| Library / Tipiṭaka / तिपिटक • Tipiṭaka / अपदानपाळि • Apadānapāḷi |
५. गन्धमालियत्थेरअपदानं
5. Gandhamāliyattheraapadānaṃ
२४.
24.
‘‘सिद्धत्थस्स भगवतो, गन्धथूपं अकासहं।
‘‘Siddhatthassa bhagavato, gandhathūpaṃ akāsahaṃ;
सुमनेहि पटिच्छन्नं, बुद्धानुच्छविकं कतं॥
Sumanehi paṭicchannaṃ, buddhānucchavikaṃ kataṃ.
२५.
25.
‘‘कञ्चनग्घियसङ्कासं, बुद्धं लोकग्गनायकं।
‘‘Kañcanagghiyasaṅkāsaṃ, buddhaṃ lokagganāyakaṃ;
इन्दीवरंव जलितं, आदित्तंव हुतासनं॥
Indīvaraṃva jalitaṃ, ādittaṃva hutāsanaṃ.
२६.
26.
‘‘ब्यग्घूसभंव पवरं, अभिजातंव केसरिं।
‘‘Byagghūsabhaṃva pavaraṃ, abhijātaṃva kesariṃ;
निसिन्नं समणानग्गं, भिक्खुसङ्घपुरक्खतं॥
Nisinnaṃ samaṇānaggaṃ, bhikkhusaṅghapurakkhataṃ.
२७.
27.
‘‘वन्दित्वा सत्थुनो पादे, पक्कामिं उत्तरामुखो।
‘‘Vanditvā satthuno pāde, pakkāmiṃ uttarāmukho;
चतुन्नवुतितो कप्पे, गन्धमालं यतो अदं॥
Catunnavutito kappe, gandhamālaṃ yato adaṃ.
२८.
28.
‘‘बुद्धे कतस्स कारस्स, फलेनाहं विसेसतो।
‘‘Buddhe katassa kārassa, phalenāhaṃ visesato;
दुग्गतिं नाभिजानामि, बुद्धपूजायिदं फलं॥
Duggatiṃ nābhijānāmi, buddhapūjāyidaṃ phalaṃ.
२९.
29.
‘‘चत्तारीसम्हि एकूने, कप्पे आसिंसु सोळस।
‘‘Cattārīsamhi ekūne, kappe āsiṃsu soḷasa;
देवगन्धसनामा ते, राजानो चक्कवत्तिनो॥
Devagandhasanāmā te, rājāno cakkavattino.
३०.
30.
‘‘पटिसम्भिदा चतस्सो…पे॰… कतं बुद्धस्स सासनं’’॥
‘‘Paṭisambhidā catasso…pe… kataṃ buddhassa sāsanaṃ’’.
इत्थं सुदं आयस्मा गन्धमालियो थेरो इमा गाथायो अभासित्थाति।
Itthaṃ sudaṃ āyasmā gandhamāliyo thero imā gāthāyo abhāsitthāti.
गन्धमालियत्थेरस्सापदानं पञ्चमं।
Gandhamāliyattherassāpadānaṃ pañcamaṃ.
Related texts:
अट्ठकथा • Aṭṭhakathā / सुत्तपिटक (अट्ठकथा) • Suttapiṭaka (aṭṭhakathā) / खुद्दकनिकाय (अट्ठकथा) • Khuddakanikāya (aṭṭhakathā) / अपदान-अट्ठकथा • Apadāna-aṭṭhakathā / ५. गन्धमालियत्थेरअपदानवण्णना • 5. Gandhamāliyattheraapadānavaṇṇanā
