| Library / Tipiṭaka / તિપિટક • Tipiṭaka / અઙ્ગુત્તરનિકાય • Aṅguttaranikāya |
૫. ગણ્ડસુત્તં
5. Gaṇḍasuttaṃ
૧૫. ‘‘સેય્યથાપિ, ભિક્ખવે, ગણ્ડો અનેકવસ્સગણિકો. તસ્સસ્સુ ગણ્ડસ્સ નવ વણમુખાનિ નવ અભેદનમુખાનિ. તતો યં કિઞ્ચિ પગ્ઘરેય્ય – અસુચિયેવ પગ્ઘરેય્ય, દુગ્ગન્ધંયેવ પગ્ઘરેય્ય, જેગુચ્છિયંયેવ 1 પગ્ઘરેય્ય; યં કિઞ્ચિ પસવેય્ય – અસુચિયેવ પસવેય્ય, દુગ્ગન્ધંયેવ પસવેય્ય, જેગુચ્છિયંયેવ પસવેય્ય.
15. ‘‘Seyyathāpi, bhikkhave, gaṇḍo anekavassagaṇiko. Tassassu gaṇḍassa nava vaṇamukhāni nava abhedanamukhāni. Tato yaṃ kiñci pagghareyya – asuciyeva pagghareyya, duggandhaṃyeva pagghareyya, jegucchiyaṃyeva 2 pagghareyya; yaṃ kiñci pasaveyya – asuciyeva pasaveyya, duggandhaṃyeva pasaveyya, jegucchiyaṃyeva pasaveyya.
‘‘ગણ્ડોતિ ખો, ભિક્ખવે, ઇમસ્સેતં ચાતુમહાભૂતિકસ્સ 3 કાયસ્સ અધિવચનં માતાપેત્તિકસમ્ભવસ્સ ઓદનકુમ્માસૂપચયસ્સ અનિચ્ચુચ્છાદનપરિમદ્દનભેદનવિદ્ધંસનધમ્મસ્સ. તસ્સસ્સુ ગણ્ડસ્સ નવ વણમુખાનિ નવ અભેદનમુખાનિ. તતો યં કિઞ્ચિ પગ્ઘરતિ – અસુચિયેવ પગ્ઘરતિ, દુગ્ગન્ધંયેવ પગ્ઘરતિ, જેગુચ્છિયંયેવ પગ્ઘરતિ; યં કિઞ્ચિ પસવતિ – અસુચિયેવ પસવતિ, દુગ્ગન્ધંયેવ પસવતિ, જેગુચ્છિયંયેવ પસવતિ. તસ્માતિહ, ભિક્ખવે, ઇમસ્મિં કાયે નિબ્બિન્દથા’’તિ. પઞ્ચમં.
‘‘Gaṇḍoti kho, bhikkhave, imassetaṃ cātumahābhūtikassa 4 kāyassa adhivacanaṃ mātāpettikasambhavassa odanakummāsūpacayassa aniccucchādanaparimaddanabhedanaviddhaṃsanadhammassa. Tassassu gaṇḍassa nava vaṇamukhāni nava abhedanamukhāni. Tato yaṃ kiñci paggharati – asuciyeva paggharati, duggandhaṃyeva paggharati, jegucchiyaṃyeva paggharati; yaṃ kiñci pasavati – asuciyeva pasavati, duggandhaṃyeva pasavati, jegucchiyaṃyeva pasavati. Tasmātiha, bhikkhave, imasmiṃ kāye nibbindathā’’ti. Pañcamaṃ.
Footnotes:
Related texts:
અટ્ઠકથા • Aṭṭhakathā / સુત્તપિટક (અટ્ઠકથા) • Suttapiṭaka (aṭṭhakathā) / અઙ્ગુત્તરનિકાય (અટ્ઠકથા) • Aṅguttaranikāya (aṭṭhakathā) / ૫-૬. ગણ્ડસુત્તાદિવણ્ણના • 5-6. Gaṇḍasuttādivaṇṇanā
ટીકા • Tīkā / સુત્તપિટક (ટીકા) • Suttapiṭaka (ṭīkā) / અઙ્ગુત્તરનિકાય (ટીકા) • Aṅguttaranikāya (ṭīkā) / ૫-૯. ગણ્ડસુત્તાદિવણ્ણના • 5-9. Gaṇḍasuttādivaṇṇanā
