| Library / Tipiṭaka / д̇ибидага • Tipiṭaka / сам̣яуд̇д̇анигааяа • Saṃyuttanikāya |
6. гхосид̇асуд̇д̇ам̣
6. Ghositasuttaṃ
129. згам̣ самаяам̣ ааяасмаа аананд̣̇о госамб̣ияам̣ вихарад̇и гхосид̇аараамз. ат̇а ко гхосид̇о г̇ахабад̇и язнааяасмаа аананд̣̇о д̇знубасан̇гами…бз… згаманд̇ам̣ нисинно ко гхосид̇о г̇ахабад̇и ааяасманд̇ам̣ аананд̣̇ам̣ зд̇ад̣̇авожа – ‘‘‘д̇хаад̇унаанад̇д̇ам̣, д̇хаад̇унаанад̇д̇а’нд̇и , бханд̇з аананд̣̇а, вужжад̇и. гид̇д̇аавад̇аа ну ко, бханд̇з, д̇хаад̇унаанад̇д̇ам̣ вуд̇д̇ам̣ бхаг̇авад̇аа’’д̇и? ‘‘сам̣виж̇ж̇ад̇и ко, г̇ахабад̇и, жагкуд̇хаад̇у, руубаа жа манаабаа, жагкувин̃н̃аан̣ан̃жа сукавзд̣̇анияам̣. пассам̣ бадижжа уббаж̇ж̇ад̇и сукаа взд̣̇анаа. сам̣виж̇ж̇ад̇и ко, г̇ахабад̇и, жагкуд̇хаад̇у, руубаа жа аманаабаа, жагкувин̃н̃аан̣ан̃жа д̣̇угкавзд̣̇анияам̣. пассам̣ бадижжа уббаж̇ж̇ад̇и д̣̇угкаа взд̣̇анаа. сам̣виж̇ж̇ад̇и ко, г̇ахабад̇и, жагкуд̇хаад̇у, руубаа жа манаабаа убзгкаавзд̣̇анияаа, жагкувин̃н̃аан̣ан̃жа ад̣̇угкамасукавзд̣̇анияам̣. пассам̣ бадижжа уббаж̇ж̇ад̇и ад̣̇угкамасукаа взд̣̇анаа…бз… сам̣виж̇ж̇ад̇и ко, г̇ахабад̇и, ж̇ивхаад̇хаад̇у, расаа жа манаабаа, ж̇ивхаавин̃н̃аан̣ан̃жа сукавзд̣̇анияам̣. пассам̣ бадижжа уббаж̇ж̇ад̇и сукаа взд̣̇анаа. сам̣виж̇ж̇ад̇и ко, г̇ахабад̇и, ж̇ивхаад̇хаад̇у, расаа жа аманаабаа, ж̇ивхаавин̃н̃аан̣ан̃жа д̣̇угкавзд̣̇анияам̣. пассам̣ бадижжа уббаж̇ж̇ад̇и д̣̇угкаа взд̣̇анаа. сам̣виж̇ж̇ад̇и ко, г̇ахабад̇и, ж̇ивхаад̇хаад̇у, расаа жа убзгкаавзд̣̇анияаа, ж̇ивхаавин̃н̃аан̣ан̃жа ад̣̇угкамасукавзд̣̇анияам̣. пассам̣ бадижжа уббаж̇ж̇ад̇и ад̣̇угкамасукаа взд̣̇анаа…бз… сам̣виж̇ж̇ад̇и ко, г̇ахабад̇и, манод̇хаад̇у, д̇хаммаа жа манаабаа, мановин̃н̃аан̣ан̃жа сукавзд̣̇анияам̣. пассам̣ бадижжа уббаж̇ж̇ад̇и сукаа взд̣̇анаа. сам̣виж̇ж̇ад̇и ко, г̇ахабад̇и, манод̇хаад̇у, д̇хаммаа жа аманаабаа, мановин̃н̃аан̣ан̃жа д̣̇угкавзд̣̇анияам̣. пассам̣ бадижжа уббаж̇ж̇ад̇и д̣̇угкаа взд̣̇анаа. сам̣виж̇ж̇ад̇и ко, г̇ахабад̇и, манод̇хаад̇у, д̇хаммаа жа убзгкаавзд̣̇анияаа, мановин̃н̃аан̣ан̃жа ад̣̇угкамасукавзд̣̇анияам̣. пассам̣ бадижжа уббаж̇ж̇ад̇и ад̣̇угкамасукаа взд̣̇анаа. зд̇д̇аавад̇аа ко, г̇ахабад̇и, д̇хаад̇унаанад̇д̇ам̣ вуд̇д̇ам̣ бхаг̇авад̇аа’’д̇и. чадтам̣.
129. Ekaṃ samayaṃ āyasmā ānando kosambiyaṃ viharati ghositārāme. Atha kho ghosito gahapati yenāyasmā ānando tenupasaṅkami…pe… ekamantaṃ nisinno kho ghosito gahapati āyasmantaṃ ānandaṃ etadavoca – ‘‘‘dhātunānattaṃ, dhātunānatta’nti , bhante ānanda, vuccati. Kittāvatā nu kho, bhante, dhātunānattaṃ vuttaṃ bhagavatā’’ti? ‘‘Saṃvijjati kho, gahapati, cakkhudhātu, rūpā ca manāpā, cakkhuviññāṇañca sukhavedaniyaṃ. Phassaṃ paṭicca uppajjati sukhā vedanā. Saṃvijjati kho, gahapati, cakkhudhātu, rūpā ca amanāpā, cakkhuviññāṇañca dukkhavedaniyaṃ. Phassaṃ paṭicca uppajjati dukkhā vedanā. Saṃvijjati kho, gahapati, cakkhudhātu, rūpā ca manāpā upekkhāvedaniyā, cakkhuviññāṇañca adukkhamasukhavedaniyaṃ. Phassaṃ paṭicca uppajjati adukkhamasukhā vedanā…pe… saṃvijjati kho, gahapati, jivhādhātu, rasā ca manāpā, jivhāviññāṇañca sukhavedaniyaṃ. Phassaṃ paṭicca uppajjati sukhā vedanā. Saṃvijjati kho, gahapati, jivhādhātu, rasā ca amanāpā, jivhāviññāṇañca dukkhavedaniyaṃ. Phassaṃ paṭicca uppajjati dukkhā vedanā. Saṃvijjati kho, gahapati, jivhādhātu, rasā ca upekkhāvedaniyā, jivhāviññāṇañca adukkhamasukhavedaniyaṃ. Phassaṃ paṭicca uppajjati adukkhamasukhā vedanā…pe… saṃvijjati kho, gahapati, manodhātu, dhammā ca manāpā, manoviññāṇañca sukhavedaniyaṃ. Phassaṃ paṭicca uppajjati sukhā vedanā. Saṃvijjati kho, gahapati, manodhātu, dhammā ca amanāpā, manoviññāṇañca dukkhavedaniyaṃ. Phassaṃ paṭicca uppajjati dukkhā vedanā. Saṃvijjati kho, gahapati, manodhātu, dhammā ca upekkhāvedaniyā, manoviññāṇañca adukkhamasukhavedaniyaṃ. Phassaṃ paṭicca uppajjati adukkhamasukhā vedanā. Ettāvatā kho, gahapati, dhātunānattaṃ vuttaṃ bhagavatā’’ti. Chaṭṭhaṃ.
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 6. гхосид̇асуд̇д̇аван̣н̣анаа • 6. Ghositasuttavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 6. гхосид̇асуд̇д̇аван̣н̣анаа • 6. Ghositasuttavaṇṇanā
