| Library / Tipiṭaka / तिपिटक • Tipiṭaka / अपदानपाळि • Apadānapāḷi |
३. एकासनदायकत्थेरअपदानं
3. Ekāsanadāyakattheraapadānaṃ
३६.
36.
‘‘हिमवन्तस्साविदूरे , गोसितो नाम पब्बतो।
‘‘Himavantassāvidūre , gosito nāma pabbato;
अस्समो सुकतो मय्हं, पण्णसाला सुमापिता॥
Assamo sukato mayhaṃ, paṇṇasālā sumāpitā.
३७.
37.
‘‘नारदो नाम नामेन, कस्सपो इति मं विदू।
‘‘Nārado nāma nāmena, kassapo iti maṃ vidū;
सुद्धिमग्गं गवेसन्तो, वसामि गोसिते तदा॥
Suddhimaggaṃ gavesanto, vasāmi gosite tadā.
३८.
38.
‘‘पदुमुत्तरो नाम जिनो, सब्बधम्मान पारगू।
‘‘Padumuttaro nāma jino, sabbadhammāna pāragū;
विवेककामो सम्बुद्धो, अगञ्छि अनिलञ्जसा॥
Vivekakāmo sambuddho, agañchi anilañjasā.
३९.
39.
‘‘वनग्गे गच्छमानस्स, दिस्वा रंसिं महेसिनो।
‘‘Vanagge gacchamānassa, disvā raṃsiṃ mahesino;
कट्ठमञ्चं पञ्ञापेत्वा, अजिनञ्च अपत्थरिं॥
Kaṭṭhamañcaṃ paññāpetvā, ajinañca apatthariṃ.
४०.
40.
‘‘आसनं पञ्ञापेत्वान, सिरे कत्वान अञ्जलिं।
‘‘Āsanaṃ paññāpetvāna, sire katvāna añjaliṃ;
सोमनस्सं पवेदित्वा, इदं वचनमब्रविं॥
Somanassaṃ paveditvā, idaṃ vacanamabraviṃ.
४१.
41.
‘‘‘सल्लकत्तो महावीर, आतुरानं तिकिच्छको।
‘‘‘Sallakatto mahāvīra, āturānaṃ tikicchako;
४२.
42.
‘‘‘कल्लत्थिका ये पस्सन्ति, बुद्धसेट्ठ तुवं मुने।
‘‘‘Kallatthikā ye passanti, buddhaseṭṭha tuvaṃ mune;
४३.
43.
‘‘‘न मे देय्यधम्मो अत्थि, पवत्तफलभोजिहं।
‘‘‘Na me deyyadhammo atthi, pavattaphalabhojihaṃ;
४४.
44.
मुहुत्तं वीतिनामेत्वा, इदं वचनमब्रवि॥
Muhuttaṃ vītināmetvā, idaṃ vacanamabravi.
४५.
45.
४६.
46.
‘‘‘न मोघं तं कतं तुय्हं, पुञ्ञक्खेत्ते अनुत्तरे।
‘‘‘Na moghaṃ taṃ kataṃ tuyhaṃ, puññakkhette anuttare;
४७.
47.
‘‘‘इमिनासनदानेन, चेतनापणिधीहि च।
‘‘‘Imināsanadānena, cetanāpaṇidhīhi ca;
कप्पसतसहस्सानि, विनिपातं न गच्छसि॥
Kappasatasahassāni, vinipātaṃ na gacchasi.
४८.
48.
‘‘‘पञ्ञासक्खत्तुं देविन्दो, देवरज्जं करिस्ससि।
‘‘‘Paññāsakkhattuṃ devindo, devarajjaṃ karissasi;
असीतिक्खत्तुं राजा च, चक्कवत्ती भविस्ससि॥
Asītikkhattuṃ rājā ca, cakkavattī bhavissasi.
४९.
49.
‘‘‘पदेसरज्जं विपुलं, गणनातो असङ्खियं।
‘‘‘Padesarajjaṃ vipulaṃ, gaṇanāto asaṅkhiyaṃ;
सब्बत्थ सुखितो हुत्वा, संसारे संसरिस्ससि’॥
Sabbattha sukhito hutvā, saṃsāre saṃsarissasi’.
५०.
50.
‘‘इदं वत्वान सम्बुद्धो, जलजुत्तमनामको।
‘‘Idaṃ vatvāna sambuddho, jalajuttamanāmako;
नभं अब्भुग्गमी वीरो, हंसराजाव अम्बरे॥
Nabhaṃ abbhuggamī vīro, haṃsarājāva ambare.
५१.
51.
‘‘हत्थियानं अस्सयानं, सरथं सन्दमानिकं।
‘‘Hatthiyānaṃ assayānaṃ, sarathaṃ sandamānikaṃ;
लभामि सब्बमेवेतं, एकासनस्सिदं फलं॥
Labhāmi sabbamevetaṃ, ekāsanassidaṃ phalaṃ.
५२.
52.
‘‘काननं पविसित्वापि, यदा इच्छामि आसनं।
‘‘Kānanaṃ pavisitvāpi, yadā icchāmi āsanaṃ;
मम सङ्कप्पमञ्ञाय, पल्लङ्को उपतिट्ठति॥
Mama saṅkappamaññāya, pallaṅko upatiṭṭhati.
५३.
53.
‘‘वारिमज्झगतो सन्तो, यदा इच्छामि आसनं।
‘‘Vārimajjhagato santo, yadā icchāmi āsanaṃ;
मम सङ्कप्पमञ्ञाय, पल्लङ्को उपतिट्ठति॥
Mama saṅkappamaññāya, pallaṅko upatiṭṭhati.
५४.
54.
‘‘यं यं योनुपपज्जामि, देवत्तं अथ मानुसं।
‘‘Yaṃ yaṃ yonupapajjāmi, devattaṃ atha mānusaṃ;
पल्लङ्कसतसहस्सानि, परिवारेन्ति मं सदा॥
Pallaṅkasatasahassāni, parivārenti maṃ sadā.
५५.
55.
‘‘दुवे भवे संसरामि, देवत्ते अथ मानुसे।
‘‘Duve bhave saṃsarāmi, devatte atha mānuse;
दुवे कुले पजायामि, खत्तिये अथ ब्राह्मणे॥
Duve kule pajāyāmi, khattiye atha brāhmaṇe.
५६.
56.
‘‘एकासनं ददित्वान, पुञ्ञक्खेत्ते अनुत्तरे।
‘‘Ekāsanaṃ daditvāna, puññakkhette anuttare;
५७.
57.
‘‘सतसहस्सितो कप्पे, यं दानमददिं तदा।
‘‘Satasahassito kappe, yaṃ dānamadadiṃ tadā;
दुग्गतिं नाभिजानामि, एकासनस्सिदं फलं॥
Duggatiṃ nābhijānāmi, ekāsanassidaṃ phalaṃ.
५८.
58.
‘‘किलेसा झापिता मय्हं…पे॰… विहरामि अनासवो॥
‘‘Kilesā jhāpitā mayhaṃ…pe… viharāmi anāsavo.
५९.
59.
‘‘स्वागतं वत मे आसि…पे॰… कतं बुद्धस्स सासनं॥
‘‘Svāgataṃ vata me āsi…pe… kataṃ buddhassa sāsanaṃ.
६०.
60.
‘‘पटिसम्भिदा चतस्सो…पे॰… कतं बुद्धस्स सासनं’’॥
‘‘Paṭisambhidā catasso…pe… kataṃ buddhassa sāsanaṃ’’.
इत्थं सुदं आयस्मा एकासनदायको थेरो इमा गाथायो
Itthaṃ sudaṃ āyasmā ekāsanadāyako thero imā gāthāyo
अभासित्थाति।
Abhāsitthāti.
एकासनदायकत्थेरस्सापदानं ततियं।
Ekāsanadāyakattherassāpadānaṃ tatiyaṃ.
Footnotes:
Related texts:
अट्ठकथा • Aṭṭhakathā / सुत्तपिटक (अट्ठकथा) • Suttapiṭaka (aṭṭhakathā) / खुद्दकनिकाय (अट्ठकथा) • Khuddakanikāya (aṭṭhakathā) / अपदान-अट्ठकथा • Apadāna-aṭṭhakathā / १-६०. सकिंसम्मज्जकत्थेरअपदानादिवण्णना • 1-60. Sakiṃsammajjakattheraapadānādivaṇṇanā
