Library / Tipiṭaka / д̇ибидага • Tipiṭaka / ж̇аад̇ага-адтагат̇аа • Jātaka-aṭṭhakathā

[520] 10. г̇анд̇хад̇инд̣̇угаж̇аад̇агаван̣н̣анаа

[520] 10. Gandhatindukajātakavaṇṇanā

аббамаад̣̇од̇и ид̣̇ам̣ сад̇т̇аа ж̇зд̇аванз вихаранд̇о рааж̇оваад̣̇ам̣ аараб̣бха гат̇зси. рааж̇оваад̣̇о хздтаа вид̇т̇аарид̇ова. ад̇ийд̇з бана габиларадтз уд̇д̇арабан̃жааланаг̇арз бан̃жаало наама рааж̇аа аг̇ад̇иг̇аманз тид̇о ад̇хаммзна бамад̇д̇о раж̇ж̇ам̣ гаарзси. ат̇асса амажжаад̣̇аяо саб̣б̣зби ад̇хаммигаава ж̇аад̇аа. б̣алибийл̣ид̇аа радтаваасино буд̇д̇ад̣̇аарз аад̣̇ааяа аран̃н̃з миг̇аа вияа жарим̣су, г̇аамадтаанз г̇аамо наама наахоси. мануссаа рааж̇абурисаанам̣ бхаязна д̣̇иваа г̇зхз васид̇ум̣ асаггонд̇аа г̇зхаани ган̣дагасаакаахи баригкибид̇ваа г̇зхз рад̇д̇им̣ васид̇ваа арун̣з уг̇г̇ажчанд̇зязва аран̃н̃ам̣ бависанд̇и. д̣̇иваа рааж̇абурисаа вилумбанд̇и, рад̇д̇им̣ жораа. д̇ад̣̇аа б̣од̇хисад̇д̇о б̣ахинаг̇арз г̇анд̇хад̇инд̣̇угаругкз д̣̇звад̇аа худ̇ваа ниб̣б̣ад̇д̇и, анусам̣важчарам̣ ран̃н̃о санд̇игаа сахассаг̇гханагам̣ б̣алигаммам̣ лабхад̇и. со жинд̇зси – ‘‘аяам̣ рааж̇аа бамад̇д̇о раж̇ж̇ам̣ гаарзд̇и, сагаларадтам̣ винассад̇и, табзд̇ваа мам̣ ан̃н̃о рааж̇аанам̣ бад̇ируубз нивзсзд̇ум̣ самад̇т̇о наама над̇т̇и, убагаараго жааби мз анусам̣важчарам̣ сахассаг̇гханагаб̣алинаа бууж̇зд̇и, овад̣̇иссаами на’’нд̇и.

Appamādoti idaṃ satthā jetavane viharanto rājovādaṃ ārabbha kathesi. Rājovādo heṭṭhā vitthāritova. Atīte pana kapilaraṭṭhe uttarapañcālanagare pañcālo nāma rājā agatigamane ṭhito adhammena pamatto rajjaṃ kāresi. Athassa amaccādayo sabbepi adhammikāva jātā. Balipīḷitā raṭṭhavāsino puttadāre ādāya araññe migā viya cariṃsu, gāmaṭṭhāne gāmo nāma nāhosi. Manussā rājapurisānaṃ bhayena divā gehe vasituṃ asakkontā gehāni kaṇṭakasākhāhi parikkhipitvā gehe rattiṃ vasitvā aruṇe uggacchanteyeva araññaṃ pavisanti. Divā rājapurisā vilumpanti, rattiṃ corā. Tadā bodhisatto bahinagare gandhatindukarukkhe devatā hutvā nibbatti, anusaṃvaccharaṃ rañño santikā sahassagghanakaṃ balikammaṃ labhati. So cintesi – ‘‘ayaṃ rājā pamatto rajjaṃ kāreti, sakalaraṭṭhaṃ vinassati, ṭhapetvā maṃ añño rājānaṃ patirūpe nivesetuṃ samattho nāma natthi, upakārako cāpi me anusaṃvaccharaṃ sahassagghanakabalinā pūjeti, ovadissāmi na’’nti.

со рад̇д̇ибхааг̇з ран̃н̃о сириг̇аб̣бхам̣ бависид̇ваа уссийсагабассз тад̇ваа обхаасам̣ виссаж̇ж̇зд̇ваа аагаасз адтааси. рааж̇аа д̇ам̣ б̣ааласуурияам̣ вияа ж̇аламаанам̣ д̣̇исваа ‘‘госи д̇вам̣, гзна ваа гааран̣зна ид̇хааг̇ад̇осий’’д̇и бужчи. со д̇асса важанам̣ суд̇ваа, ‘‘махаарааж̇а, ахам̣ г̇анд̇хад̇инд̣̇угад̣̇звад̇аа, ‘д̇уяхам̣ оваад̣̇ам̣ д̣̇ассаамий’д̇и ааг̇ад̇омхий’’д̇и ааха. ‘‘гим̣ наама оваад̣̇ам̣ д̣̇ассасий’’д̇и звам̣ вуд̇д̇з махаасад̇д̇о, ‘‘махаарааж̇а, д̇вам̣ бамад̇д̇о худ̇ваа раж̇ж̇ам̣ гаарзси, д̇зна д̇з сагаларадтам̣ хад̇авилуд̇д̇ам̣ вияа винадтам̣, рааж̇аано наама бамаад̣̇зна раж̇ж̇ам̣ гаарзнд̇аа сагаларадтасса саамино на хонд̇и, д̣̇идтзва д̇хаммз винаасам̣ бад̇ваа самбарааяз буна махаанираяз ниб̣б̣ад̇д̇анд̇и. д̇зсу жа бамаад̣̇ам̣ аабаннзсу анд̇ож̇анаа б̣ахиж̇анаабисса бамад̇д̇аава хонд̇и, д̇асмаа ран̃н̃аа ад̇ирзгзна аббамад̇д̇зна бхавид̇аб̣б̣а’’нд̇и вад̇ваа д̇хаммад̣̇зсанам̣ бадтабзнд̇о имаа згаад̣̇аса г̇аат̇аа ааха –

So rattibhāge rañño sirigabbhaṃ pavisitvā ussīsakapasse ṭhatvā obhāsaṃ vissajjetvā ākāse aṭṭhāsi. Rājā taṃ bālasūriyaṃ viya jalamānaṃ disvā ‘‘kosi tvaṃ, kena vā kāraṇena idhāgatosī’’ti pucchi. So tassa vacanaṃ sutvā, ‘‘mahārāja, ahaṃ gandhatindukadevatā, ‘tuyhaṃ ovādaṃ dassāmī’ti āgatomhī’’ti āha. ‘‘Kiṃ nāma ovādaṃ dassasī’’ti evaṃ vutte mahāsatto, ‘‘mahārāja, tvaṃ pamatto hutvā rajjaṃ kāresi, tena te sakalaraṭṭhaṃ hataviluttaṃ viya vinaṭṭhaṃ, rājāno nāma pamādena rajjaṃ kārentā sakalaraṭṭhassa sāmino na honti, diṭṭheva dhamme vināsaṃ patvā samparāye puna mahāniraye nibbattanti. Tesu ca pamādaṃ āpannesu antojanā bahijanāpissa pamattāva honti, tasmā raññā atirekena appamattena bhavitabba’’nti vatvā dhammadesanaṃ paṭṭhapento imā ekādasa gāthā āha –

332.

‘‘аббамаад̣̇о амад̇абад̣̇ам̣, бамаад̣̇о мажжуно бад̣̇ам̣;

‘‘Appamādo amatapadaṃ, pamādo maccuno padaṃ;

аббамад̇д̇аа на мийяанд̇и, яз бамад̇д̇аа яат̇аа мад̇аа.

Appamattā na mīyanti, ye pamattā yathā matā.

333.

‘‘мад̣̇аа бамаад̣̇о ж̇ааязт̇а, бамаад̣̇аа ж̇ааяад̇з каяо;

‘‘Madā pamādo jāyetha, pamādā jāyate khayo;

каяаа бад̣̇осаа ж̇ааяанд̇и, маа мад̣̇о бхарад̇уусабха.

Khayā padosā jāyanti, mā mado bharatūsabha.

334.

‘‘б̣ахуу хи кад̇д̇ияаа ж̇ийнаа, ад̇т̇ам̣ радтам̣ бамаад̣̇ино;

‘‘Bahū hi khattiyā jīnā, atthaṃ raṭṭhaṃ pamādino;

ат̇оби г̇аамино г̇аамаа, анаг̇аараа аг̇аарино.

Athopi gāmino gāmā, anagārā agārino.

335.

‘‘кад̇д̇ияасса бамад̇д̇асса, радтасмим̣ радтавад̣дхана;

‘‘Khattiyassa pamattassa, raṭṭhasmiṃ raṭṭhavaḍḍhana;

саб̣б̣з бхог̇аа винассанд̇и, ран̃н̃о д̇ам̣ вужжад̇з агхам̣.

Sabbe bhogā vinassanti, rañño taṃ vuccate aghaṃ.

336.

‘‘нзса д̇хаммо махаарааж̇а, ад̇ивзлам̣ бамаж̇ж̇аси;

‘‘Nesa dhammo mahārāja, ativelaṃ pamajjasi;

ид̣̇д̇хам̣ пийд̇ам̣ ж̇анабад̣̇ам̣, жораа вид̣̇д̇хам̣саяанд̇и нам̣.

Iddhaṃ phītaṃ janapadaṃ, corā viddhaṃsayanti naṃ.

337.

‘‘на д̇з буд̇д̇аа бхависсанд̇и, на хиран̃н̃ам̣ на д̇хаанияам̣;

‘‘Na te puttā bhavissanti, na hiraññaṃ na dhāniyaṃ;

радтз вилуббамаанамхи, саб̣б̣абхог̇зхи ж̇ийяаси.

Raṭṭhe viluppamānamhi, sabbabhogehi jīyasi.

338.

‘‘саб̣б̣абхог̇аа бариж̇ин̣н̣ам̣, рааж̇аанам̣ вааби кад̇д̇ияам̣;

‘‘Sabbabhogā parijiṇṇaṃ, rājānaṃ vāpi khattiyaṃ;

н̃аад̇имид̇д̇аа сухаж̇ж̇аа жа, на д̇ам̣ ман̃н̃анд̇и маанияам̣.

Ñātimittā suhajjā ca, na taṃ maññanti māniyaṃ.

339.

‘‘хад̇т̇аарохаа анийгадтаа, рат̇игаа бад̇д̇игаарагаа;

‘‘Hatthārohā anīkaṭṭhā, rathikā pattikārakā;

д̇амзвамубаж̇ийванд̇аа, на д̇ам̣ ман̃н̃анд̇и маанияам̣.

Tamevamupajīvantā, na taṃ maññanti māniyaṃ.

340.

‘‘асам̣вихид̇агамманд̇ам̣ , б̣аалам̣ д̣̇умманд̇иманд̇инам̣;

‘‘Asaṃvihitakammantaṃ , bālaṃ dummantimantinaṃ;

сирий ж̇ахад̇и д̣̇уммзд̇хам̣, ж̇ин̣н̣ам̣ва ураг̇о д̇ажам̣.

Sirī jahati dummedhaṃ, jiṇṇaṃva urago tacaṃ.

341.

‘‘сусам̣вихид̇агамманд̇ам̣, гаалудтааяим̣ ад̇анд̣̇ид̇ам̣;

‘‘Susaṃvihitakammantaṃ, kāluṭṭhāyiṃ atanditaṃ;

саб̣б̣з бхог̇аабхивад̣дханд̇и, г̇ааво саусабхаамива.

Sabbe bhogābhivaḍḍhanti, gāvo sausabhāmiva.

342.

‘‘убассуд̇им̣ махаарааж̇а, радтз ж̇анабад̣̇з жара;

‘‘Upassutiṃ mahārāja, raṭṭhe janapade cara;

д̇ад̇т̇а д̣̇исваа жа суд̇ваа жа, д̇ад̇о д̇ам̣ бадибаж̇ж̇асий’’д̇и.

Tattha disvā ca sutvā ca, tato taṃ paṭipajjasī’’ti.

д̇ад̇т̇а аббамаад̣̇од̇и сад̇ияаа авиббаваасо. амад̇абад̣̇анд̇и амад̇асса ниб̣б̣аанасса бад̣̇ам̣ ад̇хиг̇амагааран̣ам̣. мажжуно бад̣̇анд̇и маран̣асса гааран̣ам̣. бамад̇д̇аа хи вибассанам̣ авад̣дхзд̇ваа аббадисанд̇хигабхаавам̣ бад̇д̇ум̣ асаггонд̇аа бунаббунам̣ сам̣саарз ж̇ааяанд̇и жзва мийяанд̇и жа, д̇асмаа бамаад̣̇о мажжуно бад̣̇ам̣ наама . на мийяанд̇ийд̇и вибассанам̣ вад̣дхзд̇ваа аббадисанд̇хигабхаавам̣ бад̇д̇аа буна сам̣саарз аниб̣б̣ад̇д̇ад̇д̇аа на мийяанд̇и наама. яз бамад̇д̇аад̇и, махаарааж̇а, яз буг̇г̇алаа бамад̇д̇аа, д̇з яат̇аа мад̇аа, д̇ат̇зва д̣̇адтаб̣б̣аа. гасмаа? агижжасаад̇ханад̇ааяа. мад̇ассаби хи ‘‘ахам̣ д̣̇аанам̣ д̣̇ассаами, сийлам̣ рагкиссаами, убосат̇агаммам̣ гариссаами, галяаан̣агаммам̣ буурзссаамий’’д̇и аабхог̇о ваа бад̇т̇анаа ваа барияудтаанам̣ ваа над̇т̇и абаг̇ад̇авин̃н̃аан̣ад̇д̇аа, бамад̇д̇ассаби аббамаад̣̇аабхааваад̇и д̇асмаа убхобзд̇з згасад̣̇исаава.

Tattha appamādoti satiyā avippavāso. Amatapadanti amatassa nibbānassa padaṃ adhigamakāraṇaṃ. Maccuno padanti maraṇassa kāraṇaṃ. Pamattā hi vipassanaṃ avaḍḍhetvā appaṭisandhikabhāvaṃ pattuṃ asakkontā punappunaṃ saṃsāre jāyanti ceva mīyanti ca, tasmā pamādo maccuno padaṃ nāma . Na mīyantīti vipassanaṃ vaḍḍhetvā appaṭisandhikabhāvaṃ pattā puna saṃsāre anibbattattā na mīyanti nāma. Ye pamattāti, mahārāja, ye puggalā pamattā, te yathā matā, tatheva daṭṭhabbā. Kasmā? Akiccasādhanatāya. Matassapi hi ‘‘ahaṃ dānaṃ dassāmi, sīlaṃ rakkhissāmi, uposathakammaṃ karissāmi, kalyāṇakammaṃ pūressāmī’’ti ābhogo vā patthanā vā pariyuṭṭhānaṃ vā natthi apagataviññāṇattā, pamattassapi appamādābhāvāti tasmā ubhopete ekasadisāva.

мад̣̇аад̇и, махаарааж̇а, аарог̇яаяоб̣б̣анаж̇ийвид̇амад̣̇асан̇каад̇аа д̇ивид̇хаа мад̣̇аа бамаад̣̇о наама ж̇ааяад̇и. со мад̣̇аббад̇д̇о бамаад̣̇аабанно баан̣аад̇ибаад̇аад̣̇ийни баабагаммаани гарод̇и. ат̇а нам̣ рааж̇аано чинд̣̇аабзнд̇и ваа ханаабзнд̇и ваа, саб̣б̣ам̣ ваа д̇ханамасса харанд̇и, звамасса бамаад̣̇аа н̃аад̇ид̇ханаж̇ийвид̇агкаяо ж̇ааяад̇и. буна со д̇ханагкаяам̣ ваа яасагкаяам̣ ваа бад̇д̇о ж̇ийвид̇ум̣ асаггонд̇о ж̇ийвид̇авуд̇д̇ад̇т̇ааяа гааяад̣̇ужжарид̇аад̣̇ийни гарод̇и, ижжасса каяаа бад̣̇осаа ж̇ааяанд̇и, д̇зна д̇ам̣ вад̣̇аами маа мад̣̇о бхарад̇уусабхаад̇и, радтабхаарагаж̇здтага бхарад̇уусабха маа бамаад̣̇амаабаж̇ж̇ийд̇и ад̇т̇о. ад̇т̇ам̣ радтанд̇и ж̇анабад̣̇аваасийнам̣ вуд̣̇д̇хин̃жзва сагаларадтан̃жа б̣ахуу бамаад̣̇ино ж̇ийнаа. д̇зсам̣ аавибхаавад̇т̇ааяа канд̇иваад̣̇иж̇аад̇ага-маад̇ан̇г̇аж̇аад̇ага-бхаруж̇аад̇ага-сарабхан̇г̇аж̇аад̇ага-жзд̇ияаж̇аад̇агаани гат̇зд̇аб̣б̣аани. г̇ааминод̇и г̇аамабхож̇агааби д̇з г̇аамааби б̣ахуу бамаад̣̇ад̣̇осзна ж̇ийнаа барихийнаа винадтаа. анаг̇аараа аг̇ааринод̇и баб̣б̣аж̇ид̇ааби баб̣б̣аж̇ид̇абадибад̇д̇ид̇о, г̇ихийби гхарааваасад̇о жзва д̇ханад̇хан̃н̃аад̣̇ийхи жа б̣ахуу ж̇ийнаа барихийнаад̇и вад̣̇ад̇и. д̇ам̣ вужжад̇з агханд̇и, махаарааж̇а, яасабхог̇абарихаани наамзд̇ам̣ ран̃н̃о д̣̇угкам̣ вужжад̇и. бхог̇аабхаавзна хи нид̣̇д̇ханасса яасо хааяад̇и, хийнаяасо маханд̇ам̣ гааяигажзд̇асигад̣̇угкам̣ баабун̣аад̇и.

Madāti, mahārāja, ārogyayobbanajīvitamadasaṅkhātā tividhā madā pamādo nāma jāyati. So madappatto pamādāpanno pāṇātipātādīni pāpakammāni karoti. Atha naṃ rājāno chindāpenti vā hanāpenti vā, sabbaṃ vā dhanamassa haranti, evamassa pamādā ñātidhanajīvitakkhayo jāyati. Puna so dhanakkhayaṃ vā yasakkhayaṃ vā patto jīvituṃ asakkonto jīvitavuttatthāya kāyaduccaritādīni karoti, iccassa khayā padosā jāyanti, tena taṃ vadāmi mā mado bharatūsabhāti, raṭṭhabhārakajeṭṭhaka bharatūsabha mā pamādamāpajjīti attho. Atthaṃ raṭṭhanti janapadavāsīnaṃ vuddhiñceva sakalaraṭṭhañca bahū pamādino jīnā. Tesaṃ āvibhāvatthāya khantivādijātaka-mātaṅgajātaka-bharujātaka-sarabhaṅgajātaka-cetiyajātakāni kathetabbāni. Gāminoti gāmabhojakāpi te gāmāpi bahū pamādadosena jīnā parihīnā vinaṭṭhā. Anagārā agārinoti pabbajitāpi pabbajitapaṭipattito, gihīpi gharāvāsato ceva dhanadhaññādīhi ca bahū jīnā parihīnāti vadati. Taṃ vuccate aghanti, mahārāja, yasabhogaparihāni nāmetaṃ rañño dukkhaṃ vuccati. Bhogābhāvena hi niddhanassa yaso hāyati, hīnayaso mahantaṃ kāyikacetasikadukkhaṃ pāpuṇāti.

нзса д̇хаммод̇и, махаарааж̇а, зса бораан̣агарааж̇уунам̣ д̇хаммо на ход̇и. ид̣̇д̇хам̣ пийд̇анд̇и аннабаанаад̣̇инаа самид̣̇д̇хам̣ хиран̃н̃асуван̣н̣аад̣̇инаа пийд̇ам̣ бубпид̇ам̣. на д̇з буд̇д̇аад̇и, махаарааж̇а, бавзн̣ибаалагаа д̇з буд̇д̇аа на бхависсанд̇и. радтаваасино хи ‘‘ад̇хаммигаран̃н̃о зса буд̇д̇о, гим̣ амхаагам̣ вуд̣дхим̣ гариссад̇и, наасса чад̇д̇ам̣ д̣̇ассаамаа’’д̇и чад̇д̇ам̣ на д̣̇знд̇и. звамзд̇зсам̣ бавзн̣ибаалагаа буд̇д̇аа на хонд̇и наама. бариж̇ин̣н̣анд̇и барихийнам̣. рааж̇аанам̣ ваабийд̇и сажзби со рааж̇аа ход̇и, ат̇а нам̣ рааж̇аанам̣ самаанамби. маанияанд̇и ‘‘аяам̣ рааж̇аа’’д̇и г̇аружид̇д̇зна саммаанзд̇аб̣б̣ам̣ гад̇ваа на ман̃н̃анд̇и. убаж̇ийванд̇аад̇и убаниссааяа ж̇ийванд̇ааби зд̇з зд̇д̇агаа ж̇анаа г̇аружид̇д̇зна ман̃н̃ид̇аб̣б̣ам̣ на ман̃н̃анд̇и. гим̣гааран̣аа? ад̇хаммигабхаавзна.

Nesa dhammoti, mahārāja, esa porāṇakarājūnaṃ dhammo na hoti. Iddhaṃ phītanti annapānādinā samiddhaṃ hiraññasuvaṇṇādinā phītaṃ pupphitaṃ. Na te puttāti, mahārāja, paveṇipālakā te puttā na bhavissanti. Raṭṭhavāsino hi ‘‘adhammikarañño esa putto, kiṃ amhākaṃ vuḍḍhiṃ karissati, nāssa chattaṃ dassāmā’’ti chattaṃ na denti. Evametesaṃ paveṇipālakā puttā na honti nāma. Parijiṇṇanti parihīnaṃ. Rājānaṃ vāpīti sacepi so rājā hoti, atha naṃ rājānaṃ samānampi. Māniyanti ‘‘ayaṃ rājā’’ti garucittena sammānetabbaṃ katvā na maññanti. Upajīvantāti upanissāya jīvantāpi ete ettakā janā garucittena maññitabbaṃ na maññanti. Kiṃkāraṇā? Adhammikabhāvena.

сирийд̇и яасавибхаво. д̇ажанд̇и яат̇аа ураг̇о ж̇ин̣н̣ад̇ажам̣ ж̇иг̇ужчанд̇о ж̇ахад̇и, на буна ологзд̇и, звам̣ д̇аад̣̇исам̣ рааж̇аанам̣ сирий ж̇ахад̇и. сусам̣вихид̇агамманд̇анд̇и гааяад̣̇ваараад̣̇ийхи баабагаммам̣ агаронд̇ам̣. абхивад̣дханд̇ийд̇и абхимукам̣ г̇ажчанд̇аа вад̣дханд̇и. саусабхаамиваад̇и саусабхаа ива. аббамад̇д̇асса хи саусабхаж̇здтаго г̇ог̇ан̣о вияа бхог̇аа вад̣дханд̇и. убассуд̇инд̇и ж̇анабад̣̇ажаарид̇д̇асаванааяа жааригам̣ ад̇д̇ано сагаларадтз жа ж̇анабад̣̇з жа жара. д̇ад̇т̇аад̇и д̇асмим̣ радтз жаранд̇о д̣̇адтаб̣б̣ам̣ д̣̇исваа сод̇аб̣б̣ам̣ суд̇ваа ад̇д̇ано г̇ун̣ааг̇ун̣ам̣ бажжагкам̣ гад̇ваа д̇ад̇о ад̇д̇ано хид̇абадибад̇д̇им̣ бадибаж̇ж̇иссасийд̇и.

Sirīti yasavibhavo. Tacanti yathā urago jiṇṇatacaṃ jigucchanto jahati, na puna oloketi, evaṃ tādisaṃ rājānaṃ sirī jahati. Susaṃvihitakammantanti kāyadvārādīhi pāpakammaṃ akarontaṃ. Abhivaḍḍhantīti abhimukhaṃ gacchantā vaḍḍhanti. Sausabhāmivāti sausabhā iva. Appamattassa hi sausabhajeṭṭhako gogaṇo viya bhogā vaḍḍhanti. Upassutinti janapadacārittasavanāya cārikaṃ attano sakalaraṭṭhe ca janapade ca cara. Tatthāti tasmiṃ raṭṭhe caranto daṭṭhabbaṃ disvā sotabbaṃ sutvā attano guṇāguṇaṃ paccakkhaṃ katvā tato attano hitapaṭipattiṃ paṭipajjissasīti.

ид̇и махаасад̇д̇о згаад̣̇асахи г̇аат̇аахи рааж̇аанам̣ овад̣̇ид̇ваа ‘‘г̇ажча бабан̃жам̣ агад̇ваа бариг̇г̇ан̣ха радтам̣, маа наасаяий’’д̇и вад̇ваа сагадтаанамзва г̇ад̇о. рааж̇ааби д̇асса важанам̣ суд̇ваа сам̣взг̇аббад̇д̇о бунад̣̇ивасз раж̇ж̇ам̣ амажжз бадижчаабзд̇ваа бурохид̇зна сад̣̇д̇хим̣ гаалассзва баажийнад̣̇ваарзна наг̇араа нигкамид̇ваа яож̇анамад̇д̇ам̣ г̇ад̇о. д̇ад̇т̇зго г̇аамаваасий махаллаго адавид̇о ган̣дагасаакам̣ аахарид̇ваа г̇зхад̣̇ваарам̣ баригкибид̇ваа бид̣̇ахид̇ваа буд̇д̇ад̣̇аарам̣ аад̣̇ааяа аран̃н̃ам̣ бависид̇ваа сааяам̣ рааж̇абурисзсу багганд̇зсу ад̇д̇ано гхарам̣ ааг̇ажчанд̇о г̇зхад̣̇ваарз баад̣̇з ган̣дагзна вид̣̇д̇хо уггудигам̣ нисийд̣̇ид̇ваа ган̣дагам̣ нийхаранд̇о –

Iti mahāsatto ekādasahi gāthāhi rājānaṃ ovaditvā ‘‘gaccha papañcaṃ akatvā pariggaṇha raṭṭhaṃ, mā nāsayī’’ti vatvā sakaṭṭhānameva gato. Rājāpi tassa vacanaṃ sutvā saṃvegappatto punadivase rajjaṃ amacce paṭicchāpetvā purohitena saddhiṃ kālasseva pācīnadvārena nagarā nikkhamitvā yojanamattaṃ gato. Tattheko gāmavāsī mahallako aṭavito kaṇṭakasākhaṃ āharitvā gehadvāraṃ parikkhipitvā pidahitvā puttadāraṃ ādāya araññaṃ pavisitvā sāyaṃ rājapurisesu pakkantesu attano gharaṃ āgacchanto gehadvāre pāde kaṇṭakena viddho ukkuṭikaṃ nisīditvā kaṇṭakaṃ nīharanto –

343.

‘‘звам̣ взд̣̇зд̇у бан̃жаало, сан̇г̇аамз сарамаббид̇о;

‘‘Evaṃ vedetu pañcālo, saṅgāme saramappito;

яат̇аахамаж̇ж̇а взд̣̇зми, ган̣дагзна самаббид̇о’’д̇и. –

Yathāhamajja vedemi, kaṇṭakena samappito’’ti. –

имааяа г̇аат̇ааяа рааж̇аанам̣ аггоси. д̇ам̣ банасса аггосанам̣ б̣од̇хисад̇д̇аанубхаавзна ахоси. б̣од̇хисад̇д̇зна ад̇хиг̇г̇ахид̇ова со аггосийд̇и взд̣̇ид̇аб̣б̣о. д̇асмим̣ бана самаяз рааж̇аа жа бурохид̇о жа ан̃н̃аад̇агавзсзна д̇асса санд̇игзва адтам̣су. ат̇асса важанам̣ суд̇ваа бурохид̇о ид̇арам̣ г̇аат̇амааха –

Imāya gāthāya rājānaṃ akkosi. Taṃ panassa akkosanaṃ bodhisattānubhāvena ahosi. Bodhisattena adhiggahitova so akkosīti veditabbo. Tasmiṃ pana samaye rājā ca purohito ca aññātakavesena tassa santikeva aṭṭhaṃsu. Athassa vacanaṃ sutvā purohito itaraṃ gāthamāha –

344.

‘‘ж̇ин̣н̣о д̣̇уб̣б̣алажагкууси, на руубам̣ саад̇ху бассаси;

‘‘Jiṇṇo dubbalacakkhūsi, na rūpaṃ sādhu passasi;

гим̣ д̇ад̇т̇а б̣рахмад̣̇ад̇д̇асса, яам̣ д̇ам̣ маг̇г̇зяяа ган̣даго’’д̇и.

Kiṃ tattha brahmadattassa, yaṃ taṃ maggeyya kaṇṭako’’ti.

д̇ад̇т̇а маг̇г̇зяяаад̇и виж̇жхзяяа. ид̣̇ам̣ вуд̇д̇ам̣ ход̇и – яад̣̇и д̇вам̣ ад̇д̇ано аб̣яад̇д̇ад̇ааяа ган̣дагзна вид̣̇д̇хо, го зд̇т̇а ран̃н̃о д̣̇осо. язна рааж̇аанам̣ аггоси, гим̣ д̇з ран̃н̃аа ган̣даго ологзд̇ваава аажигкид̇аб̣б̣од̇и.

Tattha maggeyyāti vijjheyya. Idaṃ vuttaṃ hoti – yadi tvaṃ attano abyattatāya kaṇṭakena viddho, ko ettha rañño doso. Yena rājānaṃ akkosi, kiṃ te raññā kaṇṭako oloketvāva ācikkhitabboti.

д̇ам̣ суд̇ваа махаллаго д̇иссо г̇аат̇аа абхааси –

Taṃ sutvā mahallako tisso gāthā abhāsi –

345.

‘‘б̣ахвзд̇т̇а б̣рахмад̣̇ад̇д̇асса, сохам̣ маг̇г̇асми б̣раахман̣а;

‘‘Bahvettha brahmadattassa, sohaṃ maggasmi brāhmaṇa;

арагкид̇аа ж̇аанабад̣̇аа, ад̇хаммаб̣алинаа хад̇аа.

Arakkhitā jānapadā, adhammabalinā hatā.

346.

‘‘рад̇д̇ин̃хи жораа каад̣̇анд̇и, д̣̇иваа каад̣̇анд̇и д̇ун̣д̣ияаа;

‘‘Rattiñhi corā khādanti, divā khādanti tuṇḍiyā;

радтасмим̣ гуударааж̇асса, б̣аху ад̇хаммиго ж̇ано.

Raṭṭhasmiṃ kūṭarājassa, bahu adhammiko jano.

347.

‘‘зд̇аад̣̇исз бхаяз ж̇аад̇з, бхаяаддаа д̇аад̇а маан̣аваа;

‘‘Etādise bhaye jāte, bhayaṭṭā tāta māṇavā;

ниллзнагаани губ̣б̣анд̇и, ванз аахад̇ва ган̣дага’’нд̇и.

Nillenakāni kubbanti, vane āhatva kaṇṭaka’’nti.

д̇ад̇т̇а б̣ахвзд̇т̇аад̇и, б̣раахман̣а, сохам̣ саган̣дагз маг̇г̇з бад̇ид̇о саннисинно, б̣аху зд̇т̇а б̣рахмад̣̇ад̇д̇асса д̣̇осо, д̇вам̣ зд̇д̇агам̣ гаалам̣ ран̃н̃о д̣̇осзна мама саган̣дагз маг̇г̇з вижаран̣абхаавам̣ на ж̇аанааси. д̇асса хи арагкид̇аа ж̇аанабад̣̇аа…бз… ган̣даганд̇и. д̇ад̇т̇а каад̣̇анд̇ийд̇и вилумбанд̇и. д̇ун̣д̣ияаад̇и вад̇хаб̣анд̇хаад̣̇ийхи бийл̣зд̇ваа ад̇хаммзна б̣алисаад̇хагаа. гуударааж̇ассаад̇и баабаран̃н̃о. ад̇хаммигод̇и бадижчаннагамманд̇о. д̇аад̇аад̇и бурохид̇ам̣ аалабад̇и. маан̣аваад̇и мануссаа. ниллзнагаанийд̇и нилийяанадтаанаани. ванз аахад̇ва ган̣даганд̇и ган̣дагам̣ аахарид̇ваа д̣̇ваараани бид̣̇ахид̇ваа гхарам̣ чад̣д̣зд̇ваа буд̇д̇ад̣̇аарам̣ аад̣̇ааяа ванам̣ бависид̇ваа д̇асмим̣ ванз ад̇д̇ано нилийяанадтаанаани гаронд̇и . ат̇а ваа ванз яо ган̣даго, д̇ам̣ аахарид̇ваа гхараани баригкибанд̇и. ид̇и ран̃н̃о д̣̇осзнзвамхи ган̣дагзна вид̣̇д̇хо, маа зваруубасса ран̃н̃о убад̇т̇амбхо хохийд̇и.

Tattha bahvetthāti, brāhmaṇa, sohaṃ sakaṇṭake magge patito sannisinno, bahu ettha brahmadattassa doso, tvaṃ ettakaṃ kālaṃ rañño dosena mama sakaṇṭake magge vicaraṇabhāvaṃ na jānāsi. Tassa hi arakkhitā jānapadā…pe… kaṇṭakanti. Tattha khādantīti vilumpanti. Tuṇḍiyāti vadhabandhādīhi pīḷetvā adhammena balisādhakā. Kūṭarājassāti pāparañño. Adhammikoti paṭicchannakammanto. Tātāti purohitaṃ ālapati. Māṇavāti manussā. Nillenakānīti nilīyanaṭṭhānāni. Vane āhatva kaṇṭakanti kaṇṭakaṃ āharitvā dvārāni pidahitvā gharaṃ chaḍḍetvā puttadāraṃ ādāya vanaṃ pavisitvā tasmiṃ vane attano nilīyanaṭṭhānāni karonti . Atha vā vane yo kaṇṭako, taṃ āharitvā gharāni parikkhipanti. Iti rañño dosenevamhi kaṇṭakena viddho, mā evarūpassa rañño upatthambho hohīti.

д̇ам̣ суд̇ваа рааж̇аа бурохид̇ам̣ ааманд̇зд̇ваа, ‘‘аажарияа, махаллаго яуд̇д̇ам̣ бхан̣ад̇и, амхаагамзва д̣̇осо, зхи нивад̇д̇аама, д̇хаммзна раж̇ж̇ам̣ гаарзссаамаа’’д̇и ааха. б̣од̇хисад̇д̇о бурохид̇асса сарийрз ад̇химужжид̇ваа бурад̇о г̇анд̇ваа ‘‘бариг̇г̇ан̣хиссаама д̇аава, махаарааж̇аа’’д̇и ааха. д̇з д̇амхаа г̇аамаа ан̃н̃ам̣ г̇аамам̣ г̇ажчанд̇аа анд̇араамаг̇г̇з згиссаа махаллигааяа сад̣̇д̣̇ам̣ ассосум̣. саа гирзгаа д̣̇алид̣̇д̣̇ид̇т̇ий д̣̇вз д̇хийд̇аро ваяаббад̇д̇аа рагкамаанаа д̇аасам̣ аран̃н̃ам̣ г̇анд̇ум̣ на д̣̇зд̇и. саяам̣ аран̃н̃ад̇о д̣̇аарууни жзва сааган̃жа аахарид̇ваа д̇хийд̇аро бадиж̇аг̇г̇ад̇и. саа д̇ам̣ д̣̇ивасам̣ згам̣ г̇умб̣ам̣ ааруяха саагам̣ г̇ан̣ханд̇ий баваддамаанаа бхуумияам̣ бад̇ид̇ваа рааж̇аанам̣ маран̣зна аггосанд̇ий г̇аат̇амааха –

Taṃ sutvā rājā purohitaṃ āmantetvā, ‘‘ācariya, mahallako yuttaṃ bhaṇati, amhākameva doso, ehi nivattāma, dhammena rajjaṃ kāressāmā’’ti āha. Bodhisatto purohitassa sarīre adhimuccitvā purato gantvā ‘‘pariggaṇhissāma tāva, mahārājā’’ti āha. Te tamhā gāmā aññaṃ gāmaṃ gacchantā antarāmagge ekissā mahallikāya saddaṃ assosuṃ. Sā kirekā dalidditthī dve dhītaro vayappattā rakkhamānā tāsaṃ araññaṃ gantuṃ na deti. Sayaṃ araññato dārūni ceva sākañca āharitvā dhītaro paṭijaggati. Sā taṃ divasaṃ ekaṃ gumbaṃ āruyha sākaṃ gaṇhantī pavaṭṭamānā bhūmiyaṃ patitvā rājānaṃ maraṇena akkosantī gāthamāha –

348.

‘‘гад̣̇аассу наамаяам̣ рааж̇аа, б̣рахмад̣̇ад̇д̇о мариссад̇и;

‘‘Kadāssu nāmayaṃ rājā, brahmadatto marissati;

яасса радтамхи ж̇ийяанд̇и, аббад̇игаа гумааригаа’’д̇и.

Yassa raṭṭhamhi jīyanti, appatikā kumārikā’’ti.

д̇ад̇т̇а аббад̇игаад̇и ассаамигаа. сажз хи д̇аасам̣ саамигаа ассу, мам̣ босзяяум̣. баабаран̃н̃о бана раж̇ж̇з ахам̣ д̣̇угкам̣ анубхоми, гад̣̇аа ну ко зса мариссад̇ийд̇и.

Tattha appatikāti assāmikā. Sace hi tāsaṃ sāmikā assu, maṃ poseyyuṃ. Pāparañño pana rajje ahaṃ dukkhaṃ anubhomi, kadā nu kho esa marissatīti.

звам̣ б̣од̇хисад̇д̇аанубхаавзнзва саа аггоси. ат̇а нам̣ бурохид̇о бадисзд̇хзнд̇о г̇аат̇амааха –

Evaṃ bodhisattānubhāveneva sā akkosi. Atha naṃ purohito paṭisedhento gāthamāha –

349.

‘‘д̣̇уб̣бхаасид̇ан̃хи д̇з ж̇амми, анад̇т̇абад̣̇аговид̣̇з;

‘‘Dubbhāsitañhi te jammi, anatthapadakovide;

гухим̣ рааж̇аа гумаарийнам̣, бхад̇д̇аарам̣ бариязсад̇ий’’д̇и.

Kuhiṃ rājā kumārīnaṃ, bhattāraṃ pariyesatī’’ti.

д̇ам̣ суд̇ваа махаллигаа д̣̇вз г̇аат̇аа абхааси –

Taṃ sutvā mahallikā dve gāthā abhāsi –

350.

‘‘на мз д̣̇уб̣бхаасид̇ам̣ б̣рахмз, говид̣̇ад̇т̇абад̣̇аа ахам̣;

‘‘Na me dubbhāsitaṃ brahme, kovidatthapadā ahaṃ;

арагкид̇аа ж̇аанабад̣̇аа, ад̇хаммаб̣алинаа хад̇аа.

Arakkhitā jānapadā, adhammabalinā hatā.

351.

‘‘рад̇д̇ин̃хи жораа каад̣̇анд̇и, д̣̇иваа каад̣̇анд̇и д̇ун̣д̣ияаа;

‘‘Rattiñhi corā khādanti, divā khādanti tuṇḍiyā;

радтасмим̣ гуударааж̇асса, б̣аху ад̇хаммиго ж̇ано;

Raṭṭhasmiṃ kūṭarājassa, bahu adhammiko jano;

д̣̇уж̇ж̇ийвз д̣̇уб̣бхарз д̣̇аарз, гуд̇о бхад̇д̇аа гумаарияо’’д̇и.

Dujjīve dubbhare dāre, kuto bhattā kumāriyo’’ti.

д̇ад̇т̇а говид̣̇ад̇т̇абад̣̇аад̇и ахам̣ ад̇т̇абад̣̇з гааран̣абад̣̇з говид̣̇аа чзгаа, маа д̇вам̣ зд̇ам̣ баабарааж̇аанам̣ басам̣си. д̣̇уж̇ж̇ийвзд̇и д̣̇уж̇ж̇ийвз радтз д̣̇уб̣бхарз д̣̇аарз ж̇аад̇з мануссзсу бхийд̇ад̇асид̇зсу аран̃н̃з васанд̇зсу гуд̇о бхад̇д̇аа гумаарияо, гуд̇о гумаарияо бхад̇д̇аарам̣ лабхиссанд̇ийд̇и ад̇т̇о.

Tattha kovidatthapadāti ahaṃ atthapade kāraṇapade kovidā chekā, mā tvaṃ etaṃ pāparājānaṃ pasaṃsi. Dujjīveti dujjīve raṭṭhe dubbhare dāre jāte manussesu bhītatasitesu araññe vasantesu kuto bhattā kumāriyo, kuto kumāriyo bhattāraṃ labhissantīti attho.

д̇з д̇ассаа важанам̣ суд̇ваа ‘‘яуд̇д̇ам̣ саа гат̇зд̇ий’’д̇и д̇ад̇о барам̣ г̇ажчанд̇аа згасса гассагасса сад̣̇д̣̇ам̣ ассосум̣. д̇асса гира гасанд̇асса саалияо наама б̣алиб̣ад̣̇д̣̇о паалзна бахадо саяи. со рааж̇аанам̣ аггосанд̇о г̇аат̇амааха –

Te tassā vacanaṃ sutvā ‘‘yuttaṃ sā kathetī’’ti tato paraṃ gacchantā ekassa kassakassa saddaṃ assosuṃ. Tassa kira kasantassa sāliyo nāma balibaddo phālena pahaṭo sayi. So rājānaṃ akkosanto gāthamāha –

352.

‘‘звам̣ саяад̇у бан̃жаало, сан̇г̇аамз сад̇д̇ияаа хад̇о;

‘‘Evaṃ sayatu pañcālo, saṅgāme sattiyā hato;

яат̇ааяам̣ габан̣о сзд̇и, хад̇о паалзна саалияо’’д̇и.

Yathāyaṃ kapaṇo seti, hato phālena sāliyo’’ti.

д̇ад̇т̇а яат̇аад̇и яат̇аа аяам̣ взд̣̇анааббад̇д̇о саалияаб̣алиб̣ад̣̇д̣̇о сзд̇и, звам̣ саяад̇ууд̇и ад̇т̇о.

Tattha yathāti yathā ayaṃ vedanāppatto sāliyabalibaddo seti, evaṃ sayatūti attho.

ат̇а нам̣ бурохид̇о бадисзд̇хзнд̇о г̇аат̇амааха –

Atha naṃ purohito paṭisedhento gāthamāha –

353.

‘‘ад̇хаммзна д̇увам̣ ж̇амма, б̣рахмад̣̇ад̇д̇асса гуж̇жхаси;

‘‘Adhammena tuvaṃ jamma, brahmadattassa kujjhasi;

яо д̇вам̣ сабаси рааж̇аанам̣, абараж̇жхид̇ваана ад̇д̇ано’’д̇и.

Yo tvaṃ sapasi rājānaṃ, aparajjhitvāna attano’’ti.

д̇ад̇т̇а ад̇хаммзнаад̇и агааран̣зна асабхаавзна.

Tattha adhammenāti akāraṇena asabhāvena.

д̇ам̣ суд̇ваа со д̇иссо г̇аат̇аа абхааси –

Taṃ sutvā so tisso gāthā abhāsi –

354.

‘‘д̇хаммзна б̣рахмад̣̇ад̇д̇асса, ахам̣ гуж̇жхаами б̣раахман̣а;

‘‘Dhammena brahmadattassa, ahaṃ kujjhāmi brāhmaṇa;

арагкид̇аа ж̇аанабад̣̇аа ад̇хаммаб̣алинаа хад̇аа.

Arakkhitā jānapadā adhammabalinā hatā.

355.

‘‘рад̇д̇ин̃хи жораа каад̣̇анд̇и, д̣̇иваа каад̣̇анд̇и д̇ун̣д̣ияаа;

‘‘Rattiñhi corā khādanti, divā khādanti tuṇḍiyā;

радтасмим̣ гуударааж̇асса, б̣аху ад̇хаммиго ж̇ано.

Raṭṭhasmiṃ kūṭarājassa, bahu adhammiko jano.

356.

‘‘саа нууна буна рз баггаа, вигаалз бхад̇д̇амаахари;

‘‘Sā nūna puna re pakkā, vikāle bhattamāhari;

бхад̇д̇ахаарим̣ абзгканд̇о, хад̇о паалзна саалияо’’д̇и.

Bhattahāriṃ apekkhanto, hato phālena sāliyo’’ti.

д̇ад̇т̇а д̇хаммзнаад̇и гааран̣знзва, агааран̣зна аггосад̇ийд̇и сан̃н̃ам̣ маа гари. саа нууна буна рз баггаа, вигаалз бхад̇д̇амаахарийд̇и, б̣раахман̣а, саа бхад̇д̇ахааригаа ид̇т̇ий баад̇ова мама бхад̇д̇ам̣ бажид̇ваа аахаранд̇ий ад̇хаммаб̣алисаад̇хагзхи б̣рахмад̣̇ад̇д̇асса д̣̇аасзхи балиб̣уд̣̇д̇хаа бхависсад̇и, д̇з баривисид̇ваа буна маяхам̣ бхад̇д̇ам̣ баггам̣ бхависсад̇и, д̇зна гааран̣зна вигаалз бхад̇д̇ам̣ аахари, ‘‘аж̇ж̇а вигаалз бхад̇д̇ам̣ аахарий’’д̇и жинд̇зд̇ваа чаад̇аж̇жхад̇д̇о ахам̣ д̇ам̣ бхад̇д̇ахаарим̣ ологзнд̇о г̇он̣ам̣ адтаанз бад̇од̣̇зна виж̇жхим̣, д̇знзса баад̣̇ам̣ угкибид̇ваа паалам̣ бахаранд̇о хад̇о паалзна саалияо. д̇асмаа ‘‘зса маяаа хад̇о’’д̇и сан̃н̃ам̣ маа гари, баабаран̃н̃оязва хад̇о наамзса, маа д̇асса ван̣н̣ам̣ бхан̣ийд̇и.

Tattha dhammenāti kāraṇeneva, akāraṇena akkosatīti saññaṃ mā kari. Sā nūna puna re pakkā, vikāle bhattamāharīti, brāhmaṇa, sā bhattahārikā itthī pātova mama bhattaṃ pacitvā āharantī adhammabalisādhakehi brahmadattassa dāsehi palibuddhā bhavissati, te parivisitvā puna mayhaṃ bhattaṃ pakkaṃ bhavissati, tena kāraṇena vikāle bhattaṃ āhari, ‘‘ajja vikāle bhattaṃ āharī’’ti cintetvā chātajjhatto ahaṃ taṃ bhattahāriṃ olokento goṇaṃ aṭṭhāne patodena vijjhiṃ, tenesa pādaṃ ukkhipitvā phālaṃ paharanto hato phālena sāliyo. Tasmā ‘‘esa mayā hato’’ti saññaṃ mā kari, pāparaññoyeva hato nāmesa, mā tassa vaṇṇaṃ bhaṇīti.

д̇з бурад̇о г̇анд̇ваа згасмим̣ г̇аамз васим̣су. бунад̣̇ивасз баад̇ова згаа гуудад̇хзну г̇од̣̇охагам̣ баад̣̇зна бахарид̇ваа сад̣̇д̇хим̣ кийрзна баваддзси. со б̣рахмад̣̇ад̇д̇ам̣ аггосанд̇о г̇аат̇амааха –

Te purato gantvā ekasmiṃ gāme vasiṃsu. Punadivase pātova ekā kūṭadhenu godohakaṃ pādena paharitvā saddhiṃ khīrena pavaṭṭesi. So brahmadattaṃ akkosanto gāthamāha –

357.

‘‘звам̣ хан̃н̃ад̇у бан̃жаало, сан̇г̇аамз асинаа хад̇о;

‘‘Evaṃ haññatu pañcālo, saṅgāme asinā hato;

яат̇аахамаж̇ж̇а бахад̇о, кийран̃жа мз баваддид̇а’’нд̇и.

Yathāhamajja pahato, khīrañca me pavaṭṭita’’nti.

д̇ам̣ суд̇ваа бурохид̇о бадисзд̇хзнд̇о г̇аат̇амааха –

Taṃ sutvā purohito paṭisedhento gāthamāha –

358.

‘‘яам̣ басу кийрам̣ чад̣д̣зд̇и, басубаалам̣ вихим̣сад̇и;

‘‘Yaṃ pasu khīraṃ chaḍḍeti, pasupālaṃ vihiṃsati;

гим̣ д̇ад̇т̇а б̣рахмад̣̇ад̇д̇асса, яам̣ но г̇арахад̇з бхава’’нд̇и.

Kiṃ tattha brahmadattassa, yaṃ no garahate bhava’’nti.

б̣раахман̣зна г̇аат̇ааяа вуд̇д̇ааяа буна со д̇иссо г̇аат̇аа абхааси –

Brāhmaṇena gāthāya vuttāya puna so tisso gāthā abhāsi –

359.

‘‘г̇аараяхо б̣рахмз бан̃жаало, б̣рахмад̣̇ад̇д̇асса рааж̇ино;

‘‘Gārayho brahme pañcālo, brahmadattassa rājino;

арагкид̇аа ж̇аанабад̣̇аа, ад̇хаммаб̣алинаа хад̇аа.

Arakkhitā jānapadā, adhammabalinā hatā.

360.

‘‘рад̇д̇ин̃хи жораа каад̣̇анд̇и, д̣̇иваа каад̣̇анд̇и д̇ун̣д̣ияаа;

‘‘Rattiñhi corā khādanti, divā khādanti tuṇḍiyā;

радтасмим̣ гуударааж̇асса, б̣аху ад̇хаммиго ж̇ано.

Raṭṭhasmiṃ kūṭarājassa, bahu adhammiko jano.

361.

‘‘жан̣д̣аа аданагаа г̇аавий, яам̣ бурз на д̣̇ухаамасз;

‘‘Caṇḍā aṭanakā gāvī, yaṃ pure na duhāmase;

д̇ам̣ д̣̇аани аж̇ж̇а д̣̇охаама, кийрагаамзхубад̣̇д̣̇уд̇аа’’д̇и.

Taṃ dāni ajja dohāma, khīrakāmehupaddutā’’ti.

д̇ад̇т̇а жан̣д̣аад̇и парусаа. аданагаад̇и балааяанасийлаа. кийрагаамзхийд̇и ад̇хаммигаран̃н̃о бурисзхи б̣ахум̣ кийрам̣ аахараабзнд̇зхи убад̣̇д̣̇уд̇аа д̣̇ухаама. сажз хи со д̇хаммзна раж̇ж̇ам̣ гаарзяяа, на но зваруубам̣ бхаяам̣ ааг̇ажчзяяаад̇и.

Tattha caṇḍāti pharusā. Aṭanakāti palāyanasīlā. Khīrakāmehīti adhammikarañño purisehi bahuṃ khīraṃ āharāpentehi upaddutā duhāma. Sace hi so dhammena rajjaṃ kāreyya, na no evarūpaṃ bhayaṃ āgaccheyyāti.

д̇з ‘‘со яуд̇д̇ам̣ гат̇зд̇ий’’д̇и д̇амхаа г̇аамаа нигкамма махаамаг̇г̇ам̣ ааруяха наг̇араабхимукаа г̇амим̣су. згасмин̃жа г̇аамз б̣алисаад̇хагаа асигосад̇т̇ааяа згам̣ д̇арун̣ам̣ габ̣араважчагам̣ маарзд̇ваа жаммам̣ г̇ан̣хим̣су. важчагамаад̇аа д̇хзну буд̇д̇асогзна д̇ин̣ам̣ на каад̣̇ад̇и баанийяам̣ на бивад̇и, барид̣̇звамаанаа аахин̣д̣ад̇и. д̇ам̣ д̣̇исваа г̇аамад̣̇аарагаа рааж̇аанам̣ аггосанд̇аа г̇аат̇амаахам̣су –

Te ‘‘so yuttaṃ kathetī’’ti tamhā gāmā nikkhamma mahāmaggaṃ āruyha nagarābhimukhā gamiṃsu. Ekasmiñca gāme balisādhakā asikosatthāya ekaṃ taruṇaṃ kabaravacchakaṃ māretvā cammaṃ gaṇhiṃsu. Vacchakamātā dhenu puttasokena tiṇaṃ na khādati pānīyaṃ na pivati, paridevamānā āhiṇḍati. Taṃ disvā gāmadārakā rājānaṃ akkosantā gāthamāhaṃsu –

362.

‘‘звам̣ ганд̣̇ад̇у бан̃жаало, вибуд̇д̇о виббасугкад̇у;

‘‘Evaṃ kandatu pañcālo, viputto vippasukkhatu;

яат̇ааяам̣ габан̣аа г̇аавий, вибуд̇д̇аа барид̇хаавад̇ий’’д̇и.

Yathāyaṃ kapaṇā gāvī, viputtā paridhāvatī’’ti.

д̇ад̇т̇а барид̇хаавад̇ийд̇и барид̣̇звамаано д̇хаавад̇и.

Tattha paridhāvatīti paridevamāno dhāvati.

д̇ад̇о бурохид̇о ид̇арам̣ г̇аат̇амааха –

Tato purohito itaraṃ gāthamāha –

363.

‘‘яам̣ басу басубааласса, самбхамзяяа равзяяа ваа;

‘‘Yaṃ pasu pasupālassa, sambhameyya raveyya vā;

гонийд̇ха абараад̇хад̇т̇и, б̣рахмад̣̇ад̇д̇асса рааж̇ино’’д̇и.

Konīdha aparādhatthi, brahmadattassa rājino’’ti.

д̇ад̇т̇а самбхамзяяа равзяяа ваад̇и бхамзяяа ваа виравзяяа ваа. ид̣̇ам̣ вуд̇д̇ам̣ ход̇и – д̇аад̇аа, басу наама басубааласса рагканд̇ассзва д̇хаавад̇иби виравад̇иби, д̇ин̣амби на каад̣̇ад̇и баанийяамби на бивад̇и, ид̇ха ран̃н̃о го ну абараад̇ход̇и.

Tattha sambhameyya raveyya vāti bhameyya vā viraveyya vā. Idaṃ vuttaṃ hoti – tātā, pasu nāma pasupālassa rakkhantasseva dhāvatipi viravatipi, tiṇampi na khādati pānīyampi na pivati, idha rañño ko nu aparādhoti.

д̇ад̇о г̇аамад̣̇аарагаа д̣̇вз г̇аат̇аа абхаасим̣су –

Tato gāmadārakā dve gāthā abhāsiṃsu –

364.

‘‘абараад̇хо махааб̣рахмз, б̣рахмад̣̇ад̇д̇асса рааж̇ино;

‘‘Aparādho mahābrahme, brahmadattassa rājino;

арагкид̇аа ж̇аанабад̣̇аа, ад̇хаммаб̣алинаа хад̇аа.

Arakkhitā jānapadā, adhammabalinā hatā.

365.

‘‘рад̇д̇ин̃хи жораа каад̣̇анд̇и, д̣̇иваа каад̣̇анд̇и д̇ун̣д̣ияаа;

‘‘Rattiñhi corā khādanti, divā khādanti tuṇḍiyā;

радтасмим̣ гуударааж̇асса, б̣аху ад̇хаммиго ж̇ано;

Raṭṭhasmiṃ kūṭarājassa, bahu adhammiko jano;

гат̇ам̣ но асигосад̇т̇аа, кийрабаа хан̃н̃ад̇з баж̇аа’’д̇и.

Kathaṃ no asikosatthā, khīrapā haññate pajā’’ti.

д̇ад̇т̇а махааб̣рахмзд̇и махааб̣раахман̣а. рааж̇инод̇и ран̃н̃о. гат̇ам̣ нод̇и гат̇ам̣ ну гзна наама гааран̣зна. кийрабаа хан̃н̃ад̇з баж̇аад̇и баабарааж̇асса сзвагзхи кийрабаго важчаго хан̃н̃ад̇и, ид̣̇аани саа д̇хзну буд̇д̇асогзна барид̣̇звад̇и, соби рааж̇аа аяам̣ д̇хзну вияа барид̣̇звад̇ууд̇и рааж̇аанам̣ аггосим̣суязва.

Tattha mahābrahmeti mahābrāhmaṇa. Rājinoti rañño. Kathaṃ noti kathaṃ nu kena nāma kāraṇena. Khīrapā haññate pajāti pāparājassa sevakehi khīrapako vacchako haññati, idāni sā dhenu puttasokena paridevati, sopi rājā ayaṃ dhenu viya paridevatūti rājānaṃ akkosiṃsuyeva.

д̇з ‘‘саад̇ху во гааран̣ам̣ вад̣̇ат̇аа’’д̇и вад̇ваа баггамим̣су. ат̇анд̇араамаг̇г̇з згиссаа сугкабогкаран̣ияаа гаагаа д̇ун̣д̣зхи виж̇жхид̇ваа ман̣д̣уугз каад̣̇анд̇и. б̣од̇хисад̇д̇о д̇зсу д̇ам̣ таанам̣ самбад̇д̇зсу ад̇д̇ано аанубхаавзна ман̣д̣уугзна –

Te ‘‘sādhu vo kāraṇaṃ vadathā’’ti vatvā pakkamiṃsu. Athantarāmagge ekissā sukkhapokkharaṇiyā kākā tuṇḍehi vijjhitvā maṇḍūke khādanti. Bodhisatto tesu taṃ ṭhānaṃ sampattesu attano ānubhāvena maṇḍūkena –

366.

‘‘звам̣ каж̇ж̇ад̇у бан̃жаало, хад̇о яуд̣̇д̇хз сабуд̇д̇аго;

‘‘Evaṃ khajjatu pañcālo, hato yuddhe saputtako;

яат̇аахамаж̇ж̇а каж̇ж̇аами, г̇аамигзхи аран̃н̃аж̇о’’д̇и. –

Yathāhamajja khajjāmi, gāmikehi araññajo’’ti. –

рааж̇аанам̣ аггосаабзси.

Rājānaṃ akkosāpesi.

д̇ад̇т̇а г̇аамигзхийд̇и г̇аамаваасийхи.

Tattha gāmikehīti gāmavāsīhi.

д̇ам̣ суд̇ваа бурохид̇о ман̣д̣уугзна сад̣̇д̇хим̣ саллабанд̇о г̇аат̇амааха –

Taṃ sutvā purohito maṇḍūkena saddhiṃ sallapanto gāthamāha –

367.

‘‘на саб̣б̣абхууд̇зсу вид̇хзнд̇и рагкам̣, рааж̇аано ман̣д̣ууга мануссалогз;

‘‘Na sabbabhūtesu vidhenti rakkhaṃ, rājāno maṇḍūka manussaloke;

нзд̇д̇аавад̇аа рааж̇аа ад̇хаммажаарий, яам̣ д̇аад̣̇исам̣ ж̇ийвамад̣̇зяяу д̇хан̇гаа’’д̇и.

Nettāvatā rājā adhammacārī, yaṃ tādisaṃ jīvamadeyyu dhaṅkā’’ti.

д̇ад̇т̇а ж̇ийванд̇и ж̇ийванд̇ам̣. ад̣̇зяяунд̇и каад̣̇зяяум̣. д̇хан̇гаад̇и гаагаа. зд̇д̇аавад̇аа рааж̇аа ад̇хаммиго наама на ход̇и, гим̣ саггаа аран̃н̃ам̣ бависид̇ваа ран̃н̃аа д̇ам̣ рагканд̇зна жарид̇унд̇и.

Tattha jīvanti jīvantaṃ. Adeyyunti khādeyyuṃ. Dhaṅkāti kākā. Ettāvatā rājā adhammiko nāma na hoti, kiṃ sakkā araññaṃ pavisitvā raññā taṃ rakkhantena caritunti.

д̇ам̣ суд̇ваа ман̣д̣ууго д̣̇вз г̇аат̇аа абхааси –

Taṃ sutvā maṇḍūko dve gāthā abhāsi –

368.

‘‘ад̇хаммаруубо вад̇а б̣рахмажаарий, ануббияам̣ бхаасаси кад̇д̇ияасса;

‘‘Adhammarūpo vata brahmacārī, anuppiyaṃ bhāsasi khattiyassa;

вилуббамаанааяа бут̇уббаж̇ааяа, бууж̇зси рааж̇ам̣ барамаббамаад̣̇ам̣.

Viluppamānāya puthuppajāya, pūjesi rājaṃ paramappamādaṃ.

369.

‘‘сажз ид̣̇ам̣ б̣рахмз сураж̇ж̇агам̣ сияаа, пийд̇ам̣ радтам̣ муд̣̇ид̇ам̣ виббасаннам̣;

‘‘Sace idaṃ brahme surajjakaṃ siyā, phītaṃ raṭṭhaṃ muditaṃ vippasannaṃ;

бхуд̇ваа б̣алим̣ аг̇г̇абин̣д̣ан̃жа гаагаа, на маад̣̇исам̣ ж̇ийвамад̣̇зяяу д̇хан̇гаа’’д̇и.

Bhutvā baliṃ aggapiṇḍañca kākā, na mādisaṃ jīvamadeyyu dhaṅkā’’ti.

д̇ад̇т̇а б̣рахмажаарийд̇и бурохид̇ам̣ г̇араханд̇о ааха. кад̇д̇ияассаад̇и зваруубасса баабаран̃н̃о. вилуббамаанааяаад̇и вилумбамаанааяа, аяамзва ваа баато. бут̇уббаж̇ааяаад̇и вибулааяа баж̇ааяа винаасияамаанааяа. бууж̇зсийд̇и басам̣си. сураж̇ж̇аганд̇и чанд̣̇аад̣̇ивасзна аг̇анд̇ваа д̣̇аса рааж̇ад̇хаммз агобзнд̇зна аббамад̇д̇зна ран̃н̃аа рагкияамаанам̣ сажз ид̣̇ам̣ сураж̇ж̇агам̣ бхавзяяа. пийд̇анд̇и д̣̇звзсу саммаад̇хаарам̣ ануббавзжчанд̇зсу самбаннасассам̣. на маад̣̇исанд̇и звам̣ санд̇з маад̣̇исам̣ ж̇ийвамаанан̃н̃зва гаагаа на каад̣̇зяяум̣.

Tattha brahmacārīti purohitaṃ garahanto āha. Khattiyassāti evarūpassa pāparañño. Viluppamānāyāti vilumpamānāya, ayameva vā pāṭho. Puthuppajāyāti vipulāya pajāya vināsiyamānāya. Pūjesīti pasaṃsi. Surajjakanti chandādivasena agantvā dasa rājadhamme akopentena appamattena raññā rakkhiyamānaṃ sace idaṃ surajjakaṃ bhaveyya. Phītanti devesu sammādhāraṃ anuppavecchantesu sampannasassaṃ. Na mādisanti evaṃ sante mādisaṃ jīvamānaññeva kākā na khādeyyuṃ.

звам̣ часуби таанзсу аггосанам̣ б̣од̇хисад̇д̇ассзва аанубхаавзна ахоси;

Evaṃ chasupi ṭhānesu akkosanaṃ bodhisattasseva ānubhāvena ahosi;

д̇ам̣ суд̇ваа рааж̇аа жа бурохид̇о жа ‘‘аран̃н̃аваасим̣ д̇иражчаанаг̇ад̇ам̣ ман̣д̣уугам̣ убаад̣̇ааяа саб̣б̣з амхзязва аггосанд̇ий’’д̇и вад̇ваа д̇ад̇о наг̇арам̣ г̇анд̇ваа д̇хаммзна раж̇ж̇ам̣ гаарзд̇ваа махаасад̇д̇ассоваад̣̇з тид̇аа д̣̇аанаад̣̇ийни бун̃н̃аани гарим̣су.

Taṃ sutvā rājā ca purohito ca ‘‘araññavāsiṃ tiracchānagataṃ maṇḍūkaṃ upādāya sabbe amheyeva akkosantī’’ti vatvā tato nagaraṃ gantvā dhammena rajjaṃ kāretvā mahāsattassovāde ṭhitā dānādīni puññāni kariṃsu.

сад̇т̇аа госаларан̃н̃о имам̣ д̇хаммад̣̇зсанам̣ аахарид̇ваа, ‘‘махаарааж̇а, ран̃н̃аа наама аг̇ад̇иг̇аманам̣ бахааяа д̇хаммзна раж̇ж̇ам̣ гаарзд̇аб̣б̣а’’нд̇и вад̇ваа ж̇аад̇агам̣ самод̇хаанзси ‘‘д̇ад̣̇аа г̇анд̇хад̇инд̣̇угад̣̇звад̇аа ахамзва ахоси’’нд̇и.

Satthā kosalarañño imaṃ dhammadesanaṃ āharitvā, ‘‘mahārāja, raññā nāma agatigamanaṃ pahāya dhammena rajjaṃ kāretabba’’nti vatvā jātakaṃ samodhānesi ‘‘tadā gandhatindukadevatā ahameva ahosi’’nti.

г̇анд̇хад̇инд̣̇угаж̇аад̇агаван̣н̣анаа д̣̇асамаа.

Gandhatindukajātakavaṇṇanā dasamā.

ж̇аад̇агуд̣̇д̣̇аанам̣

Jātakuddānaṃ

гим̣чанд̣̇а гумбха ж̇аяад̣̇д̣̇иса чад̣̇д̣̇анд̇а, ат̇а бан̣д̣ид̇асамбхава сирагаби;

Kiṃchanda kumbha jayaddisa chaddanta, atha paṇḍitasambhava sirakapi;

д̣̇агарагкаса бан̣д̣аранааг̇аваро, ат̇а самб̣ула д̇инд̣̇угад̣̇звасуд̇од̇и.

Dakarakkhasa paṇḍaranāgavaro, atha sambula tindukadevasutoti.

д̇им̣санибаад̇аван̣н̣анаа нидтид̇аа.

Tiṃsanipātavaṇṇanā niṭṭhitā.

Next: [521] 1. д̇зсагун̣аж̇аад̇агаван̣н̣анаа • [521] 1. Tesakuṇajātakavaṇṇanā

Related texts:

д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / ж̇аад̇агабаал̣и • Jātakapāḷi / 520. г̇анд̇хад̇инд̣̇угаж̇аад̇агам̣ • 520. Gandhatindukajātakaṃ

© 1991-2023 The Titi Tudorancea Bulletin | Titi Tudorancea^® is a Registered Trademark | Terms of use and privacy policy
Contact