Library / Tipiṭaka / ತಿಪಿಟಕ • Tipiṭaka / ಜಾತಕಪಾಳಿ • Jātakapāḷi |
೪೫೪. ಘಟಪಣ್ಡಿತಜಾತಕಂ (೧೬)
454. Ghaṭapaṇḍitajātakaṃ (16)
೧೬೫.
165.
ಉಟ್ಠೇಹಿ ಕಣ್ಹ ಕಿಂ ಸೇಸಿ, ಕೋ ಅತ್ಥೋ ಸುಪನೇನ ತೇ।
Uṭṭhehi kaṇha kiṃ sesi, ko attho supanena te;
೧೬೬.
166.
ತಸ್ಸ ತಂ ವಚನಂ ಸುತ್ವಾ, ರೋಹಿಣೇಯ್ಯಸ್ಸ ಕೇಸವೋ।
Tassa taṃ vacanaṃ sutvā, rohiṇeyyassa kesavo;
ತರಮಾನರೂಪೋ ವುಟ್ಠಾಸಿ, ಭಾತುಸೋಕೇನ ಅಟ್ಟಿತೋ॥
Taramānarūpo vuṭṭhāsi, bhātusokena aṭṭito.
೧೬೭.
167.
ಕಿಂ ನು ಉಮ್ಮತ್ತರೂಪೋವ, ಕೇವಲಂ ದ್ವಾರಕಂ ಇಮಂ।
Kiṃ nu ummattarūpova, kevalaṃ dvārakaṃ imaṃ;
ಸಸೋ ಸಸೋತಿ ಲಪಸಿ, ಕೋ ನು ತೇ ಸಸಮಾಹರಿ॥
Saso sasoti lapasi, ko nu te sasamāhari.
೧೬೮.
168.
ಸೋವಣ್ಣಮಯಂ ಮಣೀಮಯಂ, ಲೋಹಮಯಂ ಅಥ ರೂಪಿಯಾಮಯಂ।
Sovaṇṇamayaṃ maṇīmayaṃ, lohamayaṃ atha rūpiyāmayaṃ;
ಸಙ್ಖಸಿಲಾಪವಾಳಮಯಂ, ಕಾರಯಿಸ್ಸಾಮಿ ತೇ ಸಸಂ॥
Saṅkhasilāpavāḷamayaṃ, kārayissāmi te sasaṃ.
೧೬೯.
169.
ಸನ್ತಿ ಅಞ್ಞೇಪಿ ಸಸಕಾ, ಅರಞ್ಞೇ ವನಗೋಚರಾ।
Santi aññepi sasakā, araññe vanagocarā;
ತೇಪಿ ತೇ ಆನಯಿಸ್ಸಾಮಿ, ಕೀದಿಸಂ ಸಸಮಿಚ್ಛಸಿ॥
Tepi te ānayissāmi, kīdisaṃ sasamicchasi.
೧೭೦.
170.
ಚನ್ದತೋ ಸಸಮಿಚ್ಛಾಮಿ, ತಂ ಮೇ ಓಹರ ಕೇಸವ॥
Candato sasamicchāmi, taṃ me ohara kesava.
೧೭೧.
171.
ಸೋ ನೂನ ಮಧುರಂ ಞಾತಿ, ಜೀವಿತಂ ವಿಜಹಿಸ್ಸಸಿ।
So nūna madhuraṃ ñāti, jīvitaṃ vijahissasi;
ಅಪತ್ಥಿಯಂ ಯೋ ಪತ್ಥಯಸಿ, ಚನ್ದತೋ ಸಸಮಿಚ್ಛಸಿ॥
Apatthiyaṃ yo patthayasi, candato sasamicchasi.
೧೭೨.
172.
ಏವಂ ಚೇ ಕಣ್ಹ ಜಾನಾಸಿ, ಯದಞ್ಞಮನುಸಾಸಸಿ।
Evaṃ ce kaṇha jānāsi, yadaññamanusāsasi;
ಕಸ್ಮಾ ಪುರೇ ಮತಂ ಪುತ್ತಂ, ಅಜ್ಜಾಪಿ ಮನುಸೋಚಸಿ॥
Kasmā pure mataṃ puttaṃ, ajjāpi manusocasi.
೧೭೩.
173.
ಜಾತೋ ಮೇ ಮಾ ಮರೀ ಪುತ್ತೋ, ಕುತೋ ಲಬ್ಭಾ ಅಲಬ್ಭಿಯಂ॥
Jāto me mā marī putto, kuto labbhā alabbhiyaṃ.
೧೭೪.
174.
ನ ಮನ್ತಾ ಮೂಲಭೇಸಜ್ಜಾ, ಓಸಧೇಹಿ ಧನೇನ ವಾ।
Na mantā mūlabhesajjā, osadhehi dhanena vā;
ಸಕ್ಕಾ ಆನಯಿತುಂ ಕಣ್ಹ, ಯಂ ಪೇತಮನುಸೋಚಸಿ॥
Sakkā ānayituṃ kaṇha, yaṃ petamanusocasi.
೧೭೫.
175.
ಯಸ್ಸ ಏತಾದಿಸಾ ಅಸ್ಸು, ಅಮಚ್ಚಾ ಪುರಿಸಪಣ್ಡಿತಾ।
Yassa etādisā assu, amaccā purisapaṇḍitā;
ಯಥಾ ನಿಜ್ಝಾಪಯೇ ಅಜ್ಜ, ಘಟೋ ಪುರಿಸಪಣ್ಡಿತೋ॥
Yathā nijjhāpaye ajja, ghaṭo purisapaṇḍito.
೧೭೬.
176.
ಆದಿತ್ತಂ ವತ ಮಂ ಸನ್ತಂ, ಘತಸಿತ್ತಂವ ಪಾವಕಂ।
Ādittaṃ vata maṃ santaṃ, ghatasittaṃva pāvakaṃ;
ವಾರಿನಾ ವಿಯ ಓಸಿಞ್ಚಂ, ಸಬ್ಬಂ ನಿಬ್ಬಾಪಯೇ ದರಂ॥
Vārinā viya osiñcaṃ, sabbaṃ nibbāpaye daraṃ.
೧೭೭.
177.
ಅಬ್ಬಹೀ ವತ ಮೇ ಸಲ್ಲಂ, ಯಮಾಸಿ ಹದಯಸ್ಸಿತಂ।
Abbahī vata me sallaṃ, yamāsi hadayassitaṃ;
ಯೋ ಮೇ ಸೋಕಪರೇತಸ್ಸ, ಪುತ್ತಸೋಕಂ ಅಪಾನುದಿ॥
Yo me sokaparetassa, puttasokaṃ apānudi.
೧೭೮.
178.
ಸೋಹಂ ಅಬ್ಬೂಳ್ಹಸಲ್ಲೋಸ್ಮಿ, ವೀತಸೋಕೋ ಅನಾವಿಲೋ।
Sohaṃ abbūḷhasallosmi, vītasoko anāvilo;
೧೭೯.
179.
ಏವಂ ಕರೋನ್ತಿ ಸಪ್ಪಞ್ಞಾ, ಯೇ ಹೋನ್ತಿ ಅನುಕಮ್ಪಕಾ।
Evaṃ karonti sappaññā, ye honti anukampakā;
ನಿವತ್ತಯನ್ತಿ ಸೋಕಮ್ಹಾ, ಘಟೋ ಜೇಟ್ಠಂವ ಭಾತರನ್ತಿ॥
Nivattayanti sokamhā, ghaṭo jeṭṭhaṃva bhātaranti.
ಘಟಪಣ್ಡಿತಜಾತಕಂ ಸೋಳಸಮಂ।
Ghaṭapaṇḍitajātakaṃ soḷasamaṃ.
ದಸಕನಿಪಾತಂ ನಿಟ್ಠಿತಂ।
Dasakanipātaṃ niṭṭhitaṃ.
ತಸ್ಸುದ್ದಾನಂ –
Tassuddānaṃ –
ದಳ್ಹ ಕಣ್ಹ ಧನಞ್ಜಯ ಸಙ್ಖವರೋ, ರಜ ಸತ್ತಹ ಕಸ್ಸ ಚ 15 ತಕ್ಕಲಿನಾ।
Daḷha kaṇha dhanañjaya saṅkhavaro, raja sattaha kassa ca 16 takkalinā;
ಧಮ್ಮಂ ಕುಕ್ಕುಟ ಕುಣ್ಡಲಿ ಭೋಜನದಾ, ಚಕ್ಕವಾಕ ಸುಭೂರಿಸ ಸೋತ್ಥಿ ಘಟೋತಿ॥
Dhammaṃ kukkuṭa kuṇḍali bhojanadā, cakkavāka subhūrisa sotthi ghaṭoti.
Footnotes:
Related texts:
ಅಟ್ಠಕಥಾ • Aṭṭhakathā / ಸುತ್ತಪಿಟಕ (ಅಟ್ಠಕಥಾ) • Suttapiṭaka (aṭṭhakathā) / ಖುದ್ದಕನಿಕಾಯ (ಅಟ್ಠಕಥಾ) • Khuddakanikāya (aṭṭhakathā) / ಜಾತಕ-ಅಟ್ಠಕಥಾ • Jātaka-aṭṭhakathā / [೪೫೪] ೧೬. ಘಟಪಣ್ಡಿತಜಾತಕವಣ್ಣನಾ • [454] 16. Ghaṭapaṇḍitajātakavaṇṇanā