| Library / Tipiṭaka / д̇ибидага • Tipiṭaka / ж̇аад̇ага-адтагат̇аа • Jātaka-aṭṭhakathā |
[238] 8. згабад̣̇аж̇аад̇агаван̣н̣анаа
[238] 8. Ekapadajātakavaṇṇanā
ин̇гха згабад̣̇ам̣, д̇аад̇аад̇и ид̣̇ам̣ сад̇т̇аа ж̇зд̇аванз вихаранд̇о згам̣ гудумб̣игам̣ аараб̣бха гат̇зси. саавад̇т̇иваасий гирзса гудумб̣иго, ат̇асса згад̣̇ивасам̣ ан̇гз нисинно буд̇д̇о ад̇т̇асса д̣̇ваарам̣ наама бан̃хам̣ бужчи. со ‘‘б̣уд̣̇д̇хависаяо зса бан̃хо, на д̇ам̣ ан̃н̃о гат̇зд̇ум̣ сагкиссад̇ий’’д̇и буд̇д̇ам̣ г̇ахзд̇ваа ж̇зд̇аванам̣ г̇анд̇ваа сад̇т̇аарам̣ ванд̣̇ид̇ваа ‘‘бханд̇з, аяам̣ мз д̣̇аараго уурумхи нисинно ад̇т̇асса д̣̇ваарам̣ наама бан̃хам̣ бужчи, ахам̣ д̇ам̣ аж̇аананд̇о ид̇хааг̇ад̇о, гат̇зт̇а, бханд̇з, имам̣ бан̃ха’’нд̇и. сад̇т̇аа ‘‘на ко, убаасага, аяам̣ д̣̇аараго ид̣̇аанзва ад̇т̇аг̇авзсаго, буб̣б̣зби ад̇т̇аг̇авзсагова худ̇ваа имам̣ бан̃хам̣ бан̣д̣ид̇з бужчи, бораан̣агабан̣д̣ид̇аабисса гат̇зсум̣, бхавасан̇кзбаг̇ад̇ад̇д̇аа бана на саллагкзсий’’д̇и вад̇ваа д̇зна яаажид̇о ад̇ийд̇ам̣ аахари.
Iṅghaekapadaṃ, tātāti idaṃ satthā jetavane viharanto ekaṃ kuṭumbikaṃ ārabbha kathesi. Sāvatthivāsī kiresa kuṭumbiko, athassa ekadivasaṃ aṅke nisinno putto atthassa dvāraṃ nāma pañhaṃ pucchi. So ‘‘buddhavisayo esa pañho, na taṃ añño kathetuṃ sakkhissatī’’ti puttaṃ gahetvā jetavanaṃ gantvā satthāraṃ vanditvā ‘‘bhante, ayaṃ me dārako ūrumhi nisinno atthassa dvāraṃ nāma pañhaṃ pucchi, ahaṃ taṃ ajānanto idhāgato, kathetha, bhante, imaṃ pañha’’nti. Satthā ‘‘na kho, upāsaka, ayaṃ dārako idāneva atthagavesako, pubbepi atthagavesakova hutvā imaṃ pañhaṃ paṇḍite pucchi, porāṇakapaṇḍitāpissa kathesuṃ, bhavasaṅkhepagatattā pana na sallakkhesī’’ti vatvā tena yācito atītaṃ āhari.
ад̇ийд̇з б̣аараан̣асияам̣ б̣рахмад̣̇ад̇д̇з раж̇ж̇ам̣ гаарзнд̇з б̣од̇хисад̇д̇о сздтигулз ниб̣б̣ад̇д̇ид̇ваа ваяаббад̇д̇о бид̇у ажжаязна сздтидтаанам̣ лабхи. ат̇асса буд̇д̇о д̣̇ахаро гумааро уурумхи нисийд̣̇ид̇ваа ‘‘д̇аад̇а, маяхам̣ згабад̣̇ам̣ анзгад̇т̇аниссид̇ам̣ згам̣ гааран̣ам̣ гат̇зт̇аа’’д̇и бужчанд̇о батамам̣ г̇аат̇амааха –
Atīte bārāṇasiyaṃ brahmadatte rajjaṃ kārente bodhisatto seṭṭhikule nibbattitvā vayappatto pitu accayena seṭṭhiṭṭhānaṃ labhi. Athassa putto daharo kumāro ūrumhi nisīditvā ‘‘tāta, mayhaṃ ekapadaṃ anekatthanissitaṃ ekaṃ kāraṇaṃ kathethā’’ti pucchanto paṭhamaṃ gāthamāha –
175.
175.
‘‘ин̇гха згабад̣̇ам̣ д̇аад̇а, анзгад̇т̇абад̣̇ассид̇ам̣;
‘‘Iṅgha ekapadaṃ tāta, anekatthapadassitaṃ;
гин̃жи сан̇г̇аахигам̣ б̣рууси, язнад̇т̇з саад̇хаязмасз’’д̇и.
Kiñci saṅgāhikaṃ brūsi, yenatthe sādhayemase’’ti.
д̇ад̇т̇а ин̇гхаад̇и яаажанад̇т̇з жод̣̇анад̇т̇з ваа нибаад̇о. згабад̣̇анд̇и згам̣ гааран̣абад̣̇ам̣, згам̣ гааран̣уубасан̃хид̇ам̣ ваа б̣яан̃ж̇анабад̣̇ам̣. анзгад̇т̇абад̣̇ассид̇анд̇и анзгаани ад̇т̇абад̣̇аани гааран̣абад̣̇аани ниссид̇ам̣. гин̃жи сан̇г̇аахигам̣ б̣руусийд̇и гин̃жи згабад̣̇ам̣ б̣ахуунам̣ бад̣̇аанам̣ сан̇г̇аахигам̣ б̣руухи, аяамзва ваа баато. язнад̇т̇з саад̇хаязмасзд̇и язна згзна бад̣̇зна анзгад̇т̇аниссид̇зна маяам̣ ад̇д̇ано вуд̣дхим̣ саад̇хзяяаама, д̇ам̣ мз гат̇зхийд̇и бужчи.
Tattha iṅghāti yācanatthe codanatthe vā nipāto. Ekapadanti ekaṃ kāraṇapadaṃ, ekaṃ kāraṇūpasañhitaṃ vā byañjanapadaṃ. Anekatthapadassitanti anekāni atthapadāni kāraṇapadāni nissitaṃ. Kiñci saṅgāhikaṃ brūsīti kiñci ekapadaṃ bahūnaṃ padānaṃ saṅgāhikaṃ brūhi, ayameva vā pāṭho. Yenatthe sādhayemaseti yena ekena padena anekatthanissitena mayaṃ attano vuḍḍhiṃ sādheyyāma, taṃ me kathehīti pucchi.
ат̇асса бид̇аа гат̇знд̇о д̣̇уд̇ияам̣ г̇аат̇амааха –
Athassa pitā kathento dutiyaṃ gāthamāha –
176.
176.
‘‘д̣̇агкзяязгабад̣̇ам̣ д̇аад̇а, анзгад̇т̇абад̣̇ассид̇ам̣;
‘‘Dakkheyyekapadaṃ tāta, anekatthapadassitaṃ;
д̇ан̃жа сийлзна сан̃н̃уд̇д̇ам̣, канд̇ияаа убабаад̣̇ид̇ам̣;
Tañca sīlena saññuttaṃ, khantiyā upapāditaṃ;
алам̣ мид̇д̇з сукаабзд̇ум̣, амид̇д̇аанам̣ д̣̇укааяа жаа’’д̇и.
Alaṃ mitte sukhāpetuṃ, amittānaṃ dukhāya cā’’ti.
д̇ад̇т̇а д̣̇агкзяязгабад̣̇анд̇и д̣̇агкзяяам̣ згабад̣̇ам̣. д̣̇агкзяяам̣ наама лаабхуббаад̣̇агасса чзгасса гусаласса н̃аан̣асамбаяуд̇д̇ам̣ вийрияам̣. анзгад̇т̇абад̣̇ассид̇анд̇и звам̣ вуд̇д̇аббагаарам̣ вийрияам̣ анзгзхи ад̇т̇абад̣̇зхи ниссид̇ам̣. гад̇арзхийд̇и? сийлаад̣̇ийхи. д̇знзва ‘‘д̇ан̃жа сийлзна сан̃н̃уд̇д̇а’’нд̇иаад̣̇имааха. д̇ассад̇т̇о – д̇ан̃жа банзд̇ам̣ вийрияам̣ аажаарасийласамбаяуд̇д̇ам̣ ад̇хиваасанаканд̇ияаа убзд̇ам̣ мид̇д̇з сукаабзд̇ум̣ амид̇д̇аанан̃жа д̣̇угкааяа алам̣ самад̇т̇ам̣. го хи наама лаабхуббаад̣̇аган̃аан̣асамбаяуд̇д̇агусалавийрияасаманнааг̇ад̇о аажаараканд̇исамбанно мид̇д̇з сукаабзд̇ум̣, амид̇д̇з ваа д̣̇угкаабзд̇ум̣ на саггод̇ийд̇и.
Tattha dakkheyyekapadanti dakkheyyaṃ ekapadaṃ. Dakkheyyaṃ nāma lābhuppādakassa chekassa kusalassa ñāṇasampayuttaṃ vīriyaṃ. Anekatthapadassitanti evaṃ vuttappakāraṃ vīriyaṃ anekehi atthapadehi nissitaṃ. Katarehīti? Sīlādīhi. Teneva ‘‘tañca sīlena saññutta’’ntiādimāha. Tassattho – tañca panetaṃ vīriyaṃ ācārasīlasampayuttaṃ adhivāsanakhantiyā upetaṃ mitte sukhāpetuṃ amittānañca dukkhāya alaṃ samatthaṃ. Ko hi nāma lābhuppādakañāṇasampayuttakusalavīriyasamannāgato ācārakhantisampanno mitte sukhāpetuṃ, amitte vā dukkhāpetuṃ na sakkotīti.
звам̣ б̣од̇хисад̇д̇о буд̇д̇асса бан̃хам̣ гат̇зси. соби бид̇у гат̇ид̇анаязнзва ад̇д̇ано ад̇т̇ам̣ саад̇хзд̇ваа яат̇аагаммам̣ г̇ад̇о.
Evaṃ bodhisatto puttassa pañhaṃ kathesi. Sopi pitu kathitanayeneva attano atthaṃ sādhetvā yathākammaṃ gato.
сад̇т̇аа имам̣ д̇хаммад̣̇зсанам̣ аахарид̇ваа сажжаани багаасзд̇ваа ж̇аад̇агам̣ самод̇хаанзси, сажжабарияосаанз бид̇аабуд̇д̇аа сод̇аабад̇д̇ипалз бад̇идтид̇аа. ‘‘д̇ад̣̇аа буд̇д̇о аяамзва буд̇д̇о ахоси, б̣аараан̣асисздти бана ахамзва ахоси’’нд̇и.
Satthā imaṃ dhammadesanaṃ āharitvā saccāni pakāsetvā jātakaṃ samodhānesi, saccapariyosāne pitāputtā sotāpattiphale patiṭṭhitā. ‘‘Tadā putto ayameva putto ahosi, bārāṇasiseṭṭhi pana ahameva ahosi’’nti.
згабад̣̇аж̇аад̇агаван̣н̣анаа адтамаа.
Ekapadajātakavaṇṇanā aṭṭhamā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / ж̇аад̇агабаал̣и • Jātakapāḷi / 238. згабад̣̇аж̇аад̇агам̣ • 238. Ekapadajātakaṃ
