| Library / Tipiṭaka / д̇ибидага • Tipiṭaka / бан̃жабагаран̣а-анудийгаа • Pañcapakaraṇa-anuṭīkā |
намо д̇асса бхаг̇авад̇о арахад̇о саммаасамб̣уд̣̇д̇хасса
Namo tassa bhagavato arahato sammāsambuddhassa
бадтаанабагаран̣а-анудийгаа
Paṭṭhānapakaraṇa-anuṭīkā
г̇ант̇аарамбхаван̣н̣анаа
Ganthārambhavaṇṇanā
гаамаг̇ун̣аад̣̇ийхийд̇и гаамаг̇ун̣ажхаанаабхин̃н̃аажид̇д̇иссарияаад̣̇ийхи. лал̣анд̇ийд̇и лал̣ид̇аанубхаванавасзна раманд̇и. д̇зсууд̇и гаамаг̇ун̣аад̣̇ийсу. вихаранд̇ийд̇и ирияаабат̇абаривад̇д̇анаад̣̇инаа вад̇д̇анд̇и. бажжад̇т̇игзд̇и б̣аахираб̣бханд̇арабхзд̣̇з амид̇д̇з. иссарияам̣ д̇ад̇т̇а д̇ад̇т̇а аад̇хибад̇зяяам̣. таанам̣ сздтисзнаабад̇ияуварааж̇аад̣̇идтаананд̇арам̣. аад̣̇и-сад̣̇д̣̇зна бариваарабарижчзд̣̇аад̣̇и сан̇г̇аяхад̇и. бун̃н̃аяог̇аанубхааваббад̇д̇ааяаад̇и д̣̇аанамаяаад̣̇ибун̃н̃аанубхааваад̇хиг̇ад̇ааяа самат̇авибассанаабхааванаасан̇каад̇аяог̇аанубхааваад̇хиг̇ад̇ааяа жа. ж̇уд̇ияаад̇и сарийраббабхааяа жзва н̃аан̣аббабхааяа жа. зд̇т̇а жа д̣̇зва-сад̣̇д̣̇о яат̇аа гийл̣аавиж̇иг̇исаавохаараж̇уд̇иг̇ад̇иад̇т̇о, звам̣ сад̇д̇иабхид̇т̇авагаманад̇т̇оби ход̇и д̇хаад̇усад̣̇д̣̇аанам̣ анзгад̇т̇абхаавад̇од̇и ‘‘яад̣̇ижчид̇анибпаад̣̇анз саггонд̇ийд̇и ваа’’д̇иаад̣̇и вуд̇д̇ам̣.
Kāmaguṇādīhīti kāmaguṇajhānābhiññācittissariyādīhi. Laḷantīti laḷitānubhavanavasena ramanti. Tesūti kāmaguṇādīsu. Viharantīti iriyāpathaparivattanādinā vattanti. Paccatthiketi bāhirabbhantarabhede amitte. Issariyaṃ tattha tattha ādhipateyyaṃ. Ṭhānaṃ seṭṭhisenāpatiyuvarājādiṭṭhānantaraṃ. Ādi-saddena parivāraparicchedādi saṅgayhati. Puññayogānubhāvappattāyāti dānamayādipuññānubhāvādhigatāya samathavipassanābhāvanāsaṅkhātayogānubhāvādhigatāya ca. Jutiyāti sarīrappabhāya ceva ñāṇappabhāya ca. Ettha ca deva-saddo yathā kīḷāvijigisāvohārajutigatiattho, evaṃ sattiabhitthavakamanatthopi hoti dhātusaddānaṃ anekatthabhāvatoti ‘‘yadicchitanipphādane sakkontīti vā’’tiādi vuttaṃ.
ид̣̇д̇хивид̇хаад̣̇ид̇аамад̇д̇зна бхаг̇авад̇о абхин̃н̃аад̣̇ийнам̣ саавагзхи саад̇хааран̣ад̇ааважанам̣, сабхаавад̇о бана саб̣б̣зби б̣уд̣̇д̇хаг̇ун̣аа анан̃н̃асаад̇хааран̣ааязваад̇и д̣̇ассзнд̇о ‘‘нирад̇исаяааяа абхин̃н̃аагийл̣ааяа, уд̇д̇амзхи д̣̇иб̣б̣аб̣рахмаарияавихаарзхий’’д̇и ааха. жид̇д̇иссарияасад̇д̇ад̇ханаад̣̇ийнам̣ д̣̇аанасан̇каад̇зна саммаабадибад̇д̇иавзжжаббасаад̣̇асаггаараанам̣ г̇ахан̣асан̇каад̇знаад̇и яож̇анаа. г̇ахан̣ан̃жзд̇т̇а д̇зсу убалаб̣бхамаанасаммаабадибад̇д̇иавзжжаббасаад̣̇аанам̣ д̇зхи убанийяамаанасаггаарасса жа абхинанд̣̇анам̣ анумод̣̇анам̣ самбадижчанан̃жа взд̣̇ид̇аб̣б̣ам̣. д̇хаммасабхааваануруубаанусаасанийважанзнзва жа бана сигкаабад̣̇абан̃н̃ад̇д̇иби сан̇г̇ахид̇аад̇и д̣̇адтаб̣б̣аа вийд̇иггамад̇хаммаануруубаа анусаасанийд̇и гад̇ваа. н̃аан̣аг̇ад̇и н̃аан̣зна г̇анд̇аб̣б̣асса н̃зяяасса аваб̣од̇хо. саманнааг̇ад̇ад̇д̇аад̇и ид̣̇ам̣ ‘‘абхин̃н̃аагийл̣ааяаа’’д̇иаад̣̇ийсу бажжзгам̣ яож̇зд̇аб̣б̣ам̣, д̇ат̇аа сад̣̇звагзна логзнаад̇и ид̣̇ам̣ ‘‘г̇аманийяад̇о’’д̇иаад̣̇ийсу. д̇з д̣̇звзд̇и саммуд̇ид̣̇зваад̣̇игз д̣̇звз. д̇зхи г̇ун̣зхийд̇и абхин̃н̃аад̣̇иг̇ун̣зхи. бууж̇анийяад̇аро д̣̇звод̇и ид̣̇ам̣ бууж̇анийяабарияааяо аяам̣ ад̇и-сад̣̇д̣̇од̇и гад̇ваа вуд̇д̇ам̣. ад̇ирзгад̇арод̇и ад̇хигад̇аро. убабад̇д̇ид̣̇зваананд̇и ид̣̇ам̣ д̇аб̣б̣ахулад̇ааяа вуд̇д̇ам̣. висуд̣̇д̇хид̣̇звааби хи д̇ад̇т̇а виж̇ж̇анд̇зва, д̇зсуби ваа лаб̣бхамаанам̣ убабад̇д̇ид̣̇звабхаавамад̇д̇амзва г̇ахзд̇ваа д̇ат̇аа вуд̇д̇ам̣. бадибагкаанам̣ д̣̇уссийляамудтассажжавигкзбаанам̣, сийлавибад̇д̇иабхиж̇жхаад̣̇оманассаавасидтанийваран̣аанам̣ ваа.
Iddhividhāditāmattena bhagavato abhiññādīnaṃ sāvakehi sādhāraṇatāvacanaṃ, sabhāvato pana sabbepi buddhaguṇā anaññasādhāraṇāyevāti dassento ‘‘niratisayāya abhiññākīḷāya, uttamehi dibbabrahmaariyavihārehī’’ti āha. Cittissariyasattadhanādīnaṃ dānasaṅkhātena sammāpaṭipattiaveccappasādasakkārānaṃ gahaṇasaṅkhātenāti yojanā. Gahaṇañcettha tesu upalabbhamānasammāpaṭipattiaveccappasādānaṃ tehi upanīyamānasakkārassa ca abhinandanaṃ anumodanaṃ sampaṭicchanañca veditabbaṃ. Dhammasabhāvānurūpānusāsanīvacaneneva ca pana sikkhāpadapaññattipi saṅgahitāti daṭṭhabbā vītikkamadhammānurūpā anusāsanīti katvā. Ñāṇagati ñāṇena gantabbassa ñeyyassa avabodho. Samannāgatattāti idaṃ ‘‘abhiññākīḷāyā’’tiādīsu paccekaṃ yojetabbaṃ, tathā sadevakena lokenāti idaṃ ‘‘gamanīyato’’tiādīsu. Te deveti sammutidevādike deve. Tehi guṇehīti abhiññādiguṇehi. Pūjanīyataro devoti idaṃ pūjanīyapariyāyo ayaṃ ati-saddoti katvā vuttaṃ. Atirekataroti adhikataro. Upapattidevānanti idaṃ tabbahulatāya vuttaṃ. Visuddhidevāpi hi tattha vijjanteva, tesupi vā labbhamānaṃ upapattidevabhāvamattameva gahetvā tathā vuttaṃ. Paṭipakkhānaṃ dussīlyamuṭṭhassaccavikkhepānaṃ, sīlavipattiabhijjhādomanassaavasiṭṭhanīvaraṇānaṃ vā.
исийнам̣ сад̇д̇амо, исийсу сад̇д̇амод̇и д̣̇увид̇хамби ад̇т̇ам̣ яож̇зд̇ваа д̣̇ассзнд̇о ‘‘жад̇усажжааваб̣од̇хаг̇ад̇ияаа…бз… вуд̇д̇о’’д̇и ааха. сабарасанд̇аанзсу сийлаад̣̇иг̇ун̣аанам̣ зсанадтзна ваа исаяо, б̣уд̣̇д̇хаад̣̇аяо арияаа. иси жа со сад̇д̇амо жаад̇и исисад̇д̇амод̇и звамзд̇т̇а ад̇т̇о д̣̇адтаб̣б̣о. ‘‘наамаруубанирод̇ха’’нд̇и зд̇т̇а яам̣ наамаруубам̣ нирод̇хзд̇аб̣б̣ам̣, д̇ам̣ д̣̇ассзнд̇о ‘‘яад̇о вин̃н̃аан̣ам̣ бажжуд̣̇аавад̇д̇ад̇ий’’д̇и ааха. ваддабарияаабаннан̃хи наамаруубам̣ нирод̇хзд̇аб̣б̣ам̣. д̇асмин̃хи нирод̇хид̇з саб̣б̣асо наамаруубам̣ нирод̇хид̇амзва ход̇и. яат̇ааха ‘‘сод̇аабад̇д̇имаг̇г̇ан̃аан̣зна абхисан̇кааравин̃н̃аан̣асса нирод̇хзна сад̇д̇а бхавз табзд̇ваа анамад̇аг̇г̇з сам̣саарз яз уббаж̇ж̇зяяум̣ нааман̃жа руубан̃жа, зд̇т̇зд̇з нируж̇жханд̇и…бз… арахад̇о анубаад̣̇исзсааяа ниб̣б̣аанад̇хаад̇уяаа бариниб̣б̣ааяанд̇асса жаримавин̃н̃аан̣асса нирод̇хзна бан̃н̃аа жа сад̇и жа нааман̃жа руубан̃жа, зд̇т̇зд̇з нируж̇жханд̇и вуубасаманд̇и ад̇т̇ам̣ г̇ажчанд̇и бадиббассамбханд̇ий’’д̇и (жуул̣ани. аж̇ид̇амаан̣авабужчаанид̣̇д̣̇зса 6). ад̇иг̇амбхийранаяаман̣д̣ид̇ад̣̇зсанам̣ саад̇исаяам̣ бажжаяаагаарасса вибхааванад̇о. сабхаавад̇о жа бажжаяаагааро г̇амбхийро. яат̇ааха ‘‘ад̇хиг̇ад̇о ко мяааяам̣ д̇хаммо г̇амбхийро’’д̇иаад̣̇и (д̣̇ий. ни. 2.67; ма. ни. 1.281; 2.337; сам̣. ни. 1.172; махаава. 7, 8), ‘‘г̇амбхийро жааяам̣, аананд̣̇а , бадижжасамуббаад̣̇о г̇амбхийраавабхаасо’’д̇и (д̣̇ий. ни. 2.95; сам̣. ни. 2.60) жа аад̣̇и. д̇асса жааяам̣ ананд̇анаяабадтаанад̣̇зсанаа ад̇иг̇амбхийраава.
Isīnaṃ sattamo, isīsu sattamoti duvidhampi atthaṃ yojetvā dassento ‘‘catusaccāvabodhagatiyā…pe… vutto’’ti āha. Saparasantānesu sīlādiguṇānaṃ esanaṭṭhena vā isayo, buddhādayo ariyā. Isi ca so sattamo cāti isisattamoti evamettha attho daṭṭhabbo. ‘‘Nāmarūpanirodha’’nti ettha yaṃ nāmarūpaṃ nirodhetabbaṃ, taṃ dassento ‘‘yato viññāṇaṃ paccudāvattatī’’ti āha. Vaṭṭapariyāpannañhi nāmarūpaṃ nirodhetabbaṃ. Tasmiñhi nirodhite sabbaso nāmarūpaṃ nirodhitameva hoti. Yathāha ‘‘sotāpattimaggañāṇena abhisaṅkhāraviññāṇassa nirodhena satta bhave ṭhapetvā anamatagge saṃsāre ye uppajjeyyuṃ nāmañca rūpañca, etthete nirujjhanti…pe… arahato anupādisesāya nibbānadhātuyā parinibbāyantassa carimaviññāṇassa nirodhena paññā ca sati ca nāmañca rūpañca, etthete nirujjhanti vūpasamanti atthaṃ gacchanti paṭippassambhantī’’ti (cūḷani. ajitamāṇavapucchāniddesa 6). Atigambhīranayamaṇḍitadesanaṃ sātisayaṃ paccayākārassa vibhāvanato. Sabhāvato ca paccayākāro gambhīro. Yathāha ‘‘adhigato kho myāyaṃ dhammo gambhīro’’tiādi (dī. ni. 2.67; ma. ni. 1.281; 2.337; saṃ. ni. 1.172; mahāva. 7, 8), ‘‘gambhīro cāyaṃ, ānanda , paṭiccasamuppādo gambhīrāvabhāso’’ti (dī. ni. 2.95; saṃ. ni. 2.60) ca ādi. Tassa cāyaṃ anantanayapaṭṭhānadesanā atigambhīrāva.
г̇ант̇аарамбхаван̣н̣анаа нидтид̇аа.
Ganthārambhavaṇṇanā niṭṭhitā.
