Library / Tipiṭaka / д̇ибидага • Tipiṭaka / бан̃жабагаран̣а-адтагат̇аа • Pañcapakaraṇa-aṭṭhakathā

    2. нид̣̇д̣̇зсаван̣н̣анаа

    2. Niddesavaṇṇanā

    1. згаганид̣̇д̣̇зсаван̣н̣анаа

    1. Ekakaniddesavaṇṇanā

    1. ид̣̇аани яат̇аатабид̇ам̣ маад̇игам̣ аад̣̇ид̇о бадтааяа вибхаж̇ид̇ваа д̣̇ассзд̇ум̣ – гад̇амо жа буг̇г̇ало самаяавимуд̇д̇од̇иаад̣̇имааха. д̇ад̇т̇а ид̇хаад̇и имасмим̣ сад̇д̇алогз. згажжо буг̇г̇алод̇и зго буг̇г̇ало. гаалзна гааланд̇и зд̇т̇а бхуммавасзна ад̇т̇о взд̣̇ид̇аб̣б̣о. згзгасмим̣ гаалзд̇и вуд̇д̇ам̣ ход̇и. самаязна самаяанд̇и ид̣̇ам̣ буримассзва взважанам̣. адта вимогкзд̇и руубааважарааруубааважараадтасамаабад̇д̇ияо. д̇аасан̃хи бажжанийгад̇хаммзхи вимужжанад̇о вимогкод̇и наамам̣. гааязнаад̇и вимогкасахаж̇аад̇зна наамагааязна. пусид̇ваа вихарад̇ийд̇и бадилабхид̇ваа ирияад̇и. гад̇амасмим̣ банзса гаалз вимогкз пусид̇ваа вихарад̇ийд̇и? самаабад̇д̇им̣ самаабаж̇ж̇ид̇угаамасса хи гаало наама ад̇т̇и, агаало наама ад̇т̇и. д̇ад̇т̇а баад̇ова сарийрабадиж̇аг̇г̇анагаало, вад̇д̇агаран̣агаало жа самаабаж̇ж̇анасса агаало наама. сарийрам̣ бана бадиж̇аг̇г̇ид̇ваа вад̇д̇ам̣ гад̇ваа васанадтаанам̣ бависид̇ваа нисиннасса яаава бин̣д̣ааяа г̇аманагаало нааг̇ажчад̇и, зд̇асмим̣ анд̇арз самаабаж̇ж̇анасса гаало наама.

    1. Idāni yathāṭhapitaṃ mātikaṃ ādito paṭṭhāya vibhajitvā dassetuṃ – katamo ca puggalo samayavimuttotiādimāha. Tattha idhāti imasmiṃ sattaloke. Ekacco puggaloti eko puggalo. Kālena kālanti ettha bhummavasena attho veditabbo. Ekekasmiṃ kāleti vuttaṃ hoti. Samayena samayanti idaṃ purimasseva vevacanaṃ. Aṭṭha vimokkheti rūpāvacarārūpāvacaraaṭṭhasamāpattiyo. Tāsañhi paccanīkadhammehi vimuccanato vimokkhoti nāmaṃ. Kāyenāti vimokkhasahajātena nāmakāyena. Phusitvā viharatīti paṭilabhitvā iriyati. Katamasmiṃ panesa kāle vimokkhe phusitvā viharatīti? Samāpattiṃ samāpajjitukāmassa hi kālo nāma atthi, akālo nāma atthi. Tattha pātova sarīrapaṭijagganakālo, vattakaraṇakālo ca samāpajjanassa akālo nāma. Sarīraṃ pana paṭijaggitvā vattaṃ katvā vasanaṭṭhānaṃ pavisitvā nisinnassa yāva piṇḍāya gamanakālo nāgacchati, etasmiṃ antare samāpajjanassa kālo nāma.

    бин̣д̣ааяа г̇аманагаалам̣ бана саллагкзд̇ваа нигканд̇асса жзд̇ияаванд̣̇анагаало, бхигкусан̇гхабаривуд̇асса вид̇аггамаал̣агз таанагаало бин̣д̣ааяа г̇аманагаало г̇аамз жаран̣агаало; аасанасаалааяа яааг̇убаанагаало вад̇д̇агаран̣агаалод̇и аяамби самаабаж̇ж̇анасса агаало наама. аасанасаалааяа бана вивид̇д̇з огаасз сад̇и яаава бхад̇д̇агаало нааг̇ажчад̇и, зд̇асмимби анд̇арз самаабаж̇ж̇анасса гаало наама. бхад̇д̇ам̣ бана бхун̃ж̇анагаало, вихаараг̇аманагаало, бад̇д̇ажийварабадисааманагаало, д̣̇иваавад̇д̇агаран̣агаало, барибужчаад̣̇аанагаалод̇и аяамби самаабаж̇ж̇анасса агаало наама. яо агаало, свзва асамаяо. д̇ам̣ саб̣б̣амби табзд̇ваа авасзсз гаалз гаалз, самаяз самаяз вуд̇д̇аббагаарз адта вимогкз сахаж̇аад̇анаамагааязна бадилабхид̇ваа вихаранд̇о, ‘‘ид̇хзгажжо буг̇г̇ало…бз… вихарад̇ий’’д̇и вужжад̇и.

    Piṇḍāya gamanakālaṃ pana sallakkhetvā nikkhantassa cetiyavandanakālo, bhikkhusaṅghaparivutassa vitakkamāḷake ṭhānakālo piṇḍāya gamanakālo gāme caraṇakālo; āsanasālāya yāgupānakālo vattakaraṇakāloti ayampi samāpajjanassa akālo nāma. Āsanasālāya pana vivitte okāse sati yāva bhattakālo nāgacchati, etasmimpi antare samāpajjanassa kālo nāma. Bhattaṃ pana bhuñjanakālo, vihāragamanakālo, pattacīvarapaṭisāmanakālo, divāvattakaraṇakālo, paripucchādānakāloti ayampi samāpajjanassa akālo nāma. Yo akālo, sveva asamayo. Taṃ sabbampi ṭhapetvā avasese kāle kāle, samaye samaye vuttappakāre aṭṭha vimokkhe sahajātanāmakāyena paṭilabhitvā viharanto, ‘‘idhekacco puggalo…pe… viharatī’’ti vuccati.

    абижзса сапассагзхи сахаж̇аад̇анаамад̇хаммзхи сахаж̇аад̇ад̇хаммз пусад̇иязва наама, убажаарзна аббанам̣ пусад̇иязва наама. буримааяа аббанааяа абарам̣ аббанам̣ пусад̇иязва. язна хи сад̣̇д̇хим̣ яз д̇хаммаа сахаж̇аад̇аа, д̇зна д̇з бадилад̣̇д̇хаа наама хонд̇и. пассзнааби пудтааязва наама хонд̇и. убажаарамби аббанааяа бадилаабхагааран̣амзва, д̇ат̇аа буримаа аббанаа абарааббанааяа. д̇ад̇раасса звам̣ сахаж̇аад̇зхи сахаж̇аад̇аанам̣ пусанаа взд̣̇ид̇аб̣б̣аа – батамаж̇жхаанан̃хи вид̇аггаад̣̇ийхи бан̃жан̇г̇игам̣. д̇асмим̣ табзд̇ваа д̇аани ан̇г̇аани сзсаа ад̇ирзгабан̣н̣аасад̇хаммаа жад̇д̇ааро канд̇хаа наама хонд̇и. д̇зна наамагааязна батамаж̇жхаанасамаабад̇д̇ивимогкам̣ пусид̇ваа бадилабхид̇ваа вихарад̇и. д̣̇уд̇ияам̣ жхаанам̣ бийд̇исукажид̇д̇згаг̇г̇ад̇аахи д̇иван̇г̇игам̣, д̇ад̇ияам̣ сукажид̇д̇згаг̇г̇ад̇аахи д̣̇уван̇г̇игам̣, жад̇уд̇т̇ам̣ убзгкаажид̇д̇згаг̇г̇ад̇аахи д̣̇уван̇г̇игам̣, д̇ат̇аа аагаасаанан̃жааяад̇анам̣…бз… нзвасан̃н̃аанаасан̃н̃ааяад̇анан̃жа. д̇ад̇т̇а табзд̇ваа д̇аани ан̇г̇аани сзсаа ад̇ирзгабан̣н̣аасад̇хаммаа жад̇д̇ааро канд̇хаа наама хонд̇и. д̇зна наамагааязна нзвасан̃н̃аанаасан̃н̃ааяад̇анасамаабад̇д̇ивимогкам̣ пусид̇ваа бадилабхид̇ваа вихарад̇и.

    Apicesa saphassakehi sahajātanāmadhammehi sahajātadhamme phusatiyeva nāma, upacārena appanaṃ phusatiyeva nāma. Purimāya appanāya aparaṃ appanaṃ phusatiyeva. Yena hi saddhiṃ ye dhammā sahajātā, tena te paṭiladdhā nāma honti. Phassenāpi phuṭṭhāyeva nāma honti. Upacārampi appanāya paṭilābhakāraṇameva, tathā purimā appanā aparaappanāya. Tatrāssa evaṃ sahajātehi sahajātānaṃ phusanā veditabbā – paṭhamajjhānañhi vitakkādīhi pañcaṅgikaṃ. Tasmiṃ ṭhapetvā tāni aṅgāni sesā atirekapaṇṇāsadhammā cattāro khandhā nāma honti. Tena nāmakāyena paṭhamajjhānasamāpattivimokkhaṃ phusitvā paṭilabhitvā viharati. Dutiyaṃ jhānaṃ pītisukhacittekaggatāhi tivaṅgikaṃ, tatiyaṃ sukhacittekaggatāhi duvaṅgikaṃ, catutthaṃ upekkhācittekaggatāhi duvaṅgikaṃ, tathā ākāsānañcāyatanaṃ…pe… nevasaññānāsaññāyatanañca. Tattha ṭhapetvā tāni aṅgāni sesā atirekapaṇṇāsadhammā cattāro khandhā nāma honti. Tena nāmakāyena nevasaññānāsaññāyatanasamāpattivimokkhaṃ phusitvā paṭilabhitvā viharati.

    бан̃н̃ааяа жасса д̣̇исваад̇и вибассанаабан̃н̃ааяа сан̇каараг̇ад̇ам̣, маг̇г̇абан̃н̃ааяа жад̇усажжад̇хаммз бассид̇ваа. згажжз аасаваа баригкийн̣аа хонд̇ийд̇и убад̣дхубад̣дхаа батамамаг̇г̇аад̣̇иваж̇жхаа аасаваа баригкийн̣аа хонд̇и. аяам̣ вужжад̇и буг̇г̇ало самаяавимуд̇д̇од̇и зд̇т̇а адтасамаабад̇д̇илаабхий бут̇уж̇ж̇ано д̇зна наамагааязна пусид̇ваа вихарад̇ийд̇и вад̇д̇ум̣ ваддад̇и. баал̣ияам̣ бана ‘‘згажжз аасаваа баригкийн̣аа’’д̇и вуд̇д̇ам̣. бут̇уж̇ж̇анасса жа кийн̣аа аасаваа наама над̇т̇и, д̇асмаа со на г̇ахид̇о. адтасамаабад̇д̇илаабхий кийн̣аасавоби д̇зна наамагааязна пусид̇ваа вихарад̇ийд̇и вад̇д̇ум̣ ваддад̇и. д̇асса бана абаригкийн̣аасаваа наама над̇т̇и, д̇асмаа соби на г̇ахид̇о. самаяавимуд̇д̇од̇и бана д̇ин̣н̣ам̣ сод̇аабаннасагад̣̇ааг̇аамианааг̇аамийнам̣язвзд̇ам̣ нааманд̇и взд̣̇ид̇аб̣б̣ам̣.

    Paññāya cassa disvāti vipassanāpaññāya saṅkhāragataṃ, maggapaññāya catusaccadhamme passitvā. Ekacce āsavā parikkhīṇā hontīti upaḍḍhupaḍḍhā paṭhamamaggādivajjhā āsavā parikkhīṇā honti. Ayaṃ vuccati puggalo samayavimuttoti ettha aṭṭhasamāpattilābhī puthujjano tena nāmakāyena phusitvā viharatīti vattuṃ vaṭṭati. Pāḷiyaṃ pana ‘‘ekacce āsavā parikkhīṇā’’ti vuttaṃ. Puthujjanassa ca khīṇā āsavā nāma natthi, tasmā so na gahito. Aṭṭhasamāpattilābhī khīṇāsavopi tena nāmakāyena phusitvā viharatīti vattuṃ vaṭṭati. Tassa pana aparikkhīṇāsavā nāma natthi, tasmā sopi na gahito. Samayavimuttoti pana tiṇṇaṃ sotāpannasakadāgāmianāgāmīnaṃyevetaṃ nāmanti veditabbaṃ.

    2. асамаяавимуд̇д̇анид̣̇д̣̇зсз – буримасад̣̇исам̣ вуд̇д̇анаязнзва взд̣̇ид̇аб̣б̣ам̣. асамаяавимуд̇д̇од̇и банзд̇т̇а сугкавибассагакийн̣аасавассзд̇ам̣ наамам̣. сугкавибассагаа бана сод̇аабаннасагад̣̇ааг̇аамианааг̇аамино адтасамаабад̇д̇илаабхино жа кийн̣аасаваа бут̇уж̇ж̇анаа жа имасмим̣ д̣̇угз на лаб̣бханд̇и, д̣̇угамуд̇д̇агабуг̇г̇алаа наама хонд̇и. д̇асмаа сад̇т̇аа ад̇д̇ано б̣уд̣̇д̇хасуб̣уд̣̇д̇хад̇ааяа хздтаа г̇ахид̇з жа аг̇г̇ахид̇з жа сан̇гад̣дхид̇ваа сад̣̇д̇хим̣ бидтиваддагзхи д̇анд̇им̣ ааробзнд̇о саб̣б̣зби арияабуг̇г̇алаад̇иаад̣̇имааха. д̇ад̇т̇а арияз вимогкзд̇и гилзсзхи аарагад̇д̇аа ариязд̇и сан̇кам̣ г̇ад̇з логуд̇д̇аравимогкз. ид̣̇ам̣ вуд̇д̇ам̣ ход̇и – б̣аахираанан̃хи адтаннам̣ самаабад̇д̇ийнам̣ самаабаж̇ж̇анд̇асса самаяоби ад̇т̇и асамаяоби. маг̇г̇авимогкзна вимужжанасса самаяо ваа асамаяо ваа над̇т̇и. яасса сад̣̇д̇хаа б̣алавад̇ий, вибассанаа жа аарад̣̇д̇хаа, д̇асса г̇ажчанд̇асса д̇идтанд̇асса нисийд̣̇анд̇асса нибаж̇ж̇анд̇асса каад̣̇анд̇асса бхун̃ж̇анд̇асса маг̇г̇апалабадивзд̇хо наама на ход̇ийд̇и над̇т̇и. ид̇и маг̇г̇авимогкзна вимужжанасса самаяо ваа асамаяо ваа над̇т̇ийд̇и хздтаа г̇ахид̇з жа аг̇г̇ахид̇з жа сан̇гад̣дхид̇ваа имам̣ бидтиваддагам̣ д̇анд̇им̣ ааробзси д̇хаммарааж̇аа. самаабад̇д̇илаабхий бут̇уж̇ж̇ано имааяаби д̇анд̇ияаа аг̇г̇ахид̇ова. бхаж̇аабияамаано бана самаабад̇д̇ивигкамбхид̇аанам̣ гилзсаанам̣ васзна самаяавимуд̇д̇абхаавам̣ бхаж̇зяяа.

    2. Asamayavimuttaniddese – purimasadisaṃ vuttanayeneva veditabbaṃ. Asamayavimuttoti panettha sukkhavipassakakhīṇāsavassetaṃ nāmaṃ. Sukkhavipassakā pana sotāpannasakadāgāmianāgāmino aṭṭhasamāpattilābhino ca khīṇāsavā puthujjanā ca imasmiṃ duke na labbhanti, dukamuttakapuggalā nāma honti. Tasmā satthā attano buddhasubuddhatāya heṭṭhā gahite ca aggahite ca saṅkaḍḍhitvā saddhiṃ piṭṭhivaṭṭakehi tantiṃ āropento sabbepi ariyapuggalātiādimāha. Tattha ariye vimokkheti kilesehi ārakattā ariyeti saṅkhaṃ gate lokuttaravimokkhe. Idaṃ vuttaṃ hoti – bāhirānañhi aṭṭhannaṃ samāpattīnaṃ samāpajjantassa samayopi atthi asamayopi. Maggavimokkhena vimuccanassa samayo vā asamayo vā natthi. Yassa saddhā balavatī, vipassanā ca āraddhā, tassa gacchantassa tiṭṭhantassa nisīdantassa nipajjantassa khādantassa bhuñjantassa maggaphalapaṭivedho nāma na hotīti natthi. Iti maggavimokkhena vimuccanassa samayo vā asamayo vā natthīti heṭṭhā gahite ca aggahite ca saṅkaḍḍhitvā imaṃ piṭṭhivaṭṭakaṃ tantiṃ āropesi dhammarājā. Samāpattilābhī puthujjano imāyapi tantiyā aggahitova. Bhajāpiyamāno pana samāpattivikkhambhitānaṃ kilesānaṃ vasena samayavimuttabhāvaṃ bhajeyya.

    3. губбад̇хаммаагуббад̇хамманид̣̇д̣̇зсзсу – яасса ад̇хиг̇ад̇о самаабад̇д̇ид̇хаммо губбад̇и нассад̇и, со губбад̇хаммо. руубасахаг̇ад̇аананд̇и руубанимид̇д̇асан̇каад̇зна руубзна сахаг̇ад̇аанам̣. д̇зна сад̣̇д̇хим̣ бавад̇д̇аанам̣ на винаа руубаарамман̣аанам̣ жад̇уннам̣ руубааважараж̇жхаанаананд̇и ад̇т̇о. аруубасахаг̇ад̇аананд̇и руубад̇о ан̃н̃ам̣, на руубанд̇и аруубам̣. аруубзна сахаг̇ад̇аанам̣ д̇зна сад̣̇д̇хим̣ бавад̇д̇аанам̣ на винаа аруубаарамман̣аанам̣ жад̇уннам̣ аруубааважараж̇жхаанаананд̇и ад̇т̇о. на нигаамалаабхийд̇и бан̃жахаагаарзхи ажин̣н̣авасид̇ааяа ижчид̇аагаарзна алад̣̇д̇хад̇д̇аа на нигаамалаабхий. аббаг̇ун̣асамаабад̇д̇игод̇и ад̇т̇о. на агижчалаабхийд̇и гижчалаабхий д̣̇угкалаабхий. яо ааг̇аманамхи гилзсз вигкамбхзнд̇о убажаарам̣ баабзнд̇о аббанам̣ баабзнд̇о жид̇д̇аман̃ж̇уусам̣ лабханд̇о д̣̇угкзна гижчзна сасан̇каарзна саббаяог̇зна гиламанд̇о д̇ам̣ самбад̣̇ам̣ баабун̣ид̇ум̣ саггод̇и, со на агижчалаабхий наама. на агасиралаабхийд̇и авибулалаабхий. самаабад̇д̇им̣ аббзд̇ваа ад̣̇д̇хаанам̣ парид̇ум̣ на саггод̇и. згам̣ д̣̇вз жид̇д̇аваарз вад̇д̇зд̇ваа сахасаава вудтаад̇ийд̇и ад̇т̇о.

    3. Kuppadhammākuppadhammaniddesesu – yassa adhigato samāpattidhammo kuppati nassati, so kuppadhammo. Rūpasahagatānanti rūpanimittasaṅkhātena rūpena sahagatānaṃ. Tena saddhiṃ pavattānaṃ na vinā rūpārammaṇānaṃ catunnaṃ rūpāvacarajjhānānanti attho. Arūpasahagatānanti rūpato aññaṃ, na rūpanti arūpaṃ. Arūpena sahagatānaṃ tena saddhiṃ pavattānaṃ na vinā arūpārammaṇānaṃ catunnaṃ arūpāvacarajjhānānanti attho. Na nikāmalābhīti pañcahākārehi aciṇṇavasitāya icchitākārena aladdhattā na nikāmalābhī. Appaguṇasamāpattikoti attho. Na akicchalābhīti kicchalābhī dukkhalābhī. Yo āgamanamhi kilese vikkhambhento upacāraṃ pāpento appanaṃ pāpento cittamañjūsaṃ labhanto dukkhena kicchena sasaṅkhārena sappayogena kilamanto taṃ sampadaṃ pāpuṇituṃ sakkoti, so na akicchalābhī nāma. Na akasiralābhīti avipulalābhī. Samāpattiṃ appetvā addhānaṃ pharituṃ na sakkoti. Ekaṃ dve cittavāre vattetvā sahasāva vuṭṭhātīti attho.

    яад̇т̇ижчаганд̇и яасмим̣ огаасз самаабад̇д̇им̣ аббзд̇ваа нисийд̣̇ид̇ум̣ ижчад̇и. яад̣̇ижчаганд̇и гасин̣аж̇жхаанам̣ ваа аанаабаанаж̇жхаанам̣ ваа б̣рахмавихаараж̇жхаанам̣ ваа асубхаж̇жхаанам̣ ваад̇и яам̣ яам̣ самаабад̇д̇им̣ аббзд̇ваа нисийд̣̇ид̇ум̣ ижчад̇и. яаавад̇ижчаганд̇и ад̣̇д̇хаанабарижчзд̣̇зна яад̇д̇агам̣ гаалам̣ ижчад̇и. ид̣̇ам̣ вуд̇д̇ам̣ ход̇и – яад̇т̇а яад̇т̇а яам̣ яам̣ самаабад̇д̇им̣ яад̇д̇агам̣ ад̣̇д̇хаанам̣ самаабаж̇ж̇ид̇умби вудтаад̇умби ижчад̇и, д̇ад̇т̇а д̇ад̇т̇а д̇ам̣ д̇ам̣ самаабад̇д̇им̣ д̇ад̇д̇агам̣ ад̣̇д̇хаанам̣ самаабаж̇ж̇ид̇умби вудтаад̇умби на саггод̇и. жанд̣̇ам̣ ваа суурияам̣ ваа уллогзд̇ваа ‘имасмим̣ жанд̣̇з ваа суурияз ваа зд̇д̇агам̣ таанам̣ г̇ад̇з вудтахиссаамий’д̇и барижчинд̣̇ид̇ваа жхаанам̣ самаабанно яат̇аабарижчзд̣̇зна вудтаад̇ум̣ на саггод̇и, анд̇араава вудтаад̇и; самаабад̇д̇ияаа аббаг̇ун̣ад̇ааяаад̇и.

    Yatthicchakanti yasmiṃ okāse samāpattiṃ appetvā nisīdituṃ icchati. Yadicchakanti kasiṇajjhānaṃ vā ānāpānajjhānaṃ vā brahmavihārajjhānaṃ vā asubhajjhānaṃ vāti yaṃ yaṃ samāpattiṃ appetvā nisīdituṃ icchati. Yāvaticchakanti addhānaparicchedena yattakaṃ kālaṃ icchati. Idaṃ vuttaṃ hoti – yattha yattha yaṃ yaṃ samāpattiṃ yattakaṃ addhānaṃ samāpajjitumpi vuṭṭhātumpi icchati, tattha tattha taṃ taṃ samāpattiṃ tattakaṃ addhānaṃ samāpajjitumpi vuṭṭhātumpi na sakkoti. Candaṃ vā sūriyaṃ vā ulloketvā ‘imasmiṃ cande vā sūriye vā ettakaṃ ṭhānaṃ gate vuṭṭhahissāmī’ti paricchinditvā jhānaṃ samāpanno yathāparicchedena vuṭṭhātuṃ na sakkoti, antarāva vuṭṭhāti; samāpattiyā appaguṇatāyāti.

    бамаад̣̇амааг̇аммаад̇и бамаад̣̇ам̣ бадижжа. аяам̣ вужжад̇ийд̇и аяам̣ звам̣вид̇хо буг̇г̇ало губбад̇хаммод̇и вужжад̇и. ид̣̇ам̣ бана адтасамаабад̇д̇илаабхино бут̇уж̇ж̇анасса сод̇аабаннасса сагад̣̇ааг̇ааминод̇и д̇ин̣н̣ам̣ буг̇г̇алаанам̣ наамам̣. зд̇зсан̃хи самаад̇хибаариб̣анд̇хагаа вибассанаабаариб̣анд̇хагаа жа д̇хаммаа на сувигкамбхид̇аа, на сувигкаалид̇аа, д̇зна д̇зсам̣ самаабад̇д̇и нассад̇и барихааяад̇и. саа жа ко нзва сийлабхзд̣̇зна, наабад̇д̇ивийд̇иггамзна. на г̇аругамогкад̇хаммо банзса аббамад̇д̇агзнаби гижжагаран̣ийязна ваа вад̇д̇абхзд̣̇амад̇д̇агзна ваа нассад̇и.

    Pamādamāgammāti pamādaṃ paṭicca. Ayaṃ vuccatīti ayaṃ evaṃvidho puggalo kuppadhammoti vuccati. Idaṃ pana aṭṭhasamāpattilābhino puthujjanassa sotāpannassa sakadāgāminoti tiṇṇaṃ puggalānaṃ nāmaṃ. Etesañhi samādhipāribandhakā vipassanāpāribandhakā ca dhammā na suvikkhambhitā, na suvikkhālitā, tena tesaṃ samāpatti nassati parihāyati. Sā ca kho neva sīlabhedena, nāpattivītikkamena. Na garukamokkhadhammo panesa appamattakenapi kiccakaraṇīyena vā vattabhedamattakena vā nassati.

    д̇ад̇рид̣̇ам̣ вад̇т̇у – зго гира т̇зро самаабад̇д̇им̣ вал̣ан̃ж̇зд̇и. д̇асмим̣ бин̣д̣ааяа г̇аамам̣ бавидтз д̣̇аарагаа баривзн̣з гийл̣ид̇ваа баггамим̣су. т̇зро ааг̇анд̇ваа ‘баривзн̣ам̣ саммаж̇ж̇ид̇аб̣б̣а’нд̇и жинд̇зд̇ваа асаммаж̇ж̇ид̇ваа вихаарам̣ бависид̇ваа ‘самаабад̇д̇им̣ аббзссаамий’д̇и нисийд̣̇и. со аббзд̇ум̣ асаггонд̇о, ‘гим̣ ну ко ааваран̣а’нд̇и сийлам̣ ааваж̇ж̇анд̇о аббамад̇д̇агамби вийд̇иггамам̣ ад̣̇исваа ‘вад̇д̇абхзд̣̇о ну ко ад̇т̇ий’д̇и ологзнд̇о баривзн̣асса асаммадтабхаавам̣ н̃ад̇ваа саммаж̇ж̇ид̇ваа бависид̇ваа нисийд̣̇анд̇о самаабад̇д̇им̣ аббзнд̇ова нисийд̣̇и.

    Tatridaṃ vatthu – eko kira thero samāpattiṃ vaḷañjeti. Tasmiṃ piṇḍāya gāmaṃ paviṭṭhe dārakā pariveṇe kīḷitvā pakkamiṃsu. Thero āgantvā ‘pariveṇaṃ sammajjitabba’nti cintetvā asammajjitvā vihāraṃ pavisitvā ‘samāpattiṃ appessāmī’ti nisīdi. So appetuṃ asakkonto, ‘kiṃ nu kho āvaraṇa’nti sīlaṃ āvajjanto appamattakampi vītikkamaṃ adisvā ‘vattabhedo nu kho atthī’ti olokento pariveṇassa asammaṭṭhabhāvaṃ ñatvā sammajjitvā pavisitvā nisīdanto samāpattiṃ appentova nisīdi.

    4. агуббад̇хамманид̣̇д̣̇зсо вуд̇д̇абадибагкавасзнзва взд̣̇ид̇аб̣б̣о. агуббад̇хаммод̇и ид̣̇ам̣ бана адтасамаабад̇д̇илаабхино анааг̇аамисса жзва кийн̣аасавасса жаад̇и д̣̇виннам̣ буг̇г̇алаанам̣ наамам̣. д̇зсан̃хи самаад̇хибаариб̣анд̇хагаа вибассанаабаариб̣анд̇хагаа жа д̇хаммаа сувигкамбхид̇аа сувигкаалид̇аа; д̇зна д̇зсам̣ бхассасан̇г̇ан̣игаараамаад̣̇игижжзна ваа ан̃н̃зна ваа язна гзнажи ад̇д̇ано ануруубзна бамаад̣̇зна вийд̇инаамзнд̇аанамби самаабад̇д̇и на губбад̇и, на нассад̇и. сугкавибассагаа бана сод̇аабаннасагад̣̇ааг̇аамианааг̇аамикийн̣аасаваа имасмим̣ д̣̇угз на лаб̣бханд̇и; д̣̇угамуд̇д̇агабуг̇г̇алаа наама хонд̇и. д̇асмаа сад̇т̇аа ад̇д̇ано б̣уд̣̇д̇хасуб̣уд̣̇д̇хад̇ааяа хздтаа г̇ахид̇з жа аг̇г̇ахид̇з жа сан̇гад̣дхид̇ваа имасмимби д̣̇угз сад̣̇д̇хим̣ бидтиваддагзхи д̇анд̇им̣ ааробзнд̇о саб̣б̣зби арияабуг̇г̇алаад̇иаад̣̇имааха. адтаннан̃хи самаабад̇д̇ийнам̣ губбанам̣ нассанам̣ бхавзяяа, логуд̇д̇арад̇хаммасса бана сагим̣ бадивид̣̇д̇хасса губбанам̣ нассанам̣ наама над̇т̇и, д̇ам̣ санд̇хааязд̇ам̣ вуд̇д̇ам̣.

    4. Akuppadhammaniddeso vuttapaṭipakkhavaseneva veditabbo. Akuppadhammoti idaṃ pana aṭṭhasamāpattilābhino anāgāmissa ceva khīṇāsavassa cāti dvinnaṃ puggalānaṃ nāmaṃ. Tesañhi samādhipāribandhakā vipassanāpāribandhakā ca dhammā suvikkhambhitā suvikkhālitā; tena tesaṃ bhassasaṅgaṇikārāmādikiccena vā aññena vā yena kenaci attano anurūpena pamādena vītināmentānampi samāpatti na kuppati, na nassati. Sukkhavipassakā pana sotāpannasakadāgāmianāgāmikhīṇāsavā imasmiṃ duke na labbhanti; dukamuttakapuggalā nāma honti. Tasmā satthā attano buddhasubuddhatāya heṭṭhā gahite ca aggahite ca saṅkaḍḍhitvā imasmimpi duke saddhiṃ piṭṭhivaṭṭakehi tantiṃ āropento sabbepi ariyapuggalātiādimāha. Aṭṭhannañhi samāpattīnaṃ kuppanaṃ nassanaṃ bhaveyya, lokuttaradhammassa pana sakiṃ paṭividdhassa kuppanaṃ nassanaṃ nāma natthi, taṃ sandhāyetaṃ vuttaṃ.

    5. барихаанад̇хаммаабарихаанад̇хамманид̣̇д̣̇зсааби губбад̇хаммаагуббад̇хамманид̣̇д̣̇зсавасзнзва взд̣̇ид̇аб̣б̣аа. гзвалан̃хи ид̇ха буг̇г̇аласса бамаад̣̇ам̣ бадижжа д̇хаммаанам̣ барихаанамби абарихаанамби г̇ахид̇анд̇и ид̣̇ам̣ барияааяад̣̇зсанаамад̇д̇амзва наанам̣. сзсам̣ саб̣б̣ад̇т̇а д̇аад̣̇исамзва.

    5. Parihānadhammāparihānadhammaniddesāpi kuppadhammākuppadhammaniddesavaseneva veditabbā. Kevalañhi idha puggalassa pamādaṃ paṭicca dhammānaṃ parihānampi aparihānampi gahitanti idaṃ pariyāyadesanāmattameva nānaṃ. Sesaṃ sabbattha tādisameva.

    7. жзд̇анаабхаб̣б̣анид̣̇д̣̇зсз – жзд̇анаабхаб̣б̣од̇и жзд̇анааяа абарихааним̣ аабаж̇ж̇ид̇ум̣ бхаб̣б̣о. сажз анусан̃жзд̇зд̇ийд̇и, сажз самаабаж̇ж̇ад̇и. самаабад̇д̇ин̃хи самаабаж̇ж̇анд̇о анусан̃жзд̇зд̇и наама. со на барихааяад̇и, ид̇аро барихааяад̇и.

    7. Cetanābhabbaniddese – cetanābhabboti cetanāya aparihāniṃ āpajjituṃ bhabbo. Sace anusañcetetīti, sace samāpajjati. Samāpattiñhi samāpajjanto anusañceteti nāma. So na parihāyati, itaro parihāyati.

    8. анурагкан̣аабхаб̣б̣анид̣̇д̣̇зсз – анурагкан̣аабхаб̣б̣од̇и анурагкан̣ааяа абарихааним̣ аабаж̇ж̇ид̇ум̣ бхаб̣б̣о. сажз анурагкад̇ийд̇и сажз анубагаарад̇хаммз бахааяа убагаарад̇хаммз сзванд̇о самаабаж̇ж̇ад̇и. зван̃хи бадибаж̇ж̇анд̇о анурагкад̇и наама. со на барихааяад̇и, ид̇аро барихааяад̇и.

    8. Anurakkhaṇābhabbaniddese – anurakkhaṇābhabboti anurakkhaṇāya aparihāniṃ āpajjituṃ bhabbo. Sace anurakkhatīti sace anupakāradhamme pahāya upakāradhamme sevanto samāpajjati. Evañhi paṭipajjanto anurakkhati nāma. So na parihāyati, itaro parihāyati.

    имз д̣̇взби самаабад̇д̇им̣ табзд̇ум̣ т̇ааварам̣ гаад̇ум̣ бадиб̣алаа. жзд̇анаабхаб̣б̣ад̇о бана анурагкан̣аабхаб̣б̣ова б̣алавад̇аро. жзд̇анаабхаб̣б̣о хи убагаараанубагаарз д̇хаммз на ж̇аанаад̇и. аж̇аананд̇о убагаарад̇хаммз нуд̣̇ад̇и нийхарад̇и, анубагаарад̇хаммз сзвад̇и. со д̇з сзванд̇о самаабад̇д̇ид̇о барихааяад̇и . анурагкан̣аабхаб̣б̣о убагаараанубагаарз д̇хаммз ж̇аанаад̇и. ж̇аананд̇о анубагаарад̇хаммз нуд̣̇ад̇и нийхарад̇и, убагаарад̇хаммз сзвад̇и. со д̇з сзванд̇о самаабад̇д̇ид̇о на барихааяад̇и.

    Ime dvepi samāpattiṃ ṭhapetuṃ thāvaraṃ kātuṃ paṭibalā. Cetanābhabbato pana anurakkhaṇābhabbova balavataro. Cetanābhabbo hi upakārānupakāre dhamme na jānāti. Ajānanto upakāradhamme nudati nīharati, anupakāradhamme sevati. So te sevanto samāpattito parihāyati . Anurakkhaṇābhabbo upakārānupakāre dhamme jānāti. Jānanto anupakāradhamme nudati nīharati, upakāradhamme sevati. So te sevanto samāpattito na parihāyati.

    яат̇аа хи д̣̇вз кзд̇д̇абаалаа зго бан̣д̣урог̇зна сарог̇о агкамо сийд̇аад̣̇ийнам̣, зго арог̇о сийд̇аад̣̇ийнам̣ сахо. сарог̇о хздтаагудим̣ на од̇арад̇и, рад̇д̇аарагкам̣ д̣̇иваарагкам̣ виж̇ахад̇и. д̇асса д̣̇иваа сугамораад̣̇аяо кзд̇д̇ам̣ од̇арид̇ваа саалисийсам̣ каад̣̇анд̇и, рад̇д̇им̣ миг̇асуугараад̣̇аяо бависид̇ваа калам̣ д̇ажчи д̇ам̣ вияа чзд̇ваа г̇ажчанд̇и. со ад̇д̇ано бамад̇д̇агааран̣аа буна б̣ийж̇амад̇д̇амби на лабхад̇и. ид̇аро рад̇д̇аарагкам̣ д̣̇иваарагкам̣ на виж̇ахад̇и. со ад̇д̇ано аббамад̇д̇агааран̣аа згагарийсад̇о жад̇д̇аариби адтаби сагадаани лабхад̇и.

    Yathā hi dve khettapālā eko paṇḍurogena sarogo akkhamo sītādīnaṃ, eko arogo sītādīnaṃ saho. Sarogo heṭṭhākuṭiṃ na otarati, rattārakkhaṃ divārakkhaṃ vijahati. Tassa divā sukamorādayo khettaṃ otaritvā sālisīsaṃ khādanti, rattiṃ migasūkarādayo pavisitvā khalaṃ tacchi taṃ viya chetvā gacchanti. So attano pamattakāraṇā puna bījamattampi na labhati. Itaro rattārakkhaṃ divārakkhaṃ na vijahati. So attano appamattakāraṇā ekakarīsato cattāripi aṭṭhapi sakaṭāni labhati.

    д̇ад̇т̇а сарог̇акзд̇д̇абаало вияа жзд̇анаабхаб̣б̣о, арог̇о вияа анурагкан̣аабхаб̣б̣о д̣̇адтаб̣б̣о. сарог̇асса ад̇д̇ано бамаад̣̇зна буна б̣ийж̇амад̇д̇ассаби алабханам̣ вияа жзд̇анаабхаб̣б̣асса убагаараанубагаарз д̇хаммз аж̇аанид̇ваа убагаарз бахааяа анубагаарз сзванд̇асса самаабад̇д̇ияаа барихаанам̣. ид̇арасса ад̇д̇ано аббамаад̣̇зна згагарийсамад̇д̇ад̇о жад̇уадтасагадауд̣̇д̇харан̣ам̣ вияа анурагкан̣аабхаб̣б̣асса убагаараанубагаарз д̇хаммз ж̇аанид̇ваа анубагаарз бахааяа убагаарз сзванд̇асса самаабад̇д̇ияаа абарихаанам̣ взд̣̇ид̇аб̣б̣ам̣. звам̣ жзд̇анаабхаб̣б̣ад̇о анурагкан̣аабхаб̣б̣ова самаабад̇д̇им̣ т̇ааварам̣ гаад̇ум̣ б̣алавад̇арод̇и взд̣̇ид̇аб̣б̣о.

    Tattha sarogakhettapālo viya cetanābhabbo, arogo viya anurakkhaṇābhabbo daṭṭhabbo. Sarogassa attano pamādena puna bījamattassapi alabhanaṃ viya cetanābhabbassa upakārānupakāre dhamme ajānitvā upakāre pahāya anupakāre sevantassa samāpattiyā parihānaṃ. Itarassa attano appamādena ekakarīsamattato catuaṭṭhasakaṭauddharaṇaṃ viya anurakkhaṇābhabbassa upakārānupakāre dhamme jānitvā anupakāre pahāya upakāre sevantassa samāpattiyā aparihānaṃ veditabbaṃ. Evaṃ cetanābhabbato anurakkhaṇābhabbova samāpattiṃ thāvaraṃ kātuṃ balavataroti veditabbo.

    9. бут̇уж̇ж̇ананид̣̇д̣̇зсз – д̇ийн̣и сам̣яож̇анаанийд̇и д̣̇идтисам̣яож̇анасийлаб̣б̣ад̇абараамаасасам̣яож̇анавижигижчаасам̣яож̇анаани. зд̇аани хи палагкан̣з бахийнаани наама хонд̇и. аяам̣ бана палагкан̣зби на ход̇ийд̇и д̣̇ассзд̇и. д̇зсам̣ д̇хаммаананд̇и д̇зсам̣ сам̣яож̇анад̇хаммаанам̣. маг̇г̇агкан̣асмин̃хи д̇зсам̣ бахаанааяа бадибанно наама ход̇и. аяам̣ бана маг̇г̇агкан̣зби на ход̇и. зд̇д̇аавад̇аа виссадтагаммадтаано т̇уулаб̣аалабут̇уж̇ж̇анова ид̇ха гат̇ид̇од̇и взд̣̇ид̇аб̣б̣о.

    9. Puthujjananiddese – tīṇi saṃyojanānīti diṭṭhisaṃyojanasīlabbataparāmāsasaṃyojanavicikicchāsaṃyojanāni. Etāni hi phalakkhaṇe pahīnāni nāma honti. Ayaṃ pana phalakkhaṇepi na hotīti dasseti. Tesaṃ dhammānanti tesaṃ saṃyojanadhammānaṃ. Maggakkhaṇasmiñhi tesaṃ pahānāya paṭipanno nāma hoti. Ayaṃ pana maggakkhaṇepi na hoti. Ettāvatā vissaṭṭhakammaṭṭhāno thūlabālaputhujjanova idha kathitoti veditabbo.

    10. г̇од̇рабхунид̣̇д̣̇зсз – язсам̣ д̇хаммаананд̇и язсам̣ г̇од̇рабхун̃аан̣зна сад̣̇д̇хим̣ уббаннаанам̣ баробан̣н̣аасагусалад̇хаммаанам̣. арияад̇хаммассаад̇и логуд̇д̇арамаг̇г̇асса. авагганд̇и ход̇ийд̇и огганд̇и ниб̣б̣ад̇д̇и баад̇убхааво ход̇и. аяам̣ вужжад̇ийд̇и аяам̣ ниб̣б̣аанаарамман̣зна н̃аан̣зна саб̣б̣ам̣ бут̇уж̇ж̇анасан̇кам̣ бут̇уж̇ж̇анаг̇од̇д̇ам̣ бут̇уж̇ж̇анаман̣д̣алам̣ бут̇уж̇ж̇анабан̃н̃ад̇д̇им̣ ад̇иггамид̇ваа арияасан̇кам̣ арияаг̇од̇д̇ам̣ арияаман̣д̣алам̣ арияабан̃н̃ад̇д̇им̣ оггаманад̇о г̇од̇рабхуубуг̇г̇ало наама вужжад̇и.

    10. Gotrabhuniddese – yesaṃ dhammānanti yesaṃ gotrabhuñāṇena saddhiṃ uppannānaṃ paropaṇṇāsakusaladhammānaṃ. Ariyadhammassāti lokuttaramaggassa. Avakkanti hotīti okkanti nibbatti pātubhāvo hoti. Ayaṃ vuccatīti ayaṃ nibbānārammaṇena ñāṇena sabbaṃ puthujjanasaṅkhaṃ puthujjanagottaṃ puthujjanamaṇḍalaṃ puthujjanapaññattiṃ atikkamitvā ariyasaṅkhaṃ ariyagottaṃ ariyamaṇḍalaṃ ariyapaññattiṃ okkamanato gotrabhūpuggalo nāma vuccati.

    11. бхаяуубарад̇анид̣̇д̣̇зсз – бхаязна убарад̇од̇и бхаяуубарад̇о. сад̇д̇аби сзгкаа бут̇уж̇ж̇анаа жа бхааяид̇ваа баабад̇о ораманд̇и баабам̣ на гаронд̇и . д̇ад̇т̇а бут̇уж̇ж̇анаа д̣̇уг̇г̇ад̇ибхаяам̣, ваддабхаяам̣, гилзсабхаяам̣, убаваад̣̇абхаяанд̇и жад̇д̇аари бхаяаани бхааяанд̇и. д̇зсу бхааяид̇аб̣б̣адтзна д̣̇уг̇г̇ад̇иязва бхаяам̣ д̣̇уг̇г̇ад̇ибхаяам̣. сзсзсуби зсзва наяо. д̇ад̇т̇а бут̇уж̇ж̇ано ‘сажз д̇вам̣ баабам̣ гариссаси, жад̇д̇ааро абааяаа мукам̣ виварид̇ваа тид̇ажчаад̇ааж̇аг̇арасад̣̇исаа, д̇зсу д̣̇угкам̣ анубхаванд̇о гат̇ам̣ бхависсасий’д̇и д̣̇уг̇г̇ад̇ибхаяам̣ бхааяид̇ваа баабам̣ на гарод̇и. анамад̇аг̇г̇асам̣саараваддам̣язва бана ваддабхаяам̣ наама. саб̣б̣амби агусалам̣ гилзсабхаяам̣ наама. г̇арахаа бана убаваад̣̇абхаяам̣ наама. д̇ааниби бхааяид̇ваа бут̇уж̇ж̇ано баабам̣ на гарод̇и. сод̇аабаннасагад̣̇ааг̇аамианааг̇аамино бана д̇аяо сзгкаа д̣̇уг̇г̇ад̇им̣ ад̇ийд̇ад̇д̇аа сзсаани д̇ийн̣и бхаяаани бхааяид̇ваа баабам̣ на гаронд̇и. маг̇г̇адтагасзгкаа ааг̇аманавасзна ваа асамужчиннабхаяад̇д̇аа ваа бхаяуубарад̇аа наама хонд̇и. кийн̣аасаво имзсу жад̇уусу бхаязсу згамби на бхааяад̇и. со хи саб̣б̣асо самужчиннабхаяо; д̇асмаа абхаяуубарад̇од̇и вужжад̇и. гим̣ бана со убаваад̣̇амби на бхааяад̇ийд̇и? на бхааяад̇и. убаваад̣̇ам̣ бана рагкад̇ийд̇и вад̇д̇ум̣ ваддад̇и. д̣̇он̣уббалаваабиг̇аамз кийн̣аасавад̇т̇зро вияа.

    11. Bhayūparataniddese – bhayena uparatoti bhayūparato. Sattapi sekkhā puthujjanā ca bhāyitvā pāpato oramanti pāpaṃ na karonti . Tattha puthujjanā duggatibhayaṃ, vaṭṭabhayaṃ, kilesabhayaṃ, upavādabhayanti cattāri bhayāni bhāyanti. Tesu bhāyitabbaṭṭhena duggatiyeva bhayaṃ duggatibhayaṃ. Sesesupi eseva nayo. Tattha puthujjano ‘sace tvaṃ pāpaṃ karissasi, cattāro apāyā mukhaṃ vivaritvā ṭhitacchātaajagarasadisā, tesu dukkhaṃ anubhavanto kathaṃ bhavissasī’ti duggatibhayaṃ bhāyitvā pāpaṃ na karoti. Anamataggasaṃsāravaṭṭaṃyeva pana vaṭṭabhayaṃ nāma. Sabbampi akusalaṃ kilesabhayaṃ nāma. Garahā pana upavādabhayaṃ nāma. Tānipi bhāyitvā puthujjano pāpaṃ na karoti. Sotāpannasakadāgāmianāgāmino pana tayo sekkhā duggatiṃ atītattā sesāni tīṇi bhayāni bhāyitvā pāpaṃ na karonti. Maggaṭṭhakasekkhā āgamanavasena vā asamucchinnabhayattā vā bhayūparatā nāma honti. Khīṇāsavo imesu catūsu bhayesu ekampi na bhāyati. So hi sabbaso samucchinnabhayo; tasmā abhayūparatoti vuccati. Kiṃ pana so upavādampi na bhāyatīti? Na bhāyati. Upavādaṃ pana rakkhatīti vattuṃ vaṭṭati. Doṇuppalavāpigāme khīṇāsavatthero viya.

    12. абхаб̣б̣ааг̇амананид̣̇д̣̇зсз – саммад̇д̇анияаамааг̇аманасса абхаб̣б̣од̇и абхаб̣б̣ааг̇амано. гаммааваран̣знаад̇и бан̃жавид̇хзна аананд̇арияагаммзна. гилзсааваран̣знаад̇и нияад̇амижчаад̣̇идтияаа. вибаагааваран̣знаад̇и ахзд̇угад̣̇ухзд̇угабадисанд̇хияаа. ассад̣̇д̇хаад̇и б̣уд̣̇д̇хад̇хаммасан̇гхзсу сад̣̇д̇хаарахид̇аа. ажчанд̣̇игаад̇и гад̇д̇угамяад̇аагусалажчанд̣̇арахид̇аа. д̇з табзд̇ваа ж̇амб̣уд̣̇ийбам̣ ид̇арад̣̇ийбад̇д̇аяаваасино взд̣̇ид̇аб̣б̣аа. д̇зсу хи мануссаа ажчанд̣̇игабхаавам̣ бавидтаа наама. д̣̇уббан̃н̃аад̇и бхаван̇г̇абан̃н̃аарахид̇аа. абхаб̣б̣аад̇и аббадилад̣̇д̇хамаг̇г̇апалуубаниссаяаа. нияааманд̇и маг̇г̇анияаамам̣, саммад̇д̇анияаамам̣. оггамид̇унд̇и зд̇ам̣ гусалзсу д̇хаммзсу саммад̇д̇асан̇каад̇ам̣ нияаамам̣ оггамид̇ум̣ бависид̇ум̣ д̇ад̇т̇а бад̇идтаад̇ум̣ абхаб̣б̣аа.

    12. Abhabbāgamananiddese – sammattaniyāmāgamanassa abhabboti abhabbāgamano. Kammāvaraṇenāti pañcavidhena ānantariyakammena. Kilesāvaraṇenāti niyatamicchādiṭṭhiyā. Vipākāvaraṇenāti ahetukaduhetukapaṭisandhiyā. Assaddhāti buddhadhammasaṅghesu saddhārahitā. Acchandikāti kattukamyatākusalacchandarahitā. Te ṭhapetvā jambudīpaṃ itaradīpattayavāsino veditabbā. Tesu hi manussā acchandikabhāvaṃ paviṭṭhā nāma. Duppaññāti bhavaṅgapaññārahitā. Abhabbāti appaṭiladdhamaggaphalūpanissayā. Niyāmanti magganiyāmaṃ, sammattaniyāmaṃ. Okkamitunti etaṃ kusalesu dhammesu sammattasaṅkhātaṃ niyāmaṃ okkamituṃ pavisituṃ tattha patiṭṭhātuṃ abhabbā.

    13. бхаб̣б̣ааг̇амананид̣̇д̣̇зсо вуд̇д̇абадибагканаязна взд̣̇ид̇аб̣б̣о. звамимасмим̣ д̣̇угз яз жа буг̇г̇алаа бан̃жаананд̇арияагаа, яз жа нияад̇амижчаад̣̇идтигаа, язхи жа ахзд̇угад̣̇ухзд̇угабадисанд̇хи г̇ахид̇аа , яз жа б̣уд̣̇д̇хаад̣̇ийнам̣ на сад̣̇д̣̇аханд̇и, язсан̃жа гад̇д̇угамяад̇аачанд̣̇о над̇т̇и, яз жа абарибун̣н̣абхаван̇г̇абан̃н̃аа, язсан̃жа маг̇г̇апалаанам̣ убаниссаяо над̇т̇и, д̇з саб̣б̣зби саммад̇д̇анияаамам̣ оггамид̇ум̣ абхаб̣б̣аа, вибарийд̇аа бхаб̣б̣аад̇и вуд̇д̇аа.

    13. Bhabbāgamananiddeso vuttapaṭipakkhanayena veditabbo. Evamimasmiṃ duke ye ca puggalā pañcānantariyakā, ye ca niyatamicchādiṭṭhikā, yehi ca ahetukaduhetukapaṭisandhi gahitā , ye ca buddhādīnaṃ na saddahanti, yesañca kattukamyatāchando natthi, ye ca aparipuṇṇabhavaṅgapaññā, yesañca maggaphalānaṃ upanissayo natthi, te sabbepi sammattaniyāmaṃ okkamituṃ abhabbā, viparītā bhabbāti vuttā.

    14. нияад̇аанияад̇анид̣̇д̣̇зсз – аананд̇аригаад̇и аанд̇аригагаммасаман̇г̇ино. мижчаад̣̇идтигаад̇и нияад̇амижчаад̣̇идтисаман̇г̇ино. саб̣б̣зби хзд̇з нираяасса ад̇т̇ааяа нияад̇ад̇д̇аа нияад̇аа наама. адта бана арияабуг̇г̇алаа саммаабхаавааяа убаруубаримаг̇г̇апалад̇т̇ааяа жзва анубаад̣̇аабариниб̣б̣аанад̇т̇ааяа жа нияад̇ад̇д̇аа нияад̇аа наама. авасзсабуг̇г̇алаа бана аниб̣ад̣̇д̇хаг̇ад̇игаа. яат̇аа аагаасз кид̇д̇ад̣̇ан̣д̣о бат̇авияам̣ бад̇анд̇о ‘аг̇г̇зна ваа маж̇жхзна ваа муулзна ваа бад̇иссад̇ий’д̇и на н̃ааяад̇и; звамзва ‘асугаг̇ад̇ияаа наама ниб̣б̣ад̇д̇иссанд̇ий’д̇и нияамаабхааваа анияад̇аа наамаад̇и взд̣̇ид̇аб̣б̣аа. яаа бана уд̇д̇арагуругаанам̣ нияад̇аг̇ад̇игад̇аа вуд̇д̇аа, на саа нияад̇ад̇хаммавасзна. мижчад̇д̇асаммад̇д̇анияад̇ад̇хаммааязва хи нияад̇аа наама. д̇зсан̃жа васзнааяам̣ буг̇г̇аланияамо гат̇ид̇од̇и.

    14. Niyatāniyataniddese – ānantarikāti āntarikakammasamaṅgino. Micchādiṭṭhikāti niyatamicchādiṭṭhisamaṅgino. Sabbepi hete nirayassa atthāya niyatattā niyatā nāma. Aṭṭha pana ariyapuggalā sammābhāvāya uparūparimaggaphalatthāya ceva anupādāparinibbānatthāya ca niyatattā niyatā nāma. Avasesapuggalā pana anibaddhagatikā. Yathā ākāse khittadaṇḍo pathaviyaṃ patanto ‘aggena vā majjhena vā mūlena vā patissatī’ti na ñāyati; evameva ‘asukagatiyā nāma nibbattissantī’ti niyamābhāvā aniyatā nāmāti veditabbā. Yā pana uttarakurukānaṃ niyatagatikatā vuttā, na sā niyatadhammavasena. Micchattasammattaniyatadhammāyeva hi niyatā nāma. Tesañca vasenāyaṃ puggalaniyamo kathitoti.

    15. бадибаннаганид̣̇д̣̇зсз – маг̇г̇асаман̇г̇инод̇и маг̇г̇адтагабуг̇г̇алаа. д̇з хи палад̇т̇ааяа бадибаннад̇д̇аа бадибаннагаа наама. паласаман̇г̇инод̇и палабадилаабхасаман̇г̇ид̇ааяа паласаман̇г̇ино. палабадилаабхад̇о бадтааяа хи д̇з паласамаабад̇д̇им̣ асамаабаннааби палз тид̇ааязва наама.

    15. Paṭipannakaniddese – maggasamaṅginoti maggaṭṭhakapuggalā. Te hi phalatthāya paṭipannattā paṭipannakā nāma. Phalasamaṅginoti phalapaṭilābhasamaṅgitāya phalasamaṅgino. Phalapaṭilābhato paṭṭhāya hi te phalasamāpattiṃ asamāpannāpi phale ṭhitāyeva nāma.

    16. самасийсийнид̣̇д̣̇зсз – абуб̣б̣ам̣ ажариманд̇и абурз абажчаа, згаббахаарзнзваад̇и ад̇т̇о. барияаад̣̇аананд̇и баригкаяо. аяам̣ вужжад̇ийд̇и аяам̣ буг̇г̇ало самасийсий наама вужжад̇и. со банзса д̇ивид̇хо ход̇и – ирияаабат̇асамасийсий, рог̇асамасийсий, ж̇ийвид̇асамасийсийд̇и. д̇ад̇т̇а яо жан̇гаманд̇ова вибассанам̣ бадтабзд̇ваа арахад̇д̇ам̣ бад̇ваа жан̇гаманд̇ова бариниб̣б̣аад̇и бад̣̇умад̇т̇зро вияа; тид̇агова вибассанам̣ бадтабзд̇ваа арахад̇д̇ам̣ бад̇ваа тид̇агова бариниб̣б̣аад̇и годабаб̣б̣ад̇авихаараваасийд̇иссад̇т̇зро вияа; нисиннова вибассанам̣ бадтабзд̇ваа арахад̇д̇ам̣ бад̇ваа нисиннова бариниб̣б̣аад̇и, нибаннова вибассанам̣ бадтабзд̇ваа арахад̇д̇ам̣ бад̇ваа нибаннова бариниб̣б̣аад̇и – аяам̣ ирияаабат̇асамасийсий наама.

    16. Samasīsīniddese – apubbaṃ acarimanti apure apacchā, ekappahārenevāti attho. Pariyādānanti parikkhayo. Ayaṃ vuccatīti ayaṃ puggalo samasīsī nāma vuccati. So panesa tividho hoti – iriyāpathasamasīsī, rogasamasīsī, jīvitasamasīsīti. Tattha yo caṅkamantova vipassanaṃ paṭṭhapetvā arahattaṃ patvā caṅkamantova parinibbāti padumatthero viya; ṭhitakova vipassanaṃ paṭṭhapetvā arahattaṃ patvā ṭhitakova parinibbāti koṭapabbatavihāravāsītissatthero viya; nisinnova vipassanaṃ paṭṭhapetvā arahattaṃ patvā nisinnova parinibbāti, nipannova vipassanaṃ paṭṭhapetvā arahattaṃ patvā nipannova parinibbāti – ayaṃ iriyāpathasamasīsī nāma.

    яо бана згам̣ рог̇ам̣ бад̇ваа анд̇орог̇зязва вибассанам̣ бадтабзд̇ваа арахад̇д̇ам̣ бад̇ваа д̇знзва рог̇зна бариниб̣б̣аад̇и – аяам̣ рог̇асамасийсий наама.

    Yo pana ekaṃ rogaṃ patvā antorogeyeva vipassanaṃ paṭṭhapetvā arahattaṃ patvā teneva rogena parinibbāti – ayaṃ rogasamasīsī nāma.

    гад̇аро ж̇ийвид̇асамасийсий наама? ‘‘сийсанд̇и д̇зраса сийсаани – балиб̣од̇хасийсан̃жа д̇ан̣хаа, виниб̣анд̇ханасийсан̃жа маано, бараамаасасийсан̃жа д̣̇идти, вигкзбасийсан̃жа уд̣̇д̇хажжам̣, сам̣гилзсасийсан̃жа авиж̇ж̇аа, ад̇химогкасийсан̃жа сад̣̇д̇хаа, баг̇г̇ахасийсан̃жа вийрияам̣, убадтаанасийсан̃жа сад̇и, авигкзбасийсан̃жа самаад̇хи, д̣̇ассанасийсан̃жа бан̃н̃аа, бавад̇д̇асийсан̃жа ж̇ийвид̇инд̣̇рияам̣, г̇ожарасийсан̃жа вимогко, сан̇каарасийсан̃жа нирод̇хо’’д̇и (бади. ма. 1.87). д̇ад̇т̇а гилзсасийсам̣ авиж̇ж̇ам̣ арахад̇д̇амаг̇г̇о барияаад̣̇ияад̇и. бавад̇д̇асийсам̣ ж̇ийвид̇инд̣̇рияам̣ жуд̇ижид̇д̇ам̣ барияаад̣̇ияад̇и. авиж̇ж̇аабарияаад̣̇ааяагам̣ жид̇д̇ам̣ ж̇ийвид̇инд̣̇рияам̣ барияаад̣̇аад̇ум̣ на саггод̇и. ж̇ийвид̇инд̣̇рияабарияаад̣̇ааяагам̣ жид̇д̇ам̣ авиж̇ж̇ам̣ барияаад̣̇аад̇ум̣ на саггод̇и. авиж̇ж̇аабарияаад̣̇ааяагам̣ жид̇д̇ам̣ ан̃н̃ам̣, ж̇ийвид̇инд̣̇рияабарияаад̣̇ааяагам̣ жид̇д̇ам̣ ан̃н̃ам̣. яасса жзд̇ам̣ сийсад̣̇ваяам̣ самам̣ барияаад̣̇аанам̣ г̇ажчад̇и, со ж̇ийвид̇асамасийсий наама.

    Kataro jīvitasamasīsī nāma? ‘‘Sīsanti terasa sīsāni – palibodhasīsañca taṇhā, vinibandhanasīsañca māno, parāmāsasīsañca diṭṭhi, vikkhepasīsañca uddhaccaṃ, saṃkilesasīsañca avijjā, adhimokkhasīsañca saddhā, paggahasīsañca vīriyaṃ, upaṭṭhānasīsañca sati, avikkhepasīsañca samādhi, dassanasīsañca paññā, pavattasīsañca jīvitindriyaṃ, gocarasīsañca vimokkho, saṅkhārasīsañca nirodho’’ti (paṭi. ma. 1.87). Tattha kilesasīsaṃ avijjaṃ arahattamaggo pariyādiyati. Pavattasīsaṃ jīvitindriyaṃ cuticittaṃ pariyādiyati. Avijjāpariyādāyakaṃ cittaṃ jīvitindriyaṃ pariyādātuṃ na sakkoti. Jīvitindriyapariyādāyakaṃ cittaṃ avijjaṃ pariyādātuṃ na sakkoti. Avijjāpariyādāyakaṃ cittaṃ aññaṃ, jīvitindriyapariyādāyakaṃ cittaṃ aññaṃ. Yassa cetaṃ sīsadvayaṃ samaṃ pariyādānaṃ gacchati, so jīvitasamasīsī nāma.

    гат̇амид̣̇ам̣ самам̣ ход̇ийд̇и? ваарасамад̇ааяа. яасмин̃хи ваарз маг̇г̇авудтаанам̣ ход̇и – сод̇аабад̇д̇имаг̇г̇з бан̃жа бажжавзгкан̣аани, сагад̣̇ааг̇аамимаг̇г̇з бан̃жа, анааг̇аамимаг̇г̇з бан̃жа, арахад̇д̇амаг̇г̇з жад̇д̇аарийд̇и згуунавийсад̇ияаа бажжавзгкан̣ан̃аан̣з бад̇идтааяа бхаван̇г̇ам̣ од̇арид̇ваа бариниб̣б̣ааяад̇и. имааяа ваарасамад̇ааяа ид̣̇ам̣ убхаяасийсабарияаад̣̇аанам̣ самам̣ ход̇и наама. д̇знааяам̣ буг̇г̇ало ж̇ийвид̇асамасийсийд̇и вужжад̇и. аяамзва жа ид̇ха ад̇хиббзд̇о.

    Kathamidaṃ samaṃ hotīti? Vārasamatāya. Yasmiñhi vāre maggavuṭṭhānaṃ hoti – sotāpattimagge pañca paccavekkhaṇāni, sakadāgāmimagge pañca, anāgāmimagge pañca, arahattamagge cattārīti ekūnavīsatiyā paccavekkhaṇañāṇe patiṭṭhāya bhavaṅgaṃ otaritvā parinibbāyati. Imāya vārasamatāya idaṃ ubhayasīsapariyādānaṃ samaṃ hoti nāma. Tenāyaṃ puggalo jīvitasamasīsīti vuccati. Ayameva ca idha adhippeto.

    17. тид̇агаббийнид̣̇д̣̇зсз – тид̇о габбод̇и тид̇агаббо, тид̇агаббо асса ад̇т̇ийд̇и тид̇агаббий. габбам̣ табзд̇ум̣ самад̇т̇од̇и ад̇т̇о. уд̣д̣аяханавзлаа ассаад̇и жхааяанагаало бхавзяяа. нзва д̇ааваад̇и яаава зса маг̇г̇асаман̇г̇ий буг̇г̇ало сод̇аабад̇д̇ипалам̣ на сажчигарод̇и, нзва д̇аава габбо жхааязяяа. жхааяамааноби аж̇жхааяид̇ваава д̇идтзяяа. габбавинаасо хи наама махаавигааро махаабаяог̇о годисад̇асахассажаггаваал̣асса жхааяанавасзна махаалогавинаасо. аяамби звам̣ махаавинаасо д̇идтзяяа ваад̇и вад̣̇ад̇и. саасанз бана д̇харамаанз аяам̣ габбавинаасо наама над̇т̇и. габбавинаасз саасанам̣ над̇т̇и. г̇ад̇агодигз хи гаалз габбавинаасо наама ход̇и. звам̣ санд̇зби сад̇т̇аа анд̇арааяаабхаавам̣ д̣̇ийбзд̇ум̣ ид̣̇ам̣ гааран̣ам̣ аахари – ‘‘ид̣̇амби бхавзяяа, маг̇г̇асаман̇г̇ино бана паласса анд̇арааяо на саггаа гаад̇у’’нд̇и. аяам̣ бана буг̇г̇ало габбам̣ табзнд̇о гид̇д̇агам̣ гаалам̣ табзяяаад̇и? яасмим̣ ваарз маг̇г̇авудтаанам̣ ход̇и, ат̇а бхаван̇г̇ам̣ ааваддзнд̇ам̣ манод̣̇ваарааваж̇ж̇анам̣ уббаж̇ж̇ад̇и. д̇ад̇о д̇ийн̣и ануломаани, згам̣ г̇од̇рабхужид̇д̇ам̣, згам̣ маг̇г̇ажид̇д̇ам̣, д̣̇вз палажид̇д̇аани, бан̃жа бажжавзгкан̣ан̃аан̣аанийд̇и зд̇д̇агам̣ гаалам̣ табзяяа. имам̣ банад̇т̇ам̣ б̣аахирааяа ааг̇анд̇угуубамааяаби звам̣ д̣̇ийбаяим̣су. сажз хи сод̇аабад̇д̇имаг̇г̇асаман̇г̇исса мад̇т̇агуубари яож̇анигам̣ згаг̇гханасзлам̣ д̇иваддааяа раж̇ж̇уяаа б̣анд̇хид̇ваа оламб̣зяяа, згасмим̣ ваддз чиннз д̣̇вийхи оламб̣зяяа, д̣̇вийсу чиннзсу згзна оламб̣зяязва, д̇асмимби чиннз аб̣бхагуудам̣ вияа аагаасз д̇идтзяяа, на д̇взва д̇асса буг̇г̇аласса маг̇г̇аананд̇арапаласса анд̇арааяам̣ гарзяяаад̇и. аяам̣ бана д̣̇ийбанаа барид̇д̇аа, буримаава маханд̇аа. на гзвалам̣ бана сод̇аабад̇д̇имаг̇г̇адтова габбам̣ табзд̇и, ид̇арз маг̇г̇асаман̇г̇иноби табзнд̇иязва. д̇зна бхаг̇аваа хздтаа г̇ахид̇ан̃жа аг̇г̇ахид̇ан̃жа саб̣б̣ам̣ сан̇гад̣дхид̇ваа сад̣̇д̇хим̣ бидтиваддагабуг̇г̇алзхи имам̣ д̇анд̇им̣ ааробзси – ‘‘саб̣б̣зби маг̇г̇асаман̇г̇ино буг̇г̇алаа тид̇агаббино’’д̇и.

    17. Ṭhitakappīniddese – ṭhito kappoti ṭhitakappo, ṭhitakappo assa atthīti ṭhitakappī. Kappaṃ ṭhapetuṃ samatthoti attho. Uḍḍayhanavelā assāti jhāyanakālo bhaveyya. Neva tāvāti yāva esa maggasamaṅgī puggalo sotāpattiphalaṃ na sacchikaroti, neva tāva kappo jhāyeyya. Jhāyamānopi ajjhāyitvāva tiṭṭheyya. Kappavināso hi nāma mahāvikāro mahāpayogo koṭisatasahassacakkavāḷassa jhāyanavasena mahālokavināso. Ayampi evaṃ mahāvināso tiṭṭheyya vāti vadati. Sāsane pana dharamāne ayaṃ kappavināso nāma natthi. Kappavināse sāsanaṃ natthi. Gatakoṭike hi kāle kappavināso nāma hoti. Evaṃ santepi satthā antarāyābhāvaṃ dīpetuṃ idaṃ kāraṇaṃ āhari – ‘‘idampi bhaveyya, maggasamaṅgino pana phalassa antarāyo na sakkā kātu’’nti. Ayaṃ pana puggalo kappaṃ ṭhapento kittakaṃ kālaṃ ṭhapeyyāti? Yasmiṃ vāre maggavuṭṭhānaṃ hoti, atha bhavaṅgaṃ āvaṭṭentaṃ manodvārāvajjanaṃ uppajjati. Tato tīṇi anulomāni, ekaṃ gotrabhucittaṃ, ekaṃ maggacittaṃ, dve phalacittāni, pañca paccavekkhaṇañāṇānīti ettakaṃ kālaṃ ṭhapeyya. Imaṃ panatthaṃ bāhirāya āgantukūpamāyapi evaṃ dīpayiṃsu. Sace hi sotāpattimaggasamaṅgissa matthakūpari yojanikaṃ ekagghanaselaṃ tivaṭṭāya rajjuyā bandhitvā olambeyya, ekasmiṃ vaṭṭe chinne dvīhi olambeyya, dvīsu chinnesu ekena olambeyyeva, tasmimpi chinne abbhakūṭaṃ viya ākāse tiṭṭheyya, na tveva tassa puggalassa maggānantaraphalassa antarāyaṃ kareyyāti. Ayaṃ pana dīpanā parittā, purimāva mahantā. Na kevalaṃ pana sotāpattimaggaṭṭhova kappaṃ ṭhapeti, itare maggasamaṅginopi ṭhapentiyeva. Tena bhagavā heṭṭhā gahitañca aggahitañca sabbaṃ saṅkaḍḍhitvā saddhiṃ piṭṭhivaṭṭakapuggalehi imaṃ tantiṃ āropesi – ‘‘sabbepi maggasamaṅgino puggalā ṭhitakappino’’ti.

    18. арияанид̣̇д̣̇зсз – гилзсзхи аарагад̇д̇аа арияаа. сад̣̇звагзна логзна аран̣ийяад̇д̇аа арияаа. арияадто наама барисуд̣̇д̇хадтод̇и барисуд̣̇д̇хад̇д̇ааби арияаа. сзсаа абарисуд̣̇д̇хад̇ааяа анарияаа.

    18. Ariyaniddese – kilesehi ārakattā ariyā. Sadevakena lokena araṇīyattā ariyā. Ariyaṭṭho nāma parisuddhaṭṭhoti parisuddhattāpi ariyā. Sesā aparisuddhatāya anariyā.

    19. сзгканид̣̇д̣̇зсз – маг̇г̇асаман̇г̇ино маг̇г̇агкан̣з, паласаман̇г̇ино жа палагкан̣з, ад̇хисийласигкаад̣̇игаа д̇иссоби сигкаа сигканд̇иязваад̇и сзгкаа. арахад̇аа бана арахад̇д̇апалагкан̣з д̇иссо сигкаа сигкид̇аа. буна д̇асса сигканагижжам̣ над̇т̇ийд̇и асзгкаа. ид̇и сад̇д̇а арияаа сигканд̇ийд̇и сзгкаа. кийн̣аасаваа ан̃н̃асса санд̇игз сийлаад̣̇ийнам̣ сигкид̇ад̇д̇аа сигкид̇аасзгкаа наама. б̣уд̣̇д̇хабажжзгаб̣уд̣̇д̇хаа саяамбхууд̇ад̇ааяа асигкид̇аасзгкаа наама. сзсабуг̇г̇алаа нзва сигканд̇и на сигкид̇аад̇и нзвасзгкаанаасзгкаа.

    19. Sekkhaniddese – maggasamaṅgino maggakkhaṇe, phalasamaṅgino ca phalakkhaṇe, adhisīlasikkhādikā tissopi sikkhā sikkhantiyevāti sekkhā. Arahatā pana arahattaphalakkhaṇe tisso sikkhā sikkhitā. Puna tassa sikkhanakiccaṃ natthīti asekkhā. Iti satta ariyā sikkhantīti sekkhā. Khīṇāsavā aññassa santike sīlādīnaṃ sikkhitattā sikkhitaasekkhā nāma. Buddhapaccekabuddhā sayambhūtatāya asikkhitaasekkhā nāma. Sesapuggalā neva sikkhanti na sikkhitāti nevasekkhānāsekkhā.

    20. д̇звиж̇ж̇анид̣̇д̣̇зсз – батамам̣ буб̣б̣зниваасад̣̇иб̣б̣ажагкун̃аан̣аани ниб̣б̣ад̇д̇зд̇ваа бажчаа арахад̇д̇ам̣ бад̇д̇оби, батамам̣ арахад̇д̇ам̣ бад̇ваа бажчаа буб̣б̣зниваасад̣̇иб̣б̣ажагкун̃аан̣аниб̣б̣ад̇д̇агоби д̇звиж̇ж̇оязва наама. суд̇д̇анд̇агат̇аа бана барияааяад̣̇зсанаа абхид̇хаммагат̇аа ниббарияааяад̣̇зсанаад̇и имасмим̣ таанз ааг̇аманийяамзва д̇хурам̣. д̇асмаа батамам̣ д̣̇вз виж̇ж̇аа ниб̣б̣ад̇д̇зд̇ваа бажчаа арахад̇д̇ам̣ бад̇д̇ова ид̇ха ад̇хиббзд̇о. чал̣абхин̃н̃зби зсзва наяо.

    20. Tevijjaniddese – paṭhamaṃ pubbenivāsadibbacakkhuñāṇāni nibbattetvā pacchā arahattaṃ pattopi, paṭhamaṃ arahattaṃ patvā pacchā pubbenivāsadibbacakkhuñāṇanibbattakopi tevijjoyeva nāma. Suttantakathā pana pariyāyadesanā abhidhammakathā nippariyāyadesanāti imasmiṃ ṭhāne āgamanīyameva dhuraṃ. Tasmā paṭhamaṃ dve vijjā nibbattetvā pacchā arahattaṃ pattova idha adhippeto. Chaḷabhiññepi eseva nayo.

    22. саммаасамб̣уд̣̇д̇ханид̣̇д̣̇зсз – буб̣б̣з анануссуд̇зсууд̇и бажчимабхавз сажжаббадивзд̇хад̇о буб̣б̣з ан̃н̃асса гассажи санд̇игз ассуд̇абуб̣б̣зсу. д̇ад̇о буримабуримзсу бана бхавзсу саб̣б̣ан̃н̃уб̣од̇хисад̇д̇аа б̣уд̣̇д̇хасаасанз баб̣б̣аж̇ид̇ваа д̇ийн̣и бидагаани уг̇г̇ахзд̇ваа г̇ад̇абажжааг̇ад̇авад̇д̇ам̣ ааруяха гаммадтаанам̣ ануломам̣ г̇од̇рабхум̣ аахажжа табзнд̇и. д̇асмаа бажчимабхавасмим̣язва анаажарияагабхаавам̣ санд̇хааязд̇ам̣ вуд̇д̇ам̣. д̇ад̣̇аа хи д̇ат̇ааг̇ад̇о буурид̇абаарамид̇д̇аа ан̃н̃асса санд̇игз саамам̣ анануссуд̇зсу сан̇кад̇аасан̇кад̇ад̇хаммзсу ‘‘ид̣̇ам̣ д̣̇угкам̣…бз… аяам̣ д̣̇угканирод̇хаг̇ааминий бадибад̣̇аа’’д̇и ад̇д̇абажжагкзна н̃аан̣зна жад̇д̇аари сажжаани абхисамб̣уж̇жхад̇и.

    22. Sammāsambuddhaniddese – pubbe ananussutesūti pacchimabhave saccappaṭivedhato pubbe aññassa kassaci santike assutapubbesu. Tato purimapurimesu pana bhavesu sabbaññubodhisattā buddhasāsane pabbajitvā tīṇi piṭakāni uggahetvā gatapaccāgatavattaṃ āruyha kammaṭṭhānaṃ anulomaṃ gotrabhuṃ āhacca ṭhapenti. Tasmā pacchimabhavasmiṃyeva anācariyakabhāvaṃ sandhāyetaṃ vuttaṃ. Tadā hi tathāgato pūritapāramittā aññassa santike sāmaṃ ananussutesu saṅkhatāsaṅkhatadhammesu ‘‘idaṃ dukkhaṃ…pe… ayaṃ dukkhanirodhagāminī paṭipadā’’ti attapaccakkhena ñāṇena cattāri saccāni abhisambujjhati.

    д̇ад̇т̇а жаад̇и д̇асмин̃жа жад̇усажжасамб̣од̇хисан̇каад̇з арахад̇д̇амаг̇г̇з. саб̣б̣ан̃н̃уд̇ам̣ баабун̣аад̇и б̣алзсу жа васийбхааванд̇и саб̣б̣ан̃н̃уд̇ан̃н̃аан̣ан̃жзва б̣алзсу жа жин̣н̣авасийбхаавам̣ баабун̣аад̇и. б̣уд̣̇д̇хаанан̃хи саб̣б̣ан̃н̃уд̇ан̃н̃аан̣асса жзва д̣̇асаб̣алан̃аан̣асса жа ад̇хиг̇аманад̇о бадтааяа ан̃н̃ам̣ гаад̇аб̣б̣ам̣ наама над̇т̇и. яат̇аа бана убхад̇осуж̇аад̇асса кад̇д̇ияагумаарасса абхисзгаббад̇д̇ид̇о бадтааяа ‘ид̣̇ам̣ наама иссарияам̣ анааг̇ад̇а’нд̇и на вад̇д̇аб̣б̣ам̣, саб̣б̣ам̣ ааг̇ад̇амзва ход̇и. звамзва б̣уд̣̇д̇хаанам̣ арахад̇д̇амаг̇г̇асса ааг̇аманад̇о бадтааяа ‘аяам̣ наама г̇ун̣о на ааг̇ад̇о, на бадивид̣̇д̇хо, на бажжагко’д̇и на вад̇д̇аб̣б̣о, саб̣б̣зби саб̣б̣ан̃н̃уг̇ун̣аа ааг̇ад̇аа бадивид̣̇д̇хаа бажжагкагад̇аава хонд̇и. аяам̣ вужжад̇ийд̇и аяам̣ звам̣ баарамийбууран̣асид̣̇д̇хаанубхаавзна арияамаг̇г̇зна бадивид̣̇д̇хасаб̣б̣ан̃н̃уг̇ун̣о буг̇г̇ало саммаасамб̣уд̣̇д̇ход̇и вужжад̇и.

    Tattha cāti tasmiñca catusaccasambodhisaṅkhāte arahattamagge. Sabbaññutaṃ pāpuṇāti balesu ca vasībhāvanti sabbaññutaññāṇañceva balesu ca ciṇṇavasībhāvaṃ pāpuṇāti. Buddhānañhi sabbaññutaññāṇassa ceva dasabalañāṇassa ca adhigamanato paṭṭhāya aññaṃ kātabbaṃ nāma natthi. Yathā pana ubhatosujātassa khattiyakumārassa abhisekappattito paṭṭhāya ‘idaṃ nāma issariyaṃ anāgata’nti na vattabbaṃ, sabbaṃ āgatameva hoti. Evameva buddhānaṃ arahattamaggassa āgamanato paṭṭhāya ‘ayaṃ nāma guṇo na āgato, na paṭividdho, na paccakkho’ti na vattabbo, sabbepi sabbaññuguṇā āgatā paṭividdhā paccakkhakatāva honti. Ayaṃ vuccatīti ayaṃ evaṃ pāramīpūraṇasiddhānubhāvena ariyamaggena paṭividdhasabbaññuguṇo puggalo sammāsambuddhoti vuccati.

    23. бажжзгаб̣уд̣̇д̇ханид̣̇д̣̇зсзби – буб̣б̣з анануссуд̇зсууд̇и бад̣̇з буб̣б̣з вуд̇д̇анаязнзва ад̇т̇о взд̣̇ид̇аб̣б̣о. бажжзгаб̣уд̣̇д̇хоби хи бажчимабхавз анаажарияаго ад̇д̇уггам̣сиган̃аан̣знзва бадивид̣̇д̇хасажжо саб̣б̣ан̃н̃уд̇ан̃н̃аан̣ан̃жзва б̣алзсу жа жин̣н̣авасийбхаавам̣ на баабун̣аад̇и.

    23. Paccekabuddhaniddesepi – pubbe ananussutesūti pade pubbe vuttanayeneva attho veditabbo. Paccekabuddhopi hi pacchimabhave anācariyako attukkaṃsikañāṇeneva paṭividdhasacco sabbaññutaññāṇañceva balesu ca ciṇṇavasībhāvaṃ na pāpuṇāti.

    24. убхад̇обхааг̇авимуд̇д̇анид̣̇д̣̇зсз – адта вимогкз гааязна пусид̇ваа вихарад̇ийд̇и адта самаабад̇д̇ияо сахаж̇аад̇анаамагааязна бадилабхид̇ваа вихарад̇и. бан̃н̃ааяа жасса д̣̇исваад̇и вибассанаабан̃н̃ааяа сан̇каараг̇ад̇ам̣, маг̇г̇абан̃н̃ааяа жад̇д̇аари сажжаани бассид̇ваа жад̇д̇аароби аасаваа кийн̣аа хонд̇и. аяам̣ вужжад̇ийд̇и аяам̣ зваруубо буг̇г̇ало убхад̇обхааг̇авимуд̇д̇о наамаад̇и вужжад̇и. аяан̃хи д̣̇вийхи бхааг̇зхи д̣̇вз ваарз вимуд̇д̇од̇и убхад̇обхааг̇авимуд̇д̇о. д̇ад̇рааяам̣ т̇зраваад̣̇о – д̇ибидагажуул̣анааг̇ад̇т̇зро д̇аава ааха – ‘‘самаабад̇д̇ияаа вигкамбханавимогкзна, маг̇г̇зна самужчзд̣̇авимогкзна вимуд̇д̇од̇и убхад̇обхааг̇зхи д̣̇вз ваарз вимуд̇д̇о’’д̇и. д̇ибидагамахаад̇хаммарагкид̇ад̇т̇зро ‘‘нааманиссид̇аго зсо’’д̇и вад̇ваа –

    24. Ubhatobhāgavimuttaniddese – aṭṭha vimokkhe kāyena phusitvā viharatīti aṭṭha samāpattiyo sahajātanāmakāyena paṭilabhitvā viharati. Paññāya cassa disvāti vipassanāpaññāya saṅkhāragataṃ, maggapaññāya cattāri saccāni passitvā cattāropi āsavā khīṇā honti. Ayaṃ vuccatīti ayaṃ evarūpo puggalo ubhatobhāgavimutto nāmāti vuccati. Ayañhi dvīhi bhāgehi dve vāre vimuttoti ubhatobhāgavimutto. Tatrāyaṃ theravādo – tipiṭakacūḷanāgatthero tāva āha – ‘‘samāpattiyā vikkhambhanavimokkhena, maggena samucchedavimokkhena vimuttoti ubhatobhāgehi dve vāre vimutto’’ti. Tipiṭakamahādhammarakkhitatthero ‘‘nāmanissitako eso’’ti vatvā –

    ‘‘ажжий яат̇аа ваад̇авзг̇зна кид̇д̇аа, (убасийваад̇и бхаг̇аваа;)

    ‘‘Accī yathā vātavegena khittā, (upasīvāti bhagavā;)

    ад̇т̇ам̣ балзд̇и на убзд̇и сан̇кам̣;

    Atthaṃ paleti na upeti saṅkhaṃ;

    звам̣ муний наамагааяаа вимуд̇д̇о,

    Evaṃ munī nāmakāyā vimutto,

    ад̇т̇ам̣ балзд̇и на убзд̇и сан̇ка’’нд̇и. (су. ни. 1080);

    Atthaṃ paleti na upeti saṅkha’’nti. (su. ni. 1080);

    вад̇ваа суд̇д̇ам̣ аахарид̇ваа ‘‘наамагааяад̇о жа руубагааяад̇о жа сувимуд̇д̇ад̇д̇аа убхад̇обхааг̇авимуд̇д̇о’’д̇и ааха. д̇ибидагажуул̣аабхаяад̇т̇зро банааха – ‘‘самаабад̇д̇ияаа вигкамбханавимогкзна згаваарам̣ вимуд̇д̇о маг̇г̇зна самужчзд̣̇авимогкзна згаваарам̣ вимуд̇д̇од̇и убхад̇обхааг̇авимуд̇д̇о’’д̇и. имз бана д̇аяоби т̇зраа бан̣д̣ид̇аа, ‘д̇ин̣н̣амби ваад̣̇з гааран̣ам̣ д̣̇иссад̇ий’д̇и д̇ин̣н̣амби ваад̣̇ам̣ д̇анд̇им̣ гад̇ваа табаяим̣су.

    Vatvā suttaṃ āharitvā ‘‘nāmakāyato ca rūpakāyato ca suvimuttattā ubhatobhāgavimutto’’ti āha. Tipiṭakacūḷābhayatthero panāha – ‘‘samāpattiyā vikkhambhanavimokkhena ekavāraṃ vimutto maggena samucchedavimokkhena ekavāraṃ vimuttoti ubhatobhāgavimutto’’ti. Ime pana tayopi therā paṇḍitā, ‘tiṇṇampi vāde kāraṇaṃ dissatī’ti tiṇṇampi vādaṃ tantiṃ katvā ṭhapayiṃsu.

    сан̇кзбад̇о бана аруубасамаабад̇д̇ияаа руубагааяад̇о вимуд̇д̇о, маг̇г̇зна наамагааяад̇о вимуд̇д̇од̇и убхохи бхааг̇зхи вимуд̇д̇ад̇д̇аа убхад̇обхааг̇авимуд̇д̇о. со жад̇уннам̣ аруубасамаабад̇д̇ийнам̣ згзгад̇о вудтааяа сан̇каарз саммасид̇ваа арахад̇д̇ам̣ бад̇д̇аанам̣ жад̇уннам̣, нирод̇хаа вудтааяа арахад̇д̇ам̣ бад̇д̇асса анааг̇аамино жа васзна бан̃жавид̇хо ход̇и. д̇ад̇т̇а буримаа жад̇д̇ааро самаабад̇д̇исийсам̣ нирод̇хам̣ на самаабаж̇ж̇анд̇ийд̇и барияааязна убхад̇обхааг̇авимуд̇д̇аа наама. адтасамаабад̇д̇илаабхий анааг̇аамий д̇ам̣ самаабаж̇ж̇ид̇ваа д̇ад̇о вудтааяа вибассанам̣ вад̣дхзд̇ваа арахад̇д̇ам̣ бад̇д̇од̇и ниббарияааязна убхад̇обхааг̇авимуд̇д̇асздто наама. нану жа аруубааважараж̇жхаанамби убзгкаажид̇д̇згаг̇г̇ад̇аахи д̣̇уван̇г̇игам̣ руубааважаражад̇уд̇т̇аж̇жхаанамби, д̇асмаа д̇амби бад̣̇адтаанам̣ гад̇ваа арахад̇д̇ам̣ бад̇д̇зна убхад̇обхааг̇авимуд̇д̇зна бхавид̇аб̣б̣анд̇и? на бхавид̇аб̣б̣ам̣. гасмаа? руубагааяад̇о авимуд̇д̇ад̇д̇аа. д̇ан̃хи гилзсагааяад̇ова вимуд̇д̇ам̣, на руубагааяад̇о; д̇асмаа д̇ад̇о вудтааяа арахад̇д̇ам̣ бад̇д̇о убхад̇обхааг̇авимуд̇д̇о наама на ход̇и . аруубааважарам̣ бана наамагааяад̇о жа вимуд̇д̇ам̣ руубагааяад̇о жаад̇и д̇ад̣̇зва баад̣̇агам̣ гад̇ваа арахад̇д̇ам̣ бад̇д̇о убхад̇обхааг̇авимуд̇д̇о ход̇ийд̇и взд̣̇ид̇аб̣б̣о.

    Saṅkhepato pana arūpasamāpattiyā rūpakāyato vimutto, maggena nāmakāyato vimuttoti ubhohi bhāgehi vimuttattā ubhatobhāgavimutto. So catunnaṃ arūpasamāpattīnaṃ ekekato vuṭṭhāya saṅkhāre sammasitvā arahattaṃ pattānaṃ catunnaṃ, nirodhā vuṭṭhāya arahattaṃ pattassa anāgāmino ca vasena pañcavidho hoti. Tattha purimā cattāro samāpattisīsaṃ nirodhaṃ na samāpajjantīti pariyāyena ubhatobhāgavimuttā nāma. Aṭṭhasamāpattilābhī anāgāmī taṃ samāpajjitvā tato vuṭṭhāya vipassanaṃ vaḍḍhetvā arahattaṃ pattoti nippariyāyena ubhatobhāgavimuttaseṭṭho nāma. Nanu ca arūpāvacarajjhānampi upekkhācittekaggatāhi duvaṅgikaṃ rūpāvacaracatutthajjhānampi, tasmā tampi padaṭṭhānaṃ katvā arahattaṃ pattena ubhatobhāgavimuttena bhavitabbanti? Na bhavitabbaṃ. Kasmā? Rūpakāyato avimuttattā. Tañhi kilesakāyatova vimuttaṃ, na rūpakāyato; tasmā tato vuṭṭhāya arahattaṃ patto ubhatobhāgavimutto nāma na hoti . Arūpāvacaraṃ pana nāmakāyato ca vimuttaṃ rūpakāyato cāti tadeva pādakaṃ katvā arahattaṃ patto ubhatobhāgavimutto hotīti veditabbo.

    25. бан̃н̃аавимуд̇д̇анид̣̇д̣̇зсз – бан̃н̃ааяа вимуд̇д̇од̇и бан̃н̃аавимуд̇д̇о. со сугкавибассаго жад̇уухи жхаанзхи вудтааяа арахад̇д̇ам̣ бад̇д̇аа жад̇д̇ааро жаад̇и бан̃жавид̇хо ход̇и. зд̇зсу хи згоби адтавимогкалаабхий на ход̇и. д̇знзва на хзва ко адта вимогкзд̇иаад̣̇имааха. аруубааважараж̇жхаанзсу бана згасмим̣ сад̇и убхад̇обхааг̇авимуд̇д̇оязва наама ход̇ийд̇и.

    25. Paññāvimuttaniddese – paññāya vimuttoti paññāvimutto. So sukkhavipassako catūhi jhānehi vuṭṭhāya arahattaṃ pattā cattāro cāti pañcavidho hoti. Etesu hi ekopi aṭṭhavimokkhalābhī na hoti. Teneva na heva kho aṭṭha vimokkhetiādimāha. Arūpāvacarajjhānesu pana ekasmiṃ sati ubhatobhāgavimuttoyeva nāma hotīti.

    26. гааяасагкинид̣̇д̣̇зсз – згажжз аасаваад̇и хздтимамаг̇г̇ад̇д̇аяаваж̇жхаа. аяам̣ вужжад̇ийд̇и аяам̣ зваруубо буг̇г̇ало гааяасагкийд̇и вужжад̇и. со хи пудтанд̇ам̣ сажчигарод̇ийд̇и гааяасагкий. жхаанапассам̣ батамам̣ пусад̇и, бажчаа нирод̇хам̣ ниб̣б̣аанам̣ сажчигарод̇ийд̇иби гааяасагкий. со сод̇аабад̇д̇ипаладтам̣ аад̣̇им̣ гад̇ваа яаава арахад̇д̇амаг̇г̇адтаа чаб̣б̣ид̇хо ход̇и.

    26. Kāyasakkhiniddese – ekacce āsavāti heṭṭhimamaggattayavajjhā. Ayaṃ vuccatīti ayaṃ evarūpo puggalo kāyasakkhīti vuccati. So hi phuṭṭhantaṃ sacchikarotīti kāyasakkhī. Jhānaphassaṃ paṭhamaṃ phusati, pacchā nirodhaṃ nibbānaṃ sacchikarotītipi kāyasakkhī. So sotāpattiphalaṭṭhaṃ ādiṃ katvā yāva arahattamaggaṭṭhā chabbidho hoti.

    27. д̣̇идтиббад̇д̇анид̣̇д̣̇зсз – ид̣̇ам̣ д̣̇угканд̇и ид̣̇ам̣ д̣̇угкам̣, зд̇д̇агам̣ д̣̇угкам̣, на ид̇о уд̣̇д̇хам̣ д̣̇угкам̣. д̣̇угкасамуд̣̇аяаад̣̇ийсуби зсзва наяо. яат̇аабхууд̇ам̣ баж̇аанаад̇ийд̇и табзд̇ваа д̇ан̣хам̣ бан̃жубаад̣̇аанагканд̇хз ‘д̣̇угкасажжа’нд̇и яаат̇аавасарасад̇о баж̇аанаад̇и. д̇ан̣хаа бана д̣̇угкам̣ ж̇анзд̇и ниб̣б̣ад̇д̇зд̇и, бабхаавзд̇и, д̇ад̇о д̇ам̣ д̣̇угкам̣ самуд̣̇зд̇и; д̇асмаа нам̣ аяам̣ ‘д̣̇угкасамуд̣̇аяо’д̇и яат̇аабхууд̇ам̣ баж̇аанаад̇и. яасмаа бана ид̣̇ам̣ д̣̇угкан̃жа самуд̣̇аяо жа ниб̣б̣аанам̣ бад̇ваа нируж̇жханд̇и вуубасамманд̇и аббавад̇д̇им̣ г̇ажчанд̇и; д̇асмаа нам̣ ‘аяам̣ д̣̇угканирод̇хо’д̇и яат̇аабхууд̇ам̣ баж̇аанаад̇и. арияо бана адтан̇г̇иго маг̇г̇о, д̇ам̣ д̣̇угканирод̇хам̣ г̇ажчад̇и; д̇зна д̇ам̣ ‘аяам̣ д̣̇угканирод̇хаг̇ааминий бадибад̣̇аа’д̇и яат̇аабхууд̇ам̣ баж̇аанаад̇и. зд̇д̇аавад̇аа наанаагкан̣з сажжававад̇т̇аанам̣ д̣̇ассид̇ам̣. ид̣̇аани згагкан̣з д̣̇ассзд̇ум̣ д̇ат̇ааг̇ад̇аббавзд̣̇ид̇аад̇иаад̣̇имааха. д̇ад̇т̇а д̇ат̇ааг̇ад̇аббавзд̣̇ид̇аад̇и махааб̣од̇химан̣д̣з нисийд̣̇ад̇ваа д̇ат̇ааг̇ад̇зна бадивид̣̇д̇хаа вид̣̇ид̇аа баагадийгад̇аа. д̇хаммаад̇и жад̇усажжад̇хаммаа. вод̣̇идтаа хонд̇ийд̇и суд̣̇идтаа хонд̇и. вожарид̇аад̇и сужарид̇аа. д̇зсу анзна бан̃н̃аа судту жараабид̇аа ход̇ийд̇и ад̇т̇о. аяам̣ вужжад̇ийд̇и аяам̣ зваруубо буг̇г̇ало д̣̇идтиббад̇д̇од̇и вужжад̇и. аяан̃хи д̣̇идтанд̇ам̣ бад̇д̇о. ‘‘д̣̇угкаа сан̇каараа, суко нирод̇хо’’д̇и н̃аан̣ам̣ ход̇и . д̣̇идтам̣ вид̣̇ид̇ам̣ сажчигад̇ам̣ бассид̇ам̣ бан̃н̃ааяаад̇и д̣̇идтаббад̇д̇о. аяамби гааяасагкий вияа чаб̣б̣ид̇хова ход̇и.

    27. Diṭṭhippattaniddese – idaṃ dukkhanti idaṃ dukkhaṃ, ettakaṃ dukkhaṃ, na ito uddhaṃ dukkhaṃ. Dukkhasamudayādīsupi eseva nayo. Yathābhūtaṃ pajānātīti ṭhapetvā taṇhaṃ pañcupādānakkhandhe ‘dukkhasacca’nti yāthāvasarasato pajānāti. Taṇhā pana dukkhaṃ janeti nibbatteti, pabhāveti, tato taṃ dukkhaṃ samudeti; tasmā naṃ ayaṃ ‘dukkhasamudayo’ti yathābhūtaṃ pajānāti. Yasmā pana idaṃ dukkhañca samudayo ca nibbānaṃ patvā nirujjhanti vūpasammanti appavattiṃ gacchanti; tasmā naṃ ‘ayaṃ dukkhanirodho’ti yathābhūtaṃ pajānāti. Ariyo pana aṭṭhaṅgiko maggo, taṃ dukkhanirodhaṃ gacchati; tena taṃ ‘ayaṃ dukkhanirodhagāminī paṭipadā’ti yathābhūtaṃ pajānāti. Ettāvatā nānākkhaṇe saccavavatthānaṃ dassitaṃ. Idāni ekakkhaṇe dassetuṃ tathāgatappaveditātiādimāha. Tattha tathāgatappaveditāti mahābodhimaṇḍe nisīdatvā tathāgatena paṭividdhā viditā pākaṭīkatā. Dhammāti catusaccadhammā. Vodiṭṭhā hontīti sudiṭṭhā honti. Vocaritāti sucaritā. Tesu anena paññā suṭṭhu carāpitā hotīti attho. Ayaṃ vuccatīti ayaṃ evarūpo puggalo diṭṭhippattoti vuccati. Ayañhi diṭṭhantaṃ patto. ‘‘Dukkhā saṅkhārā, sukho nirodho’’ti ñāṇaṃ hoti . Diṭṭhaṃ viditaṃ sacchikataṃ passitaṃ paññāyāti diṭṭhappatto. Ayampi kāyasakkhī viya chabbidhova hoti.

    28. сад̣̇д̇хаавимуд̇д̇анид̣̇д̣̇зсз – но жа ко яат̇аа д̣̇идтиббад̇д̇ассаад̇и яат̇аа д̣̇идтиббад̇д̇асса аасаваа баригкийн̣аа, на звам̣ сад̣̇д̇хаавимуд̇д̇ассаад̇и ад̇т̇о. гим̣ бана нзсам̣ гилзсаббахаанз наанад̇д̇ам̣ ад̇т̇ийд̇и? над̇т̇и. ат̇а гасмаа сад̣̇д̇хаавимуд̇д̇о д̣̇идтиббад̇д̇ам̣ на баабун̣аад̇ийд̇и? ааг̇аманийяанаанад̇д̇зна. д̣̇идтиббад̇о хи ааг̇аманамхи гилзсз вигкамбхзнд̇о аббад̣̇угкзна аббагасирзна агиламанд̇ова вигкамбхзд̇ум̣ саггод̇и. сад̣̇д̇хаавимуд̇д̇о бана д̣̇угкзна гасирзна гиламанд̇о худ̇ваа вигкамбхзд̇ум̣ саггод̇и, д̇асмаа д̣̇идтиббад̇д̇ам̣ на баабун̣аад̇и. абижа нзсам̣ бан̃н̃ааяаби наанад̇д̇ам̣ ад̇т̇иязва. д̣̇идтиббад̇д̇асса хи убари д̇ин̣н̣ам̣ маг̇г̇аанам̣ вибассанаан̃аан̣ам̣ д̇игкам̣ суурам̣ басаннам̣ худ̇ваа вахад̇и. сад̣̇д̇хаавимуд̇д̇асса вибассанаан̃аан̣ам̣ но д̇игкам̣ суурам̣ басаннам̣ худ̇ваа вахад̇и, д̇асмааби со д̣̇идтиббад̇д̇ам̣ на баабун̣аад̇и.

    28. Saddhāvimuttaniddese – no ca kho yathā diṭṭhippattassāti yathā diṭṭhippattassa āsavā parikkhīṇā, na evaṃ saddhāvimuttassāti attho. Kiṃ pana nesaṃ kilesappahāne nānattaṃ atthīti? Natthi. Atha kasmā saddhāvimutto diṭṭhippattaṃ na pāpuṇātīti? Āgamanīyanānattena. Diṭṭhippato hi āgamanamhi kilese vikkhambhento appadukkhena appakasirena akilamantova vikkhambhetuṃ sakkoti. Saddhāvimutto pana dukkhena kasirena kilamanto hutvā vikkhambhetuṃ sakkoti, tasmā diṭṭhippattaṃ na pāpuṇāti. Apica nesaṃ paññāyapi nānattaṃ atthiyeva. Diṭṭhippattassa hi upari tiṇṇaṃ maggānaṃ vipassanāñāṇaṃ tikkhaṃ sūraṃ pasannaṃ hutvā vahati. Saddhāvimuttassa vipassanāñāṇaṃ no tikkhaṃ sūraṃ pasannaṃ hutvā vahati, tasmāpi so diṭṭhippattaṃ na pāpuṇāti.

    яат̇аа хи д̣̇вийсу д̇арун̣зсу сиббам̣ д̣̇ассзнд̇зсу згасса хад̇т̇з д̇икин̣о аси, згасса гун̣то. д̇икин̣зна асинаа гад̣̇алий чиж̇ж̇амаанаа сад̣̇д̣̇ам̣ на гарод̇и. гун̣тзна асинаа чиж̇ж̇амаанаа ‘гадагадаа’д̇и сад̣̇д̣̇ам̣ гарод̇и. д̇ад̇т̇а д̇икин̣зна асинаа сад̣̇д̣̇ам̣ агаронд̇ияаа зва гад̣̇алияаа чзд̣̇анам̣ вияа д̣̇идтиббад̇д̇асса д̇ин̣н̣ам̣ маг̇г̇аанам̣ вибассанаан̃аан̣асса д̇икин̣асууравиббасаннабхааво. гун̣тзна асинаа сад̣̇д̣̇ам̣ гаронд̇ияааби гад̣̇алияаа чзд̣̇анам̣ вияа сад̣̇д̇хаавимуд̇д̇асса д̇ин̣н̣ам̣ маг̇г̇аанам̣ вибассанаан̃аан̣асса ад̇икин̣аасуурааббасаннабхааво взд̣̇ид̇аб̣б̣о. имам̣ бана наяам̣ ‘но’д̇и бадигкибид̇ваа, ааг̇аманийяанаанад̇д̇знзва сад̣̇д̇хаавимуд̇д̇о д̣̇идтиббад̇д̇ам̣ на баабун̣аад̇ийд̇и саннидтаанам̣ гад̇ам̣.

    Yathā hi dvīsu taruṇesu sippaṃ dassentesu ekassa hatthe tikhiṇo asi, ekassa kuṇṭho. Tikhiṇena asinā kadalī chijjamānā saddaṃ na karoti. Kuṇṭhena asinā chijjamānā ‘kaṭakaṭā’ti saddaṃ karoti. Tattha tikhiṇena asinā saddaṃ akarontiyā eva kadaliyā chedanaṃ viya diṭṭhippattassa tiṇṇaṃ maggānaṃ vipassanāñāṇassa tikhiṇasūravippasannabhāvo. Kuṇṭhena asinā saddaṃ karontiyāpi kadaliyā chedanaṃ viya saddhāvimuttassa tiṇṇaṃ maggānaṃ vipassanāñāṇassa atikhiṇaasūraappasannabhāvo veditabbo. Imaṃ pana nayaṃ ‘no’ti paṭikkhipitvā, āgamanīyanānatteneva saddhāvimutto diṭṭhippattaṃ na pāpuṇātīti sanniṭṭhānaṃ kataṃ.

    ааг̇амадтагат̇аасу бана вуд̇д̇ам̣ – ‘‘зд̇зсу хи сад̣̇д̇хаавимуд̇д̇асса буб̣б̣абхааг̇амаг̇г̇агкан̣з сад̣̇д̣̇аханд̇асса вияа огаббзнд̇асса вияа ад̇химужжанд̇асса вияа жа гилзсагкаяо ход̇и. д̣̇идтиббад̇д̇асса буб̣б̣абхааг̇амаг̇г̇агкан̣з гилзсажчзд̣̇аган̃аан̣ам̣ ад̣̇анд̇хам̣ д̇икин̣ам̣ суурам̣ худ̇ваа вахад̇и. д̇асмаа яат̇аа наама ад̇икин̣зна асинаа гад̣̇алим̣ чинд̣̇анд̇асса чиннадтаанам̣ на мадтам̣ ход̇и, аси на сийгхам̣ вахад̇и, сад̣̇д̣̇о суяяад̇и, б̣алавад̇аро вааяаамо гаад̇аб̣б̣о ход̇и ; зваруубаа сад̣̇д̇хаавимуд̇д̇асса буб̣б̣абхааг̇амаг̇г̇абхааванаа. яат̇аа бана сунисид̇знзва асинаа гад̣̇алим̣ чинд̣̇анд̇асса чиннадтаанам̣ мадтам̣ ход̇и, аси сийгхам̣ вахад̇и, сад̣̇д̣̇о на суяяад̇и, б̣алававааяаамагижжам̣ на ход̇и; зваруубаа д̣̇идтиббад̇д̇асса буб̣б̣абхааг̇амаг̇г̇абхааванаа взд̣̇ид̇аб̣б̣аа’’д̇и. аяам̣ вужжад̇ийд̇и аяам̣ зваруубо буг̇г̇ало сад̣̇д̇хаавимуд̇д̇од̇и вужжад̇и. аяан̃хи сад̣̇д̣̇аханд̇о вимуд̇д̇од̇и сад̣̇д̇хаавимуд̇д̇о. аяамби гааяасагкий вияа чаб̣б̣ид̇хова ход̇и.

    Āgamaṭṭhakathāsu pana vuttaṃ – ‘‘etesu hi saddhāvimuttassa pubbabhāgamaggakkhaṇe saddahantassa viya okappentassa viya adhimuccantassa viya ca kilesakkhayo hoti. Diṭṭhippattassa pubbabhāgamaggakkhaṇe kilesacchedakañāṇaṃ adandhaṃ tikhiṇaṃ sūraṃ hutvā vahati. Tasmā yathā nāma atikhiṇena asinā kadaliṃ chindantassa chinnaṭṭhānaṃ na maṭṭhaṃ hoti, asi na sīghaṃ vahati, saddo suyyati, balavataro vāyāmo kātabbo hoti ; evarūpā saddhāvimuttassa pubbabhāgamaggabhāvanā. Yathā pana sunisiteneva asinā kadaliṃ chindantassa chinnaṭṭhānaṃ maṭṭhaṃ hoti, asi sīghaṃ vahati, saddo na suyyati, balavavāyāmakiccaṃ na hoti; evarūpā diṭṭhippattassa pubbabhāgamaggabhāvanā veditabbā’’ti. Ayaṃ vuccatīti ayaṃ evarūpo puggalo saddhāvimuttoti vuccati. Ayañhi saddahanto vimuttoti saddhāvimutto. Ayampi kāyasakkhī viya chabbidhova hoti.

    29. д̇хаммаанусаарийнид̣̇д̣̇зсз – бадибаннассаад̇и иминаа сод̇аабад̇д̇имаг̇г̇адто д̣̇ассид̇о. ад̇химад̇д̇анд̇и б̣алавам̣. бан̃н̃ам̣ ваахзд̇ийд̇и бан̃н̃ааваахий. бан̃н̃аа имам̣ буг̇г̇алам̣ вахад̇ийд̇и бан̃н̃ааваахийд̇иби вуд̇д̇ам̣ ход̇и. бан̃н̃аабуб̣б̣ан̇г̇аманд̇и бан̃н̃ам̣ бурзжааригам̣ гад̇ваа. аяам̣ вужжад̇ийд̇и аяам̣ зваруубо буг̇г̇ало д̇хаммаанусаарийд̇и вужжад̇и. со хи бан̃н̃аасан̇каад̇зна д̇хаммзна сарад̇и ануссарад̇ийд̇и д̇хаммаанусаарий. сод̇аабад̇д̇имаг̇г̇адтассзвзд̇ам̣ наамам̣. палз бана бад̇д̇з д̣̇идтиббад̇д̇о наама ход̇и.

    29. Dhammānusārīniddese – paṭipannassāti iminā sotāpattimaggaṭṭho dassito. Adhimattanti balavaṃ. Paññaṃ vāhetīti paññāvāhī. Paññā imaṃ puggalaṃ vahatīti paññāvāhītipi vuttaṃ hoti. Paññāpubbaṅgamanti paññaṃ purecārikaṃ katvā. Ayaṃ vuccatīti ayaṃ evarūpo puggalo dhammānusārīti vuccati. So hi paññāsaṅkhātena dhammena sarati anussaratīti dhammānusārī. Sotāpattimaggaṭṭhassevetaṃ nāmaṃ. Phale pana patte diṭṭhippatto nāma hoti.

    30. сад̣̇д̇хаанусаарийнид̣̇д̣̇зсзби – сад̣̇д̇хам̣ ваахзд̇ийд̇и сад̣̇д̇хааваахий. сад̣̇д̇хаа имам̣ буг̇г̇алам̣ вахад̇ийд̇и сад̣̇д̇хааваахийд̇иби вуд̇д̇амзва. сад̣̇д̇хаабуб̣б̣ан̇г̇аманд̇и сад̣̇д̇хам̣ бурзжааригам̣ гад̇ваа. аяам̣ вужжад̇ийд̇и аяам̣ зваруубо буг̇г̇ало сад̣̇д̇хаанусаарийд̇и вужжад̇и. со хи сад̣̇д̇хааяа сарад̇и. ануссарад̇ийд̇и сад̣̇д̇хаанусаарий. сод̇аабад̇д̇имаг̇г̇адтассзвзд̇ам̣ наамам̣. палз бана бад̇д̇з сад̣̇д̇хаавимуд̇д̇о наама ход̇и. логуд̇д̇арад̇хамман̃хи ниб̣б̣ад̇д̇знд̇аанам̣ д̣̇вз д̇хураани наама, д̣̇вз абхинивзсаа наама, д̣̇вз сийсаани наама. д̇ад̇т̇а сад̣̇д̇хаад̇хурам̣ бан̃н̃аад̇хуранд̇и – д̣̇вз д̇хураани наама. зго бана бхигку самат̇аабхинивзсзна абхинивисад̇и, зго вибассанаабхинивзсзнаад̇и – имз д̣̇вз абхинивзсаа наама. зго жа мад̇т̇агам̣ баабун̣анд̇о убхад̇обхааг̇авимуд̇д̇о ход̇и, зго бан̃н̃аавимуд̇д̇од̇и – имаани д̣̇вз сийсаани наама. яз гзжи хи логуд̇д̇арад̇хаммам̣ ниб̣б̣ад̇д̇знд̇и, саб̣б̣з д̇з имз д̣̇вз д̇хаммз д̇хурам̣ гад̇ваа имзсу д̣̇вийсу таанзсу абхинивисид̇ваа имзхи д̣̇вийхи таанзхи вимужжанд̇и. д̇зсу яо бхигку адтасамаабад̇д̇илаабхий бан̃н̃ам̣ д̇хурам̣ гад̇ваа самат̇авасзна абхинивидто ан̃н̃ад̇арам̣ аруубасамаабад̇д̇им̣ бад̣̇адтаанам̣ гад̇ваа вибассанам̣ бадтабзд̇ваа арахад̇д̇ам̣ баабун̣аад̇и, со сод̇аабад̇д̇имаг̇г̇агкан̣з д̇хаммаанусаарий наама. барад̇о бана часу таанзсу гааяасагкий наама. арахад̇д̇апалз бад̇д̇з убхад̇обхааг̇авимуд̇д̇о наама.

    30. Saddhānusārīniddesepi – saddhaṃ vāhetīti saddhāvāhī. Saddhā imaṃ puggalaṃ vahatīti saddhāvāhītipi vuttameva. Saddhāpubbaṅgamanti saddhaṃ purecārikaṃ katvā. Ayaṃ vuccatīti ayaṃ evarūpo puggalo saddhānusārīti vuccati. So hi saddhāya sarati. Anussaratīti saddhānusārī. Sotāpattimaggaṭṭhassevetaṃ nāmaṃ. Phale pana patte saddhāvimutto nāma hoti. Lokuttaradhammañhi nibbattentānaṃ dve dhurāni nāma, dve abhinivesā nāma, dve sīsāni nāma. Tattha saddhādhuraṃ paññādhuranti – dve dhurāni nāma. Eko pana bhikkhu samathābhinivesena abhinivisati, eko vipassanābhinivesenāti – ime dve abhinivesā nāma. Eko ca matthakaṃ pāpuṇanto ubhatobhāgavimutto hoti, eko paññāvimuttoti – imāni dve sīsāni nāma. Ye keci hi lokuttaradhammaṃ nibbattenti, sabbe te ime dve dhamme dhuraṃ katvā imesu dvīsu ṭhānesu abhinivisitvā imehi dvīhi ṭhānehi vimuccanti. Tesu yo bhikkhu aṭṭhasamāpattilābhī paññaṃ dhuraṃ katvā samathavasena abhiniviṭṭho aññataraṃ arūpasamāpattiṃ padaṭṭhānaṃ katvā vipassanaṃ paṭṭhapetvā arahattaṃ pāpuṇāti, so sotāpattimaggakkhaṇe dhammānusārī nāma. Parato pana chasu ṭhānesu kāyasakkhī nāma. Arahattaphale patte ubhatobhāgavimutto nāma.

    абаро бан̃н̃амзва д̇хурам̣ гад̇ваа вибассанаавасзна абхинивидто суд̣̇д̇хасан̇каарз ваа руубааважараж̇жхаанзсу ваа ан̃н̃ад̇арам̣ саммасид̇ваа арахад̇д̇ам̣ баабун̣аад̇и, аяамби сод̇аабад̇д̇имаг̇г̇агкан̣зязва д̇хаммаанусаарий наама. барад̇о бана часу таанзсу д̣̇идтиббад̇д̇о наама. арахад̇д̇з бад̇д̇з бан̃н̃аавимуд̇д̇о наама. ид̇ха д̣̇вз наамаани абуб̣б̣аани, д̇аани буримзхи сад̣̇д̇хим̣ бан̃жа хонд̇и. абаро адтасамаабад̇д̇илаабхий сад̣̇д̇хам̣ д̇хурам̣ гад̇ваа самаад̇хивасзна абхинивидто ан̃н̃ад̇арам̣ аруубасамаабад̇д̇им̣ бад̣̇адтаанам̣ гад̇ваа вибассанам̣ бадтабзд̇ваа арахад̇д̇ам̣ баабун̣аад̇и – аяам̣ сод̇аабад̇д̇имаг̇г̇агкан̣з сад̣̇д̇хаанусаарий наама. барад̇о часу таанзсу гааяасагкийязва наама. арахад̇д̇з бад̇д̇з убхад̇обхааг̇авимуд̇д̇оязва наама. ид̇ха згамзва наамам̣ абуб̣б̣ам̣. д̇зна сад̣̇д̇хим̣ буримаани бан̃жа ча хонд̇и. абаро сад̣̇д̇хамзва д̇хурам̣ гад̇ваа вибассанаавасзна абхинивидто суд̣̇д̇хасан̇каарз ваа руубааважараж̇жхаанзсу ваа ан̃н̃ад̇арам̣ саммасид̇ваа арахад̇д̇ам̣ баабун̣аад̇и. аяамби сод̇аабад̇д̇имаг̇г̇агкан̣з сад̣̇д̇хаанусаарий наама. барад̇о часу таанзсу сад̣̇д̇хаавимуд̇д̇о наама. арахад̇д̇з бад̇д̇з бан̃н̃аавимуд̇д̇о наама. ид̇хааби згамзва наамам̣ абуб̣б̣ам̣. д̇зна сад̣̇д̇хим̣ буримаани ча сад̇д̇а хонд̇и. имз сад̇д̇а буг̇г̇алаа логз аг̇г̇ад̣̇агкин̣зяяаа наамаад̇и.

    Aparo paññameva dhuraṃ katvā vipassanāvasena abhiniviṭṭho suddhasaṅkhāre vā rūpāvacarajjhānesu vā aññataraṃ sammasitvā arahattaṃ pāpuṇāti, ayampi sotāpattimaggakkhaṇeyeva dhammānusārī nāma. Parato pana chasu ṭhānesu diṭṭhippatto nāma. Arahatte patte paññāvimutto nāma. Idha dve nāmāni apubbāni, tāni purimehi saddhiṃ pañca honti. Aparo aṭṭhasamāpattilābhī saddhaṃ dhuraṃ katvā samādhivasena abhiniviṭṭho aññataraṃ arūpasamāpattiṃ padaṭṭhānaṃ katvā vipassanaṃ paṭṭhapetvā arahattaṃ pāpuṇāti – ayaṃ sotāpattimaggakkhaṇe saddhānusārī nāma. Parato chasu ṭhānesu kāyasakkhīyeva nāma. Arahatte patte ubhatobhāgavimuttoyeva nāma. Idha ekameva nāmaṃ apubbaṃ. Tena saddhiṃ purimāni pañca cha honti. Aparo saddhameva dhuraṃ katvā vipassanāvasena abhiniviṭṭho suddhasaṅkhāre vā rūpāvacarajjhānesu vā aññataraṃ sammasitvā arahattaṃ pāpuṇāti. Ayampi sotāpattimaggakkhaṇe saddhānusārī nāma. Parato chasu ṭhānesu saddhāvimutto nāma. Arahatte patte paññāvimutto nāma. Idhāpi ekameva nāmaṃ apubbaṃ. Tena saddhiṃ purimāni cha satta honti. Ime satta puggalā loke aggadakkhiṇeyyā nāmāti.

    31. сад̇д̇агкад̇д̇убараманид̣̇д̣̇зсз – сад̇д̇агкад̇д̇унд̇и сад̇д̇аваарз. сад̇д̇агкад̇д̇убарамаа бхавуубабад̇д̇и ад̇д̇абхааваг̇г̇ахан̣ам̣ асса, д̇ад̇о барам̣ адтамам̣ бхавам̣ наад̣̇ияад̇ийд̇и сад̇д̇агкад̇д̇убарамо. сод̇аабанно ход̇ийд̇и зд̇т̇а сод̇од̇и арияамаг̇г̇о, д̇зна саманнааг̇ад̇о сод̇аабанно наама. яат̇ааха –

    31. Sattakkhattuparamaniddese – sattakkhattunti sattavāre. Sattakkhattuparamā bhavūpapatti attabhāvaggahaṇaṃ assa, tato paraṃ aṭṭhamaṃ bhavaṃ nādiyatīti sattakkhattuparamo. Sotāpanno hotīti ettha sototi ariyamaggo, tena samannāgato sotāpanno nāma. Yathāha –

    ‘‘сод̇о сод̇од̇и хид̣̇ам̣, саарибуд̇д̇а, вужжад̇и. гад̇амо ну ко, саарибуд̇д̇а, сод̇од̇и? аяамзва хи, бханд̇з, арияо адтан̇г̇иго маг̇г̇о сод̇о, сзяяат̇ид̣̇ам̣ – саммаад̣̇идти…бз… саммаасамаад̇хийд̇и. сод̇аабанно сод̇аабаннод̇и, хид̣̇ам̣, саарибуд̇д̇а, вужжад̇и. гад̇амо ну ко, саарибуд̇д̇а, сод̇аабаннод̇и? яо хи, бханд̇з, иминаа ариязна адтан̇г̇игзна маг̇г̇зна саманнааг̇ад̇о аяам̣ вужжад̇и сод̇аабанно, свааяам̣ ааяасмаа звам̣наамо звам̣г̇од̇д̇о ид̇и ваа’’д̇и (сам̣. ни. 5.1001).

    ‘‘Soto sototi hidaṃ, sāriputta, vuccati. Katamo nu kho, sāriputta, sototi? Ayameva hi, bhante, ariyo aṭṭhaṅgiko maggo soto, seyyathidaṃ – sammādiṭṭhi…pe… sammāsamādhīti. Sotāpanno sotāpannoti, hidaṃ, sāriputta, vuccati. Katamo nu kho, sāriputta, sotāpannoti? Yo hi, bhante, iminā ariyena aṭṭhaṅgikena maggena samannāgato ayaṃ vuccati sotāpanno, svāyaṃ āyasmā evaṃnāmo evaṃgotto iti vā’’ti (saṃ. ni. 5.1001).

    звам̣ маг̇г̇агкан̣зби сод̇аабанно наама ход̇и. ид̇ха бана маг̇г̇зна паласса наамам̣ д̣̇иннанд̇и палагкан̣з сод̇аабанно ад̇хиббзд̇о.

    Evaṃ maggakkhaṇepi sotāpanno nāma hoti. Idha pana maggena phalassa nāmaṃ dinnanti phalakkhaṇe sotāpanno adhippeto.

    авинибаад̇ад̇хаммод̇и винибаад̇асан̇каад̇ам̣ абааяам̣ убабад̇д̇ивасзна анааг̇аманасабхааво. нияад̇од̇и маг̇г̇анияаамзна нияад̇о. самб̣од̇хибарааяан̣од̇и б̣уж̇жханагабхаавабарааяан̣о. со хи бадилад̣̇д̇хамаг̇г̇зна б̣уж̇жхад̇ийд̇и самб̣од̇хибарааяан̣о. убари д̇ийхи маг̇г̇зхи авассам̣ б̣уж̇жхиссад̇ийд̇и самб̣од̇хибарааяан̣о. д̣̇звз жа мануссз жаад̇и д̣̇звалоган̃жа мануссалоган̃жа. санд̇хаавид̇ваа сам̣сарид̇ваад̇и бадисанд̇хивасзна абараабарам̣ г̇анд̇ваа. д̣̇угкассанд̇ам̣ гарод̇ийд̇и ваддад̣̇угкасса барияанд̇ам̣ баривадумам̣ гарод̇и. аяам̣ вужжад̇ийд̇и аяам̣ зваруубо буг̇г̇ало сад̇д̇агкад̇д̇убарамо наама вужжад̇и. аяам̣ бана гаалзна д̣̇звалогасса гаалзна мануссалогасса васзна миссагабхавзна гат̇ид̇од̇и взд̣̇ид̇аб̣б̣о.

    Avinipātadhammoti vinipātasaṅkhātaṃ apāyaṃ upapattivasena anāgamanasabhāvo. Niyatoti magganiyāmena niyato. Sambodhiparāyaṇoti bujjhanakabhāvaparāyaṇo. So hi paṭiladdhamaggena bujjhatīti sambodhiparāyaṇo. Upari tīhi maggehi avassaṃ bujjhissatīti sambodhiparāyaṇo. Deve ca manusse cāti devalokañca manussalokañca. Sandhāvitvā saṃsaritvāti paṭisandhivasena aparāparaṃ gantvā. Dukkhassantaṃ karotīti vaṭṭadukkhassa pariyantaṃ parivaṭumaṃ karoti. Ayaṃ vuccatīti ayaṃ evarūpo puggalo sattakkhattuparamo nāma vuccati. Ayaṃ pana kālena devalokassa kālena manussalokassa vasena missakabhavena kathitoti veditabbo.

    32. голам̣голанид̣̇д̣̇зсз – гулад̇о гулам̣ г̇ажчад̇ийд̇и голам̣голо. сод̇аабад̇д̇ипаласажчигирияад̇о хи бадтааяа нийжз гулз убабад̇д̇и наама над̇т̇и, махаабхог̇агулзсуязва ниб̣б̣ад̇д̇ад̇ийд̇и ад̇т̇о. д̣̇вз ваа д̇ийн̣и ваа гулаанийд̇и д̣̇звамануссавасзна д̣̇вз ваа д̇аяо ваа бхавз. ид̇и аяамби миссагабхавзнзва гат̇ид̇о. д̣̇зсанаамад̇д̇амзва жзд̇ам̣ – ‘д̣̇вз ваа д̇ийн̣и ваа’д̇и. яаава чадтабхаваа сам̣саранд̇оби бана голам̣голова ход̇и.

    32. Kolaṃkolaniddese – kulato kulaṃ gacchatīti kolaṃkolo. Sotāpattiphalasacchikiriyato hi paṭṭhāya nīce kule upapatti nāma natthi, mahābhogakulesuyeva nibbattatīti attho. Dve vā tīṇi vā kulānīti devamanussavasena dve vā tayo vā bhave. Iti ayampi missakabhaveneva kathito. Desanāmattameva cetaṃ – ‘dve vā tīṇi vā’ti. Yāva chaṭṭhabhavā saṃsarantopi pana kolaṃkolova hoti.

    33. згаб̣ийж̇инид̣̇д̣̇зсз – канд̇хаб̣ийж̇ам̣ наама гат̇ид̇ам̣. яасса хи сод̇аабаннасса згам̣язва канд̇хаб̣ийж̇ам̣ ад̇т̇и, згам̣ ад̇д̇абхааваг̇г̇ахан̣ам̣, со згаб̣ийж̇ий наама. маанусагам̣ бхаванд̇и ид̣̇ам̣ банзд̇т̇а д̣̇зсанаамад̇д̇амзва. д̣̇звабхавам̣ ниб̣б̣ад̇д̇зд̇ийд̇иби бана вад̇д̇ум̣ ваддад̇иязва. бхаг̇авад̇аа г̇ахид̇анаамавасзнзва жзд̇аани зд̇зсам̣ наамаани. зд̇д̇агам̣ таанам̣ г̇ад̇о сад̇д̇агкад̇д̇убарамо наама ход̇и, зд̇д̇агам̣ голам̣голо, зд̇д̇агам̣ згаб̣ийж̇ийд̇и бхаг̇авад̇аа зд̇зсам̣ наамам̣ г̇ахид̇ам̣. нияамад̇о бана аяам̣ сад̇д̇агкад̇д̇убарамо, аяам̣ голам̣голо, аяам̣ згаб̣ийж̇ийд̇и над̇т̇и.

    33. Ekabījiniddese – khandhabījaṃ nāma kathitaṃ. Yassa hi sotāpannassa ekaṃyeva khandhabījaṃ atthi, ekaṃ attabhāvaggahaṇaṃ, so ekabījī nāma. Mānusakaṃ bhavanti idaṃ panettha desanāmattameva. Devabhavaṃ nibbattetītipi pana vattuṃ vaṭṭatiyeva. Bhagavatā gahitanāmavaseneva cetāni etesaṃ nāmāni. Ettakaṃ ṭhānaṃ gato sattakkhattuparamo nāma hoti, ettakaṃ kolaṃkolo, ettakaṃ ekabījīti bhagavatā etesaṃ nāmaṃ gahitaṃ. Niyamato pana ayaṃ sattakkhattuparamo, ayaṃ kolaṃkolo, ayaṃ ekabījīti natthi.

    го бана д̇зсам̣ зд̇ам̣ бабхзд̣̇ам̣ нияамзд̇ийд̇и? гзжи д̇аава т̇зраа ‘буб̣б̣ахзд̇у нияамзд̇ий’д̇и вад̣̇анд̇и, гзжи ‘батамамаг̇г̇о’, гзжи ‘убари д̇аяо маг̇г̇аа’, гзжи ‘д̇ин̣н̣ам̣ маг̇г̇аанам̣ вибассанаа’д̇и. д̇ад̇т̇а ‘буб̣б̣ахзд̇у нияамзд̇ий’д̇и ваад̣̇з ‘батамамаг̇г̇асса убаниссаяо гад̇о наама ход̇и, убари д̇аяо маг̇г̇аа нирубаниссаяаа уббаннаа’д̇и важанам̣ аабаж̇ж̇ад̇и. ‘батамамаг̇г̇о нияамзд̇ий’д̇и ваад̣̇з убари д̇ин̣н̣ам̣ маг̇г̇аанам̣ нирад̇т̇агад̇аа аабаж̇ж̇ад̇и. ‘убари д̇аяо маг̇г̇аа нияамзнд̇ий’д̇и ваад̣̇з ‘адтамамаг̇г̇з ануббаннзязва убари д̇аяо маг̇г̇аа уббаннаа’д̇и аабаж̇ж̇ад̇и. ‘д̇ин̣н̣ам̣ маг̇г̇аанам̣ вибассанаа нияамзд̇ий’д̇и ваад̣̇о бана яуж̇ж̇ад̇и. сажз хи убари д̇ин̣н̣ам̣ маг̇г̇аанам̣ вибассанаа б̣алавад̇ий ход̇и, згаб̣ийж̇ий наама ход̇и; д̇ад̇о манд̣̇ад̇арааяа голам̣голо; д̇ад̇о манд̣̇ад̇арааяа сад̇д̇агкад̇д̇убарамод̇и.

    Ko pana tesaṃ etaṃ pabhedaṃ niyametīti? Keci tāva therā ‘pubbahetu niyametī’ti vadanti, keci ‘paṭhamamaggo’, keci ‘upari tayo maggā’, keci ‘tiṇṇaṃ maggānaṃ vipassanā’ti. Tattha ‘pubbahetu niyametī’ti vāde ‘paṭhamamaggassa upanissayo kato nāma hoti, upari tayo maggā nirupanissayā uppannā’ti vacanaṃ āpajjati. ‘Paṭhamamaggo niyametī’ti vāde upari tiṇṇaṃ maggānaṃ niratthakatā āpajjati. ‘Upari tayo maggā niyamentī’ti vāde ‘aṭṭhamamagge anuppanneyeva upari tayo maggā uppannā’ti āpajjati. ‘Tiṇṇaṃ maggānaṃ vipassanā niyametī’ti vādo pana yujjati. Sace hi upari tiṇṇaṃ maggānaṃ vipassanā balavatī hoti, ekabījī nāma hoti; tato mandatarāya kolaṃkolo; tato mandatarāya sattakkhattuparamoti.

    згажжо хи сод̇аабанно ваддаж̇жхаасаяо ход̇и, ваддаабхирад̇о, бунаббунам̣ ваддасмим̣язва вижарад̇и санд̣̇иссад̇и. анаат̇абин̣д̣иго сздти, висаакаа убаасигаа, жуул̣арат̇амахаарат̇аа д̣̇звабуд̇д̇аа, анзгаван̣н̣о д̣̇звабуд̇д̇о, сагго д̣̇зварааж̇аа, нааг̇ад̣̇ад̇д̇о д̣̇звабуд̇д̇од̇и имз хи зд̇д̇агаа ж̇анаа ваддаж̇жхаасаяаа ваддаабхирад̇аа аад̣̇ид̇о бадтааяа ча д̣̇звалогз сод̇хзд̇ваа аганидтз тад̇ваа бариниб̣б̣ааяиссанд̇и, имз ид̇ха на г̇ахид̇аа. на гзвалан̃жимз; яоби мануссзсуязва сад̇д̇агкад̇д̇ум̣ сам̣сарид̇ваа арахад̇д̇ам̣ баабун̣аад̇и, яоби д̣̇звалогз ниб̣б̣ад̇д̇о д̣̇звзсуязва сад̇д̇агкад̇д̇ум̣ абараабарам̣ сам̣сарид̇ваа арахад̇д̇ам̣ баабун̣аад̇и, имзби ид̇ха на г̇ахид̇аа. миссагабхававасзнзва банзд̇т̇а сад̇д̇агкад̇д̇убарамаголам̣голаа маанусагабхаваниб̣б̣ад̇д̇агоязва жа згаб̣ийж̇ий г̇ахид̇од̇и взд̣̇ид̇аб̣б̣о. д̇ад̇т̇а згзго д̣̇угкаабадибад̣̇аад̣̇ивасзна жад̇уб̣б̣ид̇хабхаавам̣ аабаж̇ж̇ад̇и. сад̣̇д̇хаад̇хурзнзва жад̇д̇ааро сад̇д̇агкад̇д̇убарамаа, жад̇д̇ааро голам̣голаа, жад̇д̇ааро згаб̣ийж̇инод̇и д̣̇ваад̣̇аса хонд̇и. сажз бан̃н̃ааяа саггаа ниб̣б̣ад̇д̇зд̇ум̣, ‘ахам̣ логуд̇д̇арам̣ д̇хаммам̣ ниб̣б̣ад̇д̇зссаамий’д̇и звам̣ бан̃н̃ам̣ д̇хурам̣ гад̇ваа сад̇д̇агкад̇д̇убарамаад̣̇ибхаавам̣ бад̇д̇ааби бадибад̣̇аавасзна д̣̇ваад̣̇асзваад̇и имз жад̇увийсад̇и сод̇аабаннаа ихадтаганиж̇жхаанигавасзнзва имасмим̣ таанз гат̇ид̇аад̇и взд̣̇ид̇аб̣б̣аа.

    Ekacco hi sotāpanno vaṭṭajjhāsayo hoti, vaṭṭābhirato, punappunaṃ vaṭṭasmiṃyeva vicarati sandissati. Anāthapiṇḍiko seṭṭhi, visākhā upāsikā, cūḷarathamahārathā devaputtā, anekavaṇṇo devaputto, sakko devarājā, nāgadatto devaputtoti ime hi ettakā janā vaṭṭajjhāsayā vaṭṭābhiratā ādito paṭṭhāya cha devaloke sodhetvā akaniṭṭhe ṭhatvā parinibbāyissanti, ime idha na gahitā. Na kevalañcime; yopi manussesuyeva sattakkhattuṃ saṃsaritvā arahattaṃ pāpuṇāti, yopi devaloke nibbatto devesuyeva sattakkhattuṃ aparāparaṃ saṃsaritvā arahattaṃ pāpuṇāti, imepi idha na gahitā. Missakabhavavaseneva panettha sattakkhattuparamakolaṃkolā mānusakabhavanibbattakoyeva ca ekabījī gahitoti veditabbo. Tattha ekeko dukkhāpaṭipadādivasena catubbidhabhāvaṃ āpajjati. Saddhādhureneva cattāro sattakkhattuparamā, cattāro kolaṃkolā, cattāro ekabījinoti dvādasa honti. Sace paññāya sakkā nibbattetuṃ, ‘ahaṃ lokuttaraṃ dhammaṃ nibbattessāmī’ti evaṃ paññaṃ dhuraṃ katvā sattakkhattuparamādibhāvaṃ pattāpi paṭipadāvasena dvādasevāti ime catuvīsati sotāpannā ihaṭṭhakanijjhānikavaseneva imasmiṃ ṭhāne kathitāti veditabbā.

    34. сагад̣̇ааг̇ааминид̣̇д̣̇зсз – бадисанд̇хивасзна сагим̣ ааг̇ажчад̇ийд̇и сагад̣̇ааг̇аамий. сагид̣̇зваад̇и згаваарам̣язва. имам̣ логам̣ ааг̇анд̇ваад̇и иминаа бан̃жасу сагад̣̇ааг̇аамийсу жад̇д̇ааро важ̇ж̇зд̇ваа згова г̇ахид̇о. згажжо хи ид̇ха сагад̣̇ааг̇аамипалам̣ бад̇ваа ид̇хзва бариниб̣б̣ааяад̇и, згажжо ид̇ха бад̇ваа д̣̇звалогз бариниб̣б̣ааяад̇и, згажжо д̣̇звалогз бад̇ваа д̇ад̇т̇зва бариниб̣б̣ааяад̇и, згажжо д̣̇звалогз бад̇ваа ид̇хуубабаж̇ж̇ид̇ваа бариниб̣б̣ааяад̇и – имз жад̇д̇аароби ид̇ха на г̇ахид̇аа. яо бана ид̇ха бад̇ваа д̣̇звалогз яаавад̇ааяугам̣ васид̇ваа буна ид̇хуубабаж̇ж̇ид̇ваа бариниб̣б̣ааяад̇и – аяам̣ згова ид̇ха г̇ахид̇од̇и взд̣̇ид̇аб̣б̣о. сзсамзд̇т̇а яам̣ вад̇д̇аб̣б̣ам̣ сияаа д̇ам̣ саб̣б̣ам̣ хздтаа д̇хаммасан̇г̇ахадтагат̇ааяам̣ логуд̇д̇арагусаланид̣̇д̣̇зсз вуд̇д̇амзва. имасса бана сагад̣̇ааг̇аамино згаб̣ийж̇инаа сад̣̇д̇хим̣ гим̣ наанаагаран̣анд̇и? згаб̣ийж̇исса згаава бадисанд̇хи, сагад̣̇ааг̇аамисса д̣̇вз бадисанд̇хияо – ид̣̇ам̣ нзсам̣ наанаагаран̣анд̇и.

    34. Sakadāgāminiddese – paṭisandhivasena sakiṃ āgacchatīti sakadāgāmī. Sakidevāti ekavāraṃyeva. Imaṃ lokaṃ āgantvāti iminā pañcasu sakadāgāmīsu cattāro vajjetvā ekova gahito. Ekacco hi idha sakadāgāmiphalaṃ patvā idheva parinibbāyati, ekacco idha patvā devaloke parinibbāyati, ekacco devaloke patvā tattheva parinibbāyati, ekacco devaloke patvā idhūpapajjitvā parinibbāyati – ime cattāropi idha na gahitā. Yo pana idha patvā devaloke yāvatāyukaṃ vasitvā puna idhūpapajjitvā parinibbāyati – ayaṃ ekova idha gahitoti veditabbo. Sesamettha yaṃ vattabbaṃ siyā taṃ sabbaṃ heṭṭhā dhammasaṅgahaṭṭhakathāyaṃ lokuttarakusalaniddese vuttameva. Imassa pana sakadāgāmino ekabījinā saddhiṃ kiṃ nānākaraṇanti? Ekabījissa ekāva paṭisandhi, sakadāgāmissa dve paṭisandhiyo – idaṃ nesaṃ nānākaraṇanti.

    35. анааг̇ааминид̣̇д̣̇зсз – орамбхааг̇ияаанам̣ сам̣яож̇анаананд̇и орам̣ вужжад̇и гаамад̇хаад̇у. яасса имаани бан̃жа б̣анд̇ханаани аббахийнаани хонд̇и, со бхаваг̇г̇з ниб̣б̣ад̇д̇оби г̇илид̇аб̣ал̣исо мажчо вияа д̣̇ийгхасуд̇д̇агзна баад̣̇з б̣ад̣̇д̇хагааго вияа д̇зхи б̣анд̇ханзхи аагад̣дхияамаано гаамад̇хаад̇уяам̣язва бавад̇д̇ад̇ийд̇и бан̃жа б̣анд̇ханаани орамбхааг̇ияаанийд̇и вужжанд̇и. хздтаабхааг̇ияаани хздтаагодтаасигаанийд̇и ад̇т̇о. баригкаяаад̇и д̇зсам̣ б̣анд̇ханаанам̣ баригкаязна. обабаад̇игод̇и убабаад̇аяониго. иминаасса г̇аб̣бхасзяяаа бадигкид̇д̇аа. д̇ад̇т̇а бариниб̣б̣ааяийд̇и д̇ад̇т̇а суд̣̇д̇хааваасалогз бариниб̣б̣ааяид̇аа. анаавад̇д̇ид̇хаммо д̇асмаа логаад̇и бадисанд̇хиг̇г̇ахан̣авасзна д̇асмаа логаа ид̇ха анаавад̇д̇анасабхааво. б̣уд̣̇д̇хад̣̇ассанат̇зрад̣̇ассанад̇хаммассаванаанам̣ банад̇т̇ааяасса ааг̇аманам̣ аниваарид̇ам̣. аяам̣ вужжад̇ийд̇и аяам̣ звам̣вид̇хо буг̇г̇ало бадисанд̇хивасзна буна анааг̇аманад̇о анааг̇аамий наама вужжад̇и.

    35. Anāgāminiddese – orambhāgiyānaṃ saṃyojanānanti oraṃ vuccati kāmadhātu. Yassa imāni pañca bandhanāni appahīnāni honti, so bhavagge nibbattopi gilitabaḷiso maccho viya dīghasuttakena pāde baddhakāko viya tehi bandhanehi ākaḍḍhiyamāno kāmadhātuyaṃyeva pavattatīti pañca bandhanāni orambhāgiyānīti vuccanti. Heṭṭhābhāgiyāni heṭṭhākoṭṭhāsikānīti attho. Parikkhayāti tesaṃ bandhanānaṃ parikkhayena. Opapātikoti upapātayoniko. Imināssa gabbhaseyyā paṭikkhittā. Tattha parinibbāyīti tattha suddhāvāsaloke parinibbāyitā. Anāvattidhammo tasmā lokāti paṭisandhiggahaṇavasena tasmā lokā idha anāvattanasabhāvo. Buddhadassanatheradassanadhammassavanānaṃ panatthāyassa āgamanaṃ anivāritaṃ. Ayaṃ vuccatīti ayaṃ evaṃvidho puggalo paṭisandhivasena puna anāgamanato anāgāmī nāma vuccati.

    36. анд̇араабариниб̣б̣ааяинид̣̇д̣̇зсз – убабаннам̣ ваа самананд̇араад̇и убабаннасамананд̇араа ваа худ̇ваа. аббад̇д̇ам̣ ваа взмаж̇жхам̣ ааяуббамаан̣анд̇и ааяуббамаан̣ам̣ взмаж̇жхам̣ аббад̇д̇ам̣ ваа худ̇ваа арияамаг̇г̇ам̣ сан̃ж̇анзд̇ийд̇и ад̇т̇о. ваасад̣̇д̣̇авигаббад̇о бана взмаж̇жхам̣ бад̇д̇анд̇иби ад̇т̇о взд̣̇ид̇аб̣б̣о. звам̣ д̇аяо анд̇араабариниб̣б̣ааяино сид̣̇д̇хаа хонд̇и. убаридтимаанам̣ сам̣яож̇анаананд̇и убари бан̃жаннам̣ уд̣̇д̇хамбхааг̇ияасам̣яож̇анаанам̣ адтаннам̣ ваа гилзсаанам̣. бахаанааяаад̇и зд̇зсам̣ баж̇аханад̇т̇ааяа маг̇г̇ам̣ сан̃ж̇анзд̇и. аяам̣ вужжад̇ийд̇и аяам̣ зваруубо буг̇г̇ало ааяувзмаж̇жхасса анд̇арааязва бариниб̣б̣ааяанад̇о анд̇араабариниб̣б̣ааяийд̇и вужжад̇и.

    36. Antarāparinibbāyiniddese – upapannaṃ vā samanantarāti upapannasamanantarā vā hutvā. Appattaṃ vā vemajjhaṃ āyuppamāṇanti āyuppamāṇaṃ vemajjhaṃ appattaṃ vā hutvā ariyamaggaṃ sañjanetīti attho. Vāsaddavikappato pana vemajjhaṃ pattantipi attho veditabbo. Evaṃ tayo antarāparinibbāyino siddhā honti. Upariṭṭhimānaṃ saṃyojanānanti upari pañcannaṃ uddhambhāgiyasaṃyojanānaṃ aṭṭhannaṃ vā kilesānaṃ. Pahānāyāti etesaṃ pajahanatthāya maggaṃ sañjaneti. Ayaṃ vuccatīti ayaṃ evarūpo puggalo āyuvemajjhassa antarāyeva parinibbāyanato antarāparinibbāyīti vuccati.

    37. убахажжабариниб̣б̣ааяинид̣̇д̣̇зсз – ад̇иггамид̇ваа взмаж̇жхам̣ ааяуббамаан̣анд̇и ааяуббамаан̣ам̣ взмаж̇жхам̣ ад̇иггамид̇ваа. убахажжа ваа гаалагирияанд̇и убаг̇анд̇ваа гаалагирияам̣. ааяугкаяасса аасаннз тад̇ваад̇и ад̇т̇о. аяам̣ вужжад̇ийд̇и аяам̣ зваруубо буг̇г̇ало авихзсу д̇аава габбасахассаббамаан̣асса ааяуно бан̃жагаббасад̇асан̇каад̇ам̣ взмаж̇жхам̣ ад̇иггамид̇ваа чадтз ваа габбасад̇з сад̇д̇амадтаманавамаанам̣ ваа ан̃н̃ад̇арасмим̣ д̣̇асамзязва ваа габбасад̇з тад̇ваа арахад̇д̇ам̣ бад̇ваа гилзсабариниб̣б̣аанзна бариниб̣б̣ааяанад̇о убахажжабариниб̣б̣ааяийд̇и вужжад̇и.

    37. Upahaccaparinibbāyiniddese – atikkamitvā vemajjhaṃ āyuppamāṇanti āyuppamāṇaṃ vemajjhaṃ atikkamitvā. Upahacca vā kālakiriyanti upagantvā kālakiriyaṃ. Āyukkhayassa āsanne ṭhatvāti attho. Ayaṃ vuccatīti ayaṃ evarūpo puggalo avihesu tāva kappasahassappamāṇassa āyuno pañcakappasatasaṅkhātaṃ vemajjhaṃ atikkamitvā chaṭṭhe vā kappasate sattamaṭṭhamanavamānaṃ vā aññatarasmiṃ dasameyeva vā kappasate ṭhatvā arahattaṃ patvā kilesaparinibbānena parinibbāyanato upahaccaparinibbāyīti vuccati.

    38. асан̇каарасасан̇каарабариниб̣б̣ааяинид̣̇д̣̇зсзсу – асан̇каарзна аббад̣̇угкзна ад̇химад̇д̇абаяог̇ам̣ агад̇ваава гилзсабариниб̣б̣аанзна бариниб̣б̣аанад̇хаммод̇и асан̇каарабариниб̣б̣ааяий. сасан̇каарзна д̣̇угкзна гасирзна ад̇химад̇д̇абаяог̇ам̣ гад̇ваава гилзсабариниб̣б̣аанзна бариниб̣б̣ааяанад̇хаммод̇и сасан̇каарабариниб̣б̣ааяий.

    38. Asaṅkhārasasaṅkhāraparinibbāyiniddesesu – asaṅkhārena appadukkhena adhimattapayogaṃ akatvāva kilesaparinibbānena parinibbānadhammoti asaṅkhāraparinibbāyī. Sasaṅkhārena dukkhena kasirena adhimattapayogaṃ katvāva kilesaparinibbānena parinibbāyanadhammoti sasaṅkhāraparinibbāyī.

    40. уд̣̇д̇хам̣сод̇анид̣̇д̣̇зсз – уд̣̇д̇хам̣ ваахибхаавзна уд̣̇д̇хамасса д̇ан̣хаасод̇ам̣ ваддасод̇ам̣ ваад̇и уд̣̇д̇хам̣сод̇о. уд̣̇д̇хам̣ ваа г̇анд̇ваа бадилабхид̇аб̣б̣ад̇о уд̣̇д̇хамасса маг̇г̇асод̇анд̇и уд̣̇д̇хам̣сод̇о. аганидтам̣ г̇ажчад̇ийд̇и аганидтаг̇аамий. авихаа жуд̇о ад̇аббам̣ г̇ажчад̇ийд̇иаад̣̇ийсу авихз габбасахассам̣ васанд̇о арахад̇д̇ам̣ бад̇д̇ум̣ асаггун̣ид̇ваа ад̇аббам̣ г̇ажчад̇и. д̇ад̇рааби д̣̇вз габбасахассаани васанд̇о арахад̇д̇ам̣ бад̇д̇ум̣ асаггун̣ид̇ваа суд̣̇ассам̣ г̇ажчад̇и. д̇ад̇рааби жад̇д̇аари габбасахассаани васанд̇о арахад̇д̇ам̣ бад̇д̇ум̣ асаггун̣ид̇ваа суд̣̇ассим̣ г̇ажчад̇и. д̇ад̇рааби адта габбасахассаани васанд̇о арахад̇д̇ам̣ бад̇д̇ум̣ асаггун̣ид̇ваа аганидтам̣ г̇ажчад̇и. д̇ад̇т̇а васанд̇о арияамаг̇г̇ам̣ сан̃ж̇анзд̇ийд̇и ад̇т̇о.

    40. Uddhaṃsotaniddese – uddhaṃ vāhibhāvena uddhamassa taṇhāsotaṃ vaṭṭasotaṃ vāti uddhaṃsoto. Uddhaṃ vā gantvā paṭilabhitabbato uddhamassa maggasotanti uddhaṃsoto. Akaniṭṭhaṃ gacchatīti akaniṭṭhagāmī. Avihā cuto atappaṃ gacchatītiādīsu avihe kappasahassaṃ vasanto arahattaṃ pattuṃ asakkuṇitvā atappaṃ gacchati. Tatrāpi dve kappasahassāni vasanto arahattaṃ pattuṃ asakkuṇitvā sudassaṃ gacchati. Tatrāpi cattāri kappasahassāni vasanto arahattaṃ pattuṃ asakkuṇitvā sudassiṃ gacchati. Tatrāpi aṭṭha kappasahassāni vasanto arahattaṃ pattuṃ asakkuṇitvā akaniṭṭhaṃ gacchati. Tattha vasanto ariyamaggaṃ sañjanetīti attho.

    имзсам̣ бана анааг̇аамийнам̣ бабхзд̣̇аж̇аананад̇т̇ам̣ уд̣̇д̇хам̣сод̇о аганидтаг̇аамийжад̇уггам̣ взд̣̇ид̇аб̣б̣ам̣. д̇ад̇т̇а яо авихад̇о бадтааяа жад̇д̇ааро д̣̇звалогз сод̇хзд̇ваа аганидтам̣ г̇анд̇ваа бариниб̣б̣ааяад̇и аяам̣ уд̣̇д̇хам̣сод̇о аганидтаг̇аамий наама. яо бана хздтаа д̇аяо д̣̇звалогз сод̇хзд̇ваа суд̣̇ассийд̣̇звалогз тад̇ваа бариниб̣б̣ааяад̇и – аяам̣ уд̣̇д̇хам̣сод̇о, на аганидтаг̇аамий наама . яо бана ид̇о аганидтамзва г̇анд̇ваа бариниб̣б̣ааяад̇и, аяам̣ на уд̣̇д̇хам̣сод̇о, аганидтаг̇аамий наама . яо бана хздтаа жад̇уусу д̣̇звалогзсу д̇ад̇т̇а д̇ад̇т̇зва бариниб̣б̣ааяад̇и, аяам̣ на уд̣̇д̇хам̣сод̇о, на аганидтаг̇аамий наамаад̇и. звамзд̇з адтажад̇д̇аалийса анааг̇аамино хонд̇и.

    Imesaṃ pana anāgāmīnaṃ pabhedajānanatthaṃ uddhaṃsoto akaniṭṭhagāmīcatukkaṃ veditabbaṃ. Tattha yo avihato paṭṭhāya cattāro devaloke sodhetvā akaniṭṭhaṃ gantvā parinibbāyati ayaṃ uddhaṃsoto akaniṭṭhagāmī nāma. Yo pana heṭṭhā tayo devaloke sodhetvā sudassīdevaloke ṭhatvā parinibbāyati – ayaṃ uddhaṃsoto, na akaniṭṭhagāmī nāma . Yo pana ito akaniṭṭhameva gantvā parinibbāyati, ayaṃ na uddhaṃsoto, akaniṭṭhagāmī nāma . Yo pana heṭṭhā catūsu devalokesu tattha tattheva parinibbāyati, ayaṃ na uddhaṃsoto, na akaniṭṭhagāmī nāmāti. Evamete aṭṭhacattālīsa anāgāmino honti.

    гат̇ам̣? авихз д̇аава д̇аяо анд̇араабариниб̣б̣ааяино, зго убахажжабариниб̣б̣ааяий, зго уд̣̇д̇хам̣сод̇о д̇з асан̇каарабариниб̣б̣ааяино бан̃жа, сасан̇каарабариниб̣б̣ааяино бан̃жаад̇и д̣̇аса хонд̇и. д̇ат̇аа ад̇аббаасуд̣̇ассаасуд̣̇ассийсууд̇и жад̇д̇ааро д̣̇асагаа жад̇д̇аалийсам̣. аганидтз бана уд̣̇д̇хам̣сод̇о над̇т̇и. д̇аяо бана анд̇араабариниб̣б̣ааяино, зго убахажжабариниб̣б̣ааяий. д̇з асан̇каарабариниб̣б̣ааяино жад̇д̇ааро, сасан̇каарабариниб̣б̣ааяино жад̇д̇аарод̇и адта. звам̣ адтажад̇д̇аалийсам̣ хонд̇и.

    Kathaṃ? Avihe tāva tayo antarāparinibbāyino, eko upahaccaparinibbāyī, eko uddhaṃsoto te asaṅkhāraparinibbāyino pañca, sasaṅkhāraparinibbāyino pañcāti dasa honti. Tathā atappāsudassāsudassīsūti cattāro dasakā cattālīsaṃ. Akaniṭṭhe pana uddhaṃsoto natthi. Tayo pana antarāparinibbāyino, eko upahaccaparinibbāyī. Te asaṅkhāraparinibbāyino cattāro, sasaṅkhāraparinibbāyino cattāroti aṭṭha. Evaṃ aṭṭhacattālīsaṃ honti.

    д̇з саб̣б̣зби бабадигобамааяа д̣̇ийбид̇аа – д̣̇ивасам̣ санд̇ад̇д̇аанамби хи аараган̣дагавибпалиганакажчзд̣̇анаанам̣ аяомукз хан̃н̃амаанз бабадигаа уббаж̇ж̇ид̇ваава ниб̣б̣ааяад̇и – зваруубо батамо анд̇араабариниб̣б̣ааяий взд̣̇ид̇аб̣б̣о. гасмаа? уббаннасамананд̇араава гилзсабариниб̣б̣аанзна бариниб̣б̣ааяанад̇о. д̇ад̇о маханд̇ад̇арз аяомукз хан̃н̃амаанз бабадигаа аагаасам̣ уллан̇гхид̇ваа ниб̣б̣ааяад̇и – зваруубо д̣̇уд̇ияо анд̇араабариниб̣б̣ааяий д̣̇адтаб̣б̣о. гасмаа? взмаж̇жхам̣ аббад̇ваа бариниб̣б̣ааяанад̇о. д̇ад̇о маханд̇ад̇арз аяомукз хан̃н̃амаанз бабадигаа аагаасам̣ уллан̇гхид̇ваа нивад̇д̇амаанаа бат̇авияам̣ анубахажжад̇алаа худ̇ваа бариниб̣б̣ааяад̇и – зваруубо д̇ад̇ияо анд̇араабариниб̣б̣ааяий д̣̇адтаб̣б̣о. гасмаа? взмаж̇жхам̣ бад̇ваа анубахажжа бариниб̣б̣ааяанад̇о. д̇ад̇о маханд̇ад̇арз аяомукз хан̃н̃амаанз бабадигаа аагаасам̣ уллан̇гхид̇ваа бат̇авияам̣ бад̇ид̇ваа убахажжад̇алаа худ̇ваа ниб̣б̣ааяад̇и – зваруубо убахажжабариниб̣б̣ааяий взд̣̇ид̇аб̣б̣о. гасмаа? гаалагирияам̣ убаг̇анд̇ваа ааяуг̇ад̇им̣ кзбзд̇ваа бариниб̣б̣ааяанад̇о. д̇ад̇о маханд̇ад̇арз аяомукз хан̃н̃амаанз бабадигаа барид̇д̇з д̇ин̣агадтз бад̇ид̇ваа д̇ам̣ барид̇д̇ам̣ д̇ин̣агадтам̣ жхаабзд̇ваа ниб̣б̣ааяад̇и – зваруубо асан̇каарабариниб̣б̣ааяий взд̣̇ид̇аб̣б̣о. гасмаа? аббаяог̇зна лахусааяа г̇ад̇ияаа бариниб̣б̣ааяанад̇о. д̇ад̇о маханд̇ад̇арз аяомукз хан̃н̃амаанз бабадигаа вибулз д̇ин̣агадтабун̃ж̇з бад̇ид̇ваа д̇ам̣ вибулам̣ д̇ин̣агадтабун̃ж̇ам̣ жхаабзд̇ваа ниб̣б̣ааяад̇и – зваруубо сасан̇каарабариниб̣б̣ааяий взд̣̇ид̇аб̣б̣о. гасмаа? саббаяог̇зна алахусааяа г̇ад̇ияаа бариниб̣б̣ааяанад̇о. абараа маханд̇зсу д̇ин̣агадтабун̃ж̇зсу бад̇ад̇и, д̇ад̇т̇а маханд̇зсу д̇ин̣агадтабун̃ж̇зсу жхааяамаанзсу вийд̇ажжид̇ан̇г̇ааро ваа ж̇аалаа ваа уббад̇ид̇ваа гаммаарасаалам̣ жхаабзд̇ваа г̇ааманиг̇аманаг̇арарадтам̣ жхаабзд̇ваа самуд̣̇д̣̇анд̇ам̣ бад̇ваа ниб̣б̣ааяад̇и – зваруубо уд̣̇д̇хам̣сод̇о аганидтаг̇аамий д̣̇адтаб̣б̣о. гасмаа? анзгабхаваб̣ийж̇авибпаарам̣ пусса пусса б̣яанд̇ийгад̇ваа бариниб̣б̣ааяанад̇о. яасмаа бана аараган̣дагаад̣̇ибхзд̣̇ам̣ куд̣̇д̣̇агамби маханд̇амби аяогабааламзва, д̇асмаа суд̇д̇з саб̣б̣аваарзсу аяогабааланд̇взва вуд̇д̇ам̣ (а. ни. 7.55). яат̇ааха –

    Te sabbepi papaṭikopamāya dīpitā – divasaṃ santattānampi hi ārakaṇṭakavipphalikanakhacchedanānaṃ ayomukhe haññamāne papaṭikā uppajjitvāva nibbāyati – evarūpo paṭhamo antarāparinibbāyī veditabbo. Kasmā? Uppannasamanantarāva kilesaparinibbānena parinibbāyanato. Tato mahantatare ayomukhe haññamāne papaṭikā ākāsaṃ ullaṅghitvā nibbāyati – evarūpo dutiyo antarāparinibbāyī daṭṭhabbo. Kasmā? Vemajjhaṃ appatvā parinibbāyanato. Tato mahantatare ayomukhe haññamāne papaṭikā ākāsaṃ ullaṅghitvā nivattamānā pathaviyaṃ anupahaccatalā hutvā parinibbāyati – evarūpo tatiyo antarāparinibbāyī daṭṭhabbo. Kasmā? Vemajjhaṃ patvā anupahacca parinibbāyanato. Tato mahantatare ayomukhe haññamāne papaṭikā ākāsaṃ ullaṅghitvā pathaviyaṃ patitvā upahaccatalā hutvā nibbāyati – evarūpo upahaccaparinibbāyī veditabbo. Kasmā? Kālakiriyaṃ upagantvā āyugatiṃ khepetvā parinibbāyanato. Tato mahantatare ayomukhe haññamāne papaṭikā paritte tiṇakaṭṭhe patitvā taṃ parittaṃ tiṇakaṭṭhaṃ jhāpetvā nibbāyati – evarūpo asaṅkhāraparinibbāyī veditabbo. Kasmā? Appayogena lahusāya gatiyā parinibbāyanato. Tato mahantatare ayomukhe haññamāne papaṭikā vipule tiṇakaṭṭhapuñje patitvā taṃ vipulaṃ tiṇakaṭṭhapuñjaṃ jhāpetvā nibbāyati – evarūpo sasaṅkhāraparinibbāyī veditabbo. Kasmā? Sappayogena alahusāya gatiyā parinibbāyanato. Aparā mahantesu tiṇakaṭṭhapuñjesu patati, tattha mahantesu tiṇakaṭṭhapuñjesu jhāyamānesu vītaccitaṅgāro vā jālā vā uppatitvā kammārasālaṃ jhāpetvā gāmanigamanagararaṭṭhaṃ jhāpetvā samuddantaṃ patvā nibbāyati – evarūpo uddhaṃsoto akaniṭṭhagāmī daṭṭhabbo. Kasmā? Anekabhavabījavipphāraṃ phussa phussa byantīkatvā parinibbāyanato. Yasmā pana ārakaṇṭakādibhedaṃ khuddakampi mahantampi ayokapālameva, tasmā sutte sabbavāresu ayokapālantveva vuttaṃ (a. ni. 7.55). Yathāha –

    ‘‘ид̇ха, бхигкавз, бхигку звам̣ бадибанно ход̇и – ‘но жасса, но жа мз сияаа, на бхависсад̇и, на мз бхависсад̇и, яад̣̇ад̇т̇и яам̣ бхууд̇ам̣, д̇ам̣ баж̇ахаамий’’’д̇и убзгкам̣ бадилабхад̇и. со бхавз на раж̇ж̇ад̇и, самбхавз на раж̇ж̇ад̇и, ад̇т̇уд̇д̇ари бад̣̇ам̣ санд̇ам̣ саммаббан̃н̃ааяа бассад̇и. д̇ан̃жа квасса бад̣̇ам̣ на саб̣б̣зна саб̣б̣ам̣ сажчигад̇ам̣ ход̇и. д̇асса на саб̣б̣зна саб̣б̣ам̣ маанаанусаяо бахийно ход̇и, на саб̣б̣зна саб̣б̣ам̣ бхаварааг̇аанусаяо бахийно ход̇и, на саб̣б̣зна саб̣б̣ам̣ авиж̇ж̇аанусаяо бахийно ход̇и. со бан̃жаннам̣ орамбхааг̇ияаанам̣ сам̣яож̇анаанам̣ баригкаяаа анд̇араабариниб̣б̣ааяий ход̇и. сзяяат̇ааби, бхигкавз, д̣̇ивасам̣ санд̇ад̇д̇з аяогабаалз хан̃н̃амаанз бабадигаа ниб̣б̣ад̇д̇ид̇ваа ниб̣б̣ааязяяа; звамзва ко , бхигкавз, бхигку звам̣ бадибанно ход̇и – но жасса…бз… анд̇араабариниб̣б̣ааяий ход̇и.

    ‘‘Idha, bhikkhave, bhikkhu evaṃ paṭipanno hoti – ‘no cassa, no ca me siyā, na bhavissati, na me bhavissati, yadatthi yaṃ bhūtaṃ, taṃ pajahāmī’’’ti upekkhaṃ paṭilabhati. So bhave na rajjati, sambhave na rajjati, atthuttari padaṃ santaṃ sammappaññāya passati. Tañca khvassa padaṃ na sabbena sabbaṃ sacchikataṃ hoti. Tassa na sabbena sabbaṃ mānānusayo pahīno hoti, na sabbena sabbaṃ bhavarāgānusayo pahīno hoti, na sabbena sabbaṃ avijjānusayo pahīno hoti. So pañcannaṃ orambhāgiyānaṃ saṃyojanānaṃ parikkhayā antarāparinibbāyī hoti. Seyyathāpi, bhikkhave, divasaṃ santatte ayokapāle haññamāne papaṭikā nibbattitvā nibbāyeyya; evameva kho , bhikkhave, bhikkhu evaṃ paṭipanno hoti – no cassa…pe… antarāparinibbāyī hoti.

    ‘‘ид̇ха бана, бхигкавз, бхигку звам̣ бадибанно ход̇и – но жасса…бз… анд̇араабариниб̣б̣ааяий ход̇и. сзяяат̇ааби, бхигкавз, д̣̇ивасам̣ санд̇ад̇д̇з аяогабаалз хан̃н̃амаанз бабадигаа ниб̣б̣ад̇д̇ид̇ваа уббад̇ид̇ваа ниб̣б̣ааязяяа; звамзва ко, бхигкавз, бхигку звам̣ бадибанно ход̇и – но жасса…бз… анд̇араабариниб̣б̣ааяий ход̇и.

    ‘‘Idha pana, bhikkhave, bhikkhu evaṃ paṭipanno hoti – no cassa…pe… antarāparinibbāyī hoti. Seyyathāpi, bhikkhave, divasaṃ santatte ayokapāle haññamāne papaṭikā nibbattitvā uppatitvā nibbāyeyya; evameva kho, bhikkhave, bhikkhu evaṃ paṭipanno hoti – no cassa…pe… antarāparinibbāyī hoti.

    ‘‘ид̇ха бана, бхигкавз, бхигку звам̣ бадибанно ход̇и – но жасса…бз… анд̇араабариниб̣б̣ааяий ход̇и. сзяяат̇ааби, бхигкавз, д̣̇ивасам̣ санд̇ад̇д̇з аяогабаалз хан̃н̃амаанз бабадигаа ниб̣б̣ад̇д̇ид̇ваа уббад̇ид̇ваа анубахажжа д̇алам̣ ниб̣б̣ааязяяа; звамзва ко, бхигкавз, бхигку звам̣ бадибанно ход̇и – но жасса…бз… анд̇араабариниб̣б̣ааяий ход̇и.

    ‘‘Idha pana, bhikkhave, bhikkhu evaṃ paṭipanno hoti – no cassa…pe… antarāparinibbāyī hoti. Seyyathāpi, bhikkhave, divasaṃ santatte ayokapāle haññamāne papaṭikā nibbattitvā uppatitvā anupahacca talaṃ nibbāyeyya; evameva kho, bhikkhave, bhikkhu evaṃ paṭipanno hoti – no cassa…pe… antarāparinibbāyī hoti.

    ‘‘ид̇ха бана, бхигкавз, бхигку звам̣ бадибанно ход̇и – но жасса…бз… убахажжабариниб̣б̣ааяий ход̇и. сзяяат̇ааби, бхигкавз, д̣̇ивасам̣ санд̇ад̇д̇з аяогабаалз хан̃н̃амаанз бабадигаа ниб̣б̣ад̇д̇ид̇ваа уббад̇ид̇ваа убахажжа д̇алам̣ ниб̣б̣ааязяяа; звамзва ко, бхигкавз, бхигку звам̣ бадибанно ход̇и – но жасса…бз… убахажжабариниб̣б̣ааяий ход̇и.

    ‘‘Idha pana, bhikkhave, bhikkhu evaṃ paṭipanno hoti – no cassa…pe… upahaccaparinibbāyī hoti. Seyyathāpi, bhikkhave, divasaṃ santatte ayokapāle haññamāne papaṭikā nibbattitvā uppatitvā upahacca talaṃ nibbāyeyya; evameva kho, bhikkhave, bhikkhu evaṃ paṭipanno hoti – no cassa…pe… upahaccaparinibbāyī hoti.

    ‘‘ид̇ха бана, бхигкавз, бхигку звам̣ бадибанно ход̇и – но жасса…бз… баригкаяаа асан̇каарабариниб̣б̣ааяий ход̇и. сзяяат̇ааби, бхигкавз, д̣̇ивасам̣ санд̇ад̇д̇з аяогабаалз хан̃н̃амаанз бабадигаа ниб̣б̣ад̇д̇ид̇ваа уббад̇ид̇ваа барид̇д̇з д̇ин̣абун̃ж̇з ваа гадтабун̃ж̇з ваа нибад̇зяяа, саа д̇ад̇т̇а аг̇г̇имби ж̇анзяяа, д̇хуумамби ж̇анзяяа, аг̇г̇имби ж̇анзд̇ваа д̇хуумамби ж̇анзд̇ваа д̇амзва барид̇д̇ам̣ д̇ин̣абун̃ж̇ам̣ ваа гадтабун̃ж̇ам̣ ваа барияаад̣̇ияид̇ваа анаахаараа ниб̣б̣ааязяяа; звамзва ко, бхигкавз, бхигку звам̣ бадибанно ход̇и – но жасса…бз… баригкаяаа асан̇каарабариниб̣б̣ааяий ход̇и.

    ‘‘Idha pana, bhikkhave, bhikkhu evaṃ paṭipanno hoti – no cassa…pe… parikkhayā asaṅkhāraparinibbāyī hoti. Seyyathāpi, bhikkhave, divasaṃ santatte ayokapāle haññamāne papaṭikā nibbattitvā uppatitvā paritte tiṇapuñje vā kaṭṭhapuñje vā nipateyya, sā tattha aggimpi janeyya, dhūmampi janeyya, aggimpi janetvā dhūmampi janetvā tameva parittaṃ tiṇapuñjaṃ vā kaṭṭhapuñjaṃ vā pariyādiyitvā anāhārā nibbāyeyya; evameva kho, bhikkhave, bhikkhu evaṃ paṭipanno hoti – no cassa…pe… parikkhayā asaṅkhāraparinibbāyī hoti.

    ‘‘ид̇ха бана, бхигкавз, бхигку звам̣ бадибанно ход̇и – но жасса…бз… сасан̇каарабариниб̣б̣ааяий ход̇и. сзяяат̇ааби, бхигкавз, д̣̇ивасам̣ санд̇ад̇д̇з аяогабаалз хан̃н̃амаанз бабадигаа ниб̣б̣ад̇д̇ид̇ваа уббад̇ид̇ваа вибулз д̇ин̣абун̃ж̇з ваа гадтабун̃ж̇з ваа нибад̇зяяа, саа д̇ад̇т̇а аг̇г̇имби ж̇анзяяа…бз… д̇амзва вибулам̣ д̇ин̣абун̃ж̇ам̣ ваа гадтабун̃ж̇ам̣ ваа барияаад̣̇ияид̇ваа анаахаараа ниб̣б̣ааязяяа; звамзва ко, бхигкавз, бхигку звам̣ бадибанно ход̇и – но жасса…бз… сасан̇каарабариниб̣б̣ааяий ход̇и.

    ‘‘Idha pana, bhikkhave, bhikkhu evaṃ paṭipanno hoti – no cassa…pe… sasaṅkhāraparinibbāyī hoti. Seyyathāpi, bhikkhave, divasaṃ santatte ayokapāle haññamāne papaṭikā nibbattitvā uppatitvā vipule tiṇapuñje vā kaṭṭhapuñje vā nipateyya, sā tattha aggimpi janeyya…pe… tameva vipulaṃ tiṇapuñjaṃ vā kaṭṭhapuñjaṃ vā pariyādiyitvā anāhārā nibbāyeyya; evameva kho, bhikkhave, bhikkhu evaṃ paṭipanno hoti – no cassa…pe… sasaṅkhāraparinibbāyī hoti.

    ‘‘ид̇ха бана, бхигкавз, бхигку звам̣ бадибанно ход̇и – но жасса…бз… баригкаяаа уд̣̇д̇хам̣сод̇о ход̇и аганидтаг̇аамий. сзяяат̇ааби, бхигкавз, д̣̇ивасам̣ санд̇ад̇д̇з аяогабаалз хан̃н̃амаанз бабадигаа ниб̣б̣ад̇д̇ид̇ваа уббад̇ид̇ваа маханд̇з д̇ин̣абун̃ж̇з ваа гадтабун̃ж̇з ваа нибад̇зяяа, саа д̇ад̇т̇а аг̇г̇имби ж̇анзяяа…бз… д̇амзва маханд̇ам̣ д̇ин̣абун̃ж̇ам̣ ваа гадтабун̃ж̇ам̣ ваа барияаад̣̇ияид̇ваа г̇ажчамби д̣̇ахзяяа, д̣̇ааяамби д̣̇ахзяяа , г̇ажчамби д̣̇ахид̇ваа д̣̇ааяамби д̣̇ахид̇ваа харид̇анд̇ам̣ ваа бат̇анд̇ам̣ ваа сзланд̇ам̣ ваа уд̣̇аганд̇ам̣ ваа раман̣ийяам̣ ваа бхуумибхааг̇ам̣ ааг̇амма анаахаараа ниб̣б̣ааязяяа; звамзва ко, бхигкавз, бхигку звам̣ бадибанно ход̇и – но жасса…бз… баригкаяаа уд̣̇д̇хам̣сод̇о ход̇и аганидтаг̇аамий’’д̇и (а. ни. 7.55).

    ‘‘Idha pana, bhikkhave, bhikkhu evaṃ paṭipanno hoti – no cassa…pe… parikkhayā uddhaṃsoto hoti akaniṭṭhagāmī. Seyyathāpi, bhikkhave, divasaṃ santatte ayokapāle haññamāne papaṭikā nibbattitvā uppatitvā mahante tiṇapuñje vā kaṭṭhapuñje vā nipateyya, sā tattha aggimpi janeyya…pe… tameva mahantaṃ tiṇapuñjaṃ vā kaṭṭhapuñjaṃ vā pariyādiyitvā gacchampi daheyya, dāyampi daheyya , gacchampi dahitvā dāyampi dahitvā haritantaṃ vā pathantaṃ vā selantaṃ vā udakantaṃ vā ramaṇīyaṃ vā bhūmibhāgaṃ āgamma anāhārā nibbāyeyya; evameva kho, bhikkhave, bhikkhu evaṃ paṭipanno hoti – no cassa…pe… parikkhayā uddhaṃsoto hoti akaniṭṭhagāmī’’ti (a. ni. 7.55).

    41-44. сод̇аабад̇д̇ипаласажчигирияааяа бадибаннаад̣̇инид̣̇д̣̇зсаа уд̇д̇аанад̇т̇аава. аяам̣ вужжад̇и буг̇г̇ало арахаад̇и зд̇т̇а бана д̣̇ваад̣̇аса араханд̇о взд̣̇ид̇аб̣б̣аа. гат̇ам̣? д̇аяо хи вимогкаа – сун̃н̃ад̇о, анимид̇д̇о, аббан̣ихид̇од̇и. д̇ад̇т̇а сун̃н̃ад̇авимогкзна вимуд̇д̇акийн̣аасаво бадибад̣̇аавасзна жад̇уб̣б̣ид̇хо ход̇и; д̇ат̇аа анимид̇д̇ааббан̣ихид̇авимогкзхийд̇и – звам̣ д̣̇ваад̣̇аса араханд̇о взд̣̇ид̇аб̣б̣аа. ид̇и имз д̣̇ваад̣̇аса араханд̇о вияа д̣̇ваад̣̇асзва сагад̣̇ааг̇аамино, жад̇увийсад̇и сод̇аабаннаа, адтажад̇д̇аалийса анааг̇ааминод̇и зд̇д̇агаа буг̇г̇алаа ид̇о мужжид̇ваа б̣ахид̣̇д̇хаа нуббаж̇ж̇анд̇и, имасмин̃н̃зва саб̣б̣ан̃н̃уб̣уд̣̇д̇хасаасанз уббаж̇ж̇анд̇ийд̇и.

    41-44. Sotāpattiphalasacchikiriyāya paṭipannādiniddesā uttānatthāva. Ayaṃ vuccati puggalo arahāti ettha pana dvādasa arahanto veditabbā. Kathaṃ? Tayo hi vimokkhā – suññato, animitto, appaṇihitoti. Tattha suññatavimokkhena vimuttakhīṇāsavo paṭipadāvasena catubbidho hoti; tathā animittaappaṇihitavimokkhehīti – evaṃ dvādasa arahanto veditabbā. Iti ime dvādasa arahanto viya dvādaseva sakadāgāmino, catuvīsati sotāpannā, aṭṭhacattālīsa anāgāminoti ettakā puggalā ito muccitvā bahiddhā nuppajjanti, imasmiññeva sabbaññubuddhasāsane uppajjantīti.

    згаганид̣̇д̣̇зсаван̣н̣анаа.

    Ekakaniddesavaṇṇanā.




    Next: 2. д̣̇уганид̣̇д̣̇зсаван̣н̣анаа • 2. Dukaniddesavaṇṇanā




    Related texts:



    д̇ибидага (муула) • Tipiṭaka (Mūla) / абхид̇хаммабидага • Abhidhammapiṭaka / буг̇г̇алабан̃н̃ад̇д̇ибаал̣и • Puggalapaññattipāḷi / 1. згагабуг̇г̇алабан̃н̃ад̇д̇и • 1. Ekakapuggalapaññatti

    дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / бан̃жабагаран̣а-мууладийгаа • Pañcapakaraṇa-mūlaṭīkā / 1. згаганид̣̇д̣̇зсаван̣н̣анаа • 1. Ekakaniddesavaṇṇanā

    дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / бан̃жабагаран̣а-анудийгаа • Pañcapakaraṇa-anuṭīkā / 1. згаганид̣̇д̣̇зсаван̣н̣анаа • 1. Ekakaniddesavaṇṇanā


    © 1991-2023 The Titi Tudorancea Bulletin | Titi Tudorancea® is a Registered Trademark | Terms of use and privacy policy
    Contact