| Library / Tipiṭaka / д̇ибидага • Tipiṭaka / баажид̇яаад̣̇ияож̇анаабаал̣и • Pācityādiyojanāpāḷi |
59. г̇амигаад̣̇иниссаяавад̇т̇угат̇аа
59. Gamikādinissayavatthukathā
121. ‘‘гаран̣ийяаниссаяо’’д̇и иминаа ниссаяаг̇ахан̣ам̣ ниссаяо уд̇д̇арабад̣̇алобавасзна, со гаран̣ийяо имассаад̇и ниссаяагаран̣ийяод̇и висзсанабаранибаад̇абхаавам̣ д̣̇ассзд̇и. ниссаяам̣ алабхамаанзнаад̇и зд̇т̇а гим̣ ниссаяасса алабханам̣ наамаад̇и ааха ‘‘ад̇д̇анаа’’д̇иаад̣̇и. вуд̇т̇абуб̣б̣анд̇и васид̇абуб̣б̣ам̣. згарад̇д̇ам̣ васанд̇знаабийд̇и бисад̣̇д̣̇о д̣̇вирад̇д̇аад̣̇игз гаа наама гат̇аад̇и д̣̇ассзд̇и. виссаманд̇о ваа сад̇т̇ам̣ бариязсанд̇о ваа худ̇ваад̇и яож̇анаа. наавааяа г̇ажчанд̇ассаад̇и наавааяа ад̣̇д̇хаанамаг̇г̇ам̣ бадибаннасса.
121. ‘‘Karaṇīyanissayo’’ti iminā nissayagahaṇaṃ nissayo uttarapadalopavasena, so karaṇīyo imassāti nissayakaraṇīyoti visesanaparanipātabhāvaṃ dasseti. Nissayaṃ alabhamānenāti ettha kiṃ nissayassa alabhanaṃ nāmāti āha ‘‘attanā’’tiādi. Vutthapubbanti vasitapubbaṃ. Ekarattaṃ vasantenāpīti pisaddo dvirattādike kā nāma kathāti dasseti. Vissamanto vā satthaṃ pariyesanto vā hutvāti yojanā. Nāvāya gacchantassāti nāvāya addhānamaggaṃ paṭipannassa.
яаажияамаанзнаад̇и зд̇т̇а б̣ахугад̇д̇убасан̇г̇ад̇д̇аа вуд̇д̇ам̣ ‘‘д̇зна г̇илаанзнаа’’д̇и. ‘‘маанзнаа’’д̇и иминаа яаажид̇умасаггун̣зяяад̇аад̣̇ийни нивад̇д̇зд̇и.
Yāciyamānenāti ettha bahukattupasaṅgattā vuttaṃ ‘‘tena gilānenā’’ti. ‘‘Mānenā’’ti iminā yācitumasakkuṇeyyatādīni nivatteti.
паасу ход̇ийд̇и зд̇т̇а ааваасасаббааяаад̣̇ивасзна паасу ход̇ийд̇и аасан̇гаа бхавзяяаад̇и ааха ‘‘самат̇авибассанаанам̣ бадилаабхавасзнаа’’д̇и. хийд̇и сажжам̣. имам̣ барихааранд̇и имам̣ паасувихаарабарихаарам̣. т̇аамаг̇ад̇ааяа вибассанааяаад̇и яож̇анаа. самат̇о ваа д̇арун̣о ход̇ийд̇и яож̇анаа. зд̇ассзваад̇и д̇арун̣асамат̇авибассанигассзва бхигкуно. д̇асса ниссааяаад̇и зд̇т̇а д̇асса оваад̣̇ам̣ ниссааяаад̇и яож̇анаа. ат̇а ваа убаяог̇ад̇т̇з саамиважанам̣. д̇ам̣ ниссаяад̣̇ааяагам̣ ниссааяаад̇и хи ад̇т̇о. яад̇д̇аго гаало аасал̣хийбун̣н̣амаа ад̇т̇и, д̇ад̇д̇агам̣ гааланд̇и яож̇анаа. ‘‘аасал̣хийбун̣н̣амаа’’д̇и зд̇т̇а ‘‘яааваа’’д̇и нибаад̇абаяог̇ад̇д̇аа абхивид̇хиаважхад̇т̇з ниссаггаважанам̣ д̣̇адтаб̣б̣ам̣. яад̇т̇аад̇и яасмим̣ таанз.
Phāsu hotīti ettha āvāsasappāyādivasena phāsu hotīti āsaṅkā bhaveyyāti āha ‘‘samathavipassanānaṃ paṭilābhavasenā’’ti. Hīti saccaṃ. Imaṃ parihāranti imaṃ phāsuvihāraparihāraṃ. Thāmagatāya vipassanāyāti yojanā. Samatho vā taruṇo hotīti yojanā. Etassevāti taruṇasamathavipassanikasseva bhikkhuno. Tassa nissāyāti ettha tassa ovādaṃ nissāyāti yojanā. Atha vā upayogatthe sāmivacanaṃ. Taṃ nissayadāyakaṃ nissāyāti hi attho. Yattako kālo āsaḷhīpuṇṇamā atthi, tattakaṃ kālanti yojanā. ‘‘Āsaḷhīpuṇṇamā’’ti ettha ‘‘yāvā’’ti nipātapayogattā abhividhiavajhatthe nissakkavacanaṃ daṭṭhabbaṃ. Yatthāti yasmiṃ ṭhāne.
122. баал̣ияам̣ г̇од̇д̇знабийд̇и зд̇т̇а бисад̣̇д̣̇зна на гзвалам̣ наамзнзва, ат̇а ко г̇од̇д̇знаби саавзд̇унд̇и д̣̇ассзд̇и. д̇асмаа ‘‘ааяасмад̇о биббалиссаа’’д̇и наамам̣ саавзд̇ваад̇иби ‘‘ааяасмад̇о махаагассабассаа’’д̇и г̇од̇д̇ам̣ саавзд̇вааби анусаавзд̇аб̣б̣ам̣. д̇зна вуд̇д̇ам̣ ‘‘махаагассабассаа’’д̇иаад̣̇и. иминаа ‘‘гонаамо д̇з убаж̇жхааяо? убаж̇жхааяо мз бханд̇з ааяасмаа махаагассабо наамаа’’д̇иаад̣̇ийсу г̇од̇д̇амби наамзнзва сан̇г̇ахид̇анд̇и сид̣̇д̇хам̣ ход̇и.
122. Pāḷiyaṃ gottenapīti ettha pisaddena na kevalaṃ nāmeneva, atha kho gottenapi sāvetunti dasseti. Tasmā ‘‘āyasmato pippalissā’’ti nāmaṃ sāvetvātipi ‘‘āyasmato mahākassapassā’’ti gottaṃ sāvetvāpi anusāvetabbaṃ. Tena vuttaṃ ‘‘mahākassapassā’’tiādi. Iminā ‘‘konāmo te upajjhāyo? Upajjhāyo me bhante āyasmā mahākassapo nāmā’’tiādīsu gottampi nāmeneva saṅgahitanti siddhaṃ hoti.
123. згаанусааванзд̇и бад̣̇асса самаанаад̇хигаран̣аб̣аахирад̇т̇асамаасабхаавам̣ нивад̇д̇знд̇о ааха ‘‘згад̇о анусааванз’’д̇и. д̇ад̇т̇а згад̇од̇и згагкан̣з, згабахаарзна ваа. вагкад̇и хи ‘‘згагкан̣з’’д̇и жа ‘‘згабахаарзнзваа’’д̇и жа. иминаа згад̇о анусааванамзд̇зсанд̇и згаанусааванаад̇и асамаанаад̇хигаран̣аб̣аахирад̇т̇асамаасам̣ д̣̇ассзд̇и. згзнаад̇и згзна анусааванаажариязна. згассаад̇и згасса убасамбад̣̇аабзгкасса. ‘‘згагкан̣з’’д̇и иминаа ‘‘згад̇о’’д̇и бад̣̇асса ад̇т̇ам̣ д̣̇ассзд̇и. ‘‘убасамбаад̣̇зд̇у’’нд̇и д̣̇виннам̣ убасамбад̣̇аабзгкаанам̣ убасамбаад̣̇зд̇ум̣.
123.Ekānusāvaneti padassa samānādhikaraṇabāhiratthasamāsabhāvaṃ nivattento āha ‘‘ekato anusāvane’’ti. Tattha ekatoti ekakkhaṇe, ekapahārena vā. Vakkhati hi ‘‘ekakkhaṇe’’ti ca ‘‘ekapahārenevā’’ti ca. Iminā ekato anusāvanametesanti ekānusāvanāti asamānādhikaraṇabāhiratthasamāsaṃ dasseti. Ekenāti ekena anusāvanācariyena. Ekassāti ekassa upasampadāpekkhassa. ‘‘Ekakkhaṇe’’ti iminā ‘‘ekato’’ti padassa atthaṃ dasseti. ‘‘Upasampādetu’’nti dvinnaṃ upasampadāpekkhānaṃ upasampādetuṃ.
буриманаязнзваад̇и ‘‘згзна згасса, ан̃н̃зна ид̇арассаа’’д̇иаад̣̇инаа буб̣б̣з вуд̇д̇анаязнзва. згад̇о анусааванз гаад̇унд̇и ‘‘згзна згасса, ан̃н̃зна ан̃н̃асса, ид̇арзна ид̇арассаа’’д̇и звам̣ д̇ийхи аажариязхи д̇ин̣н̣ам̣ убасамбад̣̇аабзгкаанам̣ згагкан̣з анусааванз гаад̇ум̣. д̇ан̃жа код̇и зд̇т̇а д̇асад̣̇д̣̇асса ‘‘анусааванз гаад̇у’’нд̇и бад̣̇ассзва ад̇т̇ависаяад̇ам̣ д̣̇ассзд̇ум̣ вуд̇д̇ам̣ ‘‘анусааванагирияа’’нд̇и. д̣̇вз ваа д̇аяо ваад̇и зд̇т̇а ваасад̣̇д̣̇о анияамавигаббад̇т̇о. сажз згзнаажариязна д̣̇вз анусаавзд̇и, ‘‘аяам̣ б̣уд̣̇д̇харагкид̇о жа аяам̣ д̇хаммарагкид̇о жаа’’д̇и анусаавзд̇аб̣б̣аа. сажз д̇аяо анусаавзд̇и, ‘‘аяам̣ б̣уд̣̇д̇харагкид̇о жа аяам̣ д̇хаммарагкид̇о жа аяам̣ сан̇гхарагкид̇о жаа’’д̇и анусаавзд̇аб̣б̣аа. яат̇аа згзнаажариязна д̣̇вз ваа д̇аяо ваа згад̇о анусаавзд̇аб̣б̣аа, звам̣ д̣̇вийхи ваа д̇ийхи ваа аажариязхи зго анусаавзд̇аб̣б̣од̇иби вад̣̇анд̇и. згзна убаж̇жхааязна гаран̣абхууд̇зна, зго убаж̇жхааяо худ̇ваад̇и ваа ад̇т̇о. ‘‘згабахаарзнзваа’’д̇и иминаа ‘‘згад̇о’’д̇и бад̣̇асса ад̇т̇ам̣ д̣̇ассзд̇и. д̣̇вз д̇иссо гаммаваажаад̇и д̣̇вийхи аажариязхи д̣̇вз, д̇ийхи аажариязхи д̇иссо гаммаваажаа. згзна убаж̇жхааязна анусааванз зго ваа д̣̇вз ваа д̇аяо ваа аажарияаа вадданд̇и, наанубаж̇жхааязна анусааванз бана наанаажарияаа зва вадданд̇ийд̇и д̣̇ассзнд̇о ааха ‘‘сажз банаа’’д̇иаад̣̇и. д̇иссад̇т̇зрод̇и гаммаваажаажарияабхууд̇о д̇иссад̇т̇зро . суманад̇т̇зрассаад̇и убаж̇жхааяабхууд̇асса суманад̇т̇зрасса. ид̣̇анд̇и наанубаж̇жхааязна згассаажарияассаанусааванам̣. зса бадигкзбод̇и ‘‘на д̇взва наанубаж̇жхааязнаа’’д̇и зсо бадигкзбо.
Purimanayenevāti ‘‘ekena ekassa, aññena itarassā’’tiādinā pubbe vuttanayeneva. Ekatoanusāvane kātunti ‘‘ekena ekassa, aññena aññassa, itarena itarassā’’ti evaṃ tīhi ācariyehi tiṇṇaṃ upasampadāpekkhānaṃ ekakkhaṇe anusāvane kātuṃ. Tañca khoti ettha tasaddassa ‘‘anusāvane kātu’’nti padasseva atthavisayataṃ dassetuṃ vuttaṃ ‘‘anusāvanakiriya’’nti. Dve vā tayo vāti ettha vāsaddo aniyamavikappattho. Sace ekenācariyena dve anusāveti, ‘‘ayaṃ buddharakkhito ca ayaṃ dhammarakkhito cā’’ti anusāvetabbā. Sace tayo anusāveti, ‘‘ayaṃ buddharakkhito ca ayaṃ dhammarakkhito ca ayaṃ saṅgharakkhito cā’’ti anusāvetabbā. Yathā ekenācariyena dve vā tayo vā ekato anusāvetabbā, evaṃ dvīhi vā tīhi vā ācariyehi eko anusāvetabbotipi vadanti. Ekena upajjhāyena karaṇabhūtena, eko upajjhāyo hutvāti vā attho. ‘‘Ekapahārenevā’’ti iminā ‘‘ekato’’ti padassa atthaṃ dasseti. Dve tisso kammavācāti dvīhi ācariyehi dve, tīhi ācariyehi tisso kammavācā. Ekena upajjhāyena anusāvane eko vā dve vā tayo vā ācariyā vaṭṭanti, nānupajjhāyena anusāvane pana nānācariyā eva vaṭṭantīti dassento āha ‘‘sace panā’’tiādi. Tissattheroti kammavācācariyabhūto tissatthero . Sumanattherassāti upajjhāyabhūtassa sumanattherassa. Idanti nānupajjhāyena ekassācariyassānusāvanaṃ. Esa paṭikkhepoti ‘‘na tveva nānupajjhāyenā’’ti eso paṭikkhepo.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махааваг̇г̇абаал̣и • Mahāvaggapāḷi
59. г̇амигаад̣̇иниссаяавад̇т̇ууни • 59. Gamikādinissayavatthūni
60. г̇од̇д̇зна ануссааванаануж̇аананаа • 60. Gottena anussāvanānujānanā
61. д̣̇взубасамбад̣̇аабзгкаад̣̇ивад̇т̇у • 61. Dveupasampadāpekkhādivatthu
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махааваг̇г̇а-адтагат̇аа • Mahāvagga-aṭṭhakathā / г̇амигаад̣̇иниссаяавад̇т̇угат̇аа • Gamikādinissayavatthukathā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā
г̇амигаад̣̇иниссаяавад̇т̇угат̇ааван̣н̣анаа • Gamikādinissayavatthukathāvaṇṇanā
г̇од̇д̇зна ануссааванаануж̇аананагат̇ааван̣н̣анаа • Gottena anussāvanānujānanakathāvaṇṇanā
д̣̇взубасамбад̣̇аабзгкаад̣̇ивад̇т̇угат̇ааван̣н̣анаа • Dveupasampadāpekkhādivatthukathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / г̇амигаад̣̇иниссаяавад̇т̇угат̇ааван̣н̣анаа • Gamikādinissayavatthukathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā
г̇амигаад̣̇иниссаяавад̇т̇угат̇ааван̣н̣анаа • Gamikādinissayavatthukathāvaṇṇanā
д̣̇взубасамбад̣̇аабзгкаад̣̇ивад̇т̇угат̇ааван̣н̣анаа • Dveupasampadāpekkhādivatthukathāvaṇṇanā
