Library / Tipiṭaka / д̇ибидага • Tipiṭaka / уд̣̇аанабаал̣и • Udānapāḷi

6. г̇аб̣бхинийсуд̇д̇ам̣

6. Gabbhinīsuttaṃ

16. звам̣ мз суд̇ам̣ – згам̣ самаяам̣ бхаг̇аваа саавад̇т̇ияам̣ вихарад̇и ж̇зд̇аванз анаат̇абин̣д̣игасса аараамз. д̇зна ко бана самаязна ан̃н̃ад̇арасса бариб̣б̣ааж̇агасса д̣̇ахарамаан̣авигаа баж̇аабад̇и ход̇и г̇аб̣бхиний убавиж̇ан̃н̃аа. ат̇а ко саа бариб̣б̣ааж̇игаа д̇ам̣ бариб̣б̣ааж̇агам̣ зд̇ад̣̇авожа – ‘‘г̇ажча д̇вам̣, б̣раахман̣а, д̇злам̣ аахара, яам̣ мз виж̇аад̇ааяа бхависсад̇ий’’д̇и.

16. Evaṃ me sutaṃ – ekaṃ samayaṃ bhagavā sāvatthiyaṃ viharati jetavane anāthapiṇḍikassa ārāme. Tena kho pana samayena aññatarassa paribbājakassa daharamāṇavikā pajāpati hoti gabbhinī upavijaññā. Atha kho sā paribbājikā taṃ paribbājakaṃ etadavoca – ‘‘gaccha tvaṃ, brāhmaṇa, telaṃ āhara, yaṃ me vijātāya bhavissatī’’ti.

звам̣ вуд̇д̇з, со бариб̣б̣ааж̇аго д̇ам̣ бариб̣б̣ааж̇игам̣ зд̇ад̣̇авожа – ‘‘гуд̇о банаахам̣, бход̇и ¹, д̇злам̣ аахараамий’’д̇и? д̣̇уд̇ияамби ко саа бариб̣б̣ааж̇игаа д̇ам̣ бариб̣б̣ааж̇агам̣ зд̇ад̣̇авожа – ‘‘г̇ажча д̇вам̣, б̣раахман̣а, д̇злам̣ аахара, яам̣ мз виж̇аад̇ааяа бхависсад̇ий’’д̇и. д̣̇уд̇ияамби ко со бариб̣б̣ааж̇иго д̇ам̣ бариб̣б̣ааж̇игам̣ зд̇ад̣̇авожа – ‘‘гуд̇о банаахам̣, бход̇и, д̇злам̣ аахараамий’’д̇и? д̇ад̇ияамби ко саа бариб̣б̣ааж̇игаа д̇ам̣ бариб̣б̣ааж̇агам̣ зд̇ад̣̇авожа – ‘‘г̇ажча д̇вам̣, б̣раахман̣а, д̇злам̣ аахара, яам̣ мз виж̇аад̇ааяа бхависсад̇ий’’д̇и.

Evaṃ vutte, so paribbājako taṃ paribbājikaṃ etadavoca – ‘‘kuto panāhaṃ, bhoti ², telaṃ āharāmī’’ti? Dutiyampi kho sā paribbājikā taṃ paribbājakaṃ etadavoca – ‘‘gaccha tvaṃ, brāhmaṇa, telaṃ āhara, yaṃ me vijātāya bhavissatī’’ti. Dutiyampi kho so paribbājiko taṃ paribbājikaṃ etadavoca – ‘‘kuto panāhaṃ, bhoti, telaṃ āharāmī’’ti? Tatiyampi kho sā paribbājikā taṃ paribbājakaṃ etadavoca – ‘‘gaccha tvaṃ, brāhmaṇa, telaṃ āhara, yaṃ me vijātāya bhavissatī’’ti.

д̇зна ко бана самаязна ран̃н̃о басзнад̣̇исса госаласса годтааг̇аарз саман̣асса ваа б̣раахман̣асса ваа саббисса ваа д̇зласса ваа яаавад̣̇ад̇т̇ам̣ баад̇ум̣ д̣̇ийяад̇и ³, но нийхарид̇ум̣.

Tena kho pana samayena rañño pasenadissa kosalassa koṭṭhāgāre samaṇassa vā brāhmaṇassa vā sappissa vā telassa vā yāvadatthaṃ pātuṃ dīyati ⁴, no nīharituṃ.

ат̇а ко д̇асса бариб̣б̣ааж̇агасса зд̇ад̣̇ахоси – ‘‘ран̃н̃о ко бана басзнад̣̇исса госаласса годтааг̇аарз саман̣асса ваа б̣раахман̣асса ваа саббисса ваа д̇зласса ваа яаавад̣̇ад̇т̇ам̣ баад̇ум̣ д̣̇ийяад̇и, но нийхарид̇ум̣. яам̣нуунаахам̣ ран̃н̃о басзнад̣̇исса госаласса годтааг̇аарам̣ г̇анд̇ваа д̇зласса яаавад̣̇ад̇т̇ам̣ бивид̇ваа гхарам̣ ааг̇анд̇ваа ужчад̣̇д̣̇ид̇ваана ⁵ д̣̇ад̣̇зяяам̣, яам̣ имиссаа виж̇аад̇ааяа бхависсад̇ий’’д̇и.

Atha kho tassa paribbājakassa etadahosi – ‘‘rañño kho pana pasenadissa kosalassa koṭṭhāgāre samaṇassa vā brāhmaṇassa vā sappissa vā telassa vā yāvadatthaṃ pātuṃ dīyati, no nīharituṃ. Yaṃnūnāhaṃ rañño pasenadissa kosalassa koṭṭhāgāraṃ gantvā telassa yāvadatthaṃ pivitvā gharaṃ āgantvā ucchadditvāna ⁶ dadeyyaṃ, yaṃ imissā vijātāya bhavissatī’’ti.

ат̇а ко со бариб̣б̣ааж̇аго ран̃н̃о басзнад̣̇исса госаласса годтааг̇аарам̣ г̇анд̇ваа д̇зласса яаавад̣̇ад̇т̇ам̣ бивид̇ваа гхарам̣ ааг̇анд̇ваа нзва саггод̇и уд̣̇д̇хам̣ гаад̇ум̣, на бана ад̇хо. со д̣̇угкаахи д̇иб̣б̣аахи ⁷ караахи гадугаахи взд̣̇анаахи пудто ааваддад̇и бариваддад̇и.

Atha kho so paribbājako rañño pasenadissa kosalassa koṭṭhāgāraṃ gantvā telassa yāvadatthaṃ pivitvā gharaṃ āgantvā neva sakkoti uddhaṃ kātuṃ, na pana adho. So dukkhāhi tibbāhi ⁸ kharāhi kaṭukāhi vedanāhi phuṭṭho āvaṭṭati parivaṭṭati.

ат̇а ко бхаг̇аваа буб̣б̣ан̣хасамаяам̣ ниваасзд̇ваа бад̇д̇ажийварамаад̣̇ааяа саавад̇т̇им̣ бин̣д̣ааяа баависи. ад̣̇д̣̇асаа ко бхаг̇аваа д̇ам̣ бариб̣б̣ааж̇агам̣ д̣̇угкаахи д̇иб̣б̣аахи караахи гадугаахи взд̣̇анаахи пудтам̣ ааваддамаанам̣ бариваддамаанам̣.

Atha kho bhagavā pubbaṇhasamayaṃ nivāsetvā pattacīvaramādāya sāvatthiṃ piṇḍāya pāvisi. Addasā kho bhagavā taṃ paribbājakaṃ dukkhāhi tibbāhi kharāhi kaṭukāhi vedanāhi phuṭṭhaṃ āvaṭṭamānaṃ parivaṭṭamānaṃ.

ат̇а ко бхаг̇аваа зд̇амад̇т̇ам̣ вид̣̇ид̇ваа д̇ааяам̣ взлааяам̣ имам̣ уд̣̇аанам̣ уд̣̇аанзси –

Atha kho bhagavā etamatthaṃ viditvā tāyaṃ velāyaṃ imaṃ udānaṃ udānesi –

‘‘сукино вад̇а яз агин̃жанаа,

‘‘Sukhino vata ye akiñcanā,

взд̣̇аг̇уно хи ж̇анаа агин̃жанаа;

Vedaguno hi janā akiñcanā;

сагин̃жанам̣ басса вихан̃н̃амаанам̣,

Sakiñcanaṃ passa vihaññamānaṃ,

ж̇ано ж̇анасмим̣ бадиб̣анд̇хажид̇д̇о’’ ⁹ д̇и. чадтам̣;

Jano janasmiṃ paṭibandhacitto’’ ¹⁰ ti. chaṭṭhaṃ;

Next: 7. згабуд̇д̇агасуд̇д̇ам̣ • 7. Ekaputtakasuttaṃ

Footnotes:

1. бход̇ияаа (сяаа. бий. га.)

2. bhotiyā (syā. pī. ka.)

3. д̣̇ияяад̇и (сий. га.)

4. diyyati (sī. ka.)

5. уг̇г̇ирид̇ваана (сий. сяаа. бий.), ужчад̣̇ид̇ваа (сий. сяаа. адта.), ужчад̣д̣ид̇ваана (га.)

6. uggiritvāna (sī. syā. pī.), ucchaditvā (sī. syā. aṭṭha.), ucchaḍḍitvāna (ka.)

7. д̇иббаахи (сяаа.)

8. tippāhi (syā.)

9. бадиб̣ад̣̇д̇хажид̇д̇о (сяаа.), бадиб̣анд̇харубо (?)

10. paṭibaddhacitto (syā.), paṭibandharupo (?)

Related texts:

адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / куд̣̇д̣̇аганигааяа (адтагат̇аа) • Khuddakanikāya (aṭṭhakathā) / уд̣̇аана-адтагат̇аа • Udāna-aṭṭhakathā / 6. г̇аб̣бхинийсуд̇д̇аван̣н̣анаа • 6. Gabbhinīsuttavaṇṇanā

© 1991-2023 The Titi Tudorancea Bulletin | Titi Tudorancea^® is a Registered Trademark | Terms of use and privacy policy
Contact