| Library / Tipiṭaka / तिपिटक • Tipiṭaka / अपदानपाळि • Apadānapāḷi |
५. एकञ्जलिकत्थेरअपदानं
5. Ekañjalikattheraapadānaṃ
१९.
19.
‘‘उदुम्बरे वसन्तस्स, नियते पण्णसन्थरे।
‘‘Udumbare vasantassa, niyate paṇṇasanthare;
वुत्थोकासो मया दिन्नो, समणस्स महेसिनो॥
Vutthokāso mayā dinno, samaṇassa mahesino.
२०.
20.
‘‘तिस्सस्स द्विपदिन्दस्स, लोकनाथस्स तादिनो।
‘‘Tissassa dvipadindassa, lokanāthassa tādino;
अञ्जलिं पग्गहेत्वान, सन्थरिं पुप्फसन्थरं॥
Añjaliṃ paggahetvāna, santhariṃ pupphasantharaṃ.
२१.
21.
‘‘द्वेनवुते इतो कप्पे, यं करिं पुप्फसन्थरं।
‘‘Dvenavute ito kappe, yaṃ kariṃ pupphasantharaṃ;
दुग्गतिं नाभिजानामि, सन्थरस्स इदं फलं॥
Duggatiṃ nābhijānāmi, santharassa idaṃ phalaṃ.
२२.
22.
‘‘इतो चुद्दसकप्पम्हि, अहोसिं मनुजाधिपो।
‘‘Ito cuddasakappamhi, ahosiṃ manujādhipo;
एकअञ्जलिको नाम, चक्कवत्ती महब्बलो॥
Ekaañjaliko nāma, cakkavattī mahabbalo.
२३.
23.
‘‘पटिसम्भिदा चतस्सो…पे॰… कतं बुद्धस्स सासनं’’॥
‘‘Paṭisambhidā catasso…pe… kataṃ buddhassa sāsanaṃ’’.
इत्थं सुदं आयस्मा एकञ्जलिको थेरो इमा गाथायो अभासित्थाति।
Itthaṃ sudaṃ āyasmā ekañjaliko thero imā gāthāyo abhāsitthāti.
एकञ्जलिकत्थेरस्सापदानं पञ्चमं।
Ekañjalikattherassāpadānaṃ pañcamaṃ.
Related texts:
अट्ठकथा • Aṭṭhakathā / सुत्तपिटक (अट्ठकथा) • Suttapiṭaka (aṭṭhakathā) / खुद्दकनिकाय (अट्ठकथा) • Khuddakanikāya (aṭṭhakathā) / अपदान-अट्ठकथा • Apadāna-aṭṭhakathā / १-१०. सुवण्णबिब्बोहनियत्थेरअपदानादिवण्णना • 1-10. Suvaṇṇabibbohaniyattheraapadānādivaṇṇanā
