| Library / Tipiṭaka / д̇ибидага • Tipiṭaka / ж̇аад̇ага-адтагат̇аа • Jātaka-aṭṭhakathā |
[257] 7. г̇ааман̣ижанд̣̇аж̇аад̇агаван̣н̣анаа
[257] 7. Gāmaṇicandajātakavaṇṇanā
нааяам̣ гхараанам̣ гусалод̇и ид̣̇ам̣ сад̇т̇аа ж̇зд̇аванз вихаранд̇о бан̃н̃аабасам̣санам̣ аараб̣бха гат̇зси. д̇хаммасабхааяан̃хи бхигкуу д̣̇асаб̣аласса бан̃н̃ам̣ басам̣санд̇аа нисийд̣̇им̣су – ‘‘аавусо, д̇ат̇ааг̇ад̇о махаабан̃н̃о бут̇убан̃н̃о хаасабан̃н̃о ж̇аванабан̃н̃о д̇игкабан̃н̃о ниб̣б̣зд̇хигабан̃н̃о сад̣̇звагам̣ логам̣ бан̃н̃ааяа ад̇иггамад̇ий’’д̇и. сад̇т̇аа ааг̇анд̇ваа ‘‘гааяа нуд̇т̇а, бхигкавз, зд̇арахи гат̇ааяа саннисиннаа’’д̇и бужчид̇ваа ‘‘имааяа наамаа’’д̇и вуд̇д̇з ‘‘на, бхигкавз, ид̣̇аанзва, буб̣б̣зби д̇ат̇ааг̇ад̇о бан̃н̃авааязваа’’д̇и вад̇ваа ад̇ийд̇ам̣ аахари.
Nāyaṃgharānaṃ kusaloti idaṃ satthā jetavane viharanto paññāpasaṃsanaṃ ārabbha kathesi. Dhammasabhāyañhi bhikkhū dasabalassa paññaṃ pasaṃsantā nisīdiṃsu – ‘‘āvuso, tathāgato mahāpañño puthupañño hāsapañño javanapañño tikkhapañño nibbedhikapañño sadevakaṃ lokaṃ paññāya atikkamatī’’ti. Satthā āgantvā ‘‘kāya nuttha, bhikkhave, etarahi kathāya sannisinnā’’ti pucchitvā ‘‘imāya nāmā’’ti vutte ‘‘na, bhikkhave, idāneva, pubbepi tathāgato paññavāyevā’’ti vatvā atītaṃ āhari.
ад̇ийд̇з б̣аараан̣асияам̣ ж̇анасанд̇хо наама рааж̇аа раж̇ж̇ам̣ гаарзси. б̣од̇хисад̇д̇о д̇асса аг̇г̇амахзсияаа гужчимхи ниб̣б̣ад̇д̇и. д̇асса мукам̣ субаримаж̇ж̇ид̇аган̃жанаад̣̇аасад̇алам̣ вияа барисуд̣̇д̇хам̣ ахоси ад̇исобхаг̇г̇аббад̇д̇ам̣, д̇знасса наамаг̇г̇ахан̣ад̣̇ивасз ‘‘аад̣̇аасамукамааро’’д̇и наамам̣ агам̣су. д̇ам̣ сад̇д̇авассаб̣бханд̇арзязва бана бид̇аа д̇аяо взд̣̇з жа саб̣б̣ан̃жа логз гад̇д̇аб̣б̣аагад̇д̇аб̣б̣ам̣ сигкаабзд̇ваа д̇асса сад̇д̇авассигагаалз гааламагааси. амажжаа маханд̇зна саггаарзна ран̃н̃о сарийрагижжам̣ гад̇ваа мад̇агад̣̇аанам̣ д̣̇ад̇ваа сад̇д̇амз д̣̇ивасз рааж̇ан̇г̇ан̣з саннибад̇ид̇ваа ‘‘гумааро ад̇ид̣̇ахаро, на саггаа раж̇ж̇з абхисин̃жид̇ум̣, виймам̣сид̇ваа нам̣ абхисин̃жиссаамаа’’д̇и згад̣̇ивасам̣ наг̇арам̣ алан̇гаараабзд̇ваа винижчаяадтаанам̣ саж̇ж̇зд̇ваа баллан̇гам̣ бан̃н̃абзд̇ваа гумаарасса санд̇игам̣ г̇анд̇ваа ‘‘винижчаяадтаанам̣, д̣̇зва, г̇анд̇ум̣ ваддад̇ий’’д̇и аахам̣су. гумааро ‘‘саад̇хуу’’д̇и маханд̇зна бариваарзна г̇анд̇ваа баллан̇гз нисийд̣̇и.
Atīte bārāṇasiyaṃ janasandho nāma rājā rajjaṃ kāresi. Bodhisatto tassa aggamahesiyā kucchimhi nibbatti. Tassa mukhaṃ suparimajjitakañcanādāsatalaṃ viya parisuddhaṃ ahosi atisobhaggappattaṃ, tenassa nāmaggahaṇadivase ‘‘ādāsamukhamāro’’ti nāmaṃ akaṃsu. Taṃ sattavassabbhantareyeva pana pitā tayo vede ca sabbañca loke kattabbākattabbaṃ sikkhāpetvā tassa sattavassikakāle kālamakāsi. Amaccā mahantena sakkārena rañño sarīrakiccaṃ katvā matakadānaṃ datvā sattame divase rājaṅgaṇe sannipatitvā ‘‘kumāro atidaharo, na sakkā rajje abhisiñcituṃ, vīmaṃsitvā naṃ abhisiñcissāmā’’ti ekadivasaṃ nagaraṃ alaṅkārāpetvā vinicchayaṭṭhānaṃ sajjetvā pallaṅkaṃ paññapetvā kumārassa santikaṃ gantvā ‘‘vinicchayaṭṭhānaṃ, deva, gantuṃ vaṭṭatī’’ti āhaṃsu. Kumāro ‘‘sādhū’’ti mahantena parivārena gantvā pallaṅke nisīdi.
д̇асса нисиннагаалз амажжаа згам̣ д̣̇вийхи баад̣̇зхи вижаран̣амаггадам̣ вад̇т̇увиж̇ж̇аажарияавзсам̣ г̇аахаабзд̇ваа винижчаяадтаанам̣ нзд̇ваа ‘‘д̣̇зва, аяам̣ бурисо бид̇у махаарааж̇асса гаалз вад̇т̇увиж̇ж̇аажарияо баг̇ун̣авиж̇ж̇о анд̇обхуумияам̣ сад̇д̇арад̇анадтаанз г̇ун̣ад̣̇осам̣ бассад̇и, зд̇знзва г̇ахид̇ам̣ рааж̇агулаанам̣ г̇зхадтаанам̣ ход̇и, имам̣ д̣̇зво сан̇г̇ан̣хид̇ваа таананд̇арз табзд̇уу’’д̇и аахам̣су. гумааро д̇ам̣ хздтаа жа убарижа ологзд̇ваа ‘‘нааяам̣ мануссо, маггадо зсо’’д̇и н̃ад̇ваа ‘‘маггадаа наама гад̇ам̣ гад̇ам̣ вид̣̇д̇хам̣сзд̇ум̣ ж̇аананд̇и, агад̇ам̣ бана гаад̇ум̣ ваа вижаарзд̇ум̣ ваа на ж̇аананд̇ий’’д̇и жинд̇зд̇ваа амажжаанам̣ батамам̣ г̇аат̇амааха –
Tassa nisinnakāle amaccā ekaṃ dvīhi pādehi vicaraṇamakkaṭaṃ vatthuvijjācariyavesaṃ gāhāpetvā vinicchayaṭṭhānaṃ netvā ‘‘deva, ayaṃ puriso pitu mahārājassa kāle vatthuvijjācariyo paguṇavijjo antobhūmiyaṃ sattaratanaṭṭhāne guṇadosaṃ passati, eteneva gahitaṃ rājakulānaṃ gehaṭṭhānaṃ hoti, imaṃ devo saṅgaṇhitvā ṭhānantare ṭhapetū’’ti āhaṃsu. Kumāro taṃ heṭṭhā ca uparica oloketvā ‘‘nāyaṃ manusso, makkaṭo eso’’ti ñatvā ‘‘makkaṭā nāma kataṃ kataṃ viddhaṃsetuṃ jānanti, akataṃ pana kātuṃ vā vicāretuṃ vā na jānantī’’ti cintetvā amaccānaṃ paṭhamaṃ gāthamāha –
19.
19.
‘‘нааяам̣ гхараанам̣ гусало, лоло аяам̣ валиймуко;
‘‘Nāyaṃ gharānaṃ kusalo, lolo ayaṃ valīmukho;
гад̇ам̣ гад̇ам̣ ко д̣̇уусзяяа, звам̣ д̇хаммамид̣̇ам̣ гула’’нд̇и.
Kataṃ kataṃ kho dūseyya, evaṃ dhammamidaṃ kula’’nti.
д̇ад̇т̇а нааяам̣ гхараанам̣ гусалод̇и аяам̣ сад̇д̇о на гхараанам̣ гусало, гхараани вижаарзд̇ум̣ ваа гаад̇ум̣ ваа чзго на ход̇и. лолод̇и лолаж̇аад̇иго. валиймукод̇и валияо мукз ассаад̇и валиймуко. звам̣ д̇хаммамид̣̇ам̣гуланд̇и ид̣̇ам̣ маггадагулам̣ наама гад̇ам̣ гад̇ам̣ д̣̇уусзд̇аб̣б̣ам̣ винаасзд̇аб̣б̣анд̇и звам̣ сабхааванд̇и.
Tattha nāyaṃ gharānaṃ kusaloti ayaṃ satto na gharānaṃ kusalo, gharāni vicāretuṃ vā kātuṃ vā cheko na hoti. Loloti lolajātiko. Valīmukhoti valiyo mukhe assāti valīmukho. Evaṃ dhammamidaṃkulanti idaṃ makkaṭakulaṃ nāma kataṃ kataṃ dūsetabbaṃ vināsetabbanti evaṃ sabhāvanti.
ат̇аамажжаа ‘‘звам̣ бхависсад̇и, д̣̇зваа’’д̇и д̇ам̣ абанзд̇ваа згаахад̣̇вийхажжаязна буна д̇амзва алан̇гарид̇ваа винижчаяадтаанам̣ аанзд̇ваа ‘‘аяам̣, д̣̇зва, бид̇у махаарааж̇асса гаалз винижчаяаамажжо, винижчаяасуд̇д̇амасса субавад̇д̇ид̇ам̣, имам̣ сан̇г̇ан̣хид̇ваа винижчаяагаммам̣ гаарзд̇ум̣ ваддад̇ий’’д̇и аахам̣су. гумааро д̇ам̣ ологзд̇ваа ‘‘жид̇д̇авад̇о мануссасса ломам̣ наама зваруубам̣ на ход̇и, аяам̣ нижид̇д̇аго ваанаро винижчаяагаммам̣ гаад̇ум̣ на сагкиссад̇ий’’д̇и н̃ад̇ваа д̣̇уд̇ияам̣ г̇аат̇амааха –
Athāmaccā ‘‘evaṃ bhavissati, devā’’ti taṃ apanetvā ekāhadvīhaccayena puna tameva alaṅkaritvā vinicchayaṭṭhānaṃ ānetvā ‘‘ayaṃ, deva, pitu mahārājassa kāle vinicchayāmacco, vinicchayasuttamassa supavattitaṃ, imaṃ saṅgaṇhitvā vinicchayakammaṃ kāretuṃ vaṭṭatī’’ti āhaṃsu. Kumāro taṃ oloketvā ‘‘cittavato manussassa lomaṃ nāma evarūpaṃ na hoti, ayaṃ nicittako vānaro vinicchayakammaṃ kātuṃ na sakkhissatī’’ti ñatvā dutiyaṃ gāthamāha –
20.
20.
‘‘наяид̣̇ам̣ жид̇д̇авад̇о ломам̣, нааяам̣ ассаасиго миг̇о;
‘‘Nayidaṃ cittavato lomaṃ, nāyaṃ assāsiko migo;
сидтам̣ мз ж̇анасанд̇хзна, нааяам̣ гин̃жи виж̇аанад̇ий’’д̇и.
Siṭṭhaṃ me janasandhena, nāyaṃ kiñci vijānatī’’ti.
д̇ад̇т̇а наяид̣̇ам̣ жид̇д̇авад̇о ломанд̇и яам̣ ид̣̇ам̣ зд̇асса сарийрз парусаломам̣, ид̣̇ам̣ вижааран̣абан̃н̃ааяа самбаяуд̇д̇ажид̇д̇авад̇о на ход̇и. баагад̇игажид̇д̇зна бана ажид̇д̇аго наама д̇иражчаанаг̇ад̇о над̇т̇и. нааяам̣ ассаасигод̇и аяам̣ авассаяо ваа худ̇ваа анусаасаним̣ ваа д̣̇ад̇ваа ан̃н̃ам̣ ассаасзд̇ум̣ асамад̇т̇ад̇ааяа на ассаасиго. миг̇од̇и маггадам̣ ааха. сидтам̣ мз ж̇анасанд̇хзнаад̇и маяхам̣ бид̇араа ж̇анасанд̇хзна зд̇ам̣ сидтам̣ гат̇ид̇ам̣, ‘‘маггадо наама гааран̣аагааран̣ам̣ на ж̇аанаад̇ий’’д̇и звам̣ анусаасаний д̣̇иннаад̇и д̣̇ийбзд̇и. нааяам̣ гин̃жи виж̇аанад̇ийд̇и д̇асмаа аяам̣ ваанаро на гин̃жи ж̇аанаад̇ийд̇и нидтамзд̇т̇а г̇анд̇аб̣б̣ам̣. баал̣ияам̣ бана ‘‘нааяам̣ гин̃жи на д̣̇уусаяз’’д̇и ликид̇ам̣, д̇ам̣ адтагат̇ааяам̣ над̇т̇и.
Tattha nayidaṃ cittavato lomanti yaṃ idaṃ etassa sarīre pharusalomaṃ, idaṃ vicāraṇapaññāya sampayuttacittavato na hoti. Pākatikacittena pana acittako nāma tiracchānagato natthi. Nāyaṃassāsikoti ayaṃ avassayo vā hutvā anusāsaniṃ vā datvā aññaṃ assāsetuṃ asamatthatāya na assāsiko. Migoti makkaṭaṃ āha. Siṭṭhaṃ me janasandhenāti mayhaṃ pitarā janasandhena etaṃ siṭṭhaṃ kathitaṃ, ‘‘makkaṭo nāma kāraṇākāraṇaṃ na jānātī’’ti evaṃ anusāsanī dinnāti dīpeti. Nāyaṃ kiñci vijānatīti tasmā ayaṃ vānaro na kiñci jānātīti niṭṭhamettha gantabbaṃ. Pāḷiyaṃ pana ‘‘nāyaṃ kiñci na dūsaye’’ti likhitaṃ, taṃ aṭṭhakathāyaṃ natthi.
амажжаа имамби г̇аат̇ам̣ суд̇ваа ‘‘звам̣ бхависсад̇и, д̣̇зваа’’д̇и д̇ам̣ абанзд̇ваа бунаби згад̣̇ивасам̣ д̇амзва алан̇гарид̇ваа винижчаяадтаанам̣ аанзд̇ваа ‘‘аяам̣, д̣̇зва, бурисо бид̇у махаарааж̇асса гаалз маад̇аабид̇уубадтаанагаараго, гулзж̇здтаабажааяигагаммагаараго, имам̣ сан̇г̇ан̣хид̇ум̣ ваддад̇ий’’д̇и аахам̣су. гумааро д̇ам̣ ологзд̇ваа ‘‘маггадаа наама жалажид̇д̇аа, зваруубам̣ гаммам̣ гаад̇ум̣ на самад̇т̇аа’’д̇и жинд̇зд̇ваа д̇ад̇ияам̣ г̇аат̇амааха –
Amaccā imampi gāthaṃ sutvā ‘‘evaṃ bhavissati, devā’’ti taṃ apanetvā punapi ekadivasaṃ tameva alaṅkaritvā vinicchayaṭṭhānaṃ ānetvā ‘‘ayaṃ, deva, puriso pitu mahārājassa kāle mātāpituupaṭṭhānakārako, kulejeṭṭhāpacāyikakammakārako, imaṃ saṅgaṇhituṃ vaṭṭatī’’ti āhaṃsu. Kumāro taṃ oloketvā ‘‘makkaṭā nāma calacittā, evarūpaṃ kammaṃ kātuṃ na samatthā’’ti cintetvā tatiyaṃ gāthamāha –
21.
21.
‘‘на маад̇арам̣ бид̇арам̣ ваа, бхаад̇арам̣ бхаг̇иним̣ сагам̣;
‘‘Na mātaraṃ pitaraṃ vā, bhātaraṃ bhaginiṃ sakaṃ;
бхарзяяа д̇аад̣̇исо босо, сидтам̣ д̣̇асарат̇зна мз’’д̇и.
Bhareyya tādiso poso, siṭṭhaṃ dasarathena me’’ti.
д̇ад̇т̇а бхаад̇арам̣ бхаг̇иним̣ саганд̇и ад̇д̇ано бхаад̇арам̣ ваа бхаг̇иним̣ ваа. баал̣ияам̣ бана ‘‘сака’’нд̇и ликид̇ам̣, д̇ам̣ бана адтагат̇ааяам̣ ‘‘саганд̇и вуд̇д̇з сагабхаад̇игабхаг̇инияо лаб̣бханд̇и, саканд̇и вуд̇д̇з сахааяаго лаб̣бхад̇ий’’д̇и вижаарид̇амзва. бхарзяяаад̇и босзяяа. д̇аад̣̇исо босод̇и яаад̣̇исо зса д̣̇иссад̇и, д̇аад̣̇исо маггадаж̇аад̇иго сад̇д̇о на бхарзяяа. сидтам̣ д̣̇асарат̇зна мзд̇и звам̣ мз бид̇араа анусидтам̣. бид̇аа хисса ж̇анам̣ жад̇уухи сан̇г̇ахавад̇т̇уухи санд̣̇аханад̇о ‘‘ж̇анасанд̇хо’’д̇и вужжад̇и, д̣̇асахи рат̇зхи гад̇д̇аб̣б̣аагад̇д̇аб̣б̣ам̣ ад̇д̇ано згзнзва рат̇зна гаран̣ад̇о ‘‘д̣̇асарат̇о’’д̇и. д̇асса санд̇игаа зваруубасса оваад̣̇асса суд̇ад̇д̇аа звамааха.
Tattha bhātaraṃ bhaginiṃ sakanti attano bhātaraṃ vā bhaginiṃ vā. Pāḷiyaṃ pana ‘‘sakha’’nti likhitaṃ, taṃ pana aṭṭhakathāyaṃ ‘‘sakanti vutte sakabhātikabhaginiyo labbhanti, sakhanti vutte sahāyako labbhatī’’ti vicāritameva. Bhareyyāti poseyya. Tādiso posoti yādiso esa dissati, tādiso makkaṭajātiko satto na bhareyya. Siṭṭhaṃ dasarathena meti evaṃ me pitarā anusiṭṭhaṃ. Pitā hissa janaṃ catūhi saṅgahavatthūhi sandahanato ‘‘janasandho’’ti vuccati, dasahi rathehi kattabbākattabbaṃ attano ekeneva rathena karaṇato ‘‘dasaratho’’ti. Tassa santikā evarūpassa ovādassa sutattā evamāha.
амажжаа ‘‘звам̣ бхависсад̇и, д̣̇зваа’’д̇и маггадам̣ абанзд̇ваа ‘‘бан̣д̣ид̇о гумааро, сагкиссад̇и раж̇ж̇ам̣ гаарзд̇у’’нд̇и б̣од̇хисад̇д̇ам̣ раж̇ж̇з абхисин̃жид̇ваа ‘‘аад̣̇аасамукаран̃н̃о аан̣аа’’д̇и наг̇арз бхзрим̣ жараабзсум̣. д̇ад̇о бадтааяа б̣од̇хисад̇д̇о д̇хаммзна раж̇ж̇ам̣ гаарзси, бан̣д̣ид̇абхаавобисса сагалаж̇амб̣уд̣̇ийбам̣ бад̇т̇арид̇ваа г̇ад̇о.
Amaccā ‘‘evaṃ bhavissati, devā’’ti makkaṭaṃ apanetvā ‘‘paṇḍito kumāro, sakkhissati rajjaṃ kāretu’’nti bodhisattaṃ rajje abhisiñcitvā ‘‘ādāsamukharañño āṇā’’ti nagare bheriṃ carāpesuṃ. Tato paṭṭhāya bodhisatto dhammena rajjaṃ kāresi, paṇḍitabhāvopissa sakalajambudīpaṃ pattharitvā gato.
бан̣д̣ид̇абхаавад̣̇ийбанад̇т̇ам̣ банасса имаани жуд̣̇д̣̇аса вад̇т̇ууни аабхад̇аани –
Paṇḍitabhāvadīpanatthaṃ panassa imāni cuddasa vatthūni ābhatāni –
‘‘г̇он̣о буд̇д̇о хаяо жзва, нал̣агааро г̇аамабхож̇аго;
‘‘Goṇo putto hayo ceva, naḷakāro gāmabhojako;
г̇ан̣игаа д̇арун̣ий саббо, миг̇о д̇ид̇д̇ирад̣̇звад̇аа;
Gaṇikā taruṇī sappo, migo tittiradevatā;
нааг̇о д̇абассино жзва, ат̇о б̣раахман̣амаан̣аво’’д̇и.
Nāgo tapassino ceva, atho brāhmaṇamāṇavo’’ti.
д̇ад̇рааяам̣ анубуб̣б̣ийгат̇аа – б̣од̇хисад̇д̇асмин̃хи раж̇ж̇з абхисин̃жид̇з зго ж̇анасанд̇харан̃н̃о баад̣̇амуулиго наамзна г̇ааман̣ижанд̣̇о наама звам̣ жинд̇зси – ‘‘ид̣̇ам̣ раж̇ж̇ам̣ наама самаанаваязхи сад̣̇д̇хим̣ собхад̇и, ахан̃жа махаллаго, д̣̇ахарам̣ гумаарам̣ убадтаад̇ум̣ на сагкиссаами, ж̇анабад̣̇з гасигаммам̣ гад̇ваа ж̇ийвиссаамий’’д̇и, со наг̇арад̇о д̇ияож̇анамад̇д̇ам̣ г̇анд̇ваа згасмим̣ г̇аамагз ваасам̣ габбзси. гасигаммад̇т̇ааяа банасса г̇он̣ааби над̇т̇и, со д̣̇звз вудтз згам̣ сахааяагам̣ д̣̇вз г̇он̣з яаажид̇ваа саб̣б̣ад̣̇ивасам̣ гасид̇ваа д̇ин̣ам̣ каад̣̇аабзд̇ваа г̇он̣з саамигасса нияяаад̣̇зд̇ум̣ г̇зхам̣ аг̇амааси. со д̇асмим̣ кан̣з бхарияааяа сад̣̇д̇хим̣ г̇зхамаж̇жхз нисийд̣̇ид̇ваа бхад̇д̇ам̣ бхун̃ж̇ад̇и. г̇он̣ааби барижаязна г̇зхам̣ бависим̣су, д̇зсу бависанд̇зсу саамиго т̇аалагам̣ угкиби, бхарияаа т̇аалагам̣ абанзси. г̇ааман̣ижанд̣̇о ‘‘бхад̇д̇зна мам̣ ниманд̇зяяу’’нд̇и ологзнд̇о г̇он̣з анияяаад̣̇зд̇ваава г̇ад̇о. жораа рад̇д̇им̣ важ̇ам̣ бхинд̣̇ид̇ваа д̇зязва г̇он̣з харим̣су. г̇он̣асаамиго баад̇ова важ̇ам̣ бавидто д̇з г̇он̣з ад̣̇исваа жорзхи хадабхаавам̣ ж̇аананд̇оби ‘‘г̇ааман̣ижанд̣̇асса г̇ийвам̣ гариссаамий’’д̇и д̇ам̣ убасан̇гамид̇ваа ‘‘бхо г̇он̣з, мз д̣̇зхий’’д̇и ааха. ‘‘нану г̇он̣аа г̇зхам̣ бавидтаа’’д̇и. ‘‘гим̣ бана д̇з маяхам̣ нияяаад̣̇ид̇аа’’д̇и? ‘‘на нияяаад̣̇ид̇аа’’д̇и. ‘‘д̇зна хи аяам̣ д̇з рааж̇ад̣̇ууд̇о, зхий’’д̇и ааха. д̇зсу хи ж̇анабад̣̇зсу яам̣гин̃жи сагкарам̣ ваа габаалакан̣д̣ам̣ ваа угкибид̇ваа ‘‘аяам̣ д̇з рааж̇ад̣̇ууд̇о, зхий’’д̇и вуд̇д̇з яо на г̇ажчад̇и, д̇асса рааж̇аан̣ам̣ гарод̇и, д̇асмаа со ‘‘рааж̇ад̣̇ууд̇о’’д̇и суд̇ваава нигками.
Tatrāyaṃ anupubbīkathā – bodhisattasmiñhi rajje abhisiñcite eko janasandharañño pādamūliko nāmena gāmaṇicando nāma evaṃ cintesi – ‘‘idaṃ rajjaṃ nāma samānavayehi saddhiṃ sobhati, ahañca mahallako, daharaṃ kumāraṃ upaṭṭhātuṃ na sakkhissāmi, janapade kasikammaṃ katvā jīvissāmī’’ti, so nagarato tiyojanamattaṃ gantvā ekasmiṃ gāmake vāsaṃ kappesi. Kasikammatthāya panassa goṇāpi natthi, so deve vuṭṭhe ekaṃ sahāyakaṃ dve goṇe yācitvā sabbadivasaṃ kasitvā tiṇaṃ khādāpetvā goṇe sāmikassa niyyādetuṃ gehaṃ agamāsi. So tasmiṃ khaṇe bhariyāya saddhiṃ gehamajjhe nisīditvā bhattaṃ bhuñjati. Goṇāpi paricayena gehaṃ pavisiṃsu, tesu pavisantesu sāmiko thālakaṃ ukkhipi, bhariyā thālakaṃ apanesi. Gāmaṇicando ‘‘bhattena maṃ nimanteyyu’’nti olokento goṇe aniyyādetvāva gato. Corā rattiṃ vajaṃ bhinditvā teyeva goṇe hariṃsu. Goṇasāmiko pātova vajaṃ paviṭṭho te goṇe adisvā corehi haṭabhāvaṃ jānantopi ‘‘gāmaṇicandassa gīvaṃ karissāmī’’ti taṃ upasaṅkamitvā ‘‘bho goṇe, me dehī’’ti āha. ‘‘Nanu goṇā gehaṃ paviṭṭhā’’ti. ‘‘Kiṃ pana te mayhaṃ niyyāditā’’ti? ‘‘Na niyyāditā’’ti. ‘‘Tena hi ayaṃ te rājadūto, ehī’’ti āha. Tesu hi janapadesu yaṃkiñci sakkharaṃ vā kapālakhaṇḍaṃ vā ukkhipitvā ‘‘ayaṃ te rājadūto, ehī’’ti vutte yo na gacchati, tassa rājāṇaṃ karoti, tasmā so ‘‘rājadūto’’ti sutvāva nikkhami.
со д̇зна сад̣̇д̇хим̣ рааж̇агулам̣ г̇ажчанд̇о згам̣ сахааяагасса васанаг̇аамам̣ бад̇ваа ‘‘бхо, ад̇ичаад̇омхи, яаава г̇аамам̣ бависид̇ваа аахаарагижжам̣ гад̇ваа ааг̇ажчаами, д̇аава ид̇хзва хохий’’д̇и вад̇ваа сахааяаг̇зхам̣ баависи. сахааяо банасса г̇зхз над̇т̇и, сахааяигаа д̣̇исваа ‘‘саами, баггаахааро над̇т̇и, мухуд̇д̇ам̣ ад̇хиваасзхи, ид̣̇аанзва бажид̇ваа д̣̇ассаамий’’д̇и ниссзн̣ияаа взг̇зна д̇ан̣д̣улагодтагам̣ абхируханд̇ий бхуумияам̣ бад̇и, д̇ан̇кан̣ан̃н̃зва д̇ассаа сад̇д̇амаасиго г̇аб̣бхо бад̇ид̇о. д̇асмим̣ кан̣з д̇ассаа саамиго ааг̇анд̇ваа д̇ам̣ д̣̇исваа ‘‘д̇вам̣ мз бхарияам̣ бахарид̇ваа г̇аб̣бхам̣ баад̇зси, аяам̣ д̇з рааж̇ад̣̇ууд̇о, зхий’’д̇и д̇ам̣ г̇ахзд̇ваа нигками. д̇ад̇о бадтааяа д̣̇вз ж̇анаа г̇ааман̣им̣ маж̇жхз гад̇ваа г̇ажчанд̇и.
So tena saddhiṃ rājakulaṃ gacchanto ekaṃ sahāyakassa vasanagāmaṃ patvā ‘‘bho, atichātomhi, yāva gāmaṃ pavisitvā āhārakiccaṃ katvā āgacchāmi, tāva idheva hohī’’ti vatvā sahāyagehaṃ pāvisi. Sahāyo panassa gehe natthi, sahāyikā disvā ‘‘sāmi, pakkāhāro natthi, muhuttaṃ adhivāsehi, idāneva pacitvā dassāmī’’ti nisseṇiyā vegena taṇḍulakoṭṭhakaṃ abhiruhantī bhūmiyaṃ pati, taṅkhaṇaññeva tassā sattamāsiko gabbho patito. Tasmiṃ khaṇe tassā sāmiko āgantvā taṃ disvā ‘‘tvaṃ me bhariyaṃ paharitvā gabbhaṃ pātesi, ayaṃ te rājadūto, ehī’’ti taṃ gahetvā nikkhami. Tato paṭṭhāya dve janā gāmaṇiṃ majjhe katvā gacchanti.
ат̇згасмим̣ г̇аамад̣̇ваарз зго ассаг̇обаго ассам̣ нивад̇д̇зд̇ум̣ на саггод̇и, ассоби д̇зсам̣ санд̇игзна г̇ажчад̇и. ассаг̇обаго г̇ааман̣ижанд̣̇ам̣ д̣̇исваа ‘‘маад̇ула г̇ааман̣ижанд̣̇а, зд̇ам̣ д̇аава ассам̣ гзнажид̣̇зва бахарид̇ваа нивад̇д̇зхий’’д̇и ааха. со згам̣ баасаан̣ам̣ г̇ахзд̇ваа киби, баасаан̣о ассасса баад̣̇з бахарид̇ваа зран̣д̣ад̣̇ан̣д̣агам̣ вияа бхинд̣̇и. ат̇а нам̣ ассаг̇обаго ‘‘д̇аяаа мз ассасса баад̣̇о бхинно, аяам̣ д̇з рааж̇ад̣̇ууд̇о’’д̇и вад̇ваа г̇ан̣хи.
Athekasmiṃ gāmadvāre eko assagopako assaṃ nivattetuṃ na sakkoti, assopi tesaṃ santikena gacchati. Assagopako gāmaṇicandaṃ disvā ‘‘mātula gāmaṇicanda, etaṃ tāva assaṃ kenacideva paharitvā nivattehī’’ti āha. So ekaṃ pāsāṇaṃ gahetvā khipi, pāsāṇo assassa pāde paharitvā eraṇḍadaṇḍakaṃ viya bhindi. Atha naṃ assagopako ‘‘tayā me assassa pādo bhinno, ayaṃ te rājadūto’’ti vatvā gaṇhi.
со д̇ийхи ж̇анзхи нийяамаано жинд̇зси – ‘‘имз мам̣ ран̃н̃о д̣̇ассзссанд̇и, ахам̣ г̇он̣амууламби д̣̇аад̇ум̣ на саггоми, баг̇зва г̇аб̣бхабаад̇анад̣̇ан̣д̣ам̣, ассамуулам̣ бана гуд̇о лабхиссаами, мад̇ам̣ мз сзяяо’’д̇и. со г̇ажчанд̇о анд̇араамаг̇г̇з адавияам̣ маг̇г̇асамийбзязва згам̣ згад̇о бабаад̇ам̣ баб̣б̣ад̇ам̣ ад̣̇д̣̇аса, д̇асса чааяааяа д̣̇вз бид̇аабуд̇д̇аа нал̣агаараа згад̇о гилан̃ж̇ам̣ жинанд̇и. г̇ааман̣ижанд̣̇о ‘‘бхо, сарийрагижжам̣ гаад̇угаамомхи, т̇огам̣ ид̇хзва хот̇а, яаава ааг̇ажчаамий’’д̇и вад̇ваа баб̣б̣ад̇ам̣ абхирухид̇ваа бабаад̇абассз бад̇амаано бид̇унал̣агаарасса бидтияам̣ бад̇и, нал̣агааро згаббахаарзнзва ж̇ийвид̇агкаяам̣ баабун̣и. г̇ааман̣и удтааяа адтааси. нал̣агаарабуд̇д̇о ‘‘д̇вам̣ мз бид̇угхаад̇агажоро, аяам̣ д̇з рааж̇ад̣̇ууд̇о’’д̇и вад̇ваа д̇ам̣ хад̇т̇з г̇ахзд̇ваа г̇умб̣ад̇о нигками , ‘‘гим̣ зд̇а’’нд̇и жа вуд̇д̇з ‘‘бид̇угхаад̇агажоро мз’’д̇и ааха. д̇ад̇о бадтааяа г̇ааман̣им̣ маж̇жхз гад̇ваа жад̇д̇ааро ж̇анаа бариваарзд̇ваа наяим̣су.
So tīhi janehi nīyamāno cintesi – ‘‘ime maṃ rañño dassessanti, ahaṃ goṇamūlampi dātuṃ na sakkomi, pageva gabbhapātanadaṇḍaṃ, assamūlaṃ pana kuto labhissāmi, mataṃ me seyyo’’ti. So gacchanto antarāmagge aṭaviyaṃ maggasamīpeyeva ekaṃ ekato papātaṃ pabbataṃ addasa, tassa chāyāya dve pitāputtā naḷakārā ekato kilañjaṃ cinanti. Gāmaṇicando ‘‘bho, sarīrakiccaṃ kātukāmomhi, thokaṃ idheva hotha, yāva āgacchāmī’’ti vatvā pabbataṃ abhiruhitvā papātapasse patamāno pitunaḷakārassa piṭṭhiyaṃ pati, naḷakāro ekappahāreneva jīvitakkhayaṃ pāpuṇi. Gāmaṇi uṭṭhāya aṭṭhāsi. Naḷakāraputto ‘‘tvaṃ me pitughātakacoro, ayaṃ te rājadūto’’ti vatvā taṃ hatthe gahetvā gumbato nikkhami , ‘‘kiṃ eta’’nti ca vutte ‘‘pitughātakacoro me’’ti āha. Tato paṭṭhāya gāmaṇiṃ majjhe katvā cattāro janā parivāretvā nayiṃsu.
ат̇аабарасмим̣ г̇аамад̣̇ваарз зго г̇аамабхож̇аго г̇ааман̣ижанд̣̇ам̣ д̣̇исваа ‘‘маад̇ула г̇ааман̣ижанд̣̇а, гахам̣ г̇ажчасий’’д̇и вад̇ваа ‘‘рааж̇аанам̣ бассид̇у’’нд̇и вуд̇д̇з ‘‘ад̣̇д̇хаа д̇вам̣ рааж̇аанам̣ бассиссаси, ахам̣ ран̃н̃о саасанам̣ д̣̇аад̇угаамо, хариссасий’’д̇и ааха. ‘‘аама, хариссаамий’’д̇и. ‘‘ахам̣ багад̇ияаа абхируубо д̇ханаваа яасасамбанно арог̇о, ид̣̇аани банамхи д̣̇уг̇г̇ад̇о жзва бан̣д̣урог̇ий жа, д̇ад̇т̇а гим̣ гааран̣анд̇и рааж̇аанам̣ бужча, рааж̇аа гира бан̣д̣ид̇о, со д̇з гат̇зссад̇и, д̇асса саасанам̣ буна маяхам̣ гат̇зяяаасий’’д̇и. со ‘‘саад̇хуу’’д̇и самбадижчи.
Athāparasmiṃ gāmadvāre eko gāmabhojako gāmaṇicandaṃ disvā ‘‘mātula gāmaṇicanda, kahaṃ gacchasī’’ti vatvā ‘‘rājānaṃ passitu’’nti vutte ‘‘addhā tvaṃ rājānaṃ passissasi, ahaṃ rañño sāsanaṃ dātukāmo, harissasī’’ti āha. ‘‘Āma, harissāmī’’ti. ‘‘Ahaṃ pakatiyā abhirūpo dhanavā yasasampanno arogo, idāni panamhi duggato ceva paṇḍurogī ca, tattha kiṃ kāraṇanti rājānaṃ puccha, rājā kira paṇḍito, so te kathessati, tassa sāsanaṃ puna mayhaṃ katheyyāsī’’ti. So ‘‘sādhū’’ti sampaṭicchi.
ат̇а нам̣ бурад̇о ан̃н̃ад̇арасмим̣ г̇аамад̣̇ваарз згаа г̇ан̣игаа д̣̇исваа ‘‘маад̇ула г̇ааман̣ижанд̣̇а, гахам̣ г̇ажчасий’’д̇и вад̇ваа ‘‘рааж̇аанам̣ бассид̇у’’нд̇и вуд̇д̇з ‘‘рааж̇аа гира бан̣д̣ид̇о, мама саасанам̣ хараа’’д̇и вад̇ваа звамааха – ‘‘буб̣б̣з ахам̣ б̣ахум̣ бхад̇им̣ лабхаами, ид̣̇аани бана д̇амб̣уламад̇д̇амби на лабхаами, гожи мз санд̇игам̣ ааг̇ад̇о наама над̇т̇и, д̇ад̇т̇а гим̣ гааран̣анд̇и рааж̇аанам̣ бужчид̇ваа бажжааг̇анд̇ваа маяхам̣ гат̇зяяаасий’’д̇и.
Atha naṃ purato aññatarasmiṃ gāmadvāre ekā gaṇikā disvā ‘‘mātula gāmaṇicanda, kahaṃ gacchasī’’ti vatvā ‘‘rājānaṃ passitu’’nti vutte ‘‘rājā kira paṇḍito, mama sāsanaṃ harā’’ti vatvā evamāha – ‘‘pubbe ahaṃ bahuṃ bhatiṃ labhāmi, idāni pana tambulamattampi na labhāmi, koci me santikaṃ āgato nāma natthi, tattha kiṃ kāraṇanti rājānaṃ pucchitvā paccāgantvā mayhaṃ katheyyāsī’’ti.
ат̇а нам̣ бурад̇о ан̃н̃ад̇арасмим̣ г̇аамад̣̇ваарз згаа д̇арун̣ид̇т̇ий д̣̇исваа д̇ат̇зва бужчид̇ваа ‘‘ахам̣ нзва саамигасса г̇зхз васид̇ум̣ саггоми, на гулаг̇зхз, д̇ад̇т̇а гим̣ гааран̣анд̇и рааж̇аанам̣ бужчид̇ваа бажжааг̇анд̇ваа маяхам̣ гат̇зяяаасий’’д̇и ааха.
Atha naṃ purato aññatarasmiṃ gāmadvāre ekā taruṇitthī disvā tatheva pucchitvā ‘‘ahaṃ neva sāmikassa gehe vasituṃ sakkomi, na kulagehe, tattha kiṃ kāraṇanti rājānaṃ pucchitvā paccāgantvā mayhaṃ katheyyāsī’’ti āha.
ат̇а нам̣ д̇ад̇о барабхааг̇з махаамаг̇г̇асамийбз згасмим̣ ваммигз васанд̇о саббо д̣̇исваа ‘‘г̇ааман̣ижанд̣̇а, гахам̣ яаасий’’д̇и бужчид̇ваа ‘‘рааж̇аанам̣ бассид̇у’’нд̇и вуд̇д̇з ‘‘рааж̇аа гира бан̣д̣ид̇о, саасанам̣ мз хараа’’д̇и вад̇ваа ‘‘ахам̣ г̇ожарад̇т̇ааяа г̇аманагаалз чаад̇аж̇жхад̇д̇о милаад̇асарийро ваммигад̇о нигкаманд̇о сарийрзна б̣илам̣ буурзд̇ваа сарийрам̣ гад̣дхзнд̇о гижчзна нигкамаами, г̇ожарам̣ жарид̇ваа ааг̇ад̇о бана сухид̇о т̇ууласарийро худ̇ваа бависанд̇о б̣илабассаани апусанд̇о сахасаава бависаами, д̇ад̇т̇а гим̣ гааран̣анд̇и рааж̇аанам̣ бужчид̇ваа маяхам̣ гат̇зяяаасий’’д̇и ааха.
Atha naṃ tato parabhāge mahāmaggasamīpe ekasmiṃ vammike vasanto sappo disvā ‘‘gāmaṇicanda, kahaṃ yāsī’’ti pucchitvā ‘‘rājānaṃ passitu’’nti vutte ‘‘rājā kira paṇḍito, sāsanaṃ me harā’’ti vatvā ‘‘ahaṃ gocaratthāya gamanakāle chātajjhatto milātasarīro vammikato nikkhamanto sarīrena bilaṃ pūretvā sarīraṃ kaḍḍhento kicchena nikkhamāmi, gocaraṃ caritvā āgato pana suhito thūlasarīro hutvā pavisanto bilapassāni aphusanto sahasāva pavisāmi, tattha kiṃ kāraṇanti rājānaṃ pucchitvā mayhaṃ katheyyāsī’’ti āha.
ат̇а нам̣ бурад̇о зго миг̇о д̣̇исваа д̇ат̇зва бужчид̇ваа ‘‘ахам̣ ан̃н̃ад̇т̇а д̇ин̣ам̣ каад̣̇ид̇ум̣ на саггоми, згасмим̣язва ругкамуулз саггоми, д̇ад̇т̇а гим̣ гааран̣анд̇и рааж̇аанам̣ бужчзяяаасий’’д̇и ааха.
Atha naṃ purato eko migo disvā tatheva pucchitvā ‘‘ahaṃ aññattha tiṇaṃ khādituṃ na sakkomi, ekasmiṃyeva rukkhamūle sakkomi, tattha kiṃ kāraṇanti rājānaṃ puccheyyāsī’’ti āha.
ат̇а нам̣ д̇ад̇о барабхааг̇з зго д̇ид̇д̇иро д̣̇исваа д̇ат̇зва бужчид̇ваа ‘‘ахам̣ згасмим̣язва ваммигабаад̣̇з нисийд̣̇ид̇ваа вассанд̇о манаабам̣ гарид̇ваа вассид̇ум̣ саггоми, сзсадтаанзсу нисинно на саггоми, д̇ад̇т̇а гим̣ гааран̣анд̇и рааж̇аанам̣ бужчзяяаасий’’д̇и ааха.
Atha naṃ tato parabhāge eko tittiro disvā tatheva pucchitvā ‘‘ahaṃ ekasmiṃyeva vammikapāde nisīditvā vassanto manāpaṃ karitvā vassituṃ sakkomi, sesaṭṭhānesu nisinno na sakkomi, tattha kiṃ kāraṇanti rājānaṃ puccheyyāsī’’ti āha.
ат̇а нам̣ бурад̇о згаа ругкад̣̇звад̇аа д̣̇исваа ‘‘жанд̣̇а, гахам̣ яаасий’’д̇и бужчид̇ваа ‘‘ран̃н̃о санд̇ига’’нд̇и вуд̇д̇з ‘‘рааж̇аа гира бан̣д̣ид̇о, ахам̣ буб̣б̣з саггаараббад̇д̇о ахосим̣, ид̣̇аани бана баллавамудтимад̇д̇амби на лабхаами, д̇ад̇т̇а гим̣ гааран̣анд̇и рааж̇аанам̣ бужчзяяаасий’’д̇и ааха.
Atha naṃ purato ekā rukkhadevatā disvā ‘‘canda, kahaṃ yāsī’’ti pucchitvā ‘‘rañño santika’’nti vutte ‘‘rājā kira paṇḍito, ahaṃ pubbe sakkārappatto ahosiṃ, idāni pana pallavamuṭṭhimattampi na labhāmi, tattha kiṃ kāraṇanti rājānaṃ puccheyyāsī’’ti āha.
д̇ад̇о абарабхааг̇з зго нааг̇арааж̇аа д̇ам̣ д̣̇исваа д̇ат̇зва бужчид̇ваа ‘‘рааж̇аа гира бан̣д̣ид̇о, буб̣б̣з имасмим̣ сарз уд̣̇агам̣ басаннам̣ ман̣иван̣н̣ам̣, ид̣̇аани аавилам̣ бан̣н̣агасзваалабарияонад̣̇д̇хам̣, д̇ад̇т̇а гим̣ гааран̣анд̇и рааж̇аанам̣ бужчзяяаасий’’д̇и ааха.
Tato aparabhāge eko nāgarājā taṃ disvā tatheva pucchitvā ‘‘rājā kira paṇḍito, pubbe imasmiṃ sare udakaṃ pasannaṃ maṇivaṇṇaṃ, idāni āvilaṃ paṇṇakasevālapariyonaddhaṃ, tattha kiṃ kāraṇanti rājānaṃ puccheyyāsī’’ti āha.
ат̇а нам̣ бурад̇о наг̇арасса аасаннадтаанз згасмим̣ аараамз васанд̇аа д̇аабасаа д̣̇исваа д̇ат̇зва бужчид̇ваа ‘‘рааж̇аа гира бан̣д̣ид̇о, буб̣б̣з имасмим̣ аараамз палаапалаани мад̇хураани ахзсум̣, ид̣̇аани нирож̇аани гасадаани ж̇аад̇аани, д̇ад̇т̇а гим̣ гааран̣анд̇и рааж̇аанам̣ бужчзяяаасий’’д̇и аахам̣су.
Atha naṃ purato nagarassa āsannaṭṭhāne ekasmiṃ ārāme vasantā tāpasā disvā tatheva pucchitvā ‘‘rājā kira paṇḍito, pubbe imasmiṃ ārāme phalāphalāni madhurāni ahesuṃ, idāni nirojāni kasaṭāni jātāni, tattha kiṃ kāraṇanti rājānaṃ puccheyyāsī’’ti āhaṃsu.
д̇ад̇о нам̣ бурад̇о г̇анд̇ваа наг̇арад̣̇ваарасамийбз згиссам̣ саалааяам̣ б̣раахман̣амаан̣авагаа д̣̇исваа ‘‘гахам̣, бхо жанд̣̇а, г̇ажчасий’’д̇и вад̇ваа ‘‘ран̃н̃о санд̇ига’’нд̇и вуд̇д̇з ‘‘д̇зна хи но саасанам̣ г̇ахзд̇ваа г̇ажча, амхааган̃хи буб̣б̣з г̇ахид̇аг̇ахид̇адтаанам̣ баагадам̣ ахоси, ид̣̇аани бана чид̣̇д̣̇агхадз уд̣̇агам̣ вияа на сан̣таад̇и на бан̃н̃ааяад̇и, анд̇хагааро вияа ход̇и, д̇ад̇т̇а гим̣ гааран̣анд̇и рааж̇аанам̣ бужчзяяаасий’’д̇и аахам̣су.
Tato naṃ purato gantvā nagaradvārasamīpe ekissaṃ sālāyaṃ brāhmaṇamāṇavakā disvā ‘‘kahaṃ, bho canda, gacchasī’’ti vatvā ‘‘rañño santika’’nti vutte ‘‘tena hi no sāsanaṃ gahetvā gaccha, amhākañhi pubbe gahitagahitaṭṭhānaṃ pākaṭaṃ ahosi, idāni pana chiddaghaṭe udakaṃ viya na saṇṭhāti na paññāyati, andhakāro viya hoti, tattha kiṃ kāraṇanti rājānaṃ puccheyyāsī’’ti āhaṃsu.
г̇ааман̣ижанд̣̇о имаани д̣̇аса саасанаани г̇ахзд̇ваа ран̃н̃о санд̇игам̣ аг̇амааси. рааж̇аа винижчаяадтаанз нисинно ахоси. г̇он̣асаамиго г̇ааман̣ижанд̣̇ам̣ г̇ахзд̇ваа рааж̇аанам̣ убасан̇гами. рааж̇аа г̇ааман̣ижанд̣̇ам̣ д̣̇исваа сан̃ж̇аанид̇ваа ‘‘аяам̣ амхаагам̣ бид̇у убадтааго, амхз угкибид̇ваа барихари, гахам̣ ну ко зд̇д̇агам̣ гаалам̣ васий’’д̇и жинд̇зд̇ваа ‘‘амбхо г̇ааман̣ижанд̣̇а, гахам̣ зд̇д̇агам̣ гаалам̣ васаси, жирагаалад̇о бадтааяа на бан̃н̃ааяаси, гзнад̇т̇зна ааг̇ад̇осий’’д̇и ааха. ‘‘аама, д̣̇зва, амхаагам̣ д̣̇звасса саг̇г̇аг̇ад̇агаалад̇о бадтааяа ж̇анабад̣̇ам̣ г̇анд̇ваа гасигаммам̣ гад̇ваа ж̇ийваами, д̇ад̇о мам̣ аяам̣ бурисо г̇он̣аад̣д̣агааран̣аа рааж̇ад̣̇ууд̇ам̣ д̣̇ассзд̇ваа д̇умхаагам̣ санд̇игам̣ аагад̣дхий’’д̇и. ‘‘анаагад̣дхияамаано нааг̇ажчзяяааси’’, ‘‘аагад̣дхид̇абхаавоязва собхано, ид̣̇аани д̇ам̣ д̣̇адтум̣ лабхаами, гахам̣ со бурисо’’д̇и? ‘‘аяам̣, д̣̇зваа’’д̇и. ‘‘сажжам̣ гира, бхо, амхаагам̣ жанд̣̇асса д̣̇ууд̇ам̣ д̣̇ассзсий’’д̇и? ‘‘сажжам̣, д̣̇зваа’’д̇и. ‘‘гим̣ гааран̣аа’’д̇и? ‘‘аяам̣ мз д̣̇зва д̣̇вз г̇он̣з на д̣̇зд̇ий’’д̇и. ‘‘сажжам̣ гира, жанд̣̇аа’’д̇и. ‘‘д̇зна хи, д̣̇зва, маяхамби важанам̣ сун̣аат̇аа’’д̇и саб̣б̣ам̣ бавад̇д̇им̣ гат̇зси. д̇ам̣ суд̇ваа рааж̇аа г̇он̣асаамигам̣ бужчи – ‘‘гим̣, бхо, д̇ава г̇зхам̣ бависанд̇з г̇он̣з ад̣̇д̣̇асаа’’д̇и. ‘‘наад̣̇д̣̇асам̣, д̣̇зваа’’д̇и. ‘‘гим̣, бхо, мам̣ ‘аад̣̇аасамукарааж̇аа наамаа’д̇и гат̇знд̇аанам̣ на суд̇абуб̣б̣ам̣ д̇аяаа, виссад̇т̇о гат̇зхий’’д̇и? ‘‘ад̣̇д̣̇асам̣, д̣̇зваа’’д̇и. ‘‘бхо жанд̣̇а, г̇он̣аанам̣ анияяаад̣̇ид̇ад̇д̇аа г̇он̣аа д̇ава г̇ийваа, аяам̣ бана бурисо д̣̇исваава ‘на бассаамий’д̇и самбаж̇аанамусааваад̣̇ам̣ бхан̣и, д̇асмаа д̇ван̃н̃зва гаммиго худ̇ваа имасса жа бурисасса баж̇аабад̇ияааяа жасса агкийни уббаадзд̇ваа саяам̣ г̇он̣амуулам̣ жад̇увийсад̇и гахаабан̣з д̣̇зхий’’д̇и. звам̣ вуд̇д̇з г̇он̣асаамигам̣ б̣ахи гарим̣су. со ‘‘агкийсу уббаадид̇зсу жад̇увийсад̇игахаабан̣зхи гим̣ гариссаамий’’д̇и г̇ааман̣ижанд̣̇асса баад̣̇зсу бад̇ид̇ваа ‘‘саами жанд̣̇а, г̇он̣амуулагахаабан̣аа д̇уяхзва хонд̇у, имз жа г̇ан̣хаахий’’д̇и ан̃н̃зби гахаабан̣з д̣̇ад̇ваа балааяи.
Gāmaṇicando imāni dasa sāsanāni gahetvā rañño santikaṃ agamāsi. Rājā vinicchayaṭṭhāne nisinno ahosi. Goṇasāmiko gāmaṇicandaṃ gahetvā rājānaṃ upasaṅkami. Rājā gāmaṇicandaṃ disvā sañjānitvā ‘‘ayaṃ amhākaṃ pitu upaṭṭhāko, amhe ukkhipitvā parihari, kahaṃ nu kho ettakaṃ kālaṃ vasī’’ti cintetvā ‘‘ambho gāmaṇicanda, kahaṃ ettakaṃ kālaṃ vasasi, cirakālato paṭṭhāya na paññāyasi, kenatthena āgatosī’’ti āha. ‘‘Āma, deva, amhākaṃ devassa saggagatakālato paṭṭhāya janapadaṃ gantvā kasikammaṃ katvā jīvāmi, tato maṃ ayaṃ puriso goṇaaḍḍakāraṇā rājadūtaṃ dassetvā tumhākaṃ santikaṃ ākaḍḍhī’’ti. ‘‘Anākaḍḍhiyamāno nāgaccheyyāsi’’, ‘‘ākaḍḍhitabhāvoyeva sobhano, idāni taṃ daṭṭhuṃ labhāmi, kahaṃ so puriso’’ti? ‘‘Ayaṃ, devā’’ti. ‘‘Saccaṃ kira, bho, amhākaṃ candassa dūtaṃ dassesī’’ti? ‘‘Saccaṃ, devā’’ti. ‘‘Kiṃ kāraṇā’’ti? ‘‘Ayaṃ me deva dve goṇe na detī’’ti. ‘‘Saccaṃ kira, candā’’ti. ‘‘Tena hi, deva, mayhampi vacanaṃ suṇāthā’’ti sabbaṃ pavattiṃ kathesi. Taṃ sutvā rājā goṇasāmikaṃ pucchi – ‘‘kiṃ, bho, tava gehaṃ pavisante goṇe addasā’’ti. ‘‘Nāddasaṃ, devā’’ti. ‘‘Kiṃ, bho, maṃ ‘ādāsamukharājā nāmā’ti kathentānaṃ na sutapubbaṃ tayā, vissattho kathehī’’ti? ‘‘Addasaṃ, devā’’ti. ‘‘Bho canda, goṇānaṃ aniyyāditattā goṇā tava gīvā, ayaṃ pana puriso disvāva ‘na passāmī’ti sampajānamusāvādaṃ bhaṇi, tasmā tvaññeva kammiko hutvā imassa ca purisassa pajāpatiyāya cassa akkhīni uppāṭetvā sayaṃ goṇamūlaṃ catuvīsati kahāpaṇe dehī’’ti. Evaṃ vutte goṇasāmikaṃ bahi kariṃsu. So ‘‘akkhīsu uppāṭitesu catuvīsatikahāpaṇehi kiṃ karissāmī’’ti gāmaṇicandassa pādesu patitvā ‘‘sāmi canda, goṇamūlakahāpaṇā tuyheva hontu, ime ca gaṇhāhī’’ti aññepi kahāpaṇe datvā palāyi.
д̇ад̇о д̣̇уд̇ияо ааха – ‘‘аяам̣, д̣̇зва, мама баж̇аабад̇им̣ бахарид̇ваа г̇аб̣бхам̣ баад̇зсий’’д̇и. ‘‘сажжам̣ жанд̣̇аа’’д̇и? ‘‘сун̣охи махаарааж̇аа’’д̇и жанд̣̇о саб̣б̣ам̣ вид̇т̇аарзд̇ваа гат̇зси. ат̇а нам̣ рааж̇аа ‘‘гим̣ бана д̇вам̣ зд̇асса баж̇аабад̇им̣ бахарид̇ваа г̇аб̣бхам̣ баад̇зсий’’д̇и бужчи. ‘‘на баад̇зми, д̣̇зваа’’д̇и . ‘‘амбхо сагкиссаси д̇вам̣ иминаа г̇аб̣бхасса баад̇ид̇абхаавам̣ саад̇хзд̇у’’нд̇и? ‘‘на саггоми, д̣̇зваа’’д̇и. ‘‘ид̣̇аани гим̣ гаросий’’д̇и? ‘‘д̣̇зва, буд̇д̇ам̣ мз лад̣̇д̇хум̣ ваддад̇ий’’д̇и. ‘‘д̇зна хи, амбхо жанд̣̇а, д̇вам̣ зд̇асса баж̇аабад̇им̣ д̇ава г̇зхз гарид̇ваа яад̣̇аа буд̇д̇авиж̇аад̇аа ход̇и, д̇ад̣̇аа нам̣ нзд̇ваа зд̇ассзва д̣̇зхий’’д̇и. соби г̇ааман̣ижанд̣̇асса баад̣̇зсу бад̇ид̇ваа ‘‘маа мз, саами, г̇зхам̣, бхинд̣̇ий’’д̇и гахаабан̣з д̣̇ад̇ваа балааяи.
Tato dutiyo āha – ‘‘ayaṃ, deva, mama pajāpatiṃ paharitvā gabbhaṃ pātesī’’ti. ‘‘Saccaṃ candā’’ti? ‘‘Suṇohi mahārājā’’ti cando sabbaṃ vitthāretvā kathesi. Atha naṃ rājā ‘‘kiṃ pana tvaṃ etassa pajāpatiṃ paharitvā gabbhaṃ pātesī’’ti pucchi. ‘‘Na pātemi, devā’’ti . ‘‘Ambho sakkhissasi tvaṃ iminā gabbhassa pātitabhāvaṃ sādhetu’’nti? ‘‘Na sakkomi, devā’’ti. ‘‘Idāni kiṃ karosī’’ti? ‘‘Deva, puttaṃ me laddhuṃ vaṭṭatī’’ti. ‘‘Tena hi, ambho canda, tvaṃ etassa pajāpatiṃ tava gehe karitvā yadā puttavijātā hoti, tadā naṃ netvā etasseva dehī’’ti. Sopi gāmaṇicandassa pādesu patitvā ‘‘mā me, sāmi, gehaṃ, bhindī’’ti kahāpaṇe datvā palāyi.
ат̇а д̇ад̇ияо ааг̇анд̇ваа ‘‘иминаа мз, д̣̇зва, бахарид̇ваа ассасса баад̣̇о бхинно’’д̇и ааха. ‘‘сажжам̣ жанд̣̇аа’’д̇и. ‘‘сун̣охи, махаарааж̇аа’’д̇и жанд̣̇о д̇ам̣ бавад̇д̇им̣ вид̇т̇аарзна гат̇зси. д̇ам̣ суд̇ваа рааж̇аа ассаг̇обагам̣ ааха – ‘‘сажжам̣ гира д̇вам̣ ‘ассам̣ бахарид̇ваа нивад̇д̇зхий’д̇и гат̇зсий’’д̇и. ‘‘на гат̇зми, д̣̇зваа’’д̇и. со бунаваарз бужчид̇о ‘‘аама, гат̇змий’’д̇и ааха. рааж̇аа жанд̣̇ам̣ ааманд̇зд̇ваа ‘‘амбхо жанд̣̇а, аяам̣ гат̇зд̇ваава ‘на гат̇змий’д̇и мусааваад̣̇ам̣ вад̣̇ад̇и, д̇вам̣ зд̇асса ж̇ивхам̣ чинд̣̇ид̇ваа ассамуулам̣ амхаагам̣ санд̇игаа г̇ахзд̇ваа сахассам̣ д̣̇зхий’’д̇и ааха. ассаг̇обаго абарзби гахаабан̣з д̣̇ад̇ваа балааяи.
Atha tatiyo āgantvā ‘‘iminā me, deva, paharitvā assassa pādo bhinno’’ti āha. ‘‘Saccaṃ candā’’ti. ‘‘Suṇohi, mahārājā’’ti cando taṃ pavattiṃ vitthārena kathesi. Taṃ sutvā rājā assagopakaṃ āha – ‘‘saccaṃ kira tvaṃ ‘assaṃ paharitvā nivattehī’ti kathesī’’ti. ‘‘Na kathemi, devā’’ti. So punavāre pucchito ‘‘āma, kathemī’’ti āha. Rājā candaṃ āmantetvā ‘‘ambho canda, ayaṃ kathetvāva ‘na kathemī’ti musāvādaṃ vadati, tvaṃ etassa jivhaṃ chinditvā assamūlaṃ amhākaṃ santikā gahetvā sahassaṃ dehī’’ti āha. Assagopako aparepi kahāpaṇe datvā palāyi.
д̇ад̇о нал̣агаарабуд̇д̇о ‘‘аяам̣ мз, д̣̇зва, бид̇угхаад̇агажоро’’д̇и ааха. ‘‘сажжам̣ гира, жанд̣̇аа’’д̇и. ‘‘сун̣охи, д̣̇зваа’’д̇и жанд̣̇о д̇амби гааран̣ам̣ вид̇т̇аарзд̇ваа гат̇зси. ат̇а рааж̇аа нал̣агаарам̣ ааманд̇зд̇ваа ‘‘ид̣̇аани гим̣ гаросий’’д̇и бужчи. ‘‘д̣̇зва мз бид̇арам̣ лад̣̇д̇хум̣ ваддад̇ий’’д̇и. ‘‘амбхо жанд̣̇а, имасса гира бид̇арам̣ лад̣̇д̇хум̣ ваддад̇и, мад̇агам̣ бана на саггаа буна аанзд̇ум̣, д̇вам̣ имасса маад̇арам̣ аанзд̇ваа д̇ава г̇зхз гад̇ваа зд̇асса бид̇аа хохий’’д̇и. нал̣агаарабуд̇д̇о ‘‘маа мз, саами, мад̇асса бид̇у г̇зхам̣ бхинд̣̇ий’’д̇и г̇ааман̣ижанд̣̇асса гахаабан̣з д̣̇ад̇ваа балааяи.
Tato naḷakāraputto ‘‘ayaṃ me, deva, pitughātakacoro’’ti āha. ‘‘Saccaṃ kira, candā’’ti. ‘‘Suṇohi, devā’’ti cando tampi kāraṇaṃ vitthāretvā kathesi. Atha rājā naḷakāraṃ āmantetvā ‘‘idāni kiṃ karosī’’ti pucchi. ‘‘Deva me pitaraṃ laddhuṃ vaṭṭatī’’ti. ‘‘Ambho canda, imassa kira pitaraṃ laddhuṃ vaṭṭati, matakaṃ pana na sakkā puna ānetuṃ, tvaṃ imassa mātaraṃ ānetvā tava gehe katvā etassa pitā hohī’’ti. Naḷakāraputto ‘‘mā me, sāmi, matassa pitu gehaṃ bhindī’’ti gāmaṇicandassa kahāpaṇe datvā palāyi.
г̇ааман̣ижанд̣̇о ад̣д̣з ж̇аяам̣ бад̇ваа д̇удтажид̇д̇о рааж̇аанам̣ ааха – ‘‘ад̇т̇и, д̣̇зва, д̇умхаагам̣ гзхижи саасанам̣ бахид̇ам̣, д̇ам̣ во гат̇змий’’д̇и. ‘‘гат̇зхи, жанд̣̇аа’’д̇и. жанд̣̇о б̣раахман̣амаан̣авагаанам̣ саасанам̣ аад̣̇им̣ гад̇ваа бадиломаггамзна згзгам̣ гат̇ам̣ гат̇зси. рааж̇аа бадибаадияаа виссаж̇ж̇зси.
Gāmaṇicando aḍḍe jayaṃ patvā tuṭṭhacitto rājānaṃ āha – ‘‘atthi, deva, tumhākaṃ kehici sāsanaṃ pahitaṃ, taṃ vo kathemī’’ti. ‘‘Kathehi, candā’’ti. Cando brāhmaṇamāṇavakānaṃ sāsanaṃ ādiṃ katvā paṭilomakkamena ekekaṃ kathaṃ kathesi. Rājā paṭipāṭiyā vissajjesi.
гат̇ам̣? батамам̣ д̇аава саасанам̣ суд̇ваа ‘‘буб̣б̣з д̇зсам̣ васанадтаанз взлам̣ ж̇аанид̇ваа вассанагуггудо ахоси, д̇зсам̣ д̇зна сад̣̇д̣̇зна удтааяа манд̇з г̇ахзд̇ваа саж̇жхааяам̣ гаронд̇аанан̃н̃зва арун̣о уг̇г̇ажчад̇и, д̇зна д̇зсам̣ г̇ахид̇аг̇ахид̇ам̣ на нассад̇и. ид̣̇аани бана нзсам̣ васанадтаанз авзлааяа вассанагагуггудо ад̇т̇и, со ад̇ирад̇д̇им̣ ваа вассад̇и ад̇ибабхаад̇з ваа, ад̇ирад̇д̇им̣ вассанд̇асса д̇асса сад̣̇д̣̇зна удтааяа манд̇з г̇ахзд̇ваа нид̣̇д̣̇аабхибхууд̇аа саж̇жхааяам̣ агад̇ваава буна саяанд̇и , ад̇ибабхаад̇з вассанд̇асса сад̣̇д̣̇зна удтааяа саж̇жхааяид̇ум̣ на лабханд̇и, д̇зна д̇зсам̣ г̇ахид̇аг̇ахид̇ам̣ на бан̃н̃ааяад̇ий’’д̇и ааха.
Kathaṃ? Paṭhamaṃ tāva sāsanaṃ sutvā ‘‘pubbe tesaṃ vasanaṭṭhāne velaṃ jānitvā vassanakukkuṭo ahosi, tesaṃ tena saddena uṭṭhāya mante gahetvā sajjhāyaṃ karontānaññeva aruṇo uggacchati, tena tesaṃ gahitagahitaṃ na nassati. Idāni pana nesaṃ vasanaṭṭhāne avelāya vassanakakukkuṭo atthi, so atirattiṃ vā vassati atipabhāte vā, atirattiṃ vassantassa tassa saddena uṭṭhāya mante gahetvā niddābhibhūtā sajjhāyaṃ akatvāva puna sayanti , atipabhāte vassantassa saddena uṭṭhāya sajjhāyituṃ na labhanti, tena tesaṃ gahitagahitaṃ na paññāyatī’’ti āha.
д̣̇уд̇ияам̣ суд̇ваа ‘‘д̇з буб̣б̣з саман̣ад̇хаммам̣ гаронд̇аа гасин̣абаригаммз яуд̇д̇абаяуд̇д̇аа ахзсум̣. ид̣̇аани бана саман̣ад̇хаммам̣ виссаж̇ж̇зд̇ваа агад̇д̇аб̣б̣зсу яуд̇д̇абаяуд̇д̇аа аараамз уббаннаани палаапалаани убадтаагаанам̣ д̣̇ад̇ваа бин̣д̣абадибин̣д̣агзна мижчааж̇ийвзна ж̇ийвигам̣ габбзнд̇и, д̇зна нзсам̣ палаапалаани на мад̇хураани ж̇аад̇аани. сажз бана д̇з буб̣б̣з вияа буна саман̣ад̇хаммз яуд̇д̇абаяуд̇д̇аа бхависсанд̇и, буна д̇зсам̣ палаапалаани мад̇хураани бхависсанд̇и. д̇з д̇аабасаа рааж̇агулаанам̣ бан̣д̣ид̇абхаавам̣ на ж̇аананд̇и, саман̣ад̇хаммам̣ д̇зсам̣ гаад̇ум̣ вад̣̇зхий’’д̇и ааха.
Dutiyaṃ sutvā ‘‘te pubbe samaṇadhammaṃ karontā kasiṇaparikamme yuttapayuttā ahesuṃ. Idāni pana samaṇadhammaṃ vissajjetvā akattabbesu yuttapayuttā ārāme uppannāni phalāphalāni upaṭṭhākānaṃ datvā piṇḍapaṭipiṇḍakena micchājīvena jīvikaṃ kappenti, tena nesaṃ phalāphalāni na madhurāni jātāni. Sace pana te pubbe viya puna samaṇadhamme yuttapayuttā bhavissanti, puna tesaṃ phalāphalāni madhurāni bhavissanti. Te tāpasā rājakulānaṃ paṇḍitabhāvaṃ na jānanti, samaṇadhammaṃ tesaṃ kātuṃ vadehī’’ti āha.
д̇ад̇ияам̣ суд̇ваа ‘‘д̇з нааг̇арааж̇аано ан̃н̃аман̃н̃ам̣ галахам̣ гаронд̇и, д̇зна д̇ам̣ уд̣̇агам̣ аавилам̣ ж̇аад̇ам̣. сажз д̇з буб̣б̣з вияа самаг̇г̇аа бхависсанд̇и, буна басаннам̣ бхависсад̇ий’’д̇и ааха.
Tatiyaṃ sutvā ‘‘te nāgarājāno aññamaññaṃ kalahaṃ karonti, tena taṃ udakaṃ āvilaṃ jātaṃ. Sace te pubbe viya samaggā bhavissanti, puna pasannaṃ bhavissatī’’ti āha.
жад̇уд̇т̇ам̣ суд̇ваа ‘‘саа ругкад̣̇звад̇аа буб̣б̣з адавияам̣ бадибаннз мануссз рагкад̇и, д̇асмаа наанаббагаарам̣ б̣алигаммам̣ лабхад̇и. ид̣̇аани бана аарагкам̣ на гарод̇и, д̇асмаа б̣алигаммам̣ на лабхад̇и. сажз буб̣б̣з вияа аарагкам̣ гариссад̇и, буна лаабхаг̇г̇аббад̇д̇аа бхависсад̇и. саа рааж̇уунам̣ ад̇т̇ибхаавам̣ на ж̇аанаад̇и, д̇асмаа адавиаарул̣хамануссаанам̣ аарагкам̣ гаад̇ум̣ вад̣̇зхий’’д̇и ааха.
Catutthaṃ sutvā ‘‘sā rukkhadevatā pubbe aṭaviyaṃ paṭipanne manusse rakkhati, tasmā nānappakāraṃ balikammaṃ labhati. Idāni pana ārakkhaṃ na karoti, tasmā balikammaṃ na labhati. Sace pubbe viya ārakkhaṃ karissati, puna lābhaggappattā bhavissati. Sā rājūnaṃ atthibhāvaṃ na jānāti, tasmā aṭaviāruḷhamanussānaṃ ārakkhaṃ kātuṃ vadehī’’ti āha.
бан̃жамам̣ суд̇ваа ‘‘яасмим̣ ваммигабаад̣̇з нисийд̣̇ид̇ваа со д̇ид̇д̇иро манаабам̣ вассад̇и, д̇асса хздтаа маханд̇ий нид̇хигумбхи ад̇т̇и, д̇ам̣ уд̣̇д̇харид̇ваа д̇вам̣ г̇ан̣хаахий’’д̇и ааха.
Pañcamaṃ sutvā ‘‘yasmiṃ vammikapāde nisīditvā so tittiro manāpaṃ vassati, tassa heṭṭhā mahantī nidhikumbhi atthi, taṃ uddharitvā tvaṃ gaṇhāhī’’ti āha.
чадтам̣ суд̇ваа ‘‘яасса ругкасса муулз со миг̇о д̇ин̣аани каад̣̇ид̇ум̣ саггод̇и, д̇асса ругкасса убари маханд̇ам̣ бхамарамад̇ху ад̇т̇и, со мад̇хумагкид̇зсу д̇ин̣зсу балуд̣̇д̇хо ан̃н̃аани каад̣̇ид̇ум̣ на саггод̇и, д̇вам̣ д̇ам̣ мад̇хубадалам̣ харид̇ваа аг̇г̇амад̇хум̣ амхаагам̣ бахин̣а, сзсам̣ ад̇д̇анаа барибхун̃ж̇аа’’д̇и ааха.
Chaṭṭhaṃ sutvā ‘‘yassa rukkhassa mūle so migo tiṇāni khādituṃ sakkoti, tassa rukkhassa upari mahantaṃ bhamaramadhu atthi, so madhumakkhitesu tiṇesu paluddho aññāni khādituṃ na sakkoti, tvaṃ taṃ madhupaṭalaṃ haritvā aggamadhuṃ amhākaṃ pahiṇa, sesaṃ attanā paribhuñjā’’ti āha.
сад̇д̇амам̣ суд̇ваа ‘‘яасмим̣ ваммигз со саббо васад̇и, д̇асса хздтаа маханд̇ий нид̇хигумбхи ад̇т̇и, со д̇ам̣ рагкамаано васанд̇о нигкаманагаалз д̇ханалобхзна сарийрам̣ сит̇илам̣ гад̇ваа лаг̇г̇анд̇о нигкамад̇и, г̇ожарам̣ г̇ахзд̇ваа д̇ханасинзхзна алаг̇г̇анд̇о взг̇зна сахасаа бависад̇и. д̇ам̣ нид̇хигумбхим̣ уд̣̇д̇харид̇ваа д̇вам̣ г̇ан̣хаахий’’д̇и ааха.
Sattamaṃ sutvā ‘‘yasmiṃ vammike so sappo vasati, tassa heṭṭhā mahantī nidhikumbhi atthi, so taṃ rakkhamāno vasanto nikkhamanakāle dhanalobhena sarīraṃ sithilaṃ katvā lagganto nikkhamati, gocaraṃ gahetvā dhanasinehena alagganto vegena sahasā pavisati. Taṃ nidhikumbhiṃ uddharitvā tvaṃ gaṇhāhī’’ti āha.
адтамам̣ суд̇ваа ‘‘д̇ассаа д̇арун̣ид̇т̇ияаа саамигасса жа маад̇аабид̇уунан̃жа васанаг̇аамаанам̣ анд̇арз згасмим̣ г̇аамагз ж̇ааро ад̇т̇и. саа д̇ам̣ сарид̇ваа д̇асмим̣ синзхзна саамигасса г̇зхз васид̇ум̣ асаггонд̇ий ‘маад̇аабид̇аро бассиссаамий’д̇и ж̇аарасса г̇зхз гад̇ибаахам̣ васид̇ваа маад̇аабид̇уунам̣ г̇зхам̣ г̇ажчад̇и, д̇ад̇т̇а гад̇ибаахам̣ васид̇ваа буна ж̇аарам̣ сарид̇ваа ‘саамигасса г̇зхам̣ г̇амиссаамий’д̇и буна ж̇аарассзва г̇зхам̣ г̇ажчад̇и. д̇ассаа ид̇т̇ияаа рааж̇уунам̣ ад̇т̇ибхаавам̣ аажигкид̇ваа ‘саамигассзва гира г̇зхз васад̇у. сажз д̇ам̣ рааж̇аа г̇ан̣хаабзд̇и, ж̇ийвид̇ам̣ д̇з над̇т̇и, аббамаад̣̇ам̣ гаад̇ум̣ ваддад̇ий’д̇и д̇ассаа гат̇зхий’’д̇и ааха.
Aṭṭhamaṃ sutvā ‘‘tassā taruṇitthiyā sāmikassa ca mātāpitūnañca vasanagāmānaṃ antare ekasmiṃ gāmake jāro atthi. Sā taṃ saritvā tasmiṃ sinehena sāmikassa gehe vasituṃ asakkontī ‘mātāpitaro passissāmī’ti jārassa gehe katipāhaṃ vasitvā mātāpitūnaṃ gehaṃ gacchati, tattha katipāhaṃ vasitvā puna jāraṃ saritvā ‘sāmikassa gehaṃ gamissāmī’ti puna jārasseva gehaṃ gacchati. Tassā itthiyā rājūnaṃ atthibhāvaṃ ācikkhitvā ‘sāmikasseva kira gehe vasatu. Sace taṃ rājā gaṇhāpeti, jīvitaṃ te natthi, appamādaṃ kātuṃ vaṭṭatī’ti tassā kathehī’’ti āha.
навамам̣ суд̇ваа ‘‘саа г̇ан̣игаа буб̣б̣з згасса хад̇т̇ад̇о бхад̇им̣ г̇ахзд̇ваа д̇ам̣ аж̇ийраабзд̇ваа ан̃н̃асса хад̇т̇ад̇о на г̇ан̣хаад̇и, д̇знассаа буб̣б̣з б̣ахум̣ уббаж̇ж̇и. ид̣̇аани бана ад̇д̇ано д̇хаммад̇ам̣ виссаж̇ж̇зд̇ваа згасса хад̇т̇ад̇о г̇ахид̇ам̣ аж̇ийраабзд̇ваава ан̃н̃асса хад̇т̇ад̇о г̇ан̣хаад̇и, буримасса огаасам̣ агад̇ваа бажчимасса гарод̇и, д̇знассаа бхад̇и на уббаж̇ж̇ад̇и, на гзжи нам̣ убасан̇гаманд̇и. сажз ад̇д̇ано д̇хаммз тассад̇и, буб̣б̣асад̣̇исаава бхависсад̇и. ад̇д̇ано д̇хаммз таад̇умассаа гат̇зхий’’д̇и ааха.
Navamaṃ sutvā ‘‘sā gaṇikā pubbe ekassa hatthato bhatiṃ gahetvā taṃ ajīrāpetvā aññassa hatthato na gaṇhāti, tenassā pubbe bahuṃ uppajji. Idāni pana attano dhammataṃ vissajjetvā ekassa hatthato gahitaṃ ajīrāpetvāva aññassa hatthato gaṇhāti, purimassa okāsaṃ akatvā pacchimassa karoti, tenassā bhati na uppajjati, na keci naṃ upasaṅkamanti. Sace attano dhamme ṭhassati, pubbasadisāva bhavissati. Attano dhamme ṭhātumassā kathehī’’ti āha.
д̣̇асамам̣ суд̇ваа ‘‘со г̇аамабхож̇аго буб̣б̣з д̇хаммзна самзна ад̣д̣ам̣ винижчини, д̇зна мануссаанам̣ бияо ахоси манаабо, самбияааяамаанаа жасса мануссаа б̣ахубан̣н̣аагаарам̣ аахарим̣су, д̇зна абхируубо д̇ханаваа яасасамбанно ахоси. ид̣̇аани бана лан̃ж̇авид̇д̇аго худ̇ваа ад̇хаммзна ад̣д̣ам̣ винижчинад̇и, д̇зна д̣̇уг̇г̇ад̇о габан̣о худ̇ваа бан̣д̣урог̇зна абхибхууд̇о. сажз буб̣б̣з вияа д̇хаммзна ад̣д̣ам̣ винижчиниссад̇и, буна буб̣б̣асад̣̇исо бхависсад̇и. со ран̃н̃о ад̇т̇ибхаавам̣ на ж̇аанаад̇и, д̇хаммзна ад̣д̣ам̣ винижчинид̇умасса гат̇зхий’’д̇и ааха.
Dasamaṃ sutvā ‘‘so gāmabhojako pubbe dhammena samena aḍḍaṃ vinicchini, tena manussānaṃ piyo ahosi manāpo, sampiyāyamānā cassa manussā bahupaṇṇākāraṃ āhariṃsu, tena abhirūpo dhanavā yasasampanno ahosi. Idāni pana lañjavittako hutvā adhammena aḍḍaṃ vinicchinati, tena duggato kapaṇo hutvā paṇḍurogena abhibhūto. Sace pubbe viya dhammena aḍḍaṃ vinicchinissati, puna pubbasadiso bhavissati. So rañño atthibhāvaṃ na jānāti, dhammena aḍḍaṃ vinicchinitumassa kathehī’’ti āha.
ид̇и со г̇ааман̣ижанд̣̇о имаани зд̇д̇агаани саасанаани ран̃н̃о аарожзси, рааж̇аа ад̇д̇ано бан̃н̃ааяа саб̣б̣ааниби д̇аани саб̣б̣ан̃н̃уб̣уд̣̇д̇хо вияа б̣яаагарид̇ваа г̇ааман̣ижанд̣̇асса б̣ахум̣ д̇ханам̣ д̣̇ад̇ваа д̇асса васанаг̇аамам̣ б̣рахмад̣̇зяяам̣ гад̇ваа д̇ассзва д̣̇ад̇ваа уяяож̇зси. со наг̇араа нигкамид̇ваа б̣од̇хисад̇д̇зна д̣̇иннасаасанам̣ б̣раахман̣амаан̣авагаанан̃жа д̇аабасаанан̃жа нааг̇арааж̇асса жа ругкад̣̇звад̇ааяа жа аарожзд̇ваа д̇ид̇д̇ирасса васанадтаанад̇о нид̇хим̣ г̇ахзд̇ваа миг̇асса д̇ин̣акаад̣̇анадтаанз ругкад̇о бхамарамад̇хум̣ г̇ахзд̇ваа ран̃н̃о мад̇хум̣ бзсзд̇ваа саббасса васанадтаанз ваммигам̣ кан̣ид̇ваа нид̇хим̣ г̇ахзд̇ваа д̇арун̣ид̇т̇ияаа жа г̇ан̣игааяа жа г̇аамабхож̇агасса жа ран̃н̃о гат̇ид̇анияаамзнзва саасанам̣ аарожзд̇ваа маханд̇зна яасзна ад̇д̇ано г̇аамагам̣ г̇анд̇ваа яаавад̇ааяугам̣ тад̇ваа яат̇аагаммам̣ г̇ад̇о. аад̣̇аасамукарааж̇ааби д̣̇аанаад̣̇ийни бун̃н̃аани гад̇ваа ж̇ийвид̇абарияосаанз саг̇г̇абурам̣ буурзнд̇о г̇ад̇о.
Iti so gāmaṇicando imāni ettakāni sāsanāni rañño ārocesi, rājā attano paññāya sabbānipi tāni sabbaññubuddho viya byākaritvā gāmaṇicandassa bahuṃ dhanaṃ datvā tassa vasanagāmaṃ brahmadeyyaṃ katvā tasseva datvā uyyojesi. So nagarā nikkhamitvā bodhisattena dinnasāsanaṃ brāhmaṇamāṇavakānañca tāpasānañca nāgarājassa ca rukkhadevatāya ca ārocetvā tittirassa vasanaṭṭhānato nidhiṃ gahetvā migassa tiṇakhādanaṭṭhāne rukkhato bhamaramadhuṃ gahetvā rañño madhuṃ pesetvā sappassa vasanaṭṭhāne vammikaṃ khaṇitvā nidhiṃ gahetvā taruṇitthiyā ca gaṇikāya ca gāmabhojakassa ca rañño kathitaniyāmeneva sāsanaṃ ārocetvā mahantena yasena attano gāmakaṃ gantvā yāvatāyukaṃ ṭhatvā yathākammaṃ gato. Ādāsamukharājāpi dānādīni puññāni katvā jīvitapariyosāne saggapuraṃ pūrento gato.
сад̇т̇аа ‘‘на, бхигкавз, д̇ат̇ааг̇ад̇о ид̣̇аанзва махаабан̃н̃о, буб̣б̣зби махаабан̃н̃оязваа’’д̇и вад̇ваа имам̣ д̇хаммад̣̇зсанам̣ аахарид̇ваа сажжаани багаасзд̇ваа ж̇аад̇агам̣ самод̇хаанзси, сажжабарияосаанз б̣ахуу сод̇аабаннасагад̣̇ааг̇аамианааг̇аамиараханд̇о ахзсум̣. ‘‘д̇ад̣̇аа г̇ааман̣ижанд̣̇о аананд̣̇о ахоси, аад̣̇аасамукарааж̇аа бана ахамзва ахоси’’нд̇и.
Satthā ‘‘na, bhikkhave, tathāgato idāneva mahāpañño, pubbepi mahāpaññoyevā’’ti vatvā imaṃ dhammadesanaṃ āharitvā saccāni pakāsetvā jātakaṃ samodhānesi, saccapariyosāne bahū sotāpannasakadāgāmianāgāmiarahanto ahesuṃ. ‘‘Tadā gāmaṇicando ānando ahosi, ādāsamukharājā pana ahameva ahosi’’nti.
г̇ааман̣ижанд̣̇аж̇аад̇агаван̣н̣анаа сад̇д̇амаа.
Gāmaṇicandajātakavaṇṇanā sattamā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / ж̇аад̇агабаал̣и • Jātakapāḷi / 257. г̇ааман̣ижанд̣̇аж̇аад̇агам̣ • 257. Gāmaṇicandajātakaṃ
