| Library / Tipiṭaka / д̇ибидага • Tipiṭaka / сам̣яуд̇д̇анигааяа • Saṃyuttanikāya |
8. г̇ан̇г̇аасуд̇д̇ам̣
8. Gaṅgāsuttaṃ
131. рааж̇аг̇ахз вихарад̇и взл̣уванз. ат̇а ко ан̃н̃ад̇аро б̣раахман̣о язна бхаг̇аваа д̇знубасан̇гами; убасан̇гамид̇ваа бхаг̇авад̇аа сад̣̇д̇хим̣ саммод̣̇и. саммод̣̇анийяам̣ гат̇ам̣ сааран̣ийяам̣ вийд̇исаарзд̇ваа згаманд̇ам̣ нисийд̣̇и. згаманд̇ам̣ нисинно ко со б̣раахман̣о бхаг̇аванд̇ам̣ зд̇ад̣̇авожа – ‘‘гийваб̣ахугаа ну ко, бхо г̇од̇ама, габбаа аб̣бхад̇ийд̇аа ад̇игганд̇аа’’д̇и? ‘‘б̣ахугаа ко, б̣раахман̣а, габбаа аб̣бхад̇ийд̇аа ад̇игганд̇аа. д̇з на сугараа сан̇каад̇ум̣ – ‘зд̇д̇агаа габбаа ид̇и ваа, зд̇д̇агаани габбасад̇аани ид̇и ваа, зд̇д̇агаани габбасахассаани ид̇и ваа, зд̇д̇агаани габбасад̇асахассаани ид̇и ваа’’’д̇и.
131. Rājagahe viharati veḷuvane. Atha kho aññataro brāhmaṇo yena bhagavā tenupasaṅkami; upasaṅkamitvā bhagavatā saddhiṃ sammodi. Sammodanīyaṃ kathaṃ sāraṇīyaṃ vītisāretvā ekamantaṃ nisīdi. Ekamantaṃ nisinno kho so brāhmaṇo bhagavantaṃ etadavoca – ‘‘kīvabahukā nu kho, bho gotama, kappā abbhatītā atikkantā’’ti? ‘‘Bahukā kho, brāhmaṇa, kappā abbhatītā atikkantā. Te na sukarā saṅkhātuṃ – ‘ettakā kappā iti vā, ettakāni kappasatāni iti vā, ettakāni kappasahassāni iti vā, ettakāni kappasatasahassāni iti vā’’’ti.
‘‘саггаа бана, бхо г̇од̇ама, убамам̣ гаад̇у’’нд̇и? ‘‘саггаа, б̣раахман̣аа’’д̇и бхаг̇аваа авожа. ‘‘сзяяат̇ааби, б̣раахман̣а, яад̇о жааяам̣ г̇ан̇г̇аа над̣̇ий бабхавад̇и яад̇т̇а жа махаасамуд̣̇д̣̇ам̣ аббзд̇и, яаа зд̇асмим̣ анд̇арз ваалигаа саа на сугараа сан̇каад̇ум̣ – ‘зд̇д̇агаа ваалигаа ид̇и ваа, зд̇д̇агаани ваалигасад̇аани ид̇и ваа, зд̇д̇агаани ваалигасахассаани ид̇и ваа, зд̇д̇агаани ваалигасад̇асахассаани ид̇и ваа’д̇и. д̇ад̇о б̣ахуд̇араа ко, б̣раахман̣а, габбаа аб̣бхад̇ийд̇аа ад̇игганд̇аа. д̇з на сугараа сан̇каад̇ум̣ – ‘зд̇д̇агаа габбаа ид̇и ваа, зд̇д̇агаани габбасад̇аани ид̇и ваа, зд̇д̇агаани габбасахассаани ид̇и ваа, зд̇д̇агаани габбасад̇асахассаани ид̇и ваа’д̇и. д̇ам̣ гисса хзд̇у? анамад̇аг̇г̇ояам̣, б̣раахман̣а, сам̣сааро. буб̣б̣аа годи на бан̃н̃ааяад̇и авиж̇ж̇аанийваран̣аанам̣ сад̇д̇аанам̣ д̇ан̣хаасам̣яож̇анаанам̣ санд̇хаавад̇ам̣ сам̣сарад̇ам̣. звам̣ д̣̇ийгхарад̇д̇ам̣ ко, б̣раахман̣а, д̣̇угкам̣ бажжанубхууд̇ам̣ д̇иб̣б̣ам̣ бажжанубхууд̇ам̣ б̣яасанам̣ бажжанубхууд̇ам̣, гадасий вад̣дхид̇аа. яааван̃жид̣̇ам̣ , б̣раахман̣а, аламзва саб̣б̣асан̇каарзсу ниб̣б̣инд̣̇ид̇ум̣, алам̣ вираж̇ж̇ид̇ум̣, алам̣ вимужжид̇у’’нд̇и.
‘‘Sakkā pana, bho gotama, upamaṃ kātu’’nti? ‘‘Sakkā, brāhmaṇā’’ti bhagavā avoca. ‘‘Seyyathāpi, brāhmaṇa, yato cāyaṃ gaṅgā nadī pabhavati yattha ca mahāsamuddaṃ appeti, yā etasmiṃ antare vālikā sā na sukarā saṅkhātuṃ – ‘ettakā vālikā iti vā, ettakāni vālikasatāni iti vā, ettakāni vālikasahassāni iti vā, ettakāni vālikasatasahassāni iti vā’ti. Tato bahutarā kho, brāhmaṇa, kappā abbhatītā atikkantā. Te na sukarā saṅkhātuṃ – ‘ettakā kappā iti vā, ettakāni kappasatāni iti vā, ettakāni kappasahassāni iti vā, ettakāni kappasatasahassāni iti vā’ti. Taṃ kissa hetu? Anamataggoyaṃ, brāhmaṇa, saṃsāro. Pubbā koṭi na paññāyati avijjānīvaraṇānaṃ sattānaṃ taṇhāsaṃyojanānaṃ sandhāvataṃ saṃsarataṃ. Evaṃ dīgharattaṃ kho, brāhmaṇa, dukkhaṃ paccanubhūtaṃ tibbaṃ paccanubhūtaṃ byasanaṃ paccanubhūtaṃ, kaṭasī vaḍḍhitā. Yāvañcidaṃ , brāhmaṇa, alameva sabbasaṅkhāresu nibbindituṃ, alaṃ virajjituṃ, alaṃ vimuccitu’’nti.
звам̣ вуд̇д̇з, со б̣раахман̣о бхаг̇аванд̇ам̣ зд̇ад̣̇авожа – ‘‘абхигганд̇ам̣, бхо г̇од̇ама, абхигганд̇ам̣, бхо г̇од̇ама…бз… убаасагам̣ мам̣ бхавам̣ г̇од̇амо д̇хаарзд̇у аж̇ж̇ад̇аг̇г̇з баан̣убзд̇ам̣ саран̣ам̣ г̇ад̇а’’нд̇и. адтамам̣.
Evaṃ vutte, so brāhmaṇo bhagavantaṃ etadavoca – ‘‘abhikkantaṃ, bho gotama, abhikkantaṃ, bho gotama…pe… upāsakaṃ maṃ bhavaṃ gotamo dhāretu ajjatagge pāṇupetaṃ saraṇaṃ gata’’nti. Aṭṭhamaṃ.
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 8-9. г̇ан̇г̇аасуд̇д̇аад̣̇иван̣н̣анаа • 8-9. Gaṅgāsuttādivaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 8. г̇ан̇г̇аасуд̇д̇аван̣н̣анаа • 8. Gaṅgāsuttavaṇṇanā
