A World of Knowledge
    Library / Tipiṭaka / д̇ибидага • Tipiṭaka / куд̣̇д̣̇асигкаа-мууласигкаа • Khuddasikkhā-mūlasikkhā

    г̇ант̇аарамбхагат̇ааван̣н̣анаа

    Ganthārambhakathāvaṇṇanā

    (га) зд̇т̇ааха – гимад̇т̇амаад̣̇ид̇овааяам̣ г̇аат̇аа нигкид̇д̇аа, нану яат̇аад̇хиббзд̇амзва багаран̣амаарабханийяанд̇и? вужжад̇з – саббаяож̇анад̇д̇аа . саббаяож̇анан̃хи д̇ам̣д̣̇ассанам̣ д̇ааяа рад̇анад̇д̇аяаббан̣аамаабхид̇хзяяагаран̣аббагаараббаяож̇анаабхид̇хаанасанд̣̇ассанад̇о. д̇аани жа бана саббаяож̇анаани ананд̇арааязна г̇ант̇абарисамаабанаад̣̇иббаяож̇анаанамабхинибпаад̣̇анад̇о. д̇ат̇аа хи сод̇уунамад̇д̇ано жа яат̇аад̇хиббзд̇ад̇т̇анибпаад̣̇анам̣ рад̇анад̇д̇аяаббан̣аамагаран̣аббаяож̇анам̣. вид̣̇ид̇аабхид̇хзяяасса г̇ант̇асса вин̃н̃уунамаад̣̇аран̣ийяад̇аа абхид̇хзяяагат̇анаббаяож̇анам̣. сод̇уж̇анасамуссаахаж̇ананам̣ гаран̣аббагаараббаяож̇анагат̇анаббаяож̇анам̣. вохаарасукад̇аа бана абхид̇хаанагат̇анаббаяож̇анам̣.

    (Ka) etthāha – kimatthamāditovāyaṃ gāthā nikkhittā, nanu yathādhippetameva pakaraṇamārabhanīyanti? Vuccate – sappayojanattā . Sappayojanañhi taṃdassanaṃ tāya ratanattayappaṇāmābhidheyyakaraṇappakārappayojanābhidhānasandassanato. Tāni ca pana sappayojanāni anantarāyena ganthaparisamāpanādippayojanānamabhinipphādanato. Tathā hi sotūnamattano ca yathādhippetatthanipphādanaṃ ratanattayappaṇāmakaraṇappayojanaṃ. Viditābhidheyyassa ganthassa viññūnamādaraṇīyatā abhidheyyakathanappayojanaṃ. Sotujanasamussāhajananaṃ karaṇappakārappayojanakathanappayojanaṃ. Vohārasukhatā pana abhidhānakathanappayojanaṃ.

    д̇ад̇т̇а ванд̣̇ид̇ваа рад̇анад̇д̇аяанд̇и иминаа рад̇анад̇д̇аяаббан̣аамо д̣̇ассид̇о, куд̣̇д̣̇асигканд̇и иминаа куд̣̇д̣̇абхууд̇аанам̣ сигкаанам̣ ид̇ха бадибаад̣̇зд̇аб̣б̣ад̇аад̣̇ийбанзна абхид̇хзяяам̣, абхид̇хзяяо жа наамзса самуд̣̇ид̇зна сад̇т̇зна важанийяад̇т̇од̇и. абхид̇хаанан̃жа бана иминаава д̣̇ассид̇ам̣ д̇зна ад̇т̇аануг̇ад̇асаман̃н̃аабарид̣̇ийбанад̇о. самаад̇иганд̇и иминаа гаран̣аббагааро, куд̣̇д̣̇асигканд̇и иминаа жа, д̇зна куд̣̇д̣̇абхууд̇аанам̣ сигкаанам̣ ид̇ха д̣̇ассзд̇аб̣б̣абхааваббагаасанад̇о. аад̣̇ид̇о убасамбанна сигкид̇аб̣б̣анд̇и иминаа баяож̇анабаяож̇анам̣ бана иминаава саамад̇т̇ияад̇о д̣̇ассид̇амзва, д̇аасам̣ сигкид̇аб̣б̣аббагаасанзна хи сигканз сад̇и д̇аммуулигааяа д̣̇идтад̇хаммигасамбарааяигад̇т̇анибпад̇д̇ияаа сам̣сиж̇жханад̇о. багаран̣аббаяож̇анаанам̣ саад̇ханасаад̇хияалагкан̣о самб̣анд̇хо д̇анниссаяад̣̇ассанзнзва д̣̇ассид̇оязваад̇и аяамзд̇т̇а самуд̣̇ааяад̇т̇о.

    Tattha vanditvā ratanattayanti iminā ratanattayappaṇāmo dassito, khuddasikkhanti iminā khuddabhūtānaṃ sikkhānaṃ idha paṭipādetabbatādīpanena abhidheyyaṃ, abhidheyyo ca nāmesa samuditena satthena vacanīyatthoti. Abhidhānañca pana imināva dassitaṃ tena atthānugatasamaññāparidīpanato. Samātikanti iminā karaṇappakāro, khuddasikkhanti iminā ca, tena khuddabhūtānaṃ sikkhānaṃ idha dassetabbabhāvappakāsanato. Ādito upasampanna sikkhitabbanti iminā payojanapayojanaṃ pana imināva sāmatthiyato dassitameva, tāsaṃ sikkhitabbappakāsanena hi sikkhane sati tammūlikāya diṭṭhadhammikasamparāyikatthanipphattiyā saṃsijjhanato. Pakaraṇappayojanānaṃ sādhanasādhiyalakkhaṇo sambandho tannissayadassaneneva dassitoyevāti ayamettha samudāyattho.

    аяам̣ банзд̇т̇ааваяавад̇т̇о – рад̇анад̇д̇аяам̣ ванд̣̇ид̇ваа куд̣̇д̣̇асигкам̣ бавагкаамийд̇и самб̣анд̇хо. рад̇иж̇ананадтзна рад̇анаани, б̣уд̣̇д̇хад̇хаммасан̇гхаанамзд̇ам̣ ад̇хиважанам̣. ат̇а ваа жид̇д̇ийгад̇аад̣̇инаа гааран̣зна рад̇анаани, б̣уд̣̇д̇хаад̣̇аяова рад̇анаани. д̇ат̇аа жа вуд̇д̇ам̣ –

    Ayaṃ panetthāvayavattho – ratanattayaṃ vanditvā khuddasikkhaṃ pavakkhāmīti sambandho. Ratijananaṭṭhena ratanāni, buddhadhammasaṅghānametaṃ adhivacanaṃ. Atha vā cittīkatādinā kāraṇena ratanāni, buddhādayova ratanāni. Tathā ca vuttaṃ –

    ‘‘жид̇д̇ийгад̇ам̣ махаг̇гхан̃жа, ад̇улам̣ д̣̇уллабхад̣̇ассанам̣;

    ‘‘Cittīkataṃ mahagghañca, atulaṃ dullabhadassanaṃ;

    аномасад̇д̇абарибхог̇ам̣, рад̇анам̣ д̇зна вужжад̇ий’’д̇и. (д̣̇ий. ни. адта. 2.33; сам̣. ни. адта. 3.5.223; ку. баа. адта. 3; су. ни. адта. 1.226; уд̣̇аа. адта. 45; махаани. адта. 50);

    Anomasattaparibhogaṃ, ratanaṃ tena vuccatī’’ti. (dī. ni. aṭṭha. 2.33; saṃ. ni. aṭṭha. 3.5.223; khu. pā. aṭṭha. 3; su. ni. aṭṭha. 1.226; udā. aṭṭha. 45; mahāni. aṭṭha. 50);

    д̇аяо аваяаваа ассаад̇и д̇аяам̣, самуд̣̇ааяаабзгкам̣ згаважанам̣, аваяававинимуд̇д̇асса бана самуд̣̇ааяасса абхаавад̇о д̇ийн̣и зва рад̇анаани вужжанд̇и. рад̇анаанам̣ д̇аяам̣ рад̇анад̇д̇аяам̣. ванд̣̇ид̇ваад̇и д̇ийхи д̣̇ваарзхи намассид̇ваа. ‘‘д̇иссо имаа, бхигкавз, ванд̣̇анаа гааязна ванд̣̇ад̇и, важасаа ванд̣̇ад̇и, манасаа ванд̣̇ад̇ий’’д̇и (а. ни. 3.155) хи вуд̇д̇ам̣. д̇ад̇т̇а вин̃н̃ад̇д̇им̣ ануббаад̣̇зд̇ваа гзвалам̣ рад̇анад̇д̇аяаг̇ун̣аануссаран̣авасзна манод̣̇ваарз б̣ахулаббавад̇д̇аа гусалажзд̇анаа манод̣̇ваараванд̣̇анаа. д̇ам̣ д̇ам̣ вин̃н̃ад̇д̇им̣ уббаад̣̇зд̇ваа бана бавад̇д̇аа гааяаважийд̣̇ваараванд̣̇анаа. сигкид̇аб̣б̣аад̇и сигкаа, ад̇хисийлаад̇хижид̇д̇аад̇хибан̃н̃аавасзна д̇иссо сигкаа. сигканан̃жзд̇т̇а яат̇ааггамам̣ сийлаад̣̇ид̇хаммаанам̣ сам̣варан̣авасзна, згаарамман̣з жид̇д̇ажзд̇асигаанам̣ самаад̇хаанавасзна, аарамман̣аж̇аананалагкан̣аббадивзд̇хамаг̇г̇абаад̇убхаавабаабанавасзна жа аасзванам̣ д̣̇адтаб̣б̣ам̣. ан̃н̃ад̇т̇а б̣ахувид̇хаа сигкаа, ид̇ха д̇у сан̇кзбанаяад̇д̇аа аббагаад̣̇ианзгад̇т̇асамбхавзби куд̣̇д̣̇а-сад̣̇д̣̇асса аббагад̇т̇овзд̇т̇а яуд̇д̇ад̇арод̇и куд̣̇д̣̇аа аббагаа сигкаад̇и куд̣̇д̣̇асигкаа. ид̇ха бана куд̣̇д̣̇асигкааббагаасаго г̇ант̇о д̇аб̣б̣охааруубажаарад̇о ид̇т̇илин̇г̇авасзна ‘‘куд̣̇д̣̇асигкаа’’д̇и вужжад̇и яат̇аа ‘‘варун̣аанаг̇ара’’нд̇и. д̇ам̣ куд̣̇д̣̇асигкам̣. бавагкаамийд̇и гат̇зссаами.

    Tayo avayavā assāti tayaṃ, samudāyāpekkhaṃ ekavacanaṃ, avayavavinimuttassa pana samudāyassa abhāvato tīṇi eva ratanāni vuccanti. Ratanānaṃ tayaṃ ratanattayaṃ. Vanditvāti tīhi dvārehi namassitvā. ‘‘Tisso imā, bhikkhave, vandanā kāyena vandati, vacasā vandati, manasā vandatī’’ti (a. ni. 3.155) hi vuttaṃ. Tattha viññattiṃ anuppādetvā kevalaṃ ratanattayaguṇānussaraṇavasena manodvāre bahulappavattā kusalacetanā manodvāravandanā. Taṃ taṃ viññattiṃ uppādetvā pana pavattā kāyavacīdvāravandanā. Sikkhitabbāti sikkhā, adhisīlaadhicittaadhipaññāvasena tisso sikkhā. Sikkhanañcettha yathākkamaṃ sīlādidhammānaṃ saṃvaraṇavasena, ekārammaṇe cittacetasikānaṃ samādhānavasena, ārammaṇajānanalakkhaṇappaṭivedhamaggapātubhāvapāpanavasena ca āsevanaṃ daṭṭhabbaṃ. Aññattha bahuvidhā sikkhā, idha tu saṅkhepanayattā appakādianekatthasambhavepi khudda-saddassa appakatthovettha yuttataroti khuddā appakā sikkhāti khuddasikkhā. Idha pana khuddasikkhāppakāsako gantho tabbohārūpacārato itthiliṅgavasena ‘‘khuddasikkhā’’ti vuccati yathā ‘‘varuṇānagara’’nti. Taṃ khuddasikkhaṃ. Pavakkhāmīti kathessāmi.

    гийд̣̇исанд̇и ааха ‘‘аад̣̇ид̇о убасамбаннасигкид̇аб̣б̣а’’нд̇иаад̣̇и. аад̣̇и-сад̣̇д̣̇ояамад̇т̇и аваяававажано яат̇аа ‘‘саб̣б̣аад̣̇ийни саб̣б̣анаамааний’’д̇и. ад̇т̇и абаад̣̇аанаважано яат̇аа ‘‘баб̣б̣ад̇аад̣̇ийни кзд̇д̇ааний’’д̇и. д̇ад̇т̇ааваяававаажий гаммасаад̇хано ‘‘аад̣̇ияад̇ийд̇яаад̣̇ий’’д̇и. ид̇аро абаад̣̇аанасаад̇хано ‘‘аад̣̇ияад̇и зд̇асмаад̇яаад̣̇ий’’д̇и . д̇ад̇т̇а яо аваяававажано, д̇ассзд̣̇ам̣ г̇ахан̣ам̣, д̇асмаа убасамбаннагкан̣амби анд̇о гад̇ваа аад̣̇ибхууд̇аа убасамбаннагкан̣ад̇оязва бадтааяаад̇и звамзд̇т̇а ад̇т̇о д̣̇адтаб̣б̣о. зва-сад̣̇д̣̇о банзд̇т̇а саб̣б̣аваагяаанам̣ авад̇хааран̣апалад̇д̇аа лаб̣бхад̇и. д̇о-бажжаяо авад̇химхиязва , на аад̇хаарз. д̇ад̇т̇а хи д̇обажжаяз аад̇хаарз вад̇д̇амаанз аад̣̇имхиязва маж̇жхаанд̇аанам̣ аваяавабхууд̇з убасамбаннагкан̣зязваад̇и ад̇т̇о бхавзяяа, д̇ат̇аа сад̇и авад̇хааран̣анижчаяо нияамод̇и ад̇т̇анд̇арад̇д̇аа аад̣̇игкан̣анияамзна маж̇жхаад̣̇аяо нивад̇д̇иязяяум̣. абаад̣̇аанаважанассааби г̇ахан̣з авад̇хибхууд̇о убасамбаннагкан̣о нивад̇д̇иязяяа ‘‘баб̣б̣ад̇аад̣̇ийни кзд̇д̇ааний’’д̇и зд̇т̇а аад̣̇ибхууд̇абаб̣б̣ад̇абарижжааг̇зна кзд̇д̇аг̇г̇ахан̣ам̣ вияаад̇и д̣̇адтаб̣б̣ам̣. дийгааяам̣ бана аад̇хаарад̇т̇оби вуд̇д̇о, со яат̇аавуд̇д̇ад̣̇осам̣ наад̇иг̇ажчад̇и. саб̣б̣ад̇т̇а ‘‘дийгааяа’’нд̇и жа вуд̇д̇з зд̇т̇зва бураан̣адийгааяанд̇и г̇ахзд̇аб̣б̣ам̣. аад̣̇ид̇од̇и иминаа ид̣̇ам̣ д̣̇ийбзд̇и – ад̇ид̣̇уллабхам̣ кан̣асамавааяам̣ лабхид̇ваа ааласияад̣̇осзна аббадибаж̇ж̇анд̇зхи жа ан̃н̃аан̣ад̣̇осзна ан̃н̃ат̇аа бадибаж̇ж̇анд̇зхи жа ахуд̇ваа аад̣̇ид̇о бадтааяа ниранд̇арамзва д̇ийсу сигкаасу саммаабадибаж̇ж̇анавасзна аад̣̇аро ж̇анзд̇аб̣б̣од̇и.

    Kīdisanti āha ‘‘ādito upasampannasikkhitabba’’ntiādi. Ādi-saddoyamatthi avayavavacano yathā ‘‘sabbādīni sabbanāmānī’’ti. Atthi apādānavacano yathā ‘‘pabbatādīni khettānī’’ti. Tatthāvayavavācī kammasādhano ‘‘ādiyatītyādī’’ti. Itaro apādānasādhano ‘‘ādiyati etasmātyādī’’ti . Tattha yo avayavavacano, tassedaṃ gahaṇaṃ, tasmā upasampannakkhaṇampi anto katvā ādibhūtā upasampannakkhaṇatoyeva paṭṭhāyāti evamettha attho daṭṭhabbo. Eva-saddo panettha sabbavākyānaṃ avadhāraṇaphalattā labbhati. To-paccayo avadhimhiyeva , na ādhāre. Tattha hi topaccaye ādhāre vattamāne ādimhiyeva majjhaantānaṃ avayavabhūte upasampannakkhaṇeyevāti attho bhaveyya, tathā sati avadhāraṇanicchayo niyamoti atthantarattā ādikkhaṇaniyamena majjhādayo nivattiyeyyuṃ. Apādānavacanassāpi gahaṇe avadhibhūto upasampannakkhaṇo nivattiyeyya ‘‘pabbatādīni khettānī’’ti ettha ādibhūtapabbatapariccāgena khettaggahaṇaṃ viyāti daṭṭhabbaṃ. Ṭīkāyaṃ pana ādhāratthopi vutto, so yathāvuttadosaṃ nātigacchati. Sabbattha ‘‘ṭīkāya’’nti ca vutte ettheva purāṇaṭīkāyanti gahetabbaṃ. Āditoti iminā idaṃ dīpeti – atidullabhaṃ khaṇasamavāyaṃ labhitvā ālasiyadosena appaṭipajjantehi ca aññāṇadosena aññathā paṭipajjantehi ca ahutvā ādito paṭṭhāya nirantarameva tīsu sikkhāsu sammāpaṭipajjanavasena ādaro janetabboti.

    убасамбаннзна убасамбаннааяа жа сигкид̇аб̣б̣ам̣ аасзвид̇аб̣б̣анд̇и убасамбаннасигкид̇аб̣б̣ам̣, згасзсанаязна убасамбаннад̇аасааман̃н̃зна ваа убасамбаннааяаби зд̇т̇зваавирод̇ход̇и убасамбаннзна сигкид̇аб̣б̣анд̇и самаасо. нану ад̇хисийлаад̣̇аяова сигкид̇аб̣б̣аа, звам̣ сад̇и гат̇ам̣ багаран̣ам̣ сигкид̇аб̣б̣ад̇д̇зна вуд̇д̇анд̇и? нааяам̣ д̣̇осо, сигкааяа сигкид̇аб̣б̣ад̇д̇з сад̇и д̇ад̣̇д̣̇ийбагаг̇ант̇ассааби аасзвид̇аб̣б̣ад̇аа аабаж̇ж̇ад̇ийд̇и. сукаг̇г̇ахан̣ад̇т̇ам̣ вад̇д̇аб̣б̣авинижчаяам̣ сагаламби сан̇г̇ахзд̇ваа маад̇игааяа табанад̇о саха маад̇игааяаад̇и самаад̇игам̣. д̇аг̇г̇ун̣асам̣вин̃н̃аан̣ояам̣ б̣ахуб̣б̣ийхи д̇асса куд̣̇д̣̇асигкаасан̇каад̇асса ан̃н̃абад̣̇ад̇т̇асса яо г̇ун̣о маад̇игаасан̇каад̇ам̣ висзсанам̣, д̇асса ид̇ха вин̃н̃ааяамаанад̇д̇аа. сукзнзва хи г̇ахан̣ам̣ сияаа маад̇игаанусаарзна д̇ам̣ д̇ам̣ винижчаяам̣ ологзнд̇аанам̣ сам̣саяаабаг̇амад̇о.

    Upasampannena upasampannāya ca sikkhitabbaṃ āsevitabbanti upasampannasikkhitabbaṃ, ekasesanayena upasampannatāsāmaññena vā upasampannāyapi etthevāvirodhoti upasampannena sikkhitabbanti samāso. Nanu adhisīlādayova sikkhitabbā, evaṃ sati kathaṃ pakaraṇaṃ sikkhitabbattena vuttanti? Nāyaṃ doso, sikkhāya sikkhitabbatte sati taddīpakaganthassāpi āsevitabbatā āpajjatīti. Sukhaggahaṇatthaṃ vattabbavinicchayaṃ sakalampi saṅgahetvā mātikāya ṭhapanato saha mātikāyāti samātikaṃ. Tagguṇasaṃviññāṇoyaṃ bahubbīhi tassa khuddasikkhāsaṅkhātassa aññapadatthassa yo guṇo mātikāsaṅkhātaṃ visesanaṃ, tassa idha viññāyamānattā. Sukheneva hi gahaṇaṃ siyā mātikānusārena taṃ taṃ vinicchayaṃ olokentānaṃ saṃsayāpagamato.





    © 1991-2025 The Titi Tudorancea Bulletin | Titi Tudorancea® is a Registered Trademark | Terms of use and privacy policy
    Contact