| Library / Tipiṭaka / ਤਿਪਿਟਕ • Tipiṭaka / ਅਪਦਾਨ-ਅਟ੍ਠਕਥਾ • Apadāna-aṭṭhakathā |
੪. ਏਕਾਸਨਿਯਤ੍ਥੇਰਅਪਦਾਨવਣ੍ਣਨਾ
4. Ekāsaniyattheraapadānavaṇṇanā
વਰੁਣੋ ਨਾਮ ਨਾਮੇਨਾਤਿਆਦਿਕਂ ਆਯਸ੍ਮਤੋ ਏਕਾਸਨਿਯਤ੍ਥੇਰਸ੍ਸ ਅਪਦਾਨਂ। ਅਯਮ੍ਪਿ ਪੁਰਿਮਬੁਦ੍ਧੇਸੁ ਕਤਾਧਿਕਾਰੋ ਤਤ੍ਥ ਤਤ੍ਥ ਭવੇ વਿવਟ੍ਟੂਪਨਿਸ੍ਸਯਾਨਿ ਪੁਞ੍ਞਾਨਿ ਉਪਚਿਨਨ੍ਤੋ ਅਤ੍ਥਦਸ੍ਸਿਸ੍ਸ ਭਗવਤੋ ਕਾਲੇ વਰੁਣੋ ਨਾਮ ਦੇવਰਾਜਾ ਹੁਤ੍વਾ ਨਿਬ੍ਬਤ੍ਤਿ। ਸੋ ਭਗવਨ੍ਤਂ ਦਿਸ੍વਾ ਪਸਨ੍ਨਮਾਨਸੋ ਗਨ੍ਧਮਾਲਾਦੀਹਿ ਗੀਤવਾਦਿਤੇਹਿ ਚ ਉਪਟ੍ਠਯਮਾਨੋ ਸਪਰਿવਾਰੋ ਪੂਜੇਸਿ। ਤਤੋ ਅਪਰਭਾਗੇ ਭਗવਤਿ ਪਰਿਨਿਬ੍ਬੁਤੇ ਤਸ੍ਸ ਮਹਾਬੋਧਿਰੁਕ੍ਖਂ ਬੁਦ੍ਧਦਸ੍ਸਨਂ વਿਯ ਸਬ੍ਬਤੂਰਿਯਤਾਲ਼ਾવਚਰੇਹਿ ਸਪਰਿવਾਰੋ ਉਪਹਾਰਮਕਾਸਿ। ਸੋ ਤੇਨ ਪੁਞ੍ਞੇਨ ਤਤੋ ਕਾਲਙ੍ਕਤ੍વਾ ਨਿਮ੍ਮਾਨਰਤਿਦੇવਲੋਕੇ ਉਪ੍ਪਜ੍ਜਿ। ਏવਂ ਦੇવਸਮ੍ਪਤ੍ਤਿਮਨੁਭવਿਤ੍વਾ ਮਨੁਸ੍ਸੇਸੁ ਚ ਮਨੁਸ੍ਸਭੂਤੋ ਚਕ੍ਕવਤ੍ਤਿਸਮ੍ਪਤ੍ਤਿਂ ਅਨੁਭવਿਤ੍વਾ ਇਮਸ੍ਮਿਂ ਬੁਦ੍ਧੁਪ੍ਪਾਦੇ ਕੁਲਗੇਹੇ ਨਿਬ੍ਬਤ੍ਤੋ વਿਞ੍ਞੁਤਂ ਪਤ੍વਾ ਸਤ੍ਥੁ ਸਾਸਨੇ ਪਬ੍ਬਜਿਤ੍વਾ ਨਚਿਰਸ੍ਸੇવ ਅਰਹਾ ਅਹੋਸਿ।
Varuṇonāma nāmenātiādikaṃ āyasmato ekāsaniyattherassa apadānaṃ. Ayampi purimabuddhesu katādhikāro tattha tattha bhave vivaṭṭūpanissayāni puññāni upacinanto atthadassissa bhagavato kāle varuṇo nāma devarājā hutvā nibbatti. So bhagavantaṃ disvā pasannamānaso gandhamālādīhi gītavāditehi ca upaṭṭhayamāno saparivāro pūjesi. Tato aparabhāge bhagavati parinibbute tassa mahābodhirukkhaṃ buddhadassanaṃ viya sabbatūriyatāḷāvacarehi saparivāro upahāramakāsi. So tena puññena tato kālaṅkatvā nimmānaratidevaloke uppajji. Evaṃ devasampattimanubhavitvā manussesu ca manussabhūto cakkavattisampattiṃ anubhavitvā imasmiṃ buddhuppāde kulagehe nibbatto viññutaṃ patvā satthu sāsane pabbajitvā nacirasseva arahā ahosi.
੩੧. ਸੋ ਪਚ੍ਛਾ ਸਕਕਮ੍ਮਂ ਸਰਿਤ੍વਾ ਤਂ ਤਥਤੋ ਞਤ੍વਾ ਸੋਮਨਸ੍ਸਜਾਤੋ ਪੁਬ੍ਬਚਰਿਤਾਪਦਾਨਂ ਪਕਾਸੇਨ੍ਤੋ વਰੁਣੋ ਨਾਮ ਨਾਮੇਨਾਤਿਆਦਿਮਾਹ। ਤਤ੍ਥ ਯਦਾ ਅਹਂ ਸਮ੍ਬੋਧਨਤ੍ਥਾਯ ਬੁਦ੍ਧਂ ਬੋਧਿਞ੍ਚ ਪੂਜੇਸਿਂ, ਤਦਾ વਰੁਣੋ ਨਾਮ ਦੇવਰਾਜਾ ਅਹੋਸਿਨ੍ਤਿ ਸਮ੍ਬਨ੍ਧੋ।
31. So pacchā sakakammaṃ saritvā taṃ tathato ñatvā somanassajāto pubbacaritāpadānaṃ pakāsento varuṇo nāma nāmenātiādimāha. Tattha yadā ahaṃ sambodhanatthāya buddhaṃ bodhiñca pūjesiṃ, tadā varuṇo nāma devarājā ahosinti sambandho.
੩੪. ਧਰਣੀਰੁਹਪਾਦਪਨ੍ਤਿ ਏਤ੍ਥ ਰੁਕ੍ਖਲਤਾਪਬ੍ਬਤਸਤ੍ਥਰਤਨਾਦਯੋ ਧਾਰੇਤੀਤਿ ਧਰਣੀ, ਤਸ੍ਮਿਂ ਰੁਹਤਿ ਪਤਿਟ੍ਠਹਤੀਤਿ ਧਰਣੀਰੁਹੋ। ਪਾਦੇਨ ਪਿવਤੀਤਿ ਪਾਦਪੋ, ਸਿਞ੍ਚਿਤਸਿਞ੍ਚਿਤੋਦਕਂ ਪਾਦੇਨ ਮੂਲੇਨ ਪਿવਤਿ ਰੁਕ੍ਖਕ੍ਖਨ੍ਧਸਾਖਾવਿਟਪੇਹਿ ਆਪੋਰਸਂ ਪਤ੍ਥਰਿਯਤੀਤਿ ਅਤ੍ਥੋ, ਤਂ ਧਰਣੀਰੁਹਪਾਦਪਂ ਬੋਧਿਰੁਕ੍ਖਨ੍ਤਿ ਸਮ੍ਬਨ੍ਧੋ।
34.Dharaṇīruhapādapanti ettha rukkhalatāpabbatasattharatanādayo dhāretīti dharaṇī, tasmiṃ ruhati patiṭṭhahatīti dharaṇīruho. Pādena pivatīti pādapo, siñcitasiñcitodakaṃ pādena mūlena pivati rukkhakkhandhasākhāviṭapehi āporasaṃ patthariyatīti attho, taṃ dharaṇīruhapādapaṃ bodhirukkhanti sambandho.
੩੫. ਸਕਕਮ੍ਮਾਭਿਰਦ੍ਧੋਤਿ ਅਤ੍ਤਨੋ ਕੁਸਲਕਮ੍ਮੇਨ ਅਭਿਰਦ੍ਧੋ ਪਸਨ੍ਨੋ ਉਤ੍ਤਮੇ ਬੋਧਿਮ੍ਹਿ ਪਸਨ੍ਨੋਤਿ ਸਮ੍ਬਨ੍ਧੋ। ਸੇਸਂ ਸਬ੍ਬਤ੍ਥ ਉਤ੍ਤਾਨਮੇવਾਤਿ।
35.Sakakammābhiraddhoti attano kusalakammena abhiraddho pasanno uttame bodhimhi pasannoti sambandho. Sesaṃ sabbattha uttānamevāti.
ਏਕਾਸਨਿਯਤ੍ਥੇਰਅਪਦਾਨવਣ੍ਣਨਾ ਸਮਤ੍ਤਾ।
Ekāsaniyattheraapadānavaṇṇanā samattā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਖੁਦ੍ਦਕਨਿਕਾਯ • Khuddakanikāya / ਅਪਦਾਨਪਾਲ਼ਿ • Apadānapāḷi / ੪. ਏਕਾਸਨਿਯਤ੍ਥੇਰਅਪਦਾਨਂ • 4. Ekāsaniyattheraapadānaṃ
