| Library / Tipiṭaka / तिपिटक • Tipiṭaka / अपदानपाळि • Apadānapāḷi |
२. गतसञ्ञकत्थेरअपदानं
2. Gatasaññakattheraapadānaṃ
१०.
10.
‘‘जातिया सत्तवस्सोहं, पब्बजिं अनगारियं।
‘‘Jātiyā sattavassohaṃ, pabbajiṃ anagāriyaṃ;
अवन्दिं सत्थुनो पादे, विप्पसन्नेन चेतसा॥
Avandiṃ satthuno pāde, vippasannena cetasā.
११.
11.
‘‘सत्तनङ्गलकीपुप्फे, आकासे उक्खिपिं अहं।
‘‘Sattanaṅgalakīpupphe, ākāse ukkhipiṃ ahaṃ;
तिस्सं बुद्धं समुद्दिस्स, अनन्तगुणसागरं॥
Tissaṃ buddhaṃ samuddissa, anantaguṇasāgaraṃ.
१२.
12.
‘‘सुगतानुगतं मग्गं, पूजेत्वा हट्ठमानसो।
‘‘Sugatānugataṃ maggaṃ, pūjetvā haṭṭhamānaso;
१३.
13.
‘‘द्वेनवुते इतो कप्पे, यं कम्ममकरिं तदा।
‘‘Dvenavute ito kappe, yaṃ kammamakariṃ tadā;
दुग्गतिं नाभिजानामि, बुद्धपूजायिदं फलं॥
Duggatiṃ nābhijānāmi, buddhapūjāyidaṃ phalaṃ.
१४.
14.
‘‘इतो अट्ठमके कप्पे, तयो अग्गिसिखा अहु।
‘‘Ito aṭṭhamake kappe, tayo aggisikhā ahu;
सत्तरतनसम्पन्ना, चक्कवत्ती महब्बला॥
Sattaratanasampannā, cakkavattī mahabbalā.
१५.
15.
‘‘पटिसम्भिदा चतस्सो…पे॰… कतं बुद्धस्स सासनं’’॥
‘‘Paṭisambhidā catasso…pe… kataṃ buddhassa sāsanaṃ’’.
इत्थं सुदं आयस्मा गतसञ्ञको थेरो इमा गाथायो अभासित्थाति।
Itthaṃ sudaṃ āyasmā gatasaññako thero imā gāthāyo abhāsitthāti.
गतसञ्ञकत्थेरस्सापदानं दुतियं।
Gatasaññakattherassāpadānaṃ dutiyaṃ.
Footnotes:
Related texts:
अट्ठकथा • Aṭṭhakathā / सुत्तपिटक (अट्ठकथा) • Suttapiṭaka (aṭṭhakathā) / खुद्दकनिकाय (अट्ठकथा) • Khuddakanikāya (aṭṭhakathā) / अपदान-अट्ठकथा • Apadāna-aṭṭhakathā / २. गतसञ्ञकत्थेरअपदानवण्णना • 2. Gatasaññakattheraapadānavaṇṇanā
