| Library / Tipiṭaka / திபிடக • Tipiṭaka / படிஸம்பி⁴தா³மக்³க³பாளி • Paṭisambhidāmaggapāḷi |
6. க³திகதா²
6. Gatikathā
231. க³திஸம்பத்தியா ஞாணஸம்பயுத்தே கதினங் ஹேதூனங் பச்சயா உபபத்தி ஹோதி? க²த்தியமஹாஸாலானங் ப்³ராஹ்மணமஹாஸாலானங் க³ஹபதிமஹாஸாலானங் காமாவசரானங் தே³வானங் ஞாணஸம்பயுத்தே கதினங் ஹேதூனங் பச்சயா உபபத்தி ஹோதி? ரூபாவசரானங் தே³வானங் கதினங் ஹேதூனங் பச்சயா உபபத்தி ஹோதி? அரூபாவசரானங் தே³வானங் கதினங் ஹேதூனங் பச்சயா உபபத்தி ஹோதி?
231. Gatisampattiyā ñāṇasampayutte katinaṃ hetūnaṃ paccayā upapatti hoti? Khattiyamahāsālānaṃ brāhmaṇamahāsālānaṃ gahapatimahāsālānaṃ kāmāvacarānaṃ devānaṃ ñāṇasampayutte katinaṃ hetūnaṃ paccayā upapatti hoti? Rūpāvacarānaṃ devānaṃ katinaṃ hetūnaṃ paccayā upapatti hoti? Arūpāvacarānaṃ devānaṃ katinaṃ hetūnaṃ paccayā upapatti hoti?
க³திஸம்பத்தியா ஞாணஸம்பயுத்தே அட்ட²ன்னங் ஹேதூனங் பச்சயா உபபத்தி ஹோதி. க²த்தியமஹாஸாலானங் ப்³ராஹ்மணமஹாஸாலானங் க³ஹபதிமஹாஸாலானங் காமாவசரானங் தே³வானங் ஞாணஸம்பயுத்தே அட்ட²ன்னங் ஹேதூனங் பச்சயா உபபத்தி ஹோதி. ரூபாவசரானங் தே³வானங் அட்ட²ன்னங் ஹேதூனங் பச்சயா உபபத்தி ஹோதி. அரூபாவசரானங் தே³வானங் அட்ட²ன்னங் ஹேதூனங் பச்சயா உபபத்தி ஹோதி.
Gatisampattiyā ñāṇasampayutte aṭṭhannaṃ hetūnaṃ paccayā upapatti hoti. Khattiyamahāsālānaṃ brāhmaṇamahāsālānaṃ gahapatimahāsālānaṃ kāmāvacarānaṃ devānaṃ ñāṇasampayutte aṭṭhannaṃ hetūnaṃ paccayā upapatti hoti. Rūpāvacarānaṃ devānaṃ aṭṭhannaṃ hetūnaṃ paccayā upapatti hoti. Arūpāvacarānaṃ devānaṃ aṭṭhannaṃ hetūnaṃ paccayā upapatti hoti.
232. க³திஸம்பத்தியா ஞாணஸம்பயுத்தே கதமேஸங் அட்ட²ன்னங் ஹேதூனங் பச்சயா உபபத்தி ஹோதி? குஸலகம்மஸ்ஸ ஜவனக்க²ணே தயோ ஹேதூ குஸலா; தஸ்மிங் க²ணே ஜாதசேதனாய ஸஹஜாதபச்சயா ஹொந்தி. தேன வுச்சதி – குஸலமூலபச்சயாபி ஸங்கா²ரா. நிகந்திக்க²ணே த்³வே ஹேதூ அகுஸலா; தஸ்மிங் க²ணே ஜாதசேதனாய ஸஹஜாதபச்சயா ஹொந்தி. தேன வுச்சதி – அகுஸலமூலபச்சயாபி ஸங்கா²ரா. படிஸந்தி⁴க்க²ணே தயோ ஹேதூ அப்³யாகதா; தஸ்மிங் க²ணே ஜாதசேதனாய ஸஹஜாதபச்சயா ஹொந்தி. தேன வுச்சதி – ‘‘நாமரூபபச்சயாபி விஞ்ஞாணங், விஞ்ஞாணபச்சயாபி நாமரூபங்’’ .
232. Gatisampattiyā ñāṇasampayutte katamesaṃ aṭṭhannaṃ hetūnaṃ paccayā upapatti hoti? Kusalakammassa javanakkhaṇe tayo hetū kusalā; tasmiṃ khaṇe jātacetanāya sahajātapaccayā honti. Tena vuccati – kusalamūlapaccayāpi saṅkhārā. Nikantikkhaṇe dve hetū akusalā; tasmiṃ khaṇe jātacetanāya sahajātapaccayā honti. Tena vuccati – akusalamūlapaccayāpi saṅkhārā. Paṭisandhikkhaṇe tayo hetū abyākatā; tasmiṃ khaṇe jātacetanāya sahajātapaccayā honti. Tena vuccati – ‘‘nāmarūpapaccayāpi viññāṇaṃ, viññāṇapaccayāpi nāmarūpaṃ’’ .
படிஸந்தி⁴க்க²ணே பஞ்சக்க²ந்தா⁴ ஸஹஜாதபச்சயா ஹொந்தி, அஞ்ஞமஞ்ஞபச்சயா ஹொந்தி, நிஸ்ஸயபச்சயா ஹொந்தி, விப்பயுத்தபச்சயா ஹொந்தி. படிஸந்தி⁴க்க²ணே சத்தாரோ மஹாபூ⁴தா ஸஹஜாதபச்சயா ஹொந்தி, அஞ்ஞமஞ்ஞபச்சயா ஹொந்தி, நிஸ்ஸயபச்சயா ஹொந்தி. படிஸந்தி⁴க்க²ணே தயோ ஜீவிதஸங்கா²ரா ஸஹஜாதபச்சயா ஹொந்தி, அஞ்ஞமஞ்ஞபச்சயா ஹொந்தி, நிஸ்ஸயபச்சயா ஹொந்தி , விப்பயுத்தபச்சயா ஹொந்தி. படிஸந்தி⁴க்க²ணே நாமஞ்ச ரூபஞ்ச ஸஹஜாதபச்சயா ஹொந்தி, அஞ்ஞமஞ்ஞபச்சயா ஹொந்தி, நிஸ்ஸயபச்சயா ஹொந்தி, விப்பயுத்தபச்சயா ஹொந்தி. படிஸந்தி⁴க்க²ணே இமே சுத்³த³ஸ த⁴ம்மா ஸஹஜாதபச்சயா ஹொந்தி, அஞ்ஞமஞ்ஞபச்சயா ஹொந்தி, நிஸ்ஸயபச்சயா ஹொந்தி, விப்பயுத்தபச்சயா ஹொந்தி. படிஸந்தி⁴க்க²ணே சத்தாரோ க²ந்தா⁴ அரூபினோ ஸஹஜாதபச்சயா ஹொந்தி, அஞ்ஞமஞ்ஞபச்சயா ஹொந்தி, நிஸ்ஸயபச்சயா ஹொந்தி, ஸம்பயுத்தபச்சயா ஹொந்தி. படிஸந்தி⁴க்க²ணே பஞ்சிந்த்³ரியானி ஸஹஜாதபச்சயா ஹொந்தி, அஞ்ஞமஞ்ஞபச்சயா ஹொந்தி, நிஸ்ஸயபச்சயா ஹொந்தி, ஸம்பயுத்தபச்சயா ஹொந்தி. படிஸந்தி⁴க்க²ணே தயோ ஹேதூ ஸஹஜாதபச்சயா ஹொந்தி, அஞ்ஞமஞ்ஞபச்சயா ஹொந்தி, நிஸ்ஸயபச்சயா ஹொந்தி, ஸம்பயுத்தபச்சயா ஹொந்தி. படிஸந்தி⁴க்க²ணே நாமஞ்ச விஞ்ஞாணஞ்ச ஸஹஜாதபச்சயா ஹொந்தி, அஞ்ஞமஞ்ஞபச்சயா ஹொந்தி, நிஸ்ஸயபச்சயா ஹொந்தி, ஸம்பயுத்தபச்சயா ஹொந்தி. படிஸந்தி⁴க்க²ணே இமே சுத்³த³ஸ த⁴ம்மா ஸஹஜாதபச்சயா ஹொந்தி, அஞ்ஞமஞ்ஞபச்சயா ஹொந்தி, நிஸ்ஸயபச்சயா ஹொந்தி, ஸம்பயுத்தபச்சயா ஹொந்தி. படிஸந்தி⁴க்க²ணே இமே அட்ட²வீஸதி த⁴ம்மா ஸஹஜாதபச்சயா ஹொந்தி, அஞ்ஞமஞ்ஞபச்சயா ஹொந்தி, நிஸ்ஸயபச்சயா ஹொந்தி, விப்பயுத்தபச்சயா ஹொந்தி. க³திஸம்பத்தியா ஞாணஸம்பயுத்தே இமேஸங் அட்ட²ன்னங் ஹேதூனங் பச்சயா உபபத்தி ஹோதி.
Paṭisandhikkhaṇe pañcakkhandhā sahajātapaccayā honti, aññamaññapaccayā honti, nissayapaccayā honti, vippayuttapaccayā honti. Paṭisandhikkhaṇe cattāro mahābhūtā sahajātapaccayā honti, aññamaññapaccayā honti, nissayapaccayā honti. Paṭisandhikkhaṇe tayo jīvitasaṅkhārā sahajātapaccayā honti, aññamaññapaccayā honti, nissayapaccayā honti , vippayuttapaccayā honti. Paṭisandhikkhaṇe nāmañca rūpañca sahajātapaccayā honti, aññamaññapaccayā honti, nissayapaccayā honti, vippayuttapaccayā honti. Paṭisandhikkhaṇe ime cuddasa dhammā sahajātapaccayā honti, aññamaññapaccayā honti, nissayapaccayā honti, vippayuttapaccayā honti. Paṭisandhikkhaṇe cattāro khandhā arūpino sahajātapaccayā honti, aññamaññapaccayā honti, nissayapaccayā honti, sampayuttapaccayā honti. Paṭisandhikkhaṇe pañcindriyāni sahajātapaccayā honti, aññamaññapaccayā honti, nissayapaccayā honti, sampayuttapaccayā honti. Paṭisandhikkhaṇe tayo hetū sahajātapaccayā honti, aññamaññapaccayā honti, nissayapaccayā honti, sampayuttapaccayā honti. Paṭisandhikkhaṇe nāmañca viññāṇañca sahajātapaccayā honti, aññamaññapaccayā honti, nissayapaccayā honti, sampayuttapaccayā honti. Paṭisandhikkhaṇe ime cuddasa dhammā sahajātapaccayā honti, aññamaññapaccayā honti, nissayapaccayā honti, sampayuttapaccayā honti. Paṭisandhikkhaṇe ime aṭṭhavīsati dhammā sahajātapaccayā honti, aññamaññapaccayā honti, nissayapaccayā honti, vippayuttapaccayā honti. Gatisampattiyā ñāṇasampayutte imesaṃ aṭṭhannaṃ hetūnaṃ paccayā upapatti hoti.
க²த்தியமஹாஸாலானங் ப்³ராஹ்மணமஹாஸாலானங் க³ஹபதிமஹாஸாலானங் காமாவசரானங் தே³வானங் ஞாணஸம்பயுத்தே கதமேஸங் அட்ட²ன்னங் ஹேதூனங் பச்சயா உபபத்தி ஹோதி? குஸலகம்மஸ்ஸ ஜவனக்க²ணே தயோ ஹேதூ குஸலா; தஸ்மிங் க²ணே ஜாதசேதனாய ஸஹஜாதபச்சயா ஹொந்தி. தேன வுச்சதி – ‘‘குஸலமூலபச்சயாபி ஸங்கா²ரா’’. நிகந்திக்க²ணே த்³வே ஹேதூ அகுஸலா; தஸ்மிங் க²ணே ஜாதசேதனாய ஸஹஜாதபச்சயா ஹொந்தி. தேன வுச்சதி – ‘‘அகுஸலமூலபச்சயாபி ஸங்கா²ரா’’. படிஸந்தி⁴க்க²ணே தயோ ஹேதூ அப்³யாகதா; தஸ்மிங் க²ணே ஜாதசேதனாய ஸஹஜாதபச்சயா ஹொந்தி. தேன வுச்சதி – ‘‘நாமரூபபச்சயாபி விஞ்ஞாணங், விஞ்ஞாணபச்சயாபி நாமரூபங்’’.
Khattiyamahāsālānaṃ brāhmaṇamahāsālānaṃ gahapatimahāsālānaṃ kāmāvacarānaṃ devānaṃ ñāṇasampayutte katamesaṃ aṭṭhannaṃ hetūnaṃ paccayā upapatti hoti? Kusalakammassa javanakkhaṇe tayo hetū kusalā; tasmiṃ khaṇe jātacetanāya sahajātapaccayā honti. Tena vuccati – ‘‘kusalamūlapaccayāpi saṅkhārā’’. Nikantikkhaṇe dve hetū akusalā; tasmiṃ khaṇe jātacetanāya sahajātapaccayā honti. Tena vuccati – ‘‘akusalamūlapaccayāpi saṅkhārā’’. Paṭisandhikkhaṇe tayo hetū abyākatā; tasmiṃ khaṇe jātacetanāya sahajātapaccayā honti. Tena vuccati – ‘‘nāmarūpapaccayāpi viññāṇaṃ, viññāṇapaccayāpi nāmarūpaṃ’’.
படிஸந்தி⁴க்க²ணே பஞ்சக்க²ந்தா⁴ ஸஹஜாதபச்சயா ஹொந்தி, அஞ்ஞமஞ்ஞபச்சயா ஹொந்தி, நிஸ்ஸயபச்சயா ஹொந்தி, விப்பயுத்தபச்சயா ஹொந்தி. படிஸந்தி⁴க்க²ணே சத்தாரோ மஹாபூ⁴தா ஸஹஜாதபச்சயா ஹொந்தி, அஞ்ஞமஞ்ஞபச்சயா ஹொந்தி, நிஸ்ஸயபச்சயா ஹொந்தி. படிஸந்தி⁴க்க²ணே தயோ ஜீவிதஸங்கா²ரா ஸஹஜாதபச்சயா ஹொந்தி, அஞ்ஞமஞ்ஞபச்சயா ஹொந்தி, நிஸ்ஸயபச்சயா ஹொந்தி, விப்பயுத்தபச்சயா ஹொந்தி. படிஸந்தி⁴க்க²ணே நாமஞ்ச ரூபஞ்ச ஸஹஜாதபச்சயா ஹொந்தி, அஞ்ஞமஞ்ஞபச்சயா ஹொந்தி, நிஸ்ஸயபச்சயா ஹொந்தி, விப்பயுத்தபச்சயா ஹொந்தி. படிஸந்தி⁴க்க²ணே இமே சுத்³த³ஸ த⁴ம்மா ஸஹஜாதபச்சயா ஹொந்தி, அஞ்ஞமஞ்ஞபச்சயா ஹொந்தி, நிஸ்ஸயபச்சயா ஹொந்தி, விப்பயுத்தபச்சயா ஹொந்தி. படிஸந்தி⁴க்க²ணே சத்தாரோ க²ந்தா⁴ அரூபினோ ஸஹஜாதபச்சயா ஹொந்தி, அஞ்ஞமஞ்ஞபச்சயா ஹொந்தி, நிஸ்ஸயபச்சயா ஹொந்தி, ஸம்பயுத்தபச்சயா ஹொந்தி. படிஸந்தி⁴க்க²ணே பஞ்சிந்த்³ரியானி ஸஹஜாதபச்சயா ஹொந்தி, அஞ்ஞமஞ்ஞபச்சயா ஹொந்தி, நிஸ்ஸயபச்சயா ஹொந்தி, ஸம்பயுத்தபச்சயா ஹொந்தி. படிஸந்தி⁴க்க²ணே தயோ ஹேதூ ஸஹஜாதபச்சயா ஹொந்தி, அஞ்ஞமஞ்ஞபச்சயா ஹொந்தி, நிஸ்ஸயபச்சயா ஹொந்தி, ஸம்பயுத்தபச்சயா ஹொந்தி. படிஸந்தி⁴க்க²ணே நாமஞ்ச விஞ்ஞாணஞ்ச ஸஹஜாதபச்சயா ஹொந்தி, அஞ்ஞமஞ்ஞபச்சயா ஹொந்தி, நிஸ்ஸயபச்சயா ஹொந்தி, ஸம்பயுத்தபச்சயா ஹொந்தி. படிஸந்தி⁴க்க²ணே இமே சுத்³த³ஸ த⁴ம்மா ஸஹஜாதபச்சயா ஹொந்தி, அஞ்ஞமஞ்ஞபச்சயா ஹொந்தி, நிஸ்ஸயபச்சயா ஹொந்தி, ஸம்பயுத்தபச்சயா ஹொந்தி. படிஸந்தி⁴க்க²ணே இமே அட்ட²வீஸதி த⁴ம்மா ஸஹஜாதபச்சயா ஹொந்தி, அஞ்ஞமஞ்ஞபச்சயா ஹொந்தி, நிஸ்ஸயபச்சயா ஹொந்தி, விப்பயுத்தபச்சயா ஹொந்தி. க²த்தியமஹாஸாலானங் ப்³ராஹ்மணமஹாஸாலானங் க³ஹபதிமஹாஸாலானங் காமாவசரானங் தே³வானங் ஞாணஸம்பயுத்தே இமேஸங் அட்ட²ன்னங் ஹேதூனங் பச்சயா உபபத்தி ஹோதி.
Paṭisandhikkhaṇe pañcakkhandhā sahajātapaccayā honti, aññamaññapaccayā honti, nissayapaccayā honti, vippayuttapaccayā honti. Paṭisandhikkhaṇe cattāro mahābhūtā sahajātapaccayā honti, aññamaññapaccayā honti, nissayapaccayā honti. Paṭisandhikkhaṇe tayo jīvitasaṅkhārā sahajātapaccayā honti, aññamaññapaccayā honti, nissayapaccayā honti, vippayuttapaccayā honti. Paṭisandhikkhaṇe nāmañca rūpañca sahajātapaccayā honti, aññamaññapaccayā honti, nissayapaccayā honti, vippayuttapaccayā honti. Paṭisandhikkhaṇe ime cuddasa dhammā sahajātapaccayā honti, aññamaññapaccayā honti, nissayapaccayā honti, vippayuttapaccayā honti. Paṭisandhikkhaṇe cattāro khandhā arūpino sahajātapaccayā honti, aññamaññapaccayā honti, nissayapaccayā honti, sampayuttapaccayā honti. Paṭisandhikkhaṇe pañcindriyāni sahajātapaccayā honti, aññamaññapaccayā honti, nissayapaccayā honti, sampayuttapaccayā honti. Paṭisandhikkhaṇe tayo hetū sahajātapaccayā honti, aññamaññapaccayā honti, nissayapaccayā honti, sampayuttapaccayā honti. Paṭisandhikkhaṇe nāmañca viññāṇañca sahajātapaccayā honti, aññamaññapaccayā honti, nissayapaccayā honti, sampayuttapaccayā honti. Paṭisandhikkhaṇe ime cuddasa dhammā sahajātapaccayā honti, aññamaññapaccayā honti, nissayapaccayā honti, sampayuttapaccayā honti. Paṭisandhikkhaṇe ime aṭṭhavīsati dhammā sahajātapaccayā honti, aññamaññapaccayā honti, nissayapaccayā honti, vippayuttapaccayā honti. Khattiyamahāsālānaṃ brāhmaṇamahāsālānaṃ gahapatimahāsālānaṃ kāmāvacarānaṃ devānaṃ ñāṇasampayutte imesaṃ aṭṭhannaṃ hetūnaṃ paccayā upapatti hoti.
ரூபாவசரானங் தே³வானங் கதமேஸங் அட்ட²ன்னங் ஹேதூனங் பச்சயா உபபத்தி ஹோதி? குஸலகம்மஸ்ஸ ஜவனக்க²ணே தயோ ஹேதூ குஸலா…பே॰… ரூபாவசரானங் தே³வானங் இமேஸங் அட்ட²ன்னங் ஹேதூனங் பச்சயா உபபத்தி ஹோதி.
Rūpāvacarānaṃ devānaṃ katamesaṃ aṭṭhannaṃ hetūnaṃ paccayā upapatti hoti? Kusalakammassa javanakkhaṇe tayo hetū kusalā…pe… rūpāvacarānaṃ devānaṃ imesaṃ aṭṭhannaṃ hetūnaṃ paccayā upapatti hoti.
அரூபாவசரானங் தே³வானங் கதமேஸங் அட்ட²ன்னங் ஹேதூனங் பச்சயா உபபத்தி ஹோதி? குஸலகம்மஸ்ஸ ஜவனக்க²ணே தயோ ஹேதூ குஸலா; தஸ்மிங் க²ணே ஜாதசேதனாய ஸஹஜாதபச்சயா ஹொந்தி. தேன வுச்சதி – ‘‘குஸலமூலபச்சயாபி ஸங்கா²ரா’’. நிகந்திக்க²ணே த்³வே ஹேதூ அகுஸலா; தஸ்மிங் க²ணே ஜாதசேதனாய ஸஹஜாதபச்சயா ஹொந்தி. தேன வுச்சதி – ‘‘அகுஸலமூலபச்சயாபி ஸங்கா²ரா’’. படிஸந்தி⁴க்க²ணே தயோ ஹேதூ அப்³யாகதா; தஸ்மிங் க²ணே ஜாதசேதனாய ஸஹஜாதபச்சயா ஹொந்தி. தேன வுச்சதி – ‘‘நாமபச்சயாபி விஞ்ஞாணங் விஞ்ஞாணபச்சயாபி நாமங்’’.
Arūpāvacarānaṃ devānaṃ katamesaṃ aṭṭhannaṃ hetūnaṃ paccayā upapatti hoti? Kusalakammassa javanakkhaṇe tayo hetū kusalā; tasmiṃ khaṇe jātacetanāya sahajātapaccayā honti. Tena vuccati – ‘‘kusalamūlapaccayāpi saṅkhārā’’. Nikantikkhaṇe dve hetū akusalā; tasmiṃ khaṇe jātacetanāya sahajātapaccayā honti. Tena vuccati – ‘‘akusalamūlapaccayāpi saṅkhārā’’. Paṭisandhikkhaṇe tayo hetū abyākatā; tasmiṃ khaṇe jātacetanāya sahajātapaccayā honti. Tena vuccati – ‘‘nāmapaccayāpi viññāṇaṃ viññāṇapaccayāpi nāmaṃ’’.
படிஸந்தி⁴க்க²ணே சத்தாரோ க²ந்தா⁴ அரூபினோ ஸஹஜாதபச்சயா ஹொந்தி, அஞ்ஞமஞ்ஞபச்சயா ஹொந்தி, நிஸ்ஸயபச்சயா ஹொந்தி, ஸம்பயுத்தபச்சயா ஹொந்தி. படிஸந்தி⁴க்க²ணே பஞ்சிந்த்³ரியானி ஸஹஜாதபச்சயா ஹொந்தி, அஞ்ஞமஞ்ஞபச்சயா ஹொந்தி, நிஸ்ஸயபச்சயா ஹொந்தி, ஸம்பயுத்தபச்சயா ஹொந்தி. படிஸந்தி⁴க்க²ணே தயோ ஹேதூ ஸஹஜாதபச்சயா ஹொந்தி, அஞ்ஞமஞ்ஞபச்சயா ஹொந்தி, நிஸ்ஸயபச்சயா ஹொந்தி, ஸம்பயுத்தபச்சயா ஹொந்தி. படிஸந்தி⁴க்க²ணே நாமஞ்ச விஞ்ஞாணஞ்ச ஸஹஜாதபச்சயா ஹொந்தி, அஞ்ஞமஞ்ஞபச்சயா ஹொந்தி, நிஸ்ஸயபச்சயா ஹொந்தி, ஸம்பயுத்தபச்சயா ஹொந்தி. படிஸந்தி⁴க்க²ணே இமே சுத்³த³ஸ த⁴ம்மா ஸஹஜாதபச்சயா ஹொந்தி, அஞ்ஞமஞ்ஞபச்சயா ஹொந்தி, நிஸ்ஸயபச்சயா ஹொந்தி, ஸம்பயுத்தபச்சயா ஹொந்தி. அரூபாவசரானங் தே³வானங் இமேஸங் அட்ட²ன்னங் ஹேதூனங் பச்சயா உபபத்தி ஹோதி.
Paṭisandhikkhaṇe cattāro khandhā arūpino sahajātapaccayā honti, aññamaññapaccayā honti, nissayapaccayā honti, sampayuttapaccayā honti. Paṭisandhikkhaṇe pañcindriyāni sahajātapaccayā honti, aññamaññapaccayā honti, nissayapaccayā honti, sampayuttapaccayā honti. Paṭisandhikkhaṇe tayo hetū sahajātapaccayā honti, aññamaññapaccayā honti, nissayapaccayā honti, sampayuttapaccayā honti. Paṭisandhikkhaṇe nāmañca viññāṇañca sahajātapaccayā honti, aññamaññapaccayā honti, nissayapaccayā honti, sampayuttapaccayā honti. Paṭisandhikkhaṇe ime cuddasa dhammā sahajātapaccayā honti, aññamaññapaccayā honti, nissayapaccayā honti, sampayuttapaccayā honti. Arūpāvacarānaṃ devānaṃ imesaṃ aṭṭhannaṃ hetūnaṃ paccayā upapatti hoti.
233. க³திஸம்பத்தியா ஞாணவிப்பயுத்தே கதினங் ஹேதூனங் பச்சயா உபபத்தி ஹோதி? க²த்தியமஹாஸாலானங் ப்³ராஹ்மணமஹாஸாலானங் க³ஹபதிமஹாஸாலானங் காமாவசரானங் தே³வானங் ஞாணவிப்பயுத்தே கதினங் ஹேதூனங் பச்சயா உபபத்தி ஹோதி?
233. Gatisampattiyā ñāṇavippayutte katinaṃ hetūnaṃ paccayā upapatti hoti? Khattiyamahāsālānaṃ brāhmaṇamahāsālānaṃ gahapatimahāsālānaṃ kāmāvacarānaṃ devānaṃ ñāṇavippayutte katinaṃ hetūnaṃ paccayā upapatti hoti?
க³திஸம்பத்தியா ஞாணவிப்பயுத்தே ச²ன்னங் ஹேதூனங் பச்சயா உபபத்தி ஹோதி. க²த்தியமஹாஸாலானங் ப்³ராஹ்மணமஹாஸாலானங் க³ஹபதிமஹாஸாலானங் காமாவசரானங் தே³வானங் ஞாணவிப்பயுத்தே ச²ன்னங் ஹேதூனங் பச்சயா உபபத்தி ஹோதி .
Gatisampattiyā ñāṇavippayutte channaṃ hetūnaṃ paccayā upapatti hoti. Khattiyamahāsālānaṃ brāhmaṇamahāsālānaṃ gahapatimahāsālānaṃ kāmāvacarānaṃ devānaṃ ñāṇavippayutte channaṃ hetūnaṃ paccayā upapatti hoti .
க³திஸம்பத்தியா ஞாணவிப்பயுத்தே கதமேஸங் ச²ன்னங் ஹேதூனங் பச்சயா உபபத்தி ஹோதி? குஸலகம்மஸ்ஸ ஜவனக்க²ணே த்³வே ஹேதூ குஸலா; தஸ்மிங் க²ணே ஜாதசேதனாய ஸஹஜாதபச்சயா ஹொந்தி. தேன வுச்சதி – குஸலமூலபச்சயாபி ஸங்கா²ரா. நிகந்திக்க²ணே த்³வே ஹேதூ அகுஸலா; தஸ்மிங் க²ணே ஜாதசேதனாய ஸஹஜாதபச்சயா ஹொந்தி. தேன வுச்சதி – அகுஸலமூலபச்சயாபி ஸங்கா²ரா. படிஸந்தி⁴க்க²ணே த்³வே ஹேதூ அப்³யாகதா; தஸ்மிங் க²ணே ஜாதசேதனாய ஸஹஜாதபச்சயா ஹொந்தி. தேன வுச்சதி – ‘‘நாமரூபபச்சயாபி விஞ்ஞாணங், விஞ்ஞாணபச்சயாபி நாமரூபங்’’.
Gatisampattiyā ñāṇavippayutte katamesaṃ channaṃ hetūnaṃ paccayā upapatti hoti? Kusalakammassa javanakkhaṇe dve hetū kusalā; tasmiṃ khaṇe jātacetanāya sahajātapaccayā honti. Tena vuccati – kusalamūlapaccayāpi saṅkhārā. Nikantikkhaṇe dve hetū akusalā; tasmiṃ khaṇe jātacetanāya sahajātapaccayā honti. Tena vuccati – akusalamūlapaccayāpi saṅkhārā. Paṭisandhikkhaṇe dve hetū abyākatā; tasmiṃ khaṇe jātacetanāya sahajātapaccayā honti. Tena vuccati – ‘‘nāmarūpapaccayāpi viññāṇaṃ, viññāṇapaccayāpi nāmarūpaṃ’’.
படிஸந்தி⁴க்க²ணே பஞ்சக்க²ந்தா⁴ ஸஹஜாதபச்சயா ஹொந்தி, அஞ்ஞமஞ்ஞபச்சயா ஹொந்தி, நிஸ்ஸயபச்சயா ஹொந்தி, விப்பயுத்தபச்சயா ஹொந்தி. படிஸந்தி⁴க்க²ணே சத்தாரோ மஹாபூ⁴தா ஸஹஜாதபச்சயா ஹொந்தி, அஞ்ஞமஞ்ஞபச்சயா ஹொந்தி, நிஸ்ஸயபச்சயா ஹொந்தி. படிஸந்தி⁴க்க²ணே தயோ ஜீவிதஸங்கா²ரா ஸஹஜாதபச்சயா ஹொந்தி, அஞ்ஞமஞ்ஞபச்சயா ஹொந்தி, நிஸ்ஸயபச்சயா ஹொந்தி, விப்பயுத்தபச்சயா ஹொந்தி. படிஸந்தி⁴க்க²ணே நாமஞ்ச ரூபஞ்ச ஸஹஜாதபச்சயா ஹொந்தி, அஞ்ஞமஞ்ஞபச்சயா ஹொந்தி, நிஸ்ஸயபச்சயா ஹொந்தி, விப்பயுத்தபச்சயா ஹொந்தி. படிஸந்தி⁴க்க²ணே இமே சுத்³த³ஸ த⁴ம்மா ஸஹஜாதபச்சயா ஹொந்தி, அஞ்ஞமஞ்ஞபச்சயா ஹொந்தி, நிஸ்ஸயபச்சயா ஹொந்தி, விப்பயுத்தபச்சயா ஹொந்தி. படிஸந்தி⁴க்க²ணே சத்தாரோ க²ந்தா⁴ அரூபினோ ஸஹஜாதபச்சயா ஹொந்தி, அஞ்ஞமஞ்ஞபச்சயா ஹொந்தி, நிஸ்ஸயபச்சயா ஹொந்தி, ஸம்பயுத்தபச்சயா ஹொந்தி. படிஸந்தி⁴க்க²ணே சத்தாரி இந்த்³ரியானி ஸஹஜாதபச்சயா ஹொந்தி, அஞ்ஞமஞ்ஞபச்சயா ஹொந்தி, நிஸ்ஸயபச்சயா ஹொந்தி, ஸம்பயுத்தபச்சயா ஹொந்தி. படிஸந்தி⁴க்க²ணே த்³வே ஹேதூ ஸஹஜாதபச்சயா ஹொந்தி, அஞ்ஞமஞ்ஞபச்சயா ஹொந்தி, நிஸ்ஸயபச்சயா ஹொந்தி, ஸம்பயுத்தபச்சயா ஹொந்தி. படிஸந்தி⁴க்க²ணே நாமஞ்ச விஞ்ஞாணஞ்ச ஸஹஜாதபச்சயா ஹொந்தி, அஞ்ஞமஞ்ஞபச்சயா ஹொந்தி, நிஸ்ஸயபச்சயா ஹொந்தி, ஸம்பயுத்தபச்சயா ஹொந்தி. படிஸந்தி⁴க்க²ணே இமே த்³வாத³ஸ த⁴ம்மா ஸஹஜாதபச்சயா ஹொந்தி, அஞ்ஞமஞ்ஞபச்சயா ஹொந்தி, நிஸ்ஸயபச்சயா ஹொந்தி, ஸம்பயுத்தபச்சயா ஹொந்தி . படிஸந்தி⁴க்க²ணே இமே ச²ப்³பீ³ஸதி த⁴ம்மா ஸஹஜாதபச்சயா ஹொந்தி, அஞ்ஞமஞ்ஞபச்சயா ஹொந்தி, நிஸ்ஸயபச்சயா ஹொந்தி, விப்பயுத்தபச்சயா ஹொந்தி. க³திஸம்பத்தியா ஞாணவிப்பயுத்தே இமேஸங் ச²ன்னங் ஹேதூனங் பச்சயா உபபத்தி ஹோதி.
Paṭisandhikkhaṇe pañcakkhandhā sahajātapaccayā honti, aññamaññapaccayā honti, nissayapaccayā honti, vippayuttapaccayā honti. Paṭisandhikkhaṇe cattāro mahābhūtā sahajātapaccayā honti, aññamaññapaccayā honti, nissayapaccayā honti. Paṭisandhikkhaṇe tayo jīvitasaṅkhārā sahajātapaccayā honti, aññamaññapaccayā honti, nissayapaccayā honti, vippayuttapaccayā honti. Paṭisandhikkhaṇe nāmañca rūpañca sahajātapaccayā honti, aññamaññapaccayā honti, nissayapaccayā honti, vippayuttapaccayā honti. Paṭisandhikkhaṇe ime cuddasa dhammā sahajātapaccayā honti, aññamaññapaccayā honti, nissayapaccayā honti, vippayuttapaccayā honti. Paṭisandhikkhaṇe cattāro khandhā arūpino sahajātapaccayā honti, aññamaññapaccayā honti, nissayapaccayā honti, sampayuttapaccayā honti. Paṭisandhikkhaṇe cattāri indriyāni sahajātapaccayā honti, aññamaññapaccayā honti, nissayapaccayā honti, sampayuttapaccayā honti. Paṭisandhikkhaṇe dve hetū sahajātapaccayā honti, aññamaññapaccayā honti, nissayapaccayā honti, sampayuttapaccayā honti. Paṭisandhikkhaṇe nāmañca viññāṇañca sahajātapaccayā honti, aññamaññapaccayā honti, nissayapaccayā honti, sampayuttapaccayā honti. Paṭisandhikkhaṇe ime dvādasa dhammā sahajātapaccayā honti, aññamaññapaccayā honti, nissayapaccayā honti, sampayuttapaccayā honti . Paṭisandhikkhaṇe ime chabbīsati dhammā sahajātapaccayā honti, aññamaññapaccayā honti, nissayapaccayā honti, vippayuttapaccayā honti. Gatisampattiyā ñāṇavippayutte imesaṃ channaṃ hetūnaṃ paccayā upapatti hoti.
க²த்தியமஹாஸாலானங் ப்³ராஹ்மணமஹாஸாலானங் க³ஹபதிமஹாஸாலானங் காமாவசரானங் தே³வானங் ஞாணவிப்பயுத்தே கதமேஸங் ச²ன்னங் ஹேதூனங் பச்சயா உபபத்தி ஹோதி? குஸலகம்மஸ்ஸ ஜவனக்க²ணே த்³வே ஹேதூ குஸலா; தஸ்மிங் க²ணே ஜாதசேதனாய ஸஹஜாதபச்சயா ஹொந்தி. தேன வுச்சதி – ‘‘குஸலமூலபச்சயாபி ஸங்கா²ரா…பே॰… க²த்தியமஹாஸாலானங் ப்³ராஹ்மணமஹாஸாலானங் க³ஹபதிமஹாஸாலானங் காமாவசரானங் தே³வானங் ஞாணவிப்பயுத்தே இமேஸங் ச²ன்னங் ஹேதூனங் பச்சயா உபபத்தி ஹோதீ’’தி.
Khattiyamahāsālānaṃ brāhmaṇamahāsālānaṃ gahapatimahāsālānaṃ kāmāvacarānaṃ devānaṃ ñāṇavippayutte katamesaṃ channaṃ hetūnaṃ paccayā upapatti hoti? Kusalakammassa javanakkhaṇe dve hetū kusalā; tasmiṃ khaṇe jātacetanāya sahajātapaccayā honti. Tena vuccati – ‘‘kusalamūlapaccayāpi saṅkhārā…pe… khattiyamahāsālānaṃ brāhmaṇamahāsālānaṃ gahapatimahāsālānaṃ kāmāvacarānaṃ devānaṃ ñāṇavippayutte imesaṃ channaṃ hetūnaṃ paccayā upapatti hotī’’ti.
க³திகதா² நிட்டி²தா.
Gatikathā niṭṭhitā.
Related texts:
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / கு²த்³த³கனிகாய (அட்ட²கதா²) • Khuddakanikāya (aṭṭhakathā) / படிஸம்பி⁴தா³மக்³க³-அட்ட²கதா² • Paṭisambhidāmagga-aṭṭhakathā / க³திகதா²வண்ணனா • Gatikathāvaṇṇanā
