| Library / Tipiṭaka / તિપિટક • Tipiṭaka / પટિસમ્ભિદામગ્ગપાળિ • Paṭisambhidāmaggapāḷi |
૬. ગતિકથા
6. Gatikathā
૨૩૧. ગતિસમ્પત્તિયા ઞાણસમ્પયુત્તે કતિનં હેતૂનં પચ્ચયા ઉપપત્તિ હોતિ? ખત્તિયમહાસાલાનં બ્રાહ્મણમહાસાલાનં ગહપતિમહાસાલાનં કામાવચરાનં દેવાનં ઞાણસમ્પયુત્તે કતિનં હેતૂનં પચ્ચયા ઉપપત્તિ હોતિ? રૂપાવચરાનં દેવાનં કતિનં હેતૂનં પચ્ચયા ઉપપત્તિ હોતિ? અરૂપાવચરાનં દેવાનં કતિનં હેતૂનં પચ્ચયા ઉપપત્તિ હોતિ?
231. Gatisampattiyā ñāṇasampayutte katinaṃ hetūnaṃ paccayā upapatti hoti? Khattiyamahāsālānaṃ brāhmaṇamahāsālānaṃ gahapatimahāsālānaṃ kāmāvacarānaṃ devānaṃ ñāṇasampayutte katinaṃ hetūnaṃ paccayā upapatti hoti? Rūpāvacarānaṃ devānaṃ katinaṃ hetūnaṃ paccayā upapatti hoti? Arūpāvacarānaṃ devānaṃ katinaṃ hetūnaṃ paccayā upapatti hoti?
ગતિસમ્પત્તિયા ઞાણસમ્પયુત્તે અટ્ઠન્નં હેતૂનં પચ્ચયા ઉપપત્તિ હોતિ. ખત્તિયમહાસાલાનં બ્રાહ્મણમહાસાલાનં ગહપતિમહાસાલાનં કામાવચરાનં દેવાનં ઞાણસમ્પયુત્તે અટ્ઠન્નં હેતૂનં પચ્ચયા ઉપપત્તિ હોતિ. રૂપાવચરાનં દેવાનં અટ્ઠન્નં હેતૂનં પચ્ચયા ઉપપત્તિ હોતિ. અરૂપાવચરાનં દેવાનં અટ્ઠન્નં હેતૂનં પચ્ચયા ઉપપત્તિ હોતિ.
Gatisampattiyā ñāṇasampayutte aṭṭhannaṃ hetūnaṃ paccayā upapatti hoti. Khattiyamahāsālānaṃ brāhmaṇamahāsālānaṃ gahapatimahāsālānaṃ kāmāvacarānaṃ devānaṃ ñāṇasampayutte aṭṭhannaṃ hetūnaṃ paccayā upapatti hoti. Rūpāvacarānaṃ devānaṃ aṭṭhannaṃ hetūnaṃ paccayā upapatti hoti. Arūpāvacarānaṃ devānaṃ aṭṭhannaṃ hetūnaṃ paccayā upapatti hoti.
૨૩૨. ગતિસમ્પત્તિયા ઞાણસમ્પયુત્તે કતમેસં અટ્ઠન્નં હેતૂનં પચ્ચયા ઉપપત્તિ હોતિ? કુસલકમ્મસ્સ જવનક્ખણે તયો હેતૂ કુસલા; તસ્મિં ખણે જાતચેતનાય સહજાતપચ્ચયા હોન્તિ. તેન વુચ્ચતિ – કુસલમૂલપચ્ચયાપિ સઙ્ખારા. નિકન્તિક્ખણે દ્વે હેતૂ અકુસલા; તસ્મિં ખણે જાતચેતનાય સહજાતપચ્ચયા હોન્તિ. તેન વુચ્ચતિ – અકુસલમૂલપચ્ચયાપિ સઙ્ખારા. પટિસન્ધિક્ખણે તયો હેતૂ અબ્યાકતા; તસ્મિં ખણે જાતચેતનાય સહજાતપચ્ચયા હોન્તિ. તેન વુચ્ચતિ – ‘‘નામરૂપપચ્ચયાપિ વિઞ્ઞાણં, વિઞ્ઞાણપચ્ચયાપિ નામરૂપં’’ .
232. Gatisampattiyā ñāṇasampayutte katamesaṃ aṭṭhannaṃ hetūnaṃ paccayā upapatti hoti? Kusalakammassa javanakkhaṇe tayo hetū kusalā; tasmiṃ khaṇe jātacetanāya sahajātapaccayā honti. Tena vuccati – kusalamūlapaccayāpi saṅkhārā. Nikantikkhaṇe dve hetū akusalā; tasmiṃ khaṇe jātacetanāya sahajātapaccayā honti. Tena vuccati – akusalamūlapaccayāpi saṅkhārā. Paṭisandhikkhaṇe tayo hetū abyākatā; tasmiṃ khaṇe jātacetanāya sahajātapaccayā honti. Tena vuccati – ‘‘nāmarūpapaccayāpi viññāṇaṃ, viññāṇapaccayāpi nāmarūpaṃ’’ .
પટિસન્ધિક્ખણે પઞ્ચક્ખન્ધા સહજાતપચ્ચયા હોન્તિ, અઞ્ઞમઞ્ઞપચ્ચયા હોન્તિ, નિસ્સયપચ્ચયા હોન્તિ, વિપ્પયુત્તપચ્ચયા હોન્તિ. પટિસન્ધિક્ખણે ચત્તારો મહાભૂતા સહજાતપચ્ચયા હોન્તિ, અઞ્ઞમઞ્ઞપચ્ચયા હોન્તિ, નિસ્સયપચ્ચયા હોન્તિ. પટિસન્ધિક્ખણે તયો જીવિતસઙ્ખારા સહજાતપચ્ચયા હોન્તિ, અઞ્ઞમઞ્ઞપચ્ચયા હોન્તિ, નિસ્સયપચ્ચયા હોન્તિ , વિપ્પયુત્તપચ્ચયા હોન્તિ. પટિસન્ધિક્ખણે નામઞ્ચ રૂપઞ્ચ સહજાતપચ્ચયા હોન્તિ, અઞ્ઞમઞ્ઞપચ્ચયા હોન્તિ, નિસ્સયપચ્ચયા હોન્તિ, વિપ્પયુત્તપચ્ચયા હોન્તિ. પટિસન્ધિક્ખણે ઇમે ચુદ્દસ ધમ્મા સહજાતપચ્ચયા હોન્તિ, અઞ્ઞમઞ્ઞપચ્ચયા હોન્તિ, નિસ્સયપચ્ચયા હોન્તિ, વિપ્પયુત્તપચ્ચયા હોન્તિ. પટિસન્ધિક્ખણે ચત્તારો ખન્ધા અરૂપિનો સહજાતપચ્ચયા હોન્તિ, અઞ્ઞમઞ્ઞપચ્ચયા હોન્તિ, નિસ્સયપચ્ચયા હોન્તિ, સમ્પયુત્તપચ્ચયા હોન્તિ. પટિસન્ધિક્ખણે પઞ્ચિન્દ્રિયાનિ સહજાતપચ્ચયા હોન્તિ, અઞ્ઞમઞ્ઞપચ્ચયા હોન્તિ, નિસ્સયપચ્ચયા હોન્તિ, સમ્પયુત્તપચ્ચયા હોન્તિ. પટિસન્ધિક્ખણે તયો હેતૂ સહજાતપચ્ચયા હોન્તિ, અઞ્ઞમઞ્ઞપચ્ચયા હોન્તિ, નિસ્સયપચ્ચયા હોન્તિ, સમ્પયુત્તપચ્ચયા હોન્તિ. પટિસન્ધિક્ખણે નામઞ્ચ વિઞ્ઞાણઞ્ચ સહજાતપચ્ચયા હોન્તિ, અઞ્ઞમઞ્ઞપચ્ચયા હોન્તિ, નિસ્સયપચ્ચયા હોન્તિ, સમ્પયુત્તપચ્ચયા હોન્તિ. પટિસન્ધિક્ખણે ઇમે ચુદ્દસ ધમ્મા સહજાતપચ્ચયા હોન્તિ, અઞ્ઞમઞ્ઞપચ્ચયા હોન્તિ, નિસ્સયપચ્ચયા હોન્તિ, સમ્પયુત્તપચ્ચયા હોન્તિ. પટિસન્ધિક્ખણે ઇમે અટ્ઠવીસતિ ધમ્મા સહજાતપચ્ચયા હોન્તિ, અઞ્ઞમઞ્ઞપચ્ચયા હોન્તિ, નિસ્સયપચ્ચયા હોન્તિ, વિપ્પયુત્તપચ્ચયા હોન્તિ. ગતિસમ્પત્તિયા ઞાણસમ્પયુત્તે ઇમેસં અટ્ઠન્નં હેતૂનં પચ્ચયા ઉપપત્તિ હોતિ.
Paṭisandhikkhaṇe pañcakkhandhā sahajātapaccayā honti, aññamaññapaccayā honti, nissayapaccayā honti, vippayuttapaccayā honti. Paṭisandhikkhaṇe cattāro mahābhūtā sahajātapaccayā honti, aññamaññapaccayā honti, nissayapaccayā honti. Paṭisandhikkhaṇe tayo jīvitasaṅkhārā sahajātapaccayā honti, aññamaññapaccayā honti, nissayapaccayā honti , vippayuttapaccayā honti. Paṭisandhikkhaṇe nāmañca rūpañca sahajātapaccayā honti, aññamaññapaccayā honti, nissayapaccayā honti, vippayuttapaccayā honti. Paṭisandhikkhaṇe ime cuddasa dhammā sahajātapaccayā honti, aññamaññapaccayā honti, nissayapaccayā honti, vippayuttapaccayā honti. Paṭisandhikkhaṇe cattāro khandhā arūpino sahajātapaccayā honti, aññamaññapaccayā honti, nissayapaccayā honti, sampayuttapaccayā honti. Paṭisandhikkhaṇe pañcindriyāni sahajātapaccayā honti, aññamaññapaccayā honti, nissayapaccayā honti, sampayuttapaccayā honti. Paṭisandhikkhaṇe tayo hetū sahajātapaccayā honti, aññamaññapaccayā honti, nissayapaccayā honti, sampayuttapaccayā honti. Paṭisandhikkhaṇe nāmañca viññāṇañca sahajātapaccayā honti, aññamaññapaccayā honti, nissayapaccayā honti, sampayuttapaccayā honti. Paṭisandhikkhaṇe ime cuddasa dhammā sahajātapaccayā honti, aññamaññapaccayā honti, nissayapaccayā honti, sampayuttapaccayā honti. Paṭisandhikkhaṇe ime aṭṭhavīsati dhammā sahajātapaccayā honti, aññamaññapaccayā honti, nissayapaccayā honti, vippayuttapaccayā honti. Gatisampattiyā ñāṇasampayutte imesaṃ aṭṭhannaṃ hetūnaṃ paccayā upapatti hoti.
ખત્તિયમહાસાલાનં બ્રાહ્મણમહાસાલાનં ગહપતિમહાસાલાનં કામાવચરાનં દેવાનં ઞાણસમ્પયુત્તે કતમેસં અટ્ઠન્નં હેતૂનં પચ્ચયા ઉપપત્તિ હોતિ? કુસલકમ્મસ્સ જવનક્ખણે તયો હેતૂ કુસલા; તસ્મિં ખણે જાતચેતનાય સહજાતપચ્ચયા હોન્તિ. તેન વુચ્ચતિ – ‘‘કુસલમૂલપચ્ચયાપિ સઙ્ખારા’’. નિકન્તિક્ખણે દ્વે હેતૂ અકુસલા; તસ્મિં ખણે જાતચેતનાય સહજાતપચ્ચયા હોન્તિ. તેન વુચ્ચતિ – ‘‘અકુસલમૂલપચ્ચયાપિ સઙ્ખારા’’. પટિસન્ધિક્ખણે તયો હેતૂ અબ્યાકતા; તસ્મિં ખણે જાતચેતનાય સહજાતપચ્ચયા હોન્તિ. તેન વુચ્ચતિ – ‘‘નામરૂપપચ્ચયાપિ વિઞ્ઞાણં, વિઞ્ઞાણપચ્ચયાપિ નામરૂપં’’.
Khattiyamahāsālānaṃ brāhmaṇamahāsālānaṃ gahapatimahāsālānaṃ kāmāvacarānaṃ devānaṃ ñāṇasampayutte katamesaṃ aṭṭhannaṃ hetūnaṃ paccayā upapatti hoti? Kusalakammassa javanakkhaṇe tayo hetū kusalā; tasmiṃ khaṇe jātacetanāya sahajātapaccayā honti. Tena vuccati – ‘‘kusalamūlapaccayāpi saṅkhārā’’. Nikantikkhaṇe dve hetū akusalā; tasmiṃ khaṇe jātacetanāya sahajātapaccayā honti. Tena vuccati – ‘‘akusalamūlapaccayāpi saṅkhārā’’. Paṭisandhikkhaṇe tayo hetū abyākatā; tasmiṃ khaṇe jātacetanāya sahajātapaccayā honti. Tena vuccati – ‘‘nāmarūpapaccayāpi viññāṇaṃ, viññāṇapaccayāpi nāmarūpaṃ’’.
પટિસન્ધિક્ખણે પઞ્ચક્ખન્ધા સહજાતપચ્ચયા હોન્તિ, અઞ્ઞમઞ્ઞપચ્ચયા હોન્તિ, નિસ્સયપચ્ચયા હોન્તિ, વિપ્પયુત્તપચ્ચયા હોન્તિ. પટિસન્ધિક્ખણે ચત્તારો મહાભૂતા સહજાતપચ્ચયા હોન્તિ, અઞ્ઞમઞ્ઞપચ્ચયા હોન્તિ, નિસ્સયપચ્ચયા હોન્તિ. પટિસન્ધિક્ખણે તયો જીવિતસઙ્ખારા સહજાતપચ્ચયા હોન્તિ, અઞ્ઞમઞ્ઞપચ્ચયા હોન્તિ, નિસ્સયપચ્ચયા હોન્તિ, વિપ્પયુત્તપચ્ચયા હોન્તિ. પટિસન્ધિક્ખણે નામઞ્ચ રૂપઞ્ચ સહજાતપચ્ચયા હોન્તિ, અઞ્ઞમઞ્ઞપચ્ચયા હોન્તિ, નિસ્સયપચ્ચયા હોન્તિ, વિપ્પયુત્તપચ્ચયા હોન્તિ. પટિસન્ધિક્ખણે ઇમે ચુદ્દસ ધમ્મા સહજાતપચ્ચયા હોન્તિ, અઞ્ઞમઞ્ઞપચ્ચયા હોન્તિ, નિસ્સયપચ્ચયા હોન્તિ, વિપ્પયુત્તપચ્ચયા હોન્તિ. પટિસન્ધિક્ખણે ચત્તારો ખન્ધા અરૂપિનો સહજાતપચ્ચયા હોન્તિ, અઞ્ઞમઞ્ઞપચ્ચયા હોન્તિ, નિસ્સયપચ્ચયા હોન્તિ, સમ્પયુત્તપચ્ચયા હોન્તિ. પટિસન્ધિક્ખણે પઞ્ચિન્દ્રિયાનિ સહજાતપચ્ચયા હોન્તિ, અઞ્ઞમઞ્ઞપચ્ચયા હોન્તિ, નિસ્સયપચ્ચયા હોન્તિ, સમ્પયુત્તપચ્ચયા હોન્તિ. પટિસન્ધિક્ખણે તયો હેતૂ સહજાતપચ્ચયા હોન્તિ, અઞ્ઞમઞ્ઞપચ્ચયા હોન્તિ, નિસ્સયપચ્ચયા હોન્તિ, સમ્પયુત્તપચ્ચયા હોન્તિ. પટિસન્ધિક્ખણે નામઞ્ચ વિઞ્ઞાણઞ્ચ સહજાતપચ્ચયા હોન્તિ, અઞ્ઞમઞ્ઞપચ્ચયા હોન્તિ, નિસ્સયપચ્ચયા હોન્તિ, સમ્પયુત્તપચ્ચયા હોન્તિ. પટિસન્ધિક્ખણે ઇમે ચુદ્દસ ધમ્મા સહજાતપચ્ચયા હોન્તિ, અઞ્ઞમઞ્ઞપચ્ચયા હોન્તિ, નિસ્સયપચ્ચયા હોન્તિ, સમ્પયુત્તપચ્ચયા હોન્તિ. પટિસન્ધિક્ખણે ઇમે અટ્ઠવીસતિ ધમ્મા સહજાતપચ્ચયા હોન્તિ, અઞ્ઞમઞ્ઞપચ્ચયા હોન્તિ, નિસ્સયપચ્ચયા હોન્તિ, વિપ્પયુત્તપચ્ચયા હોન્તિ. ખત્તિયમહાસાલાનં બ્રાહ્મણમહાસાલાનં ગહપતિમહાસાલાનં કામાવચરાનં દેવાનં ઞાણસમ્પયુત્તે ઇમેસં અટ્ઠન્નં હેતૂનં પચ્ચયા ઉપપત્તિ હોતિ.
Paṭisandhikkhaṇe pañcakkhandhā sahajātapaccayā honti, aññamaññapaccayā honti, nissayapaccayā honti, vippayuttapaccayā honti. Paṭisandhikkhaṇe cattāro mahābhūtā sahajātapaccayā honti, aññamaññapaccayā honti, nissayapaccayā honti. Paṭisandhikkhaṇe tayo jīvitasaṅkhārā sahajātapaccayā honti, aññamaññapaccayā honti, nissayapaccayā honti, vippayuttapaccayā honti. Paṭisandhikkhaṇe nāmañca rūpañca sahajātapaccayā honti, aññamaññapaccayā honti, nissayapaccayā honti, vippayuttapaccayā honti. Paṭisandhikkhaṇe ime cuddasa dhammā sahajātapaccayā honti, aññamaññapaccayā honti, nissayapaccayā honti, vippayuttapaccayā honti. Paṭisandhikkhaṇe cattāro khandhā arūpino sahajātapaccayā honti, aññamaññapaccayā honti, nissayapaccayā honti, sampayuttapaccayā honti. Paṭisandhikkhaṇe pañcindriyāni sahajātapaccayā honti, aññamaññapaccayā honti, nissayapaccayā honti, sampayuttapaccayā honti. Paṭisandhikkhaṇe tayo hetū sahajātapaccayā honti, aññamaññapaccayā honti, nissayapaccayā honti, sampayuttapaccayā honti. Paṭisandhikkhaṇe nāmañca viññāṇañca sahajātapaccayā honti, aññamaññapaccayā honti, nissayapaccayā honti, sampayuttapaccayā honti. Paṭisandhikkhaṇe ime cuddasa dhammā sahajātapaccayā honti, aññamaññapaccayā honti, nissayapaccayā honti, sampayuttapaccayā honti. Paṭisandhikkhaṇe ime aṭṭhavīsati dhammā sahajātapaccayā honti, aññamaññapaccayā honti, nissayapaccayā honti, vippayuttapaccayā honti. Khattiyamahāsālānaṃ brāhmaṇamahāsālānaṃ gahapatimahāsālānaṃ kāmāvacarānaṃ devānaṃ ñāṇasampayutte imesaṃ aṭṭhannaṃ hetūnaṃ paccayā upapatti hoti.
રૂપાવચરાનં દેવાનં કતમેસં અટ્ઠન્નં હેતૂનં પચ્ચયા ઉપપત્તિ હોતિ? કુસલકમ્મસ્સ જવનક્ખણે તયો હેતૂ કુસલા…પે॰… રૂપાવચરાનં દેવાનં ઇમેસં અટ્ઠન્નં હેતૂનં પચ્ચયા ઉપપત્તિ હોતિ.
Rūpāvacarānaṃ devānaṃ katamesaṃ aṭṭhannaṃ hetūnaṃ paccayā upapatti hoti? Kusalakammassa javanakkhaṇe tayo hetū kusalā…pe… rūpāvacarānaṃ devānaṃ imesaṃ aṭṭhannaṃ hetūnaṃ paccayā upapatti hoti.
અરૂપાવચરાનં દેવાનં કતમેસં અટ્ઠન્નં હેતૂનં પચ્ચયા ઉપપત્તિ હોતિ? કુસલકમ્મસ્સ જવનક્ખણે તયો હેતૂ કુસલા; તસ્મિં ખણે જાતચેતનાય સહજાતપચ્ચયા હોન્તિ. તેન વુચ્ચતિ – ‘‘કુસલમૂલપચ્ચયાપિ સઙ્ખારા’’. નિકન્તિક્ખણે દ્વે હેતૂ અકુસલા; તસ્મિં ખણે જાતચેતનાય સહજાતપચ્ચયા હોન્તિ. તેન વુચ્ચતિ – ‘‘અકુસલમૂલપચ્ચયાપિ સઙ્ખારા’’. પટિસન્ધિક્ખણે તયો હેતૂ અબ્યાકતા; તસ્મિં ખણે જાતચેતનાય સહજાતપચ્ચયા હોન્તિ. તેન વુચ્ચતિ – ‘‘નામપચ્ચયાપિ વિઞ્ઞાણં વિઞ્ઞાણપચ્ચયાપિ નામં’’.
Arūpāvacarānaṃ devānaṃ katamesaṃ aṭṭhannaṃ hetūnaṃ paccayā upapatti hoti? Kusalakammassa javanakkhaṇe tayo hetū kusalā; tasmiṃ khaṇe jātacetanāya sahajātapaccayā honti. Tena vuccati – ‘‘kusalamūlapaccayāpi saṅkhārā’’. Nikantikkhaṇe dve hetū akusalā; tasmiṃ khaṇe jātacetanāya sahajātapaccayā honti. Tena vuccati – ‘‘akusalamūlapaccayāpi saṅkhārā’’. Paṭisandhikkhaṇe tayo hetū abyākatā; tasmiṃ khaṇe jātacetanāya sahajātapaccayā honti. Tena vuccati – ‘‘nāmapaccayāpi viññāṇaṃ viññāṇapaccayāpi nāmaṃ’’.
પટિસન્ધિક્ખણે ચત્તારો ખન્ધા અરૂપિનો સહજાતપચ્ચયા હોન્તિ, અઞ્ઞમઞ્ઞપચ્ચયા હોન્તિ, નિસ્સયપચ્ચયા હોન્તિ, સમ્પયુત્તપચ્ચયા હોન્તિ. પટિસન્ધિક્ખણે પઞ્ચિન્દ્રિયાનિ સહજાતપચ્ચયા હોન્તિ, અઞ્ઞમઞ્ઞપચ્ચયા હોન્તિ, નિસ્સયપચ્ચયા હોન્તિ, સમ્પયુત્તપચ્ચયા હોન્તિ. પટિસન્ધિક્ખણે તયો હેતૂ સહજાતપચ્ચયા હોન્તિ, અઞ્ઞમઞ્ઞપચ્ચયા હોન્તિ, નિસ્સયપચ્ચયા હોન્તિ, સમ્પયુત્તપચ્ચયા હોન્તિ. પટિસન્ધિક્ખણે નામઞ્ચ વિઞ્ઞાણઞ્ચ સહજાતપચ્ચયા હોન્તિ, અઞ્ઞમઞ્ઞપચ્ચયા હોન્તિ, નિસ્સયપચ્ચયા હોન્તિ, સમ્પયુત્તપચ્ચયા હોન્તિ. પટિસન્ધિક્ખણે ઇમે ચુદ્દસ ધમ્મા સહજાતપચ્ચયા હોન્તિ, અઞ્ઞમઞ્ઞપચ્ચયા હોન્તિ, નિસ્સયપચ્ચયા હોન્તિ, સમ્પયુત્તપચ્ચયા હોન્તિ. અરૂપાવચરાનં દેવાનં ઇમેસં અટ્ઠન્નં હેતૂનં પચ્ચયા ઉપપત્તિ હોતિ.
Paṭisandhikkhaṇe cattāro khandhā arūpino sahajātapaccayā honti, aññamaññapaccayā honti, nissayapaccayā honti, sampayuttapaccayā honti. Paṭisandhikkhaṇe pañcindriyāni sahajātapaccayā honti, aññamaññapaccayā honti, nissayapaccayā honti, sampayuttapaccayā honti. Paṭisandhikkhaṇe tayo hetū sahajātapaccayā honti, aññamaññapaccayā honti, nissayapaccayā honti, sampayuttapaccayā honti. Paṭisandhikkhaṇe nāmañca viññāṇañca sahajātapaccayā honti, aññamaññapaccayā honti, nissayapaccayā honti, sampayuttapaccayā honti. Paṭisandhikkhaṇe ime cuddasa dhammā sahajātapaccayā honti, aññamaññapaccayā honti, nissayapaccayā honti, sampayuttapaccayā honti. Arūpāvacarānaṃ devānaṃ imesaṃ aṭṭhannaṃ hetūnaṃ paccayā upapatti hoti.
૨૩૩. ગતિસમ્પત્તિયા ઞાણવિપ્પયુત્તે કતિનં હેતૂનં પચ્ચયા ઉપપત્તિ હોતિ? ખત્તિયમહાસાલાનં બ્રાહ્મણમહાસાલાનં ગહપતિમહાસાલાનં કામાવચરાનં દેવાનં ઞાણવિપ્પયુત્તે કતિનં હેતૂનં પચ્ચયા ઉપપત્તિ હોતિ?
233. Gatisampattiyā ñāṇavippayutte katinaṃ hetūnaṃ paccayā upapatti hoti? Khattiyamahāsālānaṃ brāhmaṇamahāsālānaṃ gahapatimahāsālānaṃ kāmāvacarānaṃ devānaṃ ñāṇavippayutte katinaṃ hetūnaṃ paccayā upapatti hoti?
ગતિસમ્પત્તિયા ઞાણવિપ્પયુત્તે છન્નં હેતૂનં પચ્ચયા ઉપપત્તિ હોતિ. ખત્તિયમહાસાલાનં બ્રાહ્મણમહાસાલાનં ગહપતિમહાસાલાનં કામાવચરાનં દેવાનં ઞાણવિપ્પયુત્તે છન્નં હેતૂનં પચ્ચયા ઉપપત્તિ હોતિ .
Gatisampattiyā ñāṇavippayutte channaṃ hetūnaṃ paccayā upapatti hoti. Khattiyamahāsālānaṃ brāhmaṇamahāsālānaṃ gahapatimahāsālānaṃ kāmāvacarānaṃ devānaṃ ñāṇavippayutte channaṃ hetūnaṃ paccayā upapatti hoti .
ગતિસમ્પત્તિયા ઞાણવિપ્પયુત્તે કતમેસં છન્નં હેતૂનં પચ્ચયા ઉપપત્તિ હોતિ? કુસલકમ્મસ્સ જવનક્ખણે દ્વે હેતૂ કુસલા; તસ્મિં ખણે જાતચેતનાય સહજાતપચ્ચયા હોન્તિ. તેન વુચ્ચતિ – કુસલમૂલપચ્ચયાપિ સઙ્ખારા. નિકન્તિક્ખણે દ્વે હેતૂ અકુસલા; તસ્મિં ખણે જાતચેતનાય સહજાતપચ્ચયા હોન્તિ. તેન વુચ્ચતિ – અકુસલમૂલપચ્ચયાપિ સઙ્ખારા. પટિસન્ધિક્ખણે દ્વે હેતૂ અબ્યાકતા; તસ્મિં ખણે જાતચેતનાય સહજાતપચ્ચયા હોન્તિ. તેન વુચ્ચતિ – ‘‘નામરૂપપચ્ચયાપિ વિઞ્ઞાણં, વિઞ્ઞાણપચ્ચયાપિ નામરૂપં’’.
Gatisampattiyā ñāṇavippayutte katamesaṃ channaṃ hetūnaṃ paccayā upapatti hoti? Kusalakammassa javanakkhaṇe dve hetū kusalā; tasmiṃ khaṇe jātacetanāya sahajātapaccayā honti. Tena vuccati – kusalamūlapaccayāpi saṅkhārā. Nikantikkhaṇe dve hetū akusalā; tasmiṃ khaṇe jātacetanāya sahajātapaccayā honti. Tena vuccati – akusalamūlapaccayāpi saṅkhārā. Paṭisandhikkhaṇe dve hetū abyākatā; tasmiṃ khaṇe jātacetanāya sahajātapaccayā honti. Tena vuccati – ‘‘nāmarūpapaccayāpi viññāṇaṃ, viññāṇapaccayāpi nāmarūpaṃ’’.
પટિસન્ધિક્ખણે પઞ્ચક્ખન્ધા સહજાતપચ્ચયા હોન્તિ, અઞ્ઞમઞ્ઞપચ્ચયા હોન્તિ, નિસ્સયપચ્ચયા હોન્તિ, વિપ્પયુત્તપચ્ચયા હોન્તિ. પટિસન્ધિક્ખણે ચત્તારો મહાભૂતા સહજાતપચ્ચયા હોન્તિ, અઞ્ઞમઞ્ઞપચ્ચયા હોન્તિ, નિસ્સયપચ્ચયા હોન્તિ. પટિસન્ધિક્ખણે તયો જીવિતસઙ્ખારા સહજાતપચ્ચયા હોન્તિ, અઞ્ઞમઞ્ઞપચ્ચયા હોન્તિ, નિસ્સયપચ્ચયા હોન્તિ, વિપ્પયુત્તપચ્ચયા હોન્તિ. પટિસન્ધિક્ખણે નામઞ્ચ રૂપઞ્ચ સહજાતપચ્ચયા હોન્તિ, અઞ્ઞમઞ્ઞપચ્ચયા હોન્તિ, નિસ્સયપચ્ચયા હોન્તિ, વિપ્પયુત્તપચ્ચયા હોન્તિ. પટિસન્ધિક્ખણે ઇમે ચુદ્દસ ધમ્મા સહજાતપચ્ચયા હોન્તિ, અઞ્ઞમઞ્ઞપચ્ચયા હોન્તિ, નિસ્સયપચ્ચયા હોન્તિ, વિપ્પયુત્તપચ્ચયા હોન્તિ. પટિસન્ધિક્ખણે ચત્તારો ખન્ધા અરૂપિનો સહજાતપચ્ચયા હોન્તિ, અઞ્ઞમઞ્ઞપચ્ચયા હોન્તિ, નિસ્સયપચ્ચયા હોન્તિ, સમ્પયુત્તપચ્ચયા હોન્તિ. પટિસન્ધિક્ખણે ચત્તારિ ઇન્દ્રિયાનિ સહજાતપચ્ચયા હોન્તિ, અઞ્ઞમઞ્ઞપચ્ચયા હોન્તિ, નિસ્સયપચ્ચયા હોન્તિ, સમ્પયુત્તપચ્ચયા હોન્તિ. પટિસન્ધિક્ખણે દ્વે હેતૂ સહજાતપચ્ચયા હોન્તિ, અઞ્ઞમઞ્ઞપચ્ચયા હોન્તિ, નિસ્સયપચ્ચયા હોન્તિ, સમ્પયુત્તપચ્ચયા હોન્તિ. પટિસન્ધિક્ખણે નામઞ્ચ વિઞ્ઞાણઞ્ચ સહજાતપચ્ચયા હોન્તિ, અઞ્ઞમઞ્ઞપચ્ચયા હોન્તિ, નિસ્સયપચ્ચયા હોન્તિ, સમ્પયુત્તપચ્ચયા હોન્તિ. પટિસન્ધિક્ખણે ઇમે દ્વાદસ ધમ્મા સહજાતપચ્ચયા હોન્તિ, અઞ્ઞમઞ્ઞપચ્ચયા હોન્તિ, નિસ્સયપચ્ચયા હોન્તિ, સમ્પયુત્તપચ્ચયા હોન્તિ . પટિસન્ધિક્ખણે ઇમે છબ્બીસતિ ધમ્મા સહજાતપચ્ચયા હોન્તિ, અઞ્ઞમઞ્ઞપચ્ચયા હોન્તિ, નિસ્સયપચ્ચયા હોન્તિ, વિપ્પયુત્તપચ્ચયા હોન્તિ. ગતિસમ્પત્તિયા ઞાણવિપ્પયુત્તે ઇમેસં છન્નં હેતૂનં પચ્ચયા ઉપપત્તિ હોતિ.
Paṭisandhikkhaṇe pañcakkhandhā sahajātapaccayā honti, aññamaññapaccayā honti, nissayapaccayā honti, vippayuttapaccayā honti. Paṭisandhikkhaṇe cattāro mahābhūtā sahajātapaccayā honti, aññamaññapaccayā honti, nissayapaccayā honti. Paṭisandhikkhaṇe tayo jīvitasaṅkhārā sahajātapaccayā honti, aññamaññapaccayā honti, nissayapaccayā honti, vippayuttapaccayā honti. Paṭisandhikkhaṇe nāmañca rūpañca sahajātapaccayā honti, aññamaññapaccayā honti, nissayapaccayā honti, vippayuttapaccayā honti. Paṭisandhikkhaṇe ime cuddasa dhammā sahajātapaccayā honti, aññamaññapaccayā honti, nissayapaccayā honti, vippayuttapaccayā honti. Paṭisandhikkhaṇe cattāro khandhā arūpino sahajātapaccayā honti, aññamaññapaccayā honti, nissayapaccayā honti, sampayuttapaccayā honti. Paṭisandhikkhaṇe cattāri indriyāni sahajātapaccayā honti, aññamaññapaccayā honti, nissayapaccayā honti, sampayuttapaccayā honti. Paṭisandhikkhaṇe dve hetū sahajātapaccayā honti, aññamaññapaccayā honti, nissayapaccayā honti, sampayuttapaccayā honti. Paṭisandhikkhaṇe nāmañca viññāṇañca sahajātapaccayā honti, aññamaññapaccayā honti, nissayapaccayā honti, sampayuttapaccayā honti. Paṭisandhikkhaṇe ime dvādasa dhammā sahajātapaccayā honti, aññamaññapaccayā honti, nissayapaccayā honti, sampayuttapaccayā honti . Paṭisandhikkhaṇe ime chabbīsati dhammā sahajātapaccayā honti, aññamaññapaccayā honti, nissayapaccayā honti, vippayuttapaccayā honti. Gatisampattiyā ñāṇavippayutte imesaṃ channaṃ hetūnaṃ paccayā upapatti hoti.
ખત્તિયમહાસાલાનં બ્રાહ્મણમહાસાલાનં ગહપતિમહાસાલાનં કામાવચરાનં દેવાનં ઞાણવિપ્પયુત્તે કતમેસં છન્નં હેતૂનં પચ્ચયા ઉપપત્તિ હોતિ? કુસલકમ્મસ્સ જવનક્ખણે દ્વે હેતૂ કુસલા; તસ્મિં ખણે જાતચેતનાય સહજાતપચ્ચયા હોન્તિ. તેન વુચ્ચતિ – ‘‘કુસલમૂલપચ્ચયાપિ સઙ્ખારા…પે॰… ખત્તિયમહાસાલાનં બ્રાહ્મણમહાસાલાનં ગહપતિમહાસાલાનં કામાવચરાનં દેવાનં ઞાણવિપ્પયુત્તે ઇમેસં છન્નં હેતૂનં પચ્ચયા ઉપપત્તિ હોતી’’તિ.
Khattiyamahāsālānaṃ brāhmaṇamahāsālānaṃ gahapatimahāsālānaṃ kāmāvacarānaṃ devānaṃ ñāṇavippayutte katamesaṃ channaṃ hetūnaṃ paccayā upapatti hoti? Kusalakammassa javanakkhaṇe dve hetū kusalā; tasmiṃ khaṇe jātacetanāya sahajātapaccayā honti. Tena vuccati – ‘‘kusalamūlapaccayāpi saṅkhārā…pe… khattiyamahāsālānaṃ brāhmaṇamahāsālānaṃ gahapatimahāsālānaṃ kāmāvacarānaṃ devānaṃ ñāṇavippayutte imesaṃ channaṃ hetūnaṃ paccayā upapatti hotī’’ti.
ગતિકથા નિટ્ઠિતા.
Gatikathā niṭṭhitā.
Related texts:
અટ્ઠકથા • Aṭṭhakathā / સુત્તપિટક (અટ્ઠકથા) • Suttapiṭaka (aṭṭhakathā) / ખુદ્દકનિકાય (અટ્ઠકથા) • Khuddakanikāya (aṭṭhakathā) / પટિસમ્ભિદામગ્ગ-અટ્ઠકથા • Paṭisambhidāmagga-aṭṭhakathā / ગતિકથાવણ્ણના • Gatikathāvaṇṇanā
