| Library / Tipiṭaka / д̇ибидага • Tipiṭaka / баажид̇яаад̣̇ияож̇анаабаал̣и • Pācityādiyojanāpāḷi |
згуд̇д̇ариганаяо д̇игаваараван̣н̣анаа
Ekuttarikanayo tikavāravaṇṇanā
323. д̇игзсу бхаг̇авад̇и д̇идтанд̇з яам̣ аабад̇д̇им̣ аабаж̇ж̇ад̇и, саа аабад̇д̇и ад̇т̇ийд̇и яож̇анаа. саб̣б̣ад̇т̇аад̇и саб̣б̣зсу бад̣̇зсу. вид̇т̇аарам̣ д̣̇ассзнд̇о ааха ‘‘д̇ад̇т̇аа’’д̇иаад̣̇и. д̇ад̇т̇а д̇ад̇т̇аад̇и д̇игзсу, вид̇т̇ааро звам̣ взд̣̇ид̇аб̣б̣од̇и яож̇анаа. лохид̇уббаад̣̇аабад̇д̇ийд̇и ануломабаарааж̇игаабад̇д̇и. ‘‘аавусоваад̣̇знаа’’д̇и ‘‘аавусо’’д̇и вохаарзна. вод̇и д̇умхзхи.
323. Tikesu bhagavati tiṭṭhante yaṃ āpattiṃ āpajjati, sā āpatti atthīti yojanā. Sabbatthāti sabbesu padesu. Vitthāraṃ dassento āha ‘‘tatthā’’tiādi. Tattha tatthāti tikesu, vitthāro evaṃ veditabboti yojanā. Lohituppādāpattīti anulomapārājikāpatti. ‘‘Āvusovādenā’’ti ‘‘āvuso’’ti vohārena. Voti tumhehi.
гаалзд̇и бурзбхад̇д̇агаалз. вигаалзд̇и бажчаабхад̇д̇агаалз. авасзсам̣ аабад̇д̇инд̇и самб̣анд̇хо. д̣̇асавассомхийд̇и ахам̣ д̣̇асавассо амхи. навод̇и бан̃жавассаабарибун̣н̣о. маж̇жхимод̇и бан̃жавассад̇о бадтааяа яаава д̣̇асавассаабарибун̣н̣о. гусалажид̇д̇о аабаж̇ж̇ад̇ийд̇и гусалажид̇д̇о худ̇ваа аабаж̇ж̇ад̇и. аб̣яаагад̇ажид̇д̇од̇и субанд̇асса бхаван̇г̇ажид̇д̇ам̣ санд̇хааяа вуд̇д̇ам̣. яанд̇и аабад̇д̇им̣. саб̣б̣анд̇и аабад̇д̇им̣, аабаж̇ж̇ад̇ийд̇и самб̣анд̇хо. д̣̇угкавзд̣̇анаасаман̇г̇ий худ̇ваа аабаж̇ж̇ад̇ийд̇и яож̇анаа. яанд̇и аабад̇д̇им̣.
Kāleti purebhattakāle. Vikāleti pacchābhattakāle. Avasesaṃ āpattinti sambandho. Dasavassomhīti ahaṃ dasavasso amhi. Navoti pañcavassaaparipuṇṇo. Majjhimoti pañcavassato paṭṭhāya yāva dasavassaaparipuṇṇo. Kusalacitto āpajjatīti kusalacitto hutvā āpajjati. Abyākatacittoti supantassa bhavaṅgacittaṃ sandhāya vuttaṃ. Yanti āpattiṃ. Sabbanti āpattiṃ, āpajjatīti sambandho. Dukkhavedanāsamaṅgī hutvā āpajjatīti yojanā. Yanti āpattiṃ.
д̇аяо бадигкзбаад̇и зд̇т̇а бадигкзбасса саамигам̣ д̣̇ассзнд̇о ааха ‘‘б̣уд̣̇д̇хасса бхаг̇авад̇о’’д̇и. гилзсасаллзканагабадибад̇д̇ияаад̇и гилзсам̣ салликад̇и д̇анум̣ гарод̇ийд̇и гилзсасаллзканагаа, сааязва бадибад̇д̇и гилзсасаллзканагабадибад̇д̇и, д̇ааяа.
Tayo paṭikkhepāti ettha paṭikkhepassa sāmikaṃ dassento āha ‘‘buddhassa bhagavato’’ti. Kilesasallekhanakapaṭipattiyāti kilesaṃ sallikhati tanuṃ karotīti kilesasallekhanakā, sāyeva paṭipatti kilesasallekhanakapaṭipatti, tāya.
барисам̣ убадтаабзнд̇о б̣аалод̇и самб̣анд̇хо. барисам̣ убадтаабзнд̇о бан̣д̣ид̇о жаад̇и самб̣анд̇хо. авасзсам̣ аабад̇д̇инд̇и яож̇анаа. гаал̣зд̇и гаал̣абагкз. ж̇ун̣хзд̇и ж̇ун̣хабагкз.
Parisaṃ upaṭṭhāpento bāloti sambandho. Parisaṃ upaṭṭhāpento paṇḍito cāti sambandho. Avasesaṃ āpattinti yojanā. Kāḷeti kāḷapakkhe. Juṇheti juṇhapakkhe.
гад̇д̇игабун̣н̣амаасияаад̇и бажчимагад̇д̇игабун̣н̣амаасияаа. гурунд̣̇ияам̣ вуд̇д̇анд̇и самб̣анд̇хо. сувуд̇д̇агааран̣ам̣ д̣̇ассзнд̇о ааха ‘‘жаад̇умааса’’нд̇иаад̣̇и. хийд̇и яасмаа, бариязсанд̇о жа ниваасзнд̇о жа бхигкууд̇и яож̇анаа.
Kattikapuṇṇamāsiyāti pacchimakattikapuṇṇamāsiyā. Kurundiyaṃ vuttanti sambandho. Suvuttakāraṇaṃ dassento āha ‘‘cātumāsa’’ntiādi. Hīti yasmā, pariyesanto ca nivāsento ca bhikkhūti yojanā.
вад̇т̇унд̇и мзт̇унад̇хаммаад̣̇ивад̇т̇ум̣.
Vatthunti methunadhammādivatthuṃ.
бадижчаад̣̇зд̇и зд̇ааяаад̇и бадижчаад̣̇ийд̇и гаран̣ад̇т̇оби яуж̇ж̇ад̇и. вид̇т̇аарам̣ д̣̇ассзнд̇о ааха ‘‘д̣̇ваарам̣ бид̣̇ахид̇ваа’’д̇иаад̣̇и. зд̇ад̣̇зваад̇и баригаммамзва. убхаяад̇т̇аад̇и убхаязсу ж̇анд̇аагхарабадижчаад̣̇иуд̣̇агабадижчаад̣̇ийсу. саб̣б̣анд̇и акилам̣ баригаммаад̣̇им̣. нияяанд̇ийд̇и нилийяид̇ваа яанд̇и. иминаа ваханд̇ийд̇и зд̇т̇а вахад̇хаад̇у г̇ад̇яад̇т̇од̇и д̣̇ассзд̇и. аб̣бхамахигаад̇хуумараж̇араахувимуд̇д̇анд̇и аб̣бхзна жа махигааяа жа д̇хуумзна жа раж̇зна жа раахунаа жа вимуд̇д̇ам̣. д̇зсууд̇и аб̣бхаад̣̇ийсу. д̇ат̇аад̇и яат̇аа жанд̣̇аман̣д̣алам̣ вирожад̇и, д̇ат̇аа суурияаман̣д̣алам̣.
Paṭicchādeti etāyāti paṭicchādīti karaṇatthopi yujjati. Vitthāraṃ dassento āha ‘‘dvāraṃ pidahitvā’’tiādi. Etadevāti parikammameva. Ubhayatthāti ubhayesu jantāgharapaṭicchādiudakapaṭicchādīsu. Sabbanti akhilaṃ parikammādiṃ. Niyyantīti nilīyitvā yanti. Iminā vahantīti ettha vahadhātu gatyatthoti dasseti. Abbhamahikādhūmarajarāhuvimuttanti abbhena ca mahikāya ca dhūmena ca rajena ca rāhunā ca vimuttaṃ. Tesūti abbhādīsu. Tathāti yathā candamaṇḍalaṃ virocati, tathā sūriyamaṇḍalaṃ.
гаран̣ийязна худ̇ваад̇и самб̣анд̇хо.
Karaṇīyena hutvāti sambandho.
габбзнд̇од̇и гаронд̇о. ааг̇анд̇уго аабаж̇ж̇ад̇ийд̇и самб̣анд̇хо. анаж̇жхидтод̇и анаж̇жхзсид̇о худ̇ваад̇и самб̣анд̇хо. д̇ин̣авад̇т̇аарагасамат̇з гааязна вудтаад̇и гааяасаамаг̇г̇ияаа д̣̇аанад̇д̇аа.
Kappentoti karonto. Āgantuko āpajjatīti sambandho. Anajjhiṭṭhoti anajjhesito hutvāti sambandho. Tiṇavatthārakasamathe kāyena vuṭṭhāti kāyasāmaggiyā dānattā.
ааг̇аал̣хааяа жзд̇зяяаад̇и ааг̇аал̣хасад̣̇д̣̇о д̣̇ал̣хабарияааяод̇и ааха ‘‘д̣̇ал̣хабхаавааяаа’’д̇и. аа бхусо г̇аахияад̇з ааг̇аал̣хо, г̇аал̣хо б̣аал̣хо д̣̇ал̣ход̇и ад̇т̇ад̇о згам̣. жзд̇зяяаад̇и багаббзяяа. на буураяад̇од̇и на буураяанд̇асса. алаж̇ж̇ий жа ход̇и б̣аало жа абагад̇ад̇д̇о жаад̇и зд̇т̇а б̣ааламад̇д̇аабагад̇ад̇д̇амад̇д̇зна гаммам̣ на гаад̇аб̣б̣ам̣, аабад̇д̇ивасзнзва бана гаад̇аб̣б̣анд̇и д̣̇ассзнд̇о ааха ‘‘б̣аало’’д̇иаад̣̇и. д̇ад̇т̇а б̣аало на ж̇аанаад̇ийд̇и самб̣анд̇хо. аяанд̇и б̣аало. зд̇д̇аавад̇аад̇и зд̇д̇агзна аж̇аананамад̇д̇зна. б̣аалабхаавамуулагам̣ аабад̇д̇инд̇и самб̣анд̇хо. д̣̇вз аабад̇д̇игканд̇хзд̇и баарааж̇игасан̇гхаад̣̇исзсавасзна д̣̇вз аабад̇д̇ираасаяо. д̇зсанд̇и д̇ин̣н̣ам̣ буг̇г̇алаанам̣, гаад̇аб̣б̣анд̇и самб̣анд̇хо.
Āgāḷhāya ceteyyāti āgāḷhasaddo daḷhapariyāyoti āha ‘‘daḷhabhāvāyā’’ti. Ā bhuso gāhiyate āgāḷho, gāḷho bāḷho daḷhoti atthato ekaṃ. Ceteyyāti pakappeyya. Na pūrayatoti na pūrayantassa. Alajjī ca hoti bālo ca apakatatto cāti ettha bālamattaapakatattamattena kammaṃ na kātabbaṃ, āpattivaseneva pana kātabbanti dassento āha ‘‘bālo’’tiādi. Tattha bālo na jānātīti sambandho. Ayanti bālo. Ettāvatāti ettakena ajānanamattena. Bālabhāvamūlakaṃ āpattinti sambandho. Dve āpattikkhandheti pārājikasaṅghādisesavasena dve āpattirāsayo. Tesanti tiṇṇaṃ puggalānaṃ, kātabbanti sambandho.
гааяиго д̣̇аво наамаад̇и гааяиго барихаасо наама. мукааламб̣арагаран̣аад̣̇ибхзд̣̇од̇и мукзна ааламб̣аранаамагад̇уурияагижжасса гаран̣аад̣̇ибхзд̣̇о . д̣̇вийхиби д̣̇ваарзхийд̇и гааяаважийвасзна д̣̇вийхиби д̣̇ваарзхи. гааяад̣̇ваарз бан̃н̃ад̇д̇асигкаабад̣̇авийд̇иггамод̇и гааяад̣̇ваарз бан̃н̃ад̇д̇асса гааяасам̣саг̇г̇аад̣̇исигкаабад̣̇асса вийд̇иггамо. важийд̣̇ваарз бан̃н̃ад̇д̇асигкаабад̣̇авийд̇иггамод̇и важийд̣̇ваарз бан̃н̃ад̇д̇асса д̣̇удтуллаваажаад̣̇исигкаабад̣̇асса вийд̇иггамо. гааяигзна убагхаад̇игзнаад̇и зд̇т̇а убагхаад̇игам̣ наама асигкананд̇и ааха ‘‘асигканзнаа’’д̇и. гасмаа асигканам̣ убагхаад̇ам̣ наамаад̇и ааха ‘‘яо хий’’д̇иаад̣̇и. д̇ад̇т̇а яод̇и буг̇г̇ало. д̇анд̇и гааяад̣̇ваарз бан̃н̃ад̇д̇асигкаабад̣̇ам̣. нанд̇и звамзва. хи яасмаа убагхаад̇зд̇ийд̇и самб̣анд̇хо. взж̇ж̇агаммзна саманнааг̇ад̇од̇и самб̣анд̇хо. саасанауг̇г̇ахан̣ааарожанаад̣̇инаа ваажасигзна мижчааж̇ийвзнаад̇и яож̇анаа.
Kāyiko davo nāmāti kāyiko parihāso nāma. Mukhālambarakaraṇādibhedoti mukhena ālambaranāmakatūriyakiccassa karaṇādibhedo . Dvīhipi dvārehīti kāyavacīvasena dvīhipi dvārehi. Kāyadvāre paññattasikkhāpadavītikkamoti kāyadvāre paññattassa kāyasaṃsaggādisikkhāpadassa vītikkamo. Vacīdvāre paññattasikkhāpadavītikkamoti vacīdvāre paññattassa duṭṭhullavācādisikkhāpadassa vītikkamo. Kāyikena upaghātikenāti ettha upaghātikaṃ nāma asikkhananti āha ‘‘asikkhanenā’’ti. Kasmā asikkhanaṃ upaghātaṃ nāmāti āha ‘‘yo hī’’tiādi. Tattha yoti puggalo. Tanti kāyadvāre paññattasikkhāpadaṃ. Nanti evameva. Hi yasmā upaghātetīti sambandho. Vejjakammena samannāgatoti sambandho. Sāsanauggahaṇaārocanādinā vācasikena micchājīvenāti yojanā.
‘‘маа бхан̣д̣анам̣ гарий’’д̇и иминаа ‘‘маа’’д̇и бадисзд̇хасса ‘‘гарий’’д̇и баатасзсзна самб̣анд̇хид̇аб̣б̣абхаавам̣ д̣̇ассзд̇и. на вохарид̇аб̣б̣анд̇и зд̇т̇а вибуб̣б̣аавабуб̣б̣а-харад̇хаад̇у гат̇анад̇т̇од̇и ааха ‘‘на гин̃жи вад̇д̇аб̣б̣а’’нд̇и. хийд̇и сажжам̣. б̣ийж̇анаг̇г̇аахаад̣̇игзд̇и аад̣̇исад̣̇д̣̇зна д̇хаммаж̇жхзсанаад̣̇им̣ сан̇г̇ан̣хаад̇и. огаасагаммам̣ гаарзнд̇ассаад̇и зд̇т̇а ‘‘огааса’’нд̇и жа ‘‘огаасагамма’’нд̇и жа сад̣̇исанд̇и ааха ‘‘огаасам̣ гаарзнд̇ассаа’’д̇и. на аад̣̇аад̇аб̣б̣анд̇и на г̇ан̣хид̇аб̣б̣ам̣. д̇амзвад̇т̇ам̣ д̣̇ассзнд̇о ааха ‘‘яад̇т̇а г̇ахзд̇ваа’’д̇иаад̣̇и.
‘‘Mā bhaṇḍanaṃ karī’’ti iminā ‘‘mā’’ti paṭisedhassa ‘‘karī’’ti pāṭhasesena sambandhitabbabhāvaṃ dasseti. Na voharitabbanti ettha vipubbaavapubba-haradhātu kathanatthoti āha ‘‘na kiñci vattabba’’nti. Hīti saccaṃ. Bījanaggāhādiketi ādisaddena dhammajjhesanādiṃ saṅgaṇhāti. Okāsakammaṃ kārentassāti ettha ‘‘okāsa’’nti ca ‘‘okāsakamma’’nti ca sadisanti āha ‘‘okāsaṃ kārentassā’’ti. Na ādātabbanti na gaṇhitabbaṃ. Tamevatthaṃ dassento āha ‘‘yattha gahetvā’’tiādi.
яанд̇и винаяам̣. сод̇и бхигку. сод̇и винаяо. д̇ассаад̇и бхигкусса. ид̣̇анд̇и гаммам̣. ан̃н̃ам̣ бужчаад̇и маяаа ан̃н̃ам̣ бхигкум̣ бужчаахийд̇и яож̇анаа. ид̇ийд̇и звам̣. сод̇и д̇ийхан̇г̇зхи саманнааг̇ад̇о бхигку. ассаад̇и д̇ийхан̇г̇зхи саманнааг̇ад̇асса. на саагажчид̇аб̣б̣од̇и на саха гат̇зд̇аб̣б̣о.
Yanti vinayaṃ. Soti bhikkhu. Soti vinayo. Tassāti bhikkhussa. Idanti kammaṃ. Aññaṃ pucchāti mayā aññaṃ bhikkhuṃ pucchāhīti yojanā. Itīti evaṃ. Soti tīhaṅgehi samannāgato bhikkhu. Assāti tīhaṅgehi samannāgatassa. Na sākacchitabboti na saha kathetabbo.
‘‘лад̣̇д̇хи’’нд̇и иминаа ид̣̇амаббахааяаад̇и зд̇т̇а ид̣̇ам̣сад̣̇д̣̇асса висаяам̣ д̣̇ассзд̇и. ‘‘авиж̇ахид̇ваа’’д̇и иминаа хаад̇хаад̇у д̇ваабажжаяод̇и д̣̇ассзд̇и. суд̣̇д̇хам̣ б̣рахмажааринд̇и зд̇т̇а саб̣б̣ат̇аа гилзсасуд̣̇д̇хо кийн̣аасавова г̇ахзд̇аб̣б̣од̇и ааха ‘‘кийн̣аасавам̣ бхигку’’нд̇и. ‘‘баад̇аб̣яабхаава’’нд̇и иминаа баад̇аб̣яад̇анд̇и зд̇т̇а д̇аабажжаяо бхаавад̇т̇з ход̇ийд̇и д̣̇ассзд̇и. ‘‘бадисзвана’’нд̇и иминаа баад̇аб̣яасад̣̇д̣̇о яат̇аагаамабарибхун̃ж̇анад̇т̇од̇и д̣̇ассзд̇и . г̇ад̇ивисод̇хананд̇и д̣̇уг̇г̇ад̇ид̇о суг̇ад̇ияаа висуж̇жханам̣ . ‘‘агусалаани жзва муулаани жаа’’д̇и иминаа агусаласад̣̇д̣̇асса жа мууласад̣̇д̣̇асса жа д̇уляаад̇хигаран̣абхаавам̣ д̣̇ассзд̇и. д̇асмаа агусаласан̇каад̇аани муулаани агусаламуулаанийд̇и д̇уляаад̇хигаран̣асамаасо гаад̇аб̣б̣о. д̣̇ужжарид̇аанийд̇и зд̇т̇а д̣̇усад̣̇д̣̇асса д̣̇удтувируубад̇т̇абхаавам̣ д̣̇ассзнд̇о ааха ‘‘д̣̇удту жарид̇аани, вируубаани ваа жарид̇ааний’’д̇и. вируубаанийд̇и вигаарасабхааваани. ‘‘гаран̣абхууд̇знаа’’д̇и иминаа ‘‘гад̇д̇убхууд̇знаа’’д̇и ад̇т̇ам̣ бадигкибад̇и. д̇ад̇т̇а д̇ад̇т̇аад̇и д̇асмим̣ д̇асмим̣ канд̇хагз.
‘‘Laddhi’’nti iminā idamappahāyāti ettha idaṃsaddassa visayaṃ dasseti. ‘‘Avijahitvā’’ti iminā hādhātu tvāpaccayoti dasseti. Suddhaṃ brahmacārinti ettha sabbathā kilesasuddho khīṇāsavova gahetabboti āha ‘‘khīṇāsavaṃ bhikkhu’’nti. ‘‘Pātabyabhāva’’nti iminā pātabyatanti ettha tāpaccayo bhāvatthe hotīti dasseti. ‘‘Paṭisevana’’nti iminā pātabyasaddo yathākāmaparibhuñjanatthoti dasseti . Gativisodhananti duggatito sugatiyā visujjhanaṃ . ‘‘Akusalāni ceva mūlāni cā’’ti iminā akusalasaddassa ca mūlasaddassa ca tulyādhikaraṇabhāvaṃ dasseti. Tasmā akusalasaṅkhātāni mūlāni akusalamūlānīti tulyādhikaraṇasamāso kātabbo. Duccaritānīti ettha dusaddassa duṭṭhuvirūpatthabhāvaṃ dassento āha ‘‘duṭṭhu caritāni, virūpāni vā caritānī’’ti. Virūpānīti vikārasabhāvāni. ‘‘Karaṇabhūtenā’’ti iminā ‘‘kattubhūtenā’’ti atthaṃ paṭikkhipati. Tattha tatthāti tasmiṃ tasmiṃ khandhake.
ид̇и д̇игаваараван̣н̣анааяа яож̇анаа самад̇д̇аа.
Iti tikavāravaṇṇanāya yojanā samattā.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / бариваарабаал̣и • Parivārapāḷi / 3. д̇игавааро • 3. Tikavāro
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / бариваара-адтагат̇аа • Parivāra-aṭṭhakathā / д̇игаваараван̣н̣анаа • Tikavāravaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / д̇игаваараван̣н̣анаа • Tikavāravaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / д̇игаваараван̣н̣анаа • Tikavāravaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / д̇игаваараван̣н̣анаа • Tikavāravaṇṇanā
