| Library / Tipiṭaka / д̇ибидага • Tipiṭaka / бан̃жабагаран̣а-мууладийгаа • Pañcapakaraṇa-mūlaṭīkā |
намо д̇асса бхаг̇авад̇о арахад̇о саммаасамб̣уд̣̇д̇хасса
Namo tassa bhagavato arahato sammāsambuddhassa
яамагабагаран̣а-мууладийгаа
Yamakapakaraṇa-mūlaṭīkā
г̇ант̇аарамбхаван̣н̣анаа
Ganthārambhavaṇṇanā
гат̇аавад̇т̇убагаран̣зна сан̇кзбзнзва д̣̇зсид̇зна д̇хаммзсу вибарийд̇аг̇г̇ахан̣ам̣ ниваарзд̇ваа д̇зсвзва д̇хаммзсу д̇хаммасан̇г̇ахаад̣̇ийсу багаасид̇зсу д̇хаммабуг̇г̇алогаасаад̣̇иниссаяаанам̣ саннидтаанасам̣саяаанам̣ васзна наанаббагаарагаосаллад̇т̇ам̣ яамагабагаран̣ам̣ аарад̣̇д̇хам̣, д̇ам̣ самаяад̣̇зсад̣̇зсагавасзнзва д̣̇ассзд̇ваа сам̣ван̣н̣анааггаман̃жасса ануббад̇д̇ам̣ ‘‘ааг̇ад̇о бхааро авассам̣ вахид̇аб̣б̣о’’д̇и сам̣ван̣н̣анамасса бадиж̇аананд̇о ааха ‘‘сан̇кзбзнзваа’’д̇иаад̣̇и.
Kathāvatthupakaraṇena saṅkhepeneva desitena dhammesu viparītaggahaṇaṃ nivāretvā tesveva dhammesu dhammasaṅgahādīsu pakāsitesu dhammapuggalokāsādinissayānaṃ sanniṭṭhānasaṃsayānaṃ vasena nānappakārakaosallatthaṃ yamakapakaraṇaṃ āraddhaṃ, taṃ samayadesadesakavaseneva dassetvā saṃvaṇṇanākkamañcassa anuppattaṃ ‘‘āgato bhāro avassaṃ vahitabbo’’ti saṃvaṇṇanamassa paṭijānanto āha ‘‘saṅkhepenevā’’tiādi.
д̇ад̇т̇а яамасса висаяаад̇ийд̇од̇и ж̇аад̇ияаа сад̇и маран̣ам̣ ход̇ийд̇и ж̇аад̇и, бан̃жа ваа убаад̣̇аанагканд̇хаа яамасса висаяо, д̇ам̣ самуд̣̇аяаббахаанзна ад̇ийд̇од̇и ад̇т̇о. яамасса ваа ран̃н̃о висаяам̣ маран̣ам̣, д̇асса аан̣аабавад̇д̇идтаанам̣ д̣̇зсам̣ ваа ад̇ийд̇о. ‘‘чажжаабхитаанаани абхаб̣б̣а гаад̇у’’нд̇и (ку. баа. 6.11; су. ни. 234) вуд̇д̇аанам̣ чаннам̣ абхаб̣б̣адтаанаанам̣ д̣̇зсагод̇и чадтаанад̣̇зсаго . аяамаа згзгаа худ̇ваа аавад̇д̇аа нийлаа амалаа жа д̇анурухаа ассаад̇и аяамаавад̇д̇анийлаамалад̇анурухо.
Tattha yamassa visayātītoti jātiyā sati maraṇaṃ hotīti jāti, pañca vā upādānakkhandhā yamassa visayo, taṃ samudayappahānena atītoti attho. Yamassa vā rañño visayaṃ maraṇaṃ, tassa āṇāpavattiṭṭhānaṃ desaṃ vā atīto. ‘‘Chaccābhiṭhānāni abhabba kātu’’nti (khu. pā. 6.11; su. ni. 234) vuttānaṃ channaṃ abhabbaṭṭhānānaṃ desakoti chaṭṭhānadesako. Ayamā ekekā hutvā āvattā nīlā amalā ca tanuruhā assāti ayamāvattanīlāmalatanuruho.
г̇ант̇аарамбхаван̣н̣анаа нидтид̇аа.
Ganthārambhavaṇṇanā niṭṭhitā.
