| Library / Tipiṭaka / ਤਿਪਿਟਕ • Tipiṭaka / ਅਪਦਾਨ-ਅਟ੍ਠਕਥਾ • Apadāna-aṭṭhakathā |
੪. ਗਨ੍ਧੋਦਕਿਯਤ੍ਥੇਰਅਪਦਾਨવਣ੍ਣਨਾ
4. Gandhodakiyattheraapadānavaṇṇanā
ਨਿਸਜ੍ਜ ਪਾਸਾਦવਰੇਤਿਆਦਿਕਂ ਆਯਸ੍ਮਤੋ ਗਨ੍ਧੋਦਕਿਯਤ੍ਥੇਰਸ੍ਸ ਅਪਦਾਨਂ। ਅਯਮ੍ਪਿ ਪੁਰਿਮਬੁਦ੍ਧੇਸੁ ਕਤਾਧਿਕਾਰੋ ਤਤ੍ਥ ਤਤ੍ਥ ਭવੇ ਨਿਬ੍ਬਾਨੂਪਨਿਸ੍ਸਯਾਨਿ ਪੁਞ੍ਞਾਨਿ ਉਪਚਿਨਨ੍ਤੋ વਿਪਸ੍ਸੀਭਗવਤੋ ਕਾਲੇ ਸੇਟ੍ਠਿਕੁਲੇ ਨਿਬ੍ਬਤ੍ਤੋ વਿਞ੍ਞੁਤਂ ਪਤ੍વਾ ਮਹਦ੍ਧਨੋ ਮਹਾਭੋਗੋ ਦਿਬ੍ਬਸੁਖਮਨੁਭવਨ੍ਤੋ વਿਯ ਮਨੁਸ੍ਸਸੁਖਮਨੁਭવਨ੍ਤੋ ਏਕਸ੍ਮਿਂ ਦਿવਸੇ ਪਾਸਾਦવਰੇ ਨਿਸਿਨ੍ਨੋ ਹੋਤਿ। ਤਦਾ ਭਗવਾ ਸੁવਣ੍ਣਮਹਾਮੇਰੁ વਿਯ વੀਥਿਯਾ વਿਚਰਤਿ, ਤਂ વਿਚਰਮਾਨਂ ਭਗવਨ੍ਤਂ ਦਿਸ੍વਾ ਪਸਨ੍ਨਮਾਨਸੋ ਗਨ੍ਤ੍વਾ વਨ੍ਦਿਤ੍વਾ ਸੁਗਨ੍ਧੋਦਕੇਨ ਭਗવਨ੍ਤਂ ਓਸਿਞ੍ਚਮਾਨੋ ਪੂਜੇਸਿ। ਸੋ ਤੇਨ ਪੁਞ੍ਞੇਨ ਦੇવਮਨੁਸ੍ਸੇਸੁ ਸਂਸਰਨ੍ਤੋ ਇਮਸ੍ਮਿਂ ਬੁਦ੍ਧੁਪ੍ਪਾਦੇ ਏਕਸ੍ਮਿਂ ਕੁਲਗੇਹੇ ਨਿਬ੍ਬਤ੍ਤੋ વਿਞ੍ਞੁਤਂ ਪਤ੍ਤੋ ਘਰਾવਾਸੇਨ ਅਨਲ੍ਲੀਨੋ ਸਤ੍ਥੁ ਸਨ੍ਤਿਕੇ ਪਬ੍ਬਜਿਤ੍વਾ ਕਮ੍ਮਟ੍ਠਾਨਂ ਗਹੇਤ੍વਾ વਿਪਸ੍ਸਨਂ વਡ੍ਢੇਤ੍વਾ ਨਚਿਰਸ੍ਸੇવ ਅਰਹਾ ਅਹੋਸਿ।
Nisajja pāsādavaretiādikaṃ āyasmato gandhodakiyattherassa apadānaṃ. Ayampi purimabuddhesu katādhikāro tattha tattha bhave nibbānūpanissayāni puññāni upacinanto vipassībhagavato kāle seṭṭhikule nibbatto viññutaṃ patvā mahaddhano mahābhogo dibbasukhamanubhavanto viya manussasukhamanubhavanto ekasmiṃ divase pāsādavare nisinno hoti. Tadā bhagavā suvaṇṇamahāmeru viya vīthiyā vicarati, taṃ vicaramānaṃ bhagavantaṃ disvā pasannamānaso gantvā vanditvā sugandhodakena bhagavantaṃ osiñcamāno pūjesi. So tena puññena devamanussesu saṃsaranto imasmiṃ buddhuppāde ekasmiṃ kulagehe nibbatto viññutaṃ patto gharāvāsena anallīno satthu santike pabbajitvā kammaṭṭhānaṃ gahetvā vipassanaṃ vaḍḍhetvā nacirasseva arahā ahosi.
੩੫. ਸੋ ਅਪਰਭਾਗੇ ਅਤ੍ਤਨੋ ਪੁਬ੍ਬਕੁਸਲਂ ਸਰਿਤ੍વਾ ਸੋਮਨਸ੍ਸਜਾਤੋ ਪੁਬ੍ਬਚਰਿਤਾਪਦਾਨਂ ਪਕਾਸੇਨ੍ਤੋ ਨਿਸਜ੍ਜ ਪਾਸਾਦવਰੇਤਿਆਦਿਮਾਹ। ਤਤ੍ਥ ਪਾਸਾਦੋਤਿ ਪਸਾਦਂ ਸੋਮਨਸ੍ਸਂ ਜਨੇਤਿ ਉਪ੍ਪਾਦੇਤੀਤਿ ਪਾਸਾਦੋ , ਮਾਲਾਕਮ੍ਮਚਿਤ੍ਤਕਮ੍ਮਸੁવਣ੍ਣਕਮ੍ਮਾਦ੍ਯਨੇਕવਿਚਿਤ੍ਤਂ ਦਿਸ੍વਾ ਤਤ੍ਥ ਪવਿਟ੍ਠਾਨਂ ਜਨਾਨਂ ਪਸਾਦਂ ਜਨਯਤੀਤਿ ਅਤ੍ਥੋ। ਪਾਸਾਦੋ ਚ ਸੋ ਪਤ੍ਥੇਤਬ੍ਬਟ੍ਠੇਨ વਰੋ ਚਾਤਿ ਪਾਸਾਦવਰੋ, ਤਸ੍ਮਿਂ ਪਾਸਾਦવਰੇ ਨਿਸਜ੍ਜ ਨਿਸੀਦਿਤ੍વਾ વਿਪਸ੍ਸਿਂ ਜਿਨવਰਂ ਅਦ੍ਦਸਨ੍ਤਿ ਸਮ੍ਬਨ੍ਧੋ। ਸੇਸਂ ਸਬ੍ਬਤ੍ਥ ਉਤ੍ਤਾਨਮੇવਾਤਿ।
35. So aparabhāge attano pubbakusalaṃ saritvā somanassajāto pubbacaritāpadānaṃ pakāsento nisajja pāsādavaretiādimāha. Tattha pāsādoti pasādaṃ somanassaṃ janeti uppādetīti pāsādo , mālākammacittakammasuvaṇṇakammādyanekavicittaṃ disvā tattha paviṭṭhānaṃ janānaṃ pasādaṃ janayatīti attho. Pāsādo ca so patthetabbaṭṭhena varo cāti pāsādavaro, tasmiṃ pāsādavare nisajja nisīditvā vipassiṃ jinavaraṃ addasanti sambandho. Sesaṃ sabbattha uttānamevāti.
ਗਨ੍ਧੋਦਕਿਯਤ੍ਥੇਰਅਪਦਾਨવਣ੍ਣਨਾ ਸਮਤ੍ਤਾ।
Gandhodakiyattheraapadānavaṇṇanā samattā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਖੁਦ੍ਦਕਨਿਕਾਯ • Khuddakanikāya / ਅਪਦਾਨਪਾਲ਼ਿ • Apadānapāḷi / ੪. ਗਨ੍ਧੋਦਕਿਯਤ੍ਥੇਰਅਪਦਾਨਂ • 4. Gandhodakiyattheraapadānaṃ
