| Library / Tipiṭaka / तिपिटक • Tipiṭaka / अपदानपाळि • Apadānapāḷi |
४. गन्धोदकियत्थेरअपदानं
4. Gandhodakiyattheraapadānaṃ
३५.
35.
‘‘निसज्ज पासादवरे, विपस्सिं अद्दसं जिनं।
‘‘Nisajja pāsādavare, vipassiṃ addasaṃ jinaṃ;
३६.
36.
‘‘पासादस्साविदूरे च, गच्छति लोकनायको।
‘‘Pāsādassāvidūre ca, gacchati lokanāyako;
पभा निद्धावते तस्स, यथा च सतरंसिनो॥
Pabhā niddhāvate tassa, yathā ca sataraṃsino.
३७.
37.
‘‘गन्धोदकञ्च पग्गय्ह, बुद्धसेट्ठं समोकिरिं।
‘‘Gandhodakañca paggayha, buddhaseṭṭhaṃ samokiriṃ;
तेन चित्तप्पसादेन, तत्थ कालङ्कतो अहं॥
Tena cittappasādena, tattha kālaṅkato ahaṃ.
३८.
38.
‘‘एकनवुतितो कप्पे, यं गन्धोदकमाकिरिं।
‘‘Ekanavutito kappe, yaṃ gandhodakamākiriṃ;
दुग्गतिं नाभिजानामि, बुद्धपूजायिदं फलं॥
Duggatiṃ nābhijānāmi, buddhapūjāyidaṃ phalaṃ.
३९.
39.
‘‘एकत्तिंसे इतो कप्पे, सुगन्धो नाम खत्तियो।
‘‘Ekattiṃse ito kappe, sugandho nāma khattiyo;
सत्तरतनसम्पन्नो, चक्कवत्ती महब्बलो॥
Sattaratanasampanno, cakkavattī mahabbalo.
४०.
40.
‘‘पटिसम्भिदा चतस्सो…पे॰… कतं बुद्धस्स सासनं’’॥
‘‘Paṭisambhidā catasso…pe… kataṃ buddhassa sāsanaṃ’’.
इत्थं सुदं आयस्मा गन्धोदकियो थेरो इमा गाथायो अभासित्थाति।
Itthaṃ sudaṃ āyasmā gandhodakiyo thero imā gāthāyo abhāsitthāti.
गन्धोदकियत्थेरस्सापदानं चतुत्थं।
Gandhodakiyattherassāpadānaṃ catutthaṃ.
Footnotes:
Related texts:
अट्ठकथा • Aṭṭhakathā / सुत्तपिटक (अट्ठकथा) • Suttapiṭaka (aṭṭhakathā) / खुद्दकनिकाय (अट्ठकथा) • Khuddakanikāya (aṭṭhakathā) / अपदान-अट्ठकथा • Apadāna-aṭṭhakathā / ४. गन्धोदकियत्थेरअपदानवण्णना • 4. Gandhodakiyattheraapadānavaṇṇanā
