| Library / Tipiṭaka / д̇ибидага • Tipiṭaka / сам̣яуд̇д̇анигааяа • Saṃyuttanikāya |
3. згабуд̇д̇агасуд̇д̇ам̣
3. Ekaputtakasuttaṃ
172. саавад̇т̇ияам̣ вихарад̇и…бз… ‘‘д̣̇аарун̣о, бхигкавз, лаабхасаггаарасилого…бз… сад̣̇д̇хаа, бхигкавз, убаасигаа згабуд̇д̇агам̣ бияам̣ манаабам̣ звам̣ саммаа ааяаажамаанаа ааяаажзяяа – ‘д̇аад̣̇исо, д̇аад̇а, бхаваахи яаад̣̇исо жид̇д̇о жа г̇ахабад̇и хад̇т̇аго жа аал̣аваго’д̇и. зсаа, бхигкавз , д̇улаа зд̇ам̣ бамаан̣ам̣ мама саавагаанам̣ убаасагаанам̣, яад̣̇ид̣̇ам̣ жид̇д̇о жа г̇ахабад̇и хад̇т̇аго жа аал̣аваго. сажз ко д̇вам̣, д̇аад̇а, аг̇аарасмаа анаг̇аарияам̣ баб̣б̣аж̇аси; д̇аад̣̇исо, д̇аад̇а, бхаваахи яаад̣̇исаа саарибуд̇д̇амог̇г̇аллаанаад̇и. зсаа, бхигкавз, д̇улаа зд̇ам̣ бамаан̣ам̣ мама саавагаанам̣ бхигкуунам̣, яад̣̇ид̣̇ам̣ саарибуд̇д̇амог̇г̇алаанаа . маа жа ко д̇вам̣, д̇аад̇а, сзкам̣ аббад̇д̇амаанасам̣ лаабхасаггаарасилого анубаабун̣аад̇ууд̇и. д̇ан̃жз, бхигкавз, бхигкум̣ сзкам̣ аббад̇д̇амаанасам̣ лаабхасаггаарасилого анубаабун̣аад̇и, со д̇асса ход̇и анд̇арааяааяа. звам̣ д̣̇аарун̣о ко, бхигкавз, лаабхасаггаарасилого…бз… зван̃хи во, бхигкавз, сигкид̇аб̣б̣а’’нд̇и. д̇ад̇ияам̣.
172. Sāvatthiyaṃ viharati…pe… ‘‘dāruṇo, bhikkhave, lābhasakkārasiloko…pe… saddhā, bhikkhave, upāsikā ekaputtakaṃ piyaṃ manāpaṃ evaṃ sammā āyācamānā āyāceyya – ‘tādiso, tāta, bhavāhi yādiso citto ca gahapati hatthako ca āḷavako’ti. Esā, bhikkhave , tulā etaṃ pamāṇaṃ mama sāvakānaṃ upāsakānaṃ, yadidaṃ citto ca gahapati hatthako ca āḷavako. Sace kho tvaṃ, tāta, agārasmā anagāriyaṃ pabbajasi; tādiso, tāta, bhavāhi yādisā sāriputtamoggallānāti. Esā, bhikkhave, tulā etaṃ pamāṇaṃ mama sāvakānaṃ bhikkhūnaṃ, yadidaṃ sāriputtamoggalānā . Mā ca kho tvaṃ, tāta, sekhaṃ appattamānasaṃ lābhasakkārasiloko anupāpuṇātūti. Tañce, bhikkhave, bhikkhuṃ sekhaṃ appattamānasaṃ lābhasakkārasiloko anupāpuṇāti, so tassa hoti antarāyāya. Evaṃ dāruṇo kho, bhikkhave, lābhasakkārasiloko…pe… evañhi vo, bhikkhave, sikkhitabba’’nti. Tatiyaṃ.
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 3-6. згабуд̇д̇агасуд̇д̇аад̣̇иван̣н̣анаа • 3-6. Ekaputtakasuttādivaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 3-6. згабуд̇д̇агасуд̇д̇аад̣̇иван̣н̣анаа • 3-6. Ekaputtakasuttādivaṇṇanā
