| Library / Tipiṭaka / તિપિટક • Tipiṭaka / મિલિન્દપઞ્હપાળિ • Milindapañhapāḷi |
૪. ઘરકપોતઙ્ગપઞ્હો
4. Gharakapotaṅgapañho
૪. ‘‘ભન્તે નાગસેન, ‘ઘરકપોતસ્સ એકં અઙ્ગં ગહેતબ્બ’ન્તિ યં વદેસિ, કતમં તં એકં અઙ્ગં ગહેતબ્બ’’ન્તિ? ‘‘યથા, મહારાજ, ઘરકપોતો પરગેહે વસમાનો ન તેસં કિઞ્ચિ ભણ્ડસ્સ નિમિત્તં ગણ્હાતિ, મજ્ઝત્તો વસતિ સઞ્ઞાબહુલો, એવમેવ ખો, મહારાજ, યોગિના યોગાવચરેન પરકુલં ઉપગતેન તસ્મિં કુલે ઇત્થીનં વા પુરિસાનં વા મઞ્ચે વા પીઠે વા વત્થે વા અલઙ્કારે વા ઉપભોગે વા પરિભોગે વા ભોજનવિકતીસુ વા ન નિમિત્તં ગહેતબ્બં, મજ્ઝત્તેન ભવિતબ્બં, સમણસઞ્ઞા પચ્ચુપટ્ઠપેતબ્બા. ઇદં, મહારાજ, ઘરકપોતસ્સ એકં અઙ્ગં ગહેતબ્બં. ભાસિતમ્પેતં, મહારાજ, ભગવતા દેવાતિદેવેન ચૂળનારદજાતકે –
4. ‘‘Bhante nāgasena, ‘gharakapotassa ekaṃ aṅgaṃ gahetabba’nti yaṃ vadesi, katamaṃ taṃ ekaṃ aṅgaṃ gahetabba’’nti? ‘‘Yathā, mahārāja, gharakapoto paragehe vasamāno na tesaṃ kiñci bhaṇḍassa nimittaṃ gaṇhāti, majjhatto vasati saññābahulo, evameva kho, mahārāja, yoginā yogāvacarena parakulaṃ upagatena tasmiṃ kule itthīnaṃ vā purisānaṃ vā mañce vā pīṭhe vā vatthe vā alaṅkāre vā upabhoge vā paribhoge vā bhojanavikatīsu vā na nimittaṃ gahetabbaṃ, majjhattena bhavitabbaṃ, samaṇasaññā paccupaṭṭhapetabbā. Idaṃ, mahārāja, gharakapotassa ekaṃ aṅgaṃ gahetabbaṃ. Bhāsitampetaṃ, mahārāja, bhagavatā devātidevena cūḷanāradajātake –
મિતં ખાદે મિતં ભુઞ્જે, ન ચ રૂપે મનં કરે’’’તિ.
Mitaṃ khāde mitaṃ bhuñje, na ca rūpe manaṃ kare’’’ti.
ઘરકપોતઙ્ગપઞ્હો ચતુત્થો.
Gharakapotaṅgapañho catuttho.
Footnotes:
