| Library / Tipiṭaka / д̇ибидага • Tipiṭaka / нзд̇д̇иббагаран̣а-адтагат̇аа • Nettippakaraṇa-aṭṭhakathā |
намо д̇асса бхаг̇авад̇о арахад̇о саммаасамб̣уд̣̇д̇хасса
Namo tassa bhagavato arahato sammāsambuddhassa
куд̣̇д̣̇аганигааяз
Khuddakanikāye
нзд̇д̇иббагаран̣а-адтагат̇аа
Nettippakaraṇa-aṭṭhakathā
г̇ант̇аарамбхагат̇аа
Ganthārambhakathā
махаагаарун̣игам̣ наат̇ам̣, н̃зяяасааг̇арабаараг̇ум̣;
Mahākāruṇikaṃ nāthaṃ, ñeyyasāgarapāraguṃ;
ванд̣̇з нибун̣аг̇амбхийра-вижид̇ранаяад̣̇зсанам̣.
Vande nipuṇagambhīra-vicitranayadesanaṃ.
виж̇ж̇аажаран̣асамбаннаа, язна нияяанд̇и логад̇о;
Vijjācaraṇasampannā, yena niyyanti lokato;
ванд̣̇з д̇амуд̇д̇амам̣ д̇хаммам̣, саммаасамб̣уд̣̇д̇хабууж̇ид̇ам̣.
Vande tamuttamaṃ dhammaṃ, sammāsambuddhapūjitaṃ.
сийлаад̣̇иг̇ун̣асамбанно, тид̇о маг̇г̇апалзсу яо;
Sīlādiguṇasampanno, ṭhito maggaphalesu yo;
ванд̣̇з арияасан̇гхам̣ д̇ам̣, бун̃н̃агкзд̇д̇ам̣ ануд̇д̇арам̣.
Vande ariyasaṅghaṃ taṃ, puññakkhettaṃ anuttaraṃ.
ванд̣̇анааж̇анид̇ам̣ бун̃н̃ам̣, ид̇и яам̣ рад̇анад̇д̇аяз;
Vandanājanitaṃ puññaṃ, iti yaṃ ratanattaye;
хад̇анд̇арааяо саб̣б̣ад̇т̇а, худ̇ваахам̣ д̇асса д̇зж̇асаа.
Hatantarāyo sabbattha, hutvāhaṃ tassa tejasā.
тид̇им̣ ааган̇камаанзна, жирам̣ сад̣̇д̇хамманзд̇д̇ияаа;
Ṭhitiṃ ākaṅkhamānena, ciraṃ saddhammanettiyā;
д̇хаммарагкид̇анаамзна, т̇зрзна абхияаажид̇о.
Dhammarakkhitanāmena, therena abhiyācito.
бад̣̇умуд̇д̇аранаат̇асса, баад̣̇амуулз бавад̇д̇ид̇ам̣;
Padumuttaranāthassa, pādamūle pavattitaṃ;
бассад̇аа абхинийхаарам̣, самбад̇д̇ам̣ яасса мад̇т̇агам̣.
Passatā abhinīhāraṃ, sampattaṃ yassa matthakaṃ.
сам̣кид̇д̇ам̣ вибхаж̇анд̇аанам̣, зсо аг̇г̇од̇и д̇аад̣̇инаа;
Saṃkhittaṃ vibhajantānaṃ, eso aggoti tādinā;
табид̇о зд̇ад̣̇аг̇г̇асмим̣, яо махаасаавагуд̇д̇амо.
Ṭhapito etadaggasmiṃ, yo mahāsāvakuttamo.
чал̣абхин̃н̃о васиббад̇д̇о, бабхиннабадисамбхид̣̇о;
Chaḷabhiñño vasippatto, pabhinnapaṭisambhido;
махаагажжааяано т̇зро, самб̣уд̣̇д̇хзна басам̣сид̇о.
Mahākaccāyano thero, sambuddhena pasaṃsito.
д̇зна яаа бхаасид̇аа нзд̇д̇и, сад̇т̇аараа анумод̣̇ид̇аа;
Tena yā bhāsitā netti, satthārā anumoditā;
саасанасса сад̣̇ааяад̇д̇аа, наван̇г̇ассад̇т̇аван̣н̣анаа.
Sāsanassa sadāyattā, navaṅgassatthavaṇṇanā.
д̇ассаа г̇амбхийран̃аан̣зхи, ог̇аахзд̇аб̣б̣абхаавад̇о;
Tassā gambhīrañāṇehi, ogāhetabbabhāvato;
гин̃жааби д̣̇уггараа гаад̇ум̣, ад̇т̇асам̣ван̣н̣анаа маяаа.
Kiñcāpi dukkarā kātuṃ, atthasaṃvaṇṇanā mayā.
саха сам̣ван̣н̣анам̣ яасмаа, д̇харад̇з сад̇т̇усаасанам̣;
Saha saṃvaṇṇanaṃ yasmā, dharate satthusāsanaṃ;
буб̣б̣аажарияасийхаанам̣, д̇идтад̇зва винижчаяо.
Pubbācariyasīhānaṃ, tiṭṭhateva vinicchayo.
д̇асмаа д̇амубаниссааяа, ог̇аахзд̇ваана бан̃жаби;
Tasmā tamupanissāya, ogāhetvāna pañcapi;
нигааяз бздагзнааби, сам̣санд̣̇ид̇ваа яат̇ааб̣алам̣.
Nikāye peṭakenāpi, saṃsanditvā yathābalaṃ.
сувисуд̣̇д̇хамасам̣гин̣н̣ам̣, нибун̣ад̇т̇авинижчаяам̣;
Suvisuddhamasaṃkiṇṇaṃ, nipuṇatthavinicchayaṃ;
махаавихаараваасийнам̣, самаяам̣ авиломаяам̣.
Mahāvihāravāsīnaṃ, samayaṃ avilomayaṃ.
бамаад̣̇алзкам̣ важ̇ж̇зд̇ваа, баал̣им̣ саммаа нияож̇аяам̣;
Pamādalekhaṃ vajjetvā, pāḷiṃ sammā niyojayaṃ;
убад̣̇зсам̣ вибхаавзнд̇о, гариссаамад̇т̇аван̣н̣анам̣.
Upadesaṃ vibhāvento, karissāmatthavaṇṇanaṃ.
ид̇и ад̇т̇ам̣ асан̇гин̣н̣ам̣, нзд̇д̇иббагаран̣асса мз;
Iti atthaṃ asaṅkiṇṇaṃ, nettippakaraṇassa me;
вибхаж̇анд̇асса саггажжам̣, нисаамаяат̇а саад̇хавод̇и.
Vibhajantassa sakkaccaṃ, nisāmayatha sādhavoti.
д̇ад̇т̇а гзнадтзна нзд̇д̇и? сад̣̇д̇хамманаяанадтзна нзд̇д̇и. яат̇аа хи д̇ан̣хаа сад̇д̇з гаамаад̣̇ибхавам̣ наяад̇ийд̇и ‘‘бхаванзд̇д̇ий’’д̇и вужжад̇и, звамаяамби взнзяяасад̇д̇з арияад̇хаммам̣ наяад̇ийд̇и сад̣̇д̇хамманаяанадтзна ‘‘нзд̇д̇ий’’д̇и вужжад̇и. ат̇а ваа наяанд̇и д̇ааяаад̇и нзд̇д̇и. нзд̇д̇иббагаран̣зна хи гаран̣абхууд̇зна д̇хаммагат̇игаа взнзяяасад̇д̇з д̣̇ассанамаг̇г̇ам̣ наяанд̇и самбаабзнд̇ийд̇и, нийяанд̇и ваа зд̇т̇а зд̇асмим̣ багаран̣з ад̇хидтаанабхууд̇з бад̇идтаабзд̇ваа взнзяяаа ниб̣б̣аанам̣ самбаабияанд̇ийд̇и нзд̇д̇и. на хи нзд̇д̇иубад̣̇зсасанниссаязна винаа авибарийд̇асуд̇д̇ад̇т̇ааваб̣од̇хо самбхавад̇и. д̇ат̇аа хи вуд̇д̇ам̣ – ‘‘д̇асмаа ниб̣б̣ааяид̇угаамзнаа’’д̇иаад̣̇и. саб̣б̣ааби хи суд̇д̇асса ад̇т̇асам̣ван̣н̣анаа нзд̇д̇иубад̣̇зсааяад̇д̇аа, нзд̇д̇и жа суд̇д̇аббабхаваа, суд̇д̇ам̣ саммаасамб̣уд̣̇д̇хаббабхаванд̇и.
Tattha kenaṭṭhena netti? Saddhammanayanaṭṭhena netti. Yathā hi taṇhā satte kāmādibhavaṃ nayatīti ‘‘bhavanettī’’ti vuccati, evamayampi veneyyasatte ariyadhammaṃ nayatīti saddhammanayanaṭṭhena ‘‘nettī’’ti vuccati. Atha vā nayanti tāyāti netti. Nettippakaraṇena hi karaṇabhūtena dhammakathikā veneyyasatte dassanamaggaṃ nayanti sampāpentīti, nīyanti vā ettha etasmiṃ pakaraṇe adhiṭṭhānabhūte patiṭṭhāpetvā veneyyā nibbānaṃ sampāpiyantīti netti. Na hi nettiupadesasannissayena vinā aviparītasuttatthāvabodho sambhavati. Tathā hi vuttaṃ – ‘‘tasmā nibbāyitukāmenā’’tiādi. Sabbāpi hi suttassa atthasaṃvaṇṇanā nettiupadesāyattā, netti ca suttappabhavā, suttaṃ sammāsambuddhappabhavanti.
саа банааяам̣ нзд̇д̇и багаран̣абарижчзд̣̇ад̇о д̇иббабхзд̣̇аа хааранаяабадтаанаанам̣ васзна. батаман̃хи хааравижааро, д̇ад̇о наяавижааро, бажчаа бадтаанавижаарод̇и. баал̣ивавад̇т̇аанад̇о бана сан̇г̇ахавааравибхааг̇авааравасзна д̣̇увид̇хаа. саб̣б̣ааби хи нзд̇д̇и сан̇г̇ахавааро вибхааг̇аваарод̇и ваарад̣̇ваяамзва ход̇и.
Sā panāyaṃ netti pakaraṇaparicchedato tippabhedā hāranayapaṭṭhānānaṃ vasena. Paṭhamañhi hāravicāro, tato nayavicāro, pacchā paṭṭhānavicāroti. Pāḷivavatthānato pana saṅgahavāravibhāgavāravasena duvidhā. Sabbāpi hi netti saṅgahavāro vibhāgavāroti vāradvayameva hoti.
д̇ад̇т̇а сан̇г̇ахавааро аад̣̇ид̇о бан̃жахи г̇аат̇аахи барижчинно. саб̣б̣о хи багаран̣ад̇т̇о ‘‘яам̣ лого бууж̇аяад̇з’’д̇иаад̣̇ийхи бан̃жахи г̇аат̇аахи абариг̇г̇ахид̇о наама над̇т̇и. нану жзд̇т̇а бадтаанам̣ асан̇г̇ахид̇анд̇и? наяид̣̇амзвам̣ д̣̇адтаб̣б̣ам̣, муулабад̣̇аг̇г̇ахан̣зна бадтаанасса сан̇г̇ахид̇ад̇д̇аа. д̇ат̇аа хи вагкад̇и – ‘‘адтаараса муулабад̣̇аа гухим̣ д̣̇адтаб̣б̣аа саасанабадтаанз’’д̇и. муулабад̣̇абадтаанаани хи ад̇т̇анаяасан̇каарад̇д̇игаа вияа ан̃н̃аман̃н̃ам̣ сан̇г̇ахид̇аани.
Tattha saṅgahavāro ādito pañcahi gāthāhi paricchinno. Sabbo hi pakaraṇattho ‘‘yaṃ loko pūjayate’’tiādīhi pañcahi gāthāhi apariggahito nāma natthi. Nanu cettha paṭṭhānaṃ asaṅgahitanti? Nayidamevaṃ daṭṭhabbaṃ, mūlapadaggahaṇena paṭṭhānassa saṅgahitattā. Tathā hi vakkhati – ‘‘aṭṭhārasa mūlapadā kuhiṃ daṭṭhabbā sāsanapaṭṭhāne’’ti. Mūlapadapaṭṭhānāni hi atthanayasaṅkhārattikā viya aññamaññaṃ saṅgahitāni.
вибхааг̇авааро бана уд̣̇д̣̇зсанид̣̇д̣̇зсабадинид̣̇д̣̇зсавасзна д̇ивид̇хо. д̇зсу ‘‘д̇ад̇т̇а гад̇амз сол̣аса хаараа’’д̇и аарабхид̇ваа яаава ‘‘бхаванд̇и адтаараса бад̣̇ааний’’д̇и аяам̣ уд̣̇д̣̇зсавааро. ‘‘ассаад̣̇аад̣̇ийнавад̇аа’’д̇и аарабхид̇ваа яаава ‘‘д̇зд̇д̇им̣саа зд̇д̇игаа нзд̇д̇ий’’д̇и аяам̣ нид̣̇д̣̇зсавааро. бадинид̣̇д̣̇зсавааро бана хааравибхан̇г̇авааро хаарасамбаад̇авааро наяасамудтаанавааро саасанабадтаанаваарод̇и жад̇уб̣б̣ид̇хо. д̇зсу ‘‘д̇ад̇т̇а гад̇амо д̣̇зсанаахааро’’д̇и аарабхид̇ваа яаава ‘‘аяам̣ бахаанзна самааробанаа’’д̇и аяам̣ хааравибхан̇г̇авааро. д̇ад̇т̇а ‘‘гад̇амо д̣̇зсанаахаарасамбаад̇о’’д̇и аарабхид̇ваа яаава ‘‘анубаад̣̇исзсаа жа ниб̣б̣аанад̇хаад̇уу’’д̇и аяам̣ хаарасамбаад̇авааро. зд̇т̇ааха – хааравибхан̇г̇ахаарасамбаад̇аваараанам̣ гим̣ наанаагаран̣анд̇и? вужжад̇з – яад̇т̇а анзгзхиби уд̣̇аахаран̣асуд̇д̇зхи зго хааро нид̣̇д̣̇исийяад̇и, аяам̣ хааравибхан̇г̇авааро. яад̇т̇а бана згасмим̣ суд̇д̇з анзгз хаараа самбад̇анд̇и, аяам̣ хаарасамбаад̇авааро. вуд̇д̇ан̃хзд̇ам̣ бздагз –
Vibhāgavāro pana uddesaniddesapaṭiniddesavasena tividho. Tesu ‘‘tattha katame soḷasa hārā’’ti ārabhitvā yāva ‘‘bhavanti aṭṭhārasa padānī’’ti ayaṃ uddesavāro. ‘‘Assādādīnavatā’’ti ārabhitvā yāva ‘‘tettiṃsā ettikā nettī’’ti ayaṃ niddesavāro. Paṭiniddesavāro pana hāravibhaṅgavāro hārasampātavāro nayasamuṭṭhānavāro sāsanapaṭṭhānavāroti catubbidho. Tesu ‘‘tattha katamo desanāhāro’’ti ārabhitvā yāva ‘‘ayaṃ pahānena samāropanā’’ti ayaṃ hāravibhaṅgavāro. Tattha ‘‘katamo desanāhārasampāto’’ti ārabhitvā yāva ‘‘anupādisesā ca nibbānadhātū’’ti ayaṃ hārasampātavāro. Etthāha – hāravibhaṅgahārasampātavārānaṃ kiṃ nānākaraṇanti? Vuccate – yattha anekehipi udāharaṇasuttehi eko hāro niddisīyati, ayaṃ hāravibhaṅgavāro. Yattha pana ekasmiṃ sutte aneke hārā sampatanti, ayaṃ hārasampātavāro. Vuttañhetaṃ peṭake –
‘‘яад̇т̇а жа саб̣б̣з хаараа, самбад̇амаанаа наяанд̇и суд̇д̇ад̇т̇ам̣;
‘‘Yattha ca sabbe hārā, sampatamānā nayanti suttatthaṃ;
б̣яан̃ж̇анавид̇хибут̇уд̇д̇аа, саа бхуумий хаарасамбаад̇о’’д̇и.
Byañjanavidhiputhuttā, sā bhūmī hārasampāto’’ti.
наяасамудтаанасаасанабадтаанавааравибхааг̇о баагадо зва. саасанабадтаанавааро бана сан̇г̇ахаваарз вияа уд̣̇д̣̇зсанид̣̇д̣̇зсаваарзсуби на саруубад̇о уд̣̇д̇хадод̇и. зд̇т̇ааха – ‘‘ид̣̇ам̣ нзд̇д̇иббагаран̣ам̣ махаасаавагабхаасид̇ам̣, бхаг̇авад̇аа анумод̣̇ид̇а’’нд̇и жа гат̇амзд̇ам̣ вин̃н̃ааяад̇ийд̇и? баал̣ид̇о зва. на хи баал̣ид̇о ан̃н̃ам̣ бамаан̣ад̇арам̣ ад̇т̇и. яаа хи жад̇уухи махаабад̣̇зсзхи авируд̣̇д̇хаа баал̣и, саа бамаан̣ам̣. д̇ат̇аа хи аг̇арахид̇ааяа аажарияабарамбарааяа бздагобад̣̇зсо вияа ид̣̇ам̣ нзд̇д̇иббагаран̣ам̣ аабхад̇ам̣. яад̣̇и звам̣ гасмаасса нид̣̇аанам̣ на вуд̇д̇ам̣. саавагабхаасид̇аанамби хи субхасуд̇д̇а- (д̣̇ий. ни. 1.444 аад̣̇аяо) анан̇г̇ан̣асуд̇д̇а- (ма. ни. 1.57 аад̣̇аяо) гажжааяанасам̣яуд̇д̇аад̣̇ийнам̣ нид̣̇аанам̣ бхаасид̇анд̇и? наяид̣̇ам̣ зганд̇игам̣. саавагабхаасид̇аанам̣ б̣уд̣̇д̇хабхаасид̇аанамби хи згажжаанам̣ бадисамбхид̣̇аамаг̇г̇анид̣̇д̣̇зсаад̣̇ийнам̣ д̇хаммабад̣̇аб̣уд̣̇д̇хавам̣саад̣̇ийнан̃жа нид̣̇аанам̣ на бхаасид̇ам̣, на жа д̇аавад̇аа д̇аани аббамаан̣ам̣, звамид̇хааби д̣̇адтаб̣б̣ам̣.
Nayasamuṭṭhānasāsanapaṭṭhānavāravibhāgo pākaṭo eva. Sāsanapaṭṭhānavāro pana saṅgahavāre viya uddesaniddesavāresupi na sarūpato uddhaṭoti. Etthāha – ‘‘idaṃ nettippakaraṇaṃ mahāsāvakabhāsitaṃ, bhagavatā anumodita’’nti ca kathametaṃ viññāyatīti? Pāḷito eva. Na hi pāḷito aññaṃ pamāṇataraṃ atthi. Yā hi catūhi mahāpadesehi aviruddhā pāḷi, sā pamāṇaṃ. Tathā hi agarahitāya ācariyaparamparāya peṭakopadeso viya idaṃ nettippakaraṇaṃ ābhataṃ. Yadi evaṃ kasmāssa nidānaṃ na vuttaṃ. Sāvakabhāsitānampi hi subhasutta- (dī. ni. 1.444 ādayo) anaṅgaṇasutta- (ma. ni. 1.57 ādayo) kaccāyanasaṃyuttādīnaṃ nidānaṃ bhāsitanti? Nayidaṃ ekantikaṃ. Sāvakabhāsitānaṃ buddhabhāsitānampi hi ekaccānaṃ paṭisambhidāmagganiddesādīnaṃ dhammapadabuddhavaṃsādīnañca nidānaṃ na bhāsitaṃ, na ca tāvatā tāni appamāṇaṃ, evamidhāpi daṭṭhabbaṃ.
нид̣̇аанан̃жа наама суд̇д̇авинаяаанам̣ д̇хаммабхан̣д̣ааг̇ааригаубаалид̇т̇зраад̣̇ийхи махаасаавагзхзва бхаасид̇ам̣, ид̣̇ан̃жа махаасаавагабхаасид̇ам̣, т̇зрам̣ мун̃жид̇ваа анан̃н̃ависаяад̇д̇аа имиссаа вижааран̣ааяаад̇и гимзд̇зна нид̣̇аанаг̇авзсанзна, ад̇т̇оязвзд̇т̇а г̇авзсид̇аб̣б̣о, яо баал̣ияаа авируд̣̇д̇ход̇и. ат̇а ваа баал̣ияаа ад̇т̇асам̣ван̣н̣анаабхаавад̇о на имасса багаран̣асса висум̣ нид̣̇аанаважанагижжам̣ ад̇т̇и, бадисамбхид̣̇аамаг̇г̇анид̣̇д̣̇зсаад̣̇ийнам̣ вияаад̇и д̣̇адтаб̣б̣ам̣.
Nidānañca nāma suttavinayānaṃ dhammabhaṇḍāgārikaupālittherādīhi mahāsāvakeheva bhāsitaṃ, idañca mahāsāvakabhāsitaṃ, theraṃ muñcitvā anaññavisayattā imissā vicāraṇāyāti kimetena nidānagavesanena, atthoyevettha gavesitabbo, yo pāḷiyā aviruddhoti. Atha vā pāḷiyā atthasaṃvaṇṇanābhāvato na imassa pakaraṇassa visuṃ nidānavacanakiccaṃ atthi, paṭisambhidāmagganiddesādīnaṃ viyāti daṭṭhabbaṃ.
ид̣̇аани зд̇асмим̣ багаран̣з наанаббагаарагосаллад̇т̇ам̣ аяам̣ вибхааг̇о взд̣̇ид̇аб̣б̣о – саб̣б̣амзва жзд̇ам̣ багаран̣ам̣ саасанабарияздтибхаавад̇о згавид̇хам̣, д̇ат̇аа арияамаг̇г̇асамбаад̣̇анад̇о вимуд̇д̇ирасад̇о жа. б̣яан̃ж̇анад̇т̇авижаарабхаавад̇о д̣̇увид̇хам̣, д̇ат̇аа сан̇г̇ахавибхааг̇абхаавад̇о д̇хаммавинаяад̇т̇асам̣ван̣н̣анад̇о логияалогуд̇д̇арад̇т̇асан̇г̇ахан̣ад̇о руубааруубад̇хаммабариг̇г̇аахагад̇о лагкан̣алагкияабхаавад̇о бавад̇д̇инивад̇д̇иважанад̇о сабхааг̇ависабхааг̇анид̣̇д̣̇зсад̇о саад̇хааран̣аасаад̇хааран̣ад̇хаммавибхааг̇ад̇о жа.
Idāni etasmiṃ pakaraṇe nānappakārakosallatthaṃ ayaṃ vibhāgo veditabbo – sabbameva cetaṃ pakaraṇaṃ sāsanapariyeṭṭhibhāvato ekavidhaṃ, tathā ariyamaggasampādanato vimuttirasato ca. Byañjanatthavicārabhāvato duvidhaṃ, tathā saṅgahavibhāgabhāvato dhammavinayatthasaṃvaṇṇanato lokiyalokuttaratthasaṅgahaṇato rūpārūpadhammapariggāhakato lakkhaṇalakkhiyabhāvato pavattinivattivacanato sabhāgavisabhāganiddesato sādhāraṇāsādhāraṇadhammavibhāgato ca.
д̇ивид̇хам̣ буг̇г̇алад̇д̇аяанид̣̇д̣̇зсад̇о д̇ивид̇хагаляаан̣авибхааг̇ад̇о барин̃н̃ад̇д̇аяагат̇анад̇о бахаанад̇д̇аяуубад̣̇зсад̇о сигкад̇д̇аяасан̇г̇ахан̣ад̇о д̇ивид̇хасам̣гилзсависод̇ханад̇о муулаг̇ийд̇иануг̇ийд̇исан̇г̇ийд̇ибхзд̣̇ад̇о бидагад̇д̇аяад̇т̇асам̣ван̣н̣анад̇о хааранаяабадтаанаббабхзд̣̇ад̇о жа.
Tividhaṃ puggalattayaniddesato tividhakalyāṇavibhāgato pariññattayakathanato pahānattayūpadesato sikkhattayasaṅgahaṇato tividhasaṃkilesavisodhanato mūlagītianugītisaṅgītibhedato piṭakattayatthasaṃvaṇṇanato hāranayapaṭṭhānappabhedato ca.
жад̇уб̣б̣ид̇хам̣ жад̇уббадисамбхид̣̇аависаяад̇о жад̇унаяад̣̇зсанад̇о д̇хаммад̇т̇ад̣̇зсанаабадивзд̇хаг̇амбхийрабхаавад̇о жа. бан̃жавид̇хам̣ абхин̃н̃зяяаад̣̇ид̇хаммавибхааг̇ад̇о бан̃жагканд̇ханид̣̇д̣̇зсад̇о бан̃жаг̇ад̇ибарижчзд̣̇ад̇о бан̃жанигааяад̇т̇авиваран̣ад̇о жа. чаб̣б̣ид̇хам̣ чал̣аарамман̣авибхааг̇ад̇о чааж̇жхад̇д̇игаб̣аахирааяад̇анавибхааг̇ад̇о жа. сад̇д̇авид̇хам̣ сад̇д̇авин̃н̃аан̣адтид̇ибарижчзд̣̇ад̇о. нававид̇хам̣ суд̇д̇аад̣̇инаван̇г̇анид̣̇д̣̇зсад̇о. жуд̣̇д̣̇асавид̇хам̣ суд̇д̇аад̇хидтаанавибхааг̇ад̇о. сол̣асавид̇хам̣ адтавийсад̇ивид̇хан̃жа саасанабадтаанаббабхзд̣̇ад̇о. жад̇ураасийд̇исахассавид̇хам̣ жад̇ураасийд̇исахассад̇хаммагканд̇хавижаарабхаавад̇од̇иаад̣̇инаа наязна багаран̣авибхааг̇о взд̣̇ид̇аб̣б̣о.
Catubbidhaṃ catuppaṭisambhidāvisayato catunayadesanato dhammatthadesanāpaṭivedhagambhīrabhāvato ca. Pañcavidhaṃ abhiññeyyādidhammavibhāgato pañcakkhandhaniddesato pañcagatiparicchedato pañcanikāyatthavivaraṇato ca. Chabbidhaṃ chaḷārammaṇavibhāgato chaajjhattikabāhirāyatanavibhāgato ca. Sattavidhaṃ sattaviññāṇaṭṭhitiparicchedato. Navavidhaṃ suttādinavaṅganiddesato. Cuddasavidhaṃ suttādhiṭṭhānavibhāgato. Soḷasavidhaṃ aṭṭhavīsatividhañca sāsanapaṭṭhānappabhedato. Caturāsītisahassavidhaṃ caturāsītisahassadhammakkhandhavicārabhāvatotiādinā nayena pakaraṇavibhāgo veditabbo.
д̇ад̇т̇а саасанабарияздтибхаавад̇од̇и сагалам̣ нзд̇д̇иббагаран̣ам̣ сигкад̇д̇аяасан̇г̇ахасса наван̇г̇асса сад̇т̇усаасанасса ад̇т̇асам̣ван̣н̣анаабхаавад̇о. арияамаг̇г̇асамбаад̣̇анад̇од̇и д̣̇ассанабхуумибхааванаабхуумисамбаад̣̇анад̇о. вимуд̇д̇ирасад̇од̇и саасанасса амад̇абарияосаанад̇д̇аа вуд̇д̇ам̣. б̣яан̃ж̇анад̇т̇авижаарабхаавад̇од̇и хаараб̣яан̃ж̇анабад̣̇агамманаяаанам̣ б̣яан̃ж̇анавижаарад̇д̇аа ад̇т̇абад̣̇аад̇т̇анаяаанам̣ ад̇т̇авижаарад̇д̇аа вуд̇д̇ам̣. сан̇г̇ахавибхааг̇абхааво барад̇о аави бхависсад̇и. д̇хаммавинаяад̇т̇асам̣ван̣н̣анад̇од̇и сагалассааби барияад̇д̇исаасанасса д̇хаммавинаяабхаавад̇о вуд̇д̇ам̣. лагкан̣алагкияабхаавад̇од̇и нзд̇д̇иважанасса лагкан̣ад̇д̇аа уд̣̇аахаран̣асуд̇д̇аанан̃жа лагкияад̇д̇аа вуд̇д̇ам̣. сабхааг̇ависабхааг̇анид̣̇д̣̇зсад̇од̇и самаанаж̇аад̇ияаа д̇хаммаа сабхааг̇аа, бадибагкаа висабхааг̇аа, д̇ам̣вижаарабхаавад̇од̇и ад̇т̇о. саад̇хааран̣аасаад̇хааран̣ад̇хаммавибхааг̇ад̇од̇и бахаанзгадтасахаж̇згадтад̇аад̣̇исааман̃н̃зна яз д̇хаммаа язсам̣ д̇хаммаанам̣ наамавад̇т̇аад̣̇инаа саад̇хааран̣аа д̇аб̣б̣ид̇хурад̇ааяа асаад̇хааран̣аа жа, д̇ам̣вибхааг̇ад̇о д̣̇увид̇ханд̇и ад̇т̇о.
Tattha sāsanapariyeṭṭhibhāvatoti sakalaṃ nettippakaraṇaṃ sikkhattayasaṅgahassa navaṅgassa satthusāsanassa atthasaṃvaṇṇanābhāvato. Ariyamaggasampādanatoti dassanabhūmibhāvanābhūmisampādanato. Vimuttirasatoti sāsanassa amatapariyosānattā vuttaṃ. Byañjanatthavicārabhāvatoti hārabyañjanapadakammanayānaṃ byañjanavicārattā atthapadaatthanayānaṃ atthavicārattā vuttaṃ. Saṅgahavibhāgabhāvo parato āvi bhavissati. Dhammavinayatthasaṃvaṇṇanatoti sakalassāpi pariyattisāsanassa dhammavinayabhāvato vuttaṃ. Lakkhaṇalakkhiyabhāvatoti nettivacanassa lakkhaṇattā udāharaṇasuttānañca lakkhiyattā vuttaṃ. Sabhāgavisabhāganiddesatoti samānajātiyā dhammā sabhāgā, paṭipakkhā visabhāgā, taṃvicārabhāvatoti attho. Sādhāraṇāsādhāraṇadhammavibhāgatoti pahānekaṭṭhasahajekaṭṭhatādisāmaññena ye dhammā yesaṃ dhammānaṃ nāmavatthādinā sādhāraṇā tabbidhuratāya asādhāraṇā ca, taṃvibhāgato duvidhanti attho.
буг̇г̇алад̇д̇аяанид̣̇д̣̇зсад̇од̇и уг̇гхадид̇ан̃н̃уаад̣̇и буг̇г̇алад̇д̇аяанид̣̇д̣̇зсад̇о. д̇ивид̇хагаляаан̣авибхааг̇ад̇од̇и аад̣̇игаляаан̣аад̣̇ивибхааг̇ад̇о. муулаг̇ийд̇иануг̇ийд̇исан̇г̇ийд̇ибхзд̣̇ад̇од̇и батамам̣ важанам̣ муулаг̇ийд̇и, вуд̇д̇ассзва ад̇т̇асса сан̇г̇ахаг̇аат̇аа ануг̇ийд̇и, д̇ам̣д̇ам̣суд̇д̇ад̇т̇аяож̇анавасзна виббагин̣н̣асса багаран̣асса сан̇г̇ааяанам̣ сан̇г̇ийд̇и, саа т̇зрасса барад̇о бавад̇д̇ид̇аад̇и взд̣̇ид̇аб̣б̣аа, зд̇аасам̣ д̇иссаннам̣ бхзд̣̇ад̇о д̇ивид̇ханд̇и ад̇т̇о. бан̃жагканд̇ханид̣̇д̣̇зсад̇од̇и руубаад̣̇ибан̃жагканд̇хасийлаад̣̇ибан̃жад̇хаммагканд̇ханид̣̇д̣̇зсад̇о бан̃жавид̇ханд̇и ад̇т̇о. суд̇д̇аад̇хидтаанавибхааг̇ад̇од̇и лобхад̣̇осамохаанам̣ алобхаад̣̇осаамохаанам̣ гааяаважийманогаммаанам̣ сад̣̇д̇хаад̣̇ибан̃жинд̣̇рияаанан̃жа васзна жуд̣̇д̣̇асавид̇хасса суд̇д̇аад̇хидтаанасса вибхааг̇аважанад̇о жуд̣̇д̣̇асавид̇ханд̇и ад̇т̇о. сзсам̣ сувин̃н̃зяяанд̇и на бабан̃жид̇ам̣.
Puggalattayaniddesatoti ugghaṭitaññuādi puggalattayaniddesato. Tividhakalyāṇavibhāgatoti ādikalyāṇādivibhāgato. Mūlagītianugītisaṅgītibhedatoti paṭhamaṃ vacanaṃ mūlagīti, vuttasseva atthassa saṅgahagāthā anugīti, taṃtaṃsuttatthayojanavasena vippakiṇṇassa pakaraṇassa saṅgāyanaṃ saṅgīti, sā therassa parato pavattitāti veditabbā, etāsaṃ tissannaṃ bhedato tividhanti attho. Pañcakkhandhaniddesatoti rūpādipañcakkhandhasīlādipañcadhammakkhandhaniddesato pañcavidhanti attho. Suttādhiṭṭhānavibhāgatoti lobhadosamohānaṃ alobhādosāmohānaṃ kāyavacīmanokammānaṃ saddhādipañcindriyānañca vasena cuddasavidhassa suttādhiṭṭhānassa vibhāgavacanato cuddasavidhanti attho. Sesaṃ suviññeyyanti na papañcitaṃ.
Related texts:
дийгаа • Tīkā / суд̇д̇абидага (дийгаа) • Suttapiṭaka (ṭīkā) / куд̣̇д̣̇аганигааяа (дийгаа) • Khuddakanikāya (ṭīkā) / нзд̇д̇иббагаран̣а-дийгаа • Nettippakaraṇa-ṭīkā / г̇ант̇аарамбхагат̇ааван̣н̣анаа • Ganthārambhakathāvaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / куд̣̇д̣̇аганигааяа (дийгаа) • Khuddakanikāya (ṭīkā) / нзд̇д̇ивибхаавиний • Nettivibhāvinī / г̇ант̇аарамбхагат̇аа • Ganthārambhakathā
