Library / Tipiṭaka / д̇ибидага • Tipiṭaka / сам̣яуд̇д̇анигааяа • Saṃyuttanikāya

2. г̇ааравасуд̇д̇ам̣

2. Gāravasuttaṃ

173. звам̣ мз суд̇ам̣ – згам̣ самаяам̣ бхаг̇аваа урувзлааяам̣ вихарад̇и наж̇ж̇аа нзран̃ж̇арааяа д̇ийрз аж̇абааланиг̇род̇хамуулз батамаабхисамб̣уд̣̇д̇хо. ат̇а ко бхаг̇авад̇о рахог̇ад̇асса бадисаллийнасса звам̣ жзд̇асо баривид̇агго уд̣̇абаад̣̇и – ‘‘д̣̇угкам̣ ко аг̇аараво вихарад̇и аббад̇иссо, гам̣ ну кваахам̣ саман̣ам̣ ваа б̣раахман̣ам̣ ваа саггад̇ваа г̇арум̣ гад̇ваа ¹ убаниссааяа вихарзяяа’’нд̇и?

173. Evaṃ me sutaṃ – ekaṃ samayaṃ bhagavā uruvelāyaṃ viharati najjā nerañjarāya tīre ajapālanigrodhamūle paṭhamābhisambuddho. Atha kho bhagavato rahogatassa paṭisallīnassa evaṃ cetaso parivitakko udapādi – ‘‘dukkhaṃ kho agāravo viharati appatisso, kaṃ nu khvāhaṃ samaṇaṃ vā brāhmaṇaṃ vā sakkatvā garuṃ katvā ² upanissāya vihareyya’’nti?

ат̇а ко бхаг̇авад̇о зд̇ад̣̇ахоси – ‘‘абарибун̣н̣асса ко сийлагканд̇хасса баарибуурияаа ан̃н̃ам̣ саман̣ам̣ ваа б̣раахман̣ам̣ ваа саггад̇ваа г̇арум̣ гад̇ваа убаниссааяа вихарзяяам̣ . на ко банаахам̣ бассаами сад̣̇звагз логз самаарагз саб̣рахмагз сассаман̣аб̣раахман̣ияаа баж̇ааяа сад̣̇звамануссааяа ад̇д̇анаа сийласамбаннад̇арам̣ ан̃н̃ам̣ саман̣ам̣ ваа б̣раахман̣ам̣ ваа, яамахам̣ саггад̇ваа г̇арум̣ гад̇ваа убаниссааяа вихарзяяам̣.

Atha kho bhagavato etadahosi – ‘‘aparipuṇṇassa kho sīlakkhandhassa pāripūriyā aññaṃ samaṇaṃ vā brāhmaṇaṃ vā sakkatvā garuṃ katvā upanissāya vihareyyaṃ . Na kho panāhaṃ passāmi sadevake loke samārake sabrahmake sassamaṇabrāhmaṇiyā pajāya sadevamanussāya attanā sīlasampannataraṃ aññaṃ samaṇaṃ vā brāhmaṇaṃ vā, yamahaṃ sakkatvā garuṃ katvā upanissāya vihareyyaṃ.

‘‘абарибун̣н̣асса ко самаад̇хигканд̇хасса баарибуурияаа ан̃н̃ам̣ саман̣ам̣ ваа б̣раахман̣ам̣ ваа саггад̇ваа г̇арум̣ гад̇ваа убаниссааяа вихарзяяам̣. на ко банаахам̣ бассаами сад̣̇звагз логз…бз… ад̇д̇анаа самаад̇хисамбаннад̇арам̣ ан̃н̃ам̣ саман̣ам̣ ваа б̣раахман̣ам̣ ваа, яамахам̣ саггад̇ваа г̇арум̣ гад̇ваа убаниссааяа вихарзяяам̣.

‘‘Aparipuṇṇassa kho samādhikkhandhassa pāripūriyā aññaṃ samaṇaṃ vā brāhmaṇaṃ vā sakkatvā garuṃ katvā upanissāya vihareyyaṃ. Na kho panāhaṃ passāmi sadevake loke…pe… attanā samādhisampannataraṃ aññaṃ samaṇaṃ vā brāhmaṇaṃ vā, yamahaṃ sakkatvā garuṃ katvā upanissāya vihareyyaṃ.

‘‘абарибун̣н̣асса бан̃н̃аагканд̇хасса баарибуурияаа ан̃н̃ам̣ саман̣ам̣ ваа б̣раахман̣ам̣ ваа саггад̇ваа г̇арум̣ гад̇ваа убаниссааяа вихарзяяам̣. на ко банаахам̣ бассаами сад̣̇звагз…бз… ад̇д̇анаа бан̃н̃аасамбаннад̇арам̣ ан̃н̃ам̣ саман̣ам̣ ваа б̣раахман̣ам̣ ваа, яамахам̣ саггад̇ваа г̇арум̣ гад̇ваа убаниссааяа вихарзяяам̣.

‘‘Aparipuṇṇassa paññākkhandhassa pāripūriyā aññaṃ samaṇaṃ vā brāhmaṇaṃ vā sakkatvā garuṃ katvā upanissāya vihareyyaṃ. Na kho panāhaṃ passāmi sadevake…pe… attanā paññāsampannataraṃ aññaṃ samaṇaṃ vā brāhmaṇaṃ vā, yamahaṃ sakkatvā garuṃ katvā upanissāya vihareyyaṃ.

‘‘абарибун̣н̣асса ко вимуд̇д̇игканд̇хасса баарибуурияаа ан̃н̃ам̣ саман̣ам̣ ваа б̣раахман̣ам̣ ваа саггад̇ваа г̇арум̣ гад̇ваа убаниссааяа вихарзяяам̣. на ко банаахам̣ бассаами сад̣̇звагз…бз… ад̇д̇анаа вимуд̇д̇исамбаннад̇арам̣ ан̃н̃ам̣ саман̣ам̣ ваа б̣раахман̣ам̣ ваа, яамахам̣ саггад̇ваа г̇арум̣ гад̇ваа убаниссааяа вихарзяяам̣.

‘‘Aparipuṇṇassa kho vimuttikkhandhassa pāripūriyā aññaṃ samaṇaṃ vā brāhmaṇaṃ vā sakkatvā garuṃ katvā upanissāya vihareyyaṃ. Na kho panāhaṃ passāmi sadevake…pe… attanā vimuttisampannataraṃ aññaṃ samaṇaṃ vā brāhmaṇaṃ vā, yamahaṃ sakkatvā garuṃ katvā upanissāya vihareyyaṃ.

‘‘абарибун̣н̣асса ко вимуд̇д̇ин̃аан̣ад̣̇ассанагканд̇хасса баарибуурияаа ан̃н̃ам̣ саман̣ам̣ ваа б̣раахман̣ам̣ ваа саггад̇ваа г̇арум̣ гад̇ваа убаниссааяа вихарзяяам̣. на ко банаахам̣ бассаами сад̣̇звагз логз самаарагз саб̣рахмагз сассаман̣аб̣раахман̣ияаа баж̇ааяа сад̣̇звамануссааяа ад̇д̇анаа вимуд̇д̇ин̃аан̣ад̣̇ассанасамбаннад̇арам̣ ан̃н̃ам̣ саман̣ам̣ ваа б̣раахман̣ам̣ ваа, яамахам̣ саггад̇ваа г̇арум̣ гад̇ваа убаниссааяа вихарзяяам̣. яам̣нуунаахам̣ явааяам̣ д̇хаммо маяаа абхисамб̣уд̣̇д̇хо д̇амзва д̇хаммам̣ саггад̇ваа г̇арум̣ гад̇ваа убаниссааяа вихарзяяа’’нд̇и.

‘‘Aparipuṇṇassa kho vimuttiñāṇadassanakkhandhassa pāripūriyā aññaṃ samaṇaṃ vā brāhmaṇaṃ vā sakkatvā garuṃ katvā upanissāya vihareyyaṃ. Na kho panāhaṃ passāmi sadevake loke samārake sabrahmake sassamaṇabrāhmaṇiyā pajāya sadevamanussāya attanā vimuttiñāṇadassanasampannataraṃ aññaṃ samaṇaṃ vā brāhmaṇaṃ vā, yamahaṃ sakkatvā garuṃ katvā upanissāya vihareyyaṃ. Yaṃnūnāhaṃ yvāyaṃ dhammo mayā abhisambuddho tameva dhammaṃ sakkatvā garuṃ katvā upanissāya vihareyya’’nti.

ат̇а ко б̣рахмаа сахамбад̇и бхаг̇авад̇о жзд̇асаа жзд̇обаривид̇аггаман̃н̃ааяа – сзяяат̇ааби наама б̣алаваа бурисо самин̃ж̇ид̇ам̣ ваа б̣аахам̣ басаарзяяа басаарид̇ам̣ ваа б̣аахам̣ самин̃ж̇зяяа звамзва – б̣рахмалогз анд̇арахид̇о бхаг̇авад̇о бурад̇о баад̇урахоси. ат̇а ко б̣рахмаа сахамбад̇и згам̣сам̣ уд̇д̇араасан̇г̇ам̣ гарид̇ваа язна бхаг̇аваа д̇знан̃ж̇алим̣ бан̣аамзд̇ваа бхаг̇аванд̇ам̣ зд̇ад̣̇авожа – ‘‘звамзд̇ам̣ , бхаг̇аваа, звамзд̇ам̣, суг̇ад̇а! язби д̇з, бханд̇з, ахзсум̣ ад̇ийд̇амад̣̇д̇хаанам̣ араханд̇о саммаасамб̣уд̣̇д̇хаа, д̇зби бхаг̇аванд̇о д̇хамман̃н̃зва саггад̇ваа г̇арум̣ гад̇ваа убаниссааяа вихарим̣су; язби д̇з, бханд̇з, бхависсанд̇и анааг̇ад̇амад̣̇д̇хаанам̣ араханд̇о саммаасамб̣уд̣̇д̇хаа д̇зби бхаг̇аванд̇о д̇хамман̃н̃зва саггад̇ваа г̇арум̣ гад̇ваа убаниссааяа вихариссанд̇и. бхаг̇авааби, бханд̇з, зд̇арахи арахам̣ саммаасамб̣уд̣̇д̇хо д̇хамман̃н̃зва саггад̇ваа г̇арум̣ гад̇ваа убаниссааяа вихарад̇уу’’д̇и. ид̣̇амавожа б̣рахмаа сахамбад̇и, ид̣̇ам̣ вад̇ваа ат̇аабарам̣ зд̇ад̣̇авожа –

Atha kho brahmā sahampati bhagavato cetasā cetoparivitakkamaññāya – seyyathāpi nāma balavā puriso samiñjitaṃ vā bāhaṃ pasāreyya pasāritaṃ vā bāhaṃ samiñjeyya evameva – brahmaloke antarahito bhagavato purato pāturahosi. Atha kho brahmā sahampati ekaṃsaṃ uttarāsaṅgaṃ karitvā yena bhagavā tenañjaliṃ paṇāmetvā bhagavantaṃ etadavoca – ‘‘evametaṃ , bhagavā, evametaṃ, sugata! Yepi te, bhante, ahesuṃ atītamaddhānaṃ arahanto sammāsambuddhā, tepi bhagavanto dhammaññeva sakkatvā garuṃ katvā upanissāya vihariṃsu; yepi te, bhante, bhavissanti anāgatamaddhānaṃ arahanto sammāsambuddhā tepi bhagavanto dhammaññeva sakkatvā garuṃ katvā upanissāya viharissanti. Bhagavāpi, bhante, etarahi arahaṃ sammāsambuddho dhammaññeva sakkatvā garuṃ katvā upanissāya viharatū’’ti. Idamavoca brahmā sahampati, idaṃ vatvā athāparaṃ etadavoca –

‘‘яз жа ад̇ийд̇аа самб̣уд̣̇д̇хаа, яз жа б̣уд̣̇д̇хаа анааг̇ад̇аа;

‘‘Ye ca atītā sambuddhā, ye ca buddhā anāgatā;

яо жзд̇арахи самб̣уд̣̇д̇хо, б̣ахуунам̣ ³ соганаасано.

Yo cetarahi sambuddho, bahūnaṃ ⁴ sokanāsano.

‘‘саб̣б̣з сад̣̇д̇хаммаг̇аруно, вихам̣су ⁵ вихаранд̇и жа;

‘‘Sabbe saddhammagaruno, vihaṃsu ⁶ viharanti ca;

д̇ат̇ааби вихариссанд̇и, зсаа б̣уд̣̇д̇хаана д̇хаммад̇аа.

Tathāpi viharissanti, esā buddhāna dhammatā.

‘‘д̇асмаа хи ад̇д̇агаамзна ⁷, махад̇д̇амабхиган̇кад̇аа;

‘‘Tasmā hi attakāmena ⁸, mahattamabhikaṅkhatā;

сад̣̇д̇хаммо г̇аругаад̇аб̣б̣о, сарам̣ б̣уд̣̇д̇хаана саасана’’нд̇и.

Saddhammo garukātabbo, saraṃ buddhāna sāsana’’nti.

Next: 3. б̣рахмад̣̇звасуд̇д̇ам̣ • 3. Brahmadevasuttaṃ

Footnotes:

1. г̇аругад̇ваа (сий. сяаа. гам̣. бий.)

2. garukatvā (sī. syā. kaṃ. pī.)

3. б̣ахуннам̣ (сий. сяаа. гам̣. бий.)

4. bahunnaṃ (sī. syā. kaṃ. pī.)

5. вихарим̣су (сий. сяаа. гам̣. бий.)

6. vihariṃsu (sī. syā. kaṃ. pī.)

7. ад̇т̇агаамзна (сий. бий. га.)

8. atthakāmena (sī. pī. ka.)

Related texts:

адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 2. г̇ааравасуд̇д̇аван̣н̣анаа • 2. Gāravasuttavaṇṇanā

дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 2. г̇ааравасуд̇д̇аван̣н̣анаа • 2. Gāravasuttavaṇṇanā

© 1991-2023 The Titi Tudorancea Bulletin | Titi Tudorancea^® is a Registered Trademark | Terms of use and privacy policy
Contact