| Library / Tipiṭaka / तिपिटक • Tipiṭaka / जातकपाळि • Jātakapāḷi |
४५४. घटपण्डितजातकं (१६)
454. Ghaṭapaṇḍitajātakaṃ (16)
१६५.
165.
उट्ठेहि कण्ह किं सेसि, को अत्थो सुपनेन ते।
Uṭṭhehi kaṇha kiṃ sesi, ko attho supanena te;
१६६.
166.
तस्स तं वचनं सुत्वा, रोहिणेय्यस्स केसवो।
Tassa taṃ vacanaṃ sutvā, rohiṇeyyassa kesavo;
तरमानरूपो वुट्ठासि, भातुसोकेन अट्टितो॥
Taramānarūpo vuṭṭhāsi, bhātusokena aṭṭito.
१६७.
167.
किं नु उम्मत्तरूपोव, केवलं द्वारकं इमं।
Kiṃ nu ummattarūpova, kevalaṃ dvārakaṃ imaṃ;
ससो ससोति लपसि, को नु ते ससमाहरि॥
Saso sasoti lapasi, ko nu te sasamāhari.
१६८.
168.
सोवण्णमयं मणीमयं, लोहमयं अथ रूपियामयं।
Sovaṇṇamayaṃ maṇīmayaṃ, lohamayaṃ atha rūpiyāmayaṃ;
सङ्खसिलापवाळमयं, कारयिस्सामि ते ससं॥
Saṅkhasilāpavāḷamayaṃ, kārayissāmi te sasaṃ.
१६९.
169.
सन्ति अञ्ञेपि ससका, अरञ्ञे वनगोचरा।
Santi aññepi sasakā, araññe vanagocarā;
तेपि ते आनयिस्सामि, कीदिसं ससमिच्छसि॥
Tepi te ānayissāmi, kīdisaṃ sasamicchasi.
१७०.
170.
चन्दतो ससमिच्छामि, तं मे ओहर केसव॥
Candato sasamicchāmi, taṃ me ohara kesava.
१७१.
171.
सो नून मधुरं ञाति, जीवितं विजहिस्ससि।
So nūna madhuraṃ ñāti, jīvitaṃ vijahissasi;
अपत्थियं यो पत्थयसि, चन्दतो ससमिच्छसि॥
Apatthiyaṃ yo patthayasi, candato sasamicchasi.
१७२.
172.
एवं चे कण्ह जानासि, यदञ्ञमनुसाससि।
Evaṃ ce kaṇha jānāsi, yadaññamanusāsasi;
कस्मा पुरे मतं पुत्तं, अज्जापि मनुसोचसि॥
Kasmā pure mataṃ puttaṃ, ajjāpi manusocasi.
१७३.
173.
जातो मे मा मरी पुत्तो, कुतो लब्भा अलब्भियं॥
Jāto me mā marī putto, kuto labbhā alabbhiyaṃ.
१७४.
174.
न मन्ता मूलभेसज्जा, ओसधेहि धनेन वा।
Na mantā mūlabhesajjā, osadhehi dhanena vā;
सक्का आनयितुं कण्ह, यं पेतमनुसोचसि॥
Sakkā ānayituṃ kaṇha, yaṃ petamanusocasi.
१७५.
175.
यस्स एतादिसा अस्सु, अमच्चा पुरिसपण्डिता।
Yassa etādisā assu, amaccā purisapaṇḍitā;
यथा निज्झापये अज्ज, घटो पुरिसपण्डितो॥
Yathā nijjhāpaye ajja, ghaṭo purisapaṇḍito.
१७६.
176.
आदित्तं वत मं सन्तं, घतसित्तंव पावकं।
Ādittaṃ vata maṃ santaṃ, ghatasittaṃva pāvakaṃ;
वारिना विय ओसिञ्चं, सब्बं निब्बापये दरं॥
Vārinā viya osiñcaṃ, sabbaṃ nibbāpaye daraṃ.
१७७.
177.
अब्बही वत मे सल्लं, यमासि हदयस्सितं।
Abbahī vata me sallaṃ, yamāsi hadayassitaṃ;
यो मे सोकपरेतस्स, पुत्तसोकं अपानुदि॥
Yo me sokaparetassa, puttasokaṃ apānudi.
१७८.
178.
सोहं अब्बूळ्हसल्लोस्मि, वीतसोको अनाविलो।
Sohaṃ abbūḷhasallosmi, vītasoko anāvilo;
१७९.
179.
एवं करोन्ति सप्पञ्ञा, ये होन्ति अनुकम्पका।
Evaṃ karonti sappaññā, ye honti anukampakā;
निवत्तयन्ति सोकम्हा, घटो जेट्ठंव भातरन्ति॥
Nivattayanti sokamhā, ghaṭo jeṭṭhaṃva bhātaranti.
घटपण्डितजातकं सोळसमं।
Ghaṭapaṇḍitajātakaṃ soḷasamaṃ.
दसकनिपातं निट्ठितं।
Dasakanipātaṃ niṭṭhitaṃ.
तस्सुद्दानं –
Tassuddānaṃ –
दळ्ह कण्ह धनञ्जय सङ्खवरो, रज सत्तह कस्स च 15 तक्कलिना।
Daḷha kaṇha dhanañjaya saṅkhavaro, raja sattaha kassa ca 16 takkalinā;
धम्मं कुक्कुट कुण्डलि भोजनदा, चक्कवाक सुभूरिस सोत्थि घटोति॥
Dhammaṃ kukkuṭa kuṇḍali bhojanadā, cakkavāka subhūrisa sotthi ghaṭoti.
Footnotes:
Related texts:
अट्ठकथा • Aṭṭhakathā / सुत्तपिटक (अट्ठकथा) • Suttapiṭaka (aṭṭhakathā) / खुद्दकनिकाय (अट्ठकथा) • Khuddakanikāya (aṭṭhakathā) / जातक-अट्ठकथा • Jātaka-aṭṭhakathā / [४५४] १६. घटपण्डितजातकवण्णना • [454] 16. Ghaṭapaṇḍitajātakavaṇṇanā
