| Library / Tipiṭaka / д̇ибидага • Tipiṭaka / маж̇жхиманигааяа (адтагат̇аа) • Majjhimanikāya (aṭṭhakathā) |
4. гходамукасуд̇д̇аван̣н̣анаа
4. Ghoṭamukhasuttavaṇṇanā
412. звам̣ мз суд̇анд̇и гходамукасуд̇д̇ам̣. д̇ад̇т̇а кзмияамб̣аванзд̇и звам̣наамагз амб̣аванз. д̇хаммиго бариб̣б̣аж̇од̇и д̇хаммигаа баб̣б̣аж̇ж̇аа. ад̣̇ассанаад̇и д̇умхаад̣̇исаанам̣ ваа бан̣д̣ид̇аанам̣ ад̣̇ассанзна. яо ваа банзд̇т̇а д̇хаммод̇и яо ваа бана зд̇т̇а д̇хаммо сабхааво, д̇ассзва ваа ад̣̇ассанзна. иминаа ‘‘амхаагам̣ гат̇аа аббамаан̣ам̣, д̇хаммова бамаан̣а’’нд̇и д̣̇ассзд̇и. д̇ад̇о т̇зро ‘‘наваубосат̇ааг̇аарз вияа б̣ахунаа гаммзна ид̇ха бхавид̇аб̣б̣а’’нд̇и жинд̇зд̇ваа жан̇гамаа оруяха бан̣н̣асаалам̣ бависид̇ваа нисийд̣̇и. д̇ам̣ д̣̇ассзд̇ум̣ звам̣ вуд̇д̇зд̇иаад̣̇и вуд̇д̇ам̣.
412.Evaṃme sutanti ghoṭamukhasuttaṃ. Tattha khemiyambavaneti evaṃnāmake ambavane. Dhammiko paribbajoti dhammikā pabbajjā. Adassanāti tumhādisānaṃ vā paṇḍitānaṃ adassanena. Yo vā panettha dhammoti yo vā pana ettha dhammo sabhāvo, tasseva vā adassanena. Iminā ‘‘amhākaṃ kathā appamāṇaṃ, dhammova pamāṇa’’nti dasseti. Tato thero ‘‘navauposathāgāre viya bahunā kammena idha bhavitabba’’nti cintetvā caṅkamā oruyha paṇṇasālaṃ pavisitvā nisīdi. Taṃ dassetuṃ evaṃ vuttetiādi vuttaṃ.
413. жад̇д̇ааромз б̣раахман̣аад̇и т̇зрасса гира зд̇ад̣̇ахоси – ‘‘аяам̣ б̣раахман̣о ‘д̇хаммигам̣ баб̣б̣аж̇ж̇ам̣ убаг̇ад̇о саман̣о ваа б̣раахман̣о ваа над̇т̇ий’д̇и вад̣̇ад̇и. имасса жад̇д̇ааро буг̇г̇алз д̣̇вз жа барисаа д̣̇ассзд̇ваа ‘жад̇уд̇т̇ам̣ буг̇г̇алам̣ гад̇арааяа барисааяа б̣ахулам̣ бассасий’д̇и бужчиссаами, ж̇аанамаано ‘анааг̇аарияабарисааяа’нд̇и вагкад̇и. звамзд̇ам̣ сагамукзнзва ‘д̇хаммиго бариб̣б̣аж̇о ад̇т̇ий’д̇и вад̣̇аабзссаамий’’д̇и имам̣ д̣̇зсанам̣ аарабхи.
413.Cattārome brāhmaṇāti therassa kira etadahosi – ‘‘ayaṃ brāhmaṇo ‘dhammikaṃ pabbajjaṃ upagato samaṇo vā brāhmaṇo vā natthī’ti vadati. Imassa cattāro puggale dve ca parisā dassetvā ‘catutthaṃ puggalaṃ katarāya parisāya bahulaṃ passasī’ti pucchissāmi, jānamāno ‘anāgāriyaparisāya’nti vakkhati. Evametaṃ sakamukheneva ‘dhammiko paribbajo atthī’ti vadāpessāmī’’ti imaṃ desanaṃ ārabhi.
414. д̇ад̇т̇а саарад̇д̇арад̇д̇аад̇и судту рад̇д̇арад̇д̇аа. саануг̇г̇ахаа ваажаа бхаасид̇аа сагааран̣аа ваажаа бхаасид̇аа. вуд̇д̇ан̃хзд̇ам̣ маяаа ‘‘амхаагам̣ гат̇аа аббамаан̣ам̣, д̇хаммова бамаан̣а’’нд̇и.
414. Tattha sārattarattāti suṭṭhu rattarattā. Sānuggahā vācā bhāsitā sakāraṇā vācā bhāsitā. Vuttañhetaṃ mayā ‘‘amhākaṃ kathā appamāṇaṃ, dhammova pamāṇa’’nti.
421. гим̣ бана д̇зд̇и г̇ихи наама габбияамби агаббияамби вад̣̇зяяаад̇и вивзжанад̇т̇ам̣ бужчи. гаараабзсийд̇и маабзси. гаараабзд̇ваа жа бана гаалам̣ гад̇ваа саг̇г̇з ниб̣б̣ад̇д̇о. зд̇асса гира ж̇аананасиббз маад̇арамби бид̇арамби гхаад̇зд̇ваа ад̇д̇аава гхаад̇зд̇аб̣б̣од̇и ааг̇ажчад̇и. зд̇ам̣ сиббам̣ ж̇аананд̇о табзд̇ваа зд̇ам̣ ан̃н̃о саг̇г̇з ниб̣б̣ад̇д̇о наама над̇т̇и, зса бана т̇зрам̣ убаниссааяа бун̃н̃ам̣ гад̇ваа д̇ад̇т̇а ниб̣б̣ад̇д̇ид̇ваа жа бана ‘‘гзнаахам̣ гаммзна ид̇ха ниб̣б̣ад̇д̇о’’д̇и ааваж̇ж̇зд̇ваа яат̇аабхууд̇ам̣ н̃ад̇ваа згад̣̇ивасам̣ ж̇ин̣н̣ааяа бхож̇анасаалааяа бадисан̇каран̣ад̇т̇ам̣ сан̇гхз саннибад̇ид̇з мануссавзсзна ааг̇анд̇ваа бужчи – ‘‘гимад̇т̇ам̣, бханд̇з, сан̇гхо саннибад̇ид̇о’’д̇и? бхож̇анасаалааяа бадисан̇каран̣ад̇т̇анд̇и. гзнзсаа гаарид̇аад̇и? гходамукзнаад̇и. ид̣̇аани со гухинд̇и? гаалан̇гад̇од̇и. ад̇т̇и банасса гожи н̃аад̇агод̇и? ад̇т̇и згаа бхаг̇инийд̇и. баггосаабзт̇а нанд̇и. бхигкуу баггосаабзсум̣. со д̇ам̣ убасан̇гамид̇ваа – ‘‘ахам̣, д̇ава бхаад̇аа, гходамуко наама имам̣ саалам̣ гаарзд̇ваа саг̇г̇з ниб̣б̣ад̇д̇о, асугз жа асугз жа таанз маяаа табид̇ам̣ д̇ханам̣ ад̇т̇и, д̇ам̣ г̇ахзд̇ваа иман̃жа бхож̇анасаалам̣ гаарзхи, д̣̇аарагз жа босзхий’’д̇и вад̇ваа бхигкусан̇гхам̣ ванд̣̇ид̇ваа взхаасам̣ уббад̇ид̇ваа д̣̇звалогамзва аг̇амааси. сзсам̣ саб̣б̣ад̇т̇а уд̇д̇аанамзваад̇и.
421.Kiṃ pana teti gihi nāma kappiyampi akappiyampi vadeyyāti vivecanatthaṃ pucchi. Kārāpesīti māpesi. Kārāpetvā ca pana kālaṃ katvā sagge nibbatto. Etassa kira jānanasippe mātarampi pitarampi ghātetvā attāva ghātetabboti āgacchati. Etaṃ sippaṃ jānanto ṭhapetvā etaṃ añño sagge nibbatto nāma natthi, esa pana theraṃ upanissāya puññaṃ katvā tattha nibbattitvā ca pana ‘‘kenāhaṃ kammena idha nibbatto’’ti āvajjetvā yathābhūtaṃ ñatvā ekadivasaṃ jiṇṇāya bhojanasālāya paṭisaṅkharaṇatthaṃ saṅghe sannipatite manussavesena āgantvā pucchi – ‘‘kimatthaṃ, bhante, saṅgho sannipatito’’ti? Bhojanasālāya paṭisaṅkharaṇatthanti. Kenesā kāritāti? Ghoṭamukhenāti. Idāni so kuhinti? Kālaṅkatoti. Atthi panassa koci ñātakoti? Atthi ekā bhaginīti. Pakkosāpetha nanti. Bhikkhū pakkosāpesuṃ. So taṃ upasaṅkamitvā – ‘‘ahaṃ, tava bhātā, ghoṭamukho nāma imaṃ sālaṃ kāretvā sagge nibbatto, asuke ca asuke ca ṭhāne mayā ṭhapitaṃ dhanaṃ atthi, taṃ gahetvā imañca bhojanasālaṃ kārehi, dārake ca posehī’’ti vatvā bhikkhusaṅghaṃ vanditvā vehāsaṃ uppatitvā devalokameva agamāsi. Sesaṃ sabbattha uttānamevāti.
бабан̃жасууд̣̇анияаа маж̇жхиманигааяадтагат̇ааяа
Papañcasūdaniyā majjhimanikāyaṭṭhakathāya
гходамукасуд̇д̇аван̣н̣анаа нидтид̇аа.
Ghoṭamukhasuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / маж̇жхиманигааяа • Majjhimanikāya / 4. гходамукасуд̇д̇ам̣ • 4. Ghoṭamukhasuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / маж̇жхиманигааяа (дийгаа) • Majjhimanikāya (ṭīkā) / 4. гходамукасуд̇д̇аван̣н̣анаа • 4. Ghoṭamukhasuttavaṇṇanā
