A World of Knowledge
    Library / Tipiṭaka / ತಿಪಿಟಕ • Tipiṭaka / ಜಾತಕಪಾಳಿ • Jātakapāḷi

    ೨. ಗನ್ಧಾರವಗ್ಗೋ

    2. Gandhāravaggo

    ೪೦೬. ಗನ್ಧಾರಜಾತಕಂ (೭-೨-೧)

    406. Gandhārajātakaṃ (7-2-1)

    ೭೬.

    76.

    ಹಿತ್ವಾ ಗಾಮಸಹಸ್ಸಾನಿ, ಪರಿಪುಣ್ಣಾನಿ ಸೋಳಸ।

    Hitvā gāmasahassāni, paripuṇṇāni soḷasa;

    ಕೋಟ್ಠಾಗಾರಾನಿ ಫೀತಾನಿ, ಸನ್ನಿಧಿಂ ದಾನಿ ಕುಬ್ಬಸಿ॥

    Koṭṭhāgārāni phītāni, sannidhiṃ dāni kubbasi.

    ೭೭.

    77.

    ಹಿತ್ವಾ ಗನ್ಧಾರವಿಸಯಂ, ಪಹೂತಧನಧಾರಿಯಂ 1

    Hitvā gandhāravisayaṃ, pahūtadhanadhāriyaṃ 2;

    ಪಸಾಸನತೋ 3 ನಿಕ್ಖನ್ತೋ, ಇಧ ದಾನಿ ಪಸಾಸಸಿ॥

    Pasāsanato 4 nikkhanto, idha dāni pasāsasi.

    ೭೮.

    78.

    ಧಮ್ಮಂ ಭಣಾಮಿ ವೇದೇಹ, ಅಧಮ್ಮೋ ಮೇ ನ ರುಚ್ಚತಿ।

    Dhammaṃ bhaṇāmi vedeha, adhammo me na ruccati;

    ಧಮ್ಮಂ ಮೇ ಭಣಮಾನಸ್ಸ, ನ ಪಾಪಮುಪಲಿಮ್ಪತಿ॥

    Dhammaṃ me bhaṇamānassa, na pāpamupalimpati.

    ೭೯.

    79.

    ಯೇನ ಕೇನಚಿ ವಣ್ಣೇನ, ಪರೋ ಲಭತಿ ರುಪ್ಪನಂ।

    Yena kenaci vaṇṇena, paro labhati ruppanaṃ;

    ಮಹತ್ಥಿಯಮ್ಪಿ ಚೇ ವಾಚಂ, ನ ತಂ ಭಾಸೇಯ್ಯ ಪಣ್ಡಿತೋ॥

    Mahatthiyampi ce vācaṃ, na taṃ bhāseyya paṇḍito.

    ೮೦.

    80.

    ಕಾಮಂ ರುಪ್ಪತು ವಾ ಮಾ ವಾ, ಭುಸಂವ ವಿಕಿರೀಯತು।

    Kāmaṃ ruppatu vā mā vā, bhusaṃva vikirīyatu;

    ಧಮ್ಮಂ ಮೇ ಭಣಮಾನಸ್ಸ, ನ ಪಾಪಮುಪಲಿಮ್ಪತಿ॥

    Dhammaṃ me bhaṇamānassa, na pāpamupalimpati.

    ೮೧.

    81.

    ನೋ ಚೇ ಅಸ್ಸ ಸಕಾ ಬುದ್ಧಿ, ವಿನಯೋ ವಾ ಸುಸಿಕ್ಖಿತೋ।

    No ce assa sakā buddhi, vinayo vā susikkhito;

    ವನೇ ಅನ್ಧಮಹಿಂಸೋವ 5 ಚರೇಯ್ಯ ಬಹುಕೋ ಜನೋ॥

    Vane andhamahiṃsova 6 careyya bahuko jano.

    ೮೨.

    82.

    ಯಸ್ಮಾ ಚ ಪನಿಧೇಕಚ್ಚೇ, ಆಚೇರಮ್ಹಿ 7 ಸುಸಿಕ್ಖಿತಾ।

    Yasmā ca panidhekacce, āceramhi 8 susikkhitā;

    ತಸ್ಮಾ ವಿನೀತವಿನಯಾ, ಚರನ್ತಿ ಸುಸಮಾಹಿತಾತಿ॥

    Tasmā vinītavinayā, caranti susamāhitāti.

    ಗನ್ಧಾರಜಾತಕಂ ಪಠಮಂ।

    Gandhārajātakaṃ paṭhamaṃ.







    Footnotes:
    1. ಧಾನಿಯಂ (ಸೀ॰ ಪೀ॰), ಧಞ್ಞನ್ತಿ ಅತ್ಥೋ
    2. dhāniyaṃ (sī. pī.), dhaññanti attho
    3. ಪಸಾಸನಿತೋ (ಸೀ॰ ಸ್ಯಾ॰), ಪಸಾಸನಾತೋ (ಪೀ॰)
    4. pasāsanito (sī. syā.), pasāsanāto (pī.)
    5. ಅನ್ಧಮಹಿಸೋವ (ಸೀ॰ ಪೀ॰)
    6. andhamahisova (sī. pī.)
    7. ಆಚಾರಮ್ಹಿ (ಸೀ॰ ಪೀ॰)
    8. ācāramhi (sī. pī.)



    Related texts:



    ಅಟ್ಠಕಥಾ • Aṭṭhakathā / ಸುತ್ತಪಿಟಕ (ಅಟ್ಠಕಥಾ) • Suttapiṭaka (aṭṭhakathā) / ಖುದ್ದಕನಿಕಾಯ (ಅಟ್ಠಕಥಾ) • Khuddakanikāya (aṭṭhakathā) / ಜಾತಕ-ಅಟ್ಠಕಥಾ • Jātaka-aṭṭhakathā / [೪೦೬] ೧. ಗನ್ಧಾರಜಾತಕವಣ್ಣನಾ • [406] 1. Gandhārajātakavaṇṇanā


    © 1991-2025 The Titi Tudorancea Bulletin | Titi Tudorancea® is a Registered Trademark | Terms of use and privacy policy
    Contact