| Library / Tipiṭaka / д̇ибидага • Tipiṭaka / махааваг̇г̇а-адтагат̇аа • Mahāvagga-aṭṭhakathā |
г̇амигаад̣̇иниссаяавад̇т̇угат̇аа
Gamikādinissayavatthukathā
121. ниссаяагаран̣ийяод̇и гаран̣ийяаниссаяо, гаран̣ийяо маяаа ниссаяо; г̇ахзд̇аб̣б̣од̇и ад̇т̇о. ниссаяам̣ алабхамаанзнаад̇и ад̇д̇анаа сад̣̇д̇хим̣ ад̣̇д̇хаанамаг̇г̇аббадибаннзсу ниссаяад̣̇ааяагз асад̇и ниссаяам̣ на лабхад̇и наама. звам̣ алабханд̇зна аниссид̇зна б̣ахууниби д̣̇ивасаани г̇анд̇аб̣б̣ам̣. сажз буб̣б̣зби ниссаяам̣ г̇ахзд̇ваа вуд̇т̇абуб̣б̣ам̣ ган̃жи ааваасам̣ бависад̇и, згарад̇д̇ам̣ васанд̇знааби ниссаяо г̇ахзд̇аб̣б̣о. анд̇араамаг̇г̇з виссаманд̇о ваа сад̇т̇ам̣ бариязсанд̇о ваа гад̇ибаахам̣ васад̇и, анаабад̇д̇и. анд̇овассз бана ниб̣ад̣̇д̇хаваасам̣ васид̇аб̣б̣ам̣, ниссаяо жа г̇ахзд̇аб̣б̣о. наавааяа г̇ажчанд̇асса бана вассаанз ааг̇ад̇зби ниссаяам̣ алабханд̇асса анаабад̇д̇и.
121.Nissayakaraṇīyoti karaṇīyanissayo, karaṇīyo mayā nissayo; gahetabboti attho. Nissayaṃ alabhamānenāti attanā saddhiṃ addhānamaggappaṭipannesu nissayadāyake asati nissayaṃ na labhati nāma. Evaṃ alabhantena anissitena bahūnipi divasāni gantabbaṃ. Sace pubbepi nissayaṃ gahetvā vutthapubbaṃ kañci āvāsaṃ pavisati, ekarattaṃ vasantenāpi nissayo gahetabbo. Antarāmagge vissamanto vā satthaṃ pariyesanto vā katipāhaṃ vasati, anāpatti. Antovasse pana nibaddhavāsaṃ vasitabbaṃ, nissayo ca gahetabbo. Nāvāya gacchantassa pana vassāne āgatepi nissayaṃ alabhantassa anāpatti.
яаажияамаанзнаад̇и д̇зна г̇илаанзна яаажияамаанзна аниссид̇зна васид̇аб̣б̣ам̣. сажз ‘‘яаажаахи ма’’нд̇и вужжамааноби г̇илаано маанзна на яаажад̇и, г̇анд̇аб̣б̣ам̣.
Yāciyamānenāti tena gilānena yāciyamānena anissitena vasitabbaṃ. Sace ‘‘yācāhi ma’’nti vuccamānopi gilāno mānena na yācati, gantabbaṃ.
паасу ход̇ийд̇и самат̇авибассанаанам̣ бадилаабхавасзна паасу ход̇и. иман̃хи барихаарам̣ нзва сод̇аабанно на сагад̣̇ааг̇аамий анааг̇аамий араханд̇о лабханд̇и; на т̇аамаг̇ад̇асса самаад̇хино ваа вибассанааяа ваа лаабхий, виссадтагаммадтаанз бана б̣аалабут̇уж̇ж̇анз гат̇аава над̇т̇и. яасса ко бана самат̇о ваа вибассанаа ваа д̇арун̣о ход̇и, аяам̣ имам̣ барихаарам̣ лабхад̇и, бавааран̣асан̇г̇ахоби зд̇ассзва анун̃н̃аад̇о. д̇асмаа иминаа буг̇г̇алзна аажарияз баваарзд̇ваа г̇ад̇зби ‘‘яад̣̇аа бад̇ируубо ниссаяад̣̇ааяаго ааг̇ажчиссад̇и, д̇асса ниссааяа васиссаамий’’д̇и аабхог̇ам̣ гад̇ваа буна яаава аасаал̣хийбун̣н̣амаа, д̇аава аниссид̇зна вад̇т̇ум̣ ваддад̇и. сажз бана аасаал̣хиймаасз аажарияо нааг̇ажчад̇и, яад̇т̇а ниссаяо лаб̣бхад̇и, д̇ад̇т̇а г̇анд̇аб̣б̣ам̣.
Phāsuhotīti samathavipassanānaṃ paṭilābhavasena phāsu hoti. Imañhi parihāraṃ neva sotāpanno na sakadāgāmī anāgāmī arahanto labhanti; na thāmagatassa samādhino vā vipassanāya vā lābhī, vissaṭṭhakammaṭṭhāne pana bālaputhujjane kathāva natthi. Yassa kho pana samatho vā vipassanā vā taruṇo hoti, ayaṃ imaṃ parihāraṃ labhati, pavāraṇasaṅgahopi etasseva anuññāto. Tasmā iminā puggalena ācariye pavāretvā gatepi ‘‘yadā patirūpo nissayadāyako āgacchissati, tassa nissāya vasissāmī’’ti ābhogaṃ katvā puna yāva āsāḷhīpuṇṇamā, tāva anissitena vatthuṃ vaṭṭati. Sace pana āsāḷhīmāse ācariyo nāgacchati, yattha nissayo labbhati, tattha gantabbaṃ.
122. г̇од̇д̇знаби ануссаавзд̇унд̇и махаагассабасса убасамбад̣̇аабзгкод̇и звам̣ г̇од̇д̇ам̣ вад̇ваа ануссаавзд̇ум̣ ануж̇аанаамийд̇и ад̇т̇о.
122.Gottenapi anussāvetunti mahākassapassa upasampadāpekkhoti evaṃ gottaṃ vatvā anussāvetuṃ anujānāmīti attho.
123. д̣̇вз згаануссааванзд̇и д̣̇вз згад̇о ануссааванз; згзна згасса ан̃н̃зна ид̇арассаад̇и звам̣ д̣̇вийхи ваа аажариязхи згзна ваа згагкан̣з гаммаваажам̣ ануссаавзнд̇зхи убасамбаад̣̇зд̇ум̣ ануж̇аанаамийд̇и ад̇т̇о.
123.Dve ekānussāvaneti dve ekato anussāvane; ekena ekassa aññena itarassāti evaṃ dvīhi vā ācariyehi ekena vā ekakkhaṇe kammavācaṃ anussāventehi upasampādetuṃ anujānāmīti attho.
д̣̇вз д̇аяо згаануссааванз гаад̇ум̣ д̇ан̃жа ко згзна убаж̇жхааязнаад̇и д̣̇вз ваа д̇аяо ваа ж̇анз буриманаязнзва згад̇о ануссааванз гаад̇ум̣ ануж̇аанаами; д̇ан̃жа ко ануссааванагирияам̣ згзна убаж̇жхааязна ануж̇аанаамийд̇и ад̇т̇о. д̇асмаа згзна аажариязна д̣̇вз ваа д̇аяо ваа ануссаавзд̇аб̣б̣аа. д̣̇вийхи ваа д̇ийхи ваа аажариязхи висум̣ висум̣ згзна згассаад̇и звам̣ згаббахаарзнзва д̣̇вз д̇иссо ваа гаммаваажаа гаад̇аб̣б̣аа. сажз бана наанаажарияаа наанубаж̇жхааяаа хонд̇и, д̇иссад̇т̇зро суманад̇т̇зрасса сад̣̇д̇хивихааригам̣, суманад̇т̇зро д̇иссад̇т̇зрасса сад̣̇д̇хивихааригам̣ ануссаавзд̇и, ан̃н̃аман̃н̃ан̃жа г̇ан̣абуурагаа хонд̇и, ваддад̇и. сажз бана наанааубаж̇жхааяаа хонд̇и, зго аажарияо ход̇и, ‘‘над̇взва наанубаж̇жхааязнаа’’д̇и бадигкид̇д̇ад̇д̇аа на ваддад̇и. ид̣̇ам̣ санд̇хааяа хи зса бадигкзбо.
Dve tayo ekānussāvane kātuṃ tañca kho ekena upajjhāyenāti dve vā tayo vā jane purimanayeneva ekato anussāvane kātuṃ anujānāmi; tañca kho anussāvanakiriyaṃ ekena upajjhāyena anujānāmīti attho. Tasmā ekena ācariyena dve vā tayo vā anussāvetabbā. Dvīhi vā tīhi vā ācariyehi visuṃ visuṃ ekena ekassāti evaṃ ekappahāreneva dve tisso vā kammavācā kātabbā. Sace pana nānācariyā nānupajjhāyā honti, tissatthero sumanattherassa saddhivihārikaṃ, sumanatthero tissattherassa saddhivihārikaṃ anussāveti, aññamaññañca gaṇapūrakā honti, vaṭṭati. Sace pana nānāupajjhāyā honti, eko ācariyo hoti, ‘‘natveva nānupajjhāyenā’’ti paṭikkhittattā na vaṭṭati. Idaṃ sandhāya hi esa paṭikkhepo.
г̇амигаад̣̇иниссаяавад̇т̇угат̇аа нидтид̇аа.
Gamikādinissayavatthukathā niṭṭhitā.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махааваг̇г̇абаал̣и • Mahāvaggapāḷi
59. г̇амигаад̣̇иниссаяавад̇т̇ууни • 59. Gamikādinissayavatthūni
60. г̇од̇д̇зна ануссааванаануж̇аананаа • 60. Gottena anussāvanānujānanā
61. д̣̇взубасамбад̣̇аабзгкаад̣̇ивад̇т̇у • 61. Dveupasampadāpekkhādivatthu
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā
г̇амигаад̣̇иниссаяавад̇т̇угат̇ааван̣н̣анаа • Gamikādinissayavatthukathāvaṇṇanā
г̇од̇д̇зна ануссааванаануж̇аананагат̇ааван̣н̣анаа • Gottena anussāvanānujānanakathāvaṇṇanā
д̣̇взубасамбад̣̇аабзгкаад̣̇ивад̇т̇угат̇ааван̣н̣анаа • Dveupasampadāpekkhādivatthukathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / г̇амигаад̣̇иниссаяавад̇т̇угат̇ааван̣н̣анаа • Gamikādinissayavatthukathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā
г̇амигаад̣̇иниссаяавад̇т̇угат̇ааван̣н̣анаа • Gamikādinissayavatthukathāvaṇṇanā
д̣̇взубасамбад̣̇аабзгкаад̣̇ивад̇т̇угат̇ааван̣н̣анаа • Dveupasampadāpekkhādivatthukathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / 59. г̇амигаад̣̇иниссаяавад̇т̇угат̇аа • 59. Gamikādinissayavatthukathā
