| Library / Tipiṭaka / д̇ибидага • Tipiṭaka / ж̇аад̇ага-адтагат̇аа • Jātaka-aṭṭhakathā |
[199] 9. г̇ахабад̇иж̇аад̇агаван̣н̣анаа
[199] 9. Gahapatijātakavaṇṇanā
убхаяам̣ мз на камад̇ийд̇и ид̣̇ам̣ сад̇т̇аа ж̇зд̇аванз вихаранд̇о угган̣тид̇амзва бхигкум̣ аараб̣бха гат̇зси. гат̇знд̇о жа ‘‘маад̇уг̇аамо наама арагкид̇о, баабагаммам̣ гад̇ваа язна гзнажи убааязна саамигам̣ ван̃жзд̇иязваа’’д̇и вад̇ваа ад̇ийд̇ам̣ аахари.
Ubhayaṃme na khamatīti idaṃ satthā jetavane viharanto ukkaṇṭhitameva bhikkhuṃ ārabbha kathesi. Kathento ca ‘‘mātugāmo nāma arakkhito, pāpakammaṃ katvā yena kenaci upāyena sāmikaṃ vañcetiyevā’’ti vatvā atītaṃ āhari.
ад̇ийд̇з б̣аараан̣асияам̣ б̣рахмад̣̇ад̇д̇з раж̇ж̇ам̣ гаарзнд̇з б̣од̇хисад̇д̇о гаасирадтз г̇ахабад̇игулз ниб̣б̣ад̇д̇ид̇ваа ваяаббад̇д̇о гхарааваасам̣ г̇ан̣хи. д̇асса бхарияаа д̣̇уссийлаа г̇аамабхож̇агзна сад̣̇д̇хим̣ анаажаарам̣ жарад̇и. б̣од̇хисад̇д̇о д̇ам̣ н̃ад̇ваа бариг̇г̇ан̣ханд̇о жарад̇и . д̇ад̣̇аа бана анд̇овассз б̣ийж̇зсу нийхадзсу чаад̇агам̣ ахоси, сассаанам̣ г̇аб̣бхаг̇ахан̣агаало ж̇аад̇о. сагалаг̇аамаваасино ‘‘ид̇о маасад̣̇ваязна сассаани уд̣̇д̇харид̇ваа вийхим̣ д̣̇ассаамаа’’д̇и згад̇о худ̇ваа г̇аамабхож̇агасса хад̇т̇ад̇о згам̣ ж̇араг̇он̣ам̣ г̇ахзд̇ваа мам̣сам̣ каад̣̇им̣су.
Atīte bārāṇasiyaṃ brahmadatte rajjaṃ kārente bodhisatto kāsiraṭṭhe gahapatikule nibbattitvā vayappatto gharāvāsaṃ gaṇhi. Tassa bhariyā dussīlā gāmabhojakena saddhiṃ anācāraṃ carati. Bodhisatto taṃ ñatvā pariggaṇhanto carati . Tadā pana antovasse bījesu nīhaṭesu chātakaṃ ahosi, sassānaṃ gabbhagahaṇakālo jāto. Sakalagāmavāsino ‘‘ito māsadvayena sassāni uddharitvā vīhiṃ dassāmā’’ti ekato hutvā gāmabhojakassa hatthato ekaṃ jaragoṇaṃ gahetvā maṃsaṃ khādiṃsu.
ат̇згад̣̇ивасам̣ г̇аамабхааж̇аго кан̣ам̣ ологзд̇ваа б̣од̇хисад̇д̇асса б̣ахиг̇ад̇авзлааяам̣ г̇зхам̣ баависи. д̇зсам̣ суканибаннагкан̣зязва б̣од̇хисад̇д̇о г̇аамад̣̇ваарзна бависид̇ваа г̇зхаабхимуко бааяааси. саа ид̇т̇ий г̇аамад̣̇ваараабхимукий д̇ам̣ д̣̇исваа ‘‘го ну ко зсо’’д̇и уммаарз тад̇ваа ологзнд̇ий ‘‘соязваа’’д̇и н̃ад̇ваа г̇аамабхож̇агасса аажигки, г̇аамабхож̇аго бхийд̇о багамби. ат̇а нам̣ саа ‘‘маа бхааяи, ад̇т̇зго убааяо, амхзхи д̇ава хад̇т̇ад̇о г̇он̣амам̣сам̣ каад̣̇ид̇ам̣, д̇вам̣ мам̣самуулам̣ сод̇хзнд̇о вияа хохи, ахам̣ годтам̣ ааруяха годтад̣̇ваарз тад̇ваа ‘вийхи над̇т̇ий’д̇и вагкаами. д̇вам̣ г̇зхамаж̇жхз тад̇ваа ‘амхаагам̣ гхарз д̣̇аарагаа чаад̇аа, мам̣самуулам̣ мз д̣̇зхий’д̇и бунаббунам̣ жод̣̇зяяаасий’’д̇и вад̇ваа годтам̣ ааруяха годтад̣̇ваарз нисийд̣̇и. ид̇аро г̇зхамаж̇жхз тад̇ваа ‘‘мам̣самуулам̣ д̣̇зхий’’д̇и вад̣̇ад̇и. саа годтад̣̇ваарз нисиннаа ‘‘годтз вийхи над̇т̇и, сассз уд̣̇д̇харанд̇з д̣̇ассаами г̇ажчаахий’’д̇и ааха.
Athekadivasaṃ gāmabhājako khaṇaṃ oloketvā bodhisattassa bahigatavelāyaṃ gehaṃ pāvisi. Tesaṃ sukhanipannakkhaṇeyeva bodhisatto gāmadvārena pavisitvā gehābhimukho pāyāsi. Sā itthī gāmadvārābhimukhī taṃ disvā ‘‘ko nu kho eso’’ti ummāre ṭhatvā olokentī ‘‘soyevā’’ti ñatvā gāmabhojakassa ācikkhi, gāmabhojako bhīto pakampi. Atha naṃ sā ‘‘mā bhāyi, attheko upāyo, amhehi tava hatthato goṇamaṃsaṃ khāditaṃ, tvaṃ maṃsamūlaṃ sodhento viya hohi, ahaṃ koṭṭhaṃ āruyha koṭṭhadvāre ṭhatvā ‘vīhi natthī’ti vakkhāmi. Tvaṃ gehamajjhe ṭhatvā ‘amhākaṃ ghare dārakā chātā, maṃsamūlaṃ me dehī’ti punappunaṃ codeyyāsī’’ti vatvā koṭṭhaṃ āruyha koṭṭhadvāre nisīdi. Itaro gehamajjhe ṭhatvā ‘‘maṃsamūlaṃ dehī’’ti vadati. Sā koṭṭhadvāre nisinnā ‘‘koṭṭhe vīhi natthi, sasse uddharante dassāmi gacchāhī’’ti āha.
б̣од̇хисад̇д̇о г̇зхам̣ бависид̇ваа д̇зсам̣ гирияам̣ д̣̇исваа ‘‘имааяа баабааяа гад̇аубааяо зса бхависсад̇ий’’д̇и н̃ад̇ваа г̇аамабхож̇агам̣ ааманд̇зд̇ваа ‘‘со г̇аамабхож̇ага амхз д̇ава ж̇араг̇он̣асса мам̣сам̣ каад̣̇анд̇аа ‘ид̇о маасад̣̇ваязна вийхим̣ д̣̇ассаамаа’д̇и каад̣̇имха, д̇вам̣ ад̣дхамаасамби анад̇иггамид̇ваа ид̣̇аанзва гасмаа аахараабзси, на д̇вам̣ иминаа гааран̣зна ааг̇ад̇о, ан̃н̃зна гааран̣зна ааг̇ад̇о бхависсаси, маяхам̣ д̇ава гирияаа на ружжад̇и, аяамби анаажаараа баабад̇хаммаа годтз вийхийнам̣ абхаавам̣ ж̇аанаад̇и, саа д̣̇аани годтам̣ ааруяха ‘вийхи над̇т̇ий’д̇и вад̣̇ад̇и, д̇вамби ‘д̣̇зхий’д̇и вад̣̇ад̇и, убхиннамби во гаран̣ам̣ маяхам̣ на ружжад̇ий’’д̇и зд̇амад̇т̇ам̣ багаасзнд̇о имаа г̇аат̇аа авожа –
Bodhisatto gehaṃ pavisitvā tesaṃ kiriyaṃ disvā ‘‘imāya pāpāya kataupāyo esa bhavissatī’’ti ñatvā gāmabhojakaṃ āmantetvā ‘‘so gāmabhojaka amhe tava jaragoṇassa maṃsaṃ khādantā ‘ito māsadvayena vīhiṃ dassāmā’ti khādimha, tvaṃ aḍḍhamāsampi anatikkamitvā idāneva kasmā āharāpesi, na tvaṃ iminā kāraṇena āgato, aññena kāraṇena āgato bhavissasi, mayhaṃ tava kiriyā na ruccati, ayampi anācārā pāpadhammā koṭṭhe vīhīnaṃ abhāvaṃ jānāti, sā dāni koṭṭhaṃ āruyha ‘vīhi natthī’ti vadati, tvampi ‘dehī’ti vadati, ubhinnampi vo karaṇaṃ mayhaṃ na ruccatī’’ti etamatthaṃ pakāsento imā gāthā avoca –
97.
97.
‘‘убхаяам̣ мз на камад̇и, убхаяам̣ мз на ружжад̇и;
‘‘Ubhayaṃ me na khamati, ubhayaṃ me na ruccati;
яаажааяам̣ годтамод̇ин̣н̣аа, над̣̇ассам̣ ид̇и бхаасад̇и.
Yācāyaṃ koṭṭhamotiṇṇā, nadassaṃ iti bhāsati.
98.
98.
‘‘д̇ам̣ д̇ам̣ г̇аамабад̇и б̣рууми, гад̣̇арз аббасми ж̇ийвид̇з;
‘‘Taṃ taṃ gāmapati brūmi, kadare appasmi jīvite;
д̣̇вз маасз сан̇г̇арам̣ гад̇ваа, мам̣сам̣ ж̇араг̇г̇авам̣ гисам̣;
Dve māse saṅgaraṃ katvā, maṃsaṃ jaraggavaṃ kisaṃ;
аббад̇д̇агаалз жод̣̇зси, д̇амби маяхам̣ на ружжад̇ий’’д̇и.
Appattakāle codesi, tampi mayhaṃ na ruccatī’’ti.
д̇ад̇т̇а д̇ам̣ д̇ам̣ г̇аамабад̇и б̣руумийд̇и, амбхо г̇аамаж̇здтага, д̇зна гааран̣зна д̇ам̣ вад̣̇аами. гад̣̇арз аббасми ж̇ийвид̇зд̇и амхаагам̣ ж̇ийвид̇ам̣ наама гад̣̇аран̃жзва т̇ад̣̇д̇хам̣ луукам̣ гасирам̣ аббан̃жа манд̣̇ам̣ барид̇д̇ам̣, д̇асмим̣ но зваруубз ж̇ийвид̇з вад̇д̇амаанз. д̣̇вз маасз сан̇г̇арам̣ гад̇ваа, мам̣сам̣ ж̇араг̇г̇авам̣ гисанд̇и амхаагам̣ мам̣сам̣ г̇ан̣ханд̇аанам̣ ж̇араг̇г̇авам̣ гисам̣ д̣̇уб̣б̣алам̣ ж̇араг̇он̣ам̣ д̣̇ад̣̇амаано д̇вам̣ ‘‘д̣̇вийхи маасзхи муулам̣ д̣̇аад̇аб̣б̣а’’нд̇и звам̣ д̣̇вз маасз сан̇г̇арам̣ барижчзд̣̇ам̣ гад̇ваа. аббад̇д̇агаалз жод̣̇зсийд̇и д̇асмим̣ гаалз асамбад̇д̇з анд̇араава жод̣̇зси. д̇амби маяхам̣ на ружжад̇ийд̇и яаа жааяам̣ баабад̇хаммаа д̣̇уссийлаа анд̇огодтз вийхийнам̣ над̇т̇ибхаавам̣ ж̇аанамаанаава аж̇аананд̇ий вияа худ̇ваа годтамод̇ин̣н̣аа годтад̣̇ваарз тад̇ваа на д̣̇ассам̣ ид̇и бхаасад̇и, яан̃жа д̇вам̣ агаалз жод̣̇зси, д̇амбийд̇и ид̣̇ам̣ убхаяамби мама нзва камад̇и на ружжад̇ийд̇и.
Tattha taṃ taṃ gāmapati brūmīti, ambho gāmajeṭṭhaka, tena kāraṇena taṃ vadāmi. Kadare appasmi jīviteti amhākaṃ jīvitaṃ nāma kadarañceva thaddhaṃ lūkhaṃ kasiraṃ appañca mandaṃ parittaṃ, tasmiṃ no evarūpe jīvite vattamāne. Dve māse saṅgaraṃ katvā, maṃsaṃ jaraggavaṃ kisanti amhākaṃ maṃsaṃ gaṇhantānaṃ jaraggavaṃ kisaṃ dubbalaṃ jaragoṇaṃ dadamāno tvaṃ ‘‘dvīhi māsehi mūlaṃ dātabba’’nti evaṃ dve māse saṅgaraṃ paricchedaṃ katvā. Appattakāle codesīti tasmiṃ kāle asampatte antarāva codesi. Tampi mayhaṃ na ruccatīti yā cāyaṃ pāpadhammā dussīlā antokoṭṭhe vīhīnaṃ natthibhāvaṃ jānamānāva ajānantī viya hutvā koṭṭhamotiṇṇā koṭṭhadvāre ṭhatvā na dassaṃ iti bhāsati, yañca tvaṃ akāle codesi, tampīti idaṃ ubhayampi mama neva khamati na ruccatīti.
звам̣ со гат̇знд̇ова г̇аамабхож̇агам̣ жуул̣ааяа г̇ахзд̇ваа гад̣дхид̇ваа г̇зхамаж̇жхз баад̇зд̇ваа ‘‘г̇аамабхож̇агомхийд̇и барасса рагкид̇аг̇обид̇абхан̣д̣з абараж̇жхасий’’д̇иаад̣̇ийхи барибхаасид̇ваа бот̇зд̇ваа д̣̇уб̣б̣алам̣ гад̇ваа г̇ийвааяа г̇ахзд̇ваа г̇зхаа ниггад̣дхид̇ваа д̇амби д̣̇удтаид̇т̇им̣ гзсзсу г̇ахзд̇ваа годтаа од̇аарзд̇ваа ниббот̇зд̇ваа ‘‘сажз буна зваруубам̣ гароси, ж̇ааниссасий’’д̇и санд̇аж̇ж̇зси. д̇ад̇о бадтааяа г̇аамабхож̇аго д̇ам̣ г̇зхам̣ ологзд̇умби на висахи, сааби баабаа буна манасааби ад̇ижарид̇ум̣ наасагки.
Evaṃ so kathentova gāmabhojakaṃ cūḷāya gahetvā kaḍḍhitvā gehamajjhe pātetvā ‘‘gāmabhojakomhīti parassa rakkhitagopitabhaṇḍe aparajjhasī’’tiādīhi paribhāsitvā pothetvā dubbalaṃ katvā gīvāya gahetvā gehā nikkaḍḍhitvā tampi duṭṭhaitthiṃ kesesu gahetvā koṭṭhā otāretvā nippothetvā ‘‘sace puna evarūpaṃ karosi, jānissasī’’ti santajjesi. Tato paṭṭhāya gāmabhojako taṃ gehaṃ oloketumpi na visahi, sāpi pāpā puna manasāpi aticarituṃ nāsakkhi.
сад̇т̇аа имам̣ д̇хаммад̣̇зсанам̣ аахарид̇ваа сажжаани багаасзд̇ваа ж̇аад̇агам̣ самод̇хаанзси, сажжабарияосаанз угган̣тид̇абхигку сод̇аабад̇д̇ипалз бад̇идтахи. ‘‘д̇ад̣̇аа г̇аамабхож̇аго д̣̇звад̣̇ад̇д̇о, ниг̇г̇ахагаараго г̇ахабад̇и бана ахамзва ахоси’’нд̇и.
Satthā imaṃ dhammadesanaṃ āharitvā saccāni pakāsetvā jātakaṃ samodhānesi, saccapariyosāne ukkaṇṭhitabhikkhu sotāpattiphale patiṭṭhahi. ‘‘Tadā gāmabhojako devadatto, niggahakārako gahapati pana ahameva ahosi’’nti.
г̇ахабад̇иж̇аад̇агаван̣н̣анаа навамаа.
Gahapatijātakavaṇṇanā navamā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / ж̇аад̇агабаал̣и • Jātakapāḷi / 199. г̇ахабад̇иж̇аад̇агам̣ • 199. Gahapatijātakaṃ
