| Library / Tipiṭaka / तिपिटक • Tipiṭaka / अपदानपाळि • Apadānapāḷi |
५. एकसञ्ञकत्थेरअपदानं
5. Ekasaññakattheraapadānaṃ
१८.
18.
‘‘खण्डो नामासि नामेन, विपस्सिस्सग्गसावको।
‘‘Khaṇḍo nāmāsi nāmena, vipassissaggasāvako;
एका भिक्खा मया दिन्ना, लोकाहुतिपटिग्गहे॥
Ekā bhikkhā mayā dinnā, lokāhutipaṭiggahe.
१९.
19.
‘‘तेन चित्तप्पसादेन, द्विपदिन्द नरासभ।
‘‘Tena cittappasādena, dvipadinda narāsabha;
दुग्गतिं नाभिजानामि, एकभिक्खायिदं फलं॥
Duggatiṃ nābhijānāmi, ekabhikkhāyidaṃ phalaṃ.
२०.
20.
‘‘चत्तालीसम्हितो कप्पे, वरुणो नाम खत्तियो।
‘‘Cattālīsamhito kappe, varuṇo nāma khattiyo;
सत्तरतनसम्पन्नो, चक्कवत्ती महब्बलो॥
Sattaratanasampanno, cakkavattī mahabbalo.
२१.
21.
‘‘पटिसम्भिदा चतस्सो…पे॰… कतं बुद्धस्स सासनं’’॥
‘‘Paṭisambhidā catasso…pe… kataṃ buddhassa sāsanaṃ’’.
इत्थं सुदं आयस्मा एकसञ्ञको थेरो इमा गाथायो अभासित्थाति।
Itthaṃ sudaṃ āyasmā ekasaññako thero imā gāthāyo abhāsitthāti.
एकसञ्ञकत्थेरस्सापदानं पञ्चमं।
Ekasaññakattherassāpadānaṃ pañcamaṃ.
Related texts:
अट्ठकथा • Aṭṭhakathā / सुत्तपिटक (अट्ठकथा) • Suttapiṭaka (aṭṭhakathā) / खुद्दकनिकाय (अट्ठकथा) • Khuddakanikāya (aṭṭhakathā) / अपदान-अट्ठकथा • Apadāna-aṭṭhakathā / ५. एकसञ्ञकत्थेरअपदानवण्णना • 5. Ekasaññakattheraapadānavaṇṇanā
