| Library / Tipiṭaka / д̇ибидага • Tipiṭaka / абад̣̇аанабаал̣и • Apadānapāḷi |
6. гхад̇аман̣д̣ад̣̇ааяагад̇т̇зраабад̣̇аанам̣
6. Ghatamaṇḍadāyakattheraapadānaṃ
78.
78.
‘‘сужинд̇ид̇ам̣ бхаг̇аванд̇ам̣, логаж̇здтам̣ нараасабхам̣;
‘‘Sucintitaṃ bhagavantaṃ, lokajeṭṭhaṃ narāsabhaṃ;
убавидтам̣ махааран̃н̃ам̣, ваад̇ааб̣аад̇хзна бийл̣ид̇ам̣.
Upaviṭṭhaṃ mahāraññaṃ, vātābādhena pīḷitaṃ.
79.
79.
‘‘д̣̇исваа жид̇д̇ам̣ басаад̣̇зд̇ваа, гхад̇аман̣д̣амубаанаяим̣;
‘‘Disvā cittaṃ pasādetvā, ghatamaṇḍamupānayiṃ;
гад̇ад̇д̇аа аажид̇ад̇д̇аа жа, г̇ан̇г̇аа бхааг̇ийрат̇ий аяам̣.
Katattā ācitattā ca, gaṅgā bhāgīrathī ayaṃ.
80.
80.
‘‘махаасамуд̣̇д̣̇аа жад̇д̇ааро, гхад̇ам̣ самбаж̇ж̇арз мама;
‘‘Mahāsamuddā cattāro, ghataṃ sampajjare mama;
аяан̃жа бат̇авий гхораа, аббамаан̣аа асан̇кияаа.
Ayañca pathavī ghorā, appamāṇā asaṅkhiyā.
81.
81.
‘‘мама сан̇габбаман̃н̃ааяа, бхавад̇з мад̇хусаггараа;
‘‘Mama saṅkappamaññāya, bhavate madhusakkarā;
жаад̇уд̣̇д̣̇ийбаа 1 имз ругкаа, баад̣̇абаа д̇харан̣ийрухаа.
Cātuddīpā 2 ime rukkhā, pādapā dharaṇīruhā.
82.
82.
‘‘мама сан̇габбаман̃н̃ааяа, габбаругкаа бхаванд̇и д̇з;
‘‘Mama saṅkappamaññāya, kapparukkhā bhavanti te;
бан̃н̃аасагкад̇д̇ум̣ д̣̇звинд̣̇о, д̣̇звараж̇ж̇амагаараяим̣.
Paññāsakkhattuṃ devindo, devarajjamakārayiṃ.
83.
83.
‘‘згабан̃н̃аасагкад̇д̇ун̃жа, жаггавад̇д̇ий ахосахам̣;
‘‘Ekapaññāsakkhattuñca, cakkavattī ahosahaṃ;
бад̣̇зсараж̇ж̇ам̣ вибулам̣, г̇ан̣анаад̇о асан̇кияам̣.
Padesarajjaṃ vipulaṃ, gaṇanāto asaṅkhiyaṃ.
84.
84.
‘‘жад̇уннавуд̇ид̇о габбз, яам̣ д̣̇аанамад̣̇ад̣̇им̣ д̇ад̣̇аа;
‘‘Catunnavutito kappe, yaṃ dānamadadiṃ tadā;
д̣̇уг̇г̇ад̇им̣ наабхиж̇аанаами, гхад̇аман̣д̣ассид̣̇ам̣ палам̣.
Duggatiṃ nābhijānāmi, ghatamaṇḍassidaṃ phalaṃ.
85.
85.
‘‘гилзсаа жхаабид̇аа маяхам̣…бз… вихараами анаасаво.
‘‘Kilesā jhāpitā mayhaṃ…pe… viharāmi anāsavo.
86.
86.
‘‘свааг̇ад̇ам̣ вад̇а мз ааси…бз… гад̇ам̣ б̣уд̣̇д̇хасса саасанам̣.
‘‘Svāgataṃ vata me āsi…pe… kataṃ buddhassa sāsanaṃ.
87.
87.
‘‘бадисамбхид̣̇аа жад̇ассо…бз… гад̇ам̣ б̣уд̣̇д̇хасса саасанам̣’’.
‘‘Paṭisambhidā catasso…pe… kataṃ buddhassa sāsanaṃ’’.
ид̇т̇ам̣ суд̣̇ам̣ ааяасмаа гхад̇аман̣д̣ад̣̇ааяаго т̇зро имаа г̇аат̇ааяо
Itthaṃ sudaṃ āyasmā ghatamaṇḍadāyako thero imā gāthāyo
абхаасид̇т̇аад̇и.
Abhāsitthāti.
гхад̇аман̣д̣ад̣̇ааяагад̇т̇зрассаабад̣̇аанам̣ чадтам̣.
Ghatamaṇḍadāyakattherassāpadānaṃ chaṭṭhaṃ.
Footnotes:
