| Library / Tipiṭaka / д̇ибидага • Tipiṭaka / маж̇жхиманигааяа (адтагат̇аа) • Majjhimanikāya (aṭṭhakathā) |
6. зсугаарийсуд̇д̇аван̣н̣анаа
6. Esukārīsuttavaṇṇanā
437. звам̣ мз суд̇анд̇и зсугаарийсуд̇д̇ам̣. д̇ад̇т̇а б̣илам̣ олаг̇г̇зяяунд̇и годтаасам̣ лаг̇г̇аабзяяум̣, иминаа сад̇т̇ад̇хаммам̣ наама д̣̇ассзд̇и. сад̇т̇аваахо гира махааганд̇аарабадибанно анд̇араамаг̇г̇з г̇он̣з мад̇з мам̣сам̣ г̇ахзд̇ваа саб̣б̣зсам̣ сад̇т̇игаанам̣ ‘‘ид̣̇ам̣ каад̣̇ид̇ваа зд̇д̇агам̣ муулам̣ д̣̇аад̇аб̣б̣а’’нд̇и годтаасам̣ олаг̇г̇зд̇и, г̇он̣амам̣сам̣ наама каад̣̇анд̇ааби ад̇т̇и акаад̣̇анд̇ааби, муулам̣ д̣̇аад̇ум̣ саггонд̇ааби асаггонд̇ааби. сад̇т̇аваахо язна муулзна г̇он̣о г̇ахид̇о, д̇асса нигкаманад̇т̇ам̣ саб̣б̣зсам̣ б̣алаггаарзна годтаасам̣ д̣̇ад̇ваа муулам̣ г̇ан̣хаад̇и, аяам̣ сад̇т̇ад̇хаммо. звамзвам̣ б̣раахман̣ааби логасса бадин̃н̃ам̣ аг̇г̇ахзд̇ваа ад̇д̇анова д̇хаммад̇ааяа жад̇ассо баарижарияаа бан̃н̃абзнд̇ийд̇и д̣̇ассзд̇ум̣ звамзва код̇иаад̣̇имааха. баабияо ассаад̇и баабам̣ асса. сзяяо ассаад̇и хид̇ам̣ асса. ат̇а ваа баабияод̇и баабаго лаамаго ад̇д̇абхааво асса. сзяяод̇и сздто уд̇д̇амо. сзяяам̣сод̇и сзяяо. ужжаагулийнад̇аад̇и ужжаагулийнад̇д̇зна сзяяо. баабияам̣сод̇и баабияо. ужжаагулийнад̇аа жа д̣̇вийсу гулзсу вад̣дхзд̇и кад̇д̇ияагулз б̣раахман̣агулз жа, ул̣аараван̣н̣ад̇аа д̇ийсу. взссоби хи ул̣аараван̣н̣о ход̇и. ул̣аарабхог̇ад̇аа жад̇уусуби. суд̣̇д̣̇оби хи анд̇амасо жан̣д̣аалоби ул̣аарабхог̇о ход̇иязва.
437.Evaṃme sutanti esukārīsuttaṃ. Tattha bilaṃ olaggeyyunti koṭṭhāsaṃ laggāpeyyuṃ, iminā satthadhammaṃ nāma dasseti. Satthavāho kira mahākantārapaṭipanno antarāmagge goṇe mate maṃsaṃ gahetvā sabbesaṃ satthikānaṃ ‘‘idaṃ khāditvā ettakaṃ mūlaṃ dātabba’’nti koṭṭhāsaṃ olaggeti, goṇamaṃsaṃ nāma khādantāpi atthi akhādantāpi, mūlaṃ dātuṃ sakkontāpi asakkontāpi. Satthavāho yena mūlena goṇo gahito, tassa nikkhamanatthaṃ sabbesaṃ balakkārena koṭṭhāsaṃ datvā mūlaṃ gaṇhāti, ayaṃ satthadhammo. Evamevaṃ brāhmaṇāpi lokassa paṭiññaṃ aggahetvā attanova dhammatāya catasso pāricariyā paññapentīti dassetuṃ evameva khotiādimāha. Pāpiyo assāti pāpaṃ assa. Seyyo assāti hitaṃ assa. Atha vā pāpiyoti pāpako lāmako attabhāvo assa. Seyyoti seṭṭho uttamo. Seyyaṃsoti seyyo. Uccākulīnatāti uccākulīnattena seyyo. Pāpiyaṃsoti pāpiyo. Uccākulīnatā ca dvīsu kulesu vaḍḍheti khattiyakule brāhmaṇakule ca, uḷāravaṇṇatā tīsu. Vessopi hi uḷāravaṇṇo hoti. Uḷārabhogatā catūsupi. Suddopi hi antamaso caṇḍālopi uḷārabhogo hotiyeva.
440. бхигкаажарияанд̇и годид̇ханзнаби хи б̣раахман̣зна бхигкаа жарид̇аб̣б̣аава, бораан̣агаб̣раахман̣аа асийд̇игодид̇ханааби згавзлам̣ бхигкам̣ жаранд̇и. гасмаа? д̣̇уг̇г̇ад̇агаалз жаранд̇аанам̣ ид̣̇аани бхигкам̣ жарид̇ум̣ аарад̣̇д̇хаад̇и г̇арахаа на бхависсад̇ийд̇и. ад̇иман̃н̃амаанод̇и яо бхигкаажарияавам̣сам̣ харид̇ваа сад̇д̇аж̇ийвагасигаммаван̣иж̇ж̇аад̣̇ийхи ж̇ийвигам̣ габбзд̇и, аяам̣ ад̇иман̃н̃ад̇и наама. г̇обо ваад̇и яат̇аа г̇обаго ад̇д̇анаа рагкид̇аб̣б̣ам̣ бхан̣д̣ам̣ т̇знзнд̇о агижжагаарий ход̇и, званд̇и ад̇т̇о. иминаа наязна саб̣б̣аваарзсу ад̇т̇о взд̣̇ид̇аб̣б̣о. асид̇аб̣яаабхан̇г̇инд̇и д̇ин̣алааяанаасид̇ан̃жзва гааж̇ан̃жа. ануссарад̇од̇и яад̇т̇а ж̇аад̇о, д̇асмим̣ бораан̣з маад̇аабзд̇д̇игз гулавам̣сз ануссарияамаанзд̇и ад̇т̇о. сзсам̣ саб̣б̣ад̇т̇а уд̇д̇аанамзваад̇и.
440.Bhikkhācariyanti koṭidhanenapi hi brāhmaṇena bhikkhā caritabbāva, porāṇakabrāhmaṇā asītikoṭidhanāpi ekavelaṃ bhikkhaṃ caranti. Kasmā? Duggatakāle carantānaṃ idāni bhikkhaṃ carituṃ āraddhāti garahā na bhavissatīti. Atimaññamānoti yo bhikkhācariyavaṃsaṃ haritvā sattajīvakasikammavaṇijjādīhi jīvikaṃ kappeti, ayaṃ atimaññati nāma. Gopo vāti yathā gopako attanā rakkhitabbaṃ bhaṇḍaṃ thenento akiccakārī hoti, evanti attho. Iminā nayena sabbavāresu attho veditabbo. Asitabyābhaṅginti tiṇalāyanaasitañceva kājañca. Anussaratoti yattha jāto, tasmiṃ porāṇe mātāpettike kulavaṃse anussariyamāneti attho. Sesaṃ sabbattha uttānamevāti.
бабан̃жасууд̣̇анияаа маж̇жхиманигааяадтагат̇ааяа
Papañcasūdaniyā majjhimanikāyaṭṭhakathāya
зсугаарийсуд̇д̇аван̣н̣анаа нидтид̇аа.
Esukārīsuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / маж̇жхиманигааяа • Majjhimanikāya / 6. зсугаарийсуд̇д̇ам̣ • 6. Esukārīsuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / маж̇жхиманигааяа (дийгаа) • Majjhimanikāya (ṭīkā) / 6. зсугаарийсуд̇д̇аван̣н̣анаа • 6. Esukārīsuttavaṇṇanā
