4. г̇аяаасийсасуд̇д̇ам̣

4. Gayāsīsasuttaṃ

64. згам̣ самаяам̣ бхаг̇аваа г̇аяааяам̣ вихарад̇и г̇аяаасийсз. д̇ад̇ра ко бхаг̇аваа бхигкуу ааманд̇зси…бз… ‘‘буб̣б̣аахам̣, бхигкавз, самб̣од̇хаа анабхисамб̣уд̣̇д̇хо б̣од̇хисад̇д̇ова самаано обхаасан̃н̃зва ко сан̃ж̇аанаами, но жа руубаани бассаами’’.

64. Ekaṃ samayaṃ bhagavā gayāyaṃ viharati gayāsīse. Tatra kho bhagavā bhikkhū āmantesi…pe… ‘‘pubbāhaṃ, bhikkhave, sambodhā anabhisambuddho bodhisattova samāno obhāsaññeva kho sañjānāmi, no ca rūpāni passāmi’’.

‘‘д̇асса маяхам̣, бхигкавз, зд̇ад̣̇ахоси – ‘сажз ко ахам̣ обхаасан̃жзва сан̃ж̇аанзяяам̣ руубаани жа бассзяяам̣; звам̣ мз ид̣̇ам̣ н̃аан̣ад̣̇ассанам̣ барисуд̣̇д̇хад̇арам̣ ассаа’’’д̇и.

‘‘Tassa mayhaṃ, bhikkhave, etadahosi – ‘sace kho ahaṃ obhāsañceva sañjāneyyaṃ rūpāni ca passeyyaṃ; evaṃ me idaṃ ñāṇadassanaṃ parisuddhataraṃ assā’’’ti.

‘‘со ко ахам̣, бхигкавз, абарзна самаязна аббамад̇д̇о аад̇аабий бахид̇ад̇д̇о вихаранд̇о обхаасан̃жзва сан̃ж̇аанаами, руубаани жа бассаами; но жа ко д̇аахи д̣̇звад̇аахи сад̣̇д̇хим̣ санд̇идтаами саллабаами саагажчам̣ самаабаж̇ж̇аами.

‘‘So kho ahaṃ, bhikkhave, aparena samayena appamatto ātāpī pahitatto viharanto obhāsañceva sañjānāmi, rūpāni ca passāmi; no ca kho tāhi devatāhi saddhiṃ santiṭṭhāmi sallapāmi sākacchaṃ samāpajjāmi.

‘‘д̇асса маяхам̣, бхигкавз, зд̇ад̣̇ахоси – ‘сажз ко ахам̣ обхаасан̃жзва сан̃ж̇аанзяяам̣, руубаани жа бассзяяам̣, д̇аахи жа д̣̇звад̇аахи сад̣̇д̇хим̣ санд̇идтзяяам̣ саллабзяяам̣ саагажчам̣ самаабаж̇ж̇зяяам̣; звам̣ мз ид̣̇ам̣ н̃аан̣ад̣̇ассанам̣ барисуд̣̇д̇хад̇арам̣ ассаа’’’д̇и.

‘‘Tassa mayhaṃ, bhikkhave, etadahosi – ‘sace kho ahaṃ obhāsañceva sañjāneyyaṃ, rūpāni ca passeyyaṃ, tāhi ca devatāhi saddhiṃ santiṭṭheyyaṃ sallapeyyaṃ sākacchaṃ samāpajjeyyaṃ; evaṃ me idaṃ ñāṇadassanaṃ parisuddhataraṃ assā’’’ti.

‘‘со ко ахам̣, бхигкавз, абарзна самаязна аббамад̇д̇о аад̇аабий бахид̇ад̇д̇о вихаранд̇о обхаасан̃жзва сан̃ж̇аанаами, руубаани жа бассаами, д̇аахи жа д̣̇звад̇аахи сад̣̇д̇хим̣ санд̇идтаами саллабаами саагажчам̣ самаабаж̇ж̇аами; но жа ко д̇аа д̣̇звад̇аа ж̇аанаами – имаа д̣̇звад̇аа амугамхаа ваа амугамхаа ваа д̣̇званигааяаад̇и.

‘‘So kho ahaṃ, bhikkhave, aparena samayena appamatto ātāpī pahitatto viharanto obhāsañceva sañjānāmi, rūpāni ca passāmi, tāhi ca devatāhi saddhiṃ santiṭṭhāmi sallapāmi sākacchaṃ samāpajjāmi; no ca kho tā devatā jānāmi – imā devatā amukamhā vā amukamhā vā devanikāyāti.

‘‘д̇асса маяхам̣, бхигкавз, зд̇ад̣̇ахоси – ‘сажз ко ахам̣ обхаасан̃жзва сан̃ж̇аанзяяам̣, руубаани жа бассзяяам̣, д̇аахи жа д̣̇звад̇аахи сад̣̇д̇хим̣ санд̇идтзяяам̣ саллабзяяам̣ саагажчам̣ самаабаж̇ж̇зяяам̣, д̇аа жа д̣̇звад̇аа ж̇аанзяяам̣ – имаа д̣̇звад̇аа амугамхаа ваа амугамхаа ваа д̣̇званигааяаа’д̇и; звам̣ мз ид̣̇ам̣ н̃аан̣ад̣̇ассанам̣ барисуд̣̇д̇хад̇арам̣ ассаа’’’д̇и.

‘‘Tassa mayhaṃ, bhikkhave, etadahosi – ‘sace kho ahaṃ obhāsañceva sañjāneyyaṃ, rūpāni ca passeyyaṃ, tāhi ca devatāhi saddhiṃ santiṭṭheyyaṃ sallapeyyaṃ sākacchaṃ samāpajjeyyaṃ, tā ca devatā jāneyyaṃ – imā devatā amukamhā vā amukamhā vā devanikāyā’ti; evaṃ me idaṃ ñāṇadassanaṃ parisuddhataraṃ assā’’’ti.

‘‘со ко ахам̣, бхигкавз, абарзна самаязна аббамад̇д̇о аад̇аабий бахид̇ад̇д̇о вихаранд̇о обхаасан̃жзва сан̃ж̇аанаами, руубаани жа бассаами, д̇аахи жа д̣̇звад̇аахи сад̣̇д̇хим̣ санд̇идтаами саллабаами саагажчам̣ самаабаж̇ж̇аами, д̇аа жа д̣̇звад̇аа ж̇аанаами – ‘имаа д̣̇звад̇аа амугамхаа ваа амугамхаа ваа д̣̇званигааяаа’д̇и; но жа ко д̇аа д̣̇звад̇аа ж̇аанаами – ‘имаа д̣̇звад̇аа имасса гаммасса вибаагзна ид̇о жуд̇аа д̇ад̇т̇а убабаннаа’д̇и…бз… д̇аа жа д̣̇звад̇аа ж̇аанаами – ‘имаа д̣̇звад̇аа имасса гаммасса вибаагзна ид̇о жуд̇аа д̇ад̇т̇а убабаннаа’д̇и; но жа ко д̇аа д̣̇звад̇аа ж̇аанаами – ‘имаа д̣̇звад̇аа имасса гаммасса вибаагзна звамаахаараа звам̣сукад̣̇угкаббадисам̣взд̣̇инияо’д̇и …бз… д̇аа жа д̣̇звад̇аа ж̇аанаами – ‘имаа д̣̇звад̇аа имасса гаммасса вибаагзна звамаахаараа звам̣сукад̣̇угкаббадисам̣взд̣̇инияо’д̇и; но жа ко д̇аа д̣̇звад̇аа ж̇аанаами – ‘имаа д̣̇звад̇аа звам̣д̣̇ийгхааяугаа звам̣жирадтид̇игаа’д̇и…бз… д̇аа жа д̣̇звад̇аа ж̇аанаами – ‘имаа д̣̇звад̇аа звам̣д̣̇ийгхааяугаа звам̣жирадтид̇игаа’д̇и; но жа ко д̇аа д̣̇звад̇аа ж̇аанаами яад̣̇и ваа мз имаахи д̣̇звад̇аахи сад̣̇д̇хим̣ саннивуд̇т̇абуб̣б̣ам̣ яад̣̇и ваа на саннивуд̇т̇абуб̣б̣анд̇и.

‘‘So kho ahaṃ, bhikkhave, aparena samayena appamatto ātāpī pahitatto viharanto obhāsañceva sañjānāmi, rūpāni ca passāmi, tāhi ca devatāhi saddhiṃ santiṭṭhāmi sallapāmi sākacchaṃ samāpajjāmi, tā ca devatā jānāmi – ‘imā devatā amukamhā vā amukamhā vā devanikāyā’ti; no ca kho tā devatā jānāmi – ‘imā devatā imassa kammassa vipākena ito cutā tattha upapannā’ti…pe… tā ca devatā jānāmi – ‘imā devatā imassa kammassa vipākena ito cutā tattha upapannā’ti; no ca kho tā devatā jānāmi – ‘imā devatā imassa kammassa vipākena evamāhārā evaṃsukhadukkhappaṭisaṃvediniyo’ti …pe… tā ca devatā jānāmi – ‘imā devatā imassa kammassa vipākena evamāhārā evaṃsukhadukkhappaṭisaṃvediniyo’ti; no ca kho tā devatā jānāmi – ‘imā devatā evaṃdīghāyukā evaṃciraṭṭhitikā’ti…pe… tā ca devatā jānāmi – ‘imā devatā evaṃdīghāyukā evaṃciraṭṭhitikā’ti; no ca kho tā devatā jānāmi yadi vā me imāhi devatāhi saddhiṃ sannivutthapubbaṃ yadi vā na sannivutthapubbanti.

‘‘д̇асса маяхам̣, бхигкавз, зд̇ад̣̇ахоси – ‘сажз ко ахам̣ обхаасан̃жзва сан̃ж̇аанзяяам̣, руубаани жа бассзяяам̣, д̇аахи жа д̣̇звад̇аахи сад̣̇д̇хим̣ санд̇идтзяяам̣ саллабзяяам̣ саагажчам̣ самаабаж̇ж̇зяяам̣ , д̇аа жа д̣̇звад̇аа ж̇аанзяяам̣ – ‘имаа д̣̇звад̇аа амугамхаа ваа амугамхаа ваа д̣̇званигааяаа’д̇и, д̇аа жа д̣̇звад̇аа ж̇аанзяяам̣ – ‘имаа д̣̇звад̇аа имасса гаммасса вибаагзна ид̇о жуд̇аа д̇ад̇т̇а убабаннаа’д̇и, д̇аа жа д̣̇звад̇аа ж̇аанзяяам̣ – ‘имаа д̣̇звад̇аа звамаахаараа звам̣сукад̣̇угкаббадисам̣взд̣̇инияо’д̇и, д̇аа жа д̣̇звад̇аа ж̇аанзяяам̣ – ‘имаа д̣̇звад̇аа звам̣д̣̇ийгхааяугаа звам̣жирадтид̇игаа’д̇и, д̇аа жа д̣̇звад̇аа ж̇аанзяяам̣ яад̣̇и ваа мз имаахи д̣̇звад̇аахи сад̣̇д̇хим̣ саннивуд̇т̇абуб̣б̣ам̣ яад̣̇и ваа на саннивуд̇т̇абуб̣б̣анд̇и; звам̣ мз ид̣̇ам̣ н̃аан̣ад̣̇ассанам̣ барисуд̣̇д̇хад̇арам̣ ассаа’’’д̇и.

‘‘Tassa mayhaṃ, bhikkhave, etadahosi – ‘sace kho ahaṃ obhāsañceva sañjāneyyaṃ, rūpāni ca passeyyaṃ, tāhi ca devatāhi saddhiṃ santiṭṭheyyaṃ sallapeyyaṃ sākacchaṃ samāpajjeyyaṃ , tā ca devatā jāneyyaṃ – ‘imā devatā amukamhā vā amukamhā vā devanikāyā’ti, tā ca devatā jāneyyaṃ – ‘imā devatā imassa kammassa vipākena ito cutā tattha upapannā’ti, tā ca devatā jāneyyaṃ – ‘imā devatā evamāhārā evaṃsukhadukkhappaṭisaṃvediniyo’ti, tā ca devatā jāneyyaṃ – ‘imā devatā evaṃdīghāyukā evaṃciraṭṭhitikā’ti, tā ca devatā jāneyyaṃ yadi vā me imāhi devatāhi saddhiṃ sannivutthapubbaṃ yadi vā na sannivutthapubbanti; evaṃ me idaṃ ñāṇadassanaṃ parisuddhataraṃ assā’’’ti.

‘‘со ко ахам̣, бхигкавз, абарзна самаязна аббамад̇д̇о аад̇аабий бахид̇ад̇д̇о вихаранд̇о обхаасан̃жзва сан̃ж̇аанаами, руубаани жа бассаами, д̇аахи жа д̣̇звад̇аахи сад̣̇д̇хим̣ санд̇идтаами саллабаами саагажчам̣ самаабаж̇ж̇аами, д̇аа жа д̣̇звад̇аа ж̇аанаами – ‘имаа д̣̇звад̇аа амугамхаа ваа амугамхаа ваа д̣̇званигааяаа’д̇и, д̇аа жа д̣̇звад̇аа ж̇аанаами – ‘имаа д̣̇звад̇аа имасса гаммасса вибаагзна ид̇о жуд̇аа д̇ад̇т̇а убабаннаа’д̇и, д̇аа жа д̣̇звад̇аа ж̇аанаами – ‘имаа д̣̇звад̇аа звамаахаараа звам̣сукад̣̇угкаббадисам̣взд̣̇инияо’д̇и , д̇аа жа д̣̇звад̇аа ж̇аанаами – ‘имаа д̣̇звад̇аа звам̣д̣̇ийгхааяугаа звам̣жирадтид̇игаа’д̇и, д̇аа жа д̣̇звад̇аа ж̇аанаами яад̣̇и ваа мз д̣̇звад̇аахи сад̣̇д̇хим̣ саннивуд̇т̇абуб̣б̣ам̣ яад̣̇и ваа на саннивуд̇т̇абуб̣б̣анд̇и.

‘‘So kho ahaṃ, bhikkhave, aparena samayena appamatto ātāpī pahitatto viharanto obhāsañceva sañjānāmi, rūpāni ca passāmi, tāhi ca devatāhi saddhiṃ santiṭṭhāmi sallapāmi sākacchaṃ samāpajjāmi, tā ca devatā jānāmi – ‘imā devatā amukamhā vā amukamhā vā devanikāyā’ti, tā ca devatā jānāmi – ‘imā devatā imassa kammassa vipākena ito cutā tattha upapannā’ti, tā ca devatā jānāmi – ‘imā devatā evamāhārā evaṃsukhadukkhappaṭisaṃvediniyo’ti , tā ca devatā jānāmi – ‘imā devatā evaṃdīghāyukā evaṃciraṭṭhitikā’ti, tā ca devatā jānāmi yadi vā me devatāhi saddhiṃ sannivutthapubbaṃ yadi vā na sannivutthapubbanti.

‘‘яаавагийван̃жа мз, бхигкавз, звам̣ адтабариваддам̣ ад̇хид̣̇зван̃аан̣ад̣̇ассанам̣ на сувисуд̣̇д̇хам̣ ахоси, нзва д̇ааваахам̣, бхигкавз, ‘сад̣̇звагз логз самаарагз саб̣рахмагз сассаман̣аб̣раахман̣ияаа баж̇ааяа сад̣̇звамануссааяа ануд̇д̇арам̣ саммаасамб̣од̇хим̣ абхисамб̣уд̣̇д̇хо’д̇и ¹ бажжан̃н̃аасим̣. яад̇о жа ко мз , бхигкавз, звам̣ адтабариваддам̣ ад̇хид̣̇зван̃аан̣ад̣̇ассанам̣ сувисуд̣̇д̇хам̣ ахоси, ат̇аахам̣, бхигкавз, ‘сад̣̇звагз логз самаарагз саб̣рахмагз сассаман̣аб̣раахман̣ияаа баж̇ааяа сад̣̇звамануссааяа ануд̇д̇арам̣ саммаасамб̣од̇хим̣ абхисамб̣уд̣̇д̇хо’д̇и бажжан̃н̃аасим̣; н̃аан̣ан̃жа бана мз д̣̇ассанам̣ уд̣̇абаад̣̇и; агуббаа мз жзд̇овимуд̇д̇и ²; аяаманд̇имаа ж̇аад̇и над̇т̇и д̣̇аани бунаб̣бхаво’’д̇и. жад̇уд̇т̇ам̣.

‘‘Yāvakīvañca me, bhikkhave, evaṃ aṭṭhaparivaṭṭaṃ adhidevañāṇadassanaṃ na suvisuddhaṃ ahosi, neva tāvāhaṃ, bhikkhave, ‘sadevake loke samārake sabrahmake sassamaṇabrāhmaṇiyā pajāya sadevamanussāya anuttaraṃ sammāsambodhiṃ abhisambuddho’ti ³ paccaññāsiṃ. Yato ca kho me , bhikkhave, evaṃ aṭṭhaparivaṭṭaṃ adhidevañāṇadassanaṃ suvisuddhaṃ ahosi, athāhaṃ, bhikkhave, ‘sadevake loke samārake sabrahmake sassamaṇabrāhmaṇiyā pajāya sadevamanussāya anuttaraṃ sammāsambodhiṃ abhisambuddho’ti paccaññāsiṃ; ñāṇañca pana me dassanaṃ udapādi; akuppā me cetovimutti ⁴; ayamantimā jāti natthi dāni punabbhavo’’ti. Catutthaṃ.