| Library / Tipiṭaka / д̇ибидага • Tipiṭaka / махаавибхан̇г̇а • Mahāvibhaṅga |
7. зл̣агаломад̇ховаабанасигкаабад̣̇ам̣
7. Eḷakalomadhovāpanasikkhāpadaṃ
576. д̇зна самаязна б̣уд̣̇д̇хо бхаг̇аваа саггзсу вихарад̇и габилавад̇т̇усмим̣ ниг̇род̇хаараамз. д̇зна ко бана самаязна чаб̣б̣аг̇г̇ияаа бхигкуу бхигкунийхи зл̣агаломаани д̇ховаабзнд̇иби раж̇аабзнд̇иби виж̇адаабзнд̇иби. бхигкунияо зл̣агаломаани д̇хованд̇ияо раж̇анд̇ияо виж̇адзнд̇ияо рин̃жанд̇и уд̣̇д̣̇зсам̣ барибужчам̣ ад̇хисийлам̣ ад̇хижид̇д̇ам̣ ад̇хибан̃н̃ам̣. ат̇а ко махаабаж̇аабад̇и г̇од̇амий язна бхаг̇аваа д̇знубасан̇гами; убасан̇гамид̇ваа бхаг̇аванд̇ам̣ абхиваад̣̇зд̇ваа згаманд̇ам̣ адтааси. згаманд̇ам̣ тид̇ам̣ ко махаабаж̇аабад̇им̣ г̇од̇амим̣ бхаг̇аваа зд̇ад̣̇авожа – ‘‘гажжи, г̇од̇ами, бхигкунияо аббамад̇д̇аа аад̇аабинияо бахид̇ад̇д̇аа вихаранд̇ий’’д̇и? ‘‘гуд̇о, бханд̇з, бхигкунийнам̣ аббамаад̣̇о! аяяаа чаб̣б̣аг̇г̇ияаа бхигкунийхи зл̣агаломаани д̇ховаабзнд̇иби раж̇аабзнд̇иби виж̇адаабзнд̇иби. бхигкунияо зл̣агаломаани д̇хованд̇ияо раж̇анд̇ияо виж̇адзнд̇ияо рин̃жанд̇и уд̣̇д̣̇зсам̣ барибужчам̣ ад̇хисийлам̣ ад̇хижид̇д̇ам̣ ад̇хибан̃н̃а’’нд̇и.
576. Tena samayena buddho bhagavā sakkesu viharati kapilavatthusmiṃ nigrodhārāme. Tena kho pana samayena chabbaggiyā bhikkhū bhikkhunīhi eḷakalomāni dhovāpentipi rajāpentipi vijaṭāpentipi. Bhikkhuniyo eḷakalomāni dhovantiyo rajantiyo vijaṭentiyo riñcanti uddesaṃ paripucchaṃ adhisīlaṃ adhicittaṃ adhipaññaṃ. Atha kho mahāpajāpati gotamī yena bhagavā tenupasaṅkami; upasaṅkamitvā bhagavantaṃ abhivādetvā ekamantaṃ aṭṭhāsi. Ekamantaṃ ṭhitaṃ kho mahāpajāpatiṃ gotamiṃ bhagavā etadavoca – ‘‘kacci, gotami, bhikkhuniyo appamattā ātāpiniyo pahitattā viharantī’’ti? ‘‘Kuto, bhante, bhikkhunīnaṃ appamādo! Ayyā chabbaggiyā bhikkhunīhi eḷakalomāni dhovāpentipi rajāpentipi vijaṭāpentipi. Bhikkhuniyo eḷakalomāni dhovantiyo rajantiyo vijaṭentiyo riñcanti uddesaṃ paripucchaṃ adhisīlaṃ adhicittaṃ adhipañña’’nti.
ат̇а ко бхаг̇аваа махаабаж̇аабад̇им̣ г̇од̇амим̣ д̇хаммияаа гат̇ааяа санд̣̇ассзси самаад̣̇абзси самуд̇д̇зж̇зси самбахам̣сзси. ат̇а ко махаабаж̇аабад̇и г̇од̇амий бхаг̇авад̇аа д̇хаммияаа гат̇ааяа санд̣̇ассид̇аа самаад̣̇абид̇аа самуд̇д̇зж̇ид̇аа самбахам̣сид̇аа бхаг̇аванд̇ам̣ абхиваад̣̇зд̇ваа бад̣̇агкин̣ам̣ гад̇ваа баггаами. ат̇а ко бхаг̇аваа зд̇асмим̣ нид̣̇аанз зд̇асмим̣ багаран̣з бхигкусан̇гхам̣ саннибаад̇аабзд̇ваа чаб̣б̣аг̇г̇ияз бхигкуу бадибужчи – ‘‘сажжам̣ гира д̇умхз, бхигкавз, бхигкунийхи зл̣агаломаани д̇ховаабзт̇аби раж̇аабзт̇аби виж̇адаабзт̇абий’’д̇и ? ‘‘сажжам̣, бхаг̇аваа’’д̇и. ‘‘н̃аад̇игааяо д̇умхаагам̣, бхигкавз, ан̃н̃аад̇игааяо’’д̇и? ‘‘ан̃н̃аад̇игааяо, бхаг̇аваа’’д̇и. ‘‘ан̃н̃аад̇агаа, могхабурисаа, ан̃н̃аад̇игаанам̣ на ж̇аананд̇и бад̇ируубам̣ ваа аббад̇ируубам̣ ваа баасаад̣̇игам̣ ваа абаасаад̣̇игам̣. д̇ад̇т̇а наама д̇умхз, могхабурисаа, ан̃н̃аад̇игаахи бхигкунийхи зл̣агаломаани д̇ховаабзссат̇аби раж̇аабзссат̇аби виж̇адаабзссат̇аби! нзд̇ам̣, могхабурисаа, аббасаннаанам̣ ваа басаад̣̇ааяа…бз… зван̃жа бана, бхигкавз, имам̣ сигкаабад̣̇ам̣ уд̣̇д̣̇исзяяаат̇а –
Atha kho bhagavā mahāpajāpatiṃ gotamiṃ dhammiyā kathāya sandassesi samādapesi samuttejesi sampahaṃsesi. Atha kho mahāpajāpati gotamī bhagavatā dhammiyā kathāya sandassitā samādapitā samuttejitā sampahaṃsitā bhagavantaṃ abhivādetvā padakkhiṇaṃ katvā pakkāmi. Atha kho bhagavā etasmiṃ nidāne etasmiṃ pakaraṇe bhikkhusaṅghaṃ sannipātāpetvā chabbaggiye bhikkhū paṭipucchi – ‘‘saccaṃ kira tumhe, bhikkhave, bhikkhunīhi eḷakalomāni dhovāpethapi rajāpethapi vijaṭāpethapī’’ti ? ‘‘Saccaṃ, bhagavā’’ti. ‘‘Ñātikāyo tumhākaṃ, bhikkhave, aññātikāyo’’ti? ‘‘Aññātikāyo, bhagavā’’ti. ‘‘Aññātakā, moghapurisā, aññātikānaṃ na jānanti patirūpaṃ vā appatirūpaṃ vā pāsādikaṃ vā apāsādikaṃ. Tattha nāma tumhe, moghapurisā, aññātikāhi bhikkhunīhi eḷakalomāni dhovāpessathapi rajāpessathapi vijaṭāpessathapi! Netaṃ, moghapurisā, appasannānaṃ vā pasādāya…pe… evañca pana, bhikkhave, imaṃ sikkhāpadaṃ uddiseyyātha –
577. ‘‘яо бана бхигку ан̃н̃аад̇игааяа бхигкунияаа зл̣агаломаани д̇ховаабзяяа ваа раж̇аабзяяа ваа виж̇адаабзяяа ваа, ниссаг̇г̇ияам̣ баажид̇д̇ияа’’нд̇и.
577.‘‘Yo pana bhikkhu aññātikāya bhikkhuniyā eḷakalomāni dhovāpeyya vā rajāpeyya vā vijaṭāpeyya vā, nissaggiyaṃ pācittiya’’nti.
578. яо банаад̇и яо яаад̣̇исо…бз… бхигкууд̇и…бз… аяам̣ имасмим̣ ад̇т̇з ад̇хиббзд̇о бхигкууд̇и.
578.Yopanāti yo yādiso…pe… bhikkhūti…pe… ayaṃ imasmiṃ atthe adhippeto bhikkhūti.
ан̃н̃аад̇игаа наама маад̇ид̇о ваа бид̇ид̇о ваа яаава сад̇д̇амаа бид̇аамахаяуг̇аа асамб̣ад̣̇д̇хаа.
Aññātikā nāma mātito vā pitito vā yāva sattamā pitāmahayugā asambaddhā.
бхигкуний наама убхад̇осан̇гхз убасамбаннаа.
Bhikkhunī nāma ubhatosaṅghe upasampannā.
д̇ховаад̇и аан̣аабзд̇и, аабад̇д̇и д̣̇уггадасса. д̇ход̇аани ниссаг̇г̇ияаани хонд̇и. раж̇аад̇и аан̣аабзд̇и, аабад̇д̇и д̣̇уггадасса. рад̇д̇аани ниссаг̇г̇ияаани хонд̇и. виж̇адзхийд̇и аан̣аабзд̇и, аабад̇д̇и д̣̇уггадасса. виж̇адид̇аани ниссаг̇г̇ияаани хонд̇и. ниссаж̇ж̇ид̇аб̣б̣аани сан̇гхасса ваа г̇ан̣асса ваа буг̇г̇аласса ваа. зван̃жа бана, бхигкавз, ниссаж̇ж̇ид̇аб̣б̣аани…бз… имаани мз, бханд̇з, зл̣агаломаани ан̃н̃аад̇игааяа бхигкунияаа д̇ховаабид̇аани ниссаг̇г̇ияаани. имаанаахам̣ сан̇гхасса ниссаж̇ж̇аамийд̇и…бз… д̣̇ад̣̇зяяаад̇и…бз… д̣̇ад̣̇зяяунд̇и…бз… ааяасмад̇о д̣̇аммийд̇и.
Dhovāti āṇāpeti, āpatti dukkaṭassa. Dhotāni nissaggiyāni honti. Rajāti āṇāpeti, āpatti dukkaṭassa. Rattāni nissaggiyāni honti. Vijaṭehīti āṇāpeti, āpatti dukkaṭassa. Vijaṭitāni nissaggiyāni honti. Nissajjitabbāni saṅghassa vā gaṇassa vā puggalassa vā. Evañca pana, bhikkhave, nissajjitabbāni…pe… imāni me, bhante, eḷakalomāni aññātikāya bhikkhuniyā dhovāpitāni nissaggiyāni. Imānāhaṃ saṅghassa nissajjāmīti…pe… dadeyyāti…pe… dadeyyunti…pe… āyasmato dammīti.
579. ан̃н̃аад̇игааяа ан̃н̃аад̇игасан̃н̃ий зл̣агаломаани д̇ховаабзд̇и, ниссаг̇г̇ияам̣ баажид̇д̇ияам̣. ан̃н̃аад̇игааяа ан̃н̃аад̇игасан̃н̃ий зл̣агаломаани д̇ховаабзд̇и раж̇аабзд̇и, ниссаг̇г̇иязна аабад̇д̇и д̣̇уггадасса. ан̃н̃аад̇игааяа ан̃н̃аад̇игасан̃н̃ий зл̣агаломаани д̇ховаабзд̇и виж̇адаабзд̇и, ниссаг̇г̇иязна аабад̇д̇и д̣̇уггадасса. ан̃н̃аад̇игааяа ан̃н̃аад̇игасан̃н̃ий зл̣агаломаани д̇ховаабзд̇и раж̇аабзд̇и виж̇адаабзд̇и, ниссаг̇г̇иязна аабад̇д̇и д̣̇виннам̣ д̣̇уггадаанам̣.
579. Aññātikāya aññātikasaññī eḷakalomāni dhovāpeti, nissaggiyaṃ pācittiyaṃ. Aññātikāya aññātikasaññī eḷakalomāni dhovāpeti rajāpeti, nissaggiyena āpatti dukkaṭassa. Aññātikāya aññātikasaññī eḷakalomāni dhovāpeti vijaṭāpeti, nissaggiyena āpatti dukkaṭassa. Aññātikāya aññātikasaññī eḷakalomāni dhovāpeti rajāpeti vijaṭāpeti, nissaggiyena āpatti dvinnaṃ dukkaṭānaṃ.
ан̃н̃аад̇игааяа ан̃н̃аад̇игасан̃н̃ий зл̣агаломаани раж̇аабзд̇и, ниссаг̇г̇ияам̣ баажид̇д̇ияам̣. ан̃н̃аад̇игааяа ан̃н̃аад̇игасан̃н̃ий зл̣агаломаани раж̇аабзд̇и виж̇адаабзд̇и, ниссаг̇г̇иязна аабад̇д̇и д̣̇уггадасса. ан̃н̃аад̇игааяа ан̃н̃аад̇игасан̃н̃ий зл̣агаломаани раж̇аабзд̇и д̇ховаабзд̇и, ниссаг̇г̇иязна аабад̇д̇и д̣̇уггадасса. ан̃н̃аад̇игааяа ан̃н̃аад̇игасан̃н̃ий зл̣агаломаани раж̇аабзд̇и виж̇адаабзд̇и д̇ховаабзд̇и, ниссаг̇г̇иязна аабад̇д̇и д̣̇виннам̣ д̣̇уггадаанам̣.
Aññātikāya aññātikasaññī eḷakalomāni rajāpeti, nissaggiyaṃ pācittiyaṃ. Aññātikāya aññātikasaññī eḷakalomāni rajāpeti vijaṭāpeti, nissaggiyena āpatti dukkaṭassa. Aññātikāya aññātikasaññī eḷakalomāni rajāpeti dhovāpeti, nissaggiyena āpatti dukkaṭassa. Aññātikāya aññātikasaññī eḷakalomāni rajāpeti vijaṭāpeti dhovāpeti, nissaggiyena āpatti dvinnaṃ dukkaṭānaṃ.
ан̃н̃аад̇игааяа ан̃н̃аад̇игасан̃н̃ий зл̣агаломаани виж̇адаабзд̇и, ниссаг̇г̇ияам̣ баажид̇д̇ияам̣. ан̃н̃аад̇игааяа ан̃н̃аад̇игасан̃н̃ий зл̣агаломаани виж̇адаабзд̇и д̇ховаабзд̇и, ниссаг̇г̇иязна аабад̇д̇и д̣̇уггадасса. ан̃н̃аад̇игааяа ан̃н̃аад̇игасан̃н̃ий зл̣агаломаани виж̇адаабзд̇и раж̇аабзд̇и, ниссаг̇г̇иязна аабад̇д̇и д̣̇уггадасса . ан̃н̃аад̇игааяа ан̃н̃аад̇игасан̃н̃ий зл̣агаломаани виж̇адаабзд̇и д̇ховаабзд̇и раж̇аабзд̇и, ниссаг̇г̇иязна аабад̇д̇и д̣̇виннам̣ д̣̇уггадаанам̣.
Aññātikāya aññātikasaññī eḷakalomāni vijaṭāpeti, nissaggiyaṃ pācittiyaṃ. Aññātikāya aññātikasaññī eḷakalomāni vijaṭāpeti dhovāpeti, nissaggiyena āpatti dukkaṭassa. Aññātikāya aññātikasaññī eḷakalomāni vijaṭāpeti rajāpeti, nissaggiyena āpatti dukkaṭassa . Aññātikāya aññātikasaññī eḷakalomāni vijaṭāpeti dhovāpeti rajāpeti, nissaggiyena āpatti dvinnaṃ dukkaṭānaṃ.
580. ан̃н̃аад̇игааяа взмад̇иго…бз… ан̃н̃аад̇игааяа н̃аад̇игасан̃н̃ий…бз… ан̃н̃асса зл̣агаломаани д̇ховаабзд̇и, аабад̇д̇и д̣̇уггадасса. згад̇о убасамбаннааяа д̇ховаабзд̇и, аабад̇д̇и д̣̇уггадасса. н̃аад̇игааяа ан̃н̃аад̇игасан̃н̃ий, аабад̇д̇и д̣̇уггадасса. н̃аад̇игааяа взмад̇иго, аабад̇д̇и д̣̇уггадасса. н̃аад̇игааяа н̃аад̇игасан̃н̃ий, анаабад̇д̇и.
580. Aññātikāya vematiko…pe… aññātikāya ñātikasaññī…pe… aññassa eḷakalomāni dhovāpeti, āpatti dukkaṭassa. Ekato upasampannāya dhovāpeti, āpatti dukkaṭassa. Ñātikāya aññātikasaññī, āpatti dukkaṭassa. Ñātikāya vematiko, āpatti dukkaṭassa. Ñātikāya ñātikasaññī, anāpatti.
581. анаабад̇д̇и н̃аад̇игааяа д̇хааванд̇ияаа ан̃н̃аад̇игаа д̣̇уд̇ияаа ход̇и, авуд̇д̇аа д̇ховад̇и, абарибхуд̇д̇ам̣ гад̇абхан̣д̣ам̣ д̇ховаабзд̇и, сигкамаанааяа сааман̣зрияаа уммад̇д̇агасса аад̣̇игаммигассаад̇и.
581. Anāpatti ñātikāya dhāvantiyā aññātikā dutiyā hoti, avuttā dhovati, aparibhuttaṃ katabhaṇḍaṃ dhovāpeti, sikkhamānāya sāmaṇeriyā ummattakassa ādikammikassāti.
зл̣агаломад̇ховаабанасигкаабад̣̇ам̣ нидтид̇ам̣ сад̇д̇амам̣.
Eḷakalomadhovāpanasikkhāpadaṃ niṭṭhitaṃ sattamaṃ.
Related texts:
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махаавибхан̇г̇а-адтагат̇аа • Mahāvibhaṅga-aṭṭhakathā / 7. зл̣агаломад̇ховаабанасигкаабад̣̇аван̣н̣анаа • 7. Eḷakalomadhovāpanasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / 6. зл̣агаломасигкаабад̣̇аван̣н̣анаа • 6. Eḷakalomasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / 7. зл̣агаломад̇ховаабанасигкаабад̣̇аван̣н̣анаа • 7. Eḷakalomadhovāpanasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / 7. зл̣агаломад̇ховаабанасигкаабад̣̇аван̣н̣анаа • 7. Eḷakalomadhovāpanasikkhāpadavaṇṇanā
