; ghāsacchādanamattampi me natthi. Kiṃ amacco nāmāha’nti ete māne karoti.

    875. хийнасса сзяяохамасмийд̇и маанаад̣̇аяо д̣̇аасаад̣̇ийнам̣ уббаж̇ж̇анд̇и. д̣̇аасо хи ‘маад̇ид̇о ваа бид̇ид̇о ваа го маяаа сад̣̇исо ан̃н̃о д̣̇аасо наама ад̇т̇и’ ан̃н̃з ж̇ийвид̇ум̣ асаггонд̇аа гужчихзд̇у д̣̇аасаа наама ж̇аад̇аа. ахам̣ бана бавзн̣ийааг̇ад̇ад̇д̇аа сзяяо’д̇и ваа ‘бавзн̣ийааг̇ад̇абхаавзна убхад̇осуд̣̇д̇хигад̣̇аасад̇д̇зна асугад̣̇аасзна наама сад̣̇д̇хим̣ гим̣ маяхам̣ наанаагаран̣а’нд̇и ваа ‘гужчивасзнаахам̣ д̣̇аасаб̣яам̣ убаг̇ад̇о. маад̇аабид̇угодияаа бана мз д̣̇аасадтаанам̣ над̇т̇и. гим̣ д̣̇аасо наама аха’нд̇и ваа зд̇з маанз гарод̇и. яат̇аа жа д̣̇аасо звам̣ буггусажан̣д̣аалаад̣̇аяоби зд̇з маанз гаронд̇иязва.

    875. Hīnassa seyyohamasmīti mānādayo dāsādīnaṃ uppajjanti. Dāso hi ‘mātito vā pitito vā ko mayā sadiso añño dāso nāma atthi’ aññe jīvituṃ asakkontā kucchihetu dāsā nāma jātā. Ahaṃ pana paveṇīāgatattā seyyo’ti vā ‘paveṇīāgatabhāvena ubhatosuddhikadāsattena asukadāsena nāma saddhiṃ kiṃ mayhaṃ nānākaraṇa’nti vā ‘kucchivasenāhaṃ dāsabyaṃ upagato. Mātāpitukoṭiyā pana me dāsaṭṭhānaṃ natthi. Kiṃ dāso nāma aha’nti vā ete māne karoti. Yathā ca dāso evaṃ pukkusacaṇḍālādayopi ete māne karontiyeva.

    зд̇т̇а жа ‘сзяяасса сзяяохамасмий’д̇и уббаннамаанова яаат̇аавамаано, ид̇арз д̣̇вз аяаат̇аавамаанаа. д̇ат̇аа ‘сад̣̇исасса сад̣̇исохамасмий’д̇и ‘хийнасса хийнохамасмий’д̇и уббаннамаанова яаат̇аавамаано, ид̇арз д̣̇вз аяаат̇аавамаанаа. д̇ад̇т̇а яаат̇аавамаанаа арахад̇д̇амаг̇г̇аваж̇жхаа, аяаат̇аавамаанаа сод̇аабад̇д̇имаг̇г̇аваж̇жхаа.

    Ettha ca ‘seyyassa seyyohamasmī’ti uppannamānova yāthāvamāno, itare dve ayāthāvamānā. Tathā ‘sadisassa sadisohamasmī’ti ‘hīnassa hīnohamasmī’ti uppannamānova yāthāvamāno, itare dve ayāthāvamānā. Tattha yāthāvamānā arahattamaggavajjhā, ayāthāvamānā sotāpattimaggavajjhā.

    878. звам̣ савад̇т̇угз маанз гат̇зд̇ваа ид̣̇аани авад̇т̇угам̣ ниб̣б̣ад̇д̇ид̇амаанамзва д̣̇ассзд̇ум̣ д̇ад̇т̇а гад̇амо маанод̇иаад̣̇и вуд̇д̇ам̣.

    878. Evaṃ savatthuke māne kathetvā idāni avatthukaṃ nibbattitamānameva dassetuṃ tattha katamo mānotiādi vuttaṃ.

    879. ад̇имаананид̣̇д̣̇зсз сзяяаад̣̇ивасзна буг̇г̇алам̣ анаамасид̇ваа ж̇аад̇иаад̣̇ийнам̣ вад̇т̇увасзнзва нид̣̇д̣̇идто. д̇ад̇т̇а ад̇иман̃н̃ад̇ийд̇и ‘ж̇аад̇иаад̣̇ийхи маяаа сад̣̇исо над̇т̇ий’д̇и ад̇иггамид̇ваа ман̃н̃ад̇и.

    879. Atimānaniddese seyyādivasena puggalaṃ anāmasitvā jātiādīnaṃ vatthuvaseneva niddiṭṭho. Tattha atimaññatīti ‘jātiādīhi mayā sadiso natthī’ti atikkamitvā maññati.

    880. маанаад̇имаананид̣̇д̣̇зсз яо зваруубод̇и яо зсо ‘аяам̣ буб̣б̣з маяаа сад̣̇исо, ид̣̇аани ахам̣ сздто, ахам̣ хийнад̇аро’д̇и уббанно маано. аяам̣ бхаараад̇ибхааро вияа буримам̣ сад̣̇исамаанам̣ убаад̣̇ааяа маанаад̇имаанод̇и д̣̇ассзд̇ум̣ звамааха.

    880. Mānātimānaniddese yo evarūpoti yo eso ‘ayaṃ pubbe mayā sadiso, idāni ahaṃ seṭṭho, ahaṃ hīnataro’ti uppanno māno. Ayaṃ bhārātibhāro viya purimaṃ sadisamānaṃ upādāya mānātimānoti dassetuṃ evamāha.

    881. омаананид̣̇д̣̇зсо хийнамаананид̣̇д̣̇зсасад̣̇исоязва. взнзяяавасзна бана со ‘хийнохамасмий’д̇и маано наама вуд̇д̇о – аяам̣ омаано наама. абижзд̇т̇а ‘д̇вам̣ ж̇аад̇имаа, гаагаж̇аад̇и вияа д̇з ж̇аад̇и; д̇вам̣ г̇од̇д̇аваа, жан̣д̣аалаг̇од̇д̇ам̣ вияа д̇з г̇од̇д̇ам̣; д̇уяхам̣ саро ад̇т̇и, гаагассаро вияа д̇з саро’д̇и звам̣ ад̇д̇аанам̣ хздтаа гад̇ваа бавад̇д̇анавасзна аяам̣ омаанод̇и взд̣̇ид̇аб̣б̣о.

    881. Omānaniddeso hīnamānaniddesasadisoyeva. Veneyyavasena pana so ‘hīnohamasmī’ti māno nāma vutto – ayaṃ omāno nāma. Apicettha ‘tvaṃ jātimā, kākajāti viya te jāti; tvaṃ gottavā, caṇḍālagottaṃ viya te gottaṃ; tuyhaṃ saro atthi, kākassaro viya te saro’ti evaṃ attānaṃ heṭṭhā katvā pavattanavasena ayaṃ omānoti veditabbo.

    882. ад̇химаананид̣̇д̣̇зсз аббад̇д̇з бад̇д̇асан̃н̃ид̇аад̇и жад̇д̇аари сажжаани аббад̇ваа бад̇д̇асан̃н̃ид̇ааяа . агад̇зд̇и жад̇уухи маг̇г̇зхи гад̇д̇аб̣б̣агижжз агад̇зязва. анад̇хиг̇ад̇зд̇и жад̇усажжад̇хаммз анад̇хиг̇ад̇з. асажчигад̇зд̇и арахад̇д̇зна абажжагкагад̇з. аяам̣ вужжад̇и ад̇химаанод̇и аяам̣ ад̇хиг̇ад̇амаано наама вужжад̇и.

    882. Adhimānaniddese appatte pattasaññitāti cattāri saccāni appatvā pattasaññitāya . Akateti catūhi maggehi kattabbakicce akateyeva. Anadhigateti catusaccadhamme anadhigate. Asacchikateti arahattena apaccakkhakate. Ayaṃ vuccati adhimānoti ayaṃ adhigatamāno nāma vuccati.

    аяам̣ бана гасса уббаж̇ж̇ад̇и, гасса нуббаж̇ж̇ад̇ийд̇и? арияасаавагасса д̇аава нуббаж̇ж̇ад̇и. со хи маг̇г̇апаланиб̣б̣аанабахийнагилзсаавасидтагилзсабажжавзгкан̣зна сан̃ж̇аад̇асоманассо арияаг̇ун̣абадивзд̇хз нигган̇ко. д̇асмаа сод̇аабаннаад̣̇ийнам̣ ‘ахам̣ сагад̣̇ааг̇аамий’д̇иаад̣̇ивасзна маано нуббаж̇ж̇ад̇и; д̣̇уссийлассааби нуббаж̇ж̇ад̇и; со хи арияаг̇ун̣аад̇хиг̇амз нираасова. сийлавад̇оби барижжад̇д̇агаммадтаанасса нид̣̇д̣̇аараамад̇аад̣̇имануяуд̇д̇асса нуббаж̇ж̇ад̇и.

    Ayaṃ pana kassa uppajjati, kassa nuppajjatīti? Ariyasāvakassa tāva nuppajjati. So hi maggaphalanibbānapahīnakilesāvasiṭṭhakilesapaccavekkhaṇena sañjātasomanasso ariyaguṇapaṭivedhe nikkaṅkho. Tasmā sotāpannādīnaṃ ‘ahaṃ sakadāgāmī’tiādivasena māno nuppajjati; dussīlassāpi nuppajjati; so hi ariyaguṇādhigame nirāsova. Sīlavatopi pariccattakammaṭṭhānassa niddārāmatādimanuyuttassa nuppajjati.

    барисуд̣̇д̇хасийласса бана гаммадтаанз аббамад̇д̇асса наамаруубам̣ вавад̇т̇абзд̇ваа бажжаяабариг̇г̇ахзна вид̇ин̣н̣аган̇касса д̇илагкан̣ам̣ ааробзд̇ваа сан̇каарз саммасанд̇асса аарад̣̇д̇хавибассагасса уббаж̇ж̇ад̇и; уббаннз жа суд̣̇д̇хасамат̇алаабхий ваа суд̣̇д̇хавибассанаалаабхий ваа анд̇араа табзд̇и. со хи д̣̇асаби вийсамби д̇им̣самби вассаани гилзсасамуд̣̇аажаарам̣ абассанд̇о ‘ахам̣ сод̇аабанно’д̇и ваа ‘сагад̣̇ааг̇аамий’д̇и ваа ‘анааг̇аамий’д̇и ваа ман̃н̃ад̇и. самат̇авибассанаалаабхий бана арахад̇д̇зязва табзд̇и. д̇асса хи самаад̇хиб̣алзна гилзсаа вигкамбхид̇аа, вибассанааб̣алзна сан̇каараа субариг̇г̇ахид̇аа. д̇асмаа садтиби вассаани асийд̇иби вассаани вассасад̇амби гилзсаа на самуд̣̇аажаранд̇и; кийн̣аасавассзва жид̇д̇ажааро ход̇и. со звам̣ д̣̇ийгхарад̇д̇ам̣ гилзсасамуд̣̇аажаарам̣ абассанд̇о анд̇араа адтад̇ваава ‘арахаа аха’нд̇и ман̃н̃ад̇и, ужжамаалан̇гаваасий махаанааг̇ад̇т̇зро вияа, хан̇ганагаваасий махаад̣̇ад̇д̇ад̇т̇зро вияа, жид̇д̇алабаб̣б̣ад̇з нин̇габон̣н̣абад̇хаанагхараваасий жуул̣асумад̇т̇зро вияа жа.

    Parisuddhasīlassa pana kammaṭṭhāne appamattassa nāmarūpaṃ vavatthapetvā paccayapariggahena vitiṇṇakaṅkhassa tilakkhaṇaṃ āropetvā saṅkhāre sammasantassa āraddhavipassakassa uppajjati; uppanne ca suddhasamathalābhī vā suddhavipassanālābhī vā antarā ṭhapeti. So hi dasapi vīsampi tiṃsampi vassāni kilesasamudācāraṃ apassanto ‘ahaṃ sotāpanno’ti vā ‘sakadāgāmī’ti vā ‘anāgāmī’ti vā maññati. Samathavipassanālābhī pana arahatteyeva ṭhapeti. Tassa hi samādhibalena kilesā vikkhambhitā, vipassanābalena saṅkhārā supariggahitā. Tasmā saṭṭhipi vassāni asītipi vassāni vassasatampi kilesā na samudācaranti; khīṇāsavasseva cittacāro hoti. So evaṃ dīgharattaṃ kilesasamudācāraṃ apassanto antarā aṭṭhatvāva ‘arahā aha’nti maññati, uccamālaṅkavāsī mahānāgatthero viya, haṅkanakavāsī mahādattatthero viya, cittalapabbate niṅkapoṇṇapadhānagharavāsī cūḷasumatthero viya ca.

    д̇ад̇рид̣̇ам̣ згавад̇т̇убарид̣̇ийбанам̣ – д̇алан̇г̇араваасий д̇хаммад̣̇иннад̇т̇зро гира наама зго бабхиннабадисамбхид̣̇о махаакийн̣аасаво махад̇о бхигкусан̇гхасса оваад̣̇ад̣̇ааяаго ахоси. со згад̣̇ивасам̣ ад̇д̇ано д̣̇иваадтаанз нисийд̣̇ид̇ваа ‘гинну ко амхаагам̣ аажарияасса ужжад̇алин̇гаваасиймахаанааг̇ад̇т̇зрасса саман̣агижжам̣ мад̇т̇агам̣ бад̇д̇о, но’д̇и ааваж̇ж̇анд̇о бут̇уж̇ж̇анабхаавамзвасса д̣̇исваа ‘маяи аг̇ажчанд̇з бут̇уж̇ж̇анагаалагирияамзва гариссад̇ий’д̇и жа н̃ад̇ваа ид̣̇д̇хияаа взхаасам̣ уббад̇ид̇ваа д̣̇иваадтаанз нисиннасса т̇зрасса самийбз орохид̇ваа ванд̣̇ид̇ваа вад̇д̇ам̣ д̣̇ассзд̇ваа згаманд̇ам̣ нисийд̣̇и. ‘гим̣, аавусо д̇хаммад̣̇инна, агаалз ааг̇ад̇осий’д̇и жа вуд̇д̇о ‘бан̃хам̣, бханд̇з, бужчид̇ум̣ ааг̇ад̇омхий’д̇и ааха.

    Tatridaṃ ekavatthuparidīpanaṃ – talaṅgaravāsī dhammadinnatthero kira nāma eko pabhinnapaṭisambhido mahākhīṇāsavo mahato bhikkhusaṅghassa ovādadāyako ahosi. So ekadivasaṃ attano divāṭṭhāne nisīditvā ‘kinnu kho amhākaṃ ācariyassa uccataliṅkavāsīmahānāgattherassa samaṇakiccaṃ matthakaṃ patto, no’ti āvajjanto puthujjanabhāvamevassa disvā ‘mayi agacchante puthujjanakālakiriyameva karissatī’ti ca ñatvā iddhiyā vehāsaṃ uppatitvā divāṭṭhāne nisinnassa therassa samīpe orohitvā vanditvā vattaṃ dassetvā ekamantaṃ nisīdi. ‘Kiṃ, āvuso dhammadinna, akāle āgatosī’ti ca vutto ‘pañhaṃ, bhante, pucchituṃ āgatomhī’ti āha.

    д̇ад̇о ‘бужчаавусо, ж̇аанамаано гат̇аяиссаамий’д̇и вуд̇д̇о бан̃хаасахассам̣ бужчи. т̇зро бужчид̇абужчид̇ам̣ бан̃хам̣ асаж̇ж̇амаанова гат̇зси. д̇ад̇о ‘ад̇ид̇игкам̣ д̇з, бханд̇з, н̃аан̣ам̣. гад̣̇аа д̇умхзхи аяам̣ д̇хаммо ад̇хиг̇ад̇о’д̇и вуд̇д̇о ‘ид̇о садтивассагаалз, аавусо’д̇и ааха. ‘самаад̇химби, бханд̇з, вал̣ан̃ж̇зт̇аа’д̇и? ‘на ид̣̇ам̣, аавусо, бхаарияа’нд̇и. ‘д̇зна хи, бханд̇з, згам̣ хад̇т̇им̣ маабзт̇аа’д̇и. т̇зро саб̣б̣асзд̇ам̣ хад̇т̇им̣ маабзси. ‘ид̣̇аани, бханд̇з, яат̇аа аяам̣ хад̇т̇ий ан̃жид̇аган̣н̣о басаарид̇анан̇г̇удто сон̣д̣ам̣ мукз багкибид̇ваа бхзравам̣ гон̃жанаад̣̇ам̣ гаронд̇о д̇умхаагам̣ абхимуко ааг̇ажчад̇и д̇ат̇аа д̇ам̣ гарот̇аа’д̇и. т̇зро д̇ат̇аа гад̇ваа взг̇зна ааг̇ажчад̇о хад̇т̇исса бхзравам̣ аагаарам̣ д̣̇исваа удтааяа балааяид̇ум̣ аарад̣̇д̇хо. д̇амзнам̣ кийн̣аасавад̇т̇зро хад̇т̇ам̣ басаарзд̇ваа жийвараган̣н̣з г̇ахзд̇ваа ‘бханд̇з, кийн̣аасавасса саараж̇ж̇ам̣ наама ход̇ий’д̇и ааха. со д̇асмим̣ гаалз ад̇д̇ано бут̇уж̇ж̇анабхаавам̣ н̃ад̇ваа ‘авассаяо мз, аавусо д̇хаммад̣̇инна, хохий’д̇и вад̇ваа баад̣̇амуулз уггудигам̣ нисийд̣̇и. ‘бханд̇з, д̇умхаагам̣ авассаяо бхависсаамижжзваахам̣ ааг̇ад̇о, маа жинд̇аяид̇т̇аа’д̇и гаммадтаанам̣ гат̇зси. т̇зро гаммадтаанам̣ г̇ахзд̇ваа жан̇гамам̣ ааруяха д̇ад̇ияз бад̣̇аваарз аг̇г̇апалам̣ арахад̇д̇ам̣ баабун̣и. т̇зро гира д̣̇осажарид̇о ахоси.

    Tato ‘pucchāvuso, jānamāno kathayissāmī’ti vutto pañhāsahassaṃ pucchi. Thero pucchitapucchitaṃ pañhaṃ asajjamānova kathesi. Tato ‘atitikkhaṃ te, bhante, ñāṇaṃ. Kadā tumhehi ayaṃ dhammo adhigato’ti vutto ‘ito saṭṭhivassakāle, āvuso’ti āha. ‘Samādhimpi, bhante, vaḷañjethā’ti? ‘Na idaṃ, āvuso, bhāriya’nti. ‘Tena hi, bhante, ekaṃ hatthiṃ māpethā’ti. Thero sabbasetaṃ hatthiṃ māpesi. ‘Idāni, bhante, yathā ayaṃ hatthī añcitakaṇṇo pasāritanaṅguṭṭho soṇḍaṃ mukhe pakkhipitvā bheravaṃ koñcanādaṃ karonto tumhākaṃ abhimukho āgacchati tathā taṃ karothā’ti. Thero tathā katvā vegena āgacchato hatthissa bheravaṃ ākāraṃ disvā uṭṭhāya palāyituṃ āraddho. Tamenaṃ khīṇāsavatthero hatthaṃ pasāretvā cīvarakaṇṇe gahetvā ‘bhante, khīṇāsavassa sārajjaṃ nāma hotī’ti āha. So tasmiṃ kāle attano puthujjanabhāvaṃ ñatvā ‘avassayo me, āvuso dhammadinna, hohī’ti vatvā pādamūle ukkuṭikaṃ nisīdi. ‘Bhante, tumhākaṃ avassayo bhavissāmiccevāhaṃ āgato, mā cintayitthā’ti kammaṭṭhānaṃ kathesi. Thero kammaṭṭhānaṃ gahetvā caṅkamaṃ āruyha tatiye padavāre aggaphalaṃ arahattaṃ pāpuṇi. Thero kira dosacarito ahosi.

    883. асмимаананид̣̇д̣̇зсз руубам̣ асмийд̇и маанод̇и ‘ахам̣ рууба’нд̇и уббаннамаано. чанд̣̇од̇и маанам̣ ануг̇ад̇ажчанд̣̇ова. д̇ат̇аа анусаяо. взд̣̇анаад̣̇ийсуби зсзва наяо.

    883. Asmimānaniddese rūpaṃ asmīti mānoti ‘ahaṃ rūpa’nti uppannamāno. Chandoti mānaṃ anugatacchandova. Tathā anusayo. Vedanādīsupi eseva nayo.

    884. мижчаамаананид̣̇д̣̇зсз баабагзна ваа гаммааяад̇анзнаад̇и аад̣̇ийсу баабагам̣ гаммааяад̇анам̣ наама гзваддамажчаб̣анд̇ханзсаад̣̇аад̣̇ийнам̣ гаммам̣. баабагам̣ сиббааяад̇анам̣ наама мажчаж̇аалакибанагуминагаран̣зсу жзва баасаод̣д̣анасуулааробанаад̣̇ийсу жа чзгад̇аа. баабагам̣ виж̇ж̇аадтаанам̣ наама яаа гаажи баруубагхаад̇авиж̇ж̇аа. баабагам̣ суд̇ам̣ наама бхаарад̇аяуд̣̇д̇хасийд̇аахаран̣аад̣̇ибадисам̣яуд̇д̇ам̣. баабагам̣ бадибхаанам̣ наама д̣̇уб̣бхаасид̇аяуд̇д̇ам̣ габбанаадагавилаббанаад̣̇ибадибхаанам̣. баабагам̣ сийлам̣ наама аж̇асийлам̣ г̇осийлам̣. вад̇амби аж̇авад̇аг̇овад̇амзва. баабигаа д̣̇идти бана д̣̇ваасадтияаа д̣̇идтиг̇ад̇зсу яаа гаажи д̣̇идти.

    884. Micchāmānaniddese pāpakena vā kammāyatanenāti ādīsu pāpakaṃ kammāyatanaṃ nāma kevaṭṭamacchabandhanesādādīnaṃ kammaṃ. Pāpakaṃ sippāyatanaṃ nāma macchajālakhipanakuminakaraṇesu ceva pāsaoḍḍanasūlāropanādīsu ca chekatā. Pāpakaṃ vijjāṭṭhānaṃ nāma yā kāci parūpaghātavijjā. Pāpakaṃ sutaṃ nāma bhāratayuddhasītāharaṇādipaṭisaṃyuttaṃ. Pāpakaṃ paṭibhānaṃ nāma dubbhāsitayuttaṃ kappanāṭakavilappanādipaṭibhānaṃ. Pāpakaṃ sīlaṃ nāma ajasīlaṃ gosīlaṃ. Vatampi ajavatagovatameva. Pāpikā diṭṭhi pana dvāsaṭṭhiyā diṭṭhigatesu yā kāci diṭṭhi.

    885. н̃аад̇ивид̇агганид̣̇д̣̇зсаад̣̇ийсу ‘маяхам̣ н̃аад̇аяо сукаж̇ийвино самбад̇д̇ияуд̇д̇аа’д̇и звам̣ бан̃жагаамаг̇ун̣асанниссид̇зна г̇зхасид̇абзмзна н̃аад̇агз аараб̣бха уббаннавид̇аггова н̃аад̇ивид̇агго наама. ‘каяам̣ г̇ад̇аа ваяам̣ г̇ад̇аа сад̣̇д̇хаа басаннаа’д̇и звам̣ бавад̇д̇о бана н̃аад̇ивид̇агго наама на ход̇и.

    885. Ñātivitakkaniddesādīsu ‘mayhaṃ ñātayo sukhajīvino sampattiyuttā’ti evaṃ pañcakāmaguṇasannissitena gehasitapemena ñātake ārabbha uppannavitakkova ñātivitakko nāma. ‘Khayaṃ gatā vayaṃ gatā saddhā pasannā’ti evaṃ pavatto pana ñātivitakko nāma na hoti.

    886. ‘амхаагам̣ ж̇анабад̣̇о субхигко самбаннасассо’д̇и д̇удтамаанасса г̇зхасид̇абзмавасзнзва уббаннавид̇агго ж̇анабад̣̇авид̇агго наама. ‘амхаагам̣ ж̇анабад̣̇з мануссаа сад̣̇д̇хаа басаннаа каяам̣ г̇ад̇аа ваяам̣ г̇ад̇аа’д̇и звам̣ бавад̇д̇о бана ж̇анабад̣̇авид̇агго наама на ход̇и.

    886. ‘Amhākaṃ janapado subhikkho sampannasasso’ti tuṭṭhamānassa gehasitapemavaseneva uppannavitakko janapadavitakko nāma. ‘Amhākaṃ janapade manussā saddhā pasannā khayaṃ gatā vayaṃ gatā’ti evaṃ pavatto pana janapadavitakko nāma na hoti.

    887. амарад̇т̇ааяа вид̇агго, амаро ваа вид̇аггод̇и амаравид̇агго. д̇ад̇т̇а ‘уггудигаббад̇хаанаад̣̇ийхи д̣̇угкз ниж̇ж̇ин̣н̣з самбарааяз ад̇д̇аа сукий ход̇и амаро’д̇и д̣̇уггарагааригам̣ гаронд̇асса д̇ааяа д̣̇уггарагааригааяа бадисам̣яуд̇д̇о вид̇агго амарад̇т̇ааяа вид̇агго наама. д̣̇идтиг̇ад̇иго бана ‘сассад̇ам̣ вад̣̇зсий’д̇иаад̣̇ийни будто ‘званд̇иби мз но, д̇ат̇аад̇иби мз но’ ан̃н̃ат̇аад̇иби мз но, нод̇иби мз но, но нод̇иби мз но’д̇и (д̣̇ий. ни. 1.62) вигкзбам̣ аабаж̇ж̇ад̇и, д̇асса со д̣̇идтиг̇ад̇абадисам̣яуд̇д̇о вид̇агго. яат̇аа амаро наама мажчо уд̣̇агз г̇ахзд̇ваа маарзд̇ум̣ на саггаа, ид̇о жид̇о жа д̇хаавад̇и, г̇аахам̣ на г̇ажчад̇и; звамзва згасмим̣ багкз асан̣таханад̇о на марад̇ийд̇и амаро наама ход̇и. д̇ам̣ д̣̇увид̇хамби згад̇о гад̇ваа аяам̣ вужжад̇и амаравид̇аггод̇и вуд̇д̇ам̣.

    887. Amaratthāya vitakko, amaro vā vitakkoti amaravitakko. Tattha ‘ukkuṭikappadhānādīhi dukkhe nijjiṇṇe samparāye attā sukhī hoti amaro’ti dukkarakārikaṃ karontassa tāya dukkarakārikāya paṭisaṃyutto vitakko amaratthāya vitakko nāma. Diṭṭhigatiko pana ‘sassataṃ vadesī’tiādīni puṭṭho ‘evantipi me no, tathātipi me no’ aññathātipi me no, notipi me no, no notipi me no’ti (dī. ni. 1.62) vikkhepaṃ āpajjati, tassa so diṭṭhigatapaṭisaṃyutto vitakko. Yathā amaro nāma maccho udake gahetvā māretuṃ na sakkā, ito cito ca dhāvati, gāhaṃ na gacchati; evameva ekasmiṃ pakkhe asaṇṭhahanato na maratīti amaro nāma hoti. Taṃ duvidhampi ekato katvā ayaṃ vuccati amaravitakkoti vuttaṃ.

    888. бараануд̣̇д̣̇аяад̇аабадисам̣яуд̇д̇од̇и ануд̣̇д̣̇аяад̇аабад̇ируубагзна г̇зхасид̇абзмзна бадисам̣яуд̇д̇о. сахананд̣̇ийд̇иаад̣̇ийсу убадтаагзсу нанд̣̇анд̇зсу сожанд̇зсу жа д̇зхи сад̣̇д̇хим̣ д̣̇иг̇ун̣ам̣ нанд̣̇ад̇и, д̣̇иг̇ун̣ам̣ сожад̇и; д̇зсу сукид̇зсу д̣̇иг̇ун̣ам̣ сукид̇о ход̇и, д̣̇угкид̇зсу д̣̇иг̇ун̣ам̣ д̣̇угкид̇о ход̇и. уббаннзсу гижжагаран̣ийязсууд̇и д̇зсу маханд̇зсу ваа куд̣̇д̣̇агзсу ваа гаммзсу уббаннзсу. ад̇д̇анаа ваа яог̇ам̣ аабаж̇ж̇ад̇ийд̇и д̇аани д̇аани гижжаани саад̇хзнд̇о бан̃н̃ад̇д̇им̣ вийд̇иггамад̇и, саллзкам̣ гобзд̇и. яо д̇ад̇т̇аад̇и яо д̇асмим̣ сам̣садтавихаарз, д̇асмим̣ ваа яог̇аабаж̇ж̇анз г̇зхасид̇о вид̇агго – аяам̣ бараануд̣̇д̣̇аяад̇аабадисам̣яуд̇д̇о вид̇агго наама.

    888. Parānuddayatāpaṭisaṃyuttoti anuddayatāpatirūpakena gehasitapemena paṭisaṃyutto. Sahanandītiādīsu upaṭṭhākesu nandantesu socantesu ca tehi saddhiṃ diguṇaṃ nandati, diguṇaṃ socati; tesu sukhitesu diguṇaṃ sukhito hoti, dukkhitesu diguṇaṃ dukkhito hoti. Uppannesu kiccakaraṇīyesūti tesu mahantesu vā khuddakesu vā kammesu uppannesu. Attanā vā yogaṃ āpajjatīti tāni tāni kiccāni sādhento paññattiṃ vītikkamati, sallekhaṃ kopeti. Yo tatthāti yo tasmiṃ saṃsaṭṭhavihāre, tasmiṃ vā yogāpajjane gehasito vitakko – ayaṃ parānuddayatāpaṭisaṃyutto vitakko nāma.

    889. лаабхасаггаарасилогабадисам̣яуд̇д̇од̇и жийвараад̣̇илаабхзна жзва саггаарзна жа гид̇д̇исад̣̇д̣̇зна жа сад̣̇д̇хим̣ аарамман̣агаран̣авасзна бадисам̣яуд̇д̇о.

    889. Lābhasakkārasilokapaṭisaṃyuttoti cīvarādilābhena ceva sakkārena ca kittisaddena ca saddhiṃ ārammaṇakaraṇavasena paṭisaṃyutto.

    890. анаван̃н̃ад̇д̇ибадисам̣яуд̇д̇од̇и ‘ахо вад̇а мам̣ барз на аваж̇аанзяяум̣, на бот̇зд̇ваа вихзтзд̇ваа гат̇зяяу’нд̇и звам̣ анаван̃н̃аад̇абхаавабад̇т̇анааяа сад̣̇д̇хим̣ уббаж̇ж̇анавид̇агго. яо д̇ад̇т̇а г̇зхасид̇од̇и яо д̇асмим̣ ‘маа мам̣ барз аваж̇ааним̣суу’д̇и уббаннз жид̇д̇з бан̃жагаамаг̇ун̣асан̇каад̇аг̇зханиссид̇о худ̇ваа уббаннавид̇агго. сзсам̣ саб̣б̣ад̇т̇а баагадамзваад̇и.

    890. Anavaññattipaṭisaṃyuttoti ‘aho vata maṃ pare na avajāneyyuṃ, na pothetvā viheṭhetvā katheyyu’nti evaṃ anavaññātabhāvapatthanāya saddhiṃ uppajjanavitakko. Yo tattha gehasitoti yo tasmiṃ ‘mā maṃ pare avajāniṃsū’ti uppanne citte pañcakāmaguṇasaṅkhātagehanissito hutvā uppannavitakko. Sesaṃ sabbattha pākaṭamevāti.

    згаганид̣̇д̣̇зсаван̣н̣анаа.

    Ekakaniddesavaṇṇanā.




    Next: (2.) д̣̇уганид̣̇д̣̇зсаван̣н̣анаа • (2.) Dukaniddesavaṇṇanā




    Related texts:



    д̇ибидага (муула) • Tipiṭaka (Mūla) / абхид̇хаммабидага • Abhidhammapiṭaka / вибхан̇г̇абаал̣и • Vibhaṅgapāḷi / 17. куд̣̇д̣̇агавад̇т̇увибхан̇г̇о • 17. Khuddakavatthuvibhaṅgo

    дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / вибхан̇г̇а-мууладийгаа • Vibhaṅga-mūlaṭīkā / 17. куд̣̇д̣̇агавад̇т̇увибхан̇г̇о • 17. Khuddakavatthuvibhaṅgo

    дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / вибхан̇г̇а-анудийгаа • Vibhaṅga-anuṭīkā / 17. куд̣̇д̣̇агавад̇т̇увибхан̇г̇о • 17. Khuddakavatthuvibhaṅgo


    © 1991-2023 The Titi Tudorancea Bulletin | Titi Tudorancea® is a Registered Trademark | Terms of use and privacy policy
    Contact