| Library / Tipiṭaka / д̇ибидага • Tipiṭaka / бан̃жабагаран̣а-анудийгаа • Pañcapakaraṇa-anuṭīkā |
намо д̇асса бхаг̇авад̇о арахад̇о саммаасамб̣уд̣̇д̇хасса
Namo tassa bhagavato arahato sammāsambuddhassa
яамагабагаран̣а-анудийгаа
Yamakapakaraṇa-anuṭīkā
г̇ант̇аарамбхаван̣н̣анаа
Ganthārambhavaṇṇanā
сан̇кзбзнзваад̇и уд̣̇д̣̇зсзнзва. яам̣ ‘‘маад̇игаатабана’’нд̇и вуд̇д̇ам̣. д̇хаммзсууд̇и канд̇хаад̣̇ид̇хаммзсу гусалаад̣̇ид̇хаммзсу жа. авибарийд̇ад̇о г̇ахид̇зсу д̇хаммзсу муулаяамагаад̣̇ивасзна бавад̇д̇ияамаанаа д̣̇зсанаа взнзяяаанам̣ наанаббагаарагосаллаавахаа барин̃н̃аагижжасаад̇ханий жа ход̇и, на вибарийд̇ад̇од̇и ааха ‘‘вибарийд̇аг̇г̇ахан̣ам̣…бз… аарад̣̇д̇ха’’нд̇и. зд̇зна гат̇аавад̇т̇убагаран̣ад̣̇зсанаананд̇арам̣ яамагабагаран̣ад̣̇зсанааяа гааран̣амааха. д̇ад̇т̇а вибарийд̇аг̇г̇ахан̣анд̇и буг̇г̇алабариг̇г̇ахан̣аад̣̇имижчааг̇аахам̣. д̇хаммабуг̇г̇алогаасаад̣̇иниссаяаананд̇и ‘‘яз гзжи гусалаа д̇хаммаа, саб̣б̣з д̇з гусаламуулаа’’д̇иаад̣̇инаа (яама. 1.муулаяамага.1) д̇хаммз, ‘‘яасса руубагканд̇хо уббаж̇ж̇ад̇и, д̇асса взд̣̇анаагканд̇хо уббаж̇ж̇ад̇ий’’д̇иаад̣̇инаа (яама. 1.канд̇хаяамага.50) буг̇г̇алам̣ ‘‘яад̇т̇а руубагканд̇хо уббаж̇ж̇ад̇и, д̇ад̇т̇а взд̣̇анаагканд̇хо уббаж̇ж̇ад̇ий’’д̇иаад̣̇инаа (яама. 1.канд̇хаяамага.51) огаасам̣ ниссааяа аараб̣бха бавад̇д̇аанам̣. аад̣̇и-сад̣̇д̣̇зна буг̇г̇алогаасауббаад̣̇анирод̇хад̇ад̣̇убхаяабарин̃н̃аад̣̇ийнам̣ сан̇г̇ахо д̣̇адтаб̣б̣о. саннидтаанасам̣саяаананд̇и баал̣иг̇ад̇ибадиважанасаруубад̣̇ассанабадигкибанабадисзд̇хананаязхи яат̇аабужчид̇асса ад̇т̇асса нижчаяагаран̣ам̣ саннидтаанам̣, д̇ад̣̇абхаавад̇о сам̣саяанам̣ сам̣саяо. д̇зсам̣ саннидтаанасам̣саяаанам̣.
Saṅkhepenevāti uddeseneva. Yaṃ ‘‘mātikāṭhapana’’nti vuttaṃ. Dhammesūti khandhādidhammesu kusalādidhammesu ca. Aviparītato gahitesu dhammesu mūlayamakādivasena pavattiyamānā desanā veneyyānaṃ nānappakārakosallāvahā pariññākiccasādhanī ca hoti, na viparītatoti āha ‘‘viparītaggahaṇaṃ…pe… āraddha’’nti. Etena kathāvatthupakaraṇadesanānantaraṃ yamakapakaraṇadesanāya kāraṇamāha. Tattha viparītaggahaṇanti puggalapariggahaṇādimicchāgāhaṃ. Dhammapuggalokāsādinissayānanti ‘‘ye keci kusalā dhammā, sabbe te kusalamūlā’’tiādinā (yama. 1.mūlayamaka.1) dhamme, ‘‘yassa rūpakkhandho uppajjati, tassa vedanākkhandho uppajjatī’’tiādinā (yama. 1.khandhayamaka.50) puggalaṃ ‘‘yattha rūpakkhandho uppajjati, tattha vedanākkhandho uppajjatī’’tiādinā (yama. 1.khandhayamaka.51) okāsaṃ nissāya ārabbha pavattānaṃ. Ādi-saddena puggalokāsauppādanirodhatadubhayapariññādīnaṃ saṅgaho daṭṭhabbo. Sanniṭṭhānasaṃsayānanti pāḷigatipaṭivacanasarūpadassanapaṭikkhipanapaṭisedhananayehi yathāpucchitassa atthassa nicchayakaraṇaṃ sanniṭṭhānaṃ, tadabhāvato saṃsayanaṃ saṃsayo. Tesaṃ sanniṭṭhānasaṃsayānaṃ.
гааман̃жзд̇т̇а д̇хаммабадиг̇г̇аахагаанам̣ сам̣саяабуб̣б̣агам̣ саннидтаананд̇и батамам̣ сам̣саяо вад̇д̇аб̣б̣о, д̣̇зсзнд̇асса бана бхаг̇авад̇о саннидтаанабуб̣б̣аго сам̣саяод̇и д̣̇ассанад̇т̇ам̣ аяам̣ бад̣̇аануггамо гад̇о. саб̣б̣ан̃хи барин̃н̃зяяам̣ хад̇т̇аамалагам̣ вияа бажжагкам̣ гад̇ваа тид̇асса д̇хаммасаамино на гад̇т̇ажи сам̣саяо, виссаж̇ж̇зд̇угаамад̇ааяа бана винзяяаж̇жхаасаяаг̇ад̇ам̣ сам̣саяам̣ д̣̇ассзнд̇о сам̣саяид̇авасзна бужчам̣ гарод̇ийд̇и звам̣ виссаж̇ж̇анабужчанавасзна на саннидтаанасам̣саяаа лаб̣бханд̇ийд̇и аяамад̇т̇о д̣̇ассид̇о, нижчид̇асам̣саяад̇хаммавасзнзва банзд̇т̇а саннидтаанасам̣саяаа взд̣̇ид̇аб̣б̣аа. д̇знааха адтагат̇ааяам̣ ‘‘гусалзсу гусалаа ну ко, на ну ко гусалаад̇и санд̣̇зхаабхаавад̇о’’д̇иаад̣̇и. д̇знзва жа ‘‘саннидтаанасам̣саяаана’’нд̇и, ‘‘саннидтаанасам̣саяавасзнаа’’д̇и жа батамам̣ саннидтаанаг̇г̇ахан̣ам̣ гад̇ам̣.
Kāmañcettha dhammapaṭiggāhakānaṃ saṃsayapubbakaṃ sanniṭṭhānanti paṭhamaṃ saṃsayo vattabbo, desentassa pana bhagavato sanniṭṭhānapubbako saṃsayoti dassanatthaṃ ayaṃ padānukkamo kato. Sabbañhi pariññeyyaṃ hatthāmalakaṃ viya paccakkhaṃ katvā ṭhitassa dhammasāmino na katthaci saṃsayo, vissajjetukāmatāya pana vineyyajjhāsayagataṃ saṃsayaṃ dassento saṃsayitavasena pucchaṃ karotīti evaṃ vissajjanapucchanavasena na sanniṭṭhānasaṃsayā labbhantīti ayamattho dassito, nicchitasaṃsayadhammavaseneva panettha sanniṭṭhānasaṃsayā veditabbā. Tenāha aṭṭhakathāyaṃ ‘‘kusalesu kusalā nu kho, na nu kho kusalāti sandehābhāvato’’tiādi. Teneva ca ‘‘sanniṭṭhānasaṃsayāna’’nti, ‘‘sanniṭṭhānasaṃsayavasenā’’ti ca paṭhamaṃ sanniṭṭhānaggahaṇaṃ kataṃ.
д̇анд̇и яамагабагаран̣ам̣. д̇асса яз самаяаад̣̇аяо вад̇д̇аб̣б̣аа, д̇з гат̇аавад̇т̇убагаран̣ад̣̇зсанаананд̇аро д̣̇зсанаасамаяо, д̇аавад̇им̣сабхаванамзва д̣̇зсанаад̣̇зсо, гусалаагусаламуулаад̣̇ияамагаагаарзна д̣̇зсанаад̇и вибхааг̇ад̇о ‘‘сан̇кзбзнзваа’’д̇иаад̣̇иг̇аат̇аахи вибхаавид̇аа нимид̇д̇зна сад̣̇д̇хим̣ сам̣ван̣н̣анабадин̃н̃аа жаад̇и имамад̇т̇ам̣ д̣̇ассзнд̇о ‘‘самаяад̣̇зсад̣̇зсанаавасзнаа’’д̇иаад̣̇имааха. нимид̇д̇ан̃хзд̇ам̣ ид̇ха сам̣ван̣н̣анааяа, яад̣̇ид̣̇ам̣ гамаануббад̇д̇и ааг̇ад̇абхаараваахид̇аа жа бан̣д̣ид̇аанам̣ бан̣д̣ид̇агижжабхаавад̇о. д̇ад̇т̇а ануббад̇д̇ам̣ д̣̇ассзд̇ваад̇и самб̣анд̇хо.
Tanti yamakapakaraṇaṃ. Tassa ye samayādayo vattabbā, te kathāvatthupakaraṇadesanānantaro desanāsamayo, tāvatiṃsabhavanameva desanādeso, kusalākusalamūlādiyamakākārena desanāti vibhāgato ‘‘saṅkhepenevā’’tiādigāthāhi vibhāvitā nimittena saddhiṃ saṃvaṇṇanapaṭiññā cāti imamatthaṃ dassento ‘‘samayadesadesanāvasenā’’tiādimāha. Nimittañhetaṃ idha saṃvaṇṇanāya, yadidaṃ kamānuppatti āgatabhāravāhitā ca paṇḍitānaṃ paṇḍitakiccabhāvato. Tattha anuppattaṃ dassetvāti sambandho.
д̇ад̇т̇аад̇и д̇асмим̣ самаяаад̣̇ид̣̇ассанз. яаманам̣ убарамананд̇и яамо маран̣анд̇и ааха ‘‘ж̇аад̇ияаа сад̇и маран̣ам̣ ход̇ийд̇и…бз… висаяо’’д̇и. д̇ад̇т̇а яат̇аа ‘‘ж̇аад̇ияаа сад̇и маран̣ам̣ ход̇ий’’д̇и ж̇аад̇и яамасса висаяо, звам̣ ‘‘убаад̣̇аанагканд̇хзсу санд̇зсу маран̣ам̣ ход̇ий’’д̇и убаад̣̇аанагканд̇хаа яамасса висаяод̇и яож̇зд̇аб̣б̣ам̣. д̇з хи маран̣ад̇хамминод̇и. ануббад̇д̇амаран̣ам̣язва гиб̣б̣исагааринам̣ буг̇г̇алам̣ яамабурисаа вивид̇хаа гаммагааран̣аа гаронд̇и, на аббад̇д̇амаран̣анд̇и маран̣ам̣ яамасса висаяо вуд̇д̇о. аан̣аабавад̇д̇идтаананд̇и ид̣̇ам̣ висаяа-сад̣̇д̣̇асса ад̇т̇аважанам̣. д̣̇зсам̣ ваад̇и гаамаад̣̇ид̇хаад̇уд̇д̇аяад̣̇зсам̣ санд̇хааяааха. д̇хаад̇уд̇д̇аяиссаро хи мажжурааж̇аа. бан̃жаананд̇арияаани ан̃н̃асад̇т̇ааруд̣̇д̣̇зсо жа, д̇зна ваа сад̣̇д̇хим̣ бан̃жа взраани ча абхаб̣б̣адтаанаани. аавад̇д̇аад̇и бад̣̇агкин̣аавад̇д̇аа. д̇анурухаад̇и ломаа.
Tatthāti tasmiṃ samayādidassane. Yamanaṃ uparamananti yamo maraṇanti āha ‘‘jātiyā sati maraṇaṃ hotīti…pe… visayo’’ti. Tattha yathā ‘‘jātiyā sati maraṇaṃ hotī’’ti jāti yamassa visayo, evaṃ ‘‘upādānakkhandhesu santesu maraṇaṃ hotī’’ti upādānakkhandhā yamassa visayoti yojetabbaṃ. Te hi maraṇadhamminoti. Anuppattamaraṇaṃyeva kibbisakārinaṃ puggalaṃ yamapurisā vividhā kammakāraṇā karonti, na appattamaraṇanti maraṇaṃ yamassa visayo vutto. Āṇāpavattiṭṭhānanti idaṃ visaya-saddassa atthavacanaṃ. Desaṃ vāti kāmādidhātuttayadesaṃ sandhāyāha. Dhātuttayissaro hi maccurājā. Pañcānantariyāni aññasatthāruddeso ca, tena vā saddhiṃ pañca verāni cha abhabbaṭṭhānāni. Āvattāti padakkhiṇāvattā. Tanuruhāti lomā.
г̇ант̇аарамбхаван̣н̣анаа нидтид̇аа.
Ganthārambhavaṇṇanā niṭṭhitā.
