| Library / Tipiṭaka / ਤਿਪਿਟਕ • Tipiṭaka / ਚੂਲ਼વਗ੍ਗਪਾਲ਼ਿ • Cūḷavaggapāḷi |
੩. ਗਮਿਕવਤ੍ਤਕਥਾ
3. Gamikavattakathā
੩੬੦. ਤੇਨ ਖੋ ਪਨ ਸਮਯੇਨ ਗਮਿਕਾ ਭਿਕ੍ਖੂ ਦਾਰੁਭਣ੍ਡਂ ਮਤ੍ਤਿਕਾਭਣ੍ਡਂ ਅਪ੍ਪਟਿਸਾਮੇਤ੍વਾ ਦ੍વਾਰવਾਤਪਾਨਂ વਿવਰਿਤ੍વਾ ਸੇਨਾਸਨਂ ਅਨਾਪੁਚ੍ਛਾ ਪਕ੍ਕਮਨ੍ਤਿ। ਦਾਰੁਭਣ੍ਡਂ ਮਤ੍ਤਿਕਾਭਣ੍ਡਂ ਨਸ੍ਸਤਿ। ਸੇਨਾਸਨਂ ਅਗੁਤ੍ਤਂ ਹੋਤਿ। ਯੇ ਤੇ ਭਿਕ੍ਖੂ ਅਪ੍ਪਿਚ੍ਛਾ…ਪੇ॰… ਤੇ ਉਜ੍ਝਾਯਨ੍ਤਿ ਖਿਯ੍ਯਨ੍ਤਿ વਿਪਾਚੇਨ੍ਤਿ – ‘‘ਕਥਞ੍ਹਿ ਨਾਮ ਗਮਿਕਾ ਭਿਕ੍ਖੂ ਦਾਰੁਭਣ੍ਡਂ ਮਤ੍ਤਿਕਾਭਣ੍ਡਂ ਅਪ੍ਪਟਿਸਾਮੇਤ੍વਾ ਦ੍વਾਰવਾਤਪਾਨਂ વਿવਰਿਤ੍વਾ ਸੇਨਾਸਨਂ ਅਨਾਪੁਚ੍ਛਾ ਪਕ੍ਕਮਿਸ੍ਸਨ੍ਤਿ! ਦਾਰੁਭਣ੍ਡਂ ਮਤ੍ਤਿਕਾਭਣ੍ਡਂ ਨਸ੍ਸਤਿ। ਸੇਨਾਸਨਂ ਅਗੁਤ੍ਤਂ ਹੋਤੀ’’ਤਿ। ਅਥ ਖੋ ਤੇ ਭਿਕ੍ਖੂ ਭਗવਤੋ ਏਤਮਤ੍ਥਂ ਆਰੋਚੇਸੁਂ…ਪੇ॰… ਸਚ੍ਚਂ ਕਿਰ, ਭਿਕ੍ਖવੇ…ਪੇ॰… ਸਚ੍ਚਂ ਭਗવਾਤਿ…ਪੇ॰… વਿਗਰਹਿਤ੍વਾ…ਪੇ॰… ਧਮ੍ਮਿਂ ਕਥਂ ਕਤ੍વਾ ਭਿਕ੍ਖੂ ਆਮਨ੍ਤੇਸਿ –
360. Tena kho pana samayena gamikā bhikkhū dārubhaṇḍaṃ mattikābhaṇḍaṃ appaṭisāmetvā dvāravātapānaṃ vivaritvā senāsanaṃ anāpucchā pakkamanti. Dārubhaṇḍaṃ mattikābhaṇḍaṃ nassati. Senāsanaṃ aguttaṃ hoti. Ye te bhikkhū appicchā…pe… te ujjhāyanti khiyyanti vipācenti – ‘‘kathañhi nāma gamikā bhikkhū dārubhaṇḍaṃ mattikābhaṇḍaṃ appaṭisāmetvā dvāravātapānaṃ vivaritvā senāsanaṃ anāpucchā pakkamissanti! Dārubhaṇḍaṃ mattikābhaṇḍaṃ nassati. Senāsanaṃ aguttaṃ hotī’’ti. Atha kho te bhikkhū bhagavato etamatthaṃ ārocesuṃ…pe… saccaṃ kira, bhikkhave…pe… saccaṃ bhagavāti…pe… vigarahitvā…pe… dhammiṃ kathaṃ katvā bhikkhū āmantesi –
੩੬੧. ‘‘ਤੇਨ ਹਿ, ਭਿਕ੍ਖવੇ, ਗਮਿਕਾਨਂ ਭਿਕ੍ਖੂਨਂ વਤ੍ਤਂ ਪਞ੍ਞਪੇਸ੍ਸਾਮਿ ਯਥਾ ਗਮਿਕੇਹਿ ਭਿਕ੍ਖੂਹਿ ਸਮ੍ਮਾ વਤ੍ਤਿਤਬ੍ਬਂ। ਗਮਿਕੇਨ, ਭਿਕ੍ਖવੇ, ਭਿਕ੍ਖੁਨਾ ਦਾਰੁਭਣ੍ਡਂ ਮਤ੍ਤਿਕਾਭਣ੍ਡਂ ਪਟਿਸਾਮੇਤ੍વਾ ਦ੍વਾਰવਾਤਪਾਨਂ ਥਕੇਤ੍વਾ ਸੇਨਾਸਨਂ ਆਪੁਚ੍ਛਾ ਪਕ੍ਕਮਿਤਬ੍ਬਂ 1। ਸਚੇ ਭਿਕ੍ਖੁ ਨ ਹੋਤਿ, ਸਾਮਣੇਰੋ ਆਪੁਚ੍ਛਿਤਬ੍ਬੋ। ਸਚੇ ਸਾਮਣੇਰੋ ਨ ਹੋਤਿ, ਆਰਾਮਿਕੋ ਆਪੁਚ੍ਛਿਤਬ੍ਬੋ। ਸਚੇ ਆਰਾਮਿਕੋ ਨ ਹੋਤਿ, ਉਪਾਸਕੋ ਆਪੁਚ੍ਛਿਤਬ੍ਬੋ। ਸਚੇ ਨ ਹੋਤਿ ਭਿਕ੍ਖੁ વਾ ਸਾਮਣੇਰੋ વਾ ਆਰਾਮਿਕੋ વਾ ਉਪਾਸਕੋ વਾ, ਚਤੂਸੁ ਪਾਸਾਣੇਸੁ ਮਞ੍ਚਂ ਪਞ੍ਞਪੇਤ੍વਾ ਮਞ੍ਚੇ ਮਞ੍ਚਂ ਆਰੋਪੇਤ੍વਾ ਪੀਠੇ ਪੀਠਂ ਆਰੋਪੇਤ੍વਾ ਸੇਨਾਸਨਂ ਉਪਰਿ ਪੁਞ੍ਜਂ ਕਰਿਤ੍વਾ ਦਾਰੁਭਣ੍ਡਂ ਮਤ੍ਤਿਕਾਭਣ੍ਡਂ ਪਟਿਸਾਮੇਤ੍વਾ ਦ੍વਾਰવਾਤਪਾਨਂ ਥਕੇਤ੍વਾ ਪਕ੍ਕਮਿਤਬ੍ਬਂ। ਸਚੇ વਿਹਾਰੋ ਓવਸ੍ਸਤਿ, ਸਚੇ ਉਸ੍ਸਹਤਿ, ਛਾਦੇਤਬ੍ਬੋ, ਉਸ੍ਸੁਕਂ વਾ ਕਾਤਬ੍ਬਂ – ‘ਕਿਨ੍ਤਿ ਨੁ ਖੋ વਿਹਾਰੋ ਛਾਦਿਯੇਥਾ’ਤਿ। ਏવਞ੍ਚੇਤਂ ਲਭੇਥ, ਇਚ੍ਚੇਤਂ ਕੁਸਲਂ। ਨੋ ਚੇ ਲਭੇਥ, ਯੋ ਦੇਸੋ ਅਨੋવਸ੍ਸਕੋ ਹੋਤਿ, ਤਤ੍ਥ ਚਤੂਸੁ ਪਾਸਾਣੇਸੁ ਮਞ੍ਚਂ ਪਞ੍ਞਪੇਤ੍વਾ ਮਞ੍ਚੇ ਮਞ੍ਚਂ ਆਰੋਪੇਤ੍વਾ ਪੀਠੇ ਪੀਠਂ ਆਰੋਪੇਤ੍વਾ ਸੇਨਾਸਨਂ ਉਪਰਿ ਪੁਞ੍ਜਂ ਕਰਿਤ੍વਾ ਦਾਰੁਭਣ੍ਡਂ ਮਤ੍ਤਿਕਾਭਣ੍ਡਂ ਪਟਿਸਾਮੇਤ੍વਾ ਦ੍વਾਰવਾਤਪਾਨਂ ਥਕੇਤ੍વਾ ਪਕ੍ਕਮਿਤਬ੍ਬਂ। ਸਚੇ ਸਬ੍ਬੋ વਿਹਾਰੋ ਓવਸ੍ਸਤਿ, ਸਚੇ ਉਸ੍ਸਹਤਿ, ਸੇਨਾਸਨਂ ਗਾਮਂ ਅਤਿਹਰਿਤਬ੍ਬਂ, ਉਸ੍ਸੁਕਂ વਾ ਕਾਤਬ੍ਬਂ – ‘ਕਿਨ੍ਤਿ ਨੁ ਖੋ ਸੇਨਾਸਨਂ ਗਾਮਂ ਅਤਿਹਰਿਯੇਥਾ’ਤਿ। ਏવਞ੍ਚੇਤਂ ਲਭੇਥ, ਇਚ੍ਚੇਤਂ ਕੁਸਲਂ। ਨੋ ਚੇ ਲਭੇਥ, ਅਜ੍ਝੋਕਾਸੇ ਚਤੂਸੁ ਪਾਸਾਣੇਸੁ ਮਞ੍ਚਂ ਪਞ੍ਞਪੇਤ੍વਾ ਮਞ੍ਚੇ ਮਞ੍ਚਂ ਆਰੋਪੇਤ੍વਾ ਪੀਠੇ ਪੀਠਂ ਆਰੋਪੇਤ੍વਾ ਸੇਨਾਸਨਂ ਉਪਰਿ ਪੁਞ੍ਜਂ ਕਰਿਤ੍વਾ ਦਾਰੁਭਣ੍ਡਂ ਮਤ੍ਤਿਕਾਭਣ੍ਡਂ ਪਟਿਸਾਮੇਤ੍વਾ ਤਿਣੇਨ વਾ ਪਣ੍ਣੇਨ વਾ ਪਟਿਚ੍ਛਾਦੇਤ੍વਾ ਪਕ੍ਕਮਿਤਬ੍ਬਂ – ਅਪ੍ਪੇવ ਨਾਮ ਅਙ੍ਗਾਨਿਪਿ ਸੇਸੇਯ੍ਯੁਨ੍ਤਿ। ਇਦਂ ਖੋ, ਭਿਕ੍ਖવੇ, ਗਮਿਕਾਨਂ ਭਿਕ੍ਖੂਨਂ વਤ੍ਤਂ ਯਥਾ ਗਮਿਕੇਹਿ ਭਿਕ੍ਖੂਹਿ ਸਮ੍ਮਾ વਤ੍ਤਿਤਬ੍ਬ’’ਨ੍ਤਿ।
361. ‘‘Tena hi, bhikkhave, gamikānaṃ bhikkhūnaṃ vattaṃ paññapessāmi yathā gamikehi bhikkhūhi sammā vattitabbaṃ. Gamikena, bhikkhave, bhikkhunā dārubhaṇḍaṃ mattikābhaṇḍaṃ paṭisāmetvā dvāravātapānaṃ thaketvā senāsanaṃ āpucchā pakkamitabbaṃ 2. Sace bhikkhu na hoti, sāmaṇero āpucchitabbo. Sace sāmaṇero na hoti, ārāmiko āpucchitabbo. Sace ārāmiko na hoti, upāsako āpucchitabbo. Sace na hoti bhikkhu vā sāmaṇero vā ārāmiko vā upāsako vā, catūsu pāsāṇesu mañcaṃ paññapetvā mañce mañcaṃ āropetvā pīṭhe pīṭhaṃ āropetvā senāsanaṃ upari puñjaṃ karitvā dārubhaṇḍaṃ mattikābhaṇḍaṃ paṭisāmetvā dvāravātapānaṃ thaketvā pakkamitabbaṃ. Sace vihāro ovassati, sace ussahati, chādetabbo, ussukaṃ vā kātabbaṃ – ‘kinti nu kho vihāro chādiyethā’ti. Evañcetaṃ labhetha, iccetaṃ kusalaṃ. No ce labhetha, yo deso anovassako hoti, tattha catūsu pāsāṇesu mañcaṃ paññapetvā mañce mañcaṃ āropetvā pīṭhe pīṭhaṃ āropetvā senāsanaṃ upari puñjaṃ karitvā dārubhaṇḍaṃ mattikābhaṇḍaṃ paṭisāmetvā dvāravātapānaṃ thaketvā pakkamitabbaṃ. Sace sabbo vihāro ovassati, sace ussahati, senāsanaṃ gāmaṃ atiharitabbaṃ, ussukaṃ vā kātabbaṃ – ‘kinti nu kho senāsanaṃ gāmaṃ atihariyethā’ti. Evañcetaṃ labhetha, iccetaṃ kusalaṃ. No ce labhetha, ajjhokāse catūsu pāsāṇesu mañcaṃ paññapetvā mañce mañcaṃ āropetvā pīṭhe pīṭhaṃ āropetvā senāsanaṃ upari puñjaṃ karitvā dārubhaṇḍaṃ mattikābhaṇḍaṃ paṭisāmetvā tiṇena vā paṇṇena vā paṭicchādetvā pakkamitabbaṃ – appeva nāma aṅgānipi seseyyunti. Idaṃ kho, bhikkhave, gamikānaṃ bhikkhūnaṃ vattaṃ yathā gamikehi bhikkhūhi sammā vattitabba’’nti.
Footnotes:
Related texts:
ਅਟ੍ਠਕਥਾ • Aṭṭhakathā / વਿਨਯਪਿਟਕ (ਅਟ੍ਠਕਥਾ) • Vinayapiṭaka (aṭṭhakathā) / ਚੂਲ਼વਗ੍ਗ-ਅਟ੍ਠਕਥਾ • Cūḷavagga-aṭṭhakathā / ਗਮਿਕવਤ੍ਤਕਥਾ • Gamikavattakathā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਪਾਚਿਤ੍ਯਾਦਿਯੋਜਨਾਪਾਲ਼ਿ • Pācityādiyojanāpāḷi / ੩. ਗਮਿਕવਤ੍ਤਕਥਾ • 3. Gamikavattakathā
