Library / Tipiṭaka / д̇ибидага • Tipiṭaka / винаяаалан̇гаара-дийгаа • Vinayālaṅkāra-ṭīkā

    32. г̇аругаабад̇д̇ивудтаанавинижчаяагат̇аа

    32. Garukāpattivuṭṭhānavinicchayakathā

    бадижчаннабариваасагат̇аа

    Paṭicchannaparivāsakathā

    236. звам̣ жод̣̇анаад̣̇ивинижчаяам̣ гат̇зд̇ваа ид̣̇аани г̇аругаабад̇д̇ивудтаанавинижчаяам̣ гат̇зд̇ум̣ ‘‘г̇аругаабад̇д̇ивудтаана’’нд̇иаад̣̇имааха. д̇ад̇т̇а г̇ару алахугам̣ бадигаран̣ам̣ зд̇иссаа аабад̇д̇ияаад̇и г̇аругаа, аабаж̇ж̇ид̇аб̣б̣аад̇и аабад̇д̇и, г̇аругаа жа саа аабад̇д̇и жаад̇и г̇аругаабад̇д̇и, вудтахад̇з вудтаанам̣, г̇аругаабад̇д̇ияаа вудтаанам̣ г̇аругаабад̇д̇и вудтаанам̣. гим̣ д̇ам̣? сан̇гхаад̣̇исзсаабад̇д̇ид̇о барисуд̣̇д̇хабхааво. д̇знааха ‘‘бариваасамаанад̇д̇аад̣̇ийхи винаяагаммзхи г̇аругаабад̇д̇ид̇о вудтаана’’нд̇и. гин̃жааби жад̇уб̣б̣ид̇хо бариваасо, аббадижчаннабариваасо бана ид̇ха наад̇хиббзд̇од̇и ааха ‘‘д̇ивид̇хо бариваасо’’д̇и. д̇ат̇аа хи вуд̇д̇ам̣ саманд̇абаасаад̣̇игааяам̣ (жуул̣ава. адта. 75) ‘‘д̇ад̇т̇а жад̇уб̣б̣ид̇хо бариваасо – аббадижчаннабариваасо бадижчаннабариваасо суд̣̇д̇ханд̇абариваасо самод̇хаанабариваасод̇и. д̇зсу ‘яо со, бхигкавз, ан̃н̃оби ан̃н̃ад̇ид̇т̇ияабуб̣б̣о имасмим̣ д̇хаммавинаяз ааган̇кад̇и баб̣б̣аж̇ж̇ам̣, ааган̇кад̇и убасамбад̣̇ам̣, д̇асса жад̇д̇ааро маасз бариваасо д̣̇аад̇аб̣б̣о’д̇и звам̣ махааканд̇хагз (махаава. 86) вуд̇д̇о д̇ид̇т̇ияабариваасо аббадижчаннабариваасо наама. д̇ад̇т̇а яам̣ вад̇д̇аб̣б̣ам̣, д̇ам̣ вуд̇д̇амзва. аяам̣ бана ид̇ха анад̇хиббзд̇о’’д̇и. ид̇о барам̣ адтагат̇ааяам̣ вуд̇д̇анаязнзва сувин̃н̃зяяод̇и д̇асмаа д̣̇уб̣б̣ин̃н̃зяяадтаанзязва ван̣н̣аяиссаама.

    236. Evaṃ codanādivinicchayaṃ kathetvā idāni garukāpattivuṭṭhānavinicchayaṃ kathetuṃ ‘‘garukāpattivuṭṭhāna’’ntiādimāha. Tattha garu alahukaṃ paṭikaraṇaṃ etissā āpattiyāti garukā, āpajjitabbāti āpatti, garukā ca sā āpatti cāti garukāpatti, vuṭṭhahate vuṭṭhānaṃ, garukāpattiyā vuṭṭhānaṃ garukāpatti vuṭṭhānaṃ. Kiṃ taṃ? Saṅghādisesāpattito parisuddhabhāvo. Tenāha ‘‘parivāsamānattādīhi vinayakammehi garukāpattito vuṭṭhāna’’nti. Kiñcāpi catubbidho parivāso, appaṭicchannaparivāso pana idha nādhippetoti āha ‘‘tividho parivāso’’ti. Tathā hi vuttaṃ samantapāsādikāyaṃ (cūḷava. aṭṭha. 75) ‘‘tattha catubbidho parivāso – appaṭicchannaparivāso paṭicchannaparivāso suddhantaparivāso samodhānaparivāsoti. Tesu ‘yo so, bhikkhave, aññopi aññatitthiyapubbo imasmiṃ dhammavinaye ākaṅkhati pabbajjaṃ, ākaṅkhati upasampadaṃ, tassa cattāro māse parivāso dātabbo’ti evaṃ mahākhandhake (mahāva. 86) vutto titthiyaparivāso appaṭicchannaparivāso nāma. Tattha yaṃ vattabbaṃ, taṃ vuttameva. Ayaṃ pana idha anadhippeto’’ti. Ito paraṃ aṭṭhakathāyaṃ vuttanayeneva suviññeyyoti tasmā dubbiññeyyaṭṭhāneyeva vaṇṇayissāma.

    237. звам̣ яо яо аабанно ход̇и, д̇асса д̇асса наамам̣ г̇ахзд̇ваа гаммаваажаа гаад̇аб̣б̣аад̇и зд̇зна баал̣ияам̣ саб̣б̣асаад̇хааран̣авасзна ‘‘сун̣аад̇у мз, бханд̇з, сан̇гхо, аяам̣ ид̇т̇аннаамо бхигкуу’’д̇и жа ‘‘яад̣̇и сан̇гхасса бад̇д̇агаллам̣, сан̇гхо ид̇т̇аннаамасса бхигкуно’’д̇и жа ааг̇ад̇зби гаммаваажаабхан̣анагаалз д̇ат̇аа абхан̣ид̇ваа ‘‘аяам̣ б̣уд̣̇д̇харагкид̇о бхигкуу’’д̇и жа ‘‘имасса б̣уд̣̇д̇харагкид̇асса бхигкуно’’д̇и жа звам̣ сагасаганаамам̣ уд̣̇д̇харид̇ваава гаммаваажаа гаад̇аб̣б̣аад̇и д̣̇ассзд̇и.

    237.Evaṃ yo yo āpanno hoti, tassa tassa nāmaṃ gahetvā kammavācā kātabbāti etena pāḷiyaṃ sabbasādhāraṇavasena ‘‘suṇātu me, bhante, saṅgho, ayaṃ itthannāmo bhikkhū’’ti ca ‘‘yadi saṅghassa pattakallaṃ, saṅgho itthannāmassa bhikkhuno’’ti ca āgatepi kammavācābhaṇanakāle tathā abhaṇitvā ‘‘ayaṃ buddharakkhito bhikkhū’’ti ca ‘‘imassa buddharakkhitassa bhikkhuno’’ti ca evaṃ sakasakanāmaṃ uddharitvāva kammavācā kātabbāti dasseti.

    маал̣агасиймааяамзва вад̇д̇ам̣ самаад̣̇аад̇аб̣б̣ам̣, на д̇ад̇о б̣ахи. гасмаа? ‘‘ан̃н̃ад̇т̇а гаммаваажаа ан̃н̃ад̇т̇а самаад̣̇аана’’нд̇и вад̇д̇аб̣б̣ад̣̇осаббасан̇г̇ад̇о. асамаад̣̇иннавад̇д̇асса аарожанаасамбхавад̇о, маал̣агасиймааяа саннибад̇ид̇аанам̣ бхигкуунам̣ згассаби анаарожанз сад̇и рад̇д̇ижчзд̣̇асамбхавад̇о жа. бариваасам̣ самаад̣̇ияаами, вад̇д̇ам̣ самаад̣̇ияаамийд̇и имзсу д̣̇вийсу бад̣̇зсу згзгзна ваа убхохи бад̣̇зхи ваа самаад̣̇аад̇аб̣б̣ам̣. гат̇ам̣ вин̃н̃ааяад̇ийд̇и жз? ‘‘згабад̣̇знаби жзд̇т̇а нигкид̇д̇о ход̇и бариваасо, д̣̇вийхи бана сунигкид̇д̇оязва, самаад̣̇аанзби зсзва наяо’’д̇и вагкамаанад̇д̇аа. самаад̣̇ияид̇ваа д̇ад̇т̇зва сан̇гхасса аарожзд̇аб̣б̣ам̣, на д̇ад̇т̇а анаарожзд̇ваа ан̃н̃ад̇т̇а г̇анд̇аб̣б̣ам̣. гасмаа? вудтид̇ааяа барисааяа буна саннибаад̇зд̇ум̣ д̣̇уггарад̇д̇аа, згассаби бхигкуно анаарожзд̇ваа арун̣удтаабанз сад̇и рад̇д̇ижчзд̣̇агарад̇д̇аа.

    Māḷakasīmāyameva vattaṃ samādātabbaṃ, na tato bahi. Kasmā? ‘‘Aññattha kammavācā aññattha samādāna’’nti vattabbadosappasaṅgato. Asamādinnavattassa ārocanāsambhavato, māḷakasīmāya sannipatitānaṃ bhikkhūnaṃ ekassapi anārocane sati ratticchedasambhavato ca. Parivāsaṃ samādiyāmi, vattaṃ samādiyāmīti imesu dvīsu padesu ekekena vā ubhohi padehi vā samādātabbaṃ. Kathaṃ viññāyatīti ce? ‘‘Ekapadenapi cettha nikkhitto hoti parivāso, dvīhi pana sunikkhittoyeva, samādānepi eseva nayo’’ti vakkhamānattā. Samādiyitvā tattheva saṅghassa ārocetabbaṃ, na tattha anārocetvā aññattha gantabbaṃ. Kasmā? Vuṭṭhitāya parisāya puna sannipātetuṃ dukkarattā, ekassapi bhikkhuno anārocetvā aruṇuṭṭhāpane sati ratticchedakarattā.

    аарожзнд̇зна звам̣ аарожзд̇аб̣б̣анд̇и самб̣анд̇хо. ‘‘ахам̣ бханд̇з…бз… сан̇гхо д̇хаарзд̇уу’’д̇и зд̇д̇агамзва вад̇ваа яаажанз вияа ‘‘д̣̇уд̇ияамби д̇ад̇ияамбий’’д̇и авуд̇д̇ад̇д̇аа ажжааяигагаран̣з сад̇и згаваарам̣ аарожид̇зби убабаннамзваад̇и д̣̇адтаб̣б̣ам̣. взд̣̇ияаамахам̣ бханд̇з, взд̣̇ияад̇ийд̇и мам̣ сан̇гхо д̇хаарзд̇ууд̇и зд̇т̇а ‘‘взд̣̇ияаамийд̇и жид̇д̇зна самбадижчид̇ваа сукам̣ анубхаваами, на д̇аббажжаяаа ахам̣ д̣̇угкид̇од̇и ад̇хиббааяо’’д̇и саарад̇т̇ад̣̇ийбанияам̣ (саарад̇т̇а. дий. жуул̣аваг̇г̇а 3.97) вуд̇д̇ам̣. зд̇т̇а жа ‘‘сукам̣ взд̣̇зми взд̣̇ана’’нд̇иаад̣̇ийсу вияа би-сад̣̇д̣̇о анубхаванад̇т̇о ход̇и. важ̇ираб̣уд̣̇д̇хидийгааяам̣ (важ̇ира. дий. жуул̣аваг̇г̇а 97) бана ‘‘взд̣̇ияаамийд̇и ж̇аанзми, жид̇д̇зна самбадижчид̇ваа сукам̣ анубхаваами, на д̇аббажжаяаа ахам̣ д̣̇угкид̇од̇и ад̇хиббааяод̇и ликид̇а’’нд̇и вуд̇д̇ам̣. зд̇т̇а бана ‘‘д̣̇ийбан̇гаро логавид̣̇уу’’д̇иаад̣̇ийсу вияа н̃аан̣ад̇т̇о анубхаванад̇т̇о жа. вимад̇ивинод̣̇анияам̣ (ви. ви. дий. жуул̣аваг̇г̇а 2.97) бана ‘‘взд̣̇ияаамаханд̇и ж̇аанаабзмахам̣, аарожзмийд̇и ад̇т̇о, анубхаваамийд̇ибисса ад̇т̇ам̣ вад̣̇анд̇и. буримам̣ бана басам̣санд̇и аарожанаважанад̇д̇аа’’д̇и. зд̇т̇а д̇у –

    Ārocentena evaṃ ārocetabbanti sambandho. ‘‘Ahaṃ bhante…pe… saṅgho dhāretū’’ti ettakameva vatvā yācane viya ‘‘dutiyampi tatiyampī’’ti avuttattā accāyikakaraṇe sati ekavāraṃ ārocitepi upapannamevāti daṭṭhabbaṃ. Vediyāmahaṃ bhante, vediyatīti maṃ saṅgho dhāretūti ettha ‘‘vediyāmīti cittena sampaṭicchitvā sukhaṃ anubhavāmi, na tappaccayā ahaṃ dukkhitoti adhippāyo’’ti sāratthadīpaniyaṃ (sārattha. ṭī. cūḷavagga 3.97) vuttaṃ. Ettha ca ‘‘sukhaṃ vedemi vedana’’ntiādīsu viya pi-saddo anubhavanattho hoti. Vajirabuddhiṭīkāyaṃ (vajira. ṭī. cūḷavagga 97) pana ‘‘vediyāmīti jānemi, cittena sampaṭicchitvā sukhaṃ anubhavāmi, na tappaccayā ahaṃ dukkhitoti adhippāyoti likhita’’nti vuttaṃ. Ettha pana ‘‘dīpaṅkaro lokavidū’’tiādīsu viya ñāṇattho anubhavanattho ca. Vimativinodaniyaṃ (vi. vi. ṭī. cūḷavagga 2.97) pana ‘‘vediyāmahanti jānāpemahaṃ, ārocemīti attho, anubhavāmītipissa atthaṃ vadanti. Purimaṃ pana pasaṃsanti ārocanavacanattā’’ti. Ettha tu –

    ‘‘самбаннам̣ саалигзд̣̇аарам̣, суваа каад̣̇анд̇и б̣раахман̣а;

    ‘‘Sampannaṃ sālikedāraṃ, suvā khādanti brāhmaṇa;

    бадивзд̣̇зми д̇з б̣рахмз, на нам̣ ваарзд̇умуссахз’’д̇и. –

    Paṭivedemi te brahme, na naṃ vāretumussahe’’ti. –

    аад̣̇ийсу вияа аарожанад̇т̇од̇и д̣̇адтаб̣б̣о.

    Ādīsu viya ārocanatthoti daṭṭhabbo.

    аарожзд̇ваа…бз… нигкибид̇аб̣б̣анд̇и д̣̇уггадабариможанад̇т̇ам̣ вуд̇д̇ам̣. гзжи бана ‘‘д̇ад̣̇ахзва буна вад̇д̇ам̣ самаад̣̇ияид̇ваа арун̣ам̣ удтаабзд̇угаамасса рад̇д̇ижчзд̣̇абарихаарад̇т̇амбий’’д̇и вад̣̇анд̇и. яасса маал̣агз наарожид̇ам̣, д̇асса аарожзд̇ваа нигкибид̇аб̣б̣ам̣. яасса аарожид̇ам̣, д̇асса буна аарожанагижжам̣ над̇т̇и, гзвалам̣ нигкибид̇аб̣б̣амзва. ‘‘сабхааг̇аа бхигкуу васанд̇ий’’д̇и вуд̇д̇ад̇д̇аа висабхааг̇аанам̣ васанадтаанз вад̇д̇ам̣ асамаад̣̇ияид̇ваа б̣ахи зва гаад̇умби ваддад̇ийд̇и д̣̇адтаб̣б̣ам̣. д̣̇вз лзд̣д̣убаад̇з ад̇иггамид̇ваад̇и ид̣̇ам̣ вихаарз бхигкуунам̣ саж̇жхааяаад̣̇исад̣̇д̣̇асавануубажааравиж̇аханад̇т̇ам̣ вуд̇д̇ам̣, махаамаг̇г̇ад̇о оггаммаад̇и ид̣̇ам̣ маг̇г̇абадибаннаанам̣ бхигкуунам̣ савануубажаараад̇иггаманад̇т̇ам̣, г̇умб̣зна ваад̇иаад̣̇и д̣̇ассануубажааравиж̇аханад̇т̇ам̣. соби гзнажи гаммзна бурзарун̣з зва г̇ажчад̇ийд̇и иминаа аарожанааяа гад̇ааяа саб̣б̣зсу бхигкуусу б̣ахивихаарам̣ г̇ад̇зсуби уунзг̇ан̣зжаран̣ад̣̇осо ваа виббаваасад̣̇осо ваа на ход̇и аарожанад̇т̇ад̇д̇аа сахаваасассаад̇и д̣̇ассзд̇и. д̇знааха ‘‘аяан̃жаа’’д̇иаад̣̇и. анигкид̇д̇авад̇д̇зна анд̇оубажаараг̇ад̇аанам̣ саб̣б̣зсамби аарожзд̇аб̣б̣аа. ‘‘аяам̣ нигкид̇д̇авад̇д̇асса барихааро’’д̇и вуд̇д̇ам̣, д̇ад̇т̇а нигкид̇д̇авад̇д̇ассаад̇и вад̇д̇ам̣ нигкибид̇ваа баривасанд̇ассаад̇и ад̇т̇о. аяам̣ банзд̇т̇а т̇зрасса ад̇хиббааяо – вад̇д̇ам̣ нигкибид̇ваа баривасанд̇асса убажаараг̇ад̇аанам̣ саб̣б̣зсам̣ аарожанагижжам̣ над̇т̇и, д̣̇идтаруубаанам̣ суд̇асад̣̇д̣̇аанам̣ аарожзд̇аб̣б̣ам̣, ад̣̇идтаасуд̇аанамби анд̇од̣̇ваад̣̇асахад̇т̇аг̇ад̇аанам̣ аарожзд̇аб̣б̣ам̣. ид̣̇ам̣ вад̇д̇ам̣ нигкибид̇ваа баривасанд̇асса лагкан̣анд̇и. т̇зрассаад̇и махаабад̣̇умад̇т̇зрасса.

    Ārocetvā…pe… nikkhipitabbanti dukkaṭaparimocanatthaṃ vuttaṃ. Keci pana ‘‘tadaheva puna vattaṃ samādiyitvā aruṇaṃ uṭṭhāpetukāmassa ratticchedaparihāratthampī’’ti vadanti. Yassa māḷake nārocitaṃ, tassa ārocetvā nikkhipitabbaṃ. Yassa ārocitaṃ, tassa puna ārocanakiccaṃ natthi, kevalaṃ nikkhipitabbameva. ‘‘Sabhāgā bhikkhū vasantī’’ti vuttattā visabhāgānaṃ vasanaṭṭhāne vattaṃ asamādiyitvā bahi eva kātumpi vaṭṭatīti daṭṭhabbaṃ. Dve leḍḍupāteatikkamitvāti idaṃ vihāre bhikkhūnaṃ sajjhāyādisaddasavanūpacāravijahanatthaṃ vuttaṃ, mahāmaggato okkammāti idaṃ maggapaṭipannānaṃ bhikkhūnaṃ savanūpacārātikkamanatthaṃ, gumbena vātiādi dassanūpacāravijahanatthaṃ. Sopi kenaci kammena purearuṇe eva gacchatīti iminā ārocanāya katāya sabbesu bhikkhūsu bahivihāraṃ gatesupi ūnegaṇecaraṇadoso vā vippavāsadoso vā na hoti ārocanatthattā sahavāsassāti dasseti. Tenāha ‘‘ayañcā’’tiādi. Anikkhittavattena antoupacāragatānaṃ sabbesampi ārocetabbā. ‘‘Ayaṃ nikkhittavattassa parihāro’’ti vuttaṃ, tattha nikkhittavattassāti vattaṃ nikkhipitvā parivasantassāti attho. Ayaṃ panettha therassa adhippāyo – vattaṃ nikkhipitvā parivasantassa upacāragatānaṃ sabbesaṃ ārocanakiccaṃ natthi, diṭṭharūpānaṃ sutasaddānaṃ ārocetabbaṃ, adiṭṭhaasutānampi antodvādasahatthagatānaṃ ārocetabbaṃ. Idaṃ vattaṃ nikkhipitvā parivasantassa lakkhaṇanti. Therassāti mahāpadumattherassa.

    238. гуггужжавинод̣̇анад̇т̇ааяаад̇и имзсу бадижчаннад̣̇ивасаббамаан̣зна баривасид̇ад̣̇ивасзсу ‘‘сияум̣ ну ко д̇ивид̇харад̇д̇ижчзд̣̇агааран̣аяуд̇д̇аани гаанижи д̣̇ивасаани, звам̣ сад̇и абарибун̣н̣абариваасад̣̇ивасад̇д̇аа на маанад̇д̇аарахо бхавзяяа, асад̇и жа маанад̇д̇аарахабхаавз маанад̇д̇ам̣ д̣̇иннамби ад̣̇иннам̣язва бхавзяяа, зван̃жа сад̇и аабаннаабад̇д̇ид̇о вудтаанам̣ на бхавзяяаа’’д̇и имасса винаяагуггужжасса винод̣̇анад̇т̇ааяа. згзна ваа д̣̇вийхи ваа д̇ийхи ваа д̣̇ивасзхи ад̇хигад̇араани д̣̇ивасаани баривасид̇ваа нану жааяам̣ баривуд̇т̇абариваасо, д̇асмаанзна маанад̇д̇амзва яаажид̇аб̣б̣ам̣, ат̇а гасмаа вад̇д̇ам̣ самаад̣̇ияид̇ваа маанад̇д̇ам̣ яаажид̇аб̣б̣анд̇и аахаад̇и жод̣̇анам̣ манаси гаронд̇зна вуд̇д̇ам̣ ‘‘аяан̃хи вад̇д̇з самаад̣̇иннз’’д̇иаад̣̇и. хи яасмаа аяам̣ бхигку вад̇д̇з самаад̣̇иннз зва маанад̇д̇аарахо ход̇и, на асамаад̣̇иннз, ид̇и д̇асмаа вад̇д̇ам̣ самаад̣̇ияид̇ваа маанад̇д̇ам̣ яаажид̇аб̣б̣анд̇и самб̣анд̇хо. нану жа гаммаваажааяам̣ ‘‘со баривуд̇т̇абариваасо сан̇гхам̣ маанад̇д̇ам̣ яаажад̇и’’ижжзва вуд̇д̇ам̣, на вуд̇д̇ам̣ ‘‘самаад̣̇иннавад̇д̇о’’д̇и, ат̇а гасмаа ‘‘вад̇д̇з самаад̣̇иннз зва маанад̇д̇аарахо ход̇ий’’д̇и вуд̇д̇анд̇и жод̣̇анам̣ санд̇хааяааха ‘‘нигкид̇д̇авад̇д̇зна баривуд̇т̇ад̇д̇аа’’д̇и. яасмаа аяам̣ бхигку нигкид̇д̇авад̇д̇зна худ̇ваа баривуд̇т̇о ход̇и, но анигкид̇д̇авад̇д̇зна, д̇асмаа нигкид̇д̇авад̇д̇зна худ̇ваа баривуд̇т̇ад̇д̇аа аяам̣ бхигку вад̇д̇з самаад̣̇иннз зва маанад̇д̇аарахо ход̇и, но асамаад̣̇иннзд̇и яож̇анаа. д̇ат̇аа хи вуд̇д̇ам̣ ‘‘анигкид̇д̇авад̇д̇асса бана буна самаад̣̇аанагижжам̣ над̇т̇и. со хи бадижчаннад̣̇ивасаад̇иггамзнзва маанад̇д̇аарахо ход̇и, д̇асмаа д̇асса маанад̇д̇ам̣ д̣̇аад̇аб̣б̣амзваа’’д̇и.

    238.Kukkuccavinodanatthāyāti imesu paṭicchannadivasappamāṇena parivasitadivasesu ‘‘siyuṃ nu kho tividharatticchedakāraṇayuttāni kānici divasāni, evaṃ sati aparipuṇṇaparivāsadivasattā na mānattāraho bhaveyya, asati ca mānattārahabhāve mānattaṃ dinnampi adinnaṃyeva bhaveyya, evañca sati āpannāpattito vuṭṭhānaṃ na bhaveyyā’’ti imassa vinayakukkuccassa vinodanatthāya. Ekena vā dvīhi vā tīhi vā divasehi adhikatarāni divasāni parivasitvā nanu cāyaṃ parivutthaparivāso, tasmānena mānattameva yācitabbaṃ, atha kasmā vattaṃ samādiyitvā mānattaṃ yācitabbanti āhāti codanaṃ manasi karontena vuttaṃ ‘‘ayañhi vatte samādinne’’tiādi. Hi yasmā ayaṃ bhikkhu vatte samādinne eva mānattāraho hoti, na asamādinne, iti tasmā vattaṃ samādiyitvā mānattaṃ yācitabbanti sambandho. Nanu ca kammavācāyaṃ ‘‘so parivutthaparivāso saṅghaṃ mānattaṃ yācati’’icceva vuttaṃ, na vuttaṃ ‘‘samādinnavatto’’ti, atha kasmā ‘‘vatte samādinne eva mānattāraho hotī’’ti vuttanti codanaṃ sandhāyāha ‘‘nikkhittavattena parivutthattā’’ti. Yasmā ayaṃ bhikkhu nikkhittavattena hutvā parivuttho hoti, no anikkhittavattena, tasmā nikkhittavattena hutvā parivutthattā ayaṃ bhikkhu vatte samādinne eva mānattāraho hoti, no asamādinneti yojanā. Tathā hi vuttaṃ ‘‘anikkhittavattassa pana puna samādānakiccaṃ natthi. So hi paṭicchannadivasātikkameneva mānattāraho hoti, tasmā tassa mānattaṃ dātabbamevā’’ti.

    жад̇уухи бан̃жахи ваа бхигкуухи сад̣̇д̇хинд̇и уунзг̇ан̣зжаран̣ад̣̇осаа вимужжанад̇т̇ам̣. баригкид̇д̇асса вихаарасса баригкзбад̇од̇иаад̣̇и гин̃жааби баал̣ияам̣ над̇т̇и, ат̇а ко адтагат̇аажарияаанам̣ важанзна д̇ат̇аа зва бадибаж̇ж̇ид̇аб̣б̣анд̇и жа вуд̇д̇ам̣. ‘‘ад̇т̇ибхаавам̣ саллагкзд̇ваад̇и д̣̇ваад̣̇асахад̇т̇з убажаарз саллагкзд̇ваа, анигкид̇д̇авад̇д̇аанам̣ убажаарасиймааяа ааг̇ад̇абхаавам̣ саллагкзд̇ваа сахаваасаад̣̇игам̣ взд̣̇ид̇аб̣б̣анд̇и жа вуд̇д̇ам̣. ‘нигкибанд̇зна аарожзд̇ваа нигкибид̇аб̣б̣ам̣ баяож̇анам̣ ад̇т̇ий’д̇и жа вуд̇д̇ам̣, на бана д̇ам̣ баяож̇анам̣ д̣̇ассид̇а’’нд̇и важ̇ираб̣уд̣̇д̇хидийгааяам̣ (важ̇ира. дий. жуул̣аваг̇г̇а 97) вуд̇д̇ам̣, вад̇д̇абхзд̣̇ад̣̇уггадаа мужжанабаяож̇анам̣ ход̇ийд̇и взд̣̇ид̇аб̣б̣ам̣.

    Catūhipañcahi vā bhikkhūhi saddhinti ūnegaṇecaraṇadosā vimuccanatthaṃ. Parikkhittassa vihārassa parikkhepatotiādi kiñcāpi pāḷiyaṃ natthi, atha kho aṭṭhakathācariyānaṃ vacanena tathā eva paṭipajjitabbanti ca vuttaṃ. ‘‘Atthibhāvaṃ sallakkhetvāti dvādasahatthe upacāre sallakkhetvā, anikkhittavattānaṃ upacārasīmāya āgatabhāvaṃ sallakkhetvā sahavāsādikaṃ veditabbanti ca vuttaṃ. ‘Nikkhipantena ārocetvā nikkhipitabbaṃ payojanaṃ atthī’ti ca vuttaṃ, na pana taṃ payojanaṃ dassita’’nti vajirabuddhiṭīkāyaṃ (vajira. ṭī. cūḷavagga 97) vuttaṃ, vattabhedadukkaṭā muccanapayojanaṃ hotīti veditabbaṃ.

    239. аб̣бхаанам̣ гаад̇ум̣ на ваддад̇ийд̇и гад̇амби агад̇амзва ход̇ийд̇и ад̇т̇о. ‘‘д̇знааби вад̇д̇ам̣ самаад̣̇ияид̇ваа аарожзд̇ваа аб̣бхаанам̣ яаажид̇аб̣б̣а’’нд̇и вуд̇д̇ад̇д̇аа аб̣бхаанаяаажанад̇т̇ам̣ маанад̇д̇асса самаад̣̇ияанагаалзби аарожзд̇аб̣б̣амзва. буб̣б̣з маанад̇д̇ажаарид̇агаалз аарожид̇амзваад̇и анаарожзд̇ваа аб̣бхаанам̣ на яаажид̇аб̣б̣анд̇и вин̃н̃ааяад̇и. звам̣ маанад̇д̇аяаажанагаалзби бариваасам̣ самаад̣̇ияид̇ваа аарожзд̇аб̣б̣амзваад̇и д̣̇адтаб̣б̣ам̣.

    239.Abbhānaṃ kātuṃ na vaṭṭatīti katampi akatameva hotīti attho. ‘‘Tenāpi vattaṃ samādiyitvā ārocetvā abbhānaṃ yācitabba’’nti vuttattā abbhānayācanatthaṃ mānattassa samādiyanakālepi ārocetabbameva. Pubbe mānattacāritakāle ārocitamevāti anārocetvā abbhānaṃ na yācitabbanti viññāyati. Evaṃ mānattayācanakālepi parivāsaṃ samādiyitvā ārocetabbamevāti daṭṭhabbaṃ.

    240. жин̣н̣амаанад̇д̇о бхигку аб̣бхзд̇аб̣б̣од̇и жин̣н̣амаанад̇д̇асса жа аб̣бхаанаарахасса жа ниннаанаагаран̣ад̇д̇аа вуд̇д̇ам̣. ан̃н̃ат̇аа ‘‘аб̣бхаанаарахо аб̣бхзд̇аб̣б̣о’’д̇и вад̇д̇аб̣б̣ам̣ сияаа. угкзбанийяагаммагад̇оби ад̇д̇ано лад̣̇д̇хиг̇г̇ахан̣авасзна сабхааг̇абхигкумхи сад̇и д̇асса анаарожаабзд̇ум̣ на лабхад̇и.

    240.Ciṇṇamānatto bhikkhu abbhetabboti ciṇṇamānattassa ca abbhānārahassa ca ninnānākaraṇattā vuttaṃ. Aññathā ‘‘abbhānāraho abbhetabbo’’ti vattabbaṃ siyā. Ukkhepanīyakammakatopi attano laddhiggahaṇavasena sabhāgabhikkhumhi sati tassa anārocāpetuṃ na labhati.

    ‘‘ананд̇арааяигасса бана анд̇арааяигасан̃н̃ааяа чаад̣̇аяад̇о ажчаннааваа’’д̇и баато. авзрибхаавзна сабхааг̇о авзрисабхааг̇о. ‘‘сабхааг̇асан̇гхаад̣̇исзсам̣ аабаннасса бана санд̇игз аави гаад̇ум̣ на ваддад̇ий’’д̇и басан̇г̇ад̇о ид̇хзва багаасид̇ам̣. лахугзсу бадигкзбо над̇т̇и. д̇ад̇т̇а н̃ад̇д̇ияаа аави гад̇ваа убосат̇ам̣ гаад̇ум̣ анун̃н̃аад̇ад̇д̇аа лахугасабхааг̇ам̣ аави гаад̇ум̣ ваддад̇ийд̇и. сабхааг̇асан̇гхаад̣̇исзсам̣ бана н̃ад̇д̇ияаа аарожанам̣ на ваддад̇ийд̇и гира. ‘‘д̇асса санд̇игз д̇ам̣ аабад̇д̇им̣ бадигариссад̇ийд̇и (махаава. 171) вуд̇д̇ад̇д̇аа лахугассзвааяам̣ саманун̃н̃аад̇аа. на хи саггаа суд̣̇д̇хасса згасса санд̇игз сан̇гхаад̣̇исзсасса бадигаран̣ам̣ гаад̇у’’нд̇и ликид̇ам̣. лахугзсуби сабхааг̇ам̣ аави гаад̇ум̣ на ваддад̇ийд̇и. д̇асмаа зва хи н̃ад̇д̇ияаа аавигаран̣ам̣ анун̃н̃аад̇ам̣, ид̇арат̇аа д̇ам̣ нирад̇т̇агам̣ сияаа. ан̃н̃аман̃н̃аарожанасса ваддад̇и, д̇ад̇о на ваддад̇ийд̇и д̣̇ийбанад̇т̇амзва н̃ад̇д̇ияаа аавигаран̣аманун̃н̃аад̇ам̣ , д̇знзва ид̇ха ‘‘сабхааг̇асан̇гхаад̣̇исзсам̣ аабаннассаа’’д̇иаад̣̇и вуд̇д̇ам̣, аяамад̇т̇о ‘‘зд̇д̇аавад̇аа д̇з д̣̇вз нираабад̇д̇игаа хонд̇и, д̇зсам̣ санд̇игз сзсзхи сабхааг̇аабад̇д̇ияо д̣̇зсзд̇аб̣б̣аа’’д̇и важанзна ган̇каавид̇аран̣ияамби (ган̇каа. адта. нид̣̇аанаван̣н̣анаа) багаасид̇ова. сан̇гхаад̣̇исзсам̣ бана н̃ад̇д̇ияаа аарожзд̇ваа убосат̇ам̣ гаад̇ум̣ ваддад̇и. д̇ассаа н̃ад̇д̇ияаа аяамад̇т̇о – яад̣̇аа суд̣̇д̇хам̣ бхигкум̣ бассиссад̇и, д̇асса санд̇игз ан̃н̃аман̃н̃аарожанавасзна бадигариссад̇и, звам̣ бадигад̇з ‘‘на жа, бхигкавз, саабад̇д̇игзна баад̇имогкам̣ сод̇аб̣б̣ам̣, яо сун̣зяяа, аабад̇д̇и д̣̇уггадассаа’’д̇и (жуул̣ава. 386) вуд̇д̇аабад̇д̇ид̇о могко ход̇и, д̇асмаа ‘‘г̇аругам̣ ваа ход̇у лахугам̣ ваа, н̃ад̇д̇ияаа аави гаад̇ум̣ ваддад̇ий’’д̇и вуд̇д̇ам̣. убхосу наязсу яуд̇д̇ад̇арам̣ г̇ахзд̇аб̣б̣ам̣. ‘‘нааман̃жзва аабад̇д̇и жаад̇и д̇зна д̇зна вийд̇иггамзнаабаннаабад̇д̇и аабад̇д̇и. нааманд̇и д̇ассаа аабад̇д̇ияаа наама’’нд̇и ликид̇ам̣. аарожзд̇ваа нигкибид̇аб̣б̣анд̇и зд̇т̇а аарожанам̣ вад̇д̇абхзд̣̇ад̣̇уггадабарихаран̣аббаяож̇ананд̇и взд̣̇ид̇аб̣б̣ам̣.

    ‘‘Anantarāyikassa pana antarāyikasaññāya chādayato acchannāvā’’ti pāṭho. Averibhāvena sabhāgo averisabhāgo. ‘‘Sabhāgasaṅghādisesaṃ āpannassa pana santike āvi kātuṃ na vaṭṭatī’’ti pasaṅgato idheva pakāsitaṃ. Lahukesu paṭikkhepo natthi. Tattha ñattiyā āvi katvā uposathaṃ kātuṃ anuññātattā lahukasabhāgaṃ āvi kātuṃ vaṭṭatīti. Sabhāgasaṅghādisesaṃ pana ñattiyā ārocanaṃ na vaṭṭatīti kira. ‘‘Tassa santike taṃ āpattiṃ paṭikarissatīti (mahāva. 171) vuttattā lahukassevāyaṃ samanuññātā. Na hi sakkā suddhassa ekassa santike saṅghādisesassa paṭikaraṇaṃ kātu’’nti likhitaṃ. Lahukesupi sabhāgaṃ āvi kātuṃ na vaṭṭatīti. Tasmā eva hi ñattiyā āvikaraṇaṃ anuññātaṃ, itarathā taṃ niratthakaṃ siyā. Aññamaññārocanassa vaṭṭati, tato na vaṭṭatīti dīpanatthameva ñattiyā āvikaraṇamanuññātaṃ , teneva idha ‘‘sabhāgasaṅghādisesaṃ āpannassā’’tiādi vuttaṃ, ayamattho ‘‘ettāvatā te dve nirāpattikā honti, tesaṃ santike sesehi sabhāgāpattiyo desetabbā’’ti vacanena kaṅkhāvitaraṇiyampi (kaṅkhā. aṭṭha. nidānavaṇṇanā) pakāsitova. Saṅghādisesaṃ pana ñattiyā ārocetvā uposathaṃ kātuṃ vaṭṭati. Tassā ñattiyā ayamattho – yadā suddhaṃ bhikkhuṃ passissati, tassa santike aññamaññārocanavasena paṭikarissati, evaṃ paṭikate ‘‘na ca, bhikkhave, sāpattikena pātimokkhaṃ sotabbaṃ, yo suṇeyya, āpatti dukkaṭassā’’ti (cūḷava. 386) vuttāpattito mokkho hoti, tasmā ‘‘garukaṃ vā hotu lahukaṃ vā, ñattiyā āvi kātuṃ vaṭṭatī’’ti vuttaṃ. Ubhosu nayesu yuttataraṃ gahetabbaṃ. ‘‘Nāmañceva āpatti cāti tena tena vītikkamenāpannāpatti āpatti. Nāmanti tassā āpattiyā nāma’’nti likhitaṃ. Ārocetvā nikkhipitabbanti ettha ārocanaṃ vattabhedadukkaṭapariharaṇappayojananti veditabbaṃ.

    ‘‘сад̇иязва анд̇арааяз анд̇арааяигасан̃н̃ий чаад̣̇зд̇и, ажчаннаа ход̇и. анд̇арааяигасса бана анд̇арааяигасан̃н̃ааяа ваа ананд̇арааяигасан̃н̃ааяа ваа чаад̣̇аяад̇о ажчаннааваа’’д̇иби баато. авзрийд̇и хид̇агаамо. уд̣̇д̇хасд̇з арун̣зд̇и удтид̇з арун̣з. суд̣̇д̇хасса санд̇игзд̇и сабхааг̇асан̇гхаад̣̇исзсам̣ анаабаннасса санд̇игз. вад̇т̇унд̇и асужиможанаад̣̇ивийд̇иггамам̣. суггависсадтийд̇и вад̇т̇у жзва г̇од̇д̇ан̃жаад̇и ‘‘суггависсадтий’’д̇и ид̣̇ам̣ асужиможаналагкан̣асса вийд̇иггамасса багаасанад̇о вад̇т̇у жзва ход̇и, саж̇аад̇ияасаад̇хааран̣авиж̇аад̇ияавинивад̇д̇асабхаавааяа суггависсадтияаа зва багаасанад̇о г̇од̇д̇ан̃жа ход̇ийд̇и ад̇т̇о. г̇ам̣ д̇ааяад̇ийд̇и хи г̇од̇д̇ам̣. сан̇гхаад̣̇исзсод̇и нааман̃жзва аабад̇д̇и жаад̇и сан̇гхаад̣̇исзсод̇и д̇зна д̇зна вийд̇иггамзна аабаннасса аабад̇д̇инигааяасса наамабагаасанад̇о нааман̃жзва ход̇и, аабад̇д̇исабхаавад̇о аабад̇д̇и жа.

    ‘‘Satiyeva antarāye antarāyikasaññī chādeti, acchannā hoti. Antarāyikassa pana antarāyikasaññāya vā anantarāyikasaññāya vā chādayato acchannāvā’’tipi pāṭho. Averīti hitakāmo. Uddhaste aruṇeti uṭṭhite aruṇe. Suddhassa santiketi sabhāgasaṅghādisesaṃ anāpannassa santike. Vatthunti asucimocanādivītikkamaṃ. Sukkavissaṭṭhīti vatthu ceva gottañcāti ‘‘sukkavissaṭṭhī’’ti idaṃ asucimocanalakkhaṇassa vītikkamassa pakāsanato vatthu ceva hoti, sajātiyasādhāraṇavijātiyavinivattasabhāvāya sukkavissaṭṭhiyā eva pakāsanato gottañca hotīti attho. Gaṃ tāyatīti hi gottaṃ. Saṅghādisesoti nāmañceva āpatti cāti saṅghādisesoti tena tena vītikkamena āpannassa āpattinikāyassa nāmapakāsanato nāmañceva hoti, āpattisabhāvato āpatti ca.

    суд̣̇д̇хассаад̇и сабхааг̇асан̇гхаад̣̇исзсам̣ анаабаннасса, д̇ад̇о вудтид̇асса ваа. ан̃н̃асминд̇и суд̣̇д̇ханд̇абариваасавасзна аабад̇д̇ивудтаанад̇о ан̃н̃асмим̣ аабад̇д̇ивудтаанз. бадижчаад̣̇ияид̇т̇аад̇и бадижчаннаа. гаа саа? аабад̇д̇и. д̣̇ивасаад̣̇ийхи барижчинд̣̇ид̇ваа васанам̣ бариваасо. го со? винаяагаммагаран̣ам̣. бадижчаннааяа аабад̇д̇ияаа бариваасо бадижчаннабариваасо.

    Suddhassāti sabhāgasaṅghādisesaṃ anāpannassa, tato vuṭṭhitassa vā. Aññasminti suddhantaparivāsavasena āpattivuṭṭhānato aññasmiṃ āpattivuṭṭhāne. Paṭicchādiyitthāti paṭicchannā. Kā sā? Āpatti. Divasādīhi paricchinditvā vasanaṃ parivāso. Ko so? Vinayakammakaraṇaṃ. Paṭicchannāya āpattiyā parivāso paṭicchannaparivāso.

    бадижчаннабариваасагат̇аа нидтид̇аа.

    Paṭicchannaparivāsakathā niṭṭhitā.

    суд̣̇д̇ханд̇абариваасагат̇аа

    Suddhantaparivāsakathā

    242. суж̇жханам̣ суд̣̇д̇хо, го со? аабад̇д̇ивиг̇амо. амад̇и осаанабхаавам̣ г̇ажчад̇ийд̇и анд̇о, суд̣̇д̇хо анд̇о яасса бариваасассаад̇и суд̣̇д̇ханд̇о, суд̣̇д̇ханд̇о жа со бариваасо жаад̇и суд̣̇д̇ханд̇абариваасо, суд̣̇д̇хагаалам̣ барияанд̇ам̣ гад̇ваа асуд̣̇д̇хагаалаббамаан̣зна барижчинд̣̇ид̇ваа гад̇абариваасо.

    242. Sujjhanaṃ suddho, ko so? Āpattivigamo. Amati osānabhāvaṃ gacchatīti anto, suddho anto yassa parivāsassāti suddhanto, suddhanto ca so parivāso cāti suddhantaparivāso, suddhakālaṃ pariyantaṃ katvā asuddhakālappamāṇena paricchinditvā kataparivāso.

    суд̣̇д̇ханд̇абариваасагат̇аа нидтид̇аа.

    Suddhantaparivāsakathā niṭṭhitā.

    од̇хаанасамод̇хаанабариваасагат̇аа

    Odhānasamodhānaparivāsakathā

    243. самод̇хийяад̇з самод̇хаанам̣, наанаагаалигаа наанаавад̇т̇угаа аабад̇д̇ияо аг̇гхаад̣̇ивасзна самод̇хаанам̣ згийгаран̣ам̣ , самод̇хаанзд̇ваа гад̇о бариваасо самод̇хаанабариваасод̇и виг̇г̇ахо. гаммаваажааяам̣ ‘‘бадигассид̇о сан̇гхзна ид̇т̇аннаамо бхигку анд̇араа самб̣ахулаанам̣ аабад̇д̇ийнам̣ аббадижчаннаанам̣ муулааяабадигассанаа, камад̇и сан̇гхасса, д̇асмаа д̇ун̣хий, звамзд̇ам̣ д̇хаараяаамий’’д̇и зд̇т̇а г̇ад̇яад̇т̇ад̇хаад̇уяаа гаммани жа наяанад̇т̇ад̇хаад̇уяаа гаммани жа д̇ад̣̇ад̇т̇асамбад̣̇аанз жа вибхад̇д̇ибарин̣аамз жаад̇и имзсу жад̇уусу таанзсу ааяаад̣̇зсасса вуд̇д̇ад̇д̇аа, бадибуб̣б̣агасад̇хаад̇уяаа жа наяанад̇т̇ад̇д̇аа ‘‘муулааяаа’’д̇и ид̣̇ам̣ ‘‘бадигассид̇о’’д̇и зд̇т̇а гаммам̣, д̇асмаа ‘‘бадигассид̇о…бз… муулааяа’’ ид̇и зд̇д̇агамзва бхавид̇аб̣б̣ам̣, на ‘‘муулааяабадигассанаа’’д̇и звам̣ ман̃н̃амаанаа сад̣̇д̣̇авид̣̇уно ‘‘бадигассанаа’’д̇и ид̣̇ам̣ ад̇хиганд̇и ваа вад̣̇зяяум̣ магкзяяум̣ ваа, на банзд̇ам̣ вад̇д̇аб̣б̣ам̣. навабаатзсуязва аяам̣ баато сад̣̇д̣̇алагкан̣аяуд̇д̇о ваа аяуд̇д̇о ваад̇и жинд̇зд̇аб̣б̣о, на бана баал̣ияадтагат̇аад̣̇ид̇о ааг̇ад̇зсу бораан̣абаатзсу. д̇зсу бана гат̇ам̣ яож̇ияамаано аяам̣ баато сад̣̇д̣̇аяуд̇д̇ияаа жа ад̇т̇аяуд̇д̇ияаа жа саманнааг̇ад̇о бхавзяяаад̇и яож̇анаагаароязва жинд̇зд̇аб̣б̣о. аяан̃жа баато бораан̣абаал̣ибаатова, д̇асмаа ‘‘муулааяабадигассанаа’’д̇и ид̣̇ам̣ гаран̣авасзна вибарин̣аамзд̇ваа ‘‘муулааяабадигассанааяа бадигассид̇о’’д̇и яож̇зд̇аб̣б̣ам̣.

    243. Samodhīyate samodhānaṃ, nānākālikā nānāvatthukā āpattiyo agghādivasena samodhānaṃ ekīkaraṇaṃ , samodhānetvā kato parivāso samodhānaparivāsoti viggaho. Kammavācāyaṃ ‘‘paṭikassito saṅghena itthannāmo bhikkhu antarā sambahulānaṃ āpattīnaṃ appaṭicchannānaṃ mūlāyapaṭikassanā, khamati saṅghassa, tasmā tuṇhī, evametaṃ dhārayāmī’’ti ettha gatyatthadhātuyā kammani ca nayanatthadhātuyā kammani ca tadatthasampadāne ca vibhattipariṇāme cāti imesu catūsu ṭhānesu āyādesassa vuttattā, paṭipubbakasadhātuyā ca nayanatthattā ‘‘mūlāyā’’ti idaṃ ‘‘paṭikassito’’ti ettha kammaṃ, tasmā ‘‘paṭikassito…pe… mūlāya’’ iti ettakameva bhavitabbaṃ, na ‘‘mūlāyapaṭikassanā’’ti evaṃ maññamānā saddaviduno ‘‘paṭikassanā’’ti idaṃ adhikanti vā vadeyyuṃ makkheyyuṃ vā, na panetaṃ vattabbaṃ. Navapāṭhesuyeva ayaṃ pāṭho saddalakkhaṇayutto vā ayutto vāti cintetabbo, na pana pāḷiyaṭṭhakathādito āgatesu porāṇapāṭhesu. Tesu pana kathaṃ yojiyamāno ayaṃ pāṭho saddayuttiyā ca atthayuttiyā ca samannāgato bhaveyyāti yojanākāroyeva cintetabbo. Ayañca pāṭho porāṇapāḷipāṭhova, tasmā ‘‘mūlāyapaṭikassanā’’ti idaṃ karaṇavasena vipariṇāmetvā ‘‘mūlāyapaṭikassanāya paṭikassito’’ti yojetabbaṃ.

    гат̇ам̣ банзд̇асса бораан̣абаатабхааво ж̇аанид̇аб̣б̣од̇и? багаран̣з ааг̇ад̇ад̇д̇аа. вуд̇д̇ан̃хи вимад̇ивинод̣̇анияам̣ (ви. ви. дий. жуул̣аваг̇г̇а 2.102) ‘‘баал̣ияам̣ бадигассид̇о сан̇гхзна уд̣̇ааяи бхигку анд̇араа згиссаа аабад̇д̇ияаа…бз… муулааяабадигассанаад̇и ид̣̇ам̣ гаран̣авасзна вибарин̣аамзд̇ваа муулааяабадигассанааяа бадигассид̇од̇и яож̇зд̇аб̣б̣а’’нд̇и. ат̇а ваа ‘‘муулааяа бадигассанаа муулааяабадигассанаа’’д̇и алуд̇д̇асамаасавасзна уд̇д̇арабад̣̇зна самаасам̣ гад̇ваа сан̇гхзна ид̇т̇аннаамо бхигку анд̇араа самб̣ахулаанам̣ аабад̇д̇ийнам̣ аббадижчаннаанам̣ хзд̇у бадигассид̇о. саа муулааяабадигассанаа камад̇и сан̇гхассаад̇и яож̇зд̇аб̣б̣ам̣. д̇ат̇аа хи вуд̇д̇ам̣ д̇ад̇т̇зва (ви. ви. дий. жуул̣аваг̇г̇а 2.102) ‘‘ат̇а ваа муулааяабадигассанаа камад̇и сан̇гхассаад̇и уд̇д̇арабад̣̇зна саха бажжад̇д̇авасзнзва яож̇зд̇умби ваддад̇ий’’д̇и.

    Kathaṃ panetassa porāṇapāṭhabhāvo jānitabboti? Pakaraṇe āgatattā. Vuttañhi vimativinodaniyaṃ (vi. vi. ṭī. cūḷavagga 2.102) ‘‘pāḷiyaṃ paṭikassito saṅghena udāyi bhikkhu antarā ekissā āpattiyā…pe… mūlāyapaṭikassanāti idaṃ karaṇavasena vipariṇāmetvā mūlāyapaṭikassanāya paṭikassitoti yojetabba’’nti. Atha vā ‘‘mūlāya paṭikassanā mūlāyapaṭikassanā’’ti aluttasamāsavasena uttarapadena samāsaṃ katvā saṅghena itthannāmo bhikkhu antarā sambahulānaṃ āpattīnaṃ appaṭicchannānaṃ hetu paṭikassito. Sā mūlāyapaṭikassanā khamati saṅghassāti yojetabbaṃ. Tathā hi vuttaṃ tattheva (vi. vi. ṭī. cūḷavagga 2.102) ‘‘atha vā mūlāyapaṭikassanā khamati saṅghassāti uttarapadena saha paccattavaseneva yojetumpi vaṭṭatī’’ti.

    д̇ам̣ д̣̇знд̇зна батамам̣ муулааяа бадигассид̇ваа бажчаабариваасо д̣̇аад̇аб̣б̣од̇и зд̇т̇а д̇ам̣ од̇хаанасамод̇хаанабариваасам̣ д̣̇знд̇зна батамам̣ д̇ам̣ бхигкум̣ муулааяа бадигассид̇ваа муулад̣̇ивасз аагад̣дхид̇ваа д̇асса анд̇араабад̇д̇ияаа самод̇хаанабариваасо д̣̇аад̇аб̣б̣од̇и ад̇т̇о. яат̇аа гим̣ вимад̇ивинод̣̇анияам̣ (ви. ви. дий. жуул̣аваг̇г̇а 2.102) ‘‘уд̣̇ааяим̣ бхигкум̣ анд̇араа згиссаа аабад̇д̇ияаа…бз… муулааяа бадигассид̇ваад̇и зд̇т̇а анд̇араа згиссаа аабад̇д̇ияаа хзд̇убхууд̇ааяа уд̣̇ааяим̣ бхигкум̣ муулааяа бадигассид̇ваа муулад̣̇ивасз аагад̣дхид̇ваа д̇ассаа анд̇араабад̇д̇ияаа самод̇хаанабариваасам̣ д̣̇зд̇ууд̇и яож̇анаа’’д̇и вуд̇д̇ам̣. махаасумад̇т̇зраваад̣̇з аавигаараабзд̇ваа виссаж̇ж̇зд̇аб̣б̣од̇и д̇асса ад̇згижчабхаавам̣ д̇знзва сан̇гхасса баагадам̣ гаарзд̇ваа лаж̇ж̇ийг̇ан̣ад̇о вияож̇анавасзна виссаж̇ж̇зд̇аб̣б̣од̇и ад̇т̇о.

    Taṃ dentena paṭhamaṃ mūlāya paṭikassitvā pacchāparivāso dātabboti ettha taṃ odhānasamodhānaparivāsaṃ dentena paṭhamaṃ taṃ bhikkhuṃ mūlāya paṭikassitvā mūladivase ākaḍḍhitvā tassa antarāpattiyā samodhānaparivāso dātabboti attho. Yathā kiṃ vimativinodaniyaṃ (vi. vi. ṭī. cūḷavagga 2.102) ‘‘udāyiṃ bhikkhuṃ antarā ekissā āpattiyā…pe… mūlāya paṭikassitvāti ettha antarā ekissā āpattiyā hetubhūtāya udāyiṃ bhikkhuṃ mūlāya paṭikassitvā mūladivase ākaḍḍhitvā tassā antarāpattiyā samodhānaparivāsaṃ detūti yojanā’’ti vuttaṃ. Mahāsumattheravāde āvikārāpetvā vissajjetabboti tassa atekicchabhāvaṃ teneva saṅghassa pākaṭaṃ kāretvā lajjīgaṇato viyojanavasena vissajjetabboti attho.

    од̇хаанасамод̇хаанабариваасагат̇аа нидтид̇аа.

    Odhānasamodhānaparivāsakathā niṭṭhitā.

    аг̇гхасамод̇хаанабариваасагат̇аа

    Agghasamodhānaparivāsakathā

    244. аг̇гхзна аг̇гхавасзна арахавасзна самод̇хаанам̣ аг̇гхасамод̇хаанам̣, аабаннаасу самб̣ахулаасу аабад̇д̇ийсу яаа аабад̇д̇ияо жирад̇араббадижчаннааяо, д̇аасам̣ аг̇гхзна самод̇хааяа д̇аасам̣ рад̇д̇ибарижчзд̣̇авасзна авасзсаанам̣ уунад̇араббадижчаннаанам̣ аабад̇д̇ийнам̣ бариваасо д̣̇ийяад̇и, аяам̣ вужжад̇и аг̇гхасамод̇хаано . сад̇ам̣ аабад̇д̇ияод̇и гааяасам̣саг̇г̇аад̣̇ивасзна згад̣̇ивасз аабаннаа сад̇ам̣ аабад̇д̇ияо. д̣̇асасад̇анд̇и сахассааабад̇д̇ияо. рад̇д̇исад̇ам̣ чаад̣̇аяид̇ваанаад̇и яож̇зд̇аб̣б̣ам̣. ‘‘аг̇гхасамод̇хаано наама сабхааг̇авад̇т̇угааяо самб̣ахулаа аабад̇д̇ияо аабаннасса б̣ахурад̇д̇им̣ бадижчаад̣̇ид̇аабад̇д̇ияам̣ нигкибид̇ваа д̣̇аад̇аб̣б̣о, ид̇аро наанаавад̇т̇угаанам̣ васзнаад̇и аяамзд̇зсам̣ висзсо’’д̇и важ̇ираб̣уд̣̇д̇хидийгааяам̣ (важ̇ира. дий. жуул̣аваг̇г̇г̇а 102) вуд̇д̇ам̣.

    244. Agghena agghavasena arahavasena samodhānaṃ agghasamodhānaṃ, āpannāsu sambahulāsu āpattīsu yā āpattiyo ciratarappaṭicchannāyo, tāsaṃ agghena samodhāya tāsaṃ rattiparicchedavasena avasesānaṃ ūnatarappaṭicchannānaṃ āpattīnaṃ parivāso dīyati, ayaṃ vuccati agghasamodhāno. Sataṃ āpattiyoti kāyasaṃsaggādivasena ekadivase āpannā sataṃ āpattiyo. Dasasatanti sahassaāpattiyo. Rattisataṃ chādayitvānāti yojetabbaṃ. ‘‘Agghasamodhāno nāma sabhāgavatthukāyo sambahulā āpattiyo āpannassa bahurattiṃ paṭicchāditāpattiyaṃ nikkhipitvā dātabbo, itaro nānāvatthukānaṃ vasenāti ayametesaṃ viseso’’ti vajirabuddhiṭīkāyaṃ (vajira. ṭī. cūḷavaggga 102) vuttaṃ.

    аг̇гхасамод̇хаанабариваасагат̇аа нидтид̇аа.

    Agghasamodhānaparivāsakathā niṭṭhitā.

    246. лин̇г̇абаривад̇д̇анагагат̇ааяам̣ яад̣̇и гассажи бхигкуно ид̇т̇илин̇г̇ам̣ баад̇у бхавзяяа, гим̣ д̇зна буна убаж̇жхаа г̇ахзд̇аб̣б̣аа, буна убасамбад̣̇аа гаад̇аб̣б̣аа, гим̣ бхигкуубасамбад̣̇аад̇о бадтааяа вассаг̇ан̣анаа гаад̇аб̣б̣аа, уд̣̇ааху ид̇о бадтааяаад̇и бужчааяа сад̇и д̇ам̣ барихарид̇умааха ‘‘сажз’’д̇иаад̣̇и. звам̣ санд̇з саа бхигкуний бхигкуунам̣ маж̇жхзязва васид̇аб̣б̣ам̣ бхавзяяаад̇и жод̣̇анам̣ санд̇хааяааха ‘‘аббад̇ирууба’’нд̇иаад̣̇и. звам̣ санд̇з бхигкубхууд̇агаалз аабаж̇ж̇ид̇аабад̇д̇ияо гат̇ам̣ гаад̇аб̣б̣аад̇и жод̣̇анам̣ манаси гад̇ваа ааха ‘‘яаа д̣̇зсанааг̇ааминияо ваа’’д̇иаад̣̇и. д̇ад̇т̇а бхигкуунам̣ бхигкунийхи саад̇хааран̣аад̇и сан̃жарид̇д̇аад̣̇аяо. асаад̇хааран̣аад̇и суггависсадтиаад̣̇аяо. ход̇у бхаг̇авад̇о анун̃н̃аад̇авасзна лин̇г̇з баривад̇д̇з асаад̇хааран̣аабад̇д̇ийхи вудтид̇абхааво, буна багад̇илин̇г̇з уббаннз буна аабад̇д̇и сияаад̇и аасан̇гам̣ барихарид̇ум̣ ‘‘буна багад̇илин̇г̇з’’д̇иаад̣̇и вуд̇д̇ам̣. ид̣̇аани д̇амад̇т̇ам̣ баал̣ияаа саад̇хзд̇ум̣ ‘‘вуд̇д̇ан̃жзд̇а’’нд̇иаад̣̇имааха. д̇ассад̇т̇о батамабаарааж̇игаван̣н̣анааяа дийгаасу (саарад̇т̇а. дий. 2.69; важ̇ира. дий. баарааж̇ига 69) вуд̇д̇анаязнзва д̣̇адтаб̣б̣о, ид̇ха бана г̇аругаабад̇д̇ивудтаанагат̇аабхууд̇ад̇д̇аа сааязва гат̇аа вужжад̇з.

    246. Liṅgaparivattanakakathāyaṃ yadi kassaci bhikkhuno itthiliṅgaṃ pātu bhaveyya, kiṃ tena puna upajjhā gahetabbā, puna upasampadā kātabbā, kiṃ bhikkhūpasampadāto paṭṭhāya vassagaṇanā kātabbā, udāhu ito paṭṭhāyāti pucchāya sati taṃ pariharitumāha ‘‘sace’’tiādi. Evaṃ sante sā bhikkhunī bhikkhūnaṃ majjheyeva vasitabbaṃ bhaveyyāti codanaṃ sandhāyāha ‘‘appatirūpa’’ntiādi. Evaṃ sante bhikkhubhūtakāle āpajjitāpattiyo kathaṃ kātabbāti codanaṃ manasi katvā āha ‘‘yā desanāgāminiyo vā’’tiādi. Tattha bhikkhūnaṃ bhikkhunīhi sādhāraṇāti sañcarittādayo. Asādhāraṇāti sukkavissaṭṭhiādayo. Hotu bhagavato anuññātavasena liṅge parivatte asādhāraṇāpattīhi vuṭṭhitabhāvo, puna pakatiliṅge uppanne puna āpatti siyāti āsaṅkaṃ pariharituṃ ‘‘puna pakatiliṅge’’tiādi vuttaṃ. Idāni tamatthaṃ pāḷiyā sādhetuṃ ‘‘vuttañceta’’ntiādimāha. Tassattho paṭhamapārājikavaṇṇanāya ṭīkāsu (sārattha. ṭī. 2.69; vajira. ṭī. pārājika 69) vuttanayeneva daṭṭhabbo, idha pana garukāpattivuṭṭhānakathābhūtattā sāyeva kathā vuccate.

    247. д̇ад̇т̇а бхигкунийхи саад̇хааран̣ааяа бадижчаннааяа аабад̇д̇ияаад̇и сан̃жарид̇д̇аад̣̇иаабад̇д̇ияаа, хзд̇вад̇т̇з жзд̇ам̣ гаран̣аважанам̣. баривасанд̇ассаад̇и анаад̣̇арз саамиважанам̣. багкамаанад̇д̇амзва д̣̇аад̇аб̣б̣ам̣, на буна бариваасо д̣̇аад̇аб̣б̣о бхигкунибхаавз абариваасаарахад̇д̇аад̇и ад̇хиббааяо. маанад̇д̇ам̣ жаранд̇ассаад̇и анаад̣̇арзязва саамиважанам̣, чаарад̇д̇амаанад̇д̇з аажин̣н̣зязва баривад̇д̇ад̇и, буна багкамаанад̇д̇амзва д̣̇аад̇аб̣б̣анд̇и. д̇зна вагкад̇и ‘‘сажз жин̣н̣амаанад̇д̇ассаа’’д̇иаад̣̇и. агусалавибаагз баригкийн̣зд̇и бурисинд̣̇рияасса анд̇арад̇хаанам̣ санд̇хааяа вуд̇д̇ам̣. ид̇т̇инд̣̇рияабад̇идтаанам̣ бана гусалавибаагамзва. вуд̇д̇ан̃хи адтагат̇ааяам̣ ‘‘убхаяамби агусалзна анд̇арад̇хааяад̇и, гусалзна бадилаб̣бхад̇ий’’д̇и. чаарад̇д̇ам̣ маанад̇д̇амзва д̣̇аад̇аб̣б̣ам̣, на бариваасо д̣̇аад̇аб̣б̣о, на ваа багкамаанад̇д̇ам̣ д̣̇аад̇аб̣б̣ам̣.

    247. Tattha bhikkhunīhi sādhāraṇāya paṭicchannāya āpattiyāti sañcarittādiāpattiyā, hetvatthe cetaṃ karaṇavacanaṃ. Parivasantassāti anādare sāmivacanaṃ. Pakkhamānattameva dātabbaṃ, na puna parivāso dātabbo bhikkhunibhāve aparivāsārahattāti adhippāyo. Mānattaṃ carantassāti anādareyeva sāmivacanaṃ, chārattamānatte āciṇṇeyeva parivattati, puna pakkhamānattameva dātabbanti. Tena vakkhati ‘‘sace ciṇṇamānattassā’’tiādi. Akusalavipāke parikkhīṇeti purisindriyassa antaradhānaṃ sandhāya vuttaṃ. Itthindriyapatiṭṭhānaṃ pana kusalavipākameva. Vuttañhi aṭṭhakathāyaṃ ‘‘ubhayampi akusalena antaradhāyati, kusalena paṭilabbhatī’’ti. Chārattaṃ mānattameva dātabbaṃ, na parivāso dātabbo, na vā pakkhamānattaṃ dātabbaṃ.

    ‘‘аяам̣ бана висзсо’’д̇и вад̇ваа д̇ам̣ висзсам̣ д̣̇ассзд̇умааха ‘‘сажз’’д̇иаад̣̇и. бариваасад̣̇аанам̣ над̇т̇и, чаарад̇д̇ам̣ маанад̇д̇амзва д̣̇аад̇аб̣б̣ам̣. гасмаа? бхигкунигаалз бадижчаннад̇д̇аа. бхигкугаалз чаннааязва хи аабад̇д̇и бариваасаарахаа ход̇и, но бхигкунигаалзд̇и аяамзд̇аасам̣ висзсо. багкамаанад̇д̇ам̣ жаранд̇ияаад̇и анаад̣̇арз саамиважанам̣, багкамаанад̇д̇з аажин̣н̣зязваад̇и ад̇т̇о. д̇ат̇аа хи вагкад̇и ‘‘жин̣н̣амаанад̇д̇ааяаа’’д̇иаад̣̇и. чаарад̇д̇ам̣ маанад̇д̇ам̣ жаранд̇ассаад̇иаад̣̇и вуд̇д̇анаяамзва.

    ‘‘Ayaṃ pana viseso’’ti vatvā taṃ visesaṃ dassetumāha ‘‘sace’’tiādi. Parivāsadānaṃ natthi, chārattaṃ mānattameva dātabbaṃ. Kasmā? Bhikkhunikāle paṭicchannattā. Bhikkhukāle channāyeva hi āpatti parivāsārahā hoti, no bhikkhunikāleti ayametāsaṃ viseso. Pakkhamānattaṃ carantiyāti anādare sāmivacanaṃ, pakkhamānatte āciṇṇeyevāti attho. Tathā hi vakkhati ‘‘ciṇṇamānattāyā’’tiādi. Chārattaṃ mānattaṃ carantassātiādi vuttanayameva.

    бариваасавинижчаяагат̇аа

    Parivāsavinicchayakathā

    ид̣̇аани сан̇гхаад̣̇исзсаабад̇д̇и яасмаа саавасзсаг̇аругаабад̇д̇и ход̇и сад̇згижчаа, д̇асмаа яат̇аа наама рог̇аад̇уро буг̇г̇ало гин̃жи ад̇д̇ано хид̇асукагааран̣ам̣ гаад̇ум̣ на саггод̇и, д̇амзнам̣ гаарун̣иго д̇игижчаго гарун̣аасан̃жод̣̇ид̇о д̇игижчам̣ гад̇ваа г̇злан̃н̃ад̇о вудтаабзд̇ваа хид̇асукам̣ ж̇анзд̇и, звам̣ сан̇гхаад̣̇исзсаабад̇д̇исаман̇г̇ий буг̇г̇ало аан̣аавийд̇иггаманд̇арааяигабхаавад̇о саг̇г̇амогкамаг̇г̇ам̣ сод̇хзд̇ум̣ на саггод̇и, д̇амзнам̣ махаагаарун̣иго бхаг̇аваа махаагарун̣ааяа сан̃жод̣̇ид̇амаанасо анзгзхи наязхи аабад̇д̇ид̇о вудтаанам̣ гад̇ваа саг̇г̇амогкасукз бад̇идтабзд̇и, бхаг̇авад̇о ад̇хиббааяан̃н̃уно адтагат̇аажарияааби анзгзхи гааран̣зхи бхаг̇авад̇о важанасса ад̇т̇ам̣ багаасзд̇ваа висуд̣̇д̇хагаамаанам̣ наяам̣ д̣̇знд̇и, д̇ат̇аа дийгаажарияаад̣̇аяоби. звам̣ д̣̇иннз бана наяз яонисо манаси гаад̇ум̣ саггонд̇аа бан̣д̣ид̇аа яат̇аанусидтам̣ бадибаж̇ж̇анд̇и, асаггонд̇аа ан̃н̃ат̇аа ад̇т̇ам̣ г̇ахзд̇ваа на яат̇аанусидтам̣ бадибаж̇ж̇анд̇и, д̇зсам̣ д̣̇идтаануг̇ад̇им̣ ануг̇ажчанд̇аа сиссаад̣̇аяоби д̇ат̇зва гаронд̇и, д̇асмаа бхаг̇авад̇о важанан̃жа буб̣б̣знаабарам̣ сам̣санд̣̇ид̇ваа адтагат̇аадийгаад̣̇иважанан̃жа саммаа д̇улаяид̇ваа д̇ат̇ад̇о бхаг̇авад̇о ад̇хиббааяам̣ н̃ад̇ваа яат̇аанусидтам̣ бадибаж̇ж̇анд̇зхи г̇аругаабад̇д̇ид̇о вудтаханад̇т̇ам̣ яог̇о гаран̣ийяо.

    Idāni saṅghādisesāpatti yasmā sāvasesagarukāpatti hoti satekicchā, tasmā yathā nāma rogāturo puggalo kiñci attano hitasukhakāraṇaṃ kātuṃ na sakkoti, tamenaṃ kāruṇiko tikicchako karuṇāsañcodito tikicchaṃ katvā gelaññato vuṭṭhāpetvā hitasukhaṃ janeti, evaṃ saṅghādisesāpattisamaṅgī puggalo āṇāvītikkamantarāyikabhāvato saggamokkhamaggaṃ sodhetuṃ na sakkoti, tamenaṃ mahākāruṇiko bhagavā mahākaruṇāya sañcoditamānaso anekehi nayehi āpattito vuṭṭhānaṃ katvā saggamokkhasukhe patiṭṭhapeti, bhagavato adhippāyaññuno aṭṭhakathācariyāpi anekehi kāraṇehi bhagavato vacanassa atthaṃ pakāsetvā visuddhakāmānaṃ nayaṃ denti, tathā ṭīkācariyādayopi. Evaṃ dinne pana naye yoniso manasi kātuṃ sakkontā paṇḍitā yathānusiṭṭhaṃ paṭipajjanti, asakkontā aññathā atthaṃ gahetvā na yathānusiṭṭhaṃ paṭipajjanti, tesaṃ diṭṭhānugatiṃ anugacchantā sissādayopi tatheva karonti, tasmā bhagavato vacanañca pubbenāparaṃ saṃsanditvā aṭṭhakathāṭīkādivacanañca sammā tulayitvā tathato bhagavato adhippāyaṃ ñatvā yathānusiṭṭhaṃ paṭipajjantehi garukāpattito vuṭṭhahanatthaṃ yogo karaṇīyo.

    д̇асмаа яад̣̇аа бхигкуу ааг̇ажчанд̇и винаяад̇харасса санд̇игам̣ ‘‘г̇аругаабад̇д̇ивудтаанам̣ гариссаамаа’’д̇и, д̇ад̣̇аа винаяад̇харзна ‘‘д̇вам̣ гад̇араабад̇д̇им̣ аабанно’’д̇и бужчид̇аб̣б̣о. ‘‘сан̇гхаад̣̇исзсам̣ аабанно’’д̇и вуд̇д̇з ‘‘гад̇арасан̇гхаад̣̇исзса’’нд̇и бужчид̇ваа ‘‘имам̣ наамаа’’д̇и вуд̇д̇з суггависсадтияам̣ можзд̇угаамажзд̇анаа, убаггамо, мужжананд̇и д̇ийн̣и ан̇г̇аани. гааяасам̣саг̇г̇з мануссид̇т̇ий, ид̇т̇исан̃н̃ид̇аа, гааяасам̣саг̇г̇арааг̇о, д̇зна рааг̇зна вааяаамо, хад̇т̇аг̇г̇аахаад̣̇исамаабаж̇ж̇ананд̇и бан̃жа ан̇г̇аани. д̣̇удтуллаваажааяам̣ мануссид̇т̇ий, ид̇т̇исан̃н̃ид̇аа, д̣̇удтуллаваажассаад̣̇арааг̇о, д̇зна рааг̇зна обхаасанам̣, д̇ан̇кан̣авиж̇аанананд̇и бан̃жа ан̇г̇аани. ад̇д̇агаамз мануссид̇т̇ий, ид̇т̇исан̃н̃ид̇аа, ад̇д̇агаамабаарижарияааяа рааг̇о, д̇зна рааг̇зна ван̣н̣абхан̣анам̣, д̇ан̇кан̣авиж̇аанананд̇и бан̃жа ан̇г̇аани. сан̃жарид̇д̇з язсу сан̃жарид̇д̇ам̣ самаабаж̇ж̇ад̇и, д̇зсам̣ мануссаж̇аад̇игад̇аа , наалам̣важанийяад̇аа, бадиг̇г̇ан̣ханавиймам̣санабажжаахаран̣аанийд̇и бан̃жа ан̇г̇аани. гудигаарз уллид̇д̇аад̣̇ийнам̣ ан̃н̃ад̇арад̇аа, хздтимабамаан̣асамбхаво, ад̣̇зсид̇авад̇т̇угад̇аа, бамаан̣аад̇игганд̇ад̇аа, ад̇д̇уд̣̇д̣̇зсигад̇аа, ваасааг̇аарад̇аа, лзбагхаданаад̇и сад̇д̇а бамаан̣аяуд̇д̇аад̣̇ийсу чад̇хаа ан̇г̇аани. вихаарагаарз д̇ааниязва ча ан̇г̇аани. д̣̇удтад̣̇осз яам̣ жод̣̇зд̇и, д̇асса убасамбаннод̇и сан̇кяубаг̇аманам̣, д̇асмим̣ суд̣̇д̇хасан̃н̃ид̇аа, язна баарааж̇игзна жод̣̇зд̇и , д̇асса д̣̇идтаад̣̇ивасзна амуулагад̇аа, жааванаад̇хиббааязна саммукаажод̣̇анаа, д̇асса д̇ан̇кан̣авиж̇аанананд̇и бан̃жа ан̇г̇аани. ан̃н̃абхааг̇ияз ан̃н̃абхааг̇ияасса ад̇хигаран̣асса ган̃жид̣̇зсам̣ лзсамад̇д̇ам̣ убаад̣̇ияанад̇аа, буримаани бан̃жаад̇и ча ан̇г̇аани. сан̇гхабхзд̣̇з бхзд̣̇ааяа бараггаманам̣, д̇хаммагаммзна саманубхаасанам̣, гаммаваажаабарияосаанам̣, аббадиниссаж̇ж̇ананд̇и жад̇д̇аари ан̇г̇аани. бхзд̣̇аанувад̇д̇агз ан̇г̇зсу яат̇аа д̇ад̇т̇а бараггаманам̣, звам̣ ид̇ха анувад̇д̇ананд̇и жад̇д̇аари ан̇г̇аани. д̣̇уб̣б̣ажз ан̇г̇зсу яат̇аа д̇ад̇т̇а бараггаманам̣, звам̣ ид̇ха аважанийяагаран̣ад̇аад̇и жад̇д̇аари ан̇г̇аани. гулад̣̇уусагз ан̇г̇зсу яат̇аа д̇ад̇т̇а бараггаманам̣, звам̣ ид̇ха чанд̣̇аад̣̇ийхи баабананд̇и жад̇д̇аари ан̇г̇аани. ид̇и имаани ан̇г̇аани сод̇хзд̇ваа сажз ан̇г̇абаарибуурий ход̇и, ‘‘сан̇гхаад̣̇исзсо’’д̇и вад̇д̇аб̣б̣о. но жз, ‘‘нааяам̣ сан̇гхаад̣̇исзсо, т̇уллажжаяаад̣̇ийсу ан̃н̃ад̇араабад̇д̇ий’’д̇и вад̇ваа ‘‘нааяам̣ вудтаанаг̇ааминий, д̣̇зсанааг̇ааминий аяам̣ аабад̇д̇и, д̇асмаа бад̇ируубасса бхигкусса санд̇игз д̣̇зсзхий’’д̇и вад̇ваа д̣̇зсаабзд̇аб̣б̣о.

    Tasmā yadā bhikkhū āgacchanti vinayadharassa santikaṃ ‘‘garukāpattivuṭṭhānaṃ karissāmā’’ti, tadā vinayadharena ‘‘tvaṃ katarāpattiṃ āpanno’’ti pucchitabbo. ‘‘Saṅghādisesaṃ āpanno’’ti vutte ‘‘katarasaṅghādisesa’’nti pucchitvā ‘‘imaṃ nāmā’’ti vutte sukkavissaṭṭhiyaṃ mocetukāmacetanā, upakkamo, muccananti tīṇi aṅgāni. Kāyasaṃsagge manussitthī, itthisaññitā, kāyasaṃsaggarāgo, tena rāgena vāyāmo, hatthaggāhādisamāpajjananti pañca aṅgāni. Duṭṭhullavācāyaṃ manussitthī, itthisaññitā, duṭṭhullavācassādarāgo, tena rāgena obhāsanaṃ, taṅkhaṇavijānananti pañca aṅgāni. Attakāme manussitthī, itthisaññitā, attakāmapāricariyāya rāgo, tena rāgena vaṇṇabhaṇanaṃ, taṅkhaṇavijānananti pañca aṅgāni. Sañcaritte yesu sañcarittaṃ samāpajjati, tesaṃ manussajātikatā , nālaṃvacanīyatā, paṭiggaṇhanavīmaṃsanapaccāharaṇānīti pañca aṅgāni. Kuṭikāre ullittādīnaṃ aññataratā, heṭṭhimapamāṇasambhavo, adesitavatthukatā, pamāṇātikkantatā, attuddesikatā, vāsāgāratā, lepaghaṭanāti satta pamāṇayuttādīsu chadhā aṅgāni. Vihārakāre tāniyeva cha aṅgāni. Duṭṭhadose yaṃ codeti, tassa upasampannoti saṅkhyupagamanaṃ, tasmiṃ suddhasaññitā, yena pārājikena codeti , tassa diṭṭhādivasena amūlakatā, cāvanādhippāyena sammukhācodanā, tassa taṅkhaṇavijānananti pañca aṅgāni. Aññabhāgiye aññabhāgiyassa adhikaraṇassa kañcidesaṃ lesamattaṃ upādiyanatā, purimāni pañcāti cha aṅgāni. Saṅghabhede bhedāya parakkamanaṃ, dhammakammena samanubhāsanaṃ, kammavācāpariyosānaṃ, appaṭinissajjananti cattāri aṅgāni. Bhedānuvattake aṅgesu yathā tattha parakkamanaṃ, evaṃ idha anuvattananti cattāri aṅgāni. Dubbace aṅgesu yathā tattha parakkamanaṃ, evaṃ idha avacanīyakaraṇatāti cattāri aṅgāni. Kuladūsake aṅgesu yathā tattha parakkamanaṃ, evaṃ idha chandādīhi pāpananti cattāri aṅgāni. Iti imāni aṅgāni sodhetvā sace aṅgapāripūrī hoti, ‘‘saṅghādiseso’’ti vattabbo. No ce, ‘‘nāyaṃ saṅghādiseso, thullaccayādīsu aññatarāpattī’’ti vatvā ‘‘nāyaṃ vuṭṭhānagāminī, desanāgāminī ayaṃ āpatti, tasmā patirūpassa bhikkhussa santike desehī’’ti vatvā desāpetabbo.

    ат̇а бана анаабад̇д̇ижчааяаа бан̃н̃ааяад̇и, ‘‘анаабад̇д̇ий’’д̇и вад̇ваа уяяож̇зд̇аб̣б̣аа. сажз бана сан̇гхаад̣̇исзсажчааяаа бан̃н̃ааяад̇и, ‘‘д̇вам̣ имам̣ аабад̇д̇им̣ аабаж̇ж̇ид̇ваа чаад̣̇зси, на чаад̣̇зсий’’д̇и бужчид̇ваа ‘‘на чаад̣̇змий’’д̇и вуд̇д̇з ‘‘д̇зна хи д̇вам̣ на бариваасаарахо, маанад̇д̇аарахова ход̇ий’’д̇и вад̇д̇аб̣б̣о. ‘‘чаад̣̇змий’’д̇и бана вуд̇д̇з ‘‘д̣̇асасу аагаарзсу ан̃н̃ад̇арагааран̣зна чаад̣̇зси, уд̣̇ааху ан̃н̃агааран̣знаа’’д̇и бужчид̇ваа ‘‘д̣̇асасу ан̃н̃ад̇арагааран̣знаа’’д̇и вуд̇д̇з ‘‘звамби маанад̇д̇аарахо ход̇и, на бариваасаарахо’’д̇и вад̇д̇аб̣б̣о. ат̇а ‘‘ан̃н̃агааран̣знаа’’д̇и вад̣̇ад̇и, звам̣ санд̇зби ‘‘д̇вам̣ аабад̇д̇иаабаннабхаавам̣ ж̇аананд̇о бадижчаад̣̇зси, уд̣̇ааху аж̇аананд̇о’’д̇и бужчид̇ваа ‘‘аж̇аананд̇о бадижчаад̣̇змий’’д̇и вуд̇д̇з жа ‘‘аабад̇д̇иаабаннабхаавам̣ саранд̇о бадижчаад̣̇зси, уд̣̇ааху висарид̇ваа бадижчаад̣̇зсий’’д̇и бужчид̇ваа ‘‘висарид̇ваа бадижчаад̣̇змий’’д̇и вуд̇д̇з жа ‘‘аабад̇д̇иаабаннабхаавз взмад̇иго худ̇ваа бадижчаад̣̇зси, уд̣̇ааху ниб̣б̣змад̇иго худ̇ваа’’д̇и бужчид̇ваа ‘‘взмад̇иго худ̇ваа’’д̇и вуд̇д̇з жа ‘‘на д̇вам̣ бариваасаарахо, маанад̇д̇аарахова ход̇ий’’д̇и вад̇д̇аб̣б̣о.

    Atha pana anāpatticchāyā paññāyati, ‘‘anāpattī’’ti vatvā uyyojetabbā. Sace pana saṅghādisesacchāyā paññāyati, ‘‘tvaṃ imaṃ āpattiṃ āpajjitvā chādesi, na chādesī’’ti pucchitvā ‘‘na chādemī’’ti vutte ‘‘tena hi tvaṃ na parivāsāraho, mānattārahova hotī’’ti vattabbo. ‘‘Chādemī’’ti pana vutte ‘‘dasasu ākāresu aññatarakāraṇena chādesi, udāhu aññakāraṇenā’’ti pucchitvā ‘‘dasasu aññatarakāraṇenā’’ti vutte ‘‘evampi mānattāraho hoti, na parivāsāraho’’ti vattabbo. Atha ‘‘aññakāraṇenā’’ti vadati, evaṃ santepi ‘‘tvaṃ āpattiāpannabhāvaṃ jānanto paṭicchādesi, udāhu ajānanto’’ti pucchitvā ‘‘ajānanto paṭicchādemī’’ti vutte ca ‘‘āpattiāpannabhāvaṃ saranto paṭicchādesi, udāhu visaritvā paṭicchādesī’’ti pucchitvā ‘‘visaritvā paṭicchādemī’’ti vutte ca ‘‘āpattiāpannabhāve vematiko hutvā paṭicchādesi, udāhu nibbematiko hutvā’’ti pucchitvā ‘‘vematiko hutvā’’ti vutte ca ‘‘na tvaṃ parivāsāraho, mānattārahova hotī’’ti vattabbo.

    ат̇а ‘‘ж̇аананд̇о бадижчаад̣̇змий’’д̇и вуд̇д̇з жа ‘‘саранд̇о бадижчаад̣̇змий’’д̇и вуд̇д̇з жа ‘‘ниб̣б̣змад̇иго худ̇ваа бадижчаад̣̇змий’’д̇и вуд̇д̇з жа ‘‘д̇вам̣ бариваасаарахо’’д̇и вад̇д̇аб̣б̣о. вуд̇д̇ан̃хзд̇ам̣ самужжаяагканд̇хагз (жуул̣ава. 144) ‘‘со звам̣ вад̣̇ад̇и ‘яааяам̣, аавусо, аабад̇д̇и ж̇аанабадижчаннаа, д̇хаммигам̣ д̇ассаа аабад̇д̇ияаа бариваасад̣̇аанам̣, д̇хаммад̇д̇аа рухад̇и. яаа жа квааяам̣, аавусо, аабад̇д̇и аж̇аанаббадижчаннаа, ад̇хаммигам̣ д̇ассаа аабад̇д̇ияаа бариваасад̣̇аанам̣, ад̇хаммад̇д̇аа на рухад̇и. згиссаа, аавусо, аабад̇д̇ияаа бхигку маанад̇д̇аарахо’’’д̇и жа, ‘‘со звам̣ вад̣̇ад̇и ‘яааяам̣ аабад̇д̇и сарамаанабадижчаннаа, д̇хаммигам̣ д̇ассаа аабад̇д̇ияаа бариваасад̣̇аанам̣, д̇хаммад̇д̇аа рухад̇и. яаа жа квааяам̣ аабад̇д̇и асарамаанабадижчаннаа, ад̇хаммигам̣ д̇ассаа аабад̇д̇ияаа бариваасад̣̇аанам̣, ад̇хаммад̇д̇аа на рухад̇и. згиссаа, аавусо, аабад̇д̇ияаа бхигку маанад̇д̇аарахо’’’д̇и жа, ‘‘со звам̣ вад̣̇ад̇и ‘яааяам̣, аавусо, аабад̇д̇и ниб̣б̣змад̇игабадижчаннаа, д̇хаммигам̣ д̇ассаа аабад̇д̇ияаа бариваасад̣̇аанам̣, д̇хаммад̇д̇аа рухад̇и. яаа жа квааяам̣, аавусо, аабад̇д̇и взмад̇игабадижчаннаа, ад̇хаммигам̣ д̇ассаа аабад̇д̇ияаа бариваасад̣̇аанам̣, ад̇хаммад̇д̇аа на рухад̇и. згиссаа, аавусо, аабад̇д̇ияаа бхигкумаанад̇д̇аарахо’’’д̇и жа.

    Atha ‘‘jānanto paṭicchādemī’’ti vutte ca ‘‘saranto paṭicchādemī’’ti vutte ca ‘‘nibbematiko hutvā paṭicchādemī’’ti vutte ca ‘‘tvaṃ parivāsāraho’’ti vattabbo. Vuttañhetaṃ samuccayakkhandhake (cūḷava. 144) ‘‘so evaṃ vadati ‘yāyaṃ, āvuso, āpatti jānapaṭicchannā, dhammikaṃ tassā āpattiyā parivāsadānaṃ, dhammattā ruhati. Yā ca khvāyaṃ, āvuso, āpatti ajānappaṭicchannā, adhammikaṃ tassā āpattiyā parivāsadānaṃ, adhammattā na ruhati. Ekissā, āvuso, āpattiyā bhikkhu mānattāraho’’’ti ca, ‘‘so evaṃ vadati ‘yāyaṃ āpatti saramānapaṭicchannā, dhammikaṃ tassā āpattiyā parivāsadānaṃ, dhammattā ruhati. Yā ca khvāyaṃ āpatti asaramānapaṭicchannā, adhammikaṃ tassā āpattiyā parivāsadānaṃ, adhammattā na ruhati. Ekissā, āvuso, āpattiyā bhikkhu mānattāraho’’’ti ca, ‘‘so evaṃ vadati ‘yāyaṃ, āvuso, āpatti nibbematikapaṭicchannā, dhammikaṃ tassā āpattiyā parivāsadānaṃ, dhammattā ruhati. Yā ca khvāyaṃ, āvuso, āpatti vematikapaṭicchannā, adhammikaṃ tassā āpattiyā parivāsadānaṃ, adhammattā na ruhati. Ekissā, āvuso, āpattiyā bhikkhumānattāraho’’’ti ca.

    звам̣ бариваасаарахабхаавам̣ багаасзд̇ваа ‘‘аяам̣ бхигку бариваасаарахо, д̇ийсу бариваасзсу гад̇арабариваасаарахо’’д̇и жинд̇зд̇ваа ‘‘бхигку д̇вам̣ гад̇и аабад̇д̇ияо чаад̣̇зсий’’д̇и бужчид̇ваа ‘‘згам̣ аабад̇д̇и’’нд̇и ваа ‘‘д̣̇вз д̇ийн̣и д̇ад̇уд̇д̇ари ваа аабад̇д̇ияо чаад̣̇змий’’д̇и ваа вуд̇д̇з ‘‘гад̇ийхам̣ д̇вам̣ аабад̇д̇им̣ бадижчаад̣̇зсий’’д̇и бужчид̇ваа ‘‘згаахамзваахам̣ бадижчаад̣̇змий’’д̇и ваа ‘‘д̣̇вийхам̣ д̇ийхам̣ д̇ад̇уд̇д̇ари ваа бадижчаад̣̇змий’’д̇и ваа вуд̇д̇з ‘‘яаавад̇ийхам̣ бадижчаад̣̇зси, д̇аавад̇ийхам̣ д̇вам̣ бадивасиссасий’’д̇и вад̇д̇аб̣б̣о. вуд̇д̇ан̃хзд̇ам̣ бхаг̇авад̇аа ‘‘яаавад̇ийхам̣ ж̇аанам̣ бадижчаад̣̇зд̇и, д̇аавад̇ийхам̣ д̇зна бхигкунаа агаамаа баривад̇т̇аб̣б̣а’’нд̇и. д̇ад̇о ‘‘аяам̣ бхигку аабад̇д̇ибарияанд̇ам̣ ж̇аанаад̇и, д̇асмаа бадижчаннабариваасаарахо’’д̇и (баараа. 442) н̃ад̇ваа д̇ад̣̇ануруубаа гаммаваажаа гаад̇аб̣б̣аа.

    Evaṃ parivāsārahabhāvaṃ pakāsetvā ‘‘ayaṃ bhikkhu parivāsāraho, tīsu parivāsesu kataraparivāsāraho’’ti cintetvā ‘‘bhikkhu tvaṃ kati āpattiyo chādesī’’ti pucchitvā ‘‘ekaṃ āpatti’’nti vā ‘‘dve tīṇi tatuttari vā āpattiyo chādemī’’ti vā vutte ‘‘katīhaṃ tvaṃ āpattiṃ paṭicchādesī’’ti pucchitvā ‘‘ekāhamevāhaṃ paṭicchādemī’’ti vā ‘‘dvīhaṃ tīhaṃ tatuttari vā paṭicchādemī’’ti vā vutte ‘‘yāvatīhaṃ paṭicchādesi, tāvatīhaṃ tvaṃ paṭivasissasī’’ti vattabbo. Vuttañhetaṃ bhagavatā ‘‘yāvatīhaṃ jānaṃ paṭicchādeti, tāvatīhaṃ tena bhikkhunā akāmā parivatthabba’’nti. Tato ‘‘ayaṃ bhikkhu āpattipariyantaṃ jānāti, tasmā paṭicchannaparivāsāraho’’ti (pārā. 442) ñatvā tadanurūpā kammavācā kātabbā.

    зд̇т̇а жа аабад̇д̇ибарияанд̇абужчанам̣ гаммаваажаагаран̣ад̇т̇амзва ход̇и, рад̇д̇ибарияанд̇абужчанам̣ бана д̇ад̣̇ад̇т̇ан̃жзва суд̣̇д̇ханд̇абариваасасса анануруубабхаавад̣̇ассанад̇т̇ан̃жа ход̇и. вуд̇д̇ан̃хи адтагат̇ааяам̣ (жул̣ава. адта. 102) ‘‘со д̣̇увид̇хо жуул̣асуд̣̇д̇ханд̇о махаасуд̣̇д̇ханд̇од̇и, д̣̇увид̇хоби жзса рад̇д̇ибарижчзд̣̇ам̣ сагалам̣ ваа згажжам̣ ваа аж̇аананд̇асса жа асаранд̇асса жа д̇ад̇т̇а взмад̇игасса жа д̣̇аад̇аб̣б̣о. аабад̇д̇ибарияанд̇ам̣ бана ‘ахам̣ зд̇д̇агаа аабад̇д̇ияо аабанно’д̇и ж̇аанаад̇у ваа, маа ваа, агааран̣амзд̇а’’нд̇и. д̇ад̇о д̇асса бхигкуно нисийд̣̇анадтаанам̣ ж̇аанид̇аб̣б̣ам̣. д̣̇увид̇хан̃хи нисийд̣̇анадтаанам̣ анигкид̇д̇авад̇д̇зна нисийд̣̇ид̇аб̣б̣адтаанам̣, нигкид̇д̇авад̇д̇зна нисийд̣̇ид̇аб̣б̣адтаананд̇и.

    Ettha ca āpattipariyantapucchanaṃ kammavācākaraṇatthameva hoti, rattipariyantapucchanaṃ pana tadatthañceva suddhantaparivāsassa ananurūpabhāvadassanatthañca hoti. Vuttañhi aṭṭhakathāyaṃ (cuḷava. aṭṭha. 102) ‘‘so duvidho cūḷasuddhanto mahāsuddhantoti, duvidhopi cesa rattiparicchedaṃ sakalaṃ vā ekaccaṃ vā ajānantassa ca asarantassa ca tattha vematikassa ca dātabbo. Āpattipariyantaṃ pana ‘ahaṃ ettakā āpattiyo āpanno’ti jānātu vā, mā vā, akāraṇameta’’nti. Tato tassa bhikkhuno nisīdanaṭṭhānaṃ jānitabbaṃ. Duvidhañhi nisīdanaṭṭhānaṃ anikkhittavattena nisīditabbaṭṭhānaṃ, nikkhittavattena nisīditabbaṭṭhānanti.

    д̇ад̇т̇а аббабхигкугз вихаарз сабхааг̇абхигкуунам̣ васанадтаанз убажаарасиймаабарижчинно анд̇овихааро анигкид̇д̇авад̇д̇зна нисийд̣̇ид̇аб̣б̣адтаанам̣ ход̇и. убажаарасиймам̣ ад̇иггамма махаамаг̇г̇ад̇о оггамма г̇умб̣авад̇ибадижчаннадтаанам̣ нигкид̇д̇авад̇д̇зна нисийд̣̇ид̇аб̣б̣адтаанам̣ ход̇и. вуд̇д̇ан̃хи адтагат̇ааяам̣ (жуул̣ава. адта. 102) ‘‘сажз аббабхигкуго вихааро ход̇и, сабхааг̇аа бхигкуу васанд̇и, вад̇д̇ам̣ анигкибид̇ваа вихаарзязва рад̇д̇ибариг̇г̇ахо гаад̇аб̣б̣о. ат̇а на саггаа сод̇хзд̇ум̣, вуд̇д̇анаязнзва вад̇д̇ам̣ нигкибид̇ваа бажжуусасамаяз згзна бхигкунаа сад̣̇д̇хим̣ маанад̇д̇аван̣н̣анааяам̣ вуд̇д̇анаязнзва убажаарасиймам̣ ад̇иггамид̇ваа махаамаг̇г̇аа оггамма бадижчаннадтаанз нисийд̣̇ид̇ваа анд̇оарун̣зязва вуд̇д̇анаязнзва вад̇д̇ам̣ самаад̣̇ияид̇ваа д̇асса бхигкуно бариваасо аарожзд̇аб̣б̣о’’д̇и. ‘‘маанад̇д̇аван̣н̣анааяам̣ вуд̇д̇анаязнзваа’’д̇и жа ‘‘сажз аббабхигкуго вихааро ход̇и, сабхааг̇аа бхигкуу васанд̇и, вад̇д̇ам̣ анигкибид̇ваа анд̇овихаарзязва рад̇д̇ияо г̇ан̣зд̇аб̣б̣аа. ат̇а на саггаа сод̇хзд̇ум̣, вуд̇д̇анаязнзва вад̇д̇ам̣ нигкибид̇ваа бажжуусасамаяз жад̇уухи бан̃жахи ваа бхигкуухи сад̣̇д̇хим̣ баригкид̇д̇асса вихаарасса баригкзбад̇о, абаригкид̇д̇асса баригкзбаарахадтаанад̇о д̣̇вз лзд̣д̣убаад̇з ад̇иггамид̇ваа махаамаг̇г̇ад̇о оггамма г̇умб̣зна ваа вад̇ияаа ваа бадижчаннадтаанз нисийд̣̇ид̇аб̣б̣а’’нд̇и (ви. сан̇г̇а. адта. 238) ид̣̇ам̣ важанам̣ санд̇хааяа вуд̇д̇ам̣.

    Tattha appabhikkhuke vihāre sabhāgabhikkhūnaṃ vasanaṭṭhāne upacārasīmāparicchinno antovihāro anikkhittavattena nisīditabbaṭṭhānaṃ hoti. Upacārasīmaṃ atikkamma mahāmaggato okkamma gumbavatipaṭicchannaṭṭhānaṃ nikkhittavattena nisīditabbaṭṭhānaṃ hoti. Vuttañhi aṭṭhakathāyaṃ (cūḷava. aṭṭha. 102) ‘‘sace appabhikkhuko vihāro hoti, sabhāgā bhikkhū vasanti, vattaṃ anikkhipitvā vihāreyeva rattipariggaho kātabbo. Atha na sakkā sodhetuṃ, vuttanayeneva vattaṃ nikkhipitvā paccūsasamaye ekena bhikkhunā saddhiṃ mānattavaṇṇanāyaṃ vuttanayeneva upacārasīmaṃ atikkamitvā mahāmaggā okkamma paṭicchannaṭṭhāne nisīditvā antoaruṇeyeva vuttanayeneva vattaṃ samādiyitvā tassa bhikkhuno parivāso ārocetabbo’’ti. ‘‘Mānattavaṇṇanāyaṃ vuttanayenevā’’ti ca ‘‘sace appabhikkhuko vihāro hoti, sabhāgā bhikkhū vasanti, vattaṃ anikkhipitvā antovihāreyeva rattiyo gaṇetabbā. Atha na sakkā sodhetuṃ, vuttanayeneva vattaṃ nikkhipitvā paccūsasamaye catūhi pañcahi vā bhikkhūhi saddhiṃ parikkhittassa vihārassa parikkhepato, aparikkhittassa parikkhepārahaṭṭhānato dve leḍḍupāte atikkamitvā mahāmaggato okkamma gumbena vā vatiyā vā paṭicchannaṭṭhāne nisīditabba’’nti (vi. saṅga. aṭṭha. 238) idaṃ vacanaṃ sandhāya vuttaṃ.

    д̇ад̇т̇а аббабхигкуго вихааро ход̇ийд̇и ид̣̇ам̣ б̣ахубхигкугз вихаарз ан̃н̃з бхигкуу г̇ажчанд̇и, ан̃н̃з бхигкуу ааг̇ажчанд̇и, д̇асмаа рад̇д̇ижчзд̣̇авад̇д̇абхзд̣̇агааран̣аани сод̇хзд̇ум̣ д̣̇уггарад̇д̇аа вуд̇д̇ам̣. вагкад̇и хи ‘‘ат̇а на саггаа сод̇хзд̇у’’нд̇и. сабхааг̇аа бхигкуу васанд̇ийд̇и ид̣̇ам̣ висабхааг̇аанам̣ взрийбхигкуунам̣ санд̇игз вад̇д̇ам̣ аарожзнд̇о багаасзд̇угаамо ход̇и , д̇асмаа вуд̇д̇ам̣. вуд̇д̇ан̃хи адтагат̇ааяам̣ (жуул̣ава. адта. 102; ви. сан̇г̇а. адта. 236) ‘‘д̇асмаа авзрисабхааг̇асса санд̇игз аарожзд̇аб̣б̣аа. яо бана висабхааг̇о ход̇и суд̇ваа багаасзд̇угаамо, зваруубасса убаж̇жхааяассаби санд̇игз наарожзд̇аб̣б̣аа’’д̇и, д̇асмаа висабхааг̇аанам̣ васанадтаанз вад̇д̇ам̣ асамаад̣̇ияид̇ваа б̣ахиязва гаад̇умби ваддад̇ийд̇и д̣̇адтаб̣б̣ам̣. вихаарзязваад̇и анд̇оубажаарасиймааяамзва. вагкад̇и хи ‘‘ат̇а на саггаа…бз… убажаарасиймам̣ ад̇иггамид̇ваа’’д̇и. рад̇д̇ибариг̇г̇ахо гаад̇аб̣б̣од̇и рад̇д̇иг̇ан̣анаа гаад̇аб̣б̣аа. вуд̇д̇ан̃хи маанад̇д̇аван̣н̣анааяам̣ ‘‘рад̇д̇ияо г̇ан̣зд̇аб̣б̣аа’’д̇и. ат̇а на саггаа сод̇хзд̇унд̇и б̣ахубхигкугад̇д̇аа ваа вихаарасса висабхааг̇аанам̣ васанадтаанад̇д̇аа ваа рад̇д̇ижчзд̣̇авад̇д̇аабхзд̣̇агааран̣ааниби сод̇хзд̇ум̣ на саггаа. вад̇д̇ам̣ нигкибид̇ваад̇и бариваасавад̇д̇ам̣ нигкибид̇ваа. бажжуусасамаязд̇и бажчимаяаамагаалз арун̣од̣̇аяад̇о бурзд̇арамзва. д̇ат̇аа хи вагкад̇и ‘‘анд̇оарун̣зязва вуд̇д̇анаязна вад̇д̇ам̣ самаад̣̇ияид̇ваа д̇асса бхигкуно бариваасо аарожзд̇аб̣б̣о’’д̇и. згзна бхигкунаа сад̣̇д̇хинд̇и виббаваасарад̇д̇ижчзд̣̇авимужжанад̇т̇ам̣ винаа багад̇ад̇д̇зна сабхигкугаааваасааагкугаанааваасаг̇аманасан̇каад̇авад̇д̇абхзд̣̇авимужжанад̇т̇ан̃жа вуд̇д̇ам̣. д̇ат̇аа хи вуд̇д̇ам̣ ‘‘на, бхигкавз, баариваасигзна бхигкунаа сабхигкугаа ааваасаа абхигкуго анааваасо г̇анд̇аб̣б̣о ан̃н̃ад̇ра багад̇ад̇д̇зна ан̃н̃ад̇ра анд̇арааяаа’’д̇и (жуул̣ава. 76).

    Tattha appabhikkhuko vihāro hotīti idaṃ bahubhikkhuke vihāre aññe bhikkhū gacchanti, aññe bhikkhū āgacchanti, tasmā ratticchedavattabhedakāraṇāni sodhetuṃ dukkarattā vuttaṃ. Vakkhati hi ‘‘atha na sakkā sodhetu’’nti. Sabhāgā bhikkhū vasantīti idaṃ visabhāgānaṃ verībhikkhūnaṃ santike vattaṃ ārocento pakāsetukāmo hoti , tasmā vuttaṃ. Vuttañhi aṭṭhakathāyaṃ (cūḷava. aṭṭha. 102; vi. saṅga. aṭṭha. 236) ‘‘tasmā averisabhāgassa santike ārocetabbā. Yo pana visabhāgo hoti sutvā pakāsetukāmo, evarūpassa upajjhāyassapi santike nārocetabbā’’ti, tasmā visabhāgānaṃ vasanaṭṭhāne vattaṃ asamādiyitvā bahiyeva kātumpi vaṭṭatīti daṭṭhabbaṃ. Vihāreyevāti antoupacārasīmāyameva. Vakkhati hi ‘‘atha na sakkā…pe… upacārasīmaṃ atikkamitvā’’ti. Rattipariggaho kātabboti rattigaṇanā kātabbā. Vuttañhi mānattavaṇṇanāyaṃ ‘‘rattiyo gaṇetabbā’’ti. Atha na sakkā sodhetunti bahubhikkhukattā vā vihārassa visabhāgānaṃ vasanaṭṭhānattā vā ratticchedavattābhedakāraṇānipi sodhetuṃ na sakkā. Vattaṃ nikkhipitvāti parivāsavattaṃ nikkhipitvā. Paccūsasamayeti pacchimayāmakāle aruṇodayato puretarameva. Tathā hi vakkhati ‘‘antoaruṇeyeva vuttanayena vattaṃ samādiyitvā tassa bhikkhuno parivāso ārocetabbo’’ti. Ekena bhikkhunā saddhinti vippavāsaratticchedavimuccanatthaṃ vinā pakatattena sabhikkhukaāvāsaaakkhukaanāvāsagamanasaṅkhātavattabhedavimuccanatthañca vuttaṃ. Tathā hi vuttaṃ ‘‘na, bhikkhave, pārivāsikena bhikkhunā sabhikkhukā āvāsā abhikkhuko anāvāso gantabbo aññatra pakatattena aññatra antarāyā’’ti (cūḷava. 76).

    маанад̇д̇аван̣н̣анааяам̣ вуд̇д̇анаязнаад̇и ‘‘баригкид̇д̇асса вихаарасса баригкзбад̇о, абаригкид̇д̇асса баригкзбаарахадтаанад̇о д̣̇вз лзд̣д̣убаад̇з ад̇иггамид̇ваа’’д̇и вуд̇д̇анаязна. яад̣̇и звам̣ висамамид̣̇ам̣ наяад̣̇ассанам̣, баригкзбабаригкзбаарахадтаанз зва хи убажаарасиймаа ход̇и, гасмаа д̇ад̇т̇а убажаарасиймад̇о д̣̇взлзд̣д̣убаад̇аад̇иггамо вуд̇д̇о, ид̇ха бана убажаарасиймаад̇иггамо зваад̇и ? сажжам̣, д̇ат̇ааби вихаарз бхигкуунам̣ саж̇жхааяаад̣̇исад̣̇д̣̇асаванасаб̣бхаавад̇о сувид̣̇уураад̇иггамо вуд̇д̇о, ид̇ха бана убажаарасиймад̇о ад̇иггамамад̇д̇оби ад̇иггамоязваад̇и гад̇ваа вуд̇д̇о. б̣уд̣̇д̇хамад̇ан̃н̃уно хи адтагат̇аажарияаа. д̇ат̇аа хи вуд̇д̇ам̣ важ̇ираб̣уд̣̇д̇хидийгааяам̣ (важ̇ира. дий. жуул̣аваг̇г̇а 97) ‘‘баригкид̇д̇асса вихаарасса баригкзбад̇од̇иаад̣̇и гин̃жааби баал̣ияам̣ над̇т̇и, ат̇а ко адтагат̇аажарияаанам̣ важанзна д̇ат̇аа зва бадибаж̇ж̇ид̇аб̣б̣анд̇и жа вуд̇д̇а’’нд̇и.

    Mānattavaṇṇanāyaṃ vuttanayenāti ‘‘parikkhittassa vihārassa parikkhepato, aparikkhittassa parikkhepārahaṭṭhānato dve leḍḍupāte atikkamitvā’’ti vuttanayena. Yadi evaṃ visamamidaṃ nayadassanaṃ, parikkhepaparikkhepārahaṭṭhāne eva hi upacārasīmā hoti, kasmā tattha upacārasīmato dveleḍḍupātātikkamo vutto, idha pana upacārasīmātikkamo evāti ? Saccaṃ, tathāpi vihāre bhikkhūnaṃ sajjhāyādisaddasavanasabbhāvato suvidūrātikkamo vutto, idha pana upacārasīmato atikkamamattopi atikkamoyevāti katvā vutto. Buddhamataññuno hi aṭṭhakathācariyā. Tathā hi vuttaṃ vajirabuddhiṭīkāyaṃ (vajira. ṭī. cūḷavagga 97) ‘‘parikkhittassa vihārassa parikkhepatotiādi kiñcāpi pāḷiyaṃ natthi, atha kho aṭṭhakathācariyānaṃ vacanena tathā eva paṭipajjitabbanti ca vutta’’nti.

    маанад̇д̇аван̣н̣анааяам̣ жад̇уухи бан̃жахи ваа бхигкуухи сад̣̇д̇хинд̇и ид̣̇ам̣ бана уунзг̇ан̣зжаран̣арад̇д̇ижчзд̣̇авимужжанад̇т̇ам̣ вуд̇д̇ам̣. д̣̇вз лзд̣д̣убаад̇з ад̇иггамид̇ваад̇иаад̣̇и ан̃н̃зсам̣ бхигкуунам̣ савануубажаарад̣̇ассануубажааравиж̇аханад̇т̇ам̣ вуд̇д̇ам̣. д̇знзвааха дийгаажарияо ‘‘д̣̇вз лзд̣д̣убаад̇з ад̇иггамид̇ваад̇и ид̣̇ам̣ вихаарз бхигкуунам̣ саж̇жхааяаад̣̇исад̣̇д̣̇асавануубажааравиж̇аханад̇т̇ам̣ вуд̇д̇ам̣, ‘махаамаг̇г̇ад̇о оггаммаад̇и ид̣̇ам̣ маг̇г̇абадибаннаанам̣ бхигкуунам̣ савануубажааравиж̇аханад̇т̇ам̣, г̇умб̣зна ваад̇иаад̣̇и д̣̇ассануубажааравиж̇аханад̇т̇а’’нд̇и. д̇асмаа яат̇аавуд̇д̇ам̣ д̣̇увид̇хам̣ таанам̣ баривасанд̇амаанад̇д̇ажааригабхигкуухи нисийд̣̇ид̇аб̣б̣адтаанам̣ ход̇и. д̇зсу жа яад̣̇и анд̇овихаарзязва нисийд̣̇ид̇ваа баривасад̇и, убажаарасиймаг̇ад̇аанам̣ саб̣б̣зсам̣ бхигкуунам̣ аарожзд̇аб̣б̣ам̣ ход̇и. ат̇а б̣ахиубажаарасиймааяам̣, д̣̇идтаруубаанам̣ суд̇асад̣̇д̣̇аанам̣ аарожзд̇аб̣б̣ам̣. ад̣̇идтаасуд̇аанамби анд̇од̣̇ваад̣̇асахад̇т̇аг̇ад̇аанам̣ аарожзд̇аб̣б̣амзва. вуд̇д̇ан̃хи важ̇ираб̣уд̣̇д̇хидийгааяам̣ ‘‘вад̇д̇ам̣ нигкибид̇ваа васанд̇асса убажаарасиймаг̇ад̇аанам̣ саб̣б̣зсам̣ аарожанагижжам̣ над̇т̇и, д̣̇идтаруубаанам̣ суд̇асад̣̇д̣̇аанам̣ аарожзд̇аб̣б̣ам̣. ад̣̇идтаассуд̇аанамби анд̇од̣̇ваад̣̇асахад̇т̇аг̇ад̇аанам̣ аарожзд̇аб̣б̣ам̣. ид̣̇ам̣ вад̇д̇ам̣ нигкибид̇ваа васанд̇асса лагкан̣анд̇и вуд̇д̇а’’нд̇и. ид̣̇ан̃жа вад̇д̇ам̣ анигкибид̇ваа васанд̇асса анд̇овихаарзязва рад̇д̇ибариг̇г̇ахасса жа нигкибид̇ваа васанд̇асса убажаарасиймам̣ ад̇иггамид̇ваа вад̇д̇асамаад̣̇аанасса жа адтагат̇ааяам̣ вуд̇д̇ад̇д̇аа вуд̇д̇ам̣. убажааро бана анд̇осиймааяа тид̇аанам̣ сагалаубажаарасиймаа ход̇и, б̣ахиубажаарасиймааяа тид̇аанам̣ д̣̇ваад̣̇асахад̇т̇амад̇д̇ам̣. д̇знзва хи уд̣̇д̣̇зсабхад̇д̇аад̣̇исан̇гхалаабхо яад̣̇и анд̇осиймааяа уббаж̇ж̇ад̇и, сиймадтагасан̇гхасса ход̇и. яад̣̇и б̣ахисиймааяам̣, д̣̇ваад̣̇асахад̇т̇аб̣бханд̇арз бад̇д̇абхигкуунам̣, д̇асмаа убажааравасзнаби зса ад̇т̇о вин̃н̃ааяад̇и. д̇ат̇аа хи вуд̇д̇ам̣ важ̇ираб̣уд̣̇д̇хидийгааяам̣ (важ̇ира. дий. жуул̣аваг̇г̇а 97) ‘‘ад̇т̇ибхаавам̣ саллагкзд̇ваад̇и д̣̇ваад̣̇асахад̇т̇з убажаарз саллагкзд̇ваа анигкид̇д̇авад̇д̇аанам̣ убажаарасиймааяа ааг̇ад̇абхаавам̣ саллагкзд̇ваа сахаваасаад̣̇игам̣ взд̣̇ид̇аб̣б̣анд̇и жа вуд̇д̇а’’нд̇и.

    Mānattavaṇṇanāyaṃ catūhi pañcahi vā bhikkhūhi saddhinti idaṃ pana ūnegaṇecaraṇaratticchedavimuccanatthaṃ vuttaṃ. Dve leḍḍupāte atikkamitvātiādi aññesaṃ bhikkhūnaṃ savanūpacāradassanūpacāravijahanatthaṃ vuttaṃ. Tenevāha ṭīkācariyo ‘‘dve leḍḍupāte atikkamitvāti idaṃ vihāre bhikkhūnaṃ sajjhāyādisaddasavanūpacāravijahanatthaṃ vuttaṃ, ‘mahāmaggato okkammāti idaṃ maggapaṭipannānaṃ bhikkhūnaṃ savanūpacāravijahanatthaṃ, gumbena vātiādi dassanūpacāravijahanattha’’nti. Tasmā yathāvuttaṃ duvidhaṃ ṭhānaṃ parivasantamānattacārikabhikkhūhi nisīditabbaṭṭhānaṃ hoti. Tesu ca yadi antovihāreyeva nisīditvā parivasati, upacārasīmagatānaṃ sabbesaṃ bhikkhūnaṃ ārocetabbaṃ hoti. Atha bahiupacārasīmāyaṃ, diṭṭharūpānaṃ sutasaddānaṃ ārocetabbaṃ. Adiṭṭhaasutānampi antodvādasahatthagatānaṃ ārocetabbameva. Vuttañhi vajirabuddhiṭīkāyaṃ ‘‘vattaṃ nikkhipitvā vasantassa upacārasīmagatānaṃ sabbesaṃ ārocanakiccaṃ natthi, diṭṭharūpānaṃ sutasaddānaṃ ārocetabbaṃ. Adiṭṭhaassutānampi antodvādasahatthagatānaṃ ārocetabbaṃ. Idaṃ vattaṃ nikkhipitvā vasantassa lakkhaṇanti vutta’’nti. Idañca vattaṃ anikkhipitvā vasantassa antovihāreyeva rattipariggahassa ca nikkhipitvā vasantassa upacārasīmaṃ atikkamitvā vattasamādānassa ca aṭṭhakathāyaṃ vuttattā vuttaṃ. Upacāro pana antosīmāya ṭhitānaṃ sakalaupacārasīmā hoti, bahiupacārasīmāya ṭhitānaṃ dvādasahatthamattaṃ. Teneva hi uddesabhattādisaṅghalābho yadi antosīmāya uppajjati, sīmaṭṭhakasaṅghassa hoti. Yadi bahisīmāyaṃ, dvādasahatthabbhantare pattabhikkhūnaṃ, tasmā upacāravasenapi esa attho viññāyati. Tathā hi vuttaṃ vajirabuddhiṭīkāyaṃ (vajira. ṭī. cūḷavagga 97) ‘‘atthibhāvaṃ sallakkhetvāti dvādasahatthe upacāre sallakkhetvā anikkhittavattānaṃ upacārasīmāya āgatabhāvaṃ sallakkhetvā sahavāsādikaṃ veditabbanti ca vutta’’nti.

    звам̣ анигкид̇д̇авад̇д̇аанам̣ худ̇ваа баривасанд̇аанам̣ анд̇овихаарзязва васанасса, нигкид̇д̇авад̇д̇аанам̣ худ̇ваа баривасанд̇аанам̣ вихаарад̇о б̣ахи д̣̇вз лзд̣д̣убаад̇з ад̇иггамид̇ваа васанасса жа адтагат̇аад̣̇ийсу багаран̣зсу ааг̇ад̇ад̇д̇аа д̇ат̇ааг̇ад̇анаяо багаран̣ааг̇ад̇анаяо ход̇и. ид̣̇аани бана аажарияаа анигкид̇д̇авад̇д̇асса жа рад̇д̇ижчзд̣̇авад̇д̇абхзд̣̇ад̣̇осз барихарид̇ум̣ ад̇ид̣̇уггарад̇д̇аа, нигкид̇д̇авад̇д̇асса жа д̣̇звасигам̣ бажжуусасамаяз б̣ахисиймаг̇аманасса д̣̇угкад̇д̇аа, ваал̣асарийсабаад̣̇ибарисаяасса жа аасан̇гид̇аб̣б̣абхаавад̇о рад̇д̇ижчзд̣̇авад̇д̇абхзд̣̇абарихаран̣авасзна лагкан̣абаарибууримзва манаси гаронд̇аа нигкид̇д̇авад̇д̇ааби самаанаа анд̇овихаарзязва бариваасавасанан̃жа маанад̇д̇ажаран̣ан̃жа гаронд̇и.

    Evaṃ anikkhittavattānaṃ hutvā parivasantānaṃ antovihāreyeva vasanassa, nikkhittavattānaṃ hutvā parivasantānaṃ vihārato bahi dve leḍḍupāte atikkamitvā vasanassa ca aṭṭhakathādīsu pakaraṇesu āgatattā tathāgatanayo pakaraṇāgatanayo hoti. Idāni pana ācariyā anikkhittavattassa ca ratticchedavattabhedadose pariharituṃ atidukkarattā, nikkhittavattassa ca devasikaṃ paccūsasamaye bahisīmagamanassa dukkhattā, vāḷasarīsapādiparisayassa ca āsaṅkitabbabhāvato ratticchedavattabhedapariharaṇavasena lakkhaṇapāripūrimeva manasi karontā nikkhittavattāpi samānā antovihāreyeva parivāsavasanañca mānattacaraṇañca karonti.

    згажжз аажарияаа б̣ахиубажаарасиймааяам̣ бад̇ируубадтаанз багад̇ад̇д̇аанам̣ бхигкуунам̣ васанасаалам̣ гаараабзд̇ваа баариваасигабхигкуунам̣ нибаж̇ж̇анаман̃жам̣ саб̣б̣ад̇о чаннабарижчиннам̣ сад̣̇ваараб̣анд̇ханам̣ суг̇уд̇д̇ам̣ гаараабзд̇ваа д̇ам̣ бад̣̇зсам̣ вад̇ияаа баригкибаабзд̇ваа сааяанхасамаяз д̇ад̇т̇а г̇анд̇ваа убадтаагасааман̣зраад̣̇аяо нивад̇д̇аабзд̇ваа буримаяаамз ваа маж̇жхимаяаамз ваа саманд̇ад̇о сад̣̇д̣̇ачиж̇ж̇анагаалз багад̇ад̇д̇абхигкуу саалааяам̣ нибаж̇ж̇аабзд̇ваа баариваасигабхигкуу вад̇д̇ам̣ самаад̣̇аабзд̇ваа аарожаабзд̇ваа ад̇д̇ано ад̇д̇ано ман̃жагзсу нибаж̇ж̇аабзд̇ваа бажчимаяаамагаалз удтаабзд̇ваа арун̣з удтид̇з аарожаабзд̇ваа вад̇д̇ам̣ нигкибаабзнд̇и. зса наяо багаран̣зсу анааг̇ад̇ад̇д̇аа аажарияаанам̣ мад̇зна гад̇ад̇д̇аа аажарияанаяо наама. зса наяоби яат̇ааруд̇ад̇о багаран̣зсу анааг̇ад̇оби багаран̣аануломавасзна рад̇д̇ижчзд̣̇авад̇д̇абхзд̣̇ад̣̇осз барихарид̇ваа лаж̇ж̇ибзсалзхи б̣ахуссуд̇зхи сигкаагаамзхи винаяз багад̇ан̃н̃уухи вижаарид̇о самаано сунд̣̇аро басад̇т̇ова ход̇и, д̇асмаа ‘‘ануломанаяо’’д̇иби вад̇д̇ум̣ ваддад̇и.

    Ekacce ācariyā bahiupacārasīmāyaṃ patirūpaṭṭhāne pakatattānaṃ bhikkhūnaṃ vasanasālaṃ kārāpetvā pārivāsikabhikkhūnaṃ nipajjanamañcaṃ sabbato channaparicchinnaṃ sadvārabandhanaṃ suguttaṃ kārāpetvā taṃ padesaṃ vatiyā parikkhipāpetvā sāyanhasamaye tattha gantvā upaṭṭhākasāmaṇerādayo nivattāpetvā purimayāme vā majjhimayāme vā samantato saddachijjanakāle pakatattabhikkhū sālāyaṃ nipajjāpetvā pārivāsikabhikkhū vattaṃ samādāpetvā ārocāpetvā attano attano mañcakesu nipajjāpetvā pacchimayāmakāle uṭṭhāpetvā aruṇe uṭṭhite ārocāpetvā vattaṃ nikkhipāpenti. Esa nayo pakaraṇesu anāgatattā ācariyānaṃ matena katattā ācariyanayo nāma. Esa nayopi yathārutato pakaraṇesu anāgatopi pakaraṇānulomavasena ratticchedavattabhedadose pariharitvā lajjipesalehi bahussutehi sikkhākāmehi vinaye pakataññūhi vicārito samāno sundaro pasatthova hoti, tasmā ‘‘anulomanayo’’tipi vattuṃ vaṭṭati.

    нану жа анигкид̇д̇авад̇д̇аанам̣язва анд̇овихаарз васанам̣ адтагат̇ааяам̣ вуд̇д̇ам̣, ат̇а гасмаа нигкид̇д̇авад̇д̇ааби самаанаа васанд̇ийд̇и? сажжам̣, д̇ад̇т̇а бана аббабхигкугад̇д̇аа сабхааг̇абхигкуунам̣ васанадтаанад̇д̇аа жа рад̇д̇ижчзд̣̇авад̇д̇абхзд̣̇ад̣̇осз жа барихарид̇ум̣ саггун̣зяяабхаавад̇о сагаларад̇д̇инд̣̇ивамби вад̇д̇ам̣ анигкибид̇ваа васанам̣ вуд̇д̇ам̣, ид̇ха бана д̇ат̇аа асаггун̣зяяабхаавад̇о д̣̇иваа вад̇д̇ам̣ нигкибид̇ваа рад̇д̇ияам̣ самаад̣̇ияанд̇о ааг̇анд̇угаанам̣ анааг̇аманагаалабхаавад̇о, сад̣̇д̣̇ачиж̇ж̇анагаалабхаавад̇о жа рад̇д̇ижчзд̣̇аад̣̇ид̣̇осз барихарид̇ум̣ саггун̣зяяад̇д̇аа д̇ад̣̇ануломоязва ход̇ийд̇и манд̇ваа аажарияаа звам̣ гаронд̇ийд̇и д̣̇адтаб̣б̣ам̣.

    Nanu ca anikkhittavattānaṃyeva antovihāre vasanaṃ aṭṭhakathāyaṃ vuttaṃ, atha kasmā nikkhittavattāpi samānā vasantīti? Saccaṃ, tattha pana appabhikkhukattā sabhāgabhikkhūnaṃ vasanaṭṭhānattā ca ratticchedavattabhedadose ca pariharituṃ sakkuṇeyyabhāvato sakalarattindivampi vattaṃ anikkhipitvā vasanaṃ vuttaṃ, idha pana tathā asakkuṇeyyabhāvato divā vattaṃ nikkhipitvā rattiyaṃ samādiyanto āgantukānaṃ anāgamanakālabhāvato, saddachijjanakālabhāvato ca ratticchedādidose pariharituṃ sakkuṇeyyattā tadanulomoyeva hotīti mantvā ācariyā evaṃ karontīti daṭṭhabbaṃ.

    звам̣ ход̇у, б̣ахиубажаарасиймааяа васанд̇аанам̣ бадижчаннадтаанз нисийд̣̇анамзва адтагат̇ааяам̣ вуд̇д̇ам̣, на багад̇ад̇д̇асаалаагаран̣аман̃жагаран̣аад̣̇ийни, ат̇а гасмаа зд̇аани гаронд̇ийд̇и? сажжам̣, д̇ат̇ааби багад̇ад̇д̇асаалаагаран̣ам̣ баариваасигаанам̣ бхигкуунам̣ багад̇ад̇д̇зхи бхигкуухи виббаваасарад̇д̇ижчзд̣̇авад̇д̇абхзд̣̇ад̣̇осабарихаран̣ад̇т̇ам̣, д̇ам̣ ‘‘д̇аяо ко, убаали, баариваасигасса бхигкуно рад̇д̇ижчзд̣̇аа сахаваасо, виббаваасо, анаарожанаа’’д̇и вуд̇д̇абаатам̣ (жуул̣ава. 83) ануломзд̇и. ман̃жагаран̣ам̣ сахаваасарад̇д̇ижчзд̣̇авад̇д̇абхзд̣̇ад̣̇осабарихаран̣ад̇т̇ам̣, д̇ам̣ ‘‘на, бхигкавз, баариваасигзна бхигкунаа багад̇ад̇д̇зна бхигкунаа сад̣̇д̇хим̣ згажчаннз ааваасз вад̇т̇аб̣б̣ам̣, на згажчаннз анааваасз вад̇т̇аб̣б̣ам̣, на згажчаннз ааваасз ваа анааваасз ваа вад̇т̇аб̣б̣а’’нд̇и вуд̇д̇абаатан̃жа (жуул̣ава. 81) яат̇аавуд̇д̇абаатан̃жа ануломзд̇и. аад̣̇и-сад̣̇д̣̇зна сааяанхасамаяз г̇аманаад̣̇ийни сан̇г̇ан̣хаад̇и. д̇зсу адтагат̇ааяам̣ бажжуусасамаяз г̇аманз зва вуд̇д̇зби сааяанхасамаяз г̇аманам̣ рад̇д̇иг̇аманасса б̣ахубариссаяад̇д̇аа бариссаяавинод̣̇анад̇т̇ам̣, д̇ам̣ ‘‘анд̇арааяад̇о баримужжанад̇т̇ааяа г̇анд̇аб̣б̣амзваа’’д̇и вуд̇д̇ам̣ адтагат̇аабаатам̣ (жуул̣ава. адта. 76) ануломзд̇и. убадтаагасааман̣зраад̣̇ийнам̣ нивад̇д̇аабанам̣ анубасамбаннзна сахасзяяасан̇гаанивад̇д̇анад̇т̇ам̣, д̇ам̣ ‘‘яо бана бхигку анубасамбаннзна сахасзяяам̣ габбзяяа, баажид̇д̇ияа’’нд̇и вуд̇д̇ам̣ маад̇игаабаатам̣ (баажи. 49) ануломзд̇и. буримаяаамз ваа маж̇жхимаяаамз ваа саманд̇ад̇о сад̣̇д̣̇ачиж̇ж̇анагаалз багад̇ад̇д̇абхигкуу саалааяам̣ нибаж̇ж̇аабзд̇ваа баариваасигабхигкуунам̣ вад̇д̇асамаад̣̇аабанам̣ ан̃н̃абхигкуунам̣ сад̣̇д̣̇асаванавиваж̇ж̇анад̇т̇ам̣, д̇ам̣ анаарожанарад̇д̇ижчзд̣̇ад̣̇осабарихаран̣ад̇т̇ам̣, д̇ам̣ яат̇аавуд̇д̇арад̇д̇ижчзд̣̇абаатам̣ ануломзд̇и.

    Evaṃ hotu, bahiupacārasīmāya vasantānaṃ paṭicchannaṭṭhāne nisīdanameva aṭṭhakathāyaṃ vuttaṃ, na pakatattasālākaraṇamañcakaraṇādīni, atha kasmā etāni karontīti? Saccaṃ, tathāpi pakatattasālākaraṇaṃ pārivāsikānaṃ bhikkhūnaṃ pakatattehi bhikkhūhi vippavāsaratticchedavattabhedadosapariharaṇatthaṃ, taṃ ‘‘tayo kho, upāli, pārivāsikassa bhikkhuno ratticchedā sahavāso, vippavāso, anārocanā’’ti vuttapāṭhaṃ (cūḷava. 83) anulometi. Mañcakaraṇaṃ sahavāsaratticchedavattabhedadosapariharaṇatthaṃ, taṃ ‘‘na, bhikkhave, pārivāsikena bhikkhunā pakatattena bhikkhunā saddhiṃ ekacchanne āvāse vatthabbaṃ, na ekacchanne anāvāse vatthabbaṃ, na ekacchanne āvāse vā anāvāse vā vatthabba’’nti vuttapāṭhañca (cūḷava. 81) yathāvuttapāṭhañca anulometi. Ādi-saddena sāyanhasamaye gamanādīni saṅgaṇhāti. Tesu aṭṭhakathāyaṃ paccūsasamaye gamane eva vuttepi sāyanhasamaye gamanaṃ rattigamanassa bahuparissayattā parissayavinodanatthaṃ, taṃ ‘‘antarāyato parimuccanatthāya gantabbamevā’’ti vuttaṃ aṭṭhakathāpāṭhaṃ (cūḷava. aṭṭha. 76) anulometi. Upaṭṭhākasāmaṇerādīnaṃ nivattāpanaṃ anupasampannena sahaseyyasaṅkānivattanatthaṃ, taṃ ‘‘yo pana bhikkhu anupasampannena sahaseyyaṃ kappeyya, pācittiya’’nti vuttaṃ mātikāpāṭhaṃ (pāci. 49) anulometi. Purimayāme vā majjhimayāme vā samantato saddachijjanakāle pakatattabhikkhū sālāyaṃ nipajjāpetvā pārivāsikabhikkhūnaṃ vattasamādāpanaṃ aññabhikkhūnaṃ saddasavanavivajjanatthaṃ, taṃ anārocanaratticchedadosapariharaṇatthaṃ, taṃ yathāvuttaratticchedapāṭhaṃ anulometi.

    нану жа адтагат̇ааяам̣ анд̇оарун̣зязва вад̇д̇асамаад̣̇аабанам̣ вуд̇д̇ам̣, ат̇а гасмаа ‘‘буримаяаамамаж̇жхимаяаамзсуу’’д̇и вуд̇д̇анд̇и? нааяам̣ д̣̇осо, хияяоарун̣уг̇г̇аманад̇о бадтааяа хи яаава аж̇ж̇аарун̣уг̇г̇аманаа зго рад̇д̇инд̣̇иво аж̇ж̇аарун̣асса анд̇о наама, аж̇ж̇аарун̣ад̇о бадтааяа бажчаагаало арун̣асса б̣ахи наама, д̇асмаа буримамаж̇жхимаяаамзсу гад̇авад̇д̇асамаад̣̇аанамби арун̣од̣̇аяад̇о бурз гад̇ад̇д̇аа анд̇оарун̣з гад̇ам̣язва ход̇и. вад̇д̇ам̣ асамаад̣̇ияид̇ваа нибаж̇ж̇анз жа сад̇и нид̣̇д̣̇аавасзна арун̣уг̇г̇аманагаалам̣ аж̇аанид̇ваа вад̇д̇асамаад̣̇аанам̣ ад̇игганд̇ам̣ бхавзяяа, д̇асмаа бурзд̇арамзва самаад̣̇аанам̣ гад̇ваа нибаж̇ж̇анам̣ н̃ааяааг̇ад̇ам̣ ход̇и, ‘‘анд̇оарун̣зязва вуд̇д̇анаязнзва вад̇д̇ам̣ самаад̣̇ияид̇ваа’’д̇и вуд̇д̇аадтагат̇аабаатан̃жа (жуул̣ава. адта. 102) ануломзд̇и.

    Nanu ca aṭṭhakathāyaṃ antoaruṇeyeva vattasamādāpanaṃ vuttaṃ, atha kasmā ‘‘purimayāmamajjhimayāmesū’’ti vuttanti? Nāyaṃ doso, hiyyoaruṇuggamanato paṭṭhāya hi yāva ajjaaruṇuggamanā eko rattindivo ajjaaruṇassa anto nāma, ajjaaruṇato paṭṭhāya pacchākālo aruṇassa bahi nāma, tasmā purimamajjhimayāmesu katavattasamādānampi aruṇodayato pure katattā antoaruṇe kataṃyeva hoti. Vattaṃ asamādiyitvā nipajjane ca sati niddāvasena aruṇuggamanakālaṃ ajānitvā vattasamādānaṃ atikkantaṃ bhaveyya, tasmā puretarameva samādānaṃ katvā nipajjanaṃ ñāyāgataṃ hoti, ‘‘antoaruṇeyeva vuttanayeneva vattaṃ samādiyitvā’’ti vuttaaṭṭhakathāpāṭhañca (cūḷava. aṭṭha. 102) anulometi.

    звам̣ ход̇у, звам̣ санд̇зби гасмаа ‘‘аарожаабзд̇ваа’’д̇и вуд̇д̇ам̣, нану маал̣агасиймааяам̣ самаад̣̇иннагаалзязва вад̇д̇амаарожид̇анд̇и? сажжам̣ аарожид̇ам̣, аяам̣ бана бхигку д̣̇иваа вад̇д̇ам̣ нигкибид̇ваа нисинно, ид̣̇аани самаад̣̇инно, д̇асмаа маал̣агасиймааяа аарожид̇амби буна аарожзд̇аб̣б̣ам̣ ход̇и. ид̣̇амби ‘‘анд̇оарун̣зязва вуд̇д̇анаязнзва вад̇д̇ам̣ самаад̣̇ияид̇ваа д̇асса бхигкуно бариваасо аарожзд̇аб̣б̣о’’д̇и баатам̣ (жуул̣ава. адта. 102) ануломзд̇и. ат̇а ‘‘ад̇д̇ано ад̇д̇ано ман̃жагзсу нибаж̇ж̇аабзд̇ваа’’д̇и гасмаа вуд̇д̇ам̣, нану ан̃н̃аман̃н̃асса ман̃жзсу нибаж̇ж̇амаанааби багад̇ад̇д̇асаалад̇о ниб̣б̣од̣̇агабад̇анадтаанад̇о б̣ахи нибаж̇ж̇амаанаа сахаваасараааажчзд̣̇ад̣̇осад̇о муд̇д̇ааязваад̇и? на банзвам̣ д̣̇адтаб̣б̣ам̣. на хи баариваасиго багад̇ад̇д̇абхигкуухзва згажчаннз нибанно сахаваасарад̇д̇ижчзд̣̇аббад̇д̇о ход̇и, ат̇а ко ан̃н̃аман̃н̃амби ход̇иязва. вуд̇д̇ан̃жзд̇ам̣ саманд̇абаасаад̣̇игааяам̣ (жуул̣ава. адта. 81) ‘‘сажз хи д̣̇вз баариваасигаа згад̇о васзяяум̣, д̇з ан̃н̃аман̃н̃асса аж̇жхаажаарам̣ н̃ад̇ваа аг̇аараваа ваа виббадисаарино ваа худ̇ваа баабидтад̇арам̣ ваа аабад̇д̇им̣ аабаж̇ж̇зяяум̣ виб̣бхамзяяум̣ ваа, д̇асмаа нзсам̣ сахасзяяаа саб̣б̣аббагаарзна бадигкид̇д̇аа’’д̇и. ‘‘бажчимаяаамагаалз удтаабзд̇ваа арун̣з удтид̇з аарожаабзд̇ваа вад̇д̇ам̣ нигкибаабзнд̇ий’’д̇и зд̇т̇а арун̣з анудтид̇зязва вад̇д̇анигкибанз гарияамаанз рад̇д̇ижчзд̣̇о ход̇и, саа рад̇д̇и г̇ан̣ануубаг̇аа на ход̇и, д̇асмаа батамабарижчзд̣̇з вуд̇д̇ам̣ арун̣агат̇аавинижчаяам̣ ологзд̇ваа арун̣уг̇г̇аманабхааво судту ж̇аанид̇аб̣б̣о.

    Evaṃ hotu, evaṃ santepi kasmā ‘‘ārocāpetvā’’ti vuttaṃ, nanu māḷakasīmāyaṃ samādinnakāleyeva vattamārocitanti? Saccaṃ ārocitaṃ, ayaṃ pana bhikkhu divā vattaṃ nikkhipitvā nisinno, idāni samādinno, tasmā māḷakasīmāya ārocitampi puna ārocetabbaṃ hoti. Idampi ‘‘antoaruṇeyeva vuttanayeneva vattaṃ samādiyitvā tassa bhikkhuno parivāso ārocetabbo’’ti pāṭhaṃ (cūḷava. aṭṭha. 102) anulometi. Atha ‘‘attano attano mañcakesu nipajjāpetvā’’ti kasmā vuttaṃ, nanu aññamaññassa mañcesu nipajjamānāpi pakatattasālato nibbodakapatanaṭṭhānato bahi nipajjamānā sahavāsaraaācchedadosato muttāyevāti? Na panevaṃ daṭṭhabbaṃ. Na hi pārivāsiko pakatattabhikkhūheva ekacchanne nipanno sahavāsaratticchedappatto hoti, atha kho aññamaññampi hotiyeva. Vuttañcetaṃ samantapāsādikāyaṃ (cūḷava. aṭṭha. 81) ‘‘sace hi dve pārivāsikā ekato vaseyyuṃ, te aññamaññassa ajjhācāraṃ ñatvā agāravā vā vippaṭisārino vā hutvā pāpiṭṭhataraṃ vā āpattiṃ āpajjeyyuṃ vibbhameyyuṃ vā, tasmā nesaṃ sahaseyyā sabbappakārena paṭikkhittā’’ti. ‘‘Pacchimayāmakāle uṭṭhāpetvā aruṇe uṭṭhite ārocāpetvā vattaṃ nikkhipāpentī’’ti ettha aruṇe anuṭṭhiteyeva vattanikkhipane kariyamāne ratticchedo hoti, sā ratti gaṇanūpagā na hoti, tasmā paṭhamaparicchede vuttaṃ aruṇakathāvinicchayaṃ oloketvā aruṇuggamanabhāvo suṭṭhu jānitabbo.

    ‘‘аарожаабзд̇ваа вад̇д̇ам̣ нигкибаабзд̇аб̣б̣а’’нд̇и вуд̇д̇ам̣. гасмаа аарожаабзд̇и, нану самаад̣̇иннагаалзязва аарожид̇анд̇и? сажжам̣, д̇ат̇ааби баариваасигавад̇д̇асамаад̣̇аанагаалз аарожид̇зсу бхигкуусу згажжз нигкибанагаалз г̇ажчанд̇и, ан̃н̃з ааг̇ажчанд̇и, звам̣ барисасан̇гаманамби сияаа, д̇ат̇аа жа сад̇и абхинавааг̇ад̇аанам̣ саб̣бхааваа аарожзд̇аб̣б̣ам̣ ход̇и, асад̇и бана абхинавааг̇ад̇абхигкумхи аарожанагижжам̣ над̇т̇и. звам̣ санд̇зби аарожанз д̣̇осаабхаавад̇о буна аарожанам̣ н̃ааяааг̇ад̇ам̣ ход̇и, маанад̇д̇ажаран̣агаалз бана самаад̣̇аанз аарожид̇зби нигкибанз авассам̣ аарожзд̇аб̣б̣амзва . гасмаа? д̣̇ивасанд̇арабхаавад̇о. ‘‘д̣̇звасигам̣ аарожзд̇аб̣б̣а’’нд̇и (жуул̣ава. адта. 90) хи вуд̇д̇ам̣. звам̣ санд̇зби сааяам̣ самаад̣̇аанагаалз аарожзссад̇и, д̇асмаа нигкибанз аарожанагижжам̣ над̇т̇ийд̇и жз? на, сааяам̣ самаад̣̇аанагаалз зд̇з бхигкуу ааг̇ажчиссанд̇иби, на ааг̇ажчиссанд̇иби, анааг̇ад̇аанам̣ гат̇ам̣ аарожзд̇ум̣ лабхиссад̇и, анаарожанз жа сад̇и рад̇д̇ижчзд̣̇о сияаа, д̇асмаа д̇асмим̣ д̣̇ивасз арун̣з удтид̇з вад̇д̇анигкибанад̇о бурзязва аарожзд̇аб̣б̣анд̇и но мад̇и, судтуд̇арам̣ убад̇хаарзд̇ваа г̇ахзд̇аб̣б̣ам̣. звам̣ багаран̣ааг̇ад̇анаязна ваа багаран̣аануломааажарияанаязна ваа саммаасамб̣уд̣̇д̇хасса аан̣ам̣ бад̇идтаабзнд̇зна винаяаговид̣̇зна б̣ахуссуд̇зна лаж̇ж̇ийбзсалабхууд̇зна винаяад̇харзна висуд̣̇д̇хигаамаанам̣ бзсалаанам̣ бхигкуунам̣ сийлависуд̣̇д̇хад̇т̇ааяа судту вижаарзд̇ваа бариваасавад̇д̇аамаанад̇д̇ажаран̣авад̇д̇аани аажигкид̇аб̣б̣аанийд̇и.

    ‘‘Ārocāpetvā vattaṃ nikkhipāpetabba’’nti vuttaṃ. Kasmā ārocāpeti, nanu samādinnakāleyeva ārocitanti? Saccaṃ, tathāpi pārivāsikavattasamādānakāle ārocitesu bhikkhūsu ekacce nikkhipanakāle gacchanti, aññe āgacchanti, evaṃ parisasaṅkamanampi siyā, tathā ca sati abhinavāgatānaṃ sabbhāvā ārocetabbaṃ hoti, asati pana abhinavāgatabhikkhumhi ārocanakiccaṃ natthi. Evaṃ santepi ārocane dosābhāvato puna ārocanaṃ ñāyāgataṃ hoti, mānattacaraṇakāle pana samādāne ārocitepi nikkhipane avassaṃ ārocetabbameva . Kasmā? Divasantarabhāvato. ‘‘Devasikaṃ ārocetabba’’nti (cūḷava. aṭṭha. 90) hi vuttaṃ. Evaṃ santepi sāyaṃ samādānakāle ārocessati, tasmā nikkhipane ārocanakiccaṃ natthīti ce? Na, sāyaṃ samādānakāle ete bhikkhū āgacchissantipi, na āgacchissantipi, anāgatānaṃ kathaṃ ārocetuṃ labhissati, anārocane ca sati ratticchedo siyā, tasmā tasmiṃ divase aruṇe uṭṭhite vattanikkhipanato pureyeva ārocetabbanti no mati, suṭṭhutaraṃ upadhāretvā gahetabbaṃ. Evaṃ pakaraṇāgatanayena vā pakaraṇānulomaācariyanayena vā sammāsambuddhassa āṇaṃ patiṭṭhāpentena vinayakovidena bahussutena lajjīpesalabhūtena vinayadharena visuddhikāmānaṃ pesalānaṃ bhikkhūnaṃ sīlavisuddhatthāya suṭṭhu vicāretvā parivāsavattāmānattacaraṇavattāni ācikkhitabbānīti.

    имасмим̣ таанз лаж̇ж̇ийбхигкуунам̣ бариваасаад̣̇игат̇ааяа гусалад̇т̇ам̣ наанааваад̣̇анаяо вужжад̇з – гзжи бхигкуу ‘‘багад̇ад̇д̇асаалам̣ гурумаанзна д̇ассаа саалааяа маж̇жхз т̇амбхам̣ нимид̇д̇ам̣ гад̇ваа д̇ад̇о д̣̇ваад̣̇асахад̇т̇амад̇д̇ам̣ бад̣̇зсам̣ саллагкзд̇ваа яат̇аа бан̃н̃ад̇д̇з баариваасигаанам̣ ман̃жз нибаннасса бхигкусса г̇ийваа д̇асса бад̣̇зсасса убари ход̇и, д̇ат̇аа бан̃н̃аабзд̇аб̣б̣о. звам̣ гад̇з сугад̇ам̣ ход̇ий’’д̇и вад̣̇анд̇и гаронд̇и жа. згажжз ‘‘ман̃жз нибаннасса бхигкусса гади д̇асса бад̣̇зсасса убари ход̇и, яат̇аа бан̃н̃аабзд̇аб̣б̣о, звам̣ гад̇з сугад̇ам̣ ход̇ий’’д̇и вад̣̇анд̇и гаронд̇и жа, д̇ам̣ важанам̣ нзва баал̣ияам̣, на адтагат̇аадийгаад̣̇ийсу виж̇ж̇ад̇и, гзвалам̣ д̇зсам̣ баригаббамзва. аяам̣ бана нзсам̣ ад̇хиббааяо сияаа – ‘‘д̣̇ваад̣̇асахад̇т̇ам̣ бана убажаарам̣ мун̃жид̇ваа нисийд̣̇ид̇ум̣ ваддад̇ий’’д̇и адтагат̇ааяам̣ вуд̇д̇аважанан̃жа ‘‘ат̇а д̣̇ваад̣̇асахад̇т̇ам̣ убажаарам̣ оггамид̇ваа аж̇аананд̇ассзва г̇ажчад̇и, рад̇д̇ижчзд̣̇о ход̇и зва, вад̇д̇абхзд̣̇о бана над̇т̇ий’’д̇и адтагат̇ааважанан̃жа (жуул̣ава. адта. 97) ‘‘ад̣̇идтаассуд̇аанамби анд̇од̣̇ваад̣̇асахад̇т̇аг̇ад̇аанам̣ аарожзд̇аб̣б̣а’’нд̇и вуд̇д̇адийгааважанан̃жа (саарад̇т̇а. дий. жуул̣аваг̇г̇а 3.97) ‘‘ад̣̇идтаассуд̇аанамби анд̇од̣̇ваад̣̇асахад̇т̇аг̇ад̇аанам̣ аарожзд̇аб̣б̣ам̣, ‘ид̣̇ам̣ вад̇д̇ам̣ нигкибид̇ваа васанд̇асса лагкан̣а’нд̇и вуд̇д̇а’’нд̇и вуд̇д̇аваж̇ираб̣уд̣̇д̇хидийгааважанан̃жа (важ̇ира. дий. жуул̣аваг̇г̇а 97) ‘‘ад̇т̇ибхаавам̣ саллагкзд̇ваад̇и д̣̇ваад̣̇асахад̇т̇з убажаарз саллагкзд̇ваа, анигкид̇д̇авад̇д̇аанам̣ убажаарасиймааяа ааг̇ад̇абхаавам̣ саллагкзд̇ваа сахаваасаад̣̇игам̣ взд̣̇ид̇аб̣б̣а’’нд̇и вуд̇д̇ам̣ важ̇ираб̣уд̣̇д̇хидийгааважанан̃жа бассид̇ваа аяонисо ад̇т̇ам̣ г̇ахзд̇ваа саб̣б̣ад̇т̇а д̣̇ваад̣̇асахад̇т̇амзва бамаан̣ам̣, д̇ад̇о уунамби ад̇хигамби на ваддад̇и, д̇асмаа яат̇аавуд̇д̇анаязна маж̇жхз т̇амбхад̇о д̣̇ваад̣̇асахад̇т̇амад̇д̇з бад̣̇зсз нибаннасса бхигкусса г̇ийваа ваа гади ваа ход̇у, звам̣ санд̇з д̣̇ваад̣̇асахад̇т̇аббад̣̇зсз баариваасигабхигку ход̇и, д̇ад̇о сахаваасад̇о ваа виббаваасад̇о ваа рад̇д̇ижчзд̣̇авад̇д̇абхзд̣̇ад̣̇осаа на хонд̇ийд̇и.

    Imasmiṃ ṭhāne lajjībhikkhūnaṃ parivāsādikathāya kusalatthaṃ nānāvādanayo vuccate – keci bhikkhū ‘‘pakatattasālaṃ kurumānena tassā sālāya majjhe thambhaṃ nimittaṃ katvā tato dvādasahatthamattaṃ padesaṃ sallakkhetvā yathā paññatte pārivāsikānaṃ mañce nipannassa bhikkhussa gīvā tassa padesassa upari hoti, tathā paññāpetabbo. Evaṃ kate sukataṃ hotī’’ti vadanti karonti ca. Ekacce ‘‘mañce nipannassa bhikkhussa kaṭi tassa padesassa upari hoti, yathā paññāpetabbo, evaṃ kate sukataṃ hotī’’ti vadanti karonti ca, taṃ vacanaṃ neva pāḷiyaṃ, na aṭṭhakathāṭīkādīsu vijjati, kevalaṃ tesaṃ parikappameva. Ayaṃ pana nesaṃ adhippāyo siyā – ‘‘dvādasahatthaṃ pana upacāraṃ muñcitvā nisīdituṃ vaṭṭatī’’ti aṭṭhakathāyaṃ vuttavacanañca ‘‘atha dvādasahatthaṃ upacāraṃ okkamitvā ajānantasseva gacchati, ratticchedo hoti eva, vattabhedo pana natthī’’ti aṭṭhakathāvacanañca (cūḷava. aṭṭha. 97) ‘‘adiṭṭhaassutānampi antodvādasahatthagatānaṃ ārocetabba’’nti vuttaṭīkāvacanañca (sārattha. ṭī. cūḷavagga 3.97) ‘‘adiṭṭhaassutānampi antodvādasahatthagatānaṃ ārocetabbaṃ, ‘idaṃ vattaṃ nikkhipitvā vasantassa lakkhaṇa’nti vutta’’nti vuttavajirabuddhiṭīkāvacanañca (vajira. ṭī. cūḷavagga 97) ‘‘atthibhāvaṃ sallakkhetvāti dvādasahatthe upacāre sallakkhetvā, anikkhittavattānaṃ upacārasīmāya āgatabhāvaṃ sallakkhetvā sahavāsādikaṃ veditabba’’nti vuttaṃ vajirabuddhiṭīkāvacanañca passitvā ayoniso atthaṃ gahetvā sabbattha dvādasahatthameva pamāṇaṃ, tato ūnampi adhikampi na vaṭṭati, tasmā yathāvuttanayena majjhe thambhato dvādasahatthamatte padese nipannassa bhikkhussa gīvā vā kaṭi vā hotu, evaṃ sante dvādasahatthappadese pārivāsikabhikkhu hoti, tato sahavāsato vā vippavāsato vā ratticchedavattabhedadosā na hontīti.

    д̇ад̇рзвам̣ яуд̇д̇ааяуд̇д̇авижааран̣аа гаад̇аб̣б̣аа. яат̇аавуд̇д̇абаатзсу батамабаатасса аяамад̇хиббааяо – багад̇ад̇д̇абхигкумхи чамааяа нисиннз яад̣̇и баариваасигабхигку аасанз нисийд̣̇ид̇угаамо, багад̇ад̇д̇асса бхигкуно нисиннадтаанад̇о д̣̇ваад̣̇асахад̇т̇ам̣ убажаарам̣ мун̃жид̇ваава нисийд̣̇ид̇ум̣ ваддад̇и, на д̣̇ваад̣̇асахад̇т̇аб̣бханд̇арзд̇и. зд̇зна д̣̇вийсуби чамааяа нисиннзсу д̣̇ваад̣̇асахад̇т̇аб̣бханд̇арзби ваддад̇и, д̣̇ваад̣̇асахад̇т̇аббад̣̇зсад̇о б̣ахи нисийд̣̇анд̇о аасанзби нисийд̣̇ид̇ум̣ ваддад̇ийд̇и д̣̇ассзд̇и. д̇знааха ‘‘на чамааяа нисиннзд̇и багад̇ад̇д̇з бхуумияам̣ нисиннз ид̇арзна анд̇амасо д̇ин̣асант̇арзби ужжад̇арз ваалигад̇алзби ваа на нисийд̣̇ид̇аб̣б̣ам̣, д̣̇ваад̣̇асахад̇т̇ам̣ бана убажаарам̣ мун̃жид̇ваа нисийд̣̇ид̇ум̣ ваддад̇ий’’д̇и (жуул̣ава. адта. 81). ид̇и багад̇ад̇д̇з чамааяа нисиннз баариваасигзна нисийд̣̇ид̇аб̣б̣адтаанад̣̇ийбаго аяам̣ баато, на ман̃жабан̃н̃аабанадтаанасаяанадтаанад̣̇ийбаго, д̇ам̣ буб̣б̣аабарабарибун̣н̣ам̣ сагалам̣ баатам̣ анологзд̇ваа згад̣̇зсамад̇д̇амзва бассид̇ваа баригаббавасзна аяонисо ад̇хиббааяам̣ г̇ан̣ханд̇и.

    Tatrevaṃ yuttāyuttavicāraṇā kātabbā. Yathāvuttapāṭhesu paṭhamapāṭhassa ayamadhippāyo – pakatattabhikkhumhi chamāya nisinne yadi pārivāsikabhikkhu āsane nisīditukāmo, pakatattassa bhikkhuno nisinnaṭṭhānato dvādasahatthaṃ upacāraṃ muñcitvāva nisīdituṃ vaṭṭati, na dvādasahatthabbhantareti. Etena dvīsupi chamāya nisinnesu dvādasahatthabbhantarepi vaṭṭati, dvādasahatthappadesato bahi nisīdanto āsanepi nisīdituṃ vaṭṭatīti dasseti. Tenāha ‘‘na chamāya nisinneti pakatatte bhūmiyaṃ nisinne itarena antamaso tiṇasantharepi uccatare vālikatalepi vā na nisīditabbaṃ, dvādasahatthaṃ pana upacāraṃ muñcitvā nisīdituṃ vaṭṭatī’’ti (cūḷava. aṭṭha. 81). Iti pakatatte chamāya nisinne pārivāsikena nisīditabbaṭṭhānadīpako ayaṃ pāṭho, na mañcapaññāpanaṭṭhānasayanaṭṭhānadīpako, taṃ pubbāparaparipuṇṇaṃ sakalaṃ pāṭhaṃ anoloketvā ekadesamattameva passitvā parikappavasena ayoniso adhippāyaṃ gaṇhanti.

    д̣̇уд̇ияабаатасса бана аяамад̇хиббааяо – б̣ахи убажаарасиймааяа бадижчаннадтаанз вад̇д̇ам̣ самаад̣̇ияид̇ваа нисиннз бхигкусмим̣ д̇асса нисиннадтаанад̇о д̣̇ваад̣̇асахад̇т̇ам̣ убажаарам̣ оггамид̇ваа д̇асса аж̇аананд̇ассзва ан̃н̃о бхигку г̇ажчад̇и, д̇асса баариваасигасса бхигкуно рад̇д̇ижчзд̣̇о ход̇и, вад̇д̇абхзд̣̇о бана над̇т̇и. гасмаа рад̇д̇ижчзд̣̇о ход̇и? убажаарам̣ оггамид̇ад̇д̇аа. гасмаа на вад̇д̇абхзд̣̇о? аж̇аананд̇ад̇д̇аад̇и. зд̇зна б̣ахиубажаарасиймааяа убажааро д̣̇ваад̣̇асахад̇т̇аббамаан̣о ход̇и аарожанагкзд̇д̇абхууд̇од̇и д̣̇ассзд̇и. д̇знааха ‘‘г̇умб̣зна ваа вад̇ияаа ваа бадижчаннадтаанз нисийд̣̇ид̇аб̣б̣ам̣, анд̇оарун̣зязва вуд̇д̇анаязна вад̇д̇ам̣ самаад̣̇ияид̇ваа аарожзд̇аб̣б̣ам̣. сажз ан̃н̃о гожи бхигку гзнажид̣̇зва гаран̣ийязна д̇ам̣ таанам̣ ааг̇ажчад̇и, сажз зса д̇ам̣ бассад̇и, сад̣̇д̣̇ам̣ ваасса сун̣аад̇и, аарожзд̇аб̣б̣ам̣. анаарожзнд̇асса рад̇д̇ижчзд̣̇о жзва вад̇д̇абхзд̣̇о жа. ат̇а д̣̇ваад̣̇асахад̇т̇ам̣ убажаарам̣ оггамид̇ваа аж̇аананд̇ассзва г̇ажчад̇и, рад̇д̇ижчзд̣̇о ход̇и зва, вад̇д̇абхзд̣̇о бана над̇т̇ий’’д̇и (жуул̣ава. адта. 97). ид̇и аяамби баато аарожанагкзд̇д̇ад̣̇ийбаго ход̇и, на ман̃жабан̃н̃аабанаад̣̇ид̣̇ийбагод̇и д̣̇адтаб̣б̣ам̣.

    Dutiyapāṭhassa pana ayamadhippāyo – bahi upacārasīmāya paṭicchannaṭṭhāne vattaṃ samādiyitvā nisinne bhikkhusmiṃ tassa nisinnaṭṭhānato dvādasahatthaṃ upacāraṃ okkamitvā tassa ajānantasseva añño bhikkhu gacchati, tassa pārivāsikassa bhikkhuno ratticchedo hoti, vattabhedo pana natthi. Kasmā ratticchedo hoti? Upacāraṃ okkamitattā. Kasmā na vattabhedo? Ajānantattāti. Etena bahiupacārasīmāya upacāro dvādasahatthappamāṇo hoti ārocanakkhettabhūtoti dasseti. Tenāha ‘‘gumbena vā vatiyā vā paṭicchannaṭṭhāne nisīditabbaṃ, antoaruṇeyeva vuttanayena vattaṃ samādiyitvā ārocetabbaṃ. Sace añño koci bhikkhu kenacideva karaṇīyena taṃ ṭhānaṃ āgacchati, sace esa taṃ passati, saddaṃ vāssa suṇāti, ārocetabbaṃ. Anārocentassa ratticchedo ceva vattabhedo ca. Atha dvādasahatthaṃ upacāraṃ okkamitvā ajānantasseva gacchati, ratticchedo hoti eva, vattabhedo pana natthī’’ti (cūḷava. aṭṭha. 97). Iti ayampi pāṭho ārocanakkhettadīpako hoti, na mañcapaññāpanādidīpakoti daṭṭhabbaṃ.

    д̇ад̇ияабаатасса бана аяамад̇хиббааяо – гим̣ б̣ахиубажаарасиймааяа вад̇д̇асамаад̣̇аанадтаанам̣ ааг̇ад̇абхигкуунам̣ д̣̇идтаруубаанам̣ суд̇асад̣̇д̣̇аанам̣язва аарожзд̇аб̣б̣анд̇и бужчааяа сад̇и ад̣̇идтаассуд̇аанамби анд̇од̣̇ваад̣̇асахад̇т̇аг̇ад̇аанам̣ аарожзд̇аб̣б̣анд̇и виссаж̇ж̇зд̇аб̣б̣анд̇и. зд̇зна ад̣̇идтаассуд̇аанам̣ бана анд̇од̣̇ваад̣̇асахад̇т̇аг̇ад̇аанам̣язва аарожзд̇аб̣б̣ам̣, на б̣ахид̣̇ваад̣̇асахад̇т̇аг̇ад̇аанам̣, д̣̇идтасуд̇аанам̣ бана анд̇од̣̇ваад̣̇асахад̇т̇аг̇ад̇аанамби б̣ахид̣̇ваад̣̇асахад̇т̇аг̇ад̇аанамби аагаасаад̣̇иг̇ад̇аанамби аарожзд̇аб̣б̣амзваад̇и д̣̇ассзд̇и. д̇знааха ‘‘аяам̣ банзд̇т̇а т̇зрасса ад̇хиббааяо – вад̇д̇ам̣ нигкибид̇ваа баривасанд̇асса убажаараг̇ад̇аанам̣ саб̣б̣зсам̣ аарожанагижжам̣ над̇т̇и, д̣̇идтаруубаанам̣ суд̇асад̣̇д̣̇аанам̣ аарожзд̇аб̣б̣ам̣, ад̣̇идтаассуд̇аанамби анд̇од̣̇ваад̣̇асахад̇т̇аг̇ад̇аанам̣ аарожзд̇аб̣б̣ам̣. ид̣̇ам̣ вад̇д̇ам̣ нигкибид̇ваа баривасанд̇асса лагкан̣а’’нд̇и (саарад̇т̇а. дий. жуул̣аваг̇г̇а 3.97). ид̇и аяамби баато аарожзд̇аб̣б̣алагкан̣ад̣̇ийбаго ход̇и, на ман̃жабан̃н̃аабанаад̣̇ид̣̇ийбагод̇и. жад̇уд̇т̇абаатасса ад̇хиббааяоби д̇ад̇ияабаатасса ад̇хиббааяасад̣̇исова.

    Tatiyapāṭhassa pana ayamadhippāyo – kiṃ bahiupacārasīmāya vattasamādānaṭṭhānaṃ āgatabhikkhūnaṃ diṭṭharūpānaṃ sutasaddānaṃyeva ārocetabbanti pucchāya sati adiṭṭhaassutānampi antodvādasahatthagatānaṃ ārocetabbanti vissajjetabbanti. Etena adiṭṭhaassutānaṃ pana antodvādasahatthagatānaṃyeva ārocetabbaṃ, na bahidvādasahatthagatānaṃ, diṭṭhasutānaṃ pana antodvādasahatthagatānampi bahidvādasahatthagatānampi ākāsādigatānampi ārocetabbamevāti dasseti. Tenāha ‘‘ayaṃ panettha therassa adhippāyo – vattaṃ nikkhipitvā parivasantassa upacāragatānaṃ sabbesaṃ ārocanakiccaṃ natthi, diṭṭharūpānaṃ sutasaddānaṃ ārocetabbaṃ, adiṭṭhaassutānampi antodvādasahatthagatānaṃ ārocetabbaṃ. Idaṃ vattaṃ nikkhipitvā parivasantassa lakkhaṇa’’nti (sārattha. ṭī. cūḷavagga 3.97). Iti ayampi pāṭho ārocetabbalakkhaṇadīpako hoti, na mañcapaññāpanādidīpakoti. Catutthapāṭhassa adhippāyopi tatiyapāṭhassa adhippāyasadisova.

    бан̃жамабаатасса бана аяамад̇хиббааяо – ад̇т̇ибхаавам̣ саллагкзд̇ваад̇и зд̇т̇а зд̇асмим̣ адтагат̇ааважанз нигкид̇д̇авад̇д̇аанам̣ бхигкуунам̣ ад̇д̇ано нисиннадтаанад̇о д̣̇ваад̣̇асахад̇т̇з убажаарз ан̃н̃зсам̣ бхигкуунам̣ ад̇т̇ибхаавам̣ саллагкзд̇ваа анигкид̇д̇авад̇д̇аанам̣ убажаарасиймааяа ан̃н̃зсам̣ бхигкуунам̣ ааг̇ад̇абхаавам̣ саллагкзд̇ваа сахаваасаад̣̇игам̣ взд̣̇ид̇аб̣б̣ам̣. аад̣̇и-сад̣̇д̣̇зна виббаваасаанаарожанауунзг̇ан̣зжаран̣аани сан̇г̇ан̣хаад̇и. аяан̃жа яасмаа г̇ан̣асса аарожзд̇ваа бхигкуунан̃жа ад̇т̇ибхаавам̣ саллагкзд̇ваа васи , д̇асмаа нигкид̇д̇авад̇д̇аанам̣ б̣ахиубажаарасиймааяа самаад̣̇иннад̇д̇аа ад̇д̇ано нисиннадтаанад̇о д̣̇ваад̣̇асахад̇т̇з убажаарз ан̃н̃зсам̣ бхигкуунам̣ ад̇т̇ибхаавам̣ саллагкзд̇ваа анигкид̇д̇авад̇д̇аанам̣ анд̇овихаарз самаад̣̇иннад̇д̇аа убажаарасиймааяа ан̃н̃зсам̣ бхигкуунам̣ ааг̇ад̇абхаавам̣ саллагкзд̇ваа сахаваасавиббаваасаанаарожанауунзг̇ан̣зжаран̣асан̇каад̇аани вад̇д̇ажчзд̣̇агааран̣аани взд̣̇ид̇аб̣б̣аанийд̇и. вуд̇д̇ан̃хи адтагат̇ааяам̣ (жуул̣ава. адта. 97) ‘‘аяан̃жа яасмаа г̇ан̣асса аарожзд̇ваа бхигкуунан̃жа ад̇т̇ибхаавам̣ саллагкзд̇ваава васи, д̇знасса уунзг̇ан̣зжаран̣ад̣̇осо ваа виббаваасо ваа на ход̇ий’’д̇и. ид̇и аяан̃жа баато багад̇ад̇д̇абхигкуусу г̇ад̇зсуби вад̇д̇ам̣ аарожзд̇ваа бхигкуунам̣ ад̇т̇ибхаавам̣ саллагкзд̇ваа васид̇ад̇д̇аа д̣̇осаабхаавамзва д̣̇ийбзд̇и, на ман̃жабан̃н̃аабанаад̣̇ийни. ид̇и имзсам̣ баатаанам̣ аяонисо ад̇хиббааяам̣ г̇ахзд̇ваа ‘‘саб̣б̣ад̇т̇а д̣̇ваад̣̇асахад̇т̇амзва бамаан̣а’’нд̇и ман̃н̃амаанаа вижаарим̣су, д̇зсам̣ д̣̇идтаануг̇ад̇им̣ аабаж̇ж̇амаанаа сиссаанусиссаад̣̇аяоби д̇ат̇зва гаронд̇и, д̇ад̣̇зд̇ам̣ аббамаан̣ам̣.

    Pañcamapāṭhassa pana ayamadhippāyo – atthibhāvaṃ sallakkhetvāti ettha etasmiṃ aṭṭhakathāvacane nikkhittavattānaṃ bhikkhūnaṃ attano nisinnaṭṭhānato dvādasahatthe upacāre aññesaṃ bhikkhūnaṃ atthibhāvaṃ sallakkhetvā anikkhittavattānaṃ upacārasīmāya aññesaṃ bhikkhūnaṃ āgatabhāvaṃ sallakkhetvā sahavāsādikaṃ veditabbaṃ. Ādi-saddena vippavāsaanārocanaūnegaṇecaraṇāni saṅgaṇhāti. Ayañca yasmā gaṇassa ārocetvā bhikkhūnañca atthibhāvaṃ sallakkhetvā vasi , tasmā nikkhittavattānaṃ bahiupacārasīmāya samādinnattā attano nisinnaṭṭhānato dvādasahatthe upacāre aññesaṃ bhikkhūnaṃ atthibhāvaṃ sallakkhetvā anikkhittavattānaṃ antovihāre samādinnattā upacārasīmāya aññesaṃ bhikkhūnaṃ āgatabhāvaṃ sallakkhetvā sahavāsavippavāsaanārocanaūnegaṇecaraṇasaṅkhātāni vattacchedakāraṇāni veditabbānīti. Vuttañhi aṭṭhakathāyaṃ (cūḷava. aṭṭha. 97) ‘‘ayañca yasmā gaṇassa ārocetvā bhikkhūnañca atthibhāvaṃ sallakkhetvāva vasi, tenassa ūnegaṇecaraṇadoso vā vippavāso vā na hotī’’ti. Iti ayañca pāṭho pakatattabhikkhūsu gatesupi vattaṃ ārocetvā bhikkhūnaṃ atthibhāvaṃ sallakkhetvā vasitattā dosābhāvameva dīpeti, na mañcapaññāpanādīni. Iti imesaṃ pāṭhānaṃ ayoniso adhippāyaṃ gahetvā ‘‘sabbattha dvādasahatthameva pamāṇa’’nti maññamānā vicāriṃsu, tesaṃ diṭṭhānugatiṃ āpajjamānā sissānusissādayopi tatheva karonti, tadetaṃ appamāṇaṃ.

    гат̇ам̣? яам̣ д̇ад̇т̇а багад̇ад̇д̇асаалааяа маж̇жхз т̇амбхам̣ нимид̇д̇ам̣ гад̇ваа д̣̇ваад̣̇асахад̇т̇ам̣ миним̣су, д̇ад̣̇аббамаан̣ам̣ . на хи т̇амбхзна ваа саалааяа ваа сахаваасо ваа виббаваасо ваа вуд̇д̇о, ат̇а ко багад̇ад̇д̇абхигкунаава. вуд̇д̇ан̃хи саманд̇абаасаад̣̇игааяам̣ (жуул̣ава. адта. 83) ‘‘д̇ад̇т̇а сахаваасод̇и явааяам̣ багад̇ад̇д̇зна бхигкунаа сад̣̇д̇хим̣ згажчаннзд̇иаад̣̇инаа наязна вуд̇д̇о згад̇о ваасо. виббаваасод̇и згагассзва ваасо’’д̇и. яан̃хи д̇ад̇о д̣̇ваад̣̇асахад̇т̇амад̇д̇адтаанз бхигкусса г̇ийваадтабанам̣ ваа гадидтабанам̣ ваа вад̣̇анд̇и, д̇ад̣̇аби аббамаан̣ам̣. б̣ахиубажаарасиймааяа хи баривасанд̇асса бхигкусса сагаласарийрам̣ багад̇ад̇д̇абхигкуунам̣ анд̇од̣̇ваад̣̇асахад̇т̇з убажаарз табзд̇аб̣б̣ам̣ ход̇и, на згад̣̇зсамад̇д̇ам̣.

    Kathaṃ? Yaṃ tattha pakatattasālāya majjhe thambhaṃ nimittaṃ katvā dvādasahatthaṃ miniṃsu, tadappamāṇaṃ . Na hi thambhena vā sālāya vā sahavāso vā vippavāso vā vutto, atha kho pakatattabhikkhunāva. Vuttañhi samantapāsādikāyaṃ (cūḷava. aṭṭha. 83) ‘‘tattha sahavāsoti yvāyaṃ pakatattena bhikkhunā saddhiṃ ekacchannetiādinā nayena vutto ekato vāso. Vippavāsoti ekakasseva vāso’’ti. Yañhi tato dvādasahatthamattaṭṭhāne bhikkhussa gīvāṭṭhapanaṃ vā kaṭiṭṭhapanaṃ vā vadanti, tadapi appamāṇaṃ. Bahiupacārasīmāya hi parivasantassa bhikkhussa sakalasarīraṃ pakatattabhikkhūnaṃ antodvādasahatthe upacāre ṭhapetabbaṃ hoti, na ekadesamattaṃ.

    д̇зсам̣ бана аяамад̇хиббааяо сияаа – д̣̇ваад̣̇асахад̇т̇аббад̣̇зсад̇о сагаласарийрасса анд̇огаран̣з сад̇и сахаваасо бхавзяяа, б̣ахигаран̣з сад̇и виббаваасо, д̇зна убад̣дхам̣ анд̇о убад̣дхам̣ б̣ахи ход̇ууд̇и, д̇ам̣ мижчаан̃аан̣авасзна ход̇и. на хи сахаваасад̣̇осо д̣̇ваад̣̇асахад̇т̇зна гат̇ид̇о, ат̇а ко згажчаннз саяанзна. вуд̇д̇ан̃хзд̇ам̣ бхаг̇авад̇аа баариваасигагканд̇хагз (жуул̣ава. 81) ‘‘на, бхигкавз, баариваасигзна бхигкунаа багад̇ад̇д̇зна бхигкунаа сад̣̇д̇хим̣ згажчаннз ааваасз вад̇т̇аб̣б̣ам̣, на згажчаннз анааваасз вад̇т̇аб̣б̣ам̣, на згажчаннз ааваасз ваа анааваасз ваа вад̇т̇аб̣б̣а’’нд̇и. адтагат̇ааяамби (жуул̣ава. адта. 81) вуд̇д̇ам̣ ‘‘згажчаннз ааваасз’’д̇иаад̣̇ийсу ааваасо наама васанад̇т̇ааяа гад̇асзнаасанам̣. анааваасо наама жзд̇ияагхарам̣ б̣од̇хигхарам̣ саммун̃ж̇аниаддаго д̣̇ааруаддаго баанийяамаал̣о важжагуди д̣̇ваарагодтагод̇и звамаад̣̇и. д̇ад̇ияабад̣̇зна д̇ад̣̇убхаяамби г̇ахид̇ам̣, ‘зд̇зсу яад̇т̇а гад̇т̇ажи згажчаннз чад̣̇анад̇о уд̣̇агабад̇анадтаанабарижчиннз огаасз угкид̇д̇аго васид̇ум̣ на лабхад̇и, баариваасиго бана анд̇оааваасзязва на лабхад̇ий’д̇и махаабажжарияам̣ вуд̇д̇ам̣. махааадтагат̇ааяам̣ бана ‘ависзсзна уд̣̇агабаад̇зна ваарид̇а’нд̇и вуд̇д̇ам̣. гурунд̣̇ияам̣ ‘зд̇зсу зд̇д̇агзсу бан̃жаван̣н̣ачад̣̇анаб̣ад̣̇д̇хадтаанзсу баариваасигасса жа угкид̇д̇агасса жа багад̇ад̇д̇зна сад̣̇д̇хим̣ уд̣̇агабаад̇зна ваарид̇а’нд̇и вуд̇д̇ам̣, д̇асмаа наануубажаарзби згажчаннз на ваддад̇и. сажз банзд̇т̇а д̇ад̣̇ахубасамбаннзби багад̇ад̇д̇з батамам̣ бависид̇ваа нибаннз садтивассоби баариваасиго бажчаа бависид̇ваа ж̇аананд̇о нибаж̇ж̇ад̇и, рад̇д̇ижчзд̣̇о жзва вад̇д̇абхзд̣̇ад̣̇уггадан̃жа, аж̇аананд̇асса рад̇д̇ижчзд̣̇ова, на вад̇д̇абхзд̣̇ад̣̇уггадам̣. сажз бана д̇асмим̣ батамам̣ нибаннз бажчаа багад̇ад̇д̇о бависид̇ваа нибаж̇ж̇ад̇и, баариваасиго жа ж̇аанаад̇и, рад̇д̇ижчзд̣̇о жзва вад̇д̇абхзд̣̇ад̣̇уггадан̃жа. но жз ж̇аанаад̇и , рад̇д̇ижчзд̣̇ова, на вад̇д̇абхзд̣̇ад̣̇уггаданд̇и, д̇асмаа саалааяаби вихаарзби чад̣̇анад̇о уд̣̇агабад̇анадтаанад̇о муд̇д̇амад̇д̇зязва сахаваасад̣̇осо на виж̇ж̇ад̇ийд̇и д̣̇адтаб̣б̣ам̣.

    Tesaṃ pana ayamadhippāyo siyā – dvādasahatthappadesato sakalasarīrassa antokaraṇe sati sahavāso bhaveyya, bahikaraṇe sati vippavāso, tena upaḍḍhaṃ anto upaḍḍhaṃ bahi hotūti, taṃ micchāñāṇavasena hoti. Na hi sahavāsadoso dvādasahatthena kathito, atha kho ekacchanne sayanena. Vuttañhetaṃ bhagavatā pārivāsikakkhandhake (cūḷava. 81) ‘‘na, bhikkhave, pārivāsikena bhikkhunā pakatattena bhikkhunā saddhiṃ ekacchanne āvāse vatthabbaṃ, na ekacchanne anāvāse vatthabbaṃ, na ekacchanne āvāse vā anāvāse vā vatthabba’’nti. Aṭṭhakathāyampi (cūḷava. aṭṭha. 81) vuttaṃ ‘‘ekacchanne āvāse’’tiādīsu āvāso nāma vasanatthāya katasenāsanaṃ. Anāvāso nāma cetiyagharaṃ bodhigharaṃ sammuñjaniaṭṭako dāruaṭṭako pānīyamāḷo vaccakuṭi dvārakoṭṭhakoti evamādi. Tatiyapadena tadubhayampi gahitaṃ, ‘etesu yattha katthaci ekacchanne chadanato udakapatanaṭṭhānaparicchinne okāse ukkhittako vasituṃ na labhati, pārivāsiko pana antoāvāseyeva na labhatī’ti mahāpaccariyaṃ vuttaṃ. Mahāaṭṭhakathāyaṃ pana ‘avisesena udakapātena vārita’nti vuttaṃ. Kurundiyaṃ ‘etesu ettakesu pañcavaṇṇachadanabaddhaṭṭhānesu pārivāsikassa ca ukkhittakassa ca pakatattena saddhiṃ udakapātena vārita’nti vuttaṃ, tasmā nānūpacārepi ekacchanne na vaṭṭati. Sace panettha tadahupasampannepi pakatatte paṭhamaṃ pavisitvā nipanne saṭṭhivassopi pārivāsiko pacchā pavisitvā jānanto nipajjati, ratticchedo ceva vattabhedadukkaṭañca, ajānantassa ratticchedova, na vattabhedadukkaṭaṃ. Sace pana tasmiṃ paṭhamaṃ nipanne pacchā pakatatto pavisitvā nipajjati, pārivāsiko ca jānāti, ratticchedo ceva vattabhedadukkaṭañca. No ce jānāti , ratticchedova, na vattabhedadukkaṭanti, tasmā sālāyapi vihārepi chadanato udakapatanaṭṭhānato muttamatteyeva sahavāsadoso na vijjatīti daṭṭhabbaṃ.

    згажжз бана маж̇жхимад̇т̇амбхад̇о д̣̇ваад̣̇асахад̇т̇ааяаамзна д̣̇ан̣д̣агзна жаггам̣ бхамид̇ваа саманд̇ад̇о б̣аахирз лзкам̣ гаронд̇и, звам̣ гад̇з саа б̣аахиралзкаа ааваддад̇о д̣̇ваасад̇д̇ад̇ихад̇т̇амад̇д̇аа ход̇и, д̇ад̇о д̇ам̣ бад̣̇зсам̣ д̣̇ваад̣̇асахад̇т̇зна д̣̇ан̣д̣агзна минид̇ваа бхааж̇ияамаанам̣ чабхааг̇амзва ход̇и, д̇ад̇о д̇зсам̣ чабхааг̇аанам̣ сиймааяа згзгасмим̣ ман̃жз бан̃н̃абияамаанз чал̣зва ман̃жадтаанаани хонд̇и, д̇асмаа згасмим̣ ваддаман̣д̣алз ча бхигкууязва абуб̣б̣ам̣ ажаримам̣ васид̇ум̣ лабханд̇и, на д̇ад̇о уд̣̇д̇ханд̇и вад̣̇анд̇и. гасмаа бана звам̣ гаронд̇ийд̇и? буб̣б̣з вуд̇д̇анаязна ‘‘саб̣б̣ад̇т̇а д̣̇ваад̣̇асахад̇т̇амад̇д̇амзва бамаан̣а’’нд̇и г̇ахид̇ад̇д̇аа. звам̣ гира нзсамад̇хиббааяо – баариваасиго багад̇ад̇д̇асса бхигкуно д̣̇ваад̣̇асахад̇т̇аб̣бханд̇арз саяамаано сахаваасо сияаа, б̣аахирз саяамаано виббаваасо, д̇ат̇аа ан̃н̃аман̃н̃ассабийд̇и. звам̣ гаронд̇аанам̣ бана нзсам̣ сагаад̇хиббааяоби на сиж̇жхад̇и, гуд̇о бхаг̇авад̇о ад̇хиббааяо.

    Ekacce pana majjhimatthambhato dvādasahatthāyāmena daṇḍakena cakkaṃ bhamitvā samantato bāhire lekhaṃ karonti, evaṃ kate sā bāhiralekhā āvaṭṭato dvāsattatihatthamattā hoti, tato taṃ padesaṃ dvādasahatthena daṇḍakena minitvā bhājiyamānaṃ chabhāgameva hoti, tato tesaṃ chabhāgānaṃ sīmāya ekekasmiṃ mañce paññapiyamāne chaḷeva mañcaṭṭhānāni honti, tasmā ekasmiṃ vaṭṭamaṇḍale cha bhikkhūyeva apubbaṃ acarimaṃ vasituṃ labhanti, na tato uddhanti vadanti. Kasmā pana evaṃ karontīti? Pubbe vuttanayena ‘‘sabbattha dvādasahatthamattameva pamāṇa’’nti gahitattā. Evaṃ kira nesamadhippāyo – pārivāsiko pakatattassa bhikkhuno dvādasahatthabbhantare sayamāno sahavāso siyā, bāhire sayamāno vippavāso, tathā aññamaññassapīti. Evaṃ karontānaṃ pana nesaṃ sakaadhippāyopi na sijjhati, kuto bhagavato adhippāyo.

    гат̇ам̣? баариваасиго бхигку багад̇ад̇д̇абхигкуунан̃жа ан̃н̃аман̃н̃асса жа д̣̇ваад̣̇асахад̇т̇амад̇д̇з бад̣̇зсз ход̇ууд̇и нзсамад̇хиббааяо. ат̇а бана маж̇жхимад̇т̇амбхам̣ нимид̇д̇ам̣ гад̇ваа минияамаанаа саманд̇ад̇о б̣аахиралзкаа т̇амбхад̇оязва д̣̇ваад̣̇асахад̇т̇амад̇д̇аа ход̇и, на багад̇ад̇д̇абхигкуухи. д̇з хи т̇амбхад̇о б̣ахи згарад̇анад̣̇вид̇ирад̇анаад̣̇идтаанз тид̇аа, б̣аахирад̇оби лзкааязва т̇амбхад̇о д̣̇ваад̣̇асахад̇т̇амад̇д̇аа ход̇и, на д̇ассуубари нибаннабхигку. со хи д̣̇вирад̇анамад̇д̇знаби д̇ирад̇анамад̇д̇знаби лзкааяа анд̇оби ход̇и б̣ахиби. ан̃н̃аман̃н̃ассаби чабхааг̇асиймааязва ан̃н̃аман̃н̃асса д̣̇ваад̣̇асахад̇т̇амад̇д̇аа ход̇и , на д̇ассуубари бан̃н̃ад̇д̇аман̃жо ваа д̇ад̇т̇а нибаннабхигку ваа. ман̃жо хи згарад̇анамад̇д̇зна ваа д̣̇вирад̇анамад̇д̇зна ваа сиймам̣ ад̇иггамид̇ваа тид̇о, бхигкууби саяамаанаа на сиймааяа убариязва саяанд̇и, вид̣̇ад̇т̇имад̇д̇зна ваа рад̇анамад̇д̇зна ваа сиймам̣ ад̇иггамид̇ваа ваа аббад̇ваа ваа саяанд̇и, д̇асмаа д̇з баариваасигаа бхигкуу багад̇ад̇д̇абхигкуунамби ан̃н̃аман̃н̃ассаби д̣̇ваад̣̇асахад̇т̇амад̇д̇адтааяино на хонд̇и, д̇ад̇о уунаава хонд̇и, д̇асмаа сагаад̇хиббааяоби на сиж̇жхад̇и.

    Kathaṃ? Pārivāsiko bhikkhu pakatattabhikkhūnañca aññamaññassa ca dvādasahatthamatte padese hotūti nesamadhippāyo. Atha pana majjhimatthambhaṃ nimittaṃ katvā miniyamānā samantato bāhiralekhā thambhatoyeva dvādasahatthamattā hoti, na pakatattabhikkhūhi. Te hi thambhato bahi ekaratanadvitiratanādiṭṭhāne ṭhitā, bāhiratopi lekhāyeva thambhato dvādasahatthamattā hoti, na tassūpari nipannabhikkhu. So hi dviratanamattenapi tiratanamattenapi lekhāya antopi hoti bahipi. Aññamaññassapi chabhāgasīmāyeva aññamaññassa dvādasahatthamattā hoti , na tassūpari paññattamañco vā tattha nipannabhikkhu vā. Mañco hi ekaratanamattena vā dviratanamattena vā sīmaṃ atikkamitvā ṭhito, bhikkhūpi sayamānā na sīmāya upariyeva sayanti, vidatthimattena vā ratanamattena vā sīmaṃ atikkamitvā vā appatvā vā sayanti, tasmā te pārivāsikā bhikkhū pakatattabhikkhūnampi aññamaññassapi dvādasahatthamattaṭṭhāyino na honti, tato ūnāva honti, tasmā sakaadhippāyopi na sijjhati.

    бхаг̇авад̇о бана ад̇хиббааяо – яад̣̇и аббабхигкугаад̣̇иан̇г̇асамбаннад̇д̇аа вихаарасса вад̇д̇ам̣ анигкибид̇ваа анд̇овихаарзязва баривасад̇и, звам̣ сад̇и багад̇ад̇д̇зна бхигкунаа на згажчаннз ааваасз васид̇аб̣б̣ам̣. яад̣̇и д̇аад̣̇исаааваасз ваа анааваасз ваа чад̣̇анад̇о уд̣̇агабад̇анадтаанасса анд̇о саязяяа, сахаваасо наама, рад̇д̇ижчзд̣̇о ход̇ийд̇и аяамад̇т̇о яат̇аавуд̇д̇а-баал̣ияаа жа адтагат̇ааяа жа багаасзд̇аб̣б̣о. на згажчаннз ааваасз д̣̇вийхи вад̇т̇аб̣б̣ам̣. яад̣̇и васзяяа, вуд̣дхасса рад̇д̇ижчзд̣̇оязва, навагасса рад̇д̇ижчзд̣̇о жзва вад̇д̇абхзд̣̇ад̣̇уггадан̃жа ход̇и. самавассаа жз, аж̇аананд̇асса рад̇д̇ижчзд̣̇оязва , ж̇аананд̇асса убхаяамбийд̇и аяамад̇т̇о ‘‘д̇аяо ко, убаали, баариваасигасса бхигкуно рад̇д̇ижчзд̣̇аа сахаваасо виббаваасо анаарожанаа’’д̇и жа ‘‘на, бхигкавз, баариваасигзна бхигкунаа баариваасигзна вуд̣дхад̇арзна сад̣̇д̇хим̣ на згажчаннз ааваасз вад̇т̇аб̣б̣а’’нд̇и (жуул̣ава. 82) жа ‘‘вуд̣дхад̇арзнаад̇и зд̇т̇а…бз… сажз хи д̣̇вз баариваасигаа згад̇о васзяяум̣, д̇з ан̃н̃аман̃н̃асса аж̇жхаажаарам̣ н̃ад̇ваа аг̇аараваа ваа виббадисаарино ваа худ̇ваа баабидтад̇арам̣ ваа аабад̇д̇им̣ аабаж̇ж̇зяяум̣ виб̣бхамзяяум̣ ваа, д̇асмаа нзсам̣ сахасзяяаа саб̣б̣аббагаарзна бадигкид̇д̇аа’’д̇и (жуул̣ава. адта. 81) жа имзхи баал̣иадтагат̇аабаатзхи багаасзд̇аб̣б̣о. виббаваасзби баариваасигзна абхигкугз ааваасз на вад̇т̇аб̣б̣ам̣, багад̇ад̇д̇зна винаа абхигкуго ааваасо на г̇анд̇аб̣б̣о, б̣ахисиймааяам̣ бхигкуунам̣ васанадтаанад̇о д̣̇ваад̣̇асахад̇т̇аббамаан̣асса убажаарасса анд̇о нисийд̣̇ид̇аб̣б̣анд̇и бхаг̇авад̇о ад̇хиббааяо.

    Bhagavato pana adhippāyo – yadi appabhikkhukādiaṅgasampannattā vihārassa vattaṃ anikkhipitvā antovihāreyeva parivasati, evaṃ sati pakatattena bhikkhunā na ekacchanne āvāse vasitabbaṃ. Yadi tādisaāvāse vā anāvāse vā chadanato udakapatanaṭṭhānassa anto sayeyya, sahavāso nāma, ratticchedo hotīti ayamattho yathāvutta-pāḷiyā ca aṭṭhakathāya ca pakāsetabbo. Na ekacchanne āvāse dvīhi vatthabbaṃ. Yadi vaseyya, vuḍḍhassa ratticchedoyeva, navakassa ratticchedo ceva vattabhedadukkaṭañca hoti. Samavassā ce, ajānantassa ratticchedoyeva , jānantassa ubhayampīti ayamattho ‘‘tayo kho, upāli, pārivāsikassa bhikkhuno ratticchedā sahavāso vippavāso anārocanā’’ti ca ‘‘na, bhikkhave, pārivāsikena bhikkhunā pārivāsikena vuḍḍhatarena saddhiṃ na ekacchanne āvāse vatthabba’’nti (cūḷava. 82) ca ‘‘vuḍḍhatarenāti ettha…pe… sace hi dve pārivāsikā ekato vaseyyuṃ, te aññamaññassa ajjhācāraṃ ñatvā agāravā vā vippaṭisārino vā hutvā pāpiṭṭhataraṃ vā āpattiṃ āpajjeyyuṃ vibbhameyyuṃ vā, tasmā nesaṃ sahaseyyā sabbappakārena paṭikkhittā’’ti (cūḷava. aṭṭha. 81) ca imehi pāḷiaṭṭhakathāpāṭhehi pakāsetabbo. Vippavāsepi pārivāsikena abhikkhuke āvāse na vatthabbaṃ, pakatattena vinā abhikkhuko āvāso na gantabbo, bahisīmāyaṃ bhikkhūnaṃ vasanaṭṭhānato dvādasahatthappamāṇassa upacārassa anto nisīditabbanti bhagavato adhippāyo.

    аяамад̇т̇о ‘‘на, бхигкавз, баариваасигзна бхигкунаа сабхигкугаа ааваасаа абхигкуго ааваасо г̇анд̇аб̣б̣о ан̃н̃ад̇ра багад̇ад̇д̇зна ан̃н̃ад̇ра анд̇арааяаа’’д̇иаад̣̇и (жуул̣ава. 76) жа ‘‘д̇аяо ко, убаали…бз… анаарожанаа’’д̇и жа ‘‘жад̇д̇ааро ко, убаали, маанад̇д̇ажааригасса бхигкуно рад̇д̇ижчзд̣̇аа сахаваасо, виббаваасо, анаарожанаа, уунзг̇ан̣зжаран̣а’’нд̇и (жуул̣ава. 92) жа ‘‘виббаваасод̇и згагассзва ваасо’’д̇и жа ‘‘аяан̃жа яасмаа г̇ан̣асса аарожзд̇ваа бхигкуунан̃жа ад̇т̇ибхаавам̣ саллагкзд̇ваава васи, д̇знасса уунзг̇ан̣зжаран̣ад̣̇осо ваа виббаваасо ваа на ход̇ий’’д̇и жа ‘‘ад̇т̇ибхаавам̣ саллагкзд̇ваад̇и д̣̇ваад̣̇асахад̇т̇з убажаарз саллагкзд̇ваа, анигкид̇д̇авад̇д̇аанам̣ убажаарасиймааяа ааг̇ад̇абхаавам̣ саллагкзд̇ваа сахаваасаад̣̇игам̣ взд̣̇ид̇аб̣б̣а’’нд̇и жа ааг̇ад̇зхи баал̣ияадтагат̇аа-важ̇ираб̣уд̣̇д̇хидийгаабаатзхи багаасзд̇аб̣б̣о, д̇асмаа вихаарз баривасанд̇асса убажаарасиймааяа аб̣бханд̇арз яад̇т̇а гад̇т̇ажи васанд̇асса над̇т̇и виббаваасо, б̣ахиубажаарасиймааяам̣ баривасанд̇асса бхигкуунам̣ нисиннабарияанд̇ад̇о д̣̇ваад̣̇асахад̇т̇аб̣бханд̇арз васанд̇асса жа над̇т̇и виббаваасод̇и, д̇ан̃жа бариваасагаалз ‘‘згзна бхигкунаа сад̣̇д̇хи’’нд̇и важанад̇о згассаби бхигкуно, маанад̇д̇ажаран̣агаалз ‘‘жад̇уухи бан̃жахи ваа бхигкуухи сад̣̇д̇хи’’нд̇и (жуул̣ава. адта. 102) важанад̇о жа жад̇уннам̣ бан̃жаннамби бхигкуунам̣ хад̇т̇абаасабхууд̇з д̣̇ваад̣̇асахад̇т̇аб̣бханд̇арзби васид̇ум̣ лабхад̇и, над̇т̇и виббаваасод̇и д̣̇адтаб̣б̣ам̣.

    Ayamattho ‘‘na, bhikkhave, pārivāsikena bhikkhunā sabhikkhukā āvāsā abhikkhuko āvāso gantabbo aññatra pakatattena aññatra antarāyā’’tiādi (cūḷava. 76) ca ‘‘tayo kho, upāli…pe… anārocanā’’ti ca ‘‘cattāro kho, upāli, mānattacārikassa bhikkhuno ratticchedā sahavāso, vippavāso, anārocanā, ūnegaṇecaraṇa’’nti (cūḷava. 92) ca ‘‘vippavāsoti ekakasseva vāso’’ti ca ‘‘ayañca yasmā gaṇassa ārocetvā bhikkhūnañca atthibhāvaṃ sallakkhetvāva vasi, tenassa ūnegaṇecaraṇadoso vā vippavāso vā na hotī’’ti ca ‘‘atthibhāvaṃ sallakkhetvāti dvādasahatthe upacāre sallakkhetvā, anikkhittavattānaṃ upacārasīmāya āgatabhāvaṃ sallakkhetvā sahavāsādikaṃ veditabba’’nti ca āgatehi pāḷiyaṭṭhakathā-vajirabuddhiṭīkāpāṭhehi pakāsetabbo, tasmā vihāre parivasantassa upacārasīmāya abbhantare yattha katthaci vasantassa natthi vippavāso, bahiupacārasīmāyaṃ parivasantassa bhikkhūnaṃ nisinnapariyantato dvādasahatthabbhantare vasantassa ca natthi vippavāsoti, tañca parivāsakāle ‘‘ekena bhikkhunā saddhi’’nti vacanato ekassapi bhikkhuno, mānattacaraṇakāle ‘‘catūhi pañcahi vā bhikkhūhi saddhi’’nti (cūḷava. aṭṭha. 102) vacanato ca catunnaṃ pañcannampi bhikkhūnaṃ hatthapāsabhūte dvādasahatthabbhantarepi vasituṃ labhati, natthi vippavāsoti daṭṭhabbaṃ.

    вад̇д̇ам̣ самаад̣̇ияид̇ваа д̇зсам̣ бхигкуунам̣ аарожид̇агаалад̇о бана бадтааяа гзнажи гаран̣ийязна д̇зсу бхигкуусу г̇ад̇зсуби яат̇аавуд̇д̇аадтагат̇аабаатанаязна виббаваасо на ход̇и. д̇ат̇аа хи вуд̇д̇ам̣ вимад̇ивинод̣̇анияам̣ (ви. ви. дий. жуул̣аваг̇г̇а 2.97) ‘‘соби гзнажи гаммзна бурзарун̣з зва г̇ажчад̇ийд̇и иминаа аарожанааяа гад̇ааяа саб̣б̣зсуби бхигкуусу б̣ахивихаарам̣ г̇ад̇зсу уунзг̇ан̣зжаран̣ад̣̇осо ваа виббаваасад̣̇осо ваа на ход̇и аарожид̇ад̇д̇аа сахаваасассаад̇и д̣̇ассзд̇и. д̇знааха ‘аяан̃жаа’д̇иаад̣̇ий’’д̇и. абарз бана аажарияаа ‘‘б̣ахисиймааяа вад̇д̇асамаад̣̇аанадтаанз вад̇ибаригкзбоби багад̇ад̇д̇абхигкуухзва гаад̇аб̣б̣о, на гаммаарахабхигкуухи. яат̇аа логз б̣анд̇ханааг̇аараад̣̇и д̣̇ан̣д̣агаарагзхи зва гад̇д̇аб̣б̣ам̣, на д̣̇ан̣д̣аарахзхи, звамид̇хаабий’’д̇и вад̣̇анд̇и, д̇амби адтагат̇аад̣̇ийсу на д̣̇иссад̇и. на хи вад̇ибаригкзбо д̣̇ан̣д̣агаммад̇т̇ааяа гаарид̇о, ат̇а ко д̣̇ассануубажааравиж̇аханад̇т̇амзва. д̇ат̇аа хи вуд̇д̇ам̣ саарад̇т̇ад̣̇ийбанияам̣ (саарад̇т̇а. дий. жуул̣аваг̇г̇а 3.97) ‘‘г̇умб̣зна ваа вад̇ияаа ваа бадижчаннадтаанзд̇и д̣̇ассануубажааравиж̇аханад̇т̇а’’нд̇и. д̇ат̇аа вимад̇ивинод̣̇анияамби (ви. ви. дий. жуул̣аваг̇г̇а 2.97) ‘‘г̇умб̣зна ваад̇иаад̣̇и д̣̇ассануубажааравиж̇аханад̇т̇а’’нд̇и. ид̇о барам̣ адтагат̇ааяам̣ вуд̇д̇анаязнзва бариваасад̣̇аанан̃жа маанад̇д̇ад̣̇аанан̃жа взд̣̇ид̇аб̣б̣ам̣. яад̇т̇а бана сам̣саяид̇аб̣б̣ам̣ ад̇т̇и, д̇ад̇т̇а сам̣саяавинод̣̇анад̇т̇ааяа гат̇зд̇аб̣б̣ам̣ гат̇аяаама.

    Vattaṃ samādiyitvā tesaṃ bhikkhūnaṃ ārocitakālato pana paṭṭhāya kenaci karaṇīyena tesu bhikkhūsu gatesupi yathāvuttaaṭṭhakathāpāṭhanayena vippavāso na hoti. Tathā hi vuttaṃ vimativinodaniyaṃ (vi. vi. ṭī. cūḷavagga 2.97) ‘‘sopi kenaci kammena purearuṇe eva gacchatīti iminā ārocanāya katāya sabbesupi bhikkhūsu bahivihāraṃ gatesu ūnegaṇecaraṇadoso vā vippavāsadoso vā na hoti ārocitattā sahavāsassāti dasseti. Tenāha ‘ayañcā’tiādī’’ti. Apare pana ācariyā ‘‘bahisīmāya vattasamādānaṭṭhāne vatiparikkhepopi pakatattabhikkhūheva kātabbo, na kammārahabhikkhūhi. Yathā loke bandhanāgārādi daṇḍakārakehi eva kattabbaṃ, na daṇḍārahehi, evamidhāpī’’ti vadanti, tampi aṭṭhakathādīsu na dissati. Na hi vatiparikkhepo daṇḍakammatthāya kārito, atha kho dassanūpacāravijahanatthameva. Tathā hi vuttaṃ sāratthadīpaniyaṃ (sārattha. ṭī. cūḷavagga 3.97) ‘‘gumbena vā vatiyā vā paṭicchannaṭṭhāneti dassanūpacāravijahanattha’’nti. Tathā vimativinodaniyampi (vi. vi. ṭī. cūḷavagga 2.97) ‘‘gumbena vātiādi dassanūpacāravijahanattha’’nti. Ito paraṃ aṭṭhakathāyaṃ vuttanayeneva parivāsadānañca mānattadānañca veditabbaṃ. Yattha pana saṃsayitabbaṃ atthi, tattha saṃsayavinodanatthāya kathetabbaṃ kathayāma.

    згажжз бхигкуу звам̣ вад̣̇анд̇и – баариваасиго бхигку вуд̣дхад̇ароби самаано вад̇д̇з самаад̣̇иннз навагадтаанз тид̇о. д̇ат̇аа хи вуд̇д̇ам̣ ‘‘яад̇т̇а бана нисийд̣̇аабзд̇ваа баривисанд̇и, д̇ад̇т̇а сааман̣зраанам̣ ж̇здтагзна, бхигкуунам̣ сан̇гханавагзна худ̇ваа нисийд̣̇ид̇аб̣б̣а’’нд̇и (жуул̣ава. адта. 75) д̇асмаа аарожид̇агаалаад̣̇ийсу ‘‘ахам̣ бханд̇з’’ижжзва вад̇д̇аб̣б̣ам̣, на ‘‘ахам̣ аавусо’’д̇и. д̇ад̇рзвам̣ вижааран̣аа гаад̇аб̣б̣аа – баариваасигаад̣̇аяо бхигкуу сзяяаабарияанд̇ааасанабарияанд̇абхааг̇ид̇ааяа навагадтаанз тид̇аа, на зганд̇зна навагабхууд̇ад̇д̇аа. д̇ат̇аа хи вуд̇д̇ам̣ бхаг̇авад̇аа ‘‘ануж̇аанаами, бхигкавз, баариваасигаанам̣ бхигкуунам̣ бан̃жа яат̇аавуд̣дхам̣ убосат̇ам̣ бавааран̣ам̣ вассигасаадигам̣ он̣ож̇анам̣ бхад̇д̇а’’нд̇и (жуул̣ава. 75). адтагат̇ааяан̃жа (жуул̣ава. адта. 81) ‘‘багад̇ад̇д̇ам̣ бхигкум̣ д̣̇исваа аасанаа вудтаад̇аб̣б̣ам̣, багад̇ад̇д̇о бхигку аасанзна ниманд̇зд̇аб̣б̣о’’д̇и зд̇иссаа баал̣ияаа сам̣ван̣н̣анааяа ‘‘вудтаад̇аб̣б̣ам̣, ниманд̇зд̇аб̣б̣од̇и д̇ад̣̇ахубасамбаннамби д̣̇исваа вудтаад̇аб̣б̣амзва, вудтааяа жа ‘ахам̣ иминаа суканисинно вудтаабид̇о’д̇и бараммукзна на г̇анд̇аб̣б̣ам̣, ‘ид̣̇ам̣ аажарияа аасанам̣, зд̇т̇а нисийд̣̇ат̇аа’д̇и звам̣ ниманд̇зд̇аб̣б̣оязваа’’д̇и зд̇т̇зва ‘‘аажарияаа’’д̇и аалабанависзсо вуд̇д̇о, на ан̃н̃ад̇т̇а. яад̣̇и вуд̣дхад̇арзнаби ‘‘бханд̇з’’ижжзва вад̇д̇аб̣б̣о сияаа, ид̇хааби ‘‘ид̣̇ам̣, бханд̇з, аасана’’нд̇и вад̇д̇аб̣б̣ам̣ бхавзяяа, на бана вуд̇д̇ам̣, д̇асмаа на д̇зсам̣ д̇ам̣ важанам̣ саарад̇о бажжзд̇аб̣б̣ам̣. имасмим̣ бана винаяасан̇г̇ахаббагаран̣з (ви. сан̇г̇а. адта. 237) ‘‘аарожзнд̇зна сажз навагад̇аро ход̇и, ‘аавусо’д̇и вад̇д̇аб̣б̣ам̣. сажз вуд̣дхад̇аро, ‘бханд̇з’д̇и вад̇д̇аб̣б̣а’’нд̇и вуд̇д̇ам̣, ид̣̇ан̃жа ‘‘згзна бхигкунаа сад̣̇д̇хи’’нд̇и хздтаа вуд̇д̇ад̇д̇аа д̇ам̣ бадиг̇г̇аахагабхууд̇ам̣ багад̇ад̇д̇ам̣ бхигкум̣ санд̇хааяа вуд̇д̇анд̇и д̣̇адтаб̣б̣ам̣.

    Ekacce bhikkhū evaṃ vadanti – pārivāsiko bhikkhu vuḍḍhataropi samāno vatte samādinne navakaṭṭhāne ṭhito. Tathā hi vuttaṃ ‘‘yattha pana nisīdāpetvā parivisanti, tattha sāmaṇerānaṃ jeṭṭhakena, bhikkhūnaṃ saṅghanavakena hutvā nisīditabba’’nti (cūḷava. aṭṭha. 75) tasmā ārocitakālādīsu ‘‘ahaṃ bhante’’icceva vattabbaṃ, na ‘‘ahaṃ āvuso’’ti. Tatrevaṃ vicāraṇā kātabbā – pārivāsikādayo bhikkhū seyyāpariyantaāsanapariyantabhāgitāya navakaṭṭhāne ṭhitā, na ekantena navakabhūtattā. Tathā hi vuttaṃ bhagavatā ‘‘anujānāmi, bhikkhave, pārivāsikānaṃ bhikkhūnaṃ pañca yathāvuḍḍhaṃ uposathaṃ pavāraṇaṃ vassikasāṭikaṃ oṇojanaṃ bhatta’’nti (cūḷava. 75). Aṭṭhakathāyañca (cūḷava. aṭṭha. 81) ‘‘pakatattaṃ bhikkhuṃ disvā āsanā vuṭṭhātabbaṃ, pakatatto bhikkhu āsanena nimantetabbo’’ti etissā pāḷiyā saṃvaṇṇanāya ‘‘vuṭṭhātabbaṃ, nimantetabboti tadahupasampannampi disvā vuṭṭhātabbameva, vuṭṭhāya ca ‘ahaṃ iminā sukhanisinno vuṭṭhāpito’ti parammukhena na gantabbaṃ, ‘idaṃ ācariya āsanaṃ, ettha nisīdathā’ti evaṃ nimantetabboyevā’’ti ettheva ‘‘ācariyā’’ti ālapanaviseso vutto, na aññattha. Yadi vuḍḍhatarenapi ‘‘bhante’’icceva vattabbo siyā, idhāpi ‘‘idaṃ, bhante, āsana’’nti vattabbaṃ bhaveyya, na pana vuttaṃ, tasmā na tesaṃ taṃ vacanaṃ sārato paccetabbaṃ. Imasmiṃ pana vinayasaṅgahappakaraṇe (vi. saṅga. aṭṭha. 237) ‘‘ārocentena sace navakataro hoti, ‘āvuso’ti vattabbaṃ. Sace vuḍḍhataro, ‘bhante’ti vattabba’’nti vuttaṃ, idañca ‘‘ekena bhikkhunā saddhi’’nti heṭṭhā vuttattā taṃ paṭiggāhakabhūtaṃ pakatattaṃ bhikkhuṃ sandhāya vuttanti daṭṭhabbaṃ.

    б̣ахаво бана бхигкуу баариваасигам̣ бхигкум̣ сан̇гхамаж̇жхз нисийд̣̇аабзд̇ваа вад̇д̇ам̣ яаажаабзд̇ваа гаммаваажаабарияосаанз самаад̣̇аабзд̇ваа аарожанамагаарзд̇ваа сан̇гхамаж̇жхад̇о нигкамаабзд̇ваа барисабарияанд̇з нисийд̣̇аабзд̇ваа д̇ад̇т̇а нисиннзна аарожаабзд̇ваа вад̇д̇ам̣ нигкибаабзнд̇и, звам̣ гаронд̇аанан̃жа нзсам̣ аяамад̇хиббааяо – аяам̣ бхигку вад̇д̇з асамаад̣̇иннз вуд̣дхадтаанияоби ход̇и, д̇асмаа яаажанагаалз жа гаммаваажаасаванагаалз жа вад̇д̇асамаад̣̇аанагаалз жа сан̇гхамаж̇жхз нисийд̣̇анаарахо ход̇и, вад̇д̇з бана самаад̣̇иннз навагадтаанияо, д̇асмаа на сан̇гхамаж̇жхз нисийд̣̇анаарахо, аасанабарияанд̇абхааг̇ид̇ааяа барисабарияанд̇зязва нисийд̣̇анаараход̇и, д̇ад̣̇зд̇ам̣ звам̣ вижаарзд̇аб̣б̣ам̣ – аяам̣ бхигку сан̇гхамаж̇жхз нисийд̣̇амаано аасанам̣ г̇ахзд̇ваа яат̇аавуд̣дхам̣ нисинно на ход̇и, ат̇а ко гаммаарахабхаавзна аасанам̣ аг̇г̇ахзд̇ваа ан̃ж̇алим̣ баг̇г̇ахзд̇ваа уггудигамзва нисинно ход̇и, гаммаарахо жа наама сан̇гхамаж̇жхзязва табзд̇аб̣б̣о ход̇и, но б̣ахи, д̇асмаа ‘‘сан̇гхамаж̇жхз нисийд̣̇анаарахо на ход̇ий’’д̇и на саггаа вад̇д̇ум̣ д̇асмим̣ гаалз, нигкамаабид̇з жа вад̇д̇аарожанавад̇д̇анигкибанаанам̣ анидтид̇ад̇д̇аа ан̃н̃аман̃н̃ам̣ аахажжа судту нисиннам̣ бхигкусан̇гхам̣ барихарид̇умасаггун̣зяяад̇д̇аа, жийвараган̣н̣абаад̣̇абидтиаад̣̇ийхи б̣аад̇хид̇ад̇д̇аа аг̇ааравагирияаа вияа д̣̇иссад̇и, аарожанагирияан̃жа вад̇д̇анигкибанан̃жа сан̇гхамаж̇жхзязва гад̇д̇аб̣б̣ам̣ барияанд̇з нисийд̣̇ид̇ваа гаронд̇о адтагат̇аавирод̇хо ход̇и. вуд̇д̇ан̃хи адтагат̇ааяам̣ (жуул̣ава. адта. 97) ‘‘вад̇д̇ам̣ самаад̣̇ияид̇ваа д̇ад̇т̇зва сан̇гхасса аарожзд̇аб̣б̣ам̣…бз… аарожзд̇ваа сажз нигкибид̇угаамо, вуд̇д̇анаязнзва сан̇гхамаж̇жхз нигкибид̇аб̣б̣а’’нд̇и. гасмаа? самаад̣̇аанадтаанзязва аарожаабзд̇ваа д̇ад̇т̇зва нигкибаабзд̇ваа нидтид̇асаб̣б̣агижжамзва нигкамаабзд̇ваа ад̇д̇ано аасанз нисийд̣̇аабзнд̇о н̃ааяааг̇ад̇од̇и амхаагам̣ канд̇и.

    Bahavo pana bhikkhū pārivāsikaṃ bhikkhuṃ saṅghamajjhe nisīdāpetvā vattaṃ yācāpetvā kammavācāpariyosāne samādāpetvā ārocanamakāretvā saṅghamajjhato nikkhamāpetvā parisapariyante nisīdāpetvā tattha nisinnena ārocāpetvā vattaṃ nikkhipāpenti, evaṃ karontānañca nesaṃ ayamadhippāyo – ayaṃ bhikkhu vatte asamādinne vuḍḍhaṭṭhāniyopi hoti, tasmā yācanakāle ca kammavācāsavanakāle ca vattasamādānakāle ca saṅghamajjhe nisīdanāraho hoti, vatte pana samādinne navakaṭṭhāniyo, tasmā na saṅghamajjhe nisīdanāraho, āsanapariyantabhāgitāya parisapariyanteyeva nisīdanārahoti, tadetaṃ evaṃ vicāretabbaṃ – ayaṃ bhikkhu saṅghamajjhe nisīdamāno āsanaṃ gahetvā yathāvuḍḍhaṃ nisinno na hoti, atha kho kammārahabhāvena āsanaṃ aggahetvā añjaliṃ paggahetvā ukkuṭikameva nisinno hoti, kammāraho ca nāma saṅghamajjheyeva ṭhapetabbo hoti, no bahi, tasmā ‘‘saṅghamajjhe nisīdanāraho na hotī’’ti na sakkā vattuṃ tasmiṃ kāle, nikkhamāpite ca vattārocanavattanikkhipanānaṃ aniṭṭhitattā aññamaññaṃ āhacca suṭṭhu nisinnaṃ bhikkhusaṅghaṃ pariharitumasakkuṇeyyattā, cīvarakaṇṇapādapiṭṭhiādīhi bādhitattā agāravakiriyā viya dissati, ārocanakiriyañca vattanikkhipanañca saṅghamajjheyeva kattabbaṃ pariyante nisīditvā karonto aṭṭhakathāvirodho hoti. Vuttañhi aṭṭhakathāyaṃ (cūḷava. aṭṭha. 97) ‘‘vattaṃ samādiyitvā tattheva saṅghassa ārocetabbaṃ…pe… ārocetvā sace nikkhipitukāmo, vuttanayeneva saṅghamajjhe nikkhipitabba’’nti. Kasmā? Samādānaṭṭhāneyeva ārocāpetvā tattheva nikkhipāpetvā niṭṭhitasabbakiccameva nikkhamāpetvā attano āsane nisīdāpento ñāyāgatoti amhākaṃ khanti.

    д̇ат̇аа сааяам̣ вад̇д̇аарожанагаалз б̣ахуусу баариваасигзсу вуд̣дхад̇арам̣ батамам̣ самаад̣̇аабзд̇ваа аарожаабзд̇ваа ануггамзна саб̣б̣абажчаа навагад̇арам̣ самаад̣̇аабзнд̇и аарожаабзнд̇и, баад̇о нигкибанагаалз бана навагад̇арам̣ батамам̣ аарожаабзд̇ваа нигкибаабзнд̇и, д̇ад̇о ануггамзна вуд̣дхад̇арам̣ саб̣б̣абажчаа аарожаабзд̇ваа нигкибаабзнд̇и. д̇зсам̣ аяамад̇хиббааяо сияаа – яад̣̇аа д̣̇аса бхигкуу багад̇ад̇д̇аа д̣̇аса бхигкуу баариваасигаа хонд̇и, д̇ад̣̇аа вуд̣дхад̇арзна батамам̣ самаад̣̇ияид̇ваа аарожид̇з д̇асса аарожанам̣ авасзсаа згуунавийсад̇и бхигкуу сун̣анд̇и, д̣̇уд̇ияасса адтаараса, д̇ад̇ияасса сад̇д̇арасаад̇и ануггамзна хааяид̇ваа саб̣б̣анавагасса аарожанам̣ д̣̇аса багад̇ад̇д̇аа сун̣анд̇и сзсаанам̣ абагад̇ад̇д̇абхаавад̇о. д̇ад̇о нигкибанагаалз саб̣б̣анаваго буб̣б̣з ад̇д̇анаа аарожид̇аанам̣ д̣̇асаннам̣ бхигкуунам̣ аарожзд̇ваа нигкибад̇и, д̇ад̇о бадиломзна д̣̇уд̇ияо згаад̣̇асаннам̣, д̇ад̇ияо д̣̇ваад̣̇асаннанд̇и ануггамзна вад̣дхид̇ваа саб̣б̣аж̇здтаго ад̇д̇анаа буб̣б̣з аарожид̇аанам̣ згуунавийсад̇ибхигкуунам̣ аарожзд̇ваа нигкибад̇и, звам̣ яат̇аануггамзна нигкибанам̣ ход̇и. саб̣б̣аж̇здтагз бана батамам̣ нигкид̇д̇з сад̇и буб̣б̣з ад̇д̇анаа аарожид̇аанам̣ наваннам̣ бхигкуунам̣ д̇ад̣̇аа абагад̇ад̇д̇абхаавад̇о аарожид̇аанам̣ санд̇игз нигкибанам̣ на ход̇и, д̇ат̇аа сзсаанам̣. д̇зсам̣ бана згажжаанам̣ уунам̣ ход̇и, згажжаанам̣ ад̇хигам̣, д̇асмаа яат̇аавуд̇д̇анаязна саб̣б̣анавагад̇о бадтааяа ануггамзна нигкибид̇аб̣б̣анд̇и.

    Tathā sāyaṃ vattārocanakāle bahūsu pārivāsikesu vuḍḍhataraṃ paṭhamaṃ samādāpetvā ārocāpetvā anukkamena sabbapacchā navakataraṃ samādāpenti ārocāpenti, pāto nikkhipanakāle pana navakataraṃ paṭhamaṃ ārocāpetvā nikkhipāpenti, tato anukkamena vuḍḍhataraṃ sabbapacchā ārocāpetvā nikkhipāpenti. Tesaṃ ayamadhippāyo siyā – yadā dasa bhikkhū pakatattā dasa bhikkhū pārivāsikā honti, tadā vuḍḍhatarena paṭhamaṃ samādiyitvā ārocite tassa ārocanaṃ avasesā ekūnavīsati bhikkhū suṇanti, dutiyassa aṭṭhārasa, tatiyassa sattarasāti anukkamena hāyitvā sabbanavakassa ārocanaṃ dasa pakatattā suṇanti sesānaṃ apakatattabhāvato. Tato nikkhipanakāle sabbanavako pubbe attanā ārocitānaṃ dasannaṃ bhikkhūnaṃ ārocetvā nikkhipati, tato paṭilomena dutiyo ekādasannaṃ, tatiyo dvādasannanti anukkamena vaḍḍhitvā sabbajeṭṭhako attanā pubbe ārocitānaṃ ekūnavīsatibhikkhūnaṃ ārocetvā nikkhipati, evaṃ yathānukkamena nikkhipanaṃ hoti. Sabbajeṭṭhake pana paṭhamaṃ nikkhitte sati pubbe attanā ārocitānaṃ navannaṃ bhikkhūnaṃ tadā apakatattabhāvato ārocitānaṃ santike nikkhipanaṃ na hoti, tathā sesānaṃ. Tesaṃ pana ekaccānaṃ ūnaṃ hoti, ekaccānaṃ adhikaṃ, tasmā yathāvuttanayena sabbanavakato paṭṭhāya anukkamena nikkhipitabbanti.

    звам̣ваад̣̇ийнам̣ бана д̇зсамааяасманд̇аанам̣ ваад̣̇з багад̇ад̇д̇ааязва бхигкуу аарожзд̇аб̣б̣аа хонд̇и, но абагад̇ад̇д̇аа. буб̣б̣з аарожид̇аанам̣язва санд̇игз вад̇д̇ам̣ нигкибид̇аб̣б̣ам̣ ход̇и, но анаарожид̇аанам̣. звам̣ бана багад̇ад̇д̇ааязва бхигкуу аарожзд̇аб̣б̣аа на хонд̇и, ат̇а ко абагад̇ад̇д̇ааби ‘‘сажз д̣̇вз баариваасигаа г̇ад̇адтаанз ан̃н̃аман̃н̃ам̣ бассанд̇и, убхохи ан̃н̃аман̃н̃асса аарожзд̇аб̣б̣а’’нд̇и адтагат̇ааяам̣ вуд̇д̇ад̇д̇аа. буб̣б̣з аарожид̇аанамби анаарожид̇аанамби санд̇игз аарожзд̇ваа нигкибид̇аб̣б̣амзва ‘‘сажз со бхигку гзнажид̣̇зва гаран̣ийязна багганд̇о ход̇и, яам̣ ан̃н̃ам̣ саб̣б̣абатамам̣ бассад̇и, д̇асса аарожзд̇ваа нигкибид̇аб̣б̣а’’нд̇и (жуул̣ава. адта. 102) вуд̇д̇ад̇д̇аа, д̇асмаа д̇ат̇аа агаронд̇зби саб̣б̣зсам̣ аарожид̇ад̇д̇аа над̇т̇и д̣̇осо. аббзгажжз бхигкуу ‘‘багад̇ад̇д̇ассзвааяам̣ аарожанаа’’д̇и ман̃н̃амаанаа сааяам̣ вуд̣дхабадибаадияаа вад̇д̇ам̣ самаад̣̇ияид̇ваа аарожзд̇ваа ад̇д̇ано саяанам̣ бависид̇ваа д̣̇ваараж̇аг̇г̇анасаяанасод̇ханаад̣̇ийни гаронд̇аа ан̃н̃зсам̣ аарожид̇ам̣ на сун̣анд̇и. аббзгажжз баад̇о саяам̣ аарожзд̇ваа нигкибид̇ваа ан̃н̃зсам̣ аарожанам̣ ваа нигкибанам̣ ваа анааг̇амзд̇ваа бхигкаажаараад̣̇ийнам̣ ад̇т̇ааяа г̇ажчанд̇и, звам̣ гаронд̇аанам̣ д̇зсам̣ аарожанам̣ згажжаанам̣ асуд̇абхаавасамбхавад̇о саасан̇го ход̇и баариваасигаанам̣ ан̃н̃аман̃н̃аарожанасса багаран̣зсу ааг̇ад̇ад̇д̇аа. на гзвалам̣ саарад̇т̇ад̣̇ийбанияам̣язва, ат̇а ко важ̇ираб̣уд̣̇д̇хидийгааяамби (важ̇ира. дий. жуул̣аваг̇г̇а 76) ‘‘сажз д̣̇вз баариваасигаа г̇ад̇адтаанз ан̃н̃аман̃н̃ам̣ бассанд̇и, убхохиби ан̃н̃аман̃н̃асса аарожзд̇аб̣б̣ам̣ ависзсзна ‘ааг̇анд̇угзна аарожзд̇аб̣б̣ам̣, ааг̇анд̇угасса аарожзд̇аб̣б̣а’нд̇и вуд̇д̇ад̇д̇аа’’д̇и вуд̇д̇ам̣.

    Evaṃvādīnaṃ pana tesamāyasmantānaṃ vāde pakatattāyeva bhikkhū ārocetabbā honti, no apakatattā. Pubbe ārocitānaṃyeva santike vattaṃ nikkhipitabbaṃ hoti, no anārocitānaṃ. Evaṃ pana pakatattāyeva bhikkhū ārocetabbā na honti, atha kho apakatattāpi ‘‘sace dve pārivāsikā gataṭṭhāne aññamaññaṃ passanti, ubhohi aññamaññassa ārocetabba’’nti aṭṭhakathāyaṃ vuttattā. Pubbe ārocitānampi anārocitānampi santike ārocetvā nikkhipitabbameva ‘‘sace so bhikkhu kenacideva karaṇīyena pakkanto hoti, yaṃ aññaṃ sabbapaṭhamaṃ passati, tassa ārocetvā nikkhipitabba’’nti (cūḷava. aṭṭha. 102) vuttattā, tasmā tathā akarontepi sabbesaṃ ārocitattā natthi doso. Appekacce bhikkhū ‘‘pakatattassevāyaṃ ārocanā’’ti maññamānā sāyaṃ vuḍḍhapaṭipāṭiyā vattaṃ samādiyitvā ārocetvā attano sayanaṃ pavisitvā dvārajagganasayanasodhanādīni karontā aññesaṃ ārocitaṃ na suṇanti. Appekacce pāto sayaṃ ārocetvā nikkhipitvā aññesaṃ ārocanaṃ vā nikkhipanaṃ vā anāgametvā bhikkhācārādīnaṃ atthāya gacchanti, evaṃ karontānaṃ tesaṃ ārocanaṃ ekaccānaṃ asutabhāvasambhavato sāsaṅko hoti pārivāsikānaṃ aññamaññārocanassa pakaraṇesu āgatattā. Na kevalaṃ sāratthadīpaniyaṃyeva, atha kho vajirabuddhiṭīkāyampi (vajira. ṭī. cūḷavagga 76) ‘‘sace dve pārivāsikā gataṭṭhāne aññamaññaṃ passanti, ubhohipi aññamaññassa ārocetabbaṃ avisesena ‘āgantukena ārocetabbaṃ, āgantukassa ārocetabba’nti vuttattā’’ti vuttaṃ.

    д̇ат̇аа аббзгажжз багад̇ад̇д̇аа бхигкуу баариваасигзсу бхигкуусу сааяам̣ вад̇д̇асамаад̣̇аанад̇т̇ам̣ багад̇ад̇д̇асаалад̇о нигкамид̇ваа ад̇д̇ано ад̇д̇ано саяанасамийбам̣ г̇ад̇зсу ад̇д̇ано саяанабан̃н̃аабанабаагкааратабанаан̃н̃аман̃н̃ааалаабасаллаабагаран̣аад̣̇ивасзна аал̣олзнд̇аа баариваасигаанам̣ вад̇д̇аарожанам̣ на сун̣анд̇и, на манаси гаронд̇и. аббзгажжз баад̇о вад̇д̇анигкибанагаалз баариваасигабхигкуусу вад̇д̇аарожанавад̇д̇анигкибанаани гаронд̇зсуби нид̣̇д̣̇аабасуд̇аа худ̇ваа на сун̣анд̇и. звам̣ гаронд̇аанамби д̇зсам̣ згажжаанам̣ ассуд̇асамбхавад̇о вад̇д̇аарожанам̣ саасан̇гам̣ ход̇ийд̇и. ход̇у саасан̇гам̣, сун̣анд̇аанам̣ ассуд̇асамбхавзби аарожагаанам̣ саммаааарожанзна вад̇д̇асса барибун̣н̣ад̇д̇аа го д̣̇осод̇и жз? аарожагаанам̣ саммаа аарожид̇ад̇д̇аа вад̇д̇з барибун̣н̣зби вад̇д̇абхзд̣̇ад̣̇уггадад̇ова вимуд̇д̇о сияаа, на рад̇д̇ижчзд̣̇ад̇о. вуд̇д̇ан̃хи саманд̇абаасаад̣̇игааяам̣ (жуул̣ава. адта. 76) ‘‘сажз вааяаманд̇оби самбаабун̣ид̇ум̣ ваа саавзд̇ум̣ ваа на саггод̇и, рад̇д̇ижчзд̣̇ова ход̇и, на вад̇д̇абхзд̣̇ад̣̇уггада’’нд̇и.

    Tathā appekacce pakatattā bhikkhū pārivāsikesu bhikkhūsu sāyaṃ vattasamādānatthaṃ pakatattasālato nikkhamitvā attano attano sayanasamīpaṃ gatesu attano sayanapaññāpanapaakkhāraṭhapanaaññamaññaālāpasallāpakaraṇādivasena āḷolentā pārivāsikānaṃ vattārocanaṃ na suṇanti, na manasi karonti. Appekacce pāto vattanikkhipanakāle pārivāsikabhikkhūsu vattārocanavattanikkhipanāni karontesupi niddāpasutā hutvā na suṇanti. Evaṃ karontānampi tesaṃ ekaccānaṃ assutasambhavato vattārocanaṃ sāsaṅkaṃ hotīti. Hotu sāsaṅkaṃ, suṇantānaṃ assutasambhavepi ārocakānaṃ sammāārocanena vattassa paripuṇṇattā ko dosoti ce? Ārocakānaṃ sammā ārocitattā vatte paripuṇṇepi vattabhedadukkaṭatova vimutto siyā, na ratticchedato. Vuttañhi samantapāsādikāyaṃ (cūḷava. aṭṭha. 76) ‘‘sace vāyamantopi sampāpuṇituṃ vā sāvetuṃ vā na sakkoti, ratticchedova hoti, na vattabhedadukkaṭa’’nti.

    ат̇ан̃н̃з бхигкуу вад̇д̇ам̣ самаад̣̇ияид̇ваа рад̇д̇им̣ нибаннаа нид̣̇д̣̇аабхаавзна мануссасад̣̇д̣̇амби сун̣анд̇и, бхзриаад̣̇исад̣̇д̣̇амби сун̣анд̇и, сагаданааваад̣̇ияаанасад̣̇д̣̇амби сун̣анд̇и, д̇з д̇зна сад̣̇д̣̇зна аасан̇ганд̇и ‘‘бхигкуунам̣ ну ко аяа’’нд̇и, д̇з д̇зна гааран̣зна рад̇д̇ижчзд̣̇ам̣ ман̃н̃анд̇и. гасмаа? ‘‘аяан̃жа нзсам̣ чад̇д̇асад̣̇д̣̇ам̣ ваа уггаасид̇асад̣̇д̣̇ам̣ ваа кибид̇асад̣̇д̣̇ам̣ ваа суд̇ваа ааг̇анд̇угабхаавам̣ ж̇аанаад̇и, г̇анд̇ваа аарожзд̇аб̣б̣ам̣. г̇ад̇агаалз ж̇аананд̇знаби ануб̣анд̇хид̇ваа аарожзд̇аб̣б̣амзва. самбаабун̣ид̇ум̣ асаггонд̇асса рад̇д̇ижчзд̣̇ова ход̇и, на вад̇д̇абхзд̣̇ад̣̇уггада’’нд̇и (жуул̣ава. адта. 76) вуд̇д̇ад̇д̇аад̇и. д̇з звам̣ сан̃н̃аабзд̇аб̣б̣аа – мааяасманд̇о звам̣ ман̃н̃ид̇т̇а, нааяам̣ баато б̣ахисиймадтавасзна вуд̇д̇о, ат̇а ко убажаарасиймадтавасзна вуд̇д̇о. вуд̇д̇ан̃хи д̇ад̇т̇зва ‘‘язби анд̇овихаарам̣ аббависид̇ваа убажаарасиймам̣ оггамид̇ваа г̇ажчанд̇ий’’д̇и. д̇ад̇т̇аби ааг̇анд̇угабхаавасса ж̇аанид̇ад̇д̇аа рад̇д̇ижчзд̣̇о ход̇и, д̇асмаа д̣̇уурзсад̣̇д̣̇асаванамад̇д̇зна рад̇д̇ижчзд̣̇о над̇т̇и, ‘‘аяам̣ бхигкуунам̣ сад̣̇д̣̇о, аяам̣ бхигкуухи ваад̣̇ид̇абхзригхан̣даад̣̇исад̣̇д̣̇о, аяам̣ бхигкуухи бааж̇ид̇асагаданааваад̣̇исад̣̇д̣̇о’’д̇и нисиннадтаанад̇о ж̇аананд̇оязва рад̇д̇ижчзд̣̇агаро ход̇и. д̇знааха ‘‘ааяасмаа гаравийгад̇иссад̇т̇зро ‘саман̣о аяа’нд̇и вавад̇т̇аанамзва бамаан̣а’’нд̇и.

    Athaññe bhikkhū vattaṃ samādiyitvā rattiṃ nipannā niddābhāvena manussasaddampi suṇanti, bheriādisaddampi suṇanti, sakaṭanāvādiyānasaddampi suṇanti, te tena saddena āsaṅkanti ‘‘bhikkhūnaṃ nu kho aya’’nti, te tena kāraṇena ratticchedaṃ maññanti. Kasmā? ‘‘Ayañca nesaṃ chattasaddaṃ vā ukkāsitasaddaṃ vā khipitasaddaṃ vā sutvā āgantukabhāvaṃ jānāti, gantvā ārocetabbaṃ. Gatakāle jānantenapi anubandhitvā ārocetabbameva. Sampāpuṇituṃ asakkontassa ratticchedova hoti, na vattabhedadukkaṭa’’nti (cūḷava. aṭṭha. 76) vuttattāti. Te evaṃ saññāpetabbā – māyasmanto evaṃ maññittha, nāyaṃ pāṭho bahisīmaṭṭhavasena vutto, atha kho upacārasīmaṭṭhavasena vutto. Vuttañhi tattheva ‘‘yepi antovihāraṃ appavisitvā upacārasīmaṃ okkamitvā gacchantī’’ti. Tatthapi āgantukabhāvassa jānitattā ratticchedo hoti, tasmā dūresaddasavanamattena ratticchedo natthi, ‘‘ayaṃ bhikkhūnaṃ saddo, ayaṃ bhikkhūhi vāditabherighaṇṭādisaddo, ayaṃ bhikkhūhi pājitasakaṭanāvādisaddo’’ti nisinnaṭṭhānato jānantoyeva ratticchedakaro hoti. Tenāha ‘‘āyasmā karavīkatissatthero ‘samaṇo aya’nti vavatthānameva pamāṇa’’nti.

    д̣̇иваа д̣̇уурз г̇ажчанд̇ам̣ ж̇анагааяам̣ д̣̇исвааби ‘‘имз бхигкуу ну ко’’д̇и баригаббзнд̇аа рад̇д̇ижчзд̣̇ам̣ ман̃н̃анд̇и, д̇амби агааран̣ам̣. гасмаа? ‘‘бхигкуу’’д̇и вавад̇т̇аанасса абхааваа. вуд̇д̇ан̃хи адтагат̇ааяам̣ ‘‘над̣̇ийаад̣̇ийсу наавааяа г̇ажчанд̇амби барад̇ийрз тид̇амби аагаасз г̇ажчанд̇амби баб̣б̣ад̇ат̇алааран̃н̃аад̣̇ийсу д̣̇уурз тид̇амби бхигкум̣ д̣̇исваа сажз ‘бхигкуу’д̇и вавад̇т̇аанам̣ ад̇т̇и, нааваад̣̇ийхи ваа г̇анд̇ваа махаасад̣̇д̣̇ам̣ гад̇ваа ваа взг̇зна ануб̣анд̇хид̇ваа ваа аарожзд̇аб̣б̣а’’нд̇и. ид̇и бхигкум̣ д̣̇исвааби ‘‘бхигкуу’’д̇и вавад̇т̇аанамзва бамаан̣ам̣. абхигкум̣ бана ‘‘бхигкуу’’д̇и вавад̇т̇аанз санд̇зби ваа асанд̇зби ваа гим̣ вад̇д̇аб̣б̣ам̣ ад̇т̇и, б̣ахаво бана бхигкуу ид̣̇ам̣ руубад̣̇ассанам̣ сад̣̇д̣̇асаванан̃жа аасан̇ганд̇аа ‘‘бабхаад̇з сад̇и д̇ам̣ д̣̇ваяам̣ бхавзяяа, д̇асмаа мануссаанам̣ г̇аманагааласад̣̇д̣̇агаран̣агаалад̇о буб̣б̣зязва вад̇д̇ам̣ нигкибид̇аб̣б̣а’’нд̇и ман̃н̃амаанаа ануг̇г̇ад̇зязва арун̣з вад̇д̇ам̣ нигкибанд̇и, д̇ад̣̇аяуд̇д̇ам̣ рад̇д̇ижчзд̣̇ад̇д̇аад̇и.

    Divā dūre gacchantaṃ janakāyaṃ disvāpi ‘‘ime bhikkhū nu kho’’ti parikappentā ratticchedaṃ maññanti, tampi akāraṇaṃ. Kasmā? ‘‘Bhikkhū’’ti vavatthānassa abhāvā. Vuttañhi aṭṭhakathāyaṃ ‘‘nadīādīsu nāvāya gacchantampi paratīre ṭhitampi ākāse gacchantampi pabbatathalaaraññādīsu dūre ṭhitampi bhikkhuṃ disvā sace ‘bhikkhū’ti vavatthānaṃ atthi, nāvādīhi vā gantvā mahāsaddaṃ katvā vā vegena anubandhitvā vā ārocetabba’’nti. Iti bhikkhuṃ disvāpi ‘‘bhikkhū’’ti vavatthānameva pamāṇaṃ. Abhikkhuṃ pana ‘‘bhikkhū’’ti vavatthāne santepi vā asantepi vā kiṃ vattabbaṃ atthi, bahavo pana bhikkhū idaṃ rūpadassanaṃ saddasavanañca āsaṅkantā ‘‘pabhāte sati taṃ dvayaṃ bhaveyya, tasmā manussānaṃ gamanakālasaddakaraṇakālato pubbeyeva vattaṃ nikkhipitabba’’nti maññamānā anuggateyeva aruṇe vattaṃ nikkhipanti, tadayuttaṃ ratticchedattāti.

    ат̇а бана винаяад̇харзна ‘‘гид̇д̇агаа д̇з аабад̇д̇ияо, чаад̣̇зси, гийвад̇ийхам̣ бадижчаад̣̇зсий’’д̇и будто самаано ‘‘ахам̣, бханд̇з, аабад̇д̇ибарияанд̇ам̣ на ж̇аанаами, рад̇д̇ибарияанд̇ам̣ на ж̇аанаами, аабад̇д̇ибарияанд̇ам̣ нассараами, рад̇д̇ибарияанд̇ам̣ нассараами, аабад̇д̇ибарияанд̇з взмад̇иго, рад̇д̇ибарияанд̇з взмад̇иго’’д̇и вуд̇д̇з ‘‘аяам̣ бхигку суд̣̇д̇ханд̇абариваасаарахо’’д̇и н̃ад̇ваа д̇ассаби д̣̇увид̇хад̇д̇аа жуул̣асуд̣̇д̇ханд̇амахаасуд̣̇д̇ханд̇авасзна ‘‘д̇зсу аяам̣ бхигку имасса арахо’’д̇и н̃аабанад̇т̇ам̣ убасамбад̣̇ад̇о бадтааяа ануломаггамзна ваа аарожид̇ад̣̇ивасад̇о бадтааяа бадиломаггамзна ваа ‘‘гид̇д̇агам̣ гаалам̣ д̇вам̣ аарожанааавигаран̣аад̣̇ивасзна суд̣̇д̇хо’’д̇и бужчид̇ваа ‘‘аама бханд̇з, зд̇д̇агам̣ гаалам̣ ахам̣ суд̣̇д̇хомхий’’д̇и вуд̇д̇з ‘‘аяам̣ бхигку згажжам̣ рад̇д̇ибарияанд̇ам̣ ж̇аанаад̇и, д̇асмаа жуул̣асуд̣̇д̇ханд̇аарахо’’д̇и н̃ад̇ваа д̇асса суд̣̇д̇хагаалам̣ абанзд̇ваа асуд̣̇д̇хагаалавасзна барияанд̇ам̣ гад̇ваа жуул̣асуд̣̇д̇ханд̇абариваасо д̣̇аад̇аб̣б̣о. аяам̣ уд̣̇д̇хамби аарохад̇и, ад̇хоби орохад̇и. яо бана ануломавасзна ваа бадиломавасзна ваа бужчияамаано ‘‘сагаламби рад̇д̇ибарияанд̇ам̣ ахам̣ на ж̇аанаами нассараами, взмад̇иго хомий’’д̇и вуд̇д̇з ‘‘аяам̣ бхигку сагаламби рад̇д̇ибарияанд̇ам̣ на ж̇аанаад̇и, д̇асмаа махаасуд̣̇д̇ханд̇аарахо’’д̇и н̃ад̇ваа д̇асса убасамбад̣̇ад̇о бадтааяа яаава вад̇д̇асамаад̣̇аанаа зд̇д̇агам̣ гаалам̣ барияанд̇ам̣ гад̇ваа махаасуд̣̇д̇ханд̇абариваасо д̣̇аад̇аб̣б̣о. уд̣̇д̇хам̣аароханаад̇хоороханабхааво банзсам̣ адтагат̇ааяам̣ (жуул̣ава. адта. 102) вуд̇д̇оязва. ид̇о барамби вид̇хаанам̣ адтагат̇ааяам̣ ааг̇ад̇анаязнзва д̣̇адтаб̣б̣ам̣.

    Atha pana vinayadharena ‘‘kittakā te āpattiyo, chādesi, kīvatīhaṃ paṭicchādesī’’ti puṭṭho samāno ‘‘ahaṃ, bhante, āpattipariyantaṃ na jānāmi, rattipariyantaṃ na jānāmi, āpattipariyantaṃ nassarāmi, rattipariyantaṃ nassarāmi, āpattipariyante vematiko, rattipariyante vematiko’’ti vutte ‘‘ayaṃ bhikkhu suddhantaparivāsāraho’’ti ñatvā tassapi duvidhattā cūḷasuddhantamahāsuddhantavasena ‘‘tesu ayaṃ bhikkhu imassa araho’’ti ñāpanatthaṃ upasampadato paṭṭhāya anulomakkamena vā ārocitadivasato paṭṭhāya paṭilomakkamena vā ‘‘kittakaṃ kālaṃ tvaṃ ārocanaāvikaraṇādivasena suddho’’ti pucchitvā ‘‘āma bhante, ettakaṃ kālaṃ ahaṃ suddhomhī’’ti vutte ‘‘ayaṃ bhikkhu ekaccaṃ rattipariyantaṃ jānāti, tasmā cūḷasuddhantāraho’’ti ñatvā tassa suddhakālaṃ apanetvā asuddhakālavasena pariyantaṃ katvā cūḷasuddhantaparivāso dātabbo. Ayaṃ uddhampi ārohati, adhopi orohati. Yo pana anulomavasena vā paṭilomavasena vā pucchiyamāno ‘‘sakalampi rattipariyantaṃ ahaṃ na jānāmi nassarāmi, vematiko homī’’ti vutte ‘‘ayaṃ bhikkhu sakalampi rattipariyantaṃ na jānāti, tasmā mahāsuddhantāraho’’ti ñatvā tassa upasampadato paṭṭhāya yāva vattasamādānā ettakaṃ kālaṃ pariyantaṃ katvā mahāsuddhantaparivāso dātabbo. Uddhaṃārohanaadhoorohanabhāvo panesaṃ aṭṭhakathāyaṃ (cūḷava. aṭṭha. 102) vuttoyeva. Ito parampi vidhānaṃ aṭṭhakathāyaṃ āgatanayeneva daṭṭhabbaṃ.

    ид̣̇аани бана б̣ахаво бхигкуу ‘‘аяам̣ жуул̣асуд̣̇д̇ханд̇аарахо, аяам̣ махаасуд̣̇д̇ханд̇аарахо’’д̇и авижинанд̇аа анд̇огаммаваажааяам̣ ‘‘аабад̇д̇ибарияанд̇ам̣ на ж̇аанаад̇и, рад̇д̇ибарияанд̇ам̣ на ж̇аанаад̇и, аабад̇д̇ибарияанд̇ам̣ нассарад̇и, рад̇д̇ибарияанд̇ам̣ нассарад̇и, аабад̇д̇ибарияанд̇з взмад̇иго, рад̇д̇ибарияанд̇з взмад̇иго’’д̇и ависзсаважанамзва манаси гаронд̇аа ‘‘имааяа гаммаваажааяа д̣̇иннам̣ суд̣̇д̇ханд̇абариваасам̣ г̇ахзд̇ваа бан̃жаахамад̇д̇ам̣ ваа д̣̇асаахамад̇д̇ам̣ ваа баривасид̇ваа абарияанд̇арад̇д̇ибадижчаад̣̇ид̇аахи абарияанд̇аахи аабад̇д̇ийхи могко ход̇ий’’д̇и ман̃н̃анд̇аа бан̃жаахамад̇д̇ам̣ ваа д̣̇асаахамад̇д̇ам̣ ваа баривасид̇ваа маанад̇д̇ам̣ яаажанд̇и, звам̣ гаронд̇аа д̇з бхигкуу сахассагкад̇д̇ум̣ баривасанд̇ааби аабад̇д̇ид̇о на мужжзяяум̣. гасмаад̇и жз? баал̣ияаа жа адтагат̇ааяа жа вируж̇жханад̇о. вуд̇д̇ан̃хи баал̣ияам̣ (баараа. 442) ‘‘яаавад̇ийхам̣ ж̇аанам̣ бадижчаад̣̇зд̇и, д̇аавад̇ийхам̣ д̇зна бхигкунаа агаамаа баривад̇т̇аб̣б̣ам̣. баривуд̇т̇абариваасзна бхигкунаа уд̇д̇ари чаарад̇д̇ам̣ бхигкумаанад̇д̇ааяа бадибаж̇ж̇ид̇аб̣б̣ам̣. жин̣н̣амаанад̇д̇о бхигку яад̇т̇а сияаа вийсад̇иг̇ан̣о бхигкусан̇гхо, д̇ад̇т̇а со бхигку аб̣бхзд̇аб̣б̣о’’д̇и, д̇асмаа бадижчаннад̣̇ивасамад̇д̇ам̣ абаривасид̇ваа маанад̇д̇аарахо наама на ход̇и, амаанад̇д̇аарахасса маанад̇д̇ад̣̇аанам̣ на рухад̇и, ажин̣н̣амаанад̇д̇о аб̣бхаанаарахо на ход̇и, анаб̣бхаанаарахасса аб̣бхаанам̣ на рухад̇и, анаб̣бхид̇о бхигку аабад̇д̇имуд̇д̇о багад̇ад̇д̇о на ход̇ийд̇и аяамзд̇т̇а бхаг̇авад̇о ад̇хиббааяо.

    Idāni pana bahavo bhikkhū ‘‘ayaṃ cūḷasuddhantāraho, ayaṃ mahāsuddhantāraho’’ti avicinantā antokammavācāyaṃ ‘‘āpattipariyantaṃ na jānāti, rattipariyantaṃ na jānāti, āpattipariyantaṃ nassarati, rattipariyantaṃ nassarati, āpattipariyante vematiko, rattipariyante vematiko’’ti avisesavacanameva manasi karontā ‘‘imāya kammavācāya dinnaṃ suddhantaparivāsaṃ gahetvā pañcāhamattaṃ vā dasāhamattaṃ vā parivasitvā apariyantarattipaṭicchāditāhi apariyantāhi āpattīhi mokkho hotī’’ti maññantā pañcāhamattaṃ vā dasāhamattaṃ vā parivasitvā mānattaṃ yācanti, evaṃ karontā te bhikkhū sahassakkhattuṃ parivasantāpi āpattito na mucceyyuṃ. Kasmāti ce? Pāḷiyā ca aṭṭhakathāya ca virujjhanato. Vuttañhi pāḷiyaṃ (pārā. 442) ‘‘yāvatīhaṃ jānaṃ paṭicchādeti, tāvatīhaṃ tena bhikkhunā akāmā parivatthabbaṃ. Parivutthaparivāsena bhikkhunā uttari chārattaṃ bhikkhumānattāya paṭipajjitabbaṃ. Ciṇṇamānatto bhikkhu yattha siyā vīsatigaṇo bhikkhusaṅgho, tattha so bhikkhu abbhetabbo’’ti, tasmā paṭicchannadivasamattaṃ aparivasitvā mānattāraho nāma na hoti, amānattārahassa mānattadānaṃ na ruhati, aciṇṇamānatto abbhānāraho na hoti, anabbhānārahassa abbhānaṃ na ruhati, anabbhito bhikkhu āpattimutto pakatatto na hotīti ayamettha bhagavato adhippāyo.

    адтагат̇ааяам̣ (жуул̣ава. адта. 102) бана жуул̣асуд̣̇д̇ханд̇з ‘‘д̇ам̣ г̇ахзд̇ваа баривасанд̇зна яад̇д̇агам̣ гаалам̣ ад̇д̇ано суд̣̇д̇хим̣ ж̇аанаад̇и, д̇ад̇д̇агам̣ абанзд̇ваа авасзсам̣ маасам̣ ваа д̣̇вимаасам̣ ваа баривасид̇аб̣б̣а’’нд̇и, махаасуд̣̇д̇ханд̇з ‘‘д̇ам̣ г̇ахзд̇ваа г̇ахид̇ад̣̇ивасад̇о яаава убасамбад̣̇ад̣̇ивасо, д̇аава рад̇д̇ияо г̇ан̣зд̇ваа баривасид̇аб̣б̣а’’нд̇и вуд̇д̇ам̣, д̇асмаа бадижчаннарад̇д̇иббамаан̣ам̣ баривасанд̇оязва маанад̇д̇аарахо ход̇и, на бан̃жаахад̣̇асаахарад̇д̇иббамаан̣амад̇д̇ам̣ баривасанд̇од̇и аяам̣ адтагат̇аажарияаанам̣ ад̇хиббааяо. д̇знзва жа гааран̣зна д̣̇зсанаааарожанаад̣̇ийхи саб̣б̣агаалам̣ аабад̇д̇им̣ сод̇хзд̇ваа васанд̇аанам̣ лаж̇ж̇ийбзсалаанам̣ сигкаагаамаанам̣ бхигкуунам̣ суд̣̇д̇ханд̇абариваасам̣ д̣̇аад̇ум̣ аяуд̇д̇аруубо, д̣̇зсанаааарожанаад̣̇ийхи аабад̇д̇им̣ асод̇хзд̇ваа бамаад̣̇авасзна жирагаалам̣ васанд̇аанам̣ ж̇анабад̣̇аваасигаад̣̇ийнам̣ д̣̇аад̇ум̣ яуд̇д̇аруубод̇и взд̣̇ид̇аб̣б̣ам̣. зд̇т̇ааби авасзсавинижчаяо адтагат̇ааяам̣ вуд̇д̇анаязнзва взд̣̇ид̇аб̣б̣о.

    Aṭṭhakathāyaṃ (cūḷava. aṭṭha. 102) pana cūḷasuddhante ‘‘taṃ gahetvā parivasantena yattakaṃ kālaṃ attano suddhiṃ jānāti, tattakaṃ apanetvā avasesaṃ māsaṃ vā dvimāsaṃ vā parivasitabba’’nti, mahāsuddhante ‘‘taṃ gahetvā gahitadivasato yāva upasampadadivaso, tāva rattiyo gaṇetvā parivasitabba’’nti vuttaṃ, tasmā paṭicchannarattippamāṇaṃ parivasantoyeva mānattāraho hoti, na pañcāhadasāharattippamāṇamattaṃ parivasantoti ayaṃ aṭṭhakathācariyānaṃ adhippāyo. Teneva ca kāraṇena desanāārocanādīhi sabbakālaṃ āpattiṃ sodhetvā vasantānaṃ lajjīpesalānaṃ sikkhākāmānaṃ bhikkhūnaṃ suddhantaparivāsaṃ dātuṃ ayuttarūpo, desanāārocanādīhi āpattiṃ asodhetvā pamādavasena cirakālaṃ vasantānaṃ janapadavāsikādīnaṃ dātuṃ yuttarūpoti veditabbaṃ. Etthāpi avasesavinicchayo aṭṭhakathāyaṃ vuttanayeneva veditabbo.

    ат̇а бана винаяад̇харзна ‘‘д̇вам̣, аавусо, гад̇арааабад̇д̇им̣ аабанно, гад̇и рад̇д̇ияо д̇з чаад̣̇ид̇аа’’д̇и будто ‘‘ахам̣, бханд̇з, сан̇гхаад̣̇исзсам̣ аабад̇д̇им̣ аабаж̇ж̇ид̇ваа багкамад̇д̇ам̣ бадижчаад̣̇ид̇аа, д̇знаахам̣ сан̇гхам̣ багкабариваасам̣ яаажид̇ваа сан̇гхзна д̣̇иннз багкабариваасз баривасид̇ваа анигкид̇д̇авад̇д̇ова худ̇ваа анд̇араа сан̇гхаад̣̇исзсаабад̇д̇им̣ аабаж̇ж̇ид̇ваа бан̃жаахамад̇д̇ам̣ чаад̣̇ид̇аа’’д̇и вуд̇д̇з ‘‘аяам̣ бхигку самод̇хаанабариваасаарахо, д̇ийсу жа самод̇хаанабариваасзсу од̇хаанасамод̇хаанаарахо’’д̇и н̃ад̇ваа ‘‘д̇зна хи бхигку д̇вам̣ муулааяабадигассанаарахо’’д̇и вад̇ваа д̇ам̣ муулааяа бадигассид̇ваа баривуд̇т̇ад̣̇ивасз ад̣̇ивасз гад̇ваа анд̇араа бадижчаннз бан̃жа д̣̇ивасз муулаабад̇д̇ияаа бадижчаннзсу д̣̇ивасзсу самод̇хаанзд̇ваа од̇хаанасамод̇хаано д̣̇аад̇аб̣б̣о. ид̇о бараани од̇хаанасамод̇хаанз вад̇д̇аб̣б̣аважанаани баал̣ияам̣ адтагат̇ааяан̃жа вуд̇д̇анаязнзва взд̣̇ид̇аб̣б̣аани.

    Atha pana vinayadharena ‘‘tvaṃ, āvuso, kataraāpattiṃ āpanno, kati rattiyo te chāditā’’ti puṭṭho ‘‘ahaṃ, bhante, saṅghādisesaṃ āpattiṃ āpajjitvā pakkhamattaṃ paṭicchāditā, tenāhaṃ saṅghaṃ pakkhaparivāsaṃ yācitvā saṅghena dinne pakkhaparivāse parivasitvā anikkhittavattova hutvā antarā saṅghādisesāpattiṃ āpajjitvā pañcāhamattaṃ chāditā’’ti vutte ‘‘ayaṃ bhikkhu samodhānaparivāsāraho, tīsu ca samodhānaparivāsesu odhānasamodhānāraho’’ti ñatvā ‘‘tena hi bhikkhu tvaṃ mūlāyapaṭikassanāraho’’ti vatvā taṃ mūlāya paṭikassitvā parivutthadivase adivase katvā antarā paṭicchanne pañca divase mūlāpattiyā paṭicchannesu divasesu samodhānetvā odhānasamodhāno dātabbo. Ito parāni odhānasamodhāne vattabbavacanāni pāḷiyaṃ aṭṭhakathāyañca vuttanayeneva veditabbāni.

    ат̇а бана винаяад̇харзна будто ‘‘ахам̣, бханд̇з, самб̣ахулаа сан̇гхаад̣̇исзсаа аабад̇д̇ияо аабаж̇ж̇им̣, самб̣ахулаа аабад̇д̇ияо згаахаббадижчаннааяо…бз… самб̣ахулаа аабад̇д̇ияо д̣̇асаахаббадижчаннааяо’’д̇и вуд̇д̇з ‘‘аяам̣ бхигку аг̇гхасамод̇хаанаарахо’’д̇и н̃ад̇ваа д̇аасам̣ аабад̇д̇ийнам̣ яаа аабад̇д̇ияо жирад̇араббадижчаннааяо, д̇аасам̣ аг̇гхзна самод̇хаанабариваасо д̣̇аад̇аб̣б̣о. д̇ад̇рзвам̣ вад̣̇анд̇и – ‘‘яаа аабад̇д̇ияо жирад̇араббадижчаннааяо, д̇аасам̣ аг̇гхзна самод̇хаанабариваасо д̣̇аад̇аб̣б̣о’’д̇и вуд̇д̇о, звам̣ санд̇з багкаббадижчаннамаасаббадижчаннаад̣̇ийсу гат̇анд̇и? д̇зсуби ‘‘яаа аабад̇д̇ияо багкаббадижчаннааяо, яаа аабад̇д̇ияо маасаббадижчаннааяо’’д̇и вад̇д̇аб̣б̣од̇и. яад̣̇и звам̣ баал̣ивирод̇хо аабаж̇ж̇ад̇и. баал̣ияан̃хи д̣̇асаахаббадижчаннабарияосаанаа зва аабад̇д̇и д̣̇ассид̇аа, на багкаббадижчаннамаасаббадижчаннаад̣̇аяод̇и? сажжам̣, баал̣ияам̣ д̇ат̇аад̣̇ассанам̣ бана наяад̣̇ассанамад̇д̇ам̣. д̇ат̇аа хи вуд̇д̇ам̣ адтагат̇ааяам̣ (жуул̣ава. адта. 102) ‘‘бан̃жад̣̇аса д̣̇ивасаани бадижчаннааяа ‘багкаббадижчанна’нд̇и вад̇ваа яож̇анаа гаад̇аб̣б̣аа…бз… звам̣ яаава садтисам̣важчарам̣, ад̇ирзгасадтисам̣важчараббадижчаннанд̇и ваа д̇ад̇о ваа бхияяоби вад̇ваа яож̇анаа гаад̇аб̣б̣аа’’д̇и. махаабад̣̇умад̇т̇зрзнаби вуд̇д̇ам̣ ‘‘аяам̣ самужжаяагканд̇хаго наама б̣уд̣̇д̇хаанам̣ тид̇агааласад̣̇исо, аабад̇д̇и наама бадижчаннаа ваа ход̇у аббадижчаннаа ваа самагауунад̇араад̇ирзгаббадижчаннаа ваа, винаяад̇харасса гаммаваажам̣ яож̇зд̇ум̣ самад̇т̇абхаавоязвзд̇т̇а бамаан̣а’’нд̇и, д̇асмаа багкаббадижчаннаад̣̇ийнам̣ гаммаваажаагаран̣з гуггужжам̣ на гаад̇аб̣б̣анд̇и.

    Atha pana vinayadharena puṭṭho ‘‘ahaṃ, bhante, sambahulā saṅghādisesā āpattiyo āpajjiṃ, sambahulā āpattiyo ekāhappaṭicchannāyo…pe… sambahulā āpattiyo dasāhappaṭicchannāyo’’ti vutte ‘‘ayaṃ bhikkhu agghasamodhānāraho’’ti ñatvā tāsaṃ āpattīnaṃ yā āpattiyo ciratarappaṭicchannāyo, tāsaṃ agghena samodhānaparivāso dātabbo. Tatrevaṃ vadanti – ‘‘yā āpattiyo ciratarappaṭicchannāyo, tāsaṃ agghena samodhānaparivāso dātabbo’’ti vutto, evaṃ sante pakkhappaṭicchannamāsappaṭicchannādīsu kathanti? Tesupi ‘‘yā āpattiyo pakkhappaṭicchannāyo, yā āpattiyo māsappaṭicchannāyo’’ti vattabboti. Yadi evaṃ pāḷivirodho āpajjati. Pāḷiyañhi dasāhappaṭicchannapariyosānā eva āpatti dassitā, na pakkhappaṭicchannamāsappaṭicchannādayoti? Saccaṃ, pāḷiyaṃ tathādassanaṃ pana nayadassanamattaṃ. Tathā hi vuttaṃ aṭṭhakathāyaṃ (cūḷava. aṭṭha. 102) ‘‘pañcadasa divasāni paṭicchannāya ‘pakkhappaṭicchanna’nti vatvā yojanā kātabbā…pe… evaṃ yāva saṭṭhisaṃvaccharaṃ, atirekasaṭṭhisaṃvaccharappaṭicchannanti vā tato vā bhiyyopi vatvā yojanā kātabbā’’ti. Mahāpadumattherenapi vuttaṃ ‘‘ayaṃ samuccayakkhandhako nāma buddhānaṃ ṭhitakālasadiso, āpatti nāma paṭicchannā vā hotu appaṭicchannā vā samakaūnataraatirekappaṭicchannā vā, vinayadharassa kammavācaṃ yojetuṃ samatthabhāvoyevettha pamāṇa’’nti, tasmā pakkhappaṭicchannādīnaṃ kammavācākaraṇe kukkuccaṃ na kātabbanti.

    ход̇у, звамби багкаббадижчаннам̣ барияанд̇ам̣ гад̇ваа гад̇ааяа гаммаваажааяа д̇ад̇о уд̣̇д̇хам̣ аабад̇д̇и над̇т̇ийд̇и гат̇ам̣ ж̇аанзяяаад̇и? ид̣̇аани сигкаагаамаа бхигкуу д̣̇звасигамби д̣̇зсанаарожанаавигаран̣аани гаронд̇и згаахигад̣̇вийхигаад̣̇ивасзнаби, гижжабасуд̇аа худ̇ваа д̇ат̇аа асаггонд̇ааби убосат̇ад̣̇ивасам̣ наад̇иггаманд̇и, г̇илаанаад̣̇ивасзна д̇ад̣̇ад̇игганд̇ааби ад̇игганд̇абхаавам̣ ж̇аананд̇и, д̇асмаа д̇ад̣̇ад̇игганд̇абхаавз сад̇и ад̇ирзгабагкаббадижчаннамаасаббадижчаннаад̣̇ивасзна вад̣дхзд̇ваа гаммаваажам̣ гарзяяа, д̇ад̣̇ад̇игганд̇абхаавз бана асад̇и багкаббадижчаннабарияанд̇аа ход̇и, д̇асмаа багкабарияанд̇агаммаваажаагаран̣ам̣ н̃ааяааг̇ад̇ам̣ ход̇ийд̇и д̣̇адтаб̣б̣ам̣.

    Hotu, evampi pakkhappaṭicchannaṃ pariyantaṃ katvā katāya kammavācāya tato uddhaṃ āpatti natthīti kathaṃ jāneyyāti? Idāni sikkhākāmā bhikkhū devasikampi desanārocanāvikaraṇāni karonti ekāhikadvīhikādivasenapi, kiccapasutā hutvā tathā asakkontāpi uposathadivasaṃ nātikkamanti, gilānādivasena tadatikkantāpi atikkantabhāvaṃ jānanti, tasmā tadatikkantabhāve sati atirekapakkhappaṭicchannamāsappaṭicchannādivasena vaḍḍhetvā kammavācaṃ kareyya, tadatikkantabhāve pana asati pakkhappaṭicchannapariyantā hoti, tasmā pakkhapariyantakammavācākaraṇaṃ ñāyāgataṃ hotīti daṭṭhabbaṃ.

    звам̣ ход̇у, д̇ат̇ааби яад̣̇зд̇ам̣ ‘‘самб̣ахулаа аабад̇д̇ияо згаахаббадижчаннааяо…бз… самб̣ахулаа аабад̇д̇ияо багкаббадижчаннааяо’’д̇и вуд̇д̇ам̣, д̇ад̇т̇а иминааязва ануггамзна маяаа бадижчаад̣̇ид̇аа аабад̇д̇ияо хонд̇ийд̇и гат̇ам̣ ж̇аанзяяа, аж̇аананз жа сад̇и ‘‘яаа жа квааяам̣, аавусо, аабад̇д̇и аж̇аанаббадижчаннаа, ад̇хаммигам̣ д̇ассаа аабад̇д̇ияаа бариваасад̣̇аанам̣, ад̇хаммад̇д̇аа на рухад̇ий’’д̇и ид̣̇ам̣ аабаж̇ж̇ад̇ийд̇и? наабаж̇ж̇ад̇и. д̇ад̇т̇а хи аабад̇д̇ияаа аабаннабхаавам̣ аж̇аананд̇о худ̇ваа бадижчаад̣̇зд̇и, д̇асмаа ‘‘аабад̇д̇и жа ход̇и аабад̇д̇исан̃н̃ий жаа’’д̇и вуд̇д̇ааабад̇д̇исан̃н̃ид̇аабхааваа аббадижчаннамзва ход̇и, д̇асмаа аббадижчаннааяа аабад̇д̇ияаа бариваасад̣̇аанам̣ ад̇хаммигам̣ ход̇и. ид̇ха бана ‘‘зд̇д̇агаа рад̇д̇ияо маяаа чаад̣̇ид̇аа’’д̇и чаннагааламзва на ж̇аанаад̇и, д̇ад̣̇аж̇аанабхаавз сад̇иби бариваасад̣̇аанам̣ рухад̇и. д̇знзва жа гааран̣зна суд̣̇д̇ханд̇абариваасз (жуул̣ава. 156-157) ‘‘аабад̇д̇ибарияанд̇ам̣ на ж̇аанаад̇и, рад̇д̇ибарияанд̇ам̣ на ж̇аанаад̇и, аабад̇д̇ибарияанд̇ам̣ нассарад̇и, рад̇д̇ибарияанд̇ам̣ нассарад̇и, аабад̇д̇ибарияанд̇з взмад̇иго, рад̇д̇ибарияанд̇з взмад̇иго’’д̇и рад̇д̇ибарияанд̇асса аж̇аананаасаран̣авзмад̇игабхаавз сад̇иби бариваасад̣̇аанам̣ вуд̇д̇ам̣, д̇асмаа чаад̣̇ид̇агаалам̣ д̇ат̇ад̇о аж̇аананд̇оби ‘‘самб̣ахулаа аабад̇д̇ияо згаахаббадижчаннааяо…бз… самб̣ахулаа аабад̇д̇ияо багкаббадижчаннааяо’’д̇и зд̇т̇а аббавидтасса абхааваа самбаж̇ж̇ад̇иязваад̇и д̣̇адтаб̣б̣ам̣.

    Evaṃ hotu, tathāpi yadetaṃ ‘‘sambahulā āpattiyo ekāhappaṭicchannāyo…pe… sambahulā āpattiyo pakkhappaṭicchannāyo’’ti vuttaṃ, tattha imināyeva anukkamena mayā paṭicchāditā āpattiyo hontīti kathaṃ jāneyya, ajānane ca sati ‘‘yā ca khvāyaṃ, āvuso, āpatti ajānappaṭicchannā, adhammikaṃ tassā āpattiyā parivāsadānaṃ, adhammattā na ruhatī’’ti idaṃ āpajjatīti? Nāpajjati. Tattha hi āpattiyā āpannabhāvaṃ ajānanto hutvā paṭicchādeti, tasmā ‘‘āpatti ca hoti āpattisaññī cā’’ti vuttaāpattisaññitābhāvā appaṭicchannameva hoti, tasmā appaṭicchannāya āpattiyā parivāsadānaṃ adhammikaṃ hoti. Idha pana ‘‘ettakā rattiyo mayā chāditā’’ti channakālameva na jānāti, tadajānabhāve satipi parivāsadānaṃ ruhati. Teneva ca kāraṇena suddhantaparivāse (cūḷava. 156-157) ‘‘āpattipariyantaṃ na jānāti, rattipariyantaṃ na jānāti, āpattipariyantaṃ nassarati, rattipariyantaṃ nassarati, āpattipariyante vematiko, rattipariyante vematiko’’ti rattipariyantassa ajānanaasaraṇavematikabhāve satipi parivāsadānaṃ vuttaṃ, tasmā chāditakālaṃ tathato ajānantopi ‘‘sambahulā āpattiyo ekāhappaṭicchannāyo…pe… sambahulā āpattiyo pakkhappaṭicchannāyo’’ti ettha appaviṭṭhassa abhāvā sampajjatiyevāti daṭṭhabbaṃ.

    ат̇ааби звам̣ вад̣̇зяяум̣ – ‘‘самб̣ахулаа аабад̇д̇ияо згаахаббадижчаннааяо…бз… самб̣ахулаа аабад̇д̇ияо багкаббадижчаннааяо’’д̇и вуд̇д̇з д̇зсу д̣̇ивасзсу аабад̇д̇ияо ад̇т̇и бадижчаннааяоби, ад̇т̇и аббадижчаннааяоби, ад̇т̇и жираббадижчаннааяоби, ад̇т̇и ажираббадижчаннааяоби, ад̇т̇и згааби, ад̇т̇и самб̣ахулааби, саб̣б̣аа д̇аа аабад̇д̇ияо зд̇знзва бад̣̇зна сан̇г̇ахид̇аа сияунд̇и? сан̇г̇ахид̇аа зва. на хзд̇т̇а сам̣саяо гаад̇аб̣б̣о. вуд̇д̇ан̃хзд̇ам̣ адтагат̇ааяам̣ (жуул̣ава. адта. 102) ‘‘ан̃н̃асмим̣ бана аабад̇д̇ивудтаанз ид̣̇ам̣ лагкан̣ам̣ – яо аббадижчаннам̣ аабад̇д̇им̣ ‘бадижчаннаа’д̇и винаяагаммам̣ гарод̇и, д̇асса аабад̇д̇и вудтаад̇и. яо бадижчаннам̣ ‘аббадижчаннаа’д̇и винаяагаммам̣ гарод̇и, д̇асса на вудтаад̇и. ажираббадижчаннам̣ ‘жираббадижчаннаа’д̇и гаронд̇ассаби вудтаад̇и, жираббадижчаннам̣ ‘ажираббадижчаннаа’д̇и гаронд̇асса на вудтаад̇и. згам̣ аабад̇д̇им̣ аабаж̇ж̇ид̇ваа ‘самб̣ахулаа’д̇и гаронд̇ассаби вудтаад̇и згам̣ винаа самб̣ахулаанам̣ абхаавад̇о. самб̣ахулаа бана аабаж̇ж̇ид̇ваа ‘згам̣ аабаж̇ж̇и’нд̇и гаронд̇асса на вудтаад̇ий’’д̇и, д̇асмаа зд̇зхи бад̣̇зхи саб̣б̣аасам̣ бадижчаннаабад̇д̇ийнам̣ сан̇г̇ахид̇ад̇д̇аа д̇аахи аабад̇д̇ийхи вудтаанам̣ самбхавад̇ийд̇и д̣̇адтаб̣б̣ам̣.

    Athāpi evaṃ vadeyyuṃ – ‘‘sambahulā āpattiyo ekāhappaṭicchannāyo…pe… sambahulā āpattiyo pakkhappaṭicchannāyo’’ti vutte tesu divasesu āpattiyo atthi paṭicchannāyopi, atthi appaṭicchannāyopi, atthi cirappaṭicchannāyopi, atthi acirappaṭicchannāyopi, atthi ekāpi, atthi sambahulāpi, sabbā tā āpattiyo eteneva padena saṅgahitā siyunti? Saṅgahitā eva. Na hettha saṃsayo kātabbo. Vuttañhetaṃ aṭṭhakathāyaṃ (cūḷava. aṭṭha. 102) ‘‘aññasmiṃ pana āpattivuṭṭhāne idaṃ lakkhaṇaṃ – yo appaṭicchannaṃ āpattiṃ ‘paṭicchannā’ti vinayakammaṃ karoti, tassa āpatti vuṭṭhāti. Yo paṭicchannaṃ ‘appaṭicchannā’ti vinayakammaṃ karoti, tassa na vuṭṭhāti. Acirappaṭicchannaṃ ‘cirappaṭicchannā’ti karontassapi vuṭṭhāti, cirappaṭicchannaṃ ‘acirappaṭicchannā’ti karontassa na vuṭṭhāti. Ekaṃ āpattiṃ āpajjitvā ‘sambahulā’ti karontassapi vuṭṭhāti ekaṃ vinā sambahulānaṃ abhāvato. Sambahulā pana āpajjitvā ‘ekaṃ āpajji’nti karontassa na vuṭṭhātī’’ti, tasmā etehi padehi sabbāsaṃ paṭicchannāpattīnaṃ saṅgahitattā tāhi āpattīhi vuṭṭhānaṃ sambhavatīti daṭṭhabbaṃ.

    ат̇а бана винаяад̇харзна будто ‘‘ахам̣, бханд̇з, самб̣ахулаа сан̇гхаад̣̇исзсаа аабад̇д̇ияо аабаж̇ж̇им̣ згам̣ суггависсадтим̣, згам̣ гааяасам̣саг̇г̇ам̣, згам̣ д̣̇удтуллаваажам̣, згам̣ ад̇д̇агаамам̣, згам̣ сан̃жарид̇д̇ам̣, згам̣ гудигаарам̣, згам̣ вихаарагаарам̣, згам̣ д̣̇удтад̣̇осам̣, згам̣ ан̃н̃абхааг̇ияам̣, згам̣ сан̇гхабхзд̣̇ам̣, згам̣ бхзд̣̇аанувад̇д̇агам̣, згам̣ д̣̇уб̣б̣ажам̣, згам̣ гулад̣̇уусага’’нд̇и вуд̇д̇з ‘‘аяам̣ бхигку миссагасамод̇хаанабариваасаарахо’’д̇и н̃ад̇ваа адтагат̇ааяам̣ (жуул̣ава. адта. 102) ааг̇ад̇анаязна бариваасо д̣̇аад̇аб̣б̣о. зд̇т̇ааха – аг̇гхасамод̇хаанамиссагасамод̇хаанаанам̣ го висзсо, гим̣ наанаагаран̣анд̇и? вужжад̇з – аг̇гхасамод̇хаанабариваасо ажираббадижчаннаа аабад̇д̇ияо жираббадижчаннааяам̣ аабад̇д̇ияам̣ самод̇хаанзд̇ваа д̇ассаа жираббадижчаннааяа аабад̇д̇ияаа аг̇гхавасзна д̣̇ийяад̇и, миссагасамод̇хаанабариваасо наанаавад̇т̇угаа аабад̇д̇ияо самод̇хаанзд̇ваа д̇аасам̣ миссагавасзна д̣̇ийяад̇и, аяамзд̇зсам̣ висзсо. ат̇а ваа аг̇гхасамод̇хаано сабхааг̇авад̇т̇уунам̣ аабад̇д̇ийнам̣ самод̇хаанавасзна ход̇и, ид̇аро висабхааг̇авад̇т̇уунанд̇и аажарияаа. д̇знзвааха аажарияаваж̇ираб̣уд̣̇д̇хид̇т̇зро (важ̇ира. дий. жуул̣аваг̇г̇а 102) ‘‘аг̇гхасамод̇хаано наама сабхааг̇авад̇т̇угааяо самб̣ахулаа аабад̇д̇ияо аабаннасса б̣ахурад̇д̇им̣ бадижчаад̣̇ид̇аабад̇д̇ияам̣ нигкибид̇ваа д̣̇аад̇аб̣б̣о, ид̇аро наанаавад̇т̇угаанам̣ васзнаад̇и аяамзд̇зсам̣ висзсо’’д̇и.

    Atha pana vinayadharena puṭṭho ‘‘ahaṃ, bhante, sambahulā saṅghādisesā āpattiyo āpajjiṃ ekaṃ sukkavissaṭṭhiṃ, ekaṃ kāyasaṃsaggaṃ, ekaṃ duṭṭhullavācaṃ, ekaṃ attakāmaṃ, ekaṃ sañcarittaṃ, ekaṃ kuṭikāraṃ, ekaṃ vihārakāraṃ, ekaṃ duṭṭhadosaṃ, ekaṃ aññabhāgiyaṃ, ekaṃ saṅghabhedaṃ, ekaṃ bhedānuvattakaṃ, ekaṃ dubbacaṃ, ekaṃ kuladūsaka’’nti vutte ‘‘ayaṃ bhikkhu missakasamodhānaparivāsāraho’’ti ñatvā aṭṭhakathāyaṃ (cūḷava. aṭṭha. 102) āgatanayena parivāso dātabbo. Etthāha – agghasamodhānamissakasamodhānānaṃ ko viseso, kiṃ nānākaraṇanti? Vuccate – agghasamodhānaparivāso acirappaṭicchannā āpattiyo cirappaṭicchannāyaṃ āpattiyaṃ samodhānetvā tassā cirappaṭicchannāya āpattiyā agghavasena dīyati, missakasamodhānaparivāso nānāvatthukā āpattiyo samodhānetvā tāsaṃ missakavasena dīyati, ayametesaṃ viseso. Atha vā agghasamodhāno sabhāgavatthūnaṃ āpattīnaṃ samodhānavasena hoti, itaro visabhāgavatthūnanti ācariyā. Tenevāha ācariyavajirabuddhitthero (vajira. ṭī. cūḷavagga 102) ‘‘agghasamodhāno nāma sabhāgavatthukāyo sambahulā āpattiyo āpannassa bahurattiṃ paṭicchāditāpattiyaṃ nikkhipitvā dātabbo, itaro nānāvatthukānaṃ vasenāti ayametesaṃ viseso’’ti.

    ат̇а сияаа ‘‘звам̣ жираббадижчаннааяо жа ажираббадижчаннааяо жа наанаавад̇т̇угааяо аабад̇д̇ияо аабаж̇ж̇анд̇асса го бариваасо д̣̇аад̇аб̣б̣о аг̇гхасамод̇хаано ваа миссагасамод̇хаано ваа, ат̇а д̇ад̣̇убхаяаа ваа’’д̇и. гин̃жзд̇т̇а – яад̣̇и аг̇гхасамод̇хаанам̣ д̣̇ад̣̇зяяа, жираббадижчаннаахи жа ажираббадижчаннаахи жа сабхааг̇авад̇т̇угаахи аабад̇д̇ийхи вудтид̇о бхавзяяа, жираббадижчаннаахи жа ажираббадижчаннаахи жа но висабхааг̇авад̇т̇угаахи. яад̣̇и жа миссагасамод̇хаанам̣ д̣̇ад̣̇зяяа, самаанагаалаббадижчаннаахи висабхааг̇авад̇т̇уухи аабад̇д̇ийхи вудтид̇о бхавзяяа, но асамаанагааалаббадижчаннаахи сабхааг̇авад̇т̇угаахи жа, ат̇а д̇ад̣̇убхаяамби д̣̇ад̣̇зяяа, ‘‘згасмим̣ гаммз д̣̇вз бариваасаа д̣̇аад̇аб̣б̣аа’’д̇и нзва баал̣ияам̣, на адтагат̇ааяам̣ вуд̇д̇анд̇и? вужжад̇з – ид̣̇ан̃хи саб̣б̣амби бариваасаад̣̇игам̣ винаяагаммам̣ вад̇т̇увасзна ваа г̇од̇д̇авасзна ваа наамавасзна ваа аабад̇д̇ивасзна ваа гаад̇ум̣ ваддад̇иязва.

    Atha siyā ‘‘evaṃ cirappaṭicchannāyo ca acirappaṭicchannāyo ca nānāvatthukāyo āpattiyo āpajjantassa ko parivāso dātabbo agghasamodhāno vā missakasamodhāno vā, atha tadubhayā vā’’ti. Kiñcettha – yadi agghasamodhānaṃ dadeyya, cirappaṭicchannāhi ca acirappaṭicchannāhi ca sabhāgavatthukāhi āpattīhi vuṭṭhito bhaveyya, cirappaṭicchannāhi ca acirappaṭicchannāhi ca no visabhāgavatthukāhi. Yadi ca missakasamodhānaṃ dadeyya, samānakālappaṭicchannāhi visabhāgavatthūhi āpattīhi vuṭṭhito bhaveyya, no asamānakaālappaṭicchannāhi sabhāgavatthukāhi ca, atha tadubhayampi dadeyya, ‘‘ekasmiṃ kamme dve parivāsā dātabbā’’ti neva pāḷiyaṃ, na aṭṭhakathāyaṃ vuttanti? Vuccate – idañhi sabbampi parivāsādikaṃ vinayakammaṃ vatthuvasena vā gottavasena vā nāmavasena vā āpattivasena vā kātuṃ vaṭṭatiyeva.

    д̇ад̇т̇а суггависсадтийд̇и вад̇т̇у жзва г̇од̇д̇ан̃жа. сан̇гхаад̣̇исзсод̇и нааман̃жзва аабад̇д̇и жа. д̇ад̇т̇а ‘‘суггависсадтим̣ гааяасам̣саг̇г̇а’’нд̇иаад̣̇иважанзнааби ‘‘наанаавад̇т̇угааяо’’д̇и важанзнаби вад̇т̇у жзва г̇од̇д̇ан̃жа г̇ахид̇ам̣ ход̇и, ‘‘сан̇гхаад̣̇исзсо’’д̇и важанзнаби ‘‘аабад̇д̇ияо’’д̇и важанзнаби нааман̃жзва аабад̇д̇и жа г̇ахид̇аа ход̇и, д̇асмаа аг̇гхасамод̇хаанавасзна бариваасз д̣̇иннз ‘‘ахам̣, бханд̇з, самб̣ахулаа сан̇гхаад̣̇исзсаа аабад̇д̇ияо аабаж̇ж̇и’’нд̇иаад̣̇иважанзнзва вад̇т̇усса жа г̇од̇д̇асса жа наамасса жа аабад̇д̇ияаа жа г̇ахид̇ад̇д̇аа жираббадижчаннаахи ажираббадижчаннаахи жа сабхааг̇авад̇т̇угаахи жа висабхааг̇авад̇т̇угаахи жа саб̣б̣аахи аабад̇д̇ийхи вудтаад̇ийд̇и д̣̇адтаб̣б̣ам̣. вуд̇д̇ан̃хзд̇ам̣ саманд̇абаасаад̣̇игааяам̣ ‘‘зд̇т̇а жа ‘сан̇гхаад̣̇исзсаа аабад̇д̇ияо аабаж̇ж̇им̣ наанаавад̇т̇угааяо’д̇иби ‘сан̇гхаад̣̇исзсаа аабад̇д̇ияо аабаж̇ж̇и’нд̇иби звам̣ буб̣б̣з вуд̇д̇анаязна вад̇т̇увасзнаби г̇од̇д̇авасзнаби наамавасзнаби аабад̇д̇ивасзнаби яож̇зд̇ваа гаммаваажам̣ гаад̇ум̣ ваддад̇иязваад̇и аяам̣ миссагасамод̇хаано’’д̇и, имасмин̃жа винаяасан̇г̇ахаббагаран̣з (ви. сан̇г̇а. адта. 245) д̇ат̇зва вад̇ваа ‘‘д̇асмаа на ид̇ха висум̣ гаммаваажам̣ яож̇зд̇ваа д̣̇ассаяиссаама, буб̣б̣з саб̣б̣аабад̇д̇исаад̇хааран̣ам̣ гад̇ваа яож̇зд̇ваа д̣̇ассид̇ааяа зва гаммаваажааяа наанаавад̇т̇угаахиби аабад̇д̇ийхи вудтаанасамбхавад̇о сааязвзд̇т̇а гаммаваажаа ала’’нд̇и.

    Tattha sukkavissaṭṭhīti vatthu ceva gottañca. Saṅghādisesoti nāmañceva āpatti ca. Tattha ‘‘sukkavissaṭṭhiṃ kāyasaṃsagga’’ntiādivacanenāpi ‘‘nānāvatthukāyo’’ti vacanenapi vatthu ceva gottañca gahitaṃ hoti, ‘‘saṅghādiseso’’ti vacanenapi ‘‘āpattiyo’’ti vacanenapi nāmañceva āpatti ca gahitā hoti, tasmā agghasamodhānavasena parivāse dinne ‘‘ahaṃ, bhante, sambahulā saṅghādisesā āpattiyo āpajji’’ntiādivacaneneva vatthussa ca gottassa ca nāmassa ca āpattiyā ca gahitattā cirappaṭicchannāhi acirappaṭicchannāhi ca sabhāgavatthukāhi ca visabhāgavatthukāhi ca sabbāhi āpattīhi vuṭṭhātīti daṭṭhabbaṃ. Vuttañhetaṃ samantapāsādikāyaṃ ‘‘ettha ca ‘saṅghādisesā āpattiyo āpajjiṃ nānāvatthukāyo’tipi ‘saṅghādisesā āpattiyo āpajji’ntipi evaṃ pubbe vuttanayena vatthuvasenapi gottavasenapi nāmavasenapi āpattivasenapi yojetvā kammavācaṃ kātuṃ vaṭṭatiyevāti ayaṃ missakasamodhāno’’ti, imasmiñca vinayasaṅgahappakaraṇe (vi. saṅga. aṭṭha. 245) tatheva vatvā ‘‘tasmā na idha visuṃ kammavācaṃ yojetvā dassayissāma, pubbe sabbāpattisādhāraṇaṃ katvā yojetvā dassitāya eva kammavācāya nānāvatthukāhipi āpattīhi vuṭṭhānasambhavato sāyevettha kammavācā ala’’nti.

    яад̣̇и звам̣ аажарияаваж̇ираб̣уд̣̇д̇хид̇т̇зрзна д̣̇виннам̣ висзсо на вад̇д̇аб̣б̣о, ат̇а гасмаа вуд̇д̇од̇и? д̇ийсу самод̇хаанабариваасзсу од̇хаанасамод̇хаано муулааяабадигассанааяа од̇хуунид̇агаалзязва д̣̇аад̇аб̣б̣о, аг̇гхасамод̇хаанамиссагасамод̇хаанабариваасаа бана висум̣язва д̣̇аад̇аб̣б̣аа. ‘‘звам̣ д̣̇иннз зд̇зсам̣ го висзсо’’д̇и жинд̇ааяам̣ висзсасамбхавамад̇д̇ад̣̇ассанад̇т̇ам̣ вуд̇д̇о. адтагат̇ааяам̣ бана бариваасаад̣̇игаммасса лагкан̣ам̣ д̣̇ассзд̇ум̣ ‘‘вад̇т̇увасзна ваа’’д̇иаад̣̇имааха, д̇асмаа лагкан̣авасзнзва сабхааг̇авад̇т̇угаахиби аабад̇д̇ийхи вудтаанам̣ самбхавад̇и. д̇знзва жа гааран̣зна саарад̇т̇ад̣̇ийбанинаамигааяам̣ винаяадийгааяан̃жа вимад̇ивинод̣̇анинаамигааяам̣ винаяадийгааяан̃жа на гожи висзсо вуд̇д̇од̇и д̣̇адтаб̣б̣о.

    Yadi evaṃ ācariyavajirabuddhittherena dvinnaṃ viseso na vattabbo, atha kasmā vuttoti? Tīsu samodhānaparivāsesu odhānasamodhāno mūlāyapaṭikassanāya odhūnitakāleyeva dātabbo, agghasamodhānamissakasamodhānaparivāsā pana visuṃyeva dātabbā. ‘‘Evaṃ dinne etesaṃ ko viseso’’ti cintāyaṃ visesasambhavamattadassanatthaṃ vutto. Aṭṭhakathāyaṃ pana parivāsādikammassa lakkhaṇaṃ dassetuṃ ‘‘vatthuvasena vā’’tiādimāha, tasmā lakkhaṇavaseneva sabhāgavatthukāhipi āpattīhi vuṭṭhānaṃ sambhavati. Teneva ca kāraṇena sāratthadīpanināmikāyaṃ vinayaṭīkāyañca vimativinodanināmikāyaṃ vinayaṭīkāyañca na koci viseso vuttoti daṭṭhabbo.

    яад̣̇и звам̣ миссагасамод̇хаанагаммаваажааяаби жираббадижчаннаахи ажираббадижчаннаахиби аабад̇д̇ийхи вудтаанам̣ самбхавзяяа. д̇ад̇т̇аби хи ‘‘ахам̣, бханд̇з, самб̣ахулаа сан̇гхаад̣̇исзсаа аабад̇д̇ияо аабаж̇ж̇им̣ наанаавад̇т̇угааяо’’д̇иби ‘‘згаа суггависсадти…бз… згаа гулад̣̇уусагаа’’д̇иби вад̇д̇аб̣б̣ам̣. звам̣ сад̇и ‘‘самб̣ахулаа’’д̇иби ‘‘сан̇гхаад̣̇исзсаа аабад̇д̇ияо’’д̇иби вад̇т̇уг̇од̇д̇анаамаабад̇д̇ийхи гид̇д̇анасамбхавад̇о жираббадижчаннаахиби ажираббадижчаннаахиби аабад̇д̇ийхи вудтаанам̣ самбхавзяяаад̇и? на банзвам̣ д̣̇адтаб̣б̣ам̣. вад̇т̇аад̣̇игид̇д̇анан̃хи саб̣б̣аабад̇д̇ийнам̣ г̇ан̣ханад̇т̇ам̣ ход̇и. звам̣ г̇ан̣ханд̇зби бадижчаннагааласса агат̇ид̇ад̇д̇аа ‘‘зд̇д̇агам̣ наама гаалам̣ баривасид̇аб̣б̣а’’нд̇и на бан̃н̃ааяад̇и, д̇асмим̣ абан̃н̃ааяамаанз д̇зна бамаан̣зна бариваасо на ход̇и, д̇асмим̣ асад̇и аабад̇д̇ид̇о вудтаанам̣ на самбхавад̇и, д̇асмаа миссагасамод̇хаанагаммаваажааяа жираббадижчаннаахиби ажираббадижчаннаахиби аабад̇д̇ийхи вудтаанам̣ на самбхавад̇ийд̇и д̣̇адтаб̣б̣ам̣.

    Yadi evaṃ missakasamodhānakammavācāyapi cirappaṭicchannāhi acirappaṭicchannāhipi āpattīhi vuṭṭhānaṃ sambhaveyya. Tatthapi hi ‘‘ahaṃ, bhante, sambahulā saṅghādisesā āpattiyo āpajjiṃ nānāvatthukāyo’’tipi ‘‘ekā sukkavissaṭṭhi…pe… ekā kuladūsakā’’tipi vattabbaṃ. Evaṃ sati ‘‘sambahulā’’tipi ‘‘saṅghādisesā āpattiyo’’tipi vatthugottanāmāpattīhi kittanasambhavato cirappaṭicchannāhipi acirappaṭicchannāhipi āpattīhi vuṭṭhānaṃ sambhaveyyāti? Na panevaṃ daṭṭhabbaṃ. Vatthādikittanañhi sabbāpattīnaṃ gaṇhanatthaṃ hoti. Evaṃ gaṇhantepi paṭicchannakālassa akathitattā ‘‘ettakaṃ nāma kālaṃ parivasitabba’’nti na paññāyati, tasmiṃ apaññāyamāne tena pamāṇena parivāso na hoti, tasmiṃ asati āpattito vuṭṭhānaṃ na sambhavati, tasmā missakasamodhānakammavācāya cirappaṭicchannāhipi acirappaṭicchannāhipi āpattīhi vuṭṭhānaṃ na sambhavatīti daṭṭhabbaṃ.

    бариваасавинижчаяагат̇аа нидтид̇аа.

    Parivāsavinicchayakathā niṭṭhitā.

    маанад̇д̇авинижчаяагат̇аа

    Mānattavinicchayakathā

    маанад̇д̇агат̇ааяамби маанад̇д̇ам̣ наама аббадижчаннамаанад̇д̇ам̣ бадижчаннамаанад̇д̇ам̣ багкамаанад̇д̇ам̣ самод̇хаанамаанад̇д̇анд̇и жад̇уб̣б̣ид̇хам̣ ход̇и. д̇ад̇т̇а яо бхигку сан̇гхаад̣̇исзсам̣ аабад̇д̇им̣ аабаж̇ж̇ид̇ваа д̇ам̣ д̣̇ивасамзва аарожзд̇и, згарад̇д̇имад̇д̇амби на бадижчаад̣̇зд̇и, д̇асса бариваасам̣ ад̣̇ад̇ваава д̣̇иннам̣ маанад̇д̇ам̣ аббадижчаннамаанад̇д̇ам̣ наама. яо аабаж̇ж̇ид̇ваа д̣̇асахи аагаарзхи винаа д̇ам̣ д̣̇ивасам̣ наарожзд̇и, згарад̇д̇аад̣̇ивасзна бадижчаад̣̇зд̇и, д̇ад̇т̇а яат̇аабадижчаннад̣̇ивасам̣ бариваасам̣ д̣̇ад̇ваа баривуд̇т̇абариваасасса д̣̇иннам̣ маанад̇д̇ам̣ бадижчаннамаанад̇д̇ам̣ наама. аабад̇д̇им̣ аабаж̇ж̇ид̇ваа бадижчаннааяа ваа аббадижчаннааяа ваа бхигкунияаа багкамад̇д̇амзва д̣̇иннам̣ маанад̇д̇ам̣ багкамаанад̇д̇ам̣ наама. бхигку бана бадижчаннааяа аабад̇д̇ияаа баривасид̇ваа анигкид̇д̇авад̇д̇агаалзязва буна аабаж̇ж̇ид̇ваа на бадижчаад̣̇зд̇и, д̇асса муулааяа бадигассид̇ваа баривуд̇т̇ад̣̇ивасз ад̣̇ивасз гад̇ваа аббадижчаад̣̇ид̇ад̇д̇аа самод̇хаанабариваасам̣ ад̣̇ад̇ваа д̣̇иннам̣ маанад̇д̇ам̣ самод̇хаанамаанад̇д̇ам̣ наама. маанад̇д̇аарахагаалзби маанад̇д̇ажаран̣агаалзби аб̣бхаанаарахагаалзби зсзва наяо. д̇зсу д̇ийн̣и маанад̇д̇аани адтагат̇ааяам̣ вуд̇д̇анаязна сувин̃н̃зяяад̇д̇аа на вуд̇д̇аани. багкамаанад̇д̇ам̣ бажчаа ааг̇амиссад̇и.

    Mānattakathāyampi mānattaṃ nāma appaṭicchannamānattaṃ paṭicchannamānattaṃ pakkhamānattaṃ samodhānamānattanti catubbidhaṃ hoti. Tattha yo bhikkhu saṅghādisesaṃ āpattiṃ āpajjitvā taṃ divasameva āroceti, ekarattimattampi na paṭicchādeti, tassa parivāsaṃ adatvāva dinnaṃ mānattaṃ appaṭicchannamānattaṃ nāma. Yo āpajjitvā dasahi ākārehi vinā taṃ divasaṃ nāroceti, ekarattādivasena paṭicchādeti, tattha yathāpaṭicchannadivasaṃ parivāsaṃ datvā parivutthaparivāsassa dinnaṃ mānattaṃ paṭicchannamānattaṃ nāma. Āpattiṃ āpajjitvā paṭicchannāya vā appaṭicchannāya vā bhikkhuniyā pakkhamattameva dinnaṃ mānattaṃ pakkhamānattaṃ nāma. Bhikkhu pana paṭicchannāya āpattiyā parivasitvā anikkhittavattakāleyeva puna āpajjitvā na paṭicchādeti, tassa mūlāya paṭikassitvā parivutthadivase adivase katvā appaṭicchāditattā samodhānaparivāsaṃ adatvā dinnaṃ mānattaṃ samodhānamānattaṃ nāma. Mānattārahakālepi mānattacaraṇakālepi abbhānārahakālepi eseva nayo. Tesu tīṇi mānattāni aṭṭhakathāyaṃ vuttanayena suviññeyyattā na vuttāni. Pakkhamānattaṃ pacchā āgamissati.

    яаани бана бариваасамаанад̇д̇аани анавадтид̇ад̇д̇аа бут̇уж̇ж̇анасса г̇ихиаад̣̇ивасзна баривад̇д̇анз сад̇и буна д̣̇аад̇аб̣б̣аад̣̇аад̇аб̣б̣абхаавз сан̇гид̇аб̣б̣аани, д̇аани д̣̇ассзд̇ум̣ баал̣ияам̣ анзгзхи багаарзхи вид̇т̇аарад̇о вуд̇д̇аани. д̇зсу бхигкуунам̣ сам̣саяавинод̣̇анад̇т̇ааяа згад̣̇зсам̣ д̣̇ассзд̇ум̣ ‘‘сажз гожий’’д̇иаад̣̇имааха. д̇ад̇т̇а виб̣бхамад̇ийд̇и вируубо худ̇ваа бхамад̇и, хийнааяаавад̇д̇ад̇и г̇ихий ход̇ийд̇и ад̇т̇о. сааман̣зро ход̇ийд̇и убасамбаннабхаавам̣ ж̇ахид̇ваа сааман̣зрабхаавам̣ убаг̇ажчад̇и. д̇ад̇т̇а баарааж̇игаббад̇д̇абхаавзна ваа ‘‘г̇ихийд̇и мам̣ д̇хаарзт̇аа’’д̇иаад̣̇инаа сигкаабажжагкаанзна ваа г̇ихий ход̇и . д̇зсу батамзна буна убасамбад̣̇ааяа абхаб̣б̣ад̇д̇аа буна бариваасо на рухад̇иязва, д̣̇уд̇иязна бана буна убасамбад̣̇ааяа бхаб̣б̣ад̇д̇аа ‘‘со жз буна убасамбаж̇ж̇ад̇ий’’д̇и вуд̇д̇ам̣. ид̇аро бана баарааж̇игаббад̇д̇абхаавзна сааман̣зро на ход̇и. гасмаа? саран̣аг̇аманаад̣̇ийнам̣ винассанад̇о. вуд̇д̇ан̃хи вимад̇ивинод̣̇анияам̣ (ви. ви. дий. махааваг̇г̇а 2.108) ‘‘убасамбаннаанамби баарааж̇игасамааабад̇д̇ияаа саран̣аг̇аманаад̣̇исааман̣зрабхаавассаби винассанад̇о сзнаасанаг̇г̇аахо жа бадиббассамбхад̇и, сан̇гхалаабхамби д̇зна лабханд̇ийд̇и взд̣̇ид̇аб̣б̣а’’нд̇и, г̇ихий бана худ̇ваа буна сааман̣зрабхаавамад̇д̇ам̣ лад̣̇д̇хаб̣б̣ам̣ ход̇и. ‘‘сааман̣зрод̇и мам̣ д̇хаарзт̇аа’’д̇иаад̣̇инаа бана сигкаабажжагкаанз гад̇з сияаа сааман̣зрабхааво, д̇ад̇оби буна убасамбаж̇ж̇ид̇угаамад̇ааяа сад̇и сияаа убасамбаннабхааво. ‘‘г̇ихийд̇и мам̣ д̇хаарзт̇аа’’д̇иаад̣̇инаа сигкаабажжагкаанам̣ гад̇ваа г̇ихибхаавам̣ убаг̇ад̇зби буна сааман̣зрабаб̣б̣аж̇ж̇ам̣ баб̣б̣аж̇ид̇ваа сааман̣зро ход̇и. д̇ад̇о буна убасамбаж̇ж̇ид̇ум̣ лад̣̇д̇хаб̣б̣ад̇д̇аа ‘‘буна убасамбаж̇ж̇ад̇ий’’д̇и вуд̇д̇о. д̇зсам̣ бхигкубхаавз бариваасз анидтид̇зби г̇ихисааман̣зрабхаавам̣ бад̇д̇ад̇д̇аа бариваасо на рухад̇и убасамбаннаанамзва бариваасасса бхаг̇авад̇аа бан̃н̃ад̇д̇ад̇д̇аад̇и ад̇т̇о.

    Yāni pana parivāsamānattāni anavaṭṭhitattā puthujjanassa gihiādivasena parivattane sati puna dātabbādātabbabhāve saṅkitabbāni, tāni dassetuṃ pāḷiyaṃ anekehi pakārehi vitthārato vuttāni. Tesu bhikkhūnaṃ saṃsayavinodanatthāya ekadesaṃ dassetuṃ ‘‘sace kocī’’tiādimāha. Tattha vibbhamatīti virūpo hutvā bhamati, hīnāyāvattati gihī hotīti attho. Sāmaṇero hotīti upasampannabhāvaṃ jahitvā sāmaṇerabhāvaṃ upagacchati. Tattha pārājikappattabhāvena vā ‘‘gihīti maṃ dhārethā’’tiādinā sikkhāpaccakkhānena vā gihī hoti . Tesu paṭhamena puna upasampadāya abhabbattā puna parivāso na ruhatiyeva, dutiyena pana puna upasampadāya bhabbattā ‘‘so ce puna upasampajjatī’’ti vuttaṃ. Itaro pana pārājikappattabhāvena sāmaṇero na hoti. Kasmā? Saraṇagamanādīnaṃ vinassanato. Vuttañhi vimativinodaniyaṃ (vi. vi. ṭī. mahāvagga 2.108) ‘‘upasampannānampi pārājikasamaāpattiyā saraṇagamanādisāmaṇerabhāvassapi vinassanato senāsanaggāho ca paṭippassambhati, saṅghalābhampi tena labhantīti veditabba’’nti, gihī pana hutvā puna sāmaṇerabhāvamattaṃ laddhabbaṃ hoti. ‘‘Sāmaṇeroti maṃ dhārethā’’tiādinā pana sikkhāpaccakkhāne kate siyā sāmaṇerabhāvo, tatopi puna upasampajjitukāmatāya sati siyā upasampannabhāvo. ‘‘Gihīti maṃ dhārethā’’tiādinā sikkhāpaccakkhānaṃ katvā gihibhāvaṃ upagatepi puna sāmaṇerapabbajjaṃ pabbajitvā sāmaṇero hoti. Tato puna upasampajjituṃ laddhabbattā ‘‘puna upasampajjatī’’ti vutto. Tesaṃ bhikkhubhāve parivāse aniṭṭhitepi gihisāmaṇerabhāvaṃ pattattā parivāso na ruhati upasampannānameva parivāsassa bhagavatā paññattattāti attho.

    звам̣ санд̇з буна убасамбаж̇ж̇анд̇асса гим̣ бариваасо буна д̣̇аад̇аб̣б̣од̇и ааха ‘‘со жз буна убасамбаж̇ж̇ад̇ий’’д̇иаад̣̇и. д̇ассад̇т̇о – со виб̣бханд̇аго со ваа сааман̣зро буна убасамбаннабхаавам̣ убаг̇ажчад̇и, буримам̣ буб̣б̣з бхигкубхууд̇агаалз д̣̇иннам̣ бариваасад̣̇аанам̣ зва ид̣̇аани бариваасад̣̇аанам̣ ход̇и. яо бариваасо буб̣б̣з бхигкубхууд̇агаалз д̣̇инно, со бариваасо суд̣̇инно, д̣̇уд̣̇инно на ход̇и. яо яад̇д̇аго гаало баривуд̇т̇о, со д̇ад̇д̇аго гаало субаривуд̇т̇оязва ход̇и, на д̣̇убаривуд̇т̇о, д̇асмаа авасзсо гаало баривасид̇аб̣б̣од̇и. ид̣̇ам̣ вуд̇д̇ам̣ ход̇и – буб̣б̣з бхигкугаалз багкаббадижчаннааяа аабад̇д̇ияаа бариваасам̣ г̇ахзд̇ваа д̣̇асад̣̇ивасамад̇д̇ам̣ баривасид̇ваа анидтид̇зязва бариваасз виб̣бхамид̇ваа сааман̣зро ваа худ̇ваа буна убасамбаннзна авасзсабан̃жад̣̇ивасз баривасид̇ваа бариваасо нидтаабзд̇аб̣б̣од̇и. маанад̇д̇аарахаад̣̇ийсуби зсзва наяо. уммад̇д̇агаад̣̇ийсуби д̇асмим̣ гаалз аж̇аананд̇ад̇д̇аа ‘‘бариваасо на рухад̇ий’’д̇и вуд̇д̇ам̣. д̇ин̣н̣амби угкид̇д̇агаанам̣ гамманаанаасам̣ваасагад̇д̇аа д̇зхи сахасам̣ваасоязва над̇т̇ийд̇и угкид̇д̇агаанам̣ бариваасо на рухад̇ийд̇и вуд̇д̇ам̣.

    Evaṃ sante puna upasampajjantassa kiṃ parivāso puna dātabboti āha ‘‘so ce puna upasampajjatī’’tiādi. Tassattho – so vibbhantako so vā sāmaṇero puna upasampannabhāvaṃ upagacchati, purimaṃ pubbe bhikkhubhūtakāle dinnaṃ parivāsadānaṃ eva idāni parivāsadānaṃ hoti. Yo parivāso pubbe bhikkhubhūtakāle dinno, so parivāso sudinno, dudinno na hoti. Yo yattako kālo parivuttho, so tattako kālo suparivutthoyeva hoti, na duparivuttho, tasmā avaseso kālo parivasitabboti. Idaṃ vuttaṃ hoti – pubbe bhikkhukāle pakkhappaṭicchannāya āpattiyā parivāsaṃ gahetvā dasadivasamattaṃ parivasitvā aniṭṭhiteyeva parivāse vibbhamitvā sāmaṇero vā hutvā puna upasampannena avasesapañcadivase parivasitvā parivāso niṭṭhāpetabboti. Mānattārahādīsupi eseva nayo. Ummattakādīsupi tasmiṃ kāle ajānantattā ‘‘parivāso na ruhatī’’ti vuttaṃ. Tiṇṇampi ukkhittakānaṃ kammanānāsaṃvāsakattā tehi sahasaṃvāsoyeva natthīti ukkhittakānaṃ parivāso na ruhatīti vuttaṃ.

    сажз буна осаарийяад̇ийд̇и угкзбанийяагаммам̣ бадиббассамбханавасзна самаанасам̣ваасагабхаавам̣ бавзсийяад̇и. ‘‘сажз гассажи бхигкуно ид̇т̇илин̇г̇ам̣ баад̇убхавад̇ий’’д̇иаад̣̇ийсу адтагат̇ааяам̣ вуд̇д̇анаязнзва ад̇т̇о сувин̃н̃зяяо ход̇и. яам̣ бана вуд̇д̇ам̣ ‘‘багкамаанад̇д̇ам̣ бажчаа ааг̇амиссад̇ий’’д̇и, д̇ад̇рзвам̣ ж̇аанид̇аб̣б̣ам̣ – багкамаанад̇д̇анд̇и бхигкунияаа д̣̇аад̇аб̣б̣амаанад̇д̇ам̣. д̇ам̣ бана бадижчаннааяаби аббадижчаннааяаби аабад̇д̇ияаа ад̣дхамаасамад̇д̇амзва д̣̇аад̇аб̣б̣ам̣. вуд̇д̇ан̃хзд̇ам̣ ‘‘г̇аруд̇хаммам̣ аж̇жхаабаннааяа бхигкунияаа убхад̇осан̇гхз багкамаанад̇д̇ам̣ жарид̇аб̣б̣а’’нд̇и (баажи. 149; жуул̣ава. 403; а. ни. 8.51). д̇ам̣ бана бхигкунийхи ад̇д̇ано сиймам̣ сод̇хзд̇ваа вихаарасиймааяа ваа вихаарасиймам̣ сод̇хзд̇ум̣ асаггонд̇ийхи кан̣д̣асиймааяа ваа саб̣б̣анд̇имзна барижчзд̣̇зна жад̇уваг̇г̇аг̇ан̣ам̣ саннибаад̇аабзд̇ваа д̣̇аад̇аб̣б̣ам̣. сажз згаа аабад̇д̇и ход̇и, згиссаа васзна, сажз д̣̇вз ваа д̇иссо ваа самб̣ахулаа ваа згавад̇т̇угаа ваа наанаавад̇т̇угаа ваа, д̇аасам̣ д̇аасам̣ васзна вад̇т̇уг̇од̇д̇анаамааабад̇д̇ийсу яам̣ яам̣ ижчад̇и, д̇ам̣ д̇ам̣ аад̣̇ааяа яож̇анаа гаад̇аб̣б̣аа.

    Sace puna osārīyatīti ukkhepanīyakammaṃ paṭippassambhanavasena samānasaṃvāsakabhāvaṃ pavesīyati. ‘‘Sace kassaci bhikkhuno itthiliṅgaṃ pātubhavatī’’tiādīsu aṭṭhakathāyaṃ vuttanayeneva attho suviññeyyo hoti. Yaṃ pana vuttaṃ ‘‘pakkhamānattaṃ pacchā āgamissatī’’ti, tatrevaṃ jānitabbaṃ – pakkhamānattanti bhikkhuniyā dātabbamānattaṃ. Taṃ pana paṭicchannāyapi appaṭicchannāyapi āpattiyā aḍḍhamāsamattameva dātabbaṃ. Vuttañhetaṃ ‘‘garudhammaṃ ajjhāpannāya bhikkhuniyā ubhatosaṅghe pakkhamānattaṃ caritabba’’nti (pāci. 149; cūḷava. 403; a. ni. 8.51). Taṃ pana bhikkhunīhi attano sīmaṃ sodhetvā vihārasīmāya vā vihārasīmaṃ sodhetuṃ asakkontīhi khaṇḍasīmāya vā sabbantimena paricchedena catuvaggagaṇaṃ sannipātāpetvā dātabbaṃ. Sace ekā āpatti hoti, ekissā vasena, sace dve vā tisso vā sambahulā vā ekavatthukā vā nānāvatthukā vā, tāsaṃ tāsaṃ vasena vatthugottanāmaāpattīsu yaṃ yaṃ icchati, taṃ taṃ ādāya yojanā kātabbā.

    д̇ад̇рид̣̇ам̣ згаабад̇д̇ивасзна мукамад̇д̇анид̣̇ассанам̣ – д̇ааяа аабаннааяа бхигкунияаа бхигкунисан̇гхам̣ убасан̇гамид̇ваа згам̣сам̣ уд̇д̇араасан̇г̇ам̣ гарид̇ваа вуд̣дхаанам̣ бхигкунийнам̣ баад̣̇з ванд̣̇ид̇ваа уггудигам̣ нисийд̣̇ид̇ваа ан̃ж̇алим̣ баг̇г̇ахзд̇ваа звамасса важанийяо ‘‘ахам̣ , аяяз, згам̣ аабад̇д̇им̣ аабаж̇ж̇им̣ г̇ааманд̇арам̣, саахам̣, аяяа,з згиссаа аабад̇д̇ияаа г̇ааманд̇арааяа багкамаанад̇д̇ам̣ яаажаамий’’д̇и. звам̣ д̇игкад̇д̇ум̣ яаажаабзд̇ваа б̣яад̇д̇ааяа бхигкунияаа бадиб̣алааяа сан̇гхо н̃аабзд̇аб̣б̣о ‘‘сун̣аад̇у мз, аяяз, сан̇гхо, аяам̣ ид̇т̇аннаамаа бхигкуний згам̣ аабад̇д̇им̣ аабаж̇ж̇и г̇ааманд̇арам̣, саа сан̇гхам̣ згиссаа аабад̇д̇ияаа г̇ааманд̇арааяа багкамаанад̇д̇ам̣ яаажад̇и. яад̣̇и сан̇гхасса бад̇д̇агаллам̣, сан̇гхо ид̇т̇аннаамааяа бхигкунияаа згиссаа аабад̇д̇ияаа г̇ааманд̇арааяа багкамаанад̇д̇ам̣ д̣̇ад̣̇зяяа, зсаа н̃ад̇д̇и. сун̣аад̇у мз, аяяз, сан̇гхо…бз… д̣̇уд̇ияамби. д̇ад̇ияамби зд̇амад̇т̇ам̣ вад̣̇аами. сун̣аад̇у мз, аяяз, сан̇гхо…бз… бхаасзяяа. д̣̇иннам̣ сан̇гхзна ид̇т̇аннаамааяа бхигкунияаа згиссаа аабад̇д̇ияаа г̇ааманд̇арааяа багкамаанад̇д̇ам̣, камад̇и сан̇гхасса, д̇асмаа д̇ун̣хий, звамзд̇ам̣ д̇хаараяаамий’’д̇и.

    Tatridaṃ ekāpattivasena mukhamattanidassanaṃ – tāya āpannāya bhikkhuniyā bhikkhunisaṅghaṃ upasaṅkamitvā ekaṃsaṃ uttarāsaṅgaṃ karitvā vuḍḍhānaṃ bhikkhunīnaṃ pāde vanditvā ukkuṭikaṃ nisīditvā añjaliṃ paggahetvā evamassa vacanīyo ‘‘ahaṃ , ayye, ekaṃ āpattiṃ āpajjiṃ gāmantaraṃ, sāhaṃ, ayya,e ekissā āpattiyā gāmantarāya pakkhamānattaṃ yācāmī’’ti. Evaṃ tikkhattuṃ yācāpetvā byattāya bhikkhuniyā paṭibalāya saṅgho ñāpetabbo ‘‘suṇātu me, ayye, saṅgho, ayaṃ itthannāmā bhikkhunī ekaṃ āpattiṃ āpajji gāmantaraṃ, sā saṅghaṃ ekissā āpattiyā gāmantarāya pakkhamānattaṃ yācati. Yadi saṅghassa pattakallaṃ, saṅgho itthannāmāya bhikkhuniyā ekissā āpattiyā gāmantarāya pakkhamānattaṃ dadeyya, esā ñatti. Suṇātu me, ayye, saṅgho…pe… dutiyampi. Tatiyampi etamatthaṃ vadāmi. Suṇātu me, ayye, saṅgho…pe… bhāseyya. Dinnaṃ saṅghena itthannāmāya bhikkhuniyā ekissā āpattiyā gāmantarāya pakkhamānattaṃ, khamati saṅghassa, tasmā tuṇhī, evametaṃ dhārayāmī’’ti.

    гаммаваажаабарияосаанз вад̇д̇ам̣ самаад̣̇ияид̇ваа бхигкумаанад̇д̇агат̇ааяам̣ вуд̇д̇анаязнзва сан̇гхасса аарожзд̇ваа нигкид̇д̇авад̇д̇ам̣ васид̇угаамааяа д̇ат̇зва сан̇гхасса маж̇жхз ваа багганд̇аасу бхигкунийсу згабхигкунияаа ваа д̣̇уд̇ияигааяа ваа санд̇игз вуд̇д̇анаязнзва нигкибид̇аб̣б̣ам̣. ан̃н̃иссаа бана ааг̇анд̇угааяа санд̇игз аарожзд̇ваа нигкибид̇аб̣б̣ам̣, нигкид̇д̇агаалад̇о бадтааяа багад̇ад̇д̇адтаанз д̇идтад̇и.

    Kammavācāpariyosāne vattaṃ samādiyitvā bhikkhumānattakathāyaṃ vuttanayeneva saṅghassa ārocetvā nikkhittavattaṃ vasitukāmāya tatheva saṅghassa majjhe vā pakkantāsu bhikkhunīsu ekabhikkhuniyā vā dutiyikāya vā santike vuttanayeneva nikkhipitabbaṃ. Aññissā pana āgantukāya santike ārocetvā nikkhipitabbaṃ, nikkhittakālato paṭṭhāya pakatattaṭṭhāne tiṭṭhati.

    буна самаад̣̇ияид̇ваа арун̣ам̣ удтабзнд̇ияаа бана бхигкунийнам̣язва санд̇игз васид̇ум̣ на лаб̣бхад̇и . ‘‘убхад̇осан̇гхз багкамаанад̇д̇ам̣ жарид̇аб̣б̣а’’нд̇и хи вуд̇д̇ам̣, д̇асмаа ассаа аажарияубаж̇жхааяаахи вихаарам̣ г̇анд̇ваа сан̇г̇аахагабагкз тид̇о зго махаат̇зро ваа д̇хаммагат̇иго ваа бхигку вад̇д̇аб̣б̣о ‘‘згиссаа бхигкунияаа винаяагаммам̣ гад̇д̇аб̣б̣амад̇т̇и, д̇ад̇ра но аяяаа жад̇д̇ааро бхигкуу бзсзт̇аа’’д̇и. сан̇г̇ахам̣ агаад̇ум̣ на лаб̣бхад̇и, ‘‘бзсзссаамаа’’д̇и вад̇д̇аб̣б̣ам̣. жад̇уухи багад̇ад̇д̇абхигкунийхи маанад̇д̇ажаариним̣ бхигкуним̣ г̇ахзд̇ваа анд̇оарун̣зязва нигкибид̇ваа г̇аамуубажаарад̇о д̣̇вз лзд̣д̣убаад̇з ад̇иггамид̇ваа маг̇г̇аа оггамма г̇умб̣авад̇иаад̣̇ийхи бадижчаннз таанз нисийд̣̇ид̇аб̣б̣ам̣, вихааруубажаарад̇оби д̣̇вз лзд̣д̣убаад̇аа ад̇иггамид̇аб̣б̣аа. жад̇уухи багад̇ад̇д̇абхигкуухиби д̇ад̇т̇а г̇анд̇аб̣б̣ам̣, г̇анд̇ваа бана бхигкунийхи сад̣̇д̇хим̣ на згадтаанз нисийд̣̇ид̇аб̣б̣ам̣, бадиггамид̇ваа авид̣̇уурз таанз нисийд̣̇ид̇аб̣б̣ам̣. гурунд̣̇имахаабажжарийсу бана ‘‘бхигкунийхи б̣яад̇д̇ам̣ згам̣ ваа д̣̇вз ваа убаасигааяо бхигкуухиби згам̣ ваа д̣̇вз ваа убаасагз ад̇д̇арагкан̣ад̇т̇ааяа г̇ахзд̇ваа г̇анд̇аб̣б̣а’’нд̇и вуд̇д̇ам̣. гурунд̣̇ияам̣язва жа ‘‘бхигкунубассаяасса жа вихаарасса жа убажаарам̣ мун̃жид̇ум̣ ваддад̇ий’’д̇и вуд̇д̇ам̣, ‘‘г̇аамассаа’’д̇и на вуд̇д̇ам̣.

    Puna samādiyitvā aruṇaṃ uṭṭhapentiyā pana bhikkhunīnaṃyeva santike vasituṃ na labbhati . ‘‘Ubhatosaṅghe pakkhamānattaṃ caritabba’’nti hi vuttaṃ, tasmā assā ācariyupajjhāyāhi vihāraṃ gantvā saṅgāhakapakkhe ṭhito eko mahāthero vā dhammakathiko vā bhikkhu vattabbo ‘‘ekissā bhikkhuniyā vinayakammaṃ kattabbamatthi, tatra no ayyā cattāro bhikkhū pesethā’’ti. Saṅgahaṃ akātuṃ na labbhati, ‘‘pesessāmā’’ti vattabbaṃ. Catūhi pakatattabhikkhunīhi mānattacāriniṃ bhikkhuniṃ gahetvā antoaruṇeyeva nikkhipitvā gāmūpacārato dve leḍḍupāte atikkamitvā maggā okkamma gumbavatiādīhi paṭicchanne ṭhāne nisīditabbaṃ, vihārūpacāratopi dve leḍḍupātā atikkamitabbā. Catūhi pakatattabhikkhūhipi tattha gantabbaṃ, gantvā pana bhikkhunīhi saddhiṃ na ekaṭṭhāne nisīditabbaṃ, paṭikkamitvā avidūre ṭhāne nisīditabbaṃ. Kurundimahāpaccarīsu pana ‘‘bhikkhunīhi byattaṃ ekaṃ vā dve vā upāsikāyo bhikkhūhipi ekaṃ vā dve vā upāsake attarakkhaṇatthāya gahetvā gantabba’’nti vuttaṃ. Kurundiyaṃyeva ca ‘‘bhikkhunupassayassa ca vihārassa ca upacāraṃ muñcituṃ vaṭṭatī’’ti vuttaṃ, ‘‘gāmassā’’ti na vuttaṃ.

    звам̣ нисиннзсу бана бхигкунийсу жа бхигкуусу жа д̇ааяа бхигкунияаа ‘‘маанад̇д̇ам̣ самаад̣̇ияаами, вад̇д̇ам̣ самаад̣̇ияаамий’’д̇и вад̇д̇ам̣ самаад̣̇ияид̇ваа бхигкунисан̇гхасса д̇аава звам̣ аарожзд̇аб̣б̣ам̣ ‘‘ахам̣, аяяз, згам̣ аабад̇д̇им̣ аабаж̇ж̇им̣ г̇ааманд̇арам̣, саахам̣ сан̇гхам̣ згиссаа аабад̇д̇ияаа г̇ааманд̇арааяа багкамаанад̇д̇ам̣ яаажим̣, д̇ассаа мз сан̇гхо згиссаа аабад̇д̇ияаа г̇ааманд̇арааяа багкамаанад̇д̇ам̣ ад̣̇ааси, саахам̣ маанад̇д̇ам̣ жараами, взд̣̇ияаамахам̣ аяяз, взд̣̇ияад̇ийд̇и мам̣ сан̇гхо д̇хаарзд̇уу’’д̇и.

    Evaṃ nisinnesu pana bhikkhunīsu ca bhikkhūsu ca tāya bhikkhuniyā ‘‘mānattaṃ samādiyāmi, vattaṃ samādiyāmī’’ti vattaṃ samādiyitvā bhikkhunisaṅghassa tāva evaṃ ārocetabbaṃ ‘‘ahaṃ, ayye, ekaṃ āpattiṃ āpajjiṃ gāmantaraṃ, sāhaṃ saṅghaṃ ekissā āpattiyā gāmantarāya pakkhamānattaṃ yāciṃ, tassā me saṅgho ekissā āpattiyā gāmantarāya pakkhamānattaṃ adāsi, sāhaṃ mānattaṃ carāmi, vediyāmahaṃ ayye, vediyatīti maṃ saṅgho dhāretū’’ti.

    д̇ад̇о бхигкусан̇гхасса санд̇игам̣ г̇анд̇ваа звам̣ аарожзд̇аб̣б̣ам̣ ‘‘ахам̣, аяяаа, згам̣ аабад̇д̇им̣ аабаж̇ж̇им̣…бз… взд̣̇ияаамахам̣ аяяаа, взд̣̇ияад̇ийд̇и мам̣ сан̇гхо д̇хаарзд̇уу’’д̇и. ид̇хааби яааяа гааяажи бхаасааяа аарожзд̇ум̣ ваддад̇и. аарожзд̇ваа жа бхигкунисан̇гхассзва санд̇игз нисийд̣̇ид̇аб̣б̣ам̣, аарожид̇агаалад̇о бадтааяа бхигкуунам̣ г̇анд̇ум̣ ваддад̇и. сажз саасан̇гаа ход̇и, бхигкунияо д̇ад̇т̇зва таанам̣ бажжаасийсанд̇и, таад̇аб̣б̣ам̣. сажз ан̃н̃о бхигку ваа бхигкуний ваа д̇ам̣ таанам̣ зд̇и, бассанд̇ияаа аарожзд̇аб̣б̣ам̣. но жз аарожзд̇и, рад̇д̇ижчзд̣̇о жзва вад̇д̇абхзд̣̇ад̣̇уггадан̃жа . сажз аж̇аананд̇ияаа зва убажаарам̣ оггамид̇ваа г̇ажчад̇и, рад̇д̇ижчзд̣̇ова ход̇и, на вад̇д̇абхзд̣̇ад̣̇уггадам̣. сажз бхигкунияо убаж̇жхааяаад̣̇ийнам̣ вад̇д̇агаран̣ад̇т̇ам̣ баг̇зва г̇анд̇угаамаа хонд̇и, рад̇д̇ивиббаваасаг̇ан̣аохийяанаг̇ааманд̇араабад̇д̇ирагкан̣ад̇т̇ам̣ згам̣ бхигкуним̣ табзд̇ваа г̇анд̇аб̣б̣ам̣, д̇ааяа арун̣з удтид̇з д̇ассаа санд̇игз вад̇д̇ам̣ нигкибид̇аб̣б̣ам̣. зд̇знубааязна акан̣д̣аа бан̃жад̣̇аса рад̇д̇ияо маанад̇д̇ам̣ жарид̇аб̣б̣ам̣.

    Tato bhikkhusaṅghassa santikaṃ gantvā evaṃ ārocetabbaṃ ‘‘ahaṃ, ayyā, ekaṃ āpattiṃ āpajjiṃ…pe… vediyāmahaṃ ayyā, vediyatīti maṃ saṅgho dhāretū’’ti. Idhāpi yāya kāyaci bhāsāya ārocetuṃ vaṭṭati. Ārocetvā ca bhikkhunisaṅghasseva santike nisīditabbaṃ, ārocitakālato paṭṭhāya bhikkhūnaṃ gantuṃ vaṭṭati. Sace sāsaṅkā hoti, bhikkhuniyo tattheva ṭhānaṃ paccāsīsanti, ṭhātabbaṃ. Sace añño bhikkhu vā bhikkhunī vā taṃ ṭhānaṃ eti, passantiyā ārocetabbaṃ. No ce āroceti, ratticchedo ceva vattabhedadukkaṭañca . Sace ajānantiyā eva upacāraṃ okkamitvā gacchati, ratticchedova hoti, na vattabhedadukkaṭaṃ. Sace bhikkhuniyo upajjhāyādīnaṃ vattakaraṇatthaṃ pageva gantukāmā honti, rattivippavāsagaṇaohīyanagāmantarāpattirakkhaṇatthaṃ ekaṃ bhikkhuniṃ ṭhapetvā gantabbaṃ, tāya aruṇe uṭṭhite tassā santike vattaṃ nikkhipitabbaṃ. Etenupāyena akhaṇḍā pañcadasa rattiyo mānattaṃ caritabbaṃ.

    анигкид̇д̇авад̇д̇ааяа бана баариваасигагканд̇хагз вуд̇д̇анаязнзва саммаа вад̇д̇ид̇аб̣б̣ам̣. аяам̣ бана висзсо – ‘‘ааг̇анд̇угасса аарожзд̇аб̣б̣а’’нд̇и зд̇т̇а яад̇д̇агаа бурзбхад̇д̇ам̣ ваа бажчаабхад̇д̇ам̣ ваа д̇ам̣ г̇аамам̣ бхигкуу ваа бхигкунияо ваа ааг̇ажчанд̇и, саб̣б̣зсам̣ аарожзд̇аб̣б̣ам̣. анаарожзнд̇ияаа рад̇д̇ижчзд̣̇о жзва вад̇д̇абхзд̣̇ад̣̇уггадан̃жа. сажзби рад̇д̇им̣ гожи бхигку д̇ам̣ г̇аамуубажаарам̣ оггамид̇ваа г̇ажчад̇и, рад̇д̇ижчзд̣̇о ход̇иязва, аж̇аананабажжаяаа бана вад̇д̇абхзд̣̇ад̇о мужжад̇и. гурунд̣̇ийаад̣̇ийсу бана ‘‘анигкид̇д̇авад̇д̇абхигкуунам̣ вуд̇д̇анаязнзва гат̇зд̇аб̣б̣а’’нд̇и вуд̇д̇ам̣, д̇ам̣ баариваасигавад̇д̇аад̣̇ийнам̣ убажаарасиймааяа барижчиннад̇д̇аа яуд̇д̇ад̇арам̣ д̣̇иссад̇и. убосат̇з аарожзд̇аб̣б̣ам̣, бавааран̣ааяа аарожзд̇аб̣б̣ам̣, жад̇уннам̣ бхигкуунан̃жа бхигкунийнан̃жа д̣̇звасигам̣ аарожзд̇аб̣б̣ам̣. сажз бхигкуунам̣ д̇асмим̣ г̇аамз бхигкаажааро самбаж̇ж̇ад̇и, д̇ад̇т̇зва г̇анд̇аб̣б̣ам̣. но жз самбаж̇ж̇ад̇и, ан̃н̃ад̇ра жарид̇вааби д̇ад̇ра ааг̇анд̇ваа ад̇д̇аанам̣ д̣̇ассзд̇ваа г̇анд̇аб̣б̣ам̣, б̣ахиг̇аамз ваа сан̇гзд̇адтаанам̣ гаад̇аб̣б̣ам̣ ‘‘асугасмим̣ наама таанз амхз бассиссад̇ий’’д̇и. д̇ааяа сан̇гзд̇адтаанам̣ г̇анд̇ваа аарожзд̇аб̣б̣ам̣, сан̇гзд̇адтаанз ад̣̇исваа вихаарам̣ г̇анд̇ваа аарожзд̇аб̣б̣ам̣. вихаарз саб̣б̣абхигкуунам̣ аарожзд̇аб̣б̣ам̣. сажз саб̣б̣зсам̣ саггаа на ход̇и аарожзд̇ум̣, б̣ахи убажаарасиймааяа тад̇ваа бхигкунияо бзсзд̇аб̣б̣аа, д̇аахи аанийд̇аанам̣ жад̇уннам̣ бхигкуунам̣ аарожзд̇аб̣б̣ам̣. сажз вихааро д̣̇ууро ход̇и саасан̇го, убаасагз жа убаасигааяо жа г̇ахзд̇ваа г̇анд̇аб̣б̣ам̣. сажз бана аяам̣ згаа васад̇и, рад̇д̇ивиббаваасам̣ аабаж̇ж̇ад̇и, д̇асмаассаа згаа багад̇ад̇д̇аа бхигкуний самманнид̇ваа д̣̇аад̇аб̣б̣аа згажчаннз васанад̇т̇ааяа.

    Anikkhittavattāya pana pārivāsikakkhandhake vuttanayeneva sammā vattitabbaṃ. Ayaṃ pana viseso – ‘‘āgantukassa ārocetabba’’nti ettha yattakā purebhattaṃ vā pacchābhattaṃ vā taṃ gāmaṃ bhikkhū vā bhikkhuniyo vā āgacchanti, sabbesaṃ ārocetabbaṃ. Anārocentiyā ratticchedo ceva vattabhedadukkaṭañca. Sacepi rattiṃ koci bhikkhu taṃ gāmūpacāraṃ okkamitvā gacchati, ratticchedo hotiyeva, ajānanapaccayā pana vattabhedato muccati. Kurundīādīsu pana ‘‘anikkhittavattabhikkhūnaṃ vuttanayeneva kathetabba’’nti vuttaṃ, taṃ pārivāsikavattādīnaṃ upacārasīmāya paricchinnattā yuttataraṃ dissati. Uposathe ārocetabbaṃ, pavāraṇāya ārocetabbaṃ, catunnaṃ bhikkhūnañca bhikkhunīnañca devasikaṃ ārocetabbaṃ. Sace bhikkhūnaṃ tasmiṃ gāme bhikkhācāro sampajjati, tattheva gantabbaṃ. No ce sampajjati, aññatra caritvāpi tatra āgantvā attānaṃ dassetvā gantabbaṃ, bahigāme vā saṅketaṭṭhānaṃ kātabbaṃ ‘‘asukasmiṃ nāma ṭhāne amhe passissatī’’ti. Tāya saṅketaṭṭhānaṃ gantvā ārocetabbaṃ, saṅketaṭṭhāne adisvā vihāraṃ gantvā ārocetabbaṃ. Vihāre sabbabhikkhūnaṃ ārocetabbaṃ. Sace sabbesaṃ sakkā na hoti ārocetuṃ, bahi upacārasīmāya ṭhatvā bhikkhuniyo pesetabbā, tāhi ānītānaṃ catunnaṃ bhikkhūnaṃ ārocetabbaṃ. Sace vihāro dūro hoti sāsaṅko, upāsake ca upāsikāyo ca gahetvā gantabbaṃ. Sace pana ayaṃ ekā vasati, rattivippavāsaṃ āpajjati, tasmāssā ekā pakatattā bhikkhunī sammannitvā dātabbā ekacchanne vasanatthāya.

    звам̣ акан̣д̣ам̣ маанад̇д̇ам̣ жарид̇ваа вийсад̇иг̇ан̣з бхигкунисан̇гхз вуд̇д̇анаязнзва аб̣бхаанам̣ гаад̇аб̣б̣ам̣. ‘‘сажз маанад̇д̇ам̣ жарамаанаа анд̇араабад̇д̇им̣ аабаж̇ж̇ад̇и, муулааяа бадигассид̇ваа д̇ассаа аабад̇д̇ияаа маанад̇д̇ам̣ д̣̇аад̇аб̣б̣а’’нд̇и гурунд̣̇ияам̣ вуд̇д̇ам̣, ид̣̇ам̣ багкамаанад̇д̇ам̣ наама. ид̣̇ам̣ бана багкамаанад̇д̇ам̣ саманд̇абаасаад̣̇игааяам̣ (жуул̣ава. адта. 102) баал̣имуд̇д̇авинаяавинижчаяабхаавзна ааг̇ад̇амби имасмим̣ винаяасан̇г̇ахаббагаран̣з аажариязна ануд̣̇д̇хадам̣. аяам̣ банаажарияасса ад̇хиббааяо сияаа – ид̣̇ам̣ багкамаанад̇д̇ам̣ бхигкунияоязва санд̇хааяа бхаг̇авад̇аа висум̣ бан̃н̃ад̇д̇ам̣, бхигкуухи асаад̇хааран̣ам̣, имасмин̃жа гаалз бхигкунисан̇гхо над̇т̇и, д̇асмаа г̇ант̇асса лахубхаавад̇т̇ам̣ ид̣̇амби ан̃н̃амби ийд̣̇исам̣ аж̇жхубзгкид̇аб̣б̣анд̇и. амхзхи бана бхигкунисан̇гхз авиж̇ж̇амаанзби ‘‘бхигкусан̇гхо бхигкунийхи самаад̣̇аад̇аб̣б̣авад̇д̇ам̣ ж̇ааниссад̇и. ‘д̣̇уб̣б̣алаж̇аад̇игаа хи бхийругаж̇аад̇игаа бхигкунияо бхаг̇авад̇о аан̣ам̣ бад̇идтаабзнд̇ияо зваруубам̣ д̣̇уггарам̣ д̣̇урабхисамбхавам̣ вад̇д̇ам̣ самаад̣̇аяим̣су, гиман̇г̇ам̣ бана маяа’нд̇и манаси гаронд̇аа бхаг̇авад̇о аан̣ам̣ бад̇идтаабзнд̇аа бариваасаад̣̇ивад̇д̇ам̣ самаад̣̇ияиссанд̇ий’’д̇и манд̇ваа аажариязна ануд̣̇д̇хадамби имасмим̣ винаяаалан̇гаараббагаран̣з уд̣̇д̇хадам̣, д̇асмаа саммаасамб̣уд̣̇д̇хз сан̃ж̇аад̇асад̣̇д̇хаабзмаг̇аараваад̣̇ияуд̇д̇зхи сад̇т̇усаасанагарзхи бхигкуухи саммаа сигкид̇аб̣б̣ам̣. ид̇о бараани адтагат̇ааяам̣ ааг̇ад̇анаязнзва взд̣̇ид̇аб̣б̣аани.

    Evaṃ akhaṇḍaṃ mānattaṃ caritvā vīsatigaṇe bhikkhunisaṅghe vuttanayeneva abbhānaṃ kātabbaṃ. ‘‘Sace mānattaṃ caramānā antarāpattiṃ āpajjati, mūlāya paṭikassitvā tassā āpattiyā mānattaṃ dātabba’’nti kurundiyaṃ vuttaṃ, idaṃ pakkhamānattaṃ nāma. Idaṃ pana pakkhamānattaṃ samantapāsādikāyaṃ (cūḷava. aṭṭha. 102) pāḷimuttavinayavinicchayabhāvena āgatampi imasmiṃ vinayasaṅgahappakaraṇe ācariyena anuddhaṭaṃ. Ayaṃ panācariyassa adhippāyo siyā – idaṃ pakkhamānattaṃ bhikkhuniyoyeva sandhāya bhagavatā visuṃ paññattaṃ, bhikkhūhi asādhāraṇaṃ, imasmiñca kāle bhikkhunisaṅgho natthi, tasmā ganthassa lahubhāvatthaṃ idampi aññampi īdisaṃ ajjhupekkhitabbanti. Amhehi pana bhikkhunisaṅghe avijjamānepi ‘‘bhikkhusaṅgho bhikkhunīhi samādātabbavattaṃ jānissati. ‘Dubbalajātikā hi bhīrukajātikā bhikkhuniyo bhagavato āṇaṃ patiṭṭhāpentiyo evarūpaṃ dukkaraṃ durabhisambhavaṃ vattaṃ samādayiṃsu, kimaṅgaṃ pana maya’nti manasi karontā bhagavato āṇaṃ patiṭṭhāpentā parivāsādivattaṃ samādiyissantī’’ti mantvā ācariyena anuddhaṭampi imasmiṃ vinayālaṅkārappakaraṇe uddhaṭaṃ, tasmā sammāsambuddhe sañjātasaddhāpemagāravādiyuttehi satthusāsanakarehi bhikkhūhi sammā sikkhitabbaṃ. Ito parāni aṭṭhakathāyaṃ āgatanayeneva veditabbāni.

    маанад̇д̇авинижчаяагат̇аа нидтид̇аа.

    Mānattavinicchayakathā niṭṭhitā.

    248. баариваасигавад̇д̇агат̇ааяам̣ навагад̇арам̣ баариваасиганд̇и ад̇д̇анаа навагад̇арам̣ баариваасигам̣. баариваасигасса хи ад̇д̇анаа навагад̇арам̣ баариваасигам̣ табзд̇ваа ан̃н̃з муулааяабадигассанаараха маанад̇д̇аараха маанад̇д̇ажаарига аб̣бхаанаарахааби багад̇ад̇д̇адтаанзязва д̇идтанд̇и. д̇знааха ‘‘анд̇амасо муулааяабадигассанаарахаад̣̇ийнамбий’’д̇и. анд̇амасо муулааяабадигассанаарахаад̣̇ийнамбийд̇и аад̣̇и-сад̣̇д̣̇зна маанад̇д̇аарахамаанад̇д̇ажааригааб̣бхаанаарахз сан̇г̇ан̣хаад̇и. д̇з хи баариваасигаанам̣, баариваасигаа жа д̇зсам̣ багад̇ад̇д̇адтаанз зва д̇идтанд̇и. ад̇ход̇абаад̣̇адтабанаганд̇и яад̇т̇а тад̇ваа баад̣̇з д̇хованд̇и, д̇аад̣̇исам̣ д̣̇аарупалагакан̣д̣аад̣̇им̣. баад̣̇агхам̣сананд̇и сагкарагат̇алаад̣̇им̣. баад̣̇з гхам̣санд̇и зд̇знаад̇и баад̣̇агхам̣санам̣, сагкарагат̇алаад̣̇и. вуд̇д̇ан̃хи бхаг̇авад̇аа ‘‘ануж̇аанаами, бхигкавз, д̇иссо баад̣̇агхам̣санияо сагкарам̣ гат̇алам̣ самуд̣̇д̣̇апзн̣а’’нд̇и (жуул̣ава. 269). сад̣̇д̇хивихааригаанамби саад̣̇ияанд̇ассаад̇и сад̣̇д̇хивихааригаанамби абхиваад̣̇анаад̣̇им̣ саад̣̇ияанд̇асса. вад̇д̇ам̣ гаронд̇ийд̇и зд̇д̇агамад̇д̇ассзва вуд̇д̇ад̇д̇аа сад̣̇д̇хивихааригаад̣̇ийхиби абхиваад̣̇анаад̣̇им̣ гаад̇ум̣ на ваддад̇и. ‘‘маа мам̣ г̇аамаббавзсанам̣ аабужчат̇аа’’д̇и вуд̇д̇з анаабужчааби г̇аамам̣ бависид̇ум̣ ваддад̇и.

    248. Pārivāsikavattakathāyaṃ navakataraṃ pārivāsikanti attanā navakataraṃ pārivāsikaṃ. Pārivāsikassa hi attanā navakataraṃ pārivāsikaṃ ṭhapetvā aññe mūlāyapaṭikassanāraha mānattāraha mānattacārika abbhānārahāpi pakatattaṭṭhāneyeva tiṭṭhanti. Tenāha ‘‘antamaso mūlāyapaṭikassanārahādīnampī’’ti. Antamaso mūlāyapaṭikassanārahādīnampīti ādi-saddena mānattārahamānattacārikaabbhānārahe saṅgaṇhāti. Te hi pārivāsikānaṃ, pārivāsikā ca tesaṃ pakatattaṭṭhāne eva tiṭṭhanti. Adhotapādaṭṭhapanakanti yattha ṭhatvā pāde dhovanti, tādisaṃ dāruphalakakhaṇḍādiṃ. Pādaghaṃsananti sakkharakathalādiṃ. Pāde ghaṃsanti etenāti pādaghaṃsanaṃ, sakkharakathalādi. Vuttañhi bhagavatā ‘‘anujānāmi, bhikkhave, tisso pādaghaṃsaniyo sakkharaṃ kathalaṃ samuddapheṇa’’nti (cūḷava. 269). Saddhivihārikānampi sādiyantassāti saddhivihārikānampi abhivādanādiṃ sādiyantassa. Vattaṃ karontīti ettakamattasseva vuttattā saddhivihārikādīhipi abhivādanādiṃ kātuṃ na vaṭṭati. ‘‘Mā maṃ gāmappavesanaṃ āpucchathā’’ti vutte anāpucchāpi gāmaṃ pavisituṃ vaṭṭati.

    яо яо вуд̣дход̇и баариваасигзсу бхигкуусу яо яо вуд̣дхо. навагад̇арасса саад̣̇ид̇унд̇и баариваасиганавагад̇арасса абхиваад̣̇анаад̣̇им̣ саад̣̇ид̇ум̣. ‘‘баарисуд̣̇д̇хиубосат̇з гарияамаанз’’д̇и ид̣̇ам̣ бавааран̣ад̣̇ивасзсу сан̇гхз баваарзнд̇з анубаг̇ад̇ачиннавассаад̣̇ийхи гарияамаанам̣ баарисуд̣̇д̇хиубосат̇амби санд̇хааяа вуд̇д̇ам̣. д̇ад̇т̇зваад̇и сан̇гханавагадтаанзязва. ад̇д̇ано баал̣ияаа баваарзд̇аб̣б̣анд̇и ад̇д̇ано вассаг̇г̇зна бад̇д̇абаал̣ияаа баваарзд̇аб̣б̣ам̣, на бана саб̣б̣зсу баваарид̇зсууд̇и ад̇т̇о.

    Yo yo vuḍḍhoti pārivāsikesu bhikkhūsu yo yo vuḍḍho. Navakatarassa sāditunti pārivāsikanavakatarassa abhivādanādiṃ sādituṃ. ‘‘Pārisuddhiuposathe kariyamāne’’ti idaṃ pavāraṇadivasesu saṅghe pavārente anupagatachinnavassādīhi kariyamānaṃ pārisuddhiuposathampi sandhāya vuttaṃ. Tatthevāti saṅghanavakaṭṭhāneyeva. Attano pāḷiyā pavāretabbanti attano vassaggena pattapāḷiyā pavāretabbaṃ, na pana sabbesu pavāritesūti attho.

    он̣ож̇анам̣ наама виссаж̇ж̇анам̣, д̇ам̣ бана баариваасигзна баабид̇асса ад̇д̇анаа самбадижчид̇ассзва бунад̣̇ивасаад̣̇иад̇т̇ааяа виссаж̇ж̇анам̣ гаад̇аб̣б̣ам̣. асамбадижчид̇ваа жз виссаж̇ж̇зд̇и, на лабхад̇ийд̇и вуд̇д̇ам̣. яад̣̇и бана на г̇ан̣хаад̇и на виссаж̇ж̇зд̇ийд̇и яад̣̇и буримад̣̇ивасз ад̇д̇ано на г̇ан̣хаад̇и, г̇ахзд̇ваа жа на виссаж̇ж̇зд̇и.

    Oṇojanaṃ nāma vissajjanaṃ, taṃ pana pārivāsikena pāpitassa attanā sampaṭicchitasseva punadivasādiatthāya vissajjanaṃ kātabbaṃ. Asampaṭicchitvā ce vissajjeti, na labhatīti vuttaṃ. Yadi pana na gaṇhāti na vissajjetīti yadi purimadivase attano na gaṇhāti, gahetvā ca na vissajjeti.

    жад̇уссаалабхад̇д̇анд̇и бхож̇анасаалааяа бадибаадияаа д̣̇ийяамаанам̣ бхад̇д̇ам̣. хад̇т̇абаасз тид̇знаад̇и д̣̇ааяагасса хад̇т̇абаасз тид̇зна, бадиг̇г̇ахан̣аруханадтаанзд̇и ад̇хиббааяо. махаабзл̣абхад̇д̇збийд̇и маханд̇зсу бхад̇д̇абажчиаад̣̇ибхааж̇анзсу табзд̇ваа д̣̇ийяамаанабхад̇д̇зсуби. ид̇о барамби баариваасигавад̇д̇ам̣ баал̣ияам̣ (жуул̣ава. 75) ааг̇ад̇анаязнзва взд̣̇ид̇аб̣б̣ам̣. д̇ад̇т̇а бана адтагат̇ааяам̣ ааг̇ад̇анаязнзва ад̇т̇о сувин̃н̃зяяо ход̇и, д̇асмаа д̣̇уб̣б̣ин̃н̃зяяадтаанзязва гат̇аяиссаама.

    Catussālabhattanti bhojanasālāya paṭipāṭiyā dīyamānaṃ bhattaṃ. Hatthapāse ṭhitenāti dāyakassa hatthapāse ṭhitena, paṭiggahaṇaruhanaṭṭhāneti adhippāyo. Mahāpeḷabhattepīti mahantesu bhattapacchiādibhājanesu ṭhapetvā dīyamānabhattesupi. Ito parampi pārivāsikavattaṃ pāḷiyaṃ (cūḷava. 75) āgatanayeneva veditabbaṃ. Tattha pana aṭṭhakathāyaṃ āgatanayeneva attho suviññeyyo hoti, tasmā dubbiññeyyaṭṭhāneyeva kathayissāma.

    ‘‘на сааман̣зро убадтаабзд̇аб̣б̣о’’д̇и зд̇т̇а д̣̇уб̣б̣ид̇хам̣ сааман̣зрам̣ д̣̇ассзд̇ум̣ ‘‘ан̃н̃о’’д̇иаад̣̇имааха. ‘‘на бхигкунияо овад̣̇ид̇аб̣б̣аа’’д̇и зд̇т̇а лад̣̇д̇хасаммуд̇игзна аан̣ад̇д̇оби г̇аруд̇хаммзхи ан̃н̃зхи ваа овад̣̇ид̇ум̣ на лабхад̇ийд̇и ааха ‘‘бадиб̣аласса ваа бхигкусса бхааро гаад̇аб̣б̣о’’д̇и. ааг̇ад̇аа бхигкунияо вад̇д̇аб̣б̣аад̇и самб̣анд̇хо. саважанийяанд̇и сад̣̇осам̣. ж̇здтагадтаанам̣ на гаад̇аб̣б̣анд̇и бад̇хаанадтаанам̣ на гаад̇аб̣б̣ам̣. гим̣ д̇анд̇и ааха ‘‘баад̇имогкуд̣̇д̣̇зсагзнаа’’д̇иаад̣̇и.

    ‘‘Na sāmaṇero upaṭṭhāpetabbo’’ti ettha dubbidhaṃ sāmaṇeraṃ dassetuṃ ‘‘añño’’tiādimāha. ‘‘Na bhikkhuniyo ovaditabbā’’ti ettha laddhasammutikena āṇattopi garudhammehi aññehi vā ovadituṃ na labhatīti āha ‘‘paṭibalassa vā bhikkhussa bhāro kātabbo’’ti. Āgatā bhikkhuniyo vattabbāti sambandho. Savacanīyanti sadosaṃ. Jeṭṭhakaṭṭhānaṃ na kātabbanti padhānaṭṭhānaṃ na kātabbaṃ. Kiṃ tanti āha ‘‘pātimokkhuddesakenā’’tiādi.

    раж̇зхи хад̇аа убахад̇аа бхууми зд̇иссаад̇и раж̇охад̇абхууми, раж̇огин̣н̣абхуумийд̇и ад̇т̇о. бажжаяанд̇и вассааваасигалаабхам̣ санд̇хааяа вуд̇д̇ам̣. згабассз тад̇ваад̇и баал̣им̣ вихааяа бхигкуунам̣ бажчад̇о тад̇ваа. сзнаасанам̣ на лабхад̇ийд̇и сзяяабарияанд̇абхааг̇ид̇ааяа вассаг̇г̇зна г̇ан̣хид̇ум̣ на лабхад̇и. ассаад̇и бхавзяяа. ‘‘ааг̇анд̇угзна аарожзд̇аб̣б̣ам̣, ааг̇анд̇угасса аарожзд̇аб̣б̣а’’нд̇и ависзсзна вуд̇д̇ад̇д̇аа сажз д̣̇вз баариваасигаа г̇ад̇адтаанз ан̃н̃аман̃н̃ам̣ бассанд̇и, убхохиби ан̃н̃аман̃н̃асса аарожзд̇аб̣б̣ам̣. яат̇аа б̣ахи д̣̇исваа аарожид̇асса бхигкуно вихаарам̣ ааг̇ад̇зна буна аарожанагижжам̣ над̇т̇и, звам̣ ан̃н̃авихаарам̣ г̇ад̇знаби д̇ад̇т̇а буб̣б̣з аарожид̇асса буна аарожанагижжам̣ над̇т̇ийд̇и вад̣̇анд̇и. ависзсзнаад̇и баариваасигасса жа угкид̇д̇агасса жа ависзсзна.

    Rajehi hatā upahatā bhūmi etissāti rajohatabhūmi, rajokiṇṇabhūmīti attho. Paccayanti vassāvāsikalābhaṃ sandhāya vuttaṃ. Ekapasse ṭhatvāti pāḷiṃ vihāya bhikkhūnaṃ pacchato ṭhatvā. Senāsanaṃ na labhatīti seyyapariyantabhāgitāya vassaggena gaṇhituṃ na labhati. Assāti bhaveyya. ‘‘Āgantukena ārocetabbaṃ, āgantukassa ārocetabba’’nti avisesena vuttattā sace dve pārivāsikā gataṭṭhāne aññamaññaṃ passanti, ubhohipi aññamaññassa ārocetabbaṃ. Yathā bahi disvā ārocitassa bhikkhuno vihāraṃ āgatena puna ārocanakiccaṃ natthi, evaṃ aññavihāraṃ gatenapi tattha pubbe ārocitassa puna ārocanakiccaṃ natthīti vadanti. Avisesenāti pārivāsikassa ca ukkhittakassa ca avisesena.

    об̣ад̣̇д̇ханд̇и балиб̣уд̣̇д̇хам̣. сахаваасод̇и вуд̇д̇аббагаарз чаннз бхигкунаа сад̣̇д̇хим̣ саяанамзва ад̇хиббзд̇ам̣, на сзсаирияаабат̇агаббанам̣. сзсамзд̇т̇а сувин̃н̃зяяамзва.

    Obaddhanti palibuddhaṃ. Sahavāsoti vuttappakāre channe bhikkhunā saddhiṃ sayanameva adhippetaṃ, na sesairiyāpathakappanaṃ. Sesamettha suviññeyyameva.

    баабидтад̇араад̇и баарааж̇игаабад̇д̇ийд̇и уггам̣савасзна вуд̇д̇ам̣. сан̃жарид̇д̇аад̣̇ибан̣н̣ад̇д̇иваж̇ж̇ад̇о бана суггависсадтаад̣̇игаа логаваж̇ж̇аава. д̇ад̇т̇аби сан̇гхабхзд̣̇аад̣̇игаа баабидтад̇араа зва. гамманд̇и баариваасигагаммаваажаад̇и зд̇зна ‘‘гаммабхууд̇аа ваажаа гаммаваажаа’’д̇и гаммаваажаасад̣̇д̣̇асса ад̇т̇оби сид̣̇д̇ход̇и взд̣̇ид̇аб̣б̣о. саважанийяанд̇и зд̇т̇а са-сад̣̇д̣̇о ‘‘санд̇и’’ад̇т̇ам̣ вад̣̇ад̇и, ад̇д̇ано важанзна ад̇д̇ано бавад̇д̇анагамманд̇и звамзд̇т̇а ад̇т̇о д̣̇адтаб̣б̣о, ‘‘маа баггамаахий’’д̇и ваа ‘‘зхи винаяад̇хараанам̣ саммукийбхаава’’нд̇и ваа звам̣ ад̇д̇ано аан̣ааяа бавад̇д̇анагагаммам̣ на гаад̇аб̣б̣анд̇и ад̇хиббааяо. зван̃хи гзнажи саважанийяз гад̇з анаад̣̇арзна ад̇иггамид̇ум̣ на ваддад̇и, б̣уд̣̇д̇хасса сан̇гхасса аан̣аа ад̇игганд̇аа наама ход̇и. раж̇охад̇абхуумийд̇и бан̣н̣асаалаависзсанам̣. бажжаяанд̇и вассааваасигажийварам̣. сзнаасанам̣ на лабхад̇ийд̇и вассаг̇г̇зна на лабхад̇и. абан̣н̣агабадибад̣̇аад̇и авирад̣̇д̇хабадибад̣̇аа. сажз вааяаманд̇обийд̇и зд̇т̇а ависаяабхаавам̣ н̃ад̇ваа авааяаманд̇оби сан̇г̇аяхад̇и. ависзсзнаад̇и баариваасигугкид̇д̇агаанам̣ сааман̃н̃зна. бан̃жаван̣н̣ачад̣̇анаб̣анд̇ханадтаанзсууд̇и бан̃жаббагаарачад̣̇анзхи чаннадтаанзсу. об̣ад̣̇д̇ханд̇и удтаанаад̣̇иб̣яаабаарабадиб̣ад̣̇д̇хам̣, бийл̣ид̇анд̇и ад̇т̇о. ман̃жз ваа бийтз ваад̇и зд̇т̇а ваасад̣̇д̣̇о самужжаяад̇т̇о. д̇зна д̇аддигаажаммакан̣д̣аад̣̇ийсу д̣̇ийгхаасанзсуби нисийд̣̇ид̇ум̣ на ваддад̇ийд̇и д̣̇ийбид̇ам̣ ход̇и. на вад̇д̇абхзд̣̇ад̣̇уггаданд̇и вуд̣дхад̇арасса ж̇аананд̇ассаби вад̇д̇абхзд̣̇з д̣̇уггадам̣ над̇т̇ийд̇и д̣̇ассзд̇и. вад̇д̇ам̣ нигкибаабзд̇ваад̇и ид̣̇амби бариваасаад̣̇имзва санд̇хааяа вуд̇д̇ам̣, на сзсагаммаани.

    Pāpiṭṭhatarātipārājikāpattīti ukkaṃsavasena vuttaṃ. Sañcarittādipaṇṇattivajjato pana sukkavissaṭṭhādikā lokavajjāva. Tatthapi saṅghabhedādikā pāpiṭṭhatarā eva. Kammanti pārivāsikakammavācāti etena ‘‘kammabhūtā vācā kammavācā’’ti kammavācāsaddassa atthopi siddhoti veditabbo. Savacanīyanti ettha sa-saddo ‘‘santi’’atthaṃ vadati, attano vacanena attano pavattanakammanti evamettha attho daṭṭhabbo, ‘‘mā pakkamāhī’’ti vā ‘‘ehi vinayadharānaṃ sammukhībhāva’’nti vā evaṃ attano āṇāya pavattanakakammaṃ na kātabbanti adhippāyo. Evañhi kenaci savacanīye kate anādarena atikkamituṃ na vaṭṭati, buddhassa saṅghassa āṇā atikkantā nāma hoti. Rajohatabhūmīti paṇṇasālāvisesanaṃ. Paccayanti vassāvāsikacīvaraṃ. Senāsanaṃ na labhatīti vassaggena na labhati. Apaṇṇakapaṭipadāti aviraddhapaṭipadā. Sace vāyamantopīti ettha avisayabhāvaṃ ñatvā avāyamantopi saṅgayhati. Avisesenāti pārivāsikukkhittakānaṃ sāmaññena. Pañcavaṇṇachadanabandhanaṭṭhānesūti pañcappakārachadanehi channaṭṭhānesu. Obaddhanti uṭṭhānādibyāpārapaṭibaddhaṃ, pīḷitanti attho. Mañce vā pīṭhe vāti ettha vāsaddo samuccayattho. Tena taṭṭikācammakhaṇḍādīsu dīghāsanesupi nisīdituṃ na vaṭṭatīti dīpitaṃ hoti. Na vattabhedadukkaṭanti vuḍḍhatarassa jānantassapi vattabhede dukkaṭaṃ natthīti dasseti. Vattaṃ nikkhipāpetvāti idampi parivāsādimeva sandhāya vuttaṃ, na sesakammāni.

    ‘‘сзнаасанам̣ на лабхад̇и сзяяабарияанд̇абхааг̇ид̇ааяа. уд̣̇д̣̇зсаад̣̇ийни д̣̇аад̇умби на лабхад̇ийд̇и вад̣̇анд̇и. ‘д̇ад̣̇ахубасамбаннзби багад̇ад̇д̇з’д̇и важанад̇о анубасамбаннзхи васид̇ум̣ ваддад̇и. самавассаад̇и зд̇зна абажчаа абуримам̣ нибаж̇ж̇анз д̣̇виннамби вад̇д̇абхзд̣̇аабад̇д̇ибхаавам̣ д̣̇ийбзд̇и. ад̇д̇ано ад̇д̇ано навагад̇аранд̇и баариваасигаад̣̇инавагад̇арам̣. батамам̣ сан̇гхамаж̇жхз бариваасам̣ г̇ахзд̇ваа нигкид̇д̇авад̇д̇зна буна згассаби санд̇игз самаад̣̇ияид̇ум̣ нигкибид̇ун̃жа ваддад̇и, маанад̇д̇з бана нигкибид̇ум̣ ваддад̇и. уунзг̇ан̣зжаран̣ад̣̇осад̇д̇аа на г̇ахзд̇унд̇и згз. батамам̣ аад̣̇иннавад̇д̇ам̣ згасса санд̇игз яат̇аа нигкибид̇ум̣ ваддад̇и, д̇ат̇аа самаад̣̇ияид̇умби ваддад̇ийд̇и бораан̣аг̇ан̣тибад̣̇з’’д̇и важ̇ираб̣уд̣̇д̇хидийгааяам̣ (важ̇ира. дий. жуул̣аваг̇г̇а 76) вуд̇д̇анд̇и.

    ‘‘Senāsanaṃ na labhati seyyapariyantabhāgitāya. Uddesādīni dātumpi na labhatīti vadanti. ‘Tadahupasampannepi pakatatte’ti vacanato anupasampannehi vasituṃ vaṭṭati. Samavassāti etena apacchā apurimaṃ nipajjane dvinnampi vattabhedāpattibhāvaṃ dīpeti. Attano attano navakataranti pārivāsikādinavakataraṃ. Paṭhamaṃ saṅghamajjhe parivāsaṃ gahetvā nikkhittavattena puna ekassapi santike samādiyituṃ nikkhipituñca vaṭṭati, mānatte pana nikkhipituṃ vaṭṭati. Ūnegaṇecaraṇadosattā na gahetunti eke. Paṭhamaṃ ādinnavattaṃ ekassa santike yathā nikkhipituṃ vaṭṭati, tathā samādiyitumpi vaṭṭatīti porāṇagaṇṭhipade’’ti vajirabuddhiṭīkāyaṃ (vajira. ṭī. cūḷavagga 76) vuttanti.

    ид̣̇ам̣ зд̇т̇а яам̣ вад̇д̇ам̣ ‘‘жад̇унавуд̇ибаариваасигавад̇д̇а’’нд̇и баариваасигагканд̇хагабаал̣ияам̣ (жуул̣ава. 75) ааг̇ад̇ам̣, саманд̇абаасаад̣̇игааяамби зд̇д̇агааяа баал̣ияаа (жуул̣ава. адта. 75-84) ван̣н̣анам̣ вад̇ваа ‘‘баариваасигавад̇д̇агат̇аа нидтид̇аа’’д̇и ааха. имасмим̣ винаяасан̇г̇ахабагаран̣з (ви. сан̇г̇а. адта. 248) бана ‘‘на чамааяам̣ жан̇гаманд̇з жан̇гамз жан̇гамид̇аб̣б̣а’’нд̇и имассаананд̇арам̣ ‘‘баариваасигажад̇уд̇т̇о жз, бхигкавз’’д̇иаад̣̇ийни аг̇г̇ахзд̇ваа ‘‘на, бхигкавз, баариваасигзна бхигкунаа саад̣̇ид̇аб̣б̣а’’нд̇иаад̣̇ийни батамам̣ бан̃н̃ад̇д̇абад̣̇аани г̇ахзд̇ваа д̇зсам̣ бад̣̇аанам̣ сам̣ван̣н̣анам̣ гад̇ваа ‘‘ид̣̇ам̣ баариваасигавад̇д̇а’’нд̇и ан̃н̃ат̇аа ануггамо вуд̇д̇о, со баал̣ияаа жа адтагат̇ааяа жа на самзд̇и. аажарияасса бана аяамад̇хиббааяо сияаа – ‘‘баариваасигажад̇уд̇т̇о жз, бхигкавз’’д̇иаад̣̇ийни баариваасигабхигкуунам̣ самаад̣̇ияид̇аб̣б̣аани на хонд̇и , ат̇а ко гаммагаарагаанам̣ бхигкуунам̣ гад̇д̇аб̣б̣аагад̇д̇аб̣б̣агаммад̣̇ассанамзд̇ам̣, д̇асмаа баариваасигавад̇д̇з на бавзсзд̇аб̣б̣ам̣. ‘‘на, бхигкавз, баариваасигзна бхигкунаа саад̣̇ид̇аб̣б̣а’’нд̇иаад̣̇ийни бана баариваасигабхигкуунам̣ саммаавад̇д̇ид̇аб̣б̣авад̇д̇ааниязва хонд̇и, д̇асмаа имааниязва баариваасигавад̇д̇з бавзсзд̇аб̣б̣аанийд̇и. амхзхи бана баал̣иадтагат̇аадийгаасу ааг̇ад̇аануггамзна батамам̣ бан̃н̃ад̇д̇авад̇д̇аанам̣ ад̇т̇ам̣ батамам̣ д̣̇ассзд̇ваа бажчаа бан̃н̃ад̇д̇абад̣̇аанам̣ ад̇т̇о бажчаа вуд̇д̇од̇и д̣̇адтаб̣б̣о.

    Idaṃ ettha yaṃ vattaṃ ‘‘catunavutipārivāsikavatta’’nti pārivāsikakkhandhakapāḷiyaṃ (cūḷava. 75) āgataṃ, samantapāsādikāyampi ettakāya pāḷiyā (cūḷava. aṭṭha. 75-84) vaṇṇanaṃ vatvā ‘‘pārivāsikavattakathā niṭṭhitā’’ti āha. Imasmiṃ vinayasaṅgahapakaraṇe (vi. saṅga. aṭṭha. 248) pana ‘‘na chamāyaṃ caṅkamante caṅkame caṅkamitabba’’nti imassānantaraṃ ‘‘pārivāsikacatuttho ce, bhikkhave’’tiādīni aggahetvā ‘‘na, bhikkhave, pārivāsikena bhikkhunā sāditabba’’ntiādīni paṭhamaṃ paññattapadāni gahetvā tesaṃ padānaṃ saṃvaṇṇanaṃ katvā ‘‘idaṃ pārivāsikavatta’’nti aññathā anukkamo vutto, so pāḷiyā ca aṭṭhakathāya ca na sameti. Ācariyassa pana ayamadhippāyo siyā – ‘‘pārivāsikacatuttho ce, bhikkhave’’tiādīni pārivāsikabhikkhūnaṃ samādiyitabbāni na honti , atha kho kammakārakānaṃ bhikkhūnaṃ kattabbākattabbakammadassanametaṃ, tasmā pārivāsikavatte na pavesetabbaṃ. ‘‘Na, bhikkhave, pārivāsikena bhikkhunā sāditabba’’ntiādīni pana pārivāsikabhikkhūnaṃ sammāvattitabbavattāniyeva honti, tasmā imāniyeva pārivāsikavatte pavesetabbānīti. Amhehi pana pāḷiaṭṭhakathāṭīkāsu āgatānukkamena paṭhamaṃ paññattavattānaṃ atthaṃ paṭhamaṃ dassetvā pacchā paññattapadānaṃ attho pacchā vuttoti daṭṭhabbo.

    ид̇и винаяасан̇г̇ахасам̣ван̣н̣анаабхууд̇з винаяаалан̇гаарз

    Iti vinayasaṅgahasaṃvaṇṇanābhūte vinayālaṅkāre

    г̇аругаабад̇д̇ивудтаанавинижчаяагат̇аалан̇гааро наама

    Garukāpattivuṭṭhānavinicchayakathālaṅkāro nāma

    д̣̇вад̇д̇им̣сад̇имо барижчзд̣̇о.

    Dvattiṃsatimo paricchedo.




    Next: 33. гаммаагаммавинижчаяагат̇аа • 33. Kammākammavinicchayakathā


    © 1991-2023 The Titi Tudorancea Bulletin | Titi Tudorancea® is a Registered Trademark | Terms of use and privacy policy
    Contact