| Library / Tipiṭaka / तिपिटक • Tipiṭaka / अपदानपाळि • Apadānapāḷi |
९. एकञ्जलिकत्थेरअपदानं
9. Ekañjalikattheraapadānaṃ
१८०.
180.
‘‘सुवण्णवण्णं सम्बुद्धं, गच्छन्तं अन्तरापणे।
‘‘Suvaṇṇavaṇṇaṃ sambuddhaṃ, gacchantaṃ antarāpaṇe;
विपस्सिं सत्थवाहग्गं, नरवरं विनायकं॥
Vipassiṃ satthavāhaggaṃ, naravaraṃ vināyakaṃ.
१८१.
181.
‘‘अदन्तदमनं तादिं, महावादिं महामतिं।
‘‘Adantadamanaṃ tādiṃ, mahāvādiṃ mahāmatiṃ;
दिस्वा पसन्नो सुमनो, एकञ्जलिमकासहं॥
Disvā pasanno sumano, ekañjalimakāsahaṃ.
१८२.
182.
दुग्गतिं नाभिजानामि, अञ्जलिस्स इदं फलं॥
Duggatiṃ nābhijānāmi, añjalissa idaṃ phalaṃ.
१८३.
183.
‘‘पटिसम्भिदा चतस्सो, विमोक्खापि च अट्ठिमे।
‘‘Paṭisambhidā catasso, vimokkhāpi ca aṭṭhime;
छळभिञ्ञा सच्छिकता, कतं बुद्धस्स सासनं’’॥
Chaḷabhiññā sacchikatā, kataṃ buddhassa sāsanaṃ’’.
इत्थं सुदं आयस्मा एकञ्जलिको थेरो इमा गाथायो अभासित्थाति।
Itthaṃ sudaṃ āyasmā ekañjaliko thero imā gāthāyo abhāsitthāti.
एकञ्जलिकत्थेरस्सापदानं नवमं।
Ekañjalikattherassāpadānaṃ navamaṃ.
Footnotes:
Related texts:
अट्ठकथा • Aṭṭhakathā / सुत्तपिटक (अट्ठकथा) • Suttapiṭaka (aṭṭhakathā) / खुद्दकनिकाय (अट्ठकथा) • Khuddakanikāya (aṭṭhakathā) / अपदान-अट्ठकथा • Apadāna-aṭṭhakathā / ९. एकञ्जलिकत्थेरअपदानवण्णना • 9. Ekañjalikattheraapadānavaṇṇanā
